عرض المشاركات

هنا يمكنك مشاهدة جميع المشاركات التى كتبها هذا العضو . لاحظ انه يمكنك فقط مشاهدة المشاركات التى كتبها فى الاقسام التى يسمح لك بدخولها فقط .


الرسائل - احمد عراق

صفحات: [1]
2
اخي صاحب الموضوع اثنينهن زينات بس بنظري هيوستن للي يريد ياكل خبزه وبيها جاليه عربيه وناس محترمه اعرفهم صارهم 30 سنه هنا ويجوز متاقلمووون مع "الصراصر" لان ما شقت واحد منهم شكى من "صرصور" واني شقتي الحمد لله ما شفت "صرصور" وللعلم كنت يجورجيا مو صراصير عبالك خفاش من كد الزرع داير مداير البيت، واللي اعرفه اكثر اعضاء المنتدى غاللبتهم في هيوستن والحمد لله مستقرين وراضين بقسم الله

3
اكيد هيوستن اذا تريد فرص عمل، بس مو حلوة مثل باقي المدن بس اني اعتبرها جيده وبيها هوااااااي جاليات عربيه وقدماء جدا

4
Www.ncees.comهنا الموقع بي كل المعلومات اختار الولايه وامتحان الاف اي

5
السلام عليكم اخوان
اللي يريد يشتغل سيكيورتي غير مسلح بس شرط لغته زينه وعنده سياره، ينطيني علم لان محتاجين 3 بالشركة اللي اشتغل بيها

6
والله اني اايدك من ناحية تصنيف العوائل العراقيه فقط.. خوش تصنيف  مائه المائه ومع وجود بعض الناس متمسكه باصالتها

7
يومي 18-19 ومن شهر جانيوري واعتقد مكانهم يشكرلاند

8
سلام عليكم
طبعا ابتداءا من السنه الجديدة 2014 الامتحان راح يصير عالكومبيوتر والاحلى انه التسجيل رح يكون مفتوح طيلة السنه وانته تحدد اي يوم تادي الامتحان يعني ماكو بعد تنتظر شهر عاشر ورابع لا انته تختار اي يوم بس ضمن اشهر محدده اللي هي حسب ما اتذكر FEB و JAN , April , 
MAy وهكذا تقريبا 8 اشهر بالسنه والك حق تمتحن ثلاث مرات خلال 12 شهر يلا اللي قاري خلي يروح شهر الواحد يمتحن وبالتوفيق للجميع

9
تشرفونه بمروركم طبعا .. واخي الذكي هذا الجدول هو مو نتيجتي هذا موجود على موقع ال ncees  واني نزلته كمثال للاخوه حتى يشوفون منه ويتعلمون اني دزولياه بالابيض واالاسود هو يجي  مو ملون بس للتصحيح وشكرا لمرورك وان شاء الله اعيده عالرابع وصار عن طريق الكومبيوتر الامتحان بتكساس ..اخي العزيز جوكر انا لا اجزم ولكن لا اعتقد انه بامكان خريجي العلوم يادوه ومحصور بالمهندسين, لان حتى لو ميطلبون منك شهادة لتادية الامتحان وراهه من تنجح اكو خطوات ويه البورد اوف انجنير يطلبون شهادتك حتى تتسجل ك مهندس تحت التدريب EIT

10
اذا كلام الناس هيجي يسوي بيك ويوديك ويجيبك ف لا تسافر احسلك
والله ابلغ كلام هذا.. حبيبي كلمن هنا يحجيلك عن وضعه وعن اللي يشوفه.. بس بعض الاحيان تعتمد عالولاية اذا على تكساس فبيها ولكم مني 1100 للواحد وشي طبيعي المنظمة يتصرفون بي وينطوك كم صك على احتياجك والباقي يدفعولك ايجار ووكهرباء واثاث واما بعدها فود ستامب يجيك ويخلوك على الار سي اي برنامج يدفعلك ايجار 8 اشهر اربعه كاملات واربعه نص المبلغ وبكل الاحوال لازم تحصل شغل والله اني اقدم اون لاين ورحمة من الله الشغل طبعا هاي هيوستن تكساس يعني اشتغلت شهرين وبطلت ووراهه اشتغلت هسه وجاي اخاول احصل شغله ثانية

11
اليوم استلمتي نتيجتي اني امتحنت شهر العاشر وطلع السكور مالتي 63 وماعبرت وطبعا اخوتي الامتحان كلش بسيط والله العظيم بس مالحكت اقره ومع العلم هاي درجتي اني مدني اعلى درجة عندي جانت بالميكانيك والفلود 87 . والمقاومه 75.طبعا يقارنون درجة كل مادة ويه معدل درجات الطلاب الناجحين بيها,, يعني يجوز  تاخذ 50 بمادة تعتبر ناجح وعابر الكل بهواي ومره 50 بمادة ثانية تعتبر راسب بهوااي.. عالعموم اني رح اخذه بالرابع وبصراحة اني اشجعكم انه تاخذوه لان جدا بسيط وماكول محالفني الخظ لان كل قرايتي كانت شهر مع الشغل طبعا وكلش فرحان بالنتيجه واعتقد لو كانت 70 جان عبرت بس الحمدلله وطبعا اللي ميتوفق يدوزلك تقرير تشخيص يبين اماكن الضعف والقوه عندك هذا نموذج موجود بالموقع اللي حاب يطلع عليه ..
http://cdn2.ncees.co/wp-content/uploads/2012/11/diagnostic-reports_FE-Diagnostic-Report-and-Interpretation2.pdf

13
والله اخي اني بهيوستن معلوماتي عن مونتي كارلو مو زين وقبل فترة سمعنا عائلة عراقيه انباكو بي وبالاضافه تره بوكا سبرنك وستيرلنك بوينت هم مو زينات ...

14
 قصدك الفود ستامب اني شو مانزل

15
السلام عليكم اخوان
حبينا نعرف منو مسجل بالامتحان الجاي مال اكتوبر 26 اني سجلت واليوم اجتني ورقه الموافقةة وطبعا مصارلي هواي اقره وماعرف شلون رح ادخل وعلى الله,,طبعا اني مدني وقررت اتبع تكتيك مثل مذكر احد الاخوه فراح اقره رياضيات وميكيانيك وفلود واقتصاد هندسي واذا لحكت اقره مواد ذني بيهن خوش درجه والباقي اسويهن دمبله,هسه خلصت ميكانيك ورياضيات وباقي فلود واقتصاد مجاي الحك شغل واحتياجات بس شنسوي بلكي,,واني مقدم على ولاية تكساس,وشكرا

16
السﻻم عليكم
طبعا الانتقاله صارت طبيعيه ومخسرت اي شي من المساعدات بس شويه خساره من جيبنا صار بيها بس الحمد لله على كل حال اني اهم غرض من كتابة الموضوع ولو متاخر انه اريد اقدم شكري واعتزازي باحلى ناس وارقى ناس ساندوني بالانتقاله ،طبعا شكري للاخت شبعاد وزوجها الكريم والشهم والصديق الغالي لان ابد مقصروا واني بجورجيا قامو ا بحجز لي في فندق ولكيتهم منتظريني بمحطة الوصول والاستقبال حتى المنظمة ماتسوي هيج وبسيارتهم للفندق وماكتفوا بذلك لا لكيتهم مسوكين الي مسواك مال اسبوعين يعني حقيقه خجلوننه بس شنسوي هاي اخﻻق اهلنه وطبعت اول ايام كلها بسيارتهم وابد ماقصروا وربي يوفقهم ويحميهم، الشخص الثاني الي اريد اوجهله شكري هو اﻻخ العزيز والغالي ابو مريم ابد والله ماقصر ورتبلي امور تاجير الشقه وكدر يشغلني باول اسبوع فحقيقه انسان رائع وكدر يشغلني باول اسبوع وهم سيارته وياي وبالزايدة والناقصه وهسه هو احلى جار وصديق شكري للشخصين والعائلتين الكريمه لمواقفهم الاصيله

17
هذا كود المطار وهو اختصار احرف المدينه الرايح الها مثلا مطار النجف رمزهNJF وهكذا دكه بالكوكل تطلعلك يا مدينه

18
السلام عليكم
ماعرف الشغله صعبه لو عادية اني رح انتقل من جورجيا لهيوستن تكساس اريد  ااجر شقه حتى مناك اقدم عالمنظمة بس اللي عرفته محد ياجر لان ماعندك شغل ولارصيد بنكي فاللي يكدر يسوي تسهيل امر او يدلني على طريقة مثلا يعرف منظمة كبل تسكنني اذا اجي عليها لو مجمع ميردون شروط عالايجار علما اني صارلي 25 يوم من دخلت امريكا

19
شكرا اختي شبعاد سعيكم مشكور والتسهيل من الله
شكرا اختي ام اتنا والله قررنا نحول تعبانه هنا الوضعيه ... بس شغلة الاستقبال هناك نريد نرتبها  والله كريم شيكون احسن من هنا

21
السلام عليكم اخوتي الاعزاء
طبعا اني صارلي فترة اجيت لمدينة سافانا بولاية جورجيا طبعا اكيد الاغلب مسامع بيها بس هاي مدينة صغيره ومبيها شغل هواي ومنظمتنه تعبانه بحيث المانجر باتلانتا وهم فرع بسافانا ومبيها لامحلات حلال ولاشي واحنه بس عائلتين عراقيات المهم قررت انتقل لهيوستن وياريتني سمعت النصائح قبل لا اجي لهنا واثناء الرحلة بالمطار فاخوان ااالللي يكدر يساعدني بشغل اذا اكو اكون ممنون عموما اني انكليزيتي زينه وبلكي الله ..وشكرا

22
السﻻم عليكم
طبعا والحمد لله وصلت قبل 10ايام لمدينة سافانا وﻻية جورجيا..المدينه حلوة سياحية وهادئة بس بيها هواي سود والعمل ماعرف بعدني جديد بس اعتقد زين...بس اخوتي عندي سؤال انه الكيس ووركر مالتي لحد هسه ممقدمتلي على سوشال سكيورتي نمبر تكول ميصير اﻻ وره عشرة ايام من وصولك ولحد هسه لا سوشل وﻻ اجازه وﻻ حساب ماعرف تكول ﻻن انته اس اي في هل هذا الشي صحيح؟ممكن الي عنده خبره يكولي

23
اني اس اي في مقدم ننهاية2009ومقابا شهر الثاني 2013

24
انطوني موعد سفر يوم 16 -7 وخط الرحلة بغداد-همتن-فرانكفورت-نيويورك ان شاء كلكم تفرحون بسفركم ونكنس الموقع كنس

25
والله يا اخي اني هم دزيت فيزتي يوم 19 كالو اسبوعين اذا محد اتصل بيك من عدنا انته اتصل بينا ..وهسه اعد وانتظر..نريد نسافر قبل رمضان

26
السلام عليكم اخوتي الكرام
الى خبراء الحياة في امريكا ...التطوع مع منظمة استقبال اللاجئين هل ينفع بشي؟ماهو ايجابياته حيث اني وجدت المنظمة التي تستقبلني قد فتحو باب التطوع للعمل معهم كمتطوع وبودي اني اعرف هل تنفعني بشيء ام لا

27
السلام عليكم
حسب علمي انه الكرين كارد يمنح اقامة دائمية لمدة عشرة سنوات لكن العباره التاليه l مكتوبه على فيزا الاس اي في
upon endorsement serves as temporary  I-551 evidencing permanent residence for 1 year
تعني انها اقامة لسنه واحده!

28
وين اهل الخبره

29
يالله..

30
السلام عليكم
اني منتظر السفر وحددولي منظمة اسمها Lutheran services of Georgia ارييد اعرف شلونها هاي المنظمة بمعلومتكم اخوتي...علما حددولي ولايجة جورجيا ,,,مدينة سافانا واعتقد اني اول واحد بهالمنتدى رايح لهاي المدينة اذا مو اول مهاجر عربي ههههه ..ودزولي Assurance form هم شنو هاي احتفظ بيها لو شنو..وشكرا مقدما

31
الهجرة و واللاجئين / رد: فيزا siv
« في: 15:37 13/06/2013  »
لا اخي بالعكس اني اخاف الاي او ام ياخرون سفري ه وعد وانتظار...اني ودي خلال عشرة ايام اسافر

32
الهجرة و واللاجئين / رد: فيزا siv
« في: 21:28 12/06/2013  »
والموعد اللي ينطوه ؟شهر لو اقل لو اكثر

33
الهجرة و واللاجئين / فيزا siv
« في: 21:05 12/06/2013  »
السلام عليكم اخوان شكد فترة بين استلام الفيزا الاس اي في من مكتب ال دي اج ال  والسفر عن طريق اي او ام  للي عنده خبره رجاءل

34
اخوان حبيت ابشركم اليوم دخلت الموقع ولكيت الفيزا صادره الحمد لله والشكر اني مقابل 13-2-2013 بس مقدم من زمان نهاية 2009 وهاي نزلت صورة الموقع ادري تتمنون تشوفوها يارب تشوفوها كلكم عن قريب شوفو شحلاتها

35
اخوان شكر من كل قلبي للي هنوني ..بالنسبة الي مقدم من زمان يعني نهاية 2009 بس مقابلتي كانت 13-2-2013 وماعندي كفيل واختارولي جورجيا مدينة سافانا ...يعني تطول ششهر؟

36
الهجرة و واللاجئين / ايميل منSIV
« في: 17:11 04/06/2013  »
السلام عليكم اخوان..
طبعا دخلت لموقع السفارة لتجييك حالة الفيزا فشفت 3 ايام على التوالي تحديث بحالة ملفي 29و30و31 ووراها دزولي ايميل كالو ملفك بالفاينل ستيج ولازم تدز جوازاتكم باسرع وقت...هل من الممكن الفيزا صدرت؟وشكد تطول العملية للسفر بنظركم ..وشكرا

37
شكرا جزيلا اخوتي الاعزاء بس لحد هسه ما لكيت واحد بسافانا قبلي يجوز اني اول مهاجر رح اصير ههههههه

38
شكرا جزيلا اخت جورجيا..زين سؤالي عن جورجيا بشكل عام شلونها زينه؟اني سمعت انه قوانينها صعبه قد تصل احيانا للحبس بمجرد مخالفة معينه اكو هيج لو مو جورجيا هاي؟اذا حصلتي اي شغلات عن سفاناياريت بس من ناحية العمل

40
اني طلعلي جورجيا مدينة سافنا ممكن معلومات عن هاي المدينة

41
السلام عليكم
اني حددولي مدينة Savannah سافانا بولاية جورجيا ممكن احد عنده معلومات عن هاي المدينه او عن جورجيا بشكل عام اني اس اي افي وشكرا

42
والله اني فالت من الدزاين والساب سوالف الستركجر لان مواده بيها تربه واسس وستيل اعتقد ..بس هم خايف خاف بالتوظيف يركزون عالسفل! يعني اذا رادو مهندس مدني كون شرط ممتحن سفل حسب تصوري طبعا يعني تحليل فالافضل اذا واحد يكدر اكيد يمتحن سفل والله كريم

43
حبيبي استاذ ايكل هيد لا عندي كالاكسي 3 اذا يرهم اكون ممنون .وانتر شراح تختار الاوزر لو سيفيل

44
والله شكرا جزيلا زميلنا صقر والشكر موصول الى الاخ الذكي بالحقيقة كما تفضلتم اني بعدني بالعراق وناوي اقراه بس المشكله ماكو مصادر بالعراق رح احاول اشتريه من هاي المواقع وبلكي يوصل باي طريقة للعراق ..بس بالنسبة للي اجتازو والاخ الذكي اني قاري موضوعك المميز عن هذا الامتحان سؤال اذا اختاريت other deciplain واني مدني هل يؤثر في التعيين لاصحاب العمل يعني ال civil اكثر اختصاص بالهندسة المدنية بس مشكلته صعب وبي ديزاينر فما اعتقد اكدرله ..لان الشهادة حسب علمي عباره عن جدول يبين بي مكامن القوه لديك ومكامن الضعف يعني مثلا قوي بالميكانيك وضعيف بالرياضيات وبالعكس وهذه المؤشرات هي التي ياخذها ارباب العمل لمعرفة مهاراتك حسب فهمي وعلمي فمثلا لو اخترت ال other ما بي شي يشير الى الاختصاص المدني مثل المساحة والتربة والاسس ولكم الشكر طبعا

45
شكرا جزيلا اخي القديس

46
من خبرتي المتواضعه بما انه اني هم مهندس مدني اكثر هاي الشركات تلكه وظائفها على موقع LinkedIn   تعلن دائما هناك سوي بالموقع حساب مرتب وارفع السي في مالتك وحتى رح تلكه اكثر الريكورتيه مثل ميكولون موجدين هناك

47
لاصحاب التجربة

48
تكدر اتنزلها من الانترنت موجود الهاندبوك ونماذج الاسئله
لا اريد كتب يعني مموجود بمكتبات بغداد؟مو تدري البي دي اف صعب تقره هواي بالحاسبة اذا ماتلزم الكتاب ودفتر مسوده وقلم وما تحس روحك لن المسوده صايره سوده

49
الهجرة و واللاجئين / سؤال عن FE Exam
« في: 10:40 26/01/2013  »
الاخوه المهندسين الكرام ..ارجو ارشادي اين اجد كتب عن ال fe في بغداد يعني المانوال وبقيه الكتب هل متوفره في بغداد؟وشكرا

50
عالخير والبركه اخي العزيز بس كولي شوكت قابلت بالسفاره؟

51
والله الشغله تحير..هسه نلقح لو ما كو تلقيح..زين اني بال 260 كتبت ما ماخذ لقاحات ومن اجاني موعد مقابله طلبو اللقاحات اللي اخذها بالاسم وكالو شوف الطبيب يشوف شنو اللي تحتاجه من ذني من عدمهن..اعتقد اللقاحات ضروريه وشغله واضحة ليش واحد يتفلسف وياخر روحه

52
شكرا لك اللي ردو ...اخي بالنسبة لل دي اس 260 اني كتبت كلا ...لانه ماداخل امريكا قبل وهسه رح اسوي لقاحات ..يعني من نروح لامريكا هم اكو هناك لقاحات؟اني اعتقد هاي المتبعه باكثر طرق السفر والوافدين انه تلقخ فزحفوها لهاي المرحله والله اعلم

53
الهجرة و واللاجئين / لقاحات siv
« في: 13:32 19/01/2013  »
السلام عليكم
بالنسبة للقاحات الاس اي في هل هاي جديدة مو كانت اللقاحات تعطى عند الوصول للاراضي الامريكية؟بعد مترتب السوشال وهاي الشغلات اني سامع هواي من قصص الوصول يكولون وره يومين رحنه نكمل اللقاحات ..ماعرف ليش خلوها قبل المقابله هل هاي تخص انه انته خلص رح تسافر مجرد صدور الفيزا..ارجو الرد من اصحاب الخبرة

54
السلام عليكم اخوان..
اثناء تصفحي لموقع ال وزارة الخارجية لكيت هيج معلومات
Must I pay a fee after my visa issued?

Yes, if you receive your immigrant visa on or after February 1, 2013. You must pay the USCIS Immigrant Fee to the U.S. Citizenship and Immigration Services (USCIS) after you receive your immigrant visa and before you travel to the United States. (IR-3, IH-3, IR-4, IH-4, SB-1, SI-1, SI-2, SI-3, SQ-1, SQ-2, SQ-3, K-1, K-2, K-3, and K-4 visa holders will not pay the fee.) Select USCIS Immigrant Fee on the USCIS website for more information.

Important Notice: USCIS will not issue a Permanent Resident Card (Form I-551 or Green Card) until you have paid the fee.
هل هذا يعني اكو اجور جديده لو شنو السالفه ؟حسب فهمي ندفع اجور معاملة الفيزا وهذا الرابط
http://travel.state.gov/visa/immigrants/info/info_3744.html
بلكي اني افتهمت غلط

55
هي ال ان في سي كلها مطولت شهر هسه يدزولك موعد بس انته كملهن اسرع بيهن

56
السلام عليكم اخوان
اني بعدني ممكمل اوراقي لل ان في سي يعني باقي صورة قيد ومستمسكات مدنية بس هسه تفاجات محدديلي موعد مقابله ويردون فحص طبي وكالو تحولت للسفارة للبغداد...سؤالي ارسل المستمسكات الباقيه للان في سي لولا؟اجيبهن بالمقابله المترجم والاصلي؟وشكرا

57
الاخوه اللي اجتازوا الامتحان وبالخصوص الاخ الذكي...هم عملت بعد الاكتحان بشهادتك ام لم تحصل لحد الان على عمل

58
حبيبي دزها عالايميل ني هيج سويت وهسه عبرت المرحلة هم هيج تره همه ذاكرين تدزها بلايميل

59
على راسي ابو ساره الورد

60
السلام عليكم اصدقائي ممكن استغني عن عدم المحكومية ودوختها بان اكتب تعهد او اي شي وشتكولون تمشي؟لان اني من محافظة بعيده وصعبه اجي لبغداد مرتين ,منو ممنطي عدم محكومية وزين هي هاي الوثائق نرسلها بالايميل لو ناخذها ويانه للمقابلة وشكرا وحبابين اليدخل يجاوب ولو زحمه

61
مرحبا
ان شاء وجهتنا على هيوستن بس من دا ادخل عاليوتيوب اشوفها مدينه حلوة وبيها ناطحة سحاب..بس شو شوارعها خاليه يعني ماكو ناس شنو اللقطة؟اني مشتبه لو هي هيج اللي يعرف اتمنى ايجاوب لان هذا الشي هبطني شويه يعني ماعدهم باب الشرجي مثلا؟

62
بس ممكن نعرف الامتحان من شكد؟ ومن شكد رقم يعتبر ناجح يعني مثلنا بالعراق اليجيب 50 من ميه ناجح لو غير شي؟

63
ماعرف شنو المقصود عباءة وبيها ورده؟...يعني استهزاء او تقليل من شان الناس اعتقد اغلبنه اذا مو كلنا امهاتنا لابسه عباءة وهذا شيء مو معيب اعتقد وثاني شي ماعتقد واحد بالمطار لابس فانيلا علاكه عراقي اعتقد لك غاية بهذا التوصيف عموما اعتقد ان الله سيرزقهم في امريكا على نيات هذه المراة الطيبه ..تمنياتي لك انت بالتوفيق ايضا

64
والله كفيت ووفيت اخ ايكل هيد اني مهندس مدني طبعا ...بس نريد نعرف الفترة بين ال اف اي وا بي اي بعضهم يكولون لازم تشتغل 3 سنوات او اربع ياله يحقلك تمتحن .. اكو هيج شي؟

65
والله يا زملائي اني ما اريد اجتهد بهذا الموضوع لان اكو اساتذه اتحفوا هذا الموضوع بس اللي اعرفه انه اي مهندس من يريد يزاول مهنته يجب ان يمتحن FE والي هو اساسيات الهندسة وبعدين وراها يمتحن Pe الي هو بروفيشنل انجنير ياله تكدر تشتغل كمهندس اما الي يريد يكمل ماستر هم اكو امتحان قبلها اعتقد جي ار اي وهاي الشغلات كلها بعد متعادل شهادتك..والله من وراء القصد

66
اخ فالكون اتحفتني بردك حقيقة انا من المتابعين القدماء لمواضيعك ومن المستفيدين منها بالطبع فشكرا لك ..وابريلنا الذمه هههه بس سؤالي هاي ال3 سنين الخبرة شرط نكون بامريكا؟
 

67
شكرا لمرورك ابو مريومة تمنياتنا لك بالتوفيق

68
شكر عالمداخله ايكل ...وبالفعل هذا ببالي وماعرف هل يوجد مهندس خريج امريكا في امريكا  يشتغل بشغلات ادنى من شهادته؟مو؟

69
السلام عليكم..
الى الزملاء المهندسين اللي بامريكا والذين يرومون الوصول. اكيد من خلال المعلومات تكونت فكرة عن الدراسة فاي طريق ستسلكون ولماذا طريق معادلة الشهادة وامتحان fe و Pe؟ ام ستكمل الماستر

70
شكرا سنايبر وشكرا ساره هذا الكلام يدل على من لامس الحقيقة لا من يطلق اشاعات هنا وهناك تعكس حالته النفسية وشكرا

71
أخي العزيز

بالنســــبة لموضوع الزوجة هذه مســــألة غير مقبولة مطلقاً وحضرتك جاي أصنف وتستهزيء بزوجته بكلمة أميرة ديانا الامرأة العراقية الشريفة والمحترمة.... تسوة ألف أميرة من ديانا وغيرها إلي فضياحهم مالية الجرايد,,,,,,,,,,,,وهذا من حقه وأي أنســـــــان عنده ذرة غيره على عرضه ما يقبلها 12 ســـاعة تكعد زوجته ويه رجل غريب شبقه بس نعقد عليهم ونسويلهم عرس

استغرب على اسم الموضوع ليش صارت الغيرة على العرض سلوكيات غريبة بنظرك


أما قضية تصرفاته بنزع البنطلون أو نزع الحذاء فهذا أسلوب غير حضاري ودليل على أن الرجل الظاهر فهمه على كده وثقافته ضعيفة والسبب الاربعين سنة من التخلف واكثر ألي عاشه الشعب العراقي ومن تراجع إلي 90% من شعبه محروم من السفر وركوب الطيارة وميركب الطيارة إلي من واحد يريد ينهزم من البلد....فهذا الامر مرفوض والواحد المفروض ينبه ويكرر عليه حتى يفهمه يأن الطيارة للسفر مو منزع للملايس .......

أؤيد رايك ميه الميه منو يقبل زوجته تكعد وي غريب


72
السلام عليكم .
سؤالي عن الدراسة في امريكا هو ان الطلبة الذاهبين هن طريق الحكومة العراقية يكملون الماستر والدكتوراه حسب الاصول وبدون معاناه يعني اللي رايحين عن طريق البعثات والزمالات يلتحقون بالماستر مباشرة فلماذا في الولايات المتحدة لا يعترفون بالشهادة العراقية من قبل اللاجيء او المهاجر ويعترفون بها اذا كانت بعثه او غيرها ثانيا اللي اعرفه بعض الجامعات العراقية مدرجة على لائحة اليونسكو ومعترف بها من قبل هذه المنظمة فلماذا امريكا لا تعترف بها وتطلب من اللاجيء معادلة وامتحانات وغيرها ارجو الاجابة من اهل الخبرة

73
حبيبي انت دتعال والله يسهل, يرادلك فد 6 اشهر يلا تطلع اجازة السوق
وفد سنة يلا تتعلم القوانين بالشارع

اما التكسيات فهيه شركات تروح تاجر منهم التكسي وغالباً يكون بـ$50 دولار باليوم
سته اشهر شنو؟دتشاقه لو صدك؟ اكوحكمة تكول" نصف العلم قول لا اعلم" خاف بالشيشان هاي؟

74
مبروك اختي وعالخير بس بلا زحمة انتي SIV?

75
بصراحه اني بعدني بالعراق بس ان شاء الله على هيوستن...بس تعرفون العمل هو العمود الفقري وعصب الحياة وفكرت بهيج شغله عالاقل مبيها تعب يعني واحد يمشي روحه لحد ميكمل شهادته يبقى يشتغل تكسي اتمنى شرح وافي للي مطلعين اكثر

76
السلام عليكم
اخوان اللي بامريكا افيدونا جزاكم الله ..يكدر الواحد بعد ميوصل لامريكا يشتغل سايق تكسي؟يعني يشتريله سايبا ويطكطك؟ لو ميصير؟ واذا يصير منو يعرف الاجراءات وخط سير المعاملة وشكرا

77
رفع لمن عنده توضيح

78
السلام عليكم طبعا اني مهندس مدني بس صديقي سالني انه التربية كيمياء هو SIV يكدر واحد هناك يكمل وموجود هذا التخصص وشلون يعني يعادل الشهادة ويكمل البكالوريوس لو يكدر يقدم عالماستر ...طبعا ملاحظه اني من زمان مشترك بهذا المنتدى الرائع بس قليل المشاركات اللي دالاحظه هالمرة قليلة المشاركات كانت فيض معطاء ماعرف شنو السبب وتحيتي الكم يا اخواني

80
بلازحمه بس ردنه نعرف هاي الفاينانشل ايد مسترده ؟ام لا؟ وشلون رح يكون الاستقطاع ؟وهل تغطي كل تكاليف الدراسة ؟وشكرا

81
كان ما تفوهت به هو الذي يجول بخاطري والله كو مهندسين من ربعي يحسب باصابعه وبالاضافه انه  بعض الاخوه وليس الكل يسرد هنا فقط العثرات والوجه السوداوي للحياة هنا والمخاطر وقصص الفشل قلما يسردون قصص النجاح

82
ولو متاخر بس كلش عجبني الموضوع
بكالوريوس هندسة مدنية ...وحشاش مال مواقع عمل ...بعدني بالعراق

83
رائي المتواضع هو :
ومن يتهيب صعود الجبال      يعيش ابد الدهر بين الحفر

84
اكيد انتخب مايك ...عفوا اشغل مايك بيش حكه شهادتي ..الله كريم شكرا للتوضيح بس يعني ماكو مهندس مدني عراقي اشتغل باختصاصه؟

86
السلام عليكم
طبعا اني ببداية المشوار وناوي السفر لامريكا ان شاء الله بس اكيد اللي هيج شي بباله يكون هاجسه الرئيسي هو السؤال عن فرص العمل ومن خلال قرائتي لمواضيع هواي بالمنتدى بصراحة لكيت مواضيع متناقضه بعضهم يكول حصلت عمل ومتفاؤل وبعضهم متشائم جدا وممحصل عمل خاصة المهندسين ,فهذ بالنسبة الي طبيعي جدا ,سؤالي هو اللي مشتغل اكثر من سنه بالعراق وي شركة انشاءات كبيرة يعني بالتحديد بارسونز وعنده شهادات من مدرائها هل هذا الشي رح يشفعله حتى يحصل عمل هناك باختصاصه لو لا ؟وشكرا

87
المشكله اني عبالي المشرف مالتي فكاتب عنوانه بهاي الخانه مادري اغلس لو اكولهم اكوا اشتباه لاسيما اني خوش مشيت بيها يعني كملت كل نواقصي وياهم وطبعا هم اكلكم معلومة دزيت قبل يومين وهسه ردو عليه يعني شو سريعين صايرين

88
 9 مشاهدات وماكو ولا رد؟!!! يلا هسه يجون اهلها

89
الهجرة و واللاجئين / استفسار SIV
« في: 14:13 16/12/2011  »
السلام عليكم اخوان واخوات
عندي استفسار حول مليء استمارة DS_157 السؤال رقم 8 يكوووول:
Full name and address of contact person or organization in the united State
هل المقصود هنا عنوان المشرف الامريكي اللي اشتغلنه وياه بالعراق ؟(يعني ابو الريكومنديشن؟)لو يريدون عنوان الكفيل بامريكا اذا عندي؟
ارجو الاجابه الوافره وساكون ممتنا

90
السلام عليكم
اخوتي الكرام هل استلامي ايميل معنون NVCSiV...يعني خلصت مرحلة الكوم ابروفال لو بعدني اراوح بيها؟ وشكرا لمن يتفضل بالرد

91
شكرا اخواني على الااهتمام والتوضيح بس يعني يصير بمرحلة الكوم يطلبون ذني الشغلات؟غير وراهه حسب معلوماتي؟

92
الهجرة و واللاجئين / سؤال في SIV
« في: 14:37 12/12/2011  »
سؤال في SIV
السلام عليكم طبعا اني من زمان مقدم عال اس اي في ولحد هسه والصراحة التقصير مني لان كلش يضوجون ويشلعون القلب بايميلاتهم لحد هسه بمرحلة ال com صارلي اكثر من سنه ونص من يدزون ايميل اتاخر بالرد لان نفس المطالب اسويهه ودتكرر عليه ماعرف شنو اللقطه المهم اخر شي طلبو Proof of nationality  شنو هاي بلا زحمة ؟ ووين الكاها وشلون اثبت القومية وشكرا

93
السلام عليكم اخوان اليوم وصلتني هاي الرساله تكول انه مستنداتك تحت المراجعه فهل يعني هذا انه عبرت الكوم ابروفال؟لا سيما عنوان الرساله NVCووياهه رقم طويل
We have received the documents attached to your email and your case is currently under review.  Once the review is complete, you will be notified with further instructions.

Sincerely,

 

Noah

SIV Unit

National Visa Center
بس اللي اريد اعرفه من اللي عنده معلومات حصلت الكوم ابروفال لولا؟

94
طبعا اني قبل كم يوم دزيت للكوم ابروفال معاملتي وبلكي علسنه الجديدة اكو تسرع ماعرف علويش هذا الروتين احنه نحجي على دوائر الدوله طلعو الجماعه اضبط..بس خايف من شغله وحدة مديري المباشر اعتقد بريطاني بس هي الشركة امريكية وال اج ار امريكي ومدير الشركه منطيني فرفيكيشن امريكي يعني السوبر فايزر كاتب ايميله @ الشركه يعني مو ياهو بس تلفونه يبدي ب 01 ماعرف بيا دوله ومامثبت عنوان APOماعرف شنو رجاءا الي عنده توضيح يكولي اني هيج دزيتها وكلت عود بعدين ادوخ بالتصحيحات

95
طبعا اهنيك باعتبار عبرت حصلت الكوم ابروفال وهسه اكيد الجماعه يجاوبوك لان انته تعتبر اقدم مني اني قبل اسبوع قدمت علمود الكوم ولو تكدر تكولنا شكد صارلك من قدمت اوراقك بالبداية

96
السلام عليكم طبعا شكرا جزيلا عالمعلومات الراقية اللي دنشوفها بهذا الموضوع وياريت يكون هناك ركن خاص عنوانه الدراسه بامريكا.. وبالنسبة لامتحان الرياضيات صحيح يجوز صعب دا اشوفه لان اني متخرج 2003 يجوز ناسي شكم معلومه بس احب انوه اذا مو معلوماتي قديييييمه الا انه اكو كتابين راقيين بالرياضيات يفلسن الرياضيات تفللللس وهو كتاب توماس Thomas كتاب مرتب بس ثخين اعتقد طلاب الهندسة شايفي بي كل الرياضيات من الرياضيات العادية الى التحليلات يعني واحد اذا عنده امتحان يكعد يحشش عليه فد اسبوعين رح يضبط الرياضيات 100% والثاني الكتاب اسمه سلسة شوووم يعني للي يريد يمتحن رياضيات انصحه بذني الكتابين وشكرا الكم.. نسيت اكولكم اني مهندس مدني ومقدم عالاس اي في ومن اولوياتي هو اكمال الدراسه بالخااارج اذا الله سهل وحصلت ال com ووراهه البلاوي وتخلص ههههههههههه

97
السلام عليكم..
سؤالي بخصوص عائلة الاعزب يال SIV شلون يكدر يسحبهم او يسوي لم شمل اللي اعرفه المسموح بس للي مزوج زوجته واطفاله ..زين شلون واحد اذا يريد يسحب اخوته او الوالدين؟ يعني من يوصل لامريكا يكدر يشتغل بيها؟ووره شكد ياله يصير مسموح اله يسحب احد اعضاء العائلة وشكرا ..علما اني بعدني ممحصل موافقة الكوم ودا اسال للمعلومات

98
السلام عليكم شباب
طبعا حبيت اعلق عالموضوع الاخ ستار الرائع لا سيما انه اني مهندس مدني وخريج 2003 ومشتغل لحد الان وي 3 شركات اجنبيه بالعراق ولحد هسه بس هماتين قدمت على الاس اي في لانه بصراحة دا احس ماكو مستقبل بالعراق وماكو فايدة اصلا صحيح هسه تتقاضى راتب ومدري شنو بس مقرر عالهجرة لان هناك اكو قيمة لنفسك ومستقبلك مضمون ومستقبل اطفالك بالمستقبل(من اتزوج عود) وادعولي كون تصير الاس اي في وبدون معوقات واني اثني على كلام الاخ دكتور هندسه وكذلك فيزنسو الهجره للي عنده طموح وبصراحة ومو شرط يكون مهدد صدكني ما استفاديت اي شي من شغلي من تخرجت لحد هسه وولا شهر كعدت من شركة لشركة ورغم ذلك السفر قراري لان عندي حكمة بحياتي تكول من يتهيب صعود الجبال يعيش ابد الدهر بين الحفر.. خلينا نجرب بلكي الله بهاي يوفقك وما اخفيك اكو مخاوف من احتمال الفشل بس اذا ماعجبتني الوضعيه ارجع شنو يعني  وسبب ثاني يخليني افكر بالهجره انه اني اخوتي مصابين بمرض بسيط مزمن هو تخثر الاورده العميقه وبصراحه مالهم علاج بالعراق والوالده هماتين عدها طخم كامل من امراض العصر وهي الذبحه والضغط والقلب ووو... وصارت عندي قاعده اذا ما تخالفوني عليها انه اي عراقي يعبر الاربعين يصير لو ضغط لو جلطه ههههههه نتيجة غياب الوعي الصحي طبعا وتردي الخدمات الصحية والمستشفيات فشنو فائدة انه تاخذ راتب زين مقابل يجيك واحد من هالامراض ومن ننظر لمستقبل الوطن العربي ككل فما اشوف صوره بيضه لان كلنه دنسمع هسه شديصير (العراق,فلسطين,اليمن ,لبنان ,مصر السعوديه ,ايران ) كلها عالكة من رحمة الله استقرؤو الموضوع زين وعموما الهجره قرار شخصي والعالم تره كلها مو نفس الاذواق ولا نفس التفكير ولا نفس التوجهات كلمن بقناعته..واتمنى ما اطول عليكم وحقيقة حلوة لمتكم هنا وياريت تسوولنه كروب مال مهندسين حتى نفيد ونستفاد وشكرا

99
الهجرة و واللاجئين / رد: عضو جديد
« في: 19:54 30/01/2010  »
الووووووووون يمعودوووون شو نفس الشي خامس رسالة بمرفقات ماكو اوتوربلاي .. اليوم اكلب الدنيا

100
بالتوفيق ان شاء بس كولي بروح جدك اني هم بديت ودزيت اوراقي قبلك بكم يوم بس ما جاني اوتو ربلاي! انته استلمت الاوتوربلاااااااااااااي

101
الهجرة و واللاجئين / رد: عضو جديد
« في: 19:12 29/01/2010  »
تسلمو يا طيبين اخوتي الاعزاء ..المشكله اني دزيت راسلة مبيها ملف مرفق اجاني اوتو ربلاي ومن دزيت اوراقي بالرسالة ميجينه ريبلاي! يعني شنو ميردون عالرساله الل بيها مرفقات؟لو شنو

102
الهجرة و واللاجئين / عضو جديد
« في: 07:28 29/01/2010  »
السلام عليكم اخوتي الكرام طبعا اني عضو جديد لكن زاااائر قديم جدا لمنتداكم واستفدت منه كثيرا ومن اعضائه الطيبين ..
سؤالي انه قمت قبل اسبوع بالتقديم عال اي اي في بعد استحصال التزكيه وكافة المستمسكات من السوبر فايزر مال اني وبديت باول خطوة لكن صار اسبوع من دزيت اوراقي لل COM وماكو اوتور ربلاي! هل هذا شي طبيعي ؟ وشوكت محتمل يجيني اوتو ربلاي وشكرا

صفحات: [1]