عرض المشاركات

هنا يمكنك مشاهدة جميع المشاركات التى كتبها هذا العضو . لاحظ انه يمكنك فقط مشاهدة المشاركات التى كتبها فى الاقسام التى يسمح لك بدخولها فقط .


الرسائل - أم إبراهيم

صفحات: [1]
1
مواضيع الحياة العامة في بلاد المهجر (امريكا) / رد: مساعدة بخصوص القنوات العربية في امريكا
« في: 07:38 17/07/2013  »
تسلم اخوية ابو سارة.... ماتقصر والكل يشهدلك... راح ادور وافتهم قصة الجهاز وممنونة منك هواية


اختك ام ابراهيم

2
مواضيع الحياة العامة في بلاد المهجر (امريكا) / رد: مساعدة بخصوص القنوات العربية في امريكا
« في: 06:58 16/07/2013  »
نسلم اخوية ابو سارة...
تلفزيوننا سمارت فما احتاج اربط كيبل اخوبة... اريد موقع انترنيت يفتح القنوات العربية مجانا اكدر من خلاله اتفرج عالتلفزيون... ومع هذا احتمال عالمستقبل اخذلي جهاز اتفرج بيه هالقنوات... ممكن تفيدني بمعلومات مختلفة اذا جانت تخص المواقع المجانية او الأجهزة اللي تفتح هالقنوات... وممنونة منك اخوية مقدما

3
مواضيع الحياة العامة في بلاد المهجر (امريكا) / مساعدة بخصوص القنوات العربية في امريكا
« في: 07:43 12/07/2013  »
السلام عليكم اخواني ورمضان كريم عالجميع ان شاء الله

اخواني اني ساكنة بولاية اوريغون وصارلي شهرين من وصلت... وهذا هو رمضان اجانا وآني لا داكدر اتابع الصلوات ولا البرامج الرمضانية العربية... ممكن اخواني تساعدوني بطريقة نكدر من خلالها نتابع القنوات العربية مجانا ... لأن رمضان بالغربة ما اله أي طعم وآني بالكوة دا احاول اخلق للبيت والأولاد اجواء رمضان الحلوة اللي تعلمنا عليها لأن ما اريد يبتعدون من هسة عن دينهم... وشكرا على تعاونكم مقدما.

أختكم ام ابراهيم

4
الهجرة و واللاجئين / رد: الى الأخوان اللي سافروا الى امريكا... استفسار حول الهاندباك
« في: 22:16 20/04/2013  »
تسلمون ياغالين عالردود الكريمة ومساعدتكم...راح ابلغ الجماعة لأن خطية تخربطوا من وراية ... امنياتي بالتوفيق للجميع

اختكم ام ابراهيم

5
الهجرة و واللاجئين / الى الأخوان اللي سافروا الى امريكا... استفسار حول الهاندباك
« في: 22:00 20/04/2013  »
اخوتي واخواتي الكرام...

السلام عليكم... حبيت اسال عن الهاند باك اللي تطلع وية الشخص للطيارة... آني اعرف مقاساتها واعرف وزنها لازم مو اكثر من 5 كيلو...بس اللي ما اعرفه هل انه الهاند باك هي مخصصة لكل شخص لو للعائلة باكملها؟؟؟ يعني العائلة المتكونة من 3 او 4 افراد المفروض تاخذ وياها هاد باك وحدة لو 3 او 4 حسب عددافرادها؟؟؟ آني وجماعة اختلفنا بالرأي على هالموضوع وحبيت اتاكد من اللي ساقروا قبل.

شكرا للردود الكريمة مقدما وامنياتي بالموفقية

6
الهجرة و واللاجئين / رد: جديد جديد جديد اليوم ارجو المشاركة يا اخواني بلكي الله خير
« في: 19:42 27/03/2013  »
اخوية الصابر آني اعتذر تصورتك من جماعة عمان... هنا بعمان كل ستة اشهر ينعاد الفحص مو مثل جماعة بغداد كل سنة يلة ينعاد... الف مبروك اخوية وان شاء الله تبشرنا بموعد سفرك عن قريب جدا

7
الهجرة و واللاجئين / رد: بنك القاهره عمان ايشركم الراتب نزل
« في: 18:24 27/03/2013  »
شكرا حبيبتي ميس على هالخبر الحلو والله يفرجها علينا وعليج

8
الهجرة و واللاجئين / رد: جديد جديد جديد اليوم ارجو المشاركة يا اخواني بلكي الله خير
« في: 18:22 27/03/2013  »
أخي الكريم...

انت مثلي... امنيتي كملت وبقى السفر غير فعال وحالة الملف بالأنتظار... من خابرتهم واستفسرت كالو الفحص الطبي عندج صاير اكسباير ولازم تعيدوه...وبالفعل ورة كم يوم تغيرت حالة الفحص الطبيبالموقع  الى اكسباير لأن موعد فحصنا كان مثلك بشهر التاسع 2012... اعتقد حضرتك محتاج اعادة فحص... علما انه صارله 10 ايام اكسباير ولحد هسة مامتغير الى فعال... تحياتي وامنياتي بالسفر القريب

9
الهجرة و واللاجئين / رد: واخيرا اكتملت الامنيه
« في: 18:15 27/03/2013  »
حبيبتي ام اديان الف الف مبروك... آني وانت نفس رقم الملف ونفس مقابلة المحلفين ونفس التقديم ونفس السنة ونفس حالة الملف... احنا هم ملفنا هسة بالأنتظار والأمنية مكتملة والفحص اكسباير وبعده ماصاير فعال... دعواتي حبيبتي بالسفر والموفقية... بس بشرينا من تعيدون الفحص حتى نعرف شوكت ينعاد الفحص ورة مايصير بالموقع فعال... بس سؤال حبيبتي... شكد بقى الفحص بالموقع اكسباير الى ان تحول فعال؟؟؟


أختك ام ابراهيم

10
الهجرة و واللاجئين / رد: حول الدوره التثقيفيه
« في: 19:21 25/03/2013  »
فين السؤال؟؟؟

11
الهجرة و واللاجئين / رد: فهموني شاسوي هسة
« في: 06:14 25/03/2013  »
اخوية الكريم ابوشهاب... عطرت الموضوع بمرورك... يعني يا أخي انت داتكولي لاتفرحين هواية على اعادة الفحص لأن هم وراية مصيبة انتظار اخرى... زين والتالي؟؟؟ حضرتك ما اتصلت بيهم واستفسرت عن سبب التأخير؟؟؟ تحياتي اخي وامنياتي بالسفر القريب ان شاء الله

12
الهجرة و واللاجئين / رد: فهموني شاسوي هسة
« في: 22:47 24/03/2013  »
حبيبتي Emerald...

الله يعينكم على هالبلاء ويسهل امركم وتبشرينا عن قريب بموعد سفرج... قلبي معكم حبيبتي... تسلمين على كلماتج الي كانت كالبلسم... ياربي الله يسمع منج ويحققللج كل الخير.

أسراء حبيبتي... وردة انت بحق واسم على مسمى... اكيد الخميس الجاي راح يروح زوجي ويحجي وياهم... بس المشكلة خايفة لايصير جزء من الأمنية اكسباير قبل مايعيدون الفحص... هو بس التفكير بهالموضوع راح يخبلني... دعواتج حبيبتي والله يفرج عليكم وعلينا

أم اديان... ربما انا لست ممن يحبون الرد كثيرا على المواضيع لأني لا اري اني احمل من الفائدة اكثر مما يحمله باقي الأخوة... ولكني دائما ما اقرا ردودك او مواضيعك انت والأخت اسراء ودائما ماانحني امام رقي الاخلاق والأسلوب اللي تظهروه بالمنتدى... شكرا على تطييب خاطري بكلماتج الرائعة... محتاجة دعواتكم ياغالية ... الله يفتحها عليج وعلينا وعالجميع ان شاء الله

13
الهجرة و واللاجئين / رد: فهموني شاسوي هسة
« في: 21:44 24/03/2013  »
ابو سماني... شرفتني بمرورك اخي الكريم ... لا اخوية مو فحص ماقبل السفر... آني حاسبتها فحصنا يصير اكسباير بنص الثالث وهو بالضبط نفس التاريخ اللي اكتملت بيه امنيتنا...

ويا أخي آني وياك بكل كلمة كلتها انه ماكو شي يستحق نتخبل علموده... بس فهمني لعد هي هاية البهذلة اللي عايشيها والوضع المو مستقر حلال لوحرام؟؟؟ مو عمرنا خلص واحنا ليهسة مامسوين شي لا النا ولا لأطفالنا... ماتكولي هو بقى بعد بينا حيل لو بقى بينا امل؟؟؟

دعواتك اخوية وربي يفرجها علينا وعليك

14
الهجرة و واللاجئين / رد: فهموني شاسوي هسة
« في: 21:40 24/03/2013  »
شكرا جزيلا على ردودكم وكلماتكم الحلوة... الله يسمع منكم ولو آني ابد ما متفائلة بسفري ابد ... الظاهر مكتوبلنا نبقى عايشين بشلعان القلب

15
الهجرة و واللاجئين / فهموني شاسوي هسة
« في: 20:16 24/03/2013  »
السلام عليكم اخواني..ز

والله راح اتخبل وعقلي راح يوكف وراح اموت واطك ... بعد 3 سنوات من الأنتظار القاتل والمرارة والقهر وكل انواع المذلة اللي شفتها هنا بالأردن... خلصت الأمنية مالتنا وكلت هاي هية هانت... بس المصيبة انه امنيتنا صارت بالموقع كاملة بنفس اليوم اللي صار بيه فحصنا اكسباير... وهاي صار 10 ايام على اكتمال الأمنية ولازال الفحص الطبي مكتوب كدامة اكسباير... يعني حتى مو بالأنتظار... لأن من يكون بالأتظار هاي معناها احنة على جدولة اعادة الفحص بينما الأفندية لحد هسة حاطين اكسباير بمعنى انه احنا لحد هسة ما محدديلنا موعد اعادة فحص... حابرتهم مرتين ودزيتلهم 3 ايميلات ولازال الحال كما هو...

فهموني اخواني الله يخليكم شأسوي والله راح اتخبل... اخاف جزء من الأمنية يصير اكسباير وترجع الأمنية بالأنتظار واحنا بعدنا ماعايدين الفحص الطبي ونرجع لنفس دوامة الأنتظار القاتل...

دلوني الله يخليكم على اي طريق اكدر بيه استعجلهم على اعادة الفحص وشكرا مقدما للكل


أختكم ام ابراهيم

16
الهجرة و واللاجئين / رد: استفسار عن حالة ملف
« في: 15:06 21/03/2013  »
اخوية الكريم شوكت الفرج... ان شاء الله فرجك قريب ياربي

اختي الغالية ثقتي بالله كبيرة... ونعم بالله

بعد عدة ايام لمحاولات يائسة انه احصلهم، اليوم حصلت الآي او ام اخيرا ولمن سألتهم عن السببب كالولي انتو عدكم الفحص الطبي صاير اكسباير... كتله زين الموقع ماكاتب انه الفحص الطبي اكسباير كال مو كلشي يبين عدكم بالموقع... كال اتظروا يتصلون بيكم علمود تحديد موعد فحص طبي جديد. ووراها راح يرجع ملفكم فعال

هالنوبة دخلت بدوامة جديدة وخايفة كلش لايروح الأمنية ترجع انتظار وبعدنا مامسوين فحص... دعواتكم اخواني

تشرفت بمروركم الكريم

17
الهجرة و واللاجئين / رد: استفسار عن حالة ملف
« في: 11:30 19/03/2013  »
اشو الا up الى ان تجاوبوني   ???   ???   ???

18
الهجرة و واللاجئين / رد: استفسار عن حالة ملف
« في: 10:26 19/03/2013  »
جزيل الشكر الك اخوية اوس... وياريت احد من الأخوان يفهمني ليش تحولت حالة الملف وهاي صارلها 3 ايام ولحد الآن مامتغيرة

19
الهجرة و واللاجئين / رد: استفسار عن حالة ملف
« في: 09:25 19/03/2013  »
اخواني رجاءا ممكن تساعدونا وتفهموني ليش الملف تحول من فعال الى انتظار النتيجة بعد اكتمال الأمنية؟

20
الهجرة و واللاجئين / رد: استفسار عن حالة ملف
« في: 13:23 18/03/2013  »
شكرا اخوية يوسف واخوية دريمي ممنونة للردود والمساعدة... يعني هي هاية حالة طبيعية انه يتحول الملف عند اكتمال الأمنية من فعال الى انتظار النتجة؟؟؟

الله يسهل امر الجمع ويعجل بالخير للكل

21
الهجرة و واللاجئين / استفسار عن حالة ملف
« في: 09:55 18/03/2013  »
السلام عليكم ...

حالة ملف أخوة تغيرت البارحة... اكتملت عنده الأمنية والسفر غير فعال واصبحت حالة الملف بأنتظار النتيجة وباقي الحقول كلها مكتملة... علما انه الملف كان فعال قبل ماتكتمل الأمنية... ممكن تفهموني رجاء ليش حالة الملف تغيرت من فعال الى انتظار التيجة بعد اكتمال الأمنية وليش السفر غير فعال لحد الآن؟

شكرا للجميع مقدما وبالتوفيق ياربي

22
الهجرة و واللاجئين / رد: الكــــــــلام الســــــليم في فتــح ايــميــلات اليـاهو المــغلقة
« في: 21:48 12/03/2013  »
up

23
اجتماعيات (ترحيب، تهاني و تعازي منتدى الهجرة) / رد: واخيرآآآ كوكي تستودعكم الله من مطار الملكة علياء / عمان
« في: 21:14 12/03/2013  »
حبيبتي توصلين بالف الف سلامة وان شاء الله احلى مستقبل ينتظرج يا ام قلب الطيب... بوساااتي الج وللأولاد وبالتوفيق ياربي

24
الهجرة و واللاجئين / رد: الحمدلله والشكر دااشوف انفراج بالسفر لاعظاء عينكاوا واتوقع بقو قليلين وخلي نسوي تعداد
« في: 12:35 12/03/2013  »
آني هم

رقم الملف 123 والتقديم من عمان

25
الهجرة و واللاجئين / رد: بعد كل هذا الانتظار للراتب الافندي اروح وميقبل يسحب
« في: 07:21 10/03/2013  »
من رخصتك اخوية اسبيرو...بس الموضوع مو يم اليون ان... احتمال الأخ مدخل الرقم السري خطأ لأكثر من مرة وبهالحاله ينقفل الكارد... الشغلة كلش بسيطة بس يروح يراجع المصرف وهم راح يسووله فد شي مثل الريسيت وراها يكدر يستخدم الفيزا كارد عادي

اخوية ان شاء الله ماكو شي انت بس راجع المصرف وان شاء الله خلال ساعة او ساعتين تكدر تسحب... بالتوفيق اخي

26
اجتماعيات (ترحيب، تهاني و تعازي منتدى الهجرة) / رد: ارجوكم .
« في: 21:31 04/03/2013  »
وفطرت قلبي معك بهذا المصاب الجلل...
الله يعينك ويصبرك اخوية الكريم ويهون عليك فراق اغلى واحن الناس
ابكي عليها كما لو انني اعرفها
الف رخمة ونور تنزل عليها..
اللهم اجعل قبرها روضة من رياض الجنة ولاتجعله حفرة من حفر النار...
اللهم طيب ثراها ووسع نزلها
اللهم اعف عنها وضاعف حسانتها وتجاوز عن سيئاتها
الله يرحم امهاتنا وامهات المسلمين جميعا

27
الهجرة و واللاجئين / رد: ويــــــــــــن الراتــــب يابنـــــك القاهرة عماان
« في: 13:31 04/03/2013  »
شكرا اسراء حبيبتي بارك الله بيج والله يكثر من امثالج وامثال العزيزة الغالية ام مصطفى

28
الهجرة و واللاجئين / رد: ويــــــــــــن الراتــــب يابنـــــك القاهرة عماان
« في: 12:11 04/03/2013  »
up

29
الهجرة و واللاجئين / رد: ويــــــــــــن الراتــــب يابنـــــك القاهرة عماان
« في: 16:06 03/03/2013  »
اخواني رجاء بلغونا اذا احد استلم الراتب ولو هو من هسة راح يروح للدين... الله يفرجها علينا وعليكم

30
الهجرة و واللاجئين / رد: جمعية ملف $$$123$$$
« في: 20:06 12/02/2013  »
السلام عليكم ..

أحنا هم ملفنا يبدي ب 123
تقديم يو ان من 2010
تحويل للآي او ام ومقابلات بال 2011
10/2012 اتصال بالكفيل ودورة تثقيفية
حالة الملف فعال من شهر ال 11/ 2012
ولحد هسة الأمنية بالأنتظار

31
الهجرة و واللاجئين / رد: اكو احد باقي25/6/2011
« في: 20:58 12/01/2013  »
آني هم اخوية من جماعة 25/6 ولد هسة بأنتظار الست امنية

32
الهجرة و واللاجئين / رد: قلق الاتصال وتلفوني مغلق
« في: 22:07 25/12/2012  »
خلي تلفونك يم احد من الأهل اللي يكون متواجد دائما بالبيت حتى يرد عليهم في حالة ورود اي اتصال بالمنظمة... او اذا تحب سوي خدمة تحويل الأتصال لرقم ثاني تكون عنده شبكة والغيها للخدمة من ترجعلك الشبكة

تحياتي

أختك
أم ابراهيم

33
الهجرة و واللاجئين / رد: وصلتني رساله صدور عفوا عن غرامات الاقامه للعراقيين في الاردن
« في: 22:48 06/12/2012  »
ما وصلتنا هيجي رسالة لا الي ولا لزوجي ولا لخالتي ولا لبنت خالتي... خابرتهم هسة وتأكدت منهم

34
الهجرة و واللاجئين / رد: ●بانتظار●▇ كروب 25\6\2011 عمان ▇●السفر●
« في: 09:59 21/11/2012  »
حبيبتي ريحانة بالتوفيق ياقلبي... آني صارلي زمان ماداخلة للمنتدى من ورة القلق والتعب والملل... بس من رجعت ادخل افتقدج وسألت عليج... الحمد لله على سلامة وصولكم وياربي الله يفتحها بوجهكم ويسهل امركم وتشوفون كل الخير كدامكم

35
الهجرة و واللاجئين / رد: ●بانتظار●▇ كروب 25\6\2011 عمان ▇●السفر●
« في: 10:43 08/11/2012  »
ههههههههههههههه الله يسمع منك اخوية RYOUSIF الفرج الك والنا بأقرب وقت ان شاء الله

36
الهجرة و واللاجئين / رد: ●بانتظار●▇ كروب 25\6\2011 عمان ▇●السفر●
« في: 13:08 07/11/2012  »
ماشاء الله والله فرحتلها.... الله يسهل امرها ويهون عليها الغربة ويسهل امرنا

37
الهجرة و واللاجئين / رد: ●بانتظار●▇ كروب 25\6\2011 عمان ▇●السفر●
« في: 11:39 07/11/2012  »
اخواني شنو اخبار ريحانة اشو فد مرة مختفية؟؟؟ بشروني سافرت لو بعدها؟؟؟

38
الهجرة و واللاجئين / رد: ●بانتظار●▇ كروب 25\6\2011 عمان ▇●السفر●
« في: 11:47 06/11/2012  »
والله يا ام عبد الله آني هم نفس حالتج مع العلم احنه عايدين فحص ومتصلين بكفيلنا قبل اسبوعين بس لحد هسة من اخابرهم يكولولي بعدكم عالتجييك الأمني وبعد محد محددلكم دورة تثقيفية... والله تعبنا ومابقت بينا اعصاب تتحمل

39
مواضيع بعد السفر / رد: سنة خامسة في امريكا ...حسابات البيدر والحقل
« في: 07:48 19/09/2012  »
لم اقرا موضوعك بعد... ولكني ما ان رأيت اسمك حتى سارعت لفتح الصفحة والرد قبل ان اعرف فحواه... ياعمي نورت المنتدى وكم اشتاق لكتاباتك واسلوبك الراقي في الكتابة وكم احب تلك النظرة المليئة بالثقة والأمل التي تحملها والتي تسعى جاهدا لأن تمنحنا اياها... افتقد المنتدى منذ سنوات هذا الرقي وافتقد تلك الموضيع الشيقة التي تشدنا اليها...قبل ان اقرأ لابد ان انحني امامك واقول أن كل ما ساقرأه هو رائع رائع بمعنى الكلمة سلبا كان ام ايجابا... دعواتي الخالصة لك وللعائلة الكريمة التي لابد ان تفخر بأب مثلك ان يوفقك وجميع اهلك ويمنحك المزيد من فضله... فأمثالكم لايستحقون غير الخير وكل الخير


أختك ام ابراهيم

40
الهجرة و واللاجئين / رد: اهل الخميس وينكم شنو الاخبار ؟ 13-9-2012
« في: 13:16 13/09/2012  »
والله يا أخي آني هم جنت هناك اليوم من الصبح بس شفت العدد كلش هواية... بس آني ما اعرف شكد جانوا الأسبوع الفات حتى اكدر اقارن الأعداد... عالعموم الجواب هو نفسه اللي نسمعه دائما... التجييك الأمني ما النا علاقة بيه مانعرف شوكت ينتهي ومانكدر ندخل بيه... الفحص الطبي ما اله علاقة بأكتمال الأمنية... ماكو اي صحة للخبر اللي يكول راح ينهون كل الملفات هالسنة ويسفرونا... وبطريقي اشتكيت على الموظف اللي يرد على التلفونات وعلى اسلوبه وطريقته بالرد... وهاي هي... يعني تيتي تيتي مثل مارحتي جيتي

41
الهجرة و واللاجئين / رد: ●بانتظار●▇ كروب 25\6\2011 عمان ▇●السفر●
« في: 00:55 10/07/2012  »
ولازال الحال نفس الحال على ملفنا

لااعادة فحص...

لااتصال بالكفيل...

لادورة تثقيفية...

لاسفر...

 :-X ??? :-X ???

42
دردشة منتدى الهجرة واللاجئين / رد: اخواني جماعة عمان اندعولي اني بضيق وكرب
« في: 22:06 18/06/2012  »
هاي شنو سهم؟؟؟ كول الله يمعود... لعد آني شأكول برقبتي عائلة وجهال وطلبات ومصاريف تكسر الظهر ومامدبرتها... خلي عينك بعين الله ومن ساعة لساعة فرج

ترة اذا راح تظل هيجي راح تتعب بعد اكثر... موضوع السفر اكيد جاي بس يجوز بعد ماجاي وكته والعلم عند الله...

تعال واسيني اول شي وشوف شنو اللي بيه حتى تهون عليك مصيبيتك...

اللهم لاسهل الا ماجعلته سهلا وانت تجعل الحزن ان شئت سهلا...

43
الهجرة و واللاجئين / رد: ▇●تثقيفية● كروب 25\6\2011 عمان ●سفر●▇
« في: 10:38 05/06/2012  »
اخوية ابو يوسف... توكل بالله وروحوا فحصوا وروح على مدرسة الجهال وكوللهم عندك مقابلة ضرورية بالأمم المتحدة واطلب يأجلون امتحاناتهم لليوم الثاني وية المادة مال ثاني يوم... واعتقد المدرسة راح تتفهم الموضوع... آني صار هيجي وياية بالسنة اللي فاتت من صار فحصنا الطبي لأن هم جان وية الأمتحانات النهائية مال الجهال وأجلت امتحانهم لليوم الثاني وماكالوا شي... توكل بالله أخوية ولاتفوت هالفرصة من ايدك

44
الهجرة و واللاجئين / رد: شوكت تتغير حالة ملفنا؟؟؟
« في: 15:04 04/06/2012  »
الله يسمع منكم ياطيبين... والله نوبات من اشوف حالة الملف بيندنك اتفاجأ اكول اي يا الله اكو تغيير صار ههههههههههههههه... كمت تتهيأ لي اشياء مو مضبوطة.. ولا عبالك صارله سنة بالتمام والكمال بيندنك.. كامت البيندنك تطلعلي كل مرة بشكل مختلف ههههههههههههه... والله خبلونا الآي او ام وكاموا يسوون بينا هلوسة بلا ماناخذ حبوب هلوسة... والله حتى احلامي كمت احلمها بالأنكليزي ماهلكد ببالي شغلة السفر ... يا مثبت العقل يا الله

45
الهجرة و واللاجئين / شوكت تتغير حالة ملفنا؟؟؟
« في: 08:13 04/06/2012  »


والله راح اموت من القهر... مدا افتهم شنو السكرين مال ملفنا مسوية فريز لو شنو بالضبط؟؟؟ اشو من انفتح الموقع لحد هسة احنا ملفنا على هالحطة... شلون يعني وين نودي وجهنا؟؟؟





Case Status (حالة الملف)

Pending Result (بانتظارالنتيجة)




Case Size (عدد الأفراد)

5




Prescreen Interview Status (المقابلة الاولية)

COMPLETED (مكتمل)




USCIS Interview Status (مقابلة المحلفين)

COMPLETED (مكتمل)




Medical Screening (الفحص الطبي)

IN PROCESS (فعال)




Security Review (التشييك الامني)

Pending (بالانتظار)




Travel Status (حالة السفر)

NO ACTIVITY (غير فعال)

46
الهجرة و واللاجئين / رد: بشارة خير بأكتمال الموافقة الأمنية من عمان
« في: 22:51 03/06/2012  »
الف الف مبروك اخوية وبالتوفيق وان شاء الله بشرنا بسفرك عن قريب

47
الهجرة و واللاجئين / رد: جماعة عمان استفسار ..عفيه الاداره لاتنقلوا اليوم :))
« في: 09:09 31/05/2012  »
وللعلم الأتحاد الأردني يقرر بيع بس 1500 بطاقة للجمهور العراقي وهذا الخبر قريته عالتلفزيون الأردني  ??? ??? ???

48
الهجرة و واللاجئين / رد: نتمنى من الله عز وجل ان تاتي اخبار جيدة غدا
« في: 23:03 28/05/2012  »
والله يا أخوية كل يوم نكول باجر واسبوع الجاي وماكو شي... اصلا آني بديت أأيس فد مرة... الظاهر السفر مو نصيبنا

49
الهجرة و واللاجئين / رد: شنو يعني انو الفحص الطبي فعال؟
« في: 11:36 25/05/2012  »
أخوان أحنا فحصنا صار اكسباير قبل 5 أشهر... ومن هذاك اليوم لليوم هو بالموقع ان بروسيس ولحد هسة محد متصل بينا على اعادة فحص طبي... احد يفهمني لييييييييييييييييييييش؟؟؟

50
الهجرة و واللاجئين / رد: تسريع انجاز الملفات ....بشارات الخير ..... حقيقة ام وهم
« في: 12:09 24/05/2012  »
والله يا أخوان الواحد ماينكر انه اكو تسريع بالملفات... والدليل انه هواية ناس هنا داتبشرنا بمواعيد سفر... بس بنفس الوكت اكو ملفات نايمة عليها الطابوكه لحد هسة مامتحركة ومحد ديعرف شنو مشكلة هالملفات وليش ماداتتحرك... نسأل الله الفرج القريب

51
الهجرة و واللاجئين / رد: أريد أحد يفهمني ليش وشوكت
« في: 11:17 24/05/2012  »
الله يسهل عليكم وعلينا... ساعات ماهلكد أيأس اكول احتمال اكو مشكلة بالولاية... يعني لو الولاية تطوة لو الكفيل ماتنا تطوة علما انه ولايتنا هي نورث داكوتا

52
الهجرة و واللاجئين / أريد أحد يفهمني ليش وشوكت
« في: 09:24 24/05/2012  »
السلام عليكم...

أحنة من جماعة 25/6... لحد الآن مامتصلين بكفيلنا ولحد الآن ماكو دورة تثقيفية ولحد الآن ماكو أعادة فحص طبي مع العلم الفحص مالتنا بالموقع يكول In Process وصارله خمس اشهر على هالحالة... وكل ما أخابرهم يكولون أحنا نتصل بيكم من يتحدد موعد فحص الكم.

زين والتالي؟؟؟ والله راح تخبل... مابقت بينا اعصاب تتحمل انتظار... وهسة لو اكو تحرك بسيط بالملف يمكن شوية ارتاح واكول اي يا الله بدينا نمشي... بس كل شي ماكو الله وكيلكم...

أدري راح تكولولي صبري ومابقى شي... بس والله حتى الصبر مل من عدنا ماهلكد صبرنا ودعينا وترجينا وتوسلنا... شأسوي بعد اذا ولاحركة اكو بالملف؟؟؟ هاية معناها شوكت راح نسافر؟؟؟ أو بالأحرى أحنا راح نسافر لو لا؟؟؟

53
الهجرة و واللاجئين / رد: اوباما وتعجيل السفر
« في: 23:13 23/05/2012  »
يعني على نهاية هالسنة راح يعزل المنتدى ان شاء الله والهجرة واللاجئين يتحول الى قسم المغتربين العراقيين وعاشوا عيشة سعيدة ??? ???

54
دردشة منتدى الهجرة واللاجئين / رد: الخشنات نزلن هههههه
« في: 18:37 23/05/2012  »
تسلمين ام مصطفى الوردة... انت صدك حمامة المنتدى اللي دائما تجيبلنا الأخبار الحلوة... الله يوفقج حبيبتي ويسهل امرج وامرنا

55
دردشة منتدى الهجرة واللاجئين / رد: رمضان الثالث
« في: 14:26 23/05/2012  »
آني هم راحيمر علية رمضان الثالث وآني بعدني هنا ...  :-\ :-\ :-\

ان شاء الله قبل رمضان تكون يم اهلك سهم والله يسهل عليك وعلينا

56
الهجرة و واللاجئين / رد: اخر اخبار .....i o m عمان الاردن رقم 3
« في: 08:36 23/05/2012  »
موعود آني هم نفس حالتك صارله الفحص خمس اشهر اكسباير وبالموق مكتوب In Process وكل ما أسالهم عن سبب تأخير اعادة الفحص الطبي يكولولي أحنه نتصل بيكم من يتحدد موعد الفحص... وهم راح اتخبل مثلك ومثل سهم من القلق والتفكير

57
الهجرة و واللاجئين / رد: حالة الملف بالانتظار اذا اكو احد مثل حالتي
« في: 17:22 22/05/2012  »
نفس الشي

حالة الملف بالأنتظار
والفحص الطبي فعال صارله 5 أشهر
وتجييك أمني بالأنتظار
وحالة السفر No activity

والحالة النفسية دون الصفر
والحالة المادية دون الصفر
ويمكن راح اموت قبل ما اشوف المطار من القهر

58
الهجرة و واللاجئين / رد: اخبار ---- من موقع اللحدث iomعمان - الاردن
« في: 17:18 22/05/2012  »
هم صدك ويجي هيجي يوم؟؟؟ يمكن راح اموت من القهر قبل مايجي او يمكن راح اموت من الفرح من يجي هيجي يوم... يعني بكل الأحوال راح اموت وآني ماصاعدة بالطيارة  :-\ ??? :'(

59
الهجرة و واللاجئين / رد: هل انت متشائم ام متفائل بموضوع السفر iom-amman
« في: 10:42 22/05/2012  »
تدري ماهلكد خبلتني بالملحة مالتك اللي هي ماتق عن ملحتي ابد حلمت بيك اليوم مع انه آني ما اعرفك ولاشايفتك ههههههههههههه... حلمت جايتني ورقة ديكولولي بلغي سهم التميمي انه عنده دورة تثقيفية ههههههههههههههه وآني ركض جيت عالحاسبة دا أدور على طريقة اكدر اتصل بيك وابلغك خبر الدورة التثقيفية... طبعا والله صدكنى ما دا تشتاقة وياك... كعدت من النوم خربانة ضحك على روحي وكلت بس اشوفك اكولك عالحلم

60
الهجرة و واللاجئين / رد: نفس الشي عمان
« في: 22:47 20/05/2012  »
أخوية سهم... انت مثل حالتي همكل يوم تنتظر فد شي جديد وكاعد داتلوب مثلي... بس هم على كيفك لأن الي هم خبلتني فوك خبالي من ورة هالأمنية الكشرة  :-X :-X :-X

61
الهجرة و واللاجئين / رد: ▇●تثقيفية● كروب 25\6\2011 عمان ●سفر●▇
« في: 10:31 20/05/2012  »
أخوية المهندس المدني... آني هم نفس حالتك... صالنا 5 أشهر فحصنا اكسباير وبالموقع مال الآي اوام يقره ان بروسس... شكوكت يعيدولنا الفحص ما أعرف... والله طكت روحي من هالأنتظار... شوكت راح تتحرك ملفاتنا ما أدري  :-X :-X :-X

62
دردشة منتدى الهجرة واللاجئين / رد: ماشاء لله
« في: 09:17 19/05/2012  »
الله يسلمك أخوية... ويسمع منك ان شاء الله والكل تسافر ويفرغ المنتدي وينسد ومايبقى أحد ينتظر ونعيش حياة سعيدة ونكعد من النوم ههههههههههههههههه

63
الهجرة و واللاجئين / رد: ما هو ال SAO الذي تسبب برفض اختنا روزة اليرموك ..
« في: 14:21 11/05/2012  »
جزيل الشكر اخوية للتوضيح والله يبارك بيك...

الموضوع بالنسبة الي محبط جدا لأن موضوع تشابه الأسماء هو المشكلة اتصور بقضيتنا...

شكلي راح اظل اراوح بمكاني وماراح نتقدم خطوة وحدة لأن صارلنا تقريبا سنة على استلام موافقة المحلفين ولحد هسة لادورة تثقيفية ولا اعادة فحص ولا اتصال بالكفيل...

خليت عيني بعين رب العالمين وهو ارحم الراحمين

64
الهجرة و واللاجئين / رد: Security Review (التشييك الامني) Pending (بالانتظار)
« في: 17:59 04/05/2012  »
10 اشهر واحنا بعدنا Pending

65
الهجرة و واللاجئين / رد: ▇●الامنية● كـــروب 25\6\2011 عمان ●التثقيفية●▇
« في: 17:58 04/05/2012  »
اخوية Mr. 122

اكو جماعة اصدقائنا راح يسافرون يوم 14/5 وكالو جانوا اكو وياهم ناس جايين دياخذون خط الرحلة وماناطيهم دورة تثقيفية

66
الهجرة و واللاجئين / رد: ▇●الامنية● كـــروب 25\6\2011 عمان ●التثقيفية●▇
« في: 17:05 03/05/2012  »
اي صح آني هم اعرف ناس سافروا من عمان بدون تثقيفية

67
الهجرة و واللاجئين / رد: ▇●الامنية● كـــروب 25\6\2011 عمان ●التثقيفية●▇
« في: 11:40 03/05/2012  »
أخوية كريس... أحنا هم مثلك خلص فحصنا من شهر ال 12 اللي فات ومحد اتصل بينا لحد الآن على اعادة الفحص... الجماعة اللي ديسافرون عايديلهم الفحص مجرد ماصار اكسباير...

ها شلون خبر؟؟؟

68
الهجرة و واللاجئين / رد: ▇●الامنية● كـــروب 25\6\2011 عمان ●التثقيفية●▇
« في: 11:01 03/05/2012  »
Mr.122
شوكت يجي دوري؟؟؟ آني ليهسة لااعادة فحص ولادورة تثقيفية ولا اتصال بالكفيل...  ??? ??? ???

والله يا اخوية آني بديت أيأس واتصور آني راح اصير من جماعة الطابوكة الذهبية :-\ :-\ :'( :'(

69
الهجرة و واللاجئين / رد: ▇●الامنية● كـــروب 25\6\2011 عمان ●التثقيفية●▇
« في: 23:43 02/05/2012  »
احنة هم خابروا على واحد من اصدقائنا ومن جماعة 25/6 عنده سفر يوم 14/5... بالعافية عليه ويوم اللي النا ان شاء الله

70
الهجرة و واللاجئين / رد: ▇●الامنية● كـــروب 25\6\2011 عمان ●التثقيفية●▇
« في: 16:22 02/05/2012  »
والله يا اخوية سكاي لاين آني هم خابرتهم اليوم على حجيك مال البارحة كلت بلكن يكولي عدكم موعد سفر... اقشمر بروحي شأسوي ههههه... جان يكولي الأفندي (لساتكم عالتشييك الأمني) ... ذبحتني هاية الجملة وما اعرف شوكت تتغير... وبالمناسبة أحنا هم فحصنا صار اكسباير من شهر 12    2011 وهم مثل حالك محد بلغنا على اعادة فحص... ومن سألته كال مو مبين عندي اي شي عالفحص... يعني ديقصد انه احنا اصلا لحد هسة ماحاطينا على جدولة اعادة الفحص... حيييييييييييييييييييييييييييل هاية بعد شكد يلة نسافر؟؟؟؟

71
الهجرة و واللاجئين / رد: احد عاد الفحص الطبي من iom
« في: 21:00 24/04/2012  »
آحنا فحصنا انتهى بشهر ال 12    2011 ولحد هسة محد متصل بينا على أعادة فحص ومادانعرف شنو السبب

72
الهجرة و واللاجئين / رد: ▇●الامنية● كـــروب 25\6\2011 عمان ●التثقيفية●▇
« في: 20:31 23/04/2012  »
أخواني آني هم نفس حالتكم... الفحص الطبي مالتنه صار اكسباير من شهر 12 السنة اللي فاتت ولحد هسة محد اتصل بينا على اعادة فحص ولااحد اتصل على دورة تثقيفية ولا اتصال بالكفيل... وصاااااااااااااااااااااااااااعدة الخيوط للستار

73
دردشة منتدى الهجرة واللاجئين / رد: راح اشك هدومي
« في: 08:35 17/04/2012  »
هاية السالفة ماتحتاجلها شك هدوم... هاية يحتاجلها هاونات براس صديقك ومرته... منين اجيب الحظظظظظظظظظظظظظظظ  >:( >:( >:( >:(

راح الطم وابجي  :'( :'( :'( :'(

74
الهجرة و واللاجئين / رد: رد الخارجية الأمريكية، مكتب السكان واللاجئين والهجرة، على بعض من شكاوى اللاجئين العراقيين
« في: 08:15 17/04/2012  »
شكرا لكل الردود الحلوة اللي وصلتني منكم ... وياربي الله يسهل امرنا وأمركم... ويا أخوان لو تلاحظون أنه هم بالفقرة الأخيرة كالوا راح يبدون بأصدار الفيز للاجئين العراقيين الباقين من غير الآس آي في...

أخي الكريم هذا عراقي... آني ماعندي ايميلهم بس عندي الرابط مالتهم عالفيس بوك ممكن انطيكياه

http://www.facebook.com/#!/State.PRM

ياريت اخوتي لو نظل نضغط عليهم بموضوعنا بلكن نكدر نسوي شي...

أمنياتي بالتوفيق للجميع

75
الهجرة و واللاجئين / رد الخارجية الأمريكية، مكتب السكان واللاجئين والهجرة، على بعض من شكاوى اللاجئين العراقيين
« في: 23:23 16/04/2012  »
أولا كل الشكر الجزيل للأخ رايان صاحب فكرة موقع اللاجئين عالفيس بوك... ومن خلال الموقع اللي سواه الأخ رايان كدرت أدخل على صفحة وزارة الخارجية الأمريكية وكتبت مشكلتي آني وكم عراقي وياية... ما أعرف اللي وياية اذا كانوا اعضاء بالمنتدى لو لا... وعالعموم وصل اليوم ردهم على مشاكل العراقيين اللي انطرحت وكان ردهم كالتالي:

U.S. Department of State: Bureau of Population, Refugees, and Migration wrote: "Thank you for your posts. We are exploring all avenues to ensure we are both keeping our country safe and meeting our commitment to the Iraqis who worked for us. Although the refugee and Special Immigrant Visa (SIV) programs are separate, adjustments in screening processes are now beginning to produce more SIV issuances. During the first six months of the 2012 fiscal year, more SIVs were issued to Iraqis than in all of FY 2011. We expect this pace of issuances to continue and are hopeful that we will begin seeing increased issuances for Iraqi refugees as well."

مبروك على جماعة الأس آي في على تسريع المعاملات وياربي ان شاء الله الفرج لجماعة الآي او أم واليو أن...  شتشوفون اخوان الرد مشجع لو لا؟؟؟


أختكم ام ابراهيم

76
الهجرة و واللاجئين / رد: اخوان واخواتي الله يخليكم سامعين بهيجي شي؟؟؟ أشو آني ما دا تدخل عقلي
« في: 00:07 26/03/2012  »
شكرا اخواني على كل الردود ... حبيبتي ريم آني هواية اشكرج وشرفتيني بمرورج الكريم واحب مداخلاتج بالمواضيع واحب اسلوب الطرح اللي يدل على تفكير منطقي وواقعي بعيد عن التخبط.

لورد بغداد... اخوية الكريم اشكر كرورك... كلامك عين الصواب واشكرك جزيل الشكر عالتوضيح

أخواني الأعزاء بس للعلم ترة اللي سال عن ملفنا مو الكفيل مالتنا وهو شخص اصلا بغير ولاية بعيدة كلش عن ولاية كفيلنا... للتوضيح لا أكثر ولااقل

حيدر اخوية الكريم... الله يعينك والله... لحد هسة ماكو اتصال بالكفيل ولادورة؟؟؟ آني ماصارلي سنة وراح اتخبل... الله يساعدك ويفتحها بوجهك من اوسع ابوابه

اخوية الكريم ياسر... والله يا اخوية احنا كلنا يالله من اول يوم قدمنا بيه... وهو الأعلم بالحال... الله يفرجها علينا وعليك وعلى كل المنتظرين... شرفتني بمرورك اخوية

اخواني الأعزاء فوكس وذا بيست... والتالي وية هالبنج؟؟؟ مو راح نتخبل والله

بالمناسبة اخوان أكو بنية اعرفها مقدمة من سوريا من 2006 وحولت ملفها لعمان ب 2009... ووصلت مرحلة ايست من السفر واشترت شقة وصارلها سنة لاغية الموضوع من بالها تماما... البارحة خابروها على موعد سفر بتاريخ 3/4... يوم اللي النا والكم ان شاء الله

77
الهجرة و واللاجئين / رد: اخوان واخواتي الله يخليكم سامعين بهيجي شي؟؟؟ أشو آني ما دا تدخل عقلي
« في: 15:22 25/03/2012  »
شكرا اخواني لكل الردود الكريمة... احنه والله العظيم متعلكين بكشاية... نسوي روحنا مصدكين واحنا بداخلنا ندري بالموضوع مو صحيح... خبلونا الله يخبلهم دنيا وآخرة

78
الهجرة و واللاجئين / رد: اخوان واخواتي الله يخليكم سامعين بهيجي شي؟؟؟ أشو آني ما دا تدخل عقلي
« في: 12:48 25/03/2012  »
اخوية الكريم ايهم... والله آني هم مفتر الديلكو عندي من زمان وما دا اعرف وين الصدك ووين الجذب؟؟؟ بس هم ما اكدر اكذب الشخص اللي ديوصل المعلومة لأن شنو مصلحته بالكذب خاصة انه الشخص صاحب الخبر لا اعرفه ولايعرفني وانما وصل الخبر لجماعة يعرفهم؟؟؟ بنفس الوكت ما دا اكدر اصدك لأن ماكو اي مؤشر على انتهاء الأمنية...لادورة تثقيفية لا اتصال بالكفيل

79
الهجرة و واللاجئين / رد: اخوان واخواتي الله يخليكم سامعين بهيجي شي؟؟؟ أشو آني ما دا تدخل عقلي
« في: 12:45 25/03/2012  »
ام مصطفى حبيبتي... تسلمين عالرد... يمكن الجماعة ناصبين علينا... يعني اذا الأمنية خلصانة شدينتظروووووووووووووووووووون لعععععععد؟؟؟
اي غير افتهم؟؟؟ والله يمكن راح يسفرونا منا بوجهنا عدل لشماعية امريكا... وهم عمي ميخالف قابلة بس المهم يريحونا  ??? ???

80
الهجرة و واللاجئين / رد: اخوان واخواتي الله يخليكم سامعين بهيجي شي؟؟؟ أشو آني ما دا تدخل عقلي
« في: 12:41 25/03/2012  »
اخوية الكريم ستيفن... شكرا لردك الكريم... بس اكو ناس ورانا استلموا النتيجة وسافروا... احتمال هذولة ضربوا السرة وطلعوا قبلنا؟؟؟ ممكن احد يعلمني شلون اضرب السرة؟؟؟  :D :D

81
الهجرة و واللاجئين / اخوان واخواتي الله يخليكم سامعين بهيجي شي؟؟؟ أشو آني ما دا تدخل عقلي
« في: 11:31 25/03/2012  »
السلام عليكم كل اعضاء عين كاوا...

احنا من مستلمي نتيجة موافقة المحلف بتاريخ 25/6/2010... وصلنا مرحلة كبيرة باليأس لأن لحد هاللحظة لااتصال بالكفيل ولادورة تثقيفية... عدنا جماعة اصدقاء كلش ثقة بأمريكا طلبوا من عدنا رقم الكيس مالتنا حتى يتابعولنا موضوع موافقتنا الأمنية من يم جماعة يعرفوهم هناك... ورة شهر رجعولنا خبر انه موافقتنا الأمنية خلصانة وكاملة واحنا على جدول السفر ههههه (شايفين بالله هيجي بطة)  ;D ;D ;D... وعلى اساس انه اكو موافقات هواية طالعة بس الجماعة مادايحجون حتى لايصير ضغط عليهم وموضوع تأخير السفر اله هواية اسباب... ماراح ادخل بالأسباب لأن سبق وان تناقشنا بيها هواية ولا راح اشكك بصدق كلام اصدقائنا اللي بأمريكا لأن هم اهل للثقة... بس اللي ما دا يدخل عقلي هو مدى دقة كلام الشخص اللي وصللهم خبر انتهاء امنيتنا ... اريد اعرف اكو احد سامع بهيجي شي؟؟؟ صحيح اكو امنيات هواية طالعة ومادايمشونا؟؟؟ لو كان كلام هالشخص صحيح زين ليش لعد ليهسة مااتصلوا بكفيلنا ولانطونا دورة تثقيفية؟؟؟ هو مو المفروض الكفيل والدورة تجي قبل السفر؟؟؟ مو المفروض على الأقل يحضرونا للسفر اذا صدك امنيتنا طالعة؟؟

ارجو من اخوتي افادتي بما متوفر لديهم من معلومات ولكم جزيل الشكر والتقدير


اختكم ام ابراهيم

82
الهجرة و واللاجئين / رد: رساله من UNHCR_AMMAN تنبيه للجميع الخدمه الاجتماعيه
« في: 22:34 21/03/2012  »
الله يريج بالج حبيبتي ولايشوفج مكروه ويبارك بيج ياطيبة... تعبناج ويانا ادري... والمال بالغربة وطن وانت هم بالغربة وطن هههههههههه... بوساتي ياغالية

83
الهجرة و واللاجئين / رد: رساله من UNHCR_AMMAN تنبيه للجميع الخدمه الاجتماعيه
« في: 17:58 21/03/2012  »
للرفع حتى ظهور كوكي

84
الهجرة و واللاجئين / رد: رساله من UNHCR_AMMAN تنبيه للجميع الخدمه الاجتماعيه
« في: 16:49 21/03/2012  »
كوكي حبيبتي لحكينا هاي شنو الرسالة معناها؟؟؟ انكطع الراتب لو راح ينكطع لو شنوووووووووو؟؟؟؟ :-[ :-[ :-[ :-[

85
الهجرة و واللاجئين / رد: iom فقط !!!!!!!!!!!!!!!!!!!!!!!!!!!!!!!!!!!!!!!!!
« في: 22:39 06/03/2012  »
اخاف دا يقصدون 40 الف  ;D ;D ;D

86
الهجرة و واللاجئين / رد: مواعيد سفر خلال شهر اذار + بشارة
« في: 12:48 19/02/2012  »
الف مبروك اخوية الكريم... ممكن بس تكتبلنا تواريخ المقابلات حتى نكدر نقيم وضعنا؟؟؟ واذا ممكن تكوللنا أذا اتصلوا بكفيلك او لاوشوكت اخذت الدورة لتدريبية... امنياتي بالتوفيق ودرب السلامة ان شاء الله

87
الهجرة و واللاجئين / رد: أصدار رقم سري للفيزا كادر /بنك القاهرة عمان
« في: 11:05 30/01/2012  »
والله يا أخوية آني هم لهد هسة ماوصلتني المسج مال الرقم السري مع العلم آني مستلمة الفيزا كارد... دا انتظر والله كريم... اذا صار اي شي جديد وياية راح ابلغك

88
الهجرة و واللاجئين / رد: بنك القاهره عمان نزل الراتب اخوان
« في: 12:29 26/01/2012  »
كوكي والأخوة الموجودين... آني مستلمة البطاقة بس لحد هسة ما مستلمة مسج... أكو أحد مثلي ماوصلته مسج؟؟؟ اخاف شالونا من استلام الراتب... طمنوني الله يريح بالكم

89
الهجرة و واللاجئين / رد: سؤال بخصوص بطاقة الصراف الالي عمان
« في: 12:26 26/01/2012  »
أخوان آني استلمت البطاقة بس لحد هسة ما استلمت مسج... اكو احد مثلي هم ما مستلم مسج؟؟؟ ياربي هاي شلون ورطة كاعدين بالخوف والحسبات... هو احنة نافصين... لا اله الا الله

90
الهجرة و واللاجئين / رد: بنك القاهره عمان نزل الراتب اخوان
« في: 17:46 25/01/2012  »
اخوان آني استلمت الفيزا كارد الجديد قبل فترة... هسة شنو يعني ما اكدر استعملها؟؟؟  ??? ???

91
الهجرة و واللاجئين / رد: <<<< مهم جداً >>>>> SIV وIOM دقيقتين من وقتكم على موقع البيت الابيض
« في: 21:55 14/01/2012  »
تم التصويت أخي الفاضل...

تسلم عالمجهود وهي حجارة بظلمة لو تصيب لو تخيب... ولو بيني وبينك أخوية آني اشوف تصويتنا لاراح يقدم ولا راح يأخر... هذا رأيي ويبقى كل شي بيد رب العالمين... تقبل مروري اخي


أختك ام ابراهيم

92
الهجرة و واللاجئين / رد: منو ممخابرين كفيله بعد 6 اشهر من موافقه المحلف
« في: 08:47 21/12/2011  »
رفيقة الدرب والنضال ريحانة...  ;D ;D ;D

آني هم لحد هسة مامتصلين بكفيلي... علما أنه آني وياج خريجين دفعة 25/6 ;D ;D ;D

93
الهجرة و واللاجئين / رد: لماذا نهاجر ؟؟؟؟؟؟
« في: 22:01 13/12/2011  »
والله يا اخي صاحب الموضوع... اعذرني بس ما شفت شي غريب بهالقصة... اكو ناس هواية كلش ميريدون يتركون العراق وآني وأولادي اولهم لأن اعشق العراق... بس زوجي عنده غير رأي ولهالسبب تركنا البلد وطلعنا... وأكو ناس مستفادة من العراق ماديا ويحسون أنه طلعتهم للخارج راح تكون بيها مذلة وتعب وأهانة وهم في غني عنها... وبالملخص يا أخي الناس وجهات نظر وكل واحد اعذراه وظروفه تختلف عن الآخر...

تمنياتي بالموفقية

94
الهجرة و واللاجئين / رد: الى اخواني واخواتي الاعضاء حرف ع
« في: 17:21 30/11/2011  »
آني زوجي بالصاد ولحد هسة ما استلمنا اي مشج... اكو احد مثلنا؟؟؟

95
الهجرة و واللاجئين / رد: العوائل 400 دولار والاعزب 200 دولار مركز زها الاردن
« في: 13:56 30/11/2011  »
زوجي بالصاد ولحد هسة ما استلمنا المسج... ياجماعة احد يكوللنا وين وصلوا لأي حرف؟

96
الهجرة و واللاجئين / رد: ▇انتظار▂ مابعد استلام الظرف 25\6\2011 عمان ▂التثقيفية▇
« في: 09:53 29/11/2011  »
آني بعدني على نفس الحال... محد اتصل بكفيلنا ولا احد بلغنا عن دورة تثقيفية وأكيد معناها ماكو أمنية... آني شفت هواية من الجماعات اللي استلموا وينا... وماشاء الله عالكل يا اما متصلين بالكفيل او متصلين بالكفيل وماخذين دورة تثقيفية واتصور راح نبقى آني وريحانة آخر اثنين نعزل الجمعية على ايدينا...

حسبي الله ونعم الوكيل


اختكم ام ابراهيم

97
الهجرة و واللاجئين / رد: خبر عاجل 400$ بل طريق اليكم من عماااان
« في: 11:31 24/11/2011  »
حبيبتي الكردية تسلمين على الخبر...

بس والله ترة جماعتنا سوووووها فد مرة ماسخة... يعني ذلوهم للعالم ذل بهال 400 دولار عبالك دينطون 4000 دولار... كل يوم جتي اللجنة وراحت اللجنة ومن هالكلاوات مالتهم والموضوع لحد هسة مادانشوفه غير بس اعلام باعلام.. ياربي يطلع هالمرة الخبر صحيح ونخلص من هالمنية مالتهم... هاية لو الشغلة بيها استقطاع فلوس جان شفتيهم من ثاني يوم الأعلان يستقطعون المبلغ....

ارجو تقبل ردي ... وشكرا مرة ثانية حبيبتي... تحياتي


اختج ام ابراهيم

98
مواضيع قبل السفر / رد: الكفيل والمكفول
« في: 09:17 11/10/2011  »
أخوية الكريم عكعك...

الله يبارك بيك على هالمجهود اللي بذلته بالتوضيح وتسلم الأيادي... هذا عهدنا بيك من قبل ماتوصل أمريكا... ايدك انمدت بالخير لكل أخوتك... الله لايضيعلك تعب ان شاء الله ويبارك بيك ويرزقك.

والله موضوع الكفيل جان كلش مدوخني مع العلم آني اعرف أنه الأتصال بالكفيل لاعلاقة له بالموافقة الأمنية... كفيلنا ما اتصلوا بيه لحد هاللحظة مع العلم صارلنا 4 أشهر من استلمنا موافقة المحلف ... علما أنه اكو هواية ويانا من وجبتنا اتصلوا بالكفيل مالتهم...

الأتصال بالكفيل ينطي بصيص امل انه الملف ديتحرك مو نايمة عليه طابوكة

على العموم شكرا مليون مرة اخوية وان شاء الله نسمع عنك كل الخير

99
الهجرة و واللاجئين / رد: أي معلومة أي حجاية عن ولاية Massachhusetts
« في: 18:44 05/10/2011  »
تدلل أخوية اسألك وارجعلك بالجواب وان شاء الله خير

100
الهجرة و واللاجئين / رد: أي معلومة أي حجاية عن ولاية Massachhusetts
« في: 15:08 05/10/2011  »
غالية نار... ايجاراتها غالية... شغلها قليل كلش... بس بيها احسن جامعات العالم... اتوقع بيها جامعة هارفرد... هذا الكلام أخي نقلا عن جماعة اصدقاء كلش ساكنين بيها... وحسب كلامهم انه هم دينتظرون ياخذون الكرين كارد ويخلصون مدة عقد الأيجار اللي هي سنو ويغيرون الولاية... اكرر هذا الكلام نقلا عن لسانهم... بالتوفيق أخي

101
الهجرة و واللاجئين / رد: ▇انتظار▂ مابعد استلام الظرف 25\6\2011 عمان ▂التثقيفية▇
« في: 09:13 02/10/2011  »
يعني هسة الأفندية يريدون يكون سبب التهديد ديني... يعني لازم نكون مهددين لأن احنة مسلمين مو لأن اشتغلنا وية الأمريكان ولا لأن احنه اشتغلنا بشركات تشتغل وية الأمريكان مو؟؟؟

هذا الدرب منين لكوه هالمرة؟؟؟

كلنا احنا المسلمين واغلبنا ما تهدد بسبب الديانة... اكثرنا تهدد من ورة الشغل وية الأمريكان... شنو معناها راح يرفضونا على هالحجي؟؟؟

اخوية عليمر الله يعينك ويسهل امرك... بس ممكن تجاوبني على هالسؤال اذا عندك عنه معلومات؟؟؟ شنو معناها راح ننرفض لأن احنه مسلمين؟؟؟ زين وشغلنا وياهم مو جان بيه مجازفة وتهديد لحياتنا؟؟؟

بس عمي حقهم استفادوا من عدنا ومن العراق وهسة مصلحتهم خلصت ومايحتاج يسكتون حلوكنا ويقشمرونا بعد لأن هم اصلا عايفين البلد خرابه بيد ناس زباله... حسبي الله ونعم الوكيل

102
الهجرة و واللاجئين / رد: ▇انتظار▂ مابعد استلام الظرف 25\6\2011 عمان ▂التثقيفية▇
« في: 18:23 01/10/2011  »
هههههههههههههههههههههه... شر البلية مايضحك

هي جانت عايزة والتمت..ز

بس بيني وبينكم ياريت يكولولنه مرفوضين ولا يخلونه هيجي معلكين... على الأقل بهالحالة الواحد يبدي يفكر بالبدائل

103
الهجرة و واللاجئين / رد: ▇انتظار▂ مابعد استلام الظرف 25\6\2011 عمان ▂التثقيفية▇
« في: 12:49 28/09/2011  »
البارحة بالليل دزيتلهم للحبايب ايميل وخليت بيه رقم تلفوني جان يخابروني الصبح...
وفاجأوني بخبر جيدي... كالولي بعدكم عالتجييكات الأمنية..
كتله لا بالله؟؟؟ عبالي جبتولي فد شي جديد
الحمد لله والشكر على كل حال والحمد لله الذي لايحمد على مكروه سواه

104
الهجرة و واللاجئين / رد: ابرةمورفين ..منحة ال 400 دولار رد.. وكيل وزارة الهجرة والمهجرين
« في: 12:45 28/09/2011  »
التواقيع اللي بالكتاب صارفين عليها حبر اكثر من ال400 دولار .. مو تعرفون شغلة جبيرة ينرادلها تواقيع من البواب وصعودا الى المالكي... لا حصلنا

105
الهجرة و واللاجئين / رد: ▇انتظار▂ مابعد استلام الظرف 25\6\2011 عمان ▂التثقيفية▇
« في: 22:53 27/09/2011  »
Up  :(

106
الهجرة و واللاجئين / رد: أخبار مو زينه لجماعة عمان - تقرير ميزانية دائرة الهجره لسنة 2012 -
« في: 12:37 26/09/2011  »
حسبي الله ونعم الوكيل...

والله ما اعرف شلون وضع العراقيين بالأردن أحسن من سوريا ومصر...

أولا سوريا ومصر هواية ارخص من الأردن ولهالسبب الأمم المتحدة دتساعد العراقيين المعدمين بالأردن على متطلبات المعيشة ومخصصة رواتب لبعض العراقيين لأن تعرف شكد تكاليف المعيشة هنا مرهقة

ثانيا العراقيين اللي بمصر وسوريا يحصلون اقامات لمن اولادهم يدخلون مدارس وبهذا يكونون معفيين من الغرامات... بينما هنا في الأردن لو مية طفل عدنا بالمدرسة ماناخذ اقامات الا نخلي ببطونهم فلوس..

الله وأكبر... يعني وين الدقة بنقل هيجي مواضيع؟؟؟

107
الهجرة و واللاجئين / رد: ▇انتظار▂ مابعد استلام الظرف 25\6\2011 عمان ▂التثقيفية▇
« في: 11:13 21/09/2011  »
والله عن نفسي كل شي جديد ماكو يا أخوية

لا اتصال كفيل ولادورة تثقيفية ولاأمنية طبعا

والقهر موتنا وماندري شنسوي... هسة وصلنا مرحلة لابينا نرجع لأن الحمد لله لا شغل بالعراق ولابيت ولابينا نبقى هنا بعمان لأن الفلوس اللي عدنا كرطناها والحمد لله... والواحد ما يدري وين يودي وجهه ولو نعرف احد نكدر نتصل بيه جان حجينا وياه وارتاحينا... على الأقل الواحد يفتهم راسه من رجله... ترة كلش صعبة يظل الواحد هيجي معلك لا هو للسماء ولا هو للكاع

108
الهجرة و واللاجئين / رد: وزارة الهجرة توزّع 400 دولار لكل عائلة مهجّرة خارج العراق
« في: 10:34 21/09/2011  »
اخوية احمد عباس...

تعليقك جان كلللللللللللللللللللللش حلووووو

عاشت ايدك واايدك بكل حرف كتبته

بالتوفيق

109
الهجرة و واللاجئين / رد: جماعة اربيل الي يدري خل يدخل
« في: 11:30 14/09/2011  »
وهاية هم UP على عناد العواذل  ;D ;D ;D

110
الهجرة و واللاجئين / رد: ▇انتظار▂ مابعد استلام الظرف 25\6\2011 عمان ▂التثقيفية▇
« في: 12:27 13/09/2011  »
ريحانة حبيبتي... دائما ترفعين معنوياتي... اللي يسعدج ويسهل امرج وتفرحينا بسفرج عن قريب ان شاء الله...

حبيبتي آني بولاية نورث داكوتا... صايرة على حدود كندا... ومتأكدة القليل منكم سامع بيها... واتصور حتى الحكومة الأمريكية ماتعرف بيها ههههههههههههه

111
الهجرة و واللاجئين / رد: ▇انتظار▂ مابعد استلام الظرف 25\6\2011 عمان ▂التثقيفية▇
« في: 19:48 12/09/2011  »
لا جديد....

لا اتصال بالكفيل    :-[ :-[ :-[

ولا دورة وتثقيفية  :( :( :(

ولا اكو اي امل  :'( :'( :'(


112
الهجرة و واللاجئين / رد: ▇UP▅▃▂ مابعد استلام الظرف 25\6\2011 عمان ▂▃▅▆▇
« في: 06:23 22/08/2011  »
الله يسمع منج حبيبتي ريحانة... وان شاء الله كلنا بنفس الطيارة   :D :D

113
الهجرة و واللاجئين / رد: ▇UP▅▃▂ مابعد استلام الظرف 25\6\2011 عمان ▂▃▅▆▇
« في: 19:59 21/08/2011  »
أخواني العزاء
لحد هسة لا متصلين بكفيلنا ولادورة تثقيفية ولاخبر لاجفية لاحامض حلو لاشربت... والقلق راح يموتني... اكو احد يعرف شنو سبب هالتاخير؟؟؟ واكو ناس من جماعة 25/6 لحد هسة مامتصلين بكفيلهم؟؟؟

ودمتم للنضال  ;) ;)

114
الهجرة و واللاجئين / رد: ▇UP▅▃▂ مابعد استلام الظرف 25\6\2011 عمان ▂▃▅▆▇
« في: 12:27 31/07/2011  »
مبروك للحلوة على هالخبر الحلو ويلة ان شاء الله بدت الأخبار الحلوة تهل..

بالنسبة ألي لحد هسة ماكو اتصال بالكفيل ولا اي شي... والأعصاب تلفانة كلللللللش والنفسية متدمرة والمعنويات بالسالب... الله كريم ياربي ان شاء الله يكون شهر الخير بداية خير عالكل

115
الهجرة و واللاجئين / رد: ********** اريدكم نشطين **********
« في: 17:42 26/07/2011  »
دزيت والله كريم... عساها تنفع

116
الهجرة و واللاجئين / رد: ▇▆▅▃▂ مابعد استلام الظرف 25\6\2011 عمــان ▂▃▅▆▇
« في: 20:15 09/07/2011  »
والله يا أخواني آني التقيت يوم الأربعاء اللي فات بعائلة مسيحية قابلت ويانه محلفين ومحصلين موافقة محلف... من سألناهم كالوا أنه المنظمة متصلة بالكفيل مالتهم قبل اسبوع... يعني المنظمة اتصلت بكفيلهم بمشيغان ورة اقل من اسبوع من استلامهم موافة المحلف... علما أنه هذه العائلة مقسمة الى3 كيسات بينهم ربط ضعيف... والمنظمة متصلة بالكفيل علمود ال 3 كيسات... الله يوفقهم وان شاء الله يوم اللي يتصلون بكفيلنا

117
الهجرة و واللاجئين / رد: جمعيه الي ينتظرون نتئج المحلفيين 25/6/2011
« في: 15:20 21/06/2011  »
آني من جماعة اللي دينتظرون نتائج المحلفين يوم 25/6... واليوم ماتحملت خابرت على الآي او ام وسألت عن ملفنا وكلولي دنتظرون نتيجة محلفين... كتلهم اعرف بس آني خابرت دا أسأل عالأمنية مالتنا واصلة لو لا... والجواب مثل ماتوقعت... (الأمنية مالتكم بعدها ماواصلة) ... استفاااااااااااااااااد.. وهاية نامت علينا الطابوكة بغض النظر عن نتيجة المحلف... الله اليستر

118
الهجرة و واللاجئين / رد: جماعة انتظار النتائج 25-6 بايكين طن هوى وينكم شو ....
« في: 11:39 21/06/2011  »
أخوية الخوف مو بس من نتيجة المحلف... الخوف من اللي يجي وراها (الأمنية الكشرة) يعني راح نطبك عالسرة وية الجمعيات اللي قبلنا والله يدري شوكت تجينا رحمة ربك ويوصلنا السرة.. والله مابقى بعد بيه حيل انتظار ...

119
الهجرة و واللاجئين / رد: مطار عالية الاخ على امون
« في: 15:11 19/06/2011  »
علاوي لاتضوج هي التعويذة تكول ابجوا والطموا كدام الناس حتى يجيكم موعد سفر  ;D ;D


120
الهجرة و واللاجئين / رد: كارثة قطع الراتب مال المفوضية الكشرة في عمان
« في: 13:21 17/06/2011  »
أخي الله يعينك بس ممكن توضح اكثر؟
لأن سمعنا اللي عدهم اقامات او اللي ماطالبين لجوء لبلد ثالث غير الأردن أو اللي ديرفضون الهجرة الى أمريكا ديقطعون عنهم الراتب... ممكن توضحلنا حضرتك نت ضمن وحدة من هالنقاط لو لا؟

121
الهجرة و واللاجئين / رد: جماعة عمان \ فيزة خروج وعودة
« في: 09:16 30/05/2011  »
أخي صاحب االموضوع: كلام السايق كله غلط ومابيه شي من الصحة وهو الظاهر مفتهم الموضوع غلط. آني نفس الحالة بالضبط صارت وياية. أحنا عائلة من خمسة اشخاص... دخلنا الأردن شهر السادس 2010 وماعدنا اقامة ... سوينا فيزة خروج وعودة شهر الثالث 2011 وبالحدود ختموا على جوازاتنا اعفاء من الغرامات لمرة واحدة فقط... ورجعنا للأرن من العراق ورة 10 أيام عادي كلش. يعني الغرامات الي مترتبة علينا جانت اكثر من 6 أشهر والمبلغ مو قليل ومع هذا عفونا من الغرامات حسب قرار العفو الملكي اللي يعفي العراقيين من دفع الغرامات لمرة واحدة فقط. يعني هسة من اريد اسوي فيزة خروج وعودة مرة ثانية لازم ابدي ادفع غرامات لأن آني استفاديت من القرار بالمرة الأولى. ومع هذا راح ننتظر يوم 10/6 ونشوف شنو اخبار العفو الجديد. ان شاءالله خير.

وأي شي تحتاجه حتى اوضحلكياه آني بالخدمة

122
الهجرة و واللاجئين / رد: عفو عأم (عمان)
« في: 16:25 29/05/2011  »
ألف ألف شكرأخوية علي على هالخبر ... والله آني هواية أتفاءل بيك... بس اخوية ولو أدري ضوجناك بأسلتنا... أحنا عائلة أقامتنا تخلص يوم 11/6... هاية الأقامة مال 3 أشهر ورة ماسوينا فيزة خروج وعودة بشهر الثالث... هسة شرااح نسوي ورة 11/6؟؟؟ هم لازم نطلع ونرجع؟ لو راح يمددون من يمهم أقامتنا؟ وشكد راح يكون مسموحلنا نمدد مرة ثانية وشلون؟ لو الأعفاء يصير من نريد نطلع مرة ثانية عالحدود؟؟؟؟ ااختك كلش محتارة وياريت تفهمني اذا حضرتك تعرف شأسوي؟

الله يبارك بيك اخوية على كل الأخبار الحلوة اللي داتجيبلنياه وياربي يبرد قلبك ويفرحك مثل مابردت قلبنا وفرحتنا

123
الهجرة و واللاجئين / رد: هام جدا iom عمان الدخول
« في: 15:01 27/04/2011  »
بالتوفيق اخوية ابو يوسف ان شاء الله تكون مقابلة سهلة وتبشرنا وراها بالسفر... بس بلا زحمة عليك ممكن بس تكوللنا بشنو يبدي رقم الكيس مالتك وشوكت سويت المقابلة الأولى والثانية؟؟؟ لأن ترة أختك راح تطك من الأنتظار وكاعدين نضرب اخماس باسداس

124
الهجرة و واللاجئين / رد: ممكن الحصول على اعفاء من الغرامات في الاردن؟
« في: 12:17 26/04/2011  »
أختي الكريمة الموضوع كالتالي وهو هذا اللي صار ويانا لأن احنة نفس حالتج...
تروحين للداخلية تسوين فيزة خروج وعودة ... موفقة الداخلية بالحالات الأعتيادية تاخذلها اسبوعين وفي بعض الحالات يحولون صاحب الطلب عالمخابرات .. وبالمخابرات راح يسألوكم كم سؤال بسيط..ز يعني الشغلة سهلة... وراها يكولولكم روحوا عالداخلية اخذوا النتيجة من هناك.

بهالحالة راح تطلعون ويسوولكم اعفاء من الغرامات ويختمون على جوازكم ان انتوا انعفيتوا من الغرامات... بالمناسبة الأعفاء يصير مرة وحدة بس حسب المكرمة الملكية للعراقيين... يعني وراها اذا تجاوزتوا الحد المسموح للأقامة وردتوا تطلعون من الأردن لازم تدفعون الغرامات أو يسوولكم منع من دخول الأردن لمد خمس سنوات.

وبهالمناسبة ياريت احد من الأخوان يدليني شنو الطريق اذا ردت اطلع من الأردن مرة ثانية لأي ظرف طارئ وارجع مرة ثانية بدون دفع الغرامات.

ان شاء الله تكونين استفاديتي من هالمعلومات وبالتوفيق

125
الهجرة و واللاجئين / رد: الاخ العزيز راين مؤسس كروب ال اس اي في مع التحية
« في: 18:54 17/04/2011  »
راين اخوية الغالي... وهذا هم رجاء مني ان ترجع للمنتدى لخاطر اخوتك اللي محتاجيك... لاتفشلني امانة عليك... واللي سويته بالمنتدى ترة ماممكن ننساه... احييك على غيرتك ...هو هذا طبع العراقي... رفعت راسنا ياوردة... وان شاء الله حركة اعصابك هاية ماتروح ببلاش... يلة منتظريك وعلى كولة آرمي (خليك عاقل) ههههههههههه


اختك ام ابراهيم

126
الهجرة و واللاجئين / رد: خبر * جفية * حامض حلو * شربت
« في: 20:39 15/04/2011  »
أخوية على أمون... آني من المتابعين لردودك الكريمة وآراءك وتحليلاتك واللي هي اغلب المرات تكون صحيحة... ردك هسة خوفني... قبل من جنت اخاف من شي أقره ردودك وأطمئن... بس هسة مع الأسف ردك مو مطمئن... كوللنا أخوية اكو شي جديد تعرفه؟؟؟

127
مواضيع الحياة العامة في بلاد المهجر (امريكا) / رد: اضخم حدث في عالم الاتصالات الماجك جاك
« في: 02:07 12/04/2011  »
اخوان على كيفكم وية البنية... يعني هي رادت تفيدنا بفد شي ضروري وهي ماجانت تعرف انه اكو هيجي موضوع انطرح سابقا بالمنتدى

زينة حبيبتي بارك الله بيج واكيد راح اضيف موضوعج للمواضيع المفضلة عندي حتى من اوصل امريكا ارجع اقراه واستفاد اكثر من المعلومات اللي بيه... بالتوفيق ياوردة

128
دردشة منتدى الهجرة واللاجئين / رد: السلام ايجر كلام والكلام ايجر بطيخة
« في: 17:18 30/03/2011  »
فين السؤال؟  ??? ??? ??? ;D ;D ;D

129
الهجرة و واللاجئين / رد: هل صحيح تم ايقاف مواعيد السفر لشهرين
« في: 01:11 17/03/2011  »
على كيفكم ويانة... يعني شنو تلفونات عمان انلغت أخ عراقي؟؟؟ ممكن توضيح؟؟؟

يمعودين والله مابقى بعد بينا حيل نتحمل تأخير هالنوبة الغاء وإيقاف؟

130
مواضيع الحياة العامة في بلاد المهجر (امريكا) / رد: نورث داكوتا، فارغو
« في: 01:12 28/02/2011  »
تسلم اخوية الغالي على ردك... تعبتك وياية... بس كفيلنا اللي هناك هو من الأقارب وأكو أكثر من عائلة نعرفهم هناك يعني ماراح نكون وحدنا.. هم ديشجعونا لأن حسب ماكالو الإيجارات رخيصة والمنظمات زينة والشغل لا بأس بيه.. الله كريم وربك يقدم الخير ان شاء الله وين ماجان

131
مواضيع الحياة العامة في بلاد المهجر (امريكا) / رد: نورث داكوتا، فارغو
« في: 08:46 27/02/2011  »
شكرا أخوية الغالي 1KD1 بس بلا زحمة عليك بيها مجال تنطيني معلومات أكثر عنها؟ ردك كان مختصر جدا.. ولو راح أتعبك وياية بس كلش محتاجة اعرف عنها معلومات حتى أكدر أقرر أي كفيل أختار.. تسلم أخوية الغالي وبالتوفيق

132
مواضيع الحياة العامة في بلاد المهجر (امريكا) / رد: اخواني سمعت خبر جديد ممكن تأكيد أونفي؟
« في: 23:57 26/02/2011  »
شكرا لكل الأخوان اللي ردوا عالموضوع.. أن شاءالله يطلع الخبر مو صحيح.. والي كاتبه رب العالمين يصير

133
مواضيع الحياة العامة في بلاد المهجر (امريكا) / اخواني سمعت خبر جديد ممكن تأكيد أونفي؟
« في: 11:54 23/02/2011  »
السلام عليكم..
أخواني وأخواتي اللي بأمريكا... قبل شوية أتصل بيه أحد أقاربي من أمريكا وكال على أساس اليوم أمر الرئيس أوباما أيقاف كل معاملات الهجرة إلى أمريكا.. ممكن تأكيد أو نفي الخبر؟

أحنا الظاهر راح نظل بهالدوامة والقلق إلى أن نموت...

أخواني الله يخليكم جاوبونا وأتمنى يكون الجواب من مصدر موثوق بدون اجتهادات حتى الواحد يعرف شراح يسوي... أمنياتي للكل بالخير والموفقية


أختكم أم أبراهيم

134
مواضيع الحياة العامة في بلاد المهجر (امريكا) / رد: لتعليم اللغة الانجليزية وجميع لغات العالم ادخل وتعلم اي لغة تريد (كنديون هذا الموضو
« في: 01:29 21/02/2011  »
عاشت الأيادي... موقع مفيد جدا للأجئ الجديد خاصة في الأيام الأولى

135
مواضيع الحياة العامة في بلاد المهجر (امريكا) / رد: الكلب الضائع
« في: 01:19 21/02/2011  »
فداء حبيبتي... هو أحنه هيجي العراقيين بسرعة نتعلق بالأشياء... بس هذا الكلب لو تسميه بيتنجانه أحسن... فد مرة أسود ههههههههه..

بس حبيبتي ننوس مموتة روحها من البجي عليه... مليون بزونة وكلب وطير واسد وزرافة وفيل يروحون فدوة لدموعها الحلوات... أمانة تبوسيلياها وتعوضيها بمكان اللي راح بواحد ابيض حلو مدنفش.

136
مواضيع الحياة العامة في بلاد المهجر (امريكا) / رد: نورث داكوتا، فارغو
« في: 00:35 16/02/2011  »
تسلمين فداء حبيبتي على هالنصيحة... راح أتأكد منهم.. شكرا على الأهتمام والمرور... بالتوفيق ان شاء الله

أنجي ياغالية... أكيد انت تعرفين شكد يهمني رأيج وشكد أفرح من تعلقين عن مواضيعي...
حببتي آني هم دورت بالمنتدى ومالكيت شي... واللنك اللي دزيتيلياه مال ويكيبيديا أعرفه وشايفته... وبيه معلومات عامة... آني اللي أريد أعرفه معلومات عن الأسعار والإيجارات والشغل والمنظمات... أن شاء الله يجي أحد ينطينا صورة واضحة عن هالولاية.. وأنت حبيبتي خليني على بالج إذا سمعتي شي يخص هالولاية... ممنونة منج هواية ياغالية

137
مواضيع الحياة العامة في بلاد المهجر (امريكا) / نورث داكوتا، فارغو
« في: 20:28 15/02/2011  »
السلام عليكم ...

أخوتي وأخواتي... آحنه مقدمين من عمان... ولازلنا في المراحل الأولية... وعدنا كفيل بولاية نورث داكوتا، فارغو... دورت بالمنتدى عن أحد يعطينا فكرة واضحة عن نورث داكوتا ولكن للأسف الظاهر ماكو أحد من المنتدى موجود بهالولاية...

أخذت معلومات كافية عن طبيعة هذه الولاية ومناخها وعدد سكانها وباقي الأمور العامة من خلال الأنترنيت... لكني لازلت بحاجة ماسة أن أعرف عن أسعار الأيجارات وكلفة المعيشة وطبيعة المنظمات ووفرةالعمل... كفيلي اللي بفارغو سواها الولاية جنه وربيعة وماكو مثلها... ردت بس أتأكد من أخوتي المتواجدين هناك أعطائي صورة أكثر وضوح.. ولكم مني جزيل الشكر والتقدير

أختكم أم أبراهيم

138
مواضيع الحياة العامة في بلاد المهجر (امريكا) / رد: يوميات مدينة
« في: 20:19 15/02/2011  »
اله يوفقك ويسهل أمرك أخوية الكريم... ننتظر منك المزيد

139
مواضيع الحياة العامة في بلاد المهجر (امريكا) / رد: الى شباب كالبفورنيا -قاطع عمليات سان فرانسيسكو-new jobs
« في: 01:04 30/12/2010  »
إيييييييييييييييييي هذا خوش خبر بيتس..

بالتوفيق وإن شاء الله تحصل الشغل وتبدي يكتب مواضيع تشجع وتفرح الباقين...

وينك لعد طلع عندك قلب طيب وتحب تساعد أخوتك... آني تصورتك غير شكل هههههههه

الله كريم أكيد راح يجي اليوم اللي راح ترتاح بيه وتصير نظرتك للأمور متفائلة أكثر... بشرنا يوم اللي تستلم الشغل

140
مواضيع الحياة العامة في بلاد المهجر (امريكا) / رد: اكبر تجارة مربحة
« في: 01:12 28/12/2010  »
أختي العزيزة زهرة الصبار... بالعكس حبيبتي كل كلامج صحيح 100% وماكو بيه شك... وأمريكا من فتحت باب اللجوء للعراقيين مو لله بالله وأكيد الي دتستفاده أمريكا من أحتلال العراق أضعاف اللي دينصرف على اللاجئين العراقيين... لكن يا أختي أحنه وصلنا مرحلةيأس لأن صار عدنا شبه يقين إنه أمريكا وأسرائيل وإيران ماراح تترك العراق يتقدم... ولهالسبب حبيبتي كاموا العراقيين يدورون عن مكان آمن ومستقر حتى يعيشون بيه مثل باقي العالم.. وهذا حقهم لأن تعبوا هواية..

أختي العزيزة... الأعتراض هنا كان على المواضيع المتكررة والمحبطة التي تنزل بأسم بيتس... فهو محبط لدرجة أنه يتمنى الأحباط للجميع... آني أكول كافي ترة العراقيين تعبوا هواية ببلدهم وبالغربة .. خلوهم يجربون حظهم بغير بلدان حتى لو جانت مدغشقر..

أطيب الأمنيات لأهلي العراقيين بالنجاح والتوفيق أينما كنتم

141
مواضيع الحياة العامة في بلاد المهجر (امريكا) / رد: اكبر تجارة مربحة
« في: 01:34 27/12/2010  »
هههههههههههههههههههههههه بيتس... شايفة منك هواية

الله يهديك اخوية عوف الناس بحالها وخليك بحالك... تحياتي

142
مواضيع الحياة العامة في بلاد المهجر (امريكا) / رد: شكر خاص الى الاخ الغالي ابو عبد الله التكساسي
« في: 01:17 26/12/2010  »
أخي أبو عبدالله.. ماعندي اطراء ومدح لشخصك الكريم اكثر من اللي قدموه الأخوه.. تستاهل كل خير أخي الكريم..

عليك بهذا الدعاء وأن شاء الله ربي يفرج همك ومن ثم اتبعه بالأستغفار على كد ماتكدر:

"اللهم ياكاشف الغم يافارج الهم فرج همي ويسر أمري أرحم ضعفي وقلة حيلتي وأرزقني من حيث لا أحتسب"

والله الموفق

143
مواضيع الحياة العامة في بلاد المهجر (امريكا) / رد: فكرة جديدة اتمنى اسمع رايكم بيها
« في: 16:58 15/12/2010  »
تسلم يا احلى ملاك على هالموضوع الحلو والمفيد.. والله يجمعنا ان شاءالله عالخير والمحبة دوم... آني حاليا لازلت في عمان وإختصاصي ترجمة... ومن هسة دا أكولكم ترة آني آخذ على ورقة الترجمه $400  ;D ;D ;D... إي لعد  قابل مكتب نادر أحسن مني؟؟؟  :D :D :D..

أنجي آني ما أعرف بالأسعار مال الترجمة شلونها يمكم... بس يمكن السعر اللي كلته مناسب مو بالله؟؟؟ هههههههه

ترة لحد يفتهمني غلط آني لا طماعة ولا دا أريد أهججكم  ;D ;D ;D ;D ;D ;D ;D

144
الهجرة و واللاجئين / رد: اخوان منو مقدم على iom الشهر 9 2010
« في: 16:22 15/12/2010  »
أخي الكريم...
آني قدمت من عمان بشهر السادس ولحد هسة ماكو شي.. وقدمت لأهلى من بغداد بشهر التاسع وهم لحد هاللحظة ماكو شي... الله يسهل علينا وعليكم

145
الهجرة و واللاجئين / رد: سوال مهم يحتاج الى رد مستعجل ياناس ياطيبين
« في: 00:43 05/12/2010  »
ههههههههههههههههههههههههههههههه كوندا... الله يسعد ايامك... ضحكتني هواية والله

146
الهجرة و واللاجئين / رد: راح ارجع للعراق و سؤال عن الكرين كارد؟
« في: 16:40 22/11/2010  »
أخواني ... خالة زوجي بأمريكا طلعت من سوريا عن طريق اليو أن قبل سنتين.. الصيف الي فات جتي تشوف اهلها ورة ماحصلت الكرين كارد.. بقت 3 أشهر ببغداد وراها رجعت لأمريكا عاااادي.. أشو محد كاللها وين رايحة ولا أحد دزلها تنبيه ولا أحد سألها انت على اي برنامج جايه

147
الهجرة و واللاجئين / رد: الى البائسين في امريكا ادخل واقره والى اللذين يترددون في الذهاب
« في: 10:37 22/11/2010  »
عاشت الأيادي أبو أوس موضوعك رائع أخي... وصح لسانك... يا أخوان الطموح والأجتهاد هو اول خطوة بطريق النجاح... أمنياتي بالموفقية للجميع

148
دردشة منتدى الهجرة واللاجئين / رد: مجزرة كنيسة دار النجاة بعد نقله من الاخت انجي
« في: 23:25 06/11/2010  »
حسبنا الله ونعم الوكيل... والله اللسان يوكف عاجز عن الكلام بهيجي مواقف... الله يرحم كل مسيحي ومسلم إنقتل ظلم بالعراق

149
دردشة منتدى الهجرة واللاجئين / رد: انا الله وانا اليه راجعون اطلب من كل اعضاء المنتدى الترحم على شهداء بغداد
« في: 10:13 03/11/2010  »
الله يرحم كل شهداءنا مسلمين ومسيح... الله ينتقم من الحكومة اللي ولا على بالها غير بس اللغف.. شكو عليهم محد من اهلهم انقتلل ظلم حتى يحترك دمهم عالعراقيين.. الله عالظالم اللي مادا يشبع من دم العراقيين الأبرياء... إنا لله وإنا إليه راجعون

150
الهجرة و واللاجئين / رد: ليش هل التاخير يا iom
« في: 21:02 31/10/2010  »
أخي الكريم سفير الوطن... آني مثلك قدمت على ال iom من شهر السابع من عمان ولجد هسة لاحس ولاخبر ولاكيس نمبر ولاشي وكل ما أخابر يكولولي ديشتغلون عليه.. وهاي آني مثلك داأنتظر والله كريم ماأدري شوكت راح تفرج علينا إذا ب كيس نمبر هلكد طول.. شوكت لعد راح نبدي مقابلات ونكملها؟؟؟

151
دردشة منتدى الهجرة واللاجئين / رد: سوف انقطع عنكم ارجو المعذرة
« في: 12:10 30/10/2010  »
تروحين وترجعين بألف سلامة سرى.. راح نفتقدج بالمنتدى هواية... عودة سريعة وميمونة إن شاء الله... وياربي ماتشوفين شر أبد

152
الهجرة و واللاجئين / رد: الاخوان المقبلين على سفر و المهاجرين الجدد في امريكا ..... نصائح اتفيدك جدا
« في: 15:38 25/10/2010  »
آني تونست عالجوبي بس... هذا هم ينطوه بالدورة التثقيفية لو لا؟؟  ;D ;D ;D ;D

153
مواضيع الحياة العامة في بلاد المهجر (امريكا) / رد: تفاصيل رحلة الوصول لامريكا
« في: 09:51 18/10/2010  »
ألف مبروك أخي الكريم أبو غيث.. بعثثلك رساله عالخاص أتمنى أن ترد على بعض الأستفسارات الموجودة بيها.. بالتوفيق مرة ثانيه أخي الفاضل

154
الهجرة و واللاجئين / رد: واخيرا وصل المحروس الكيس نمبر والله يستر
« في: 16:36 04/10/2010  »
حبيبتي ام ريم.... احنه بعدنا كلشي كاكو من الآي او ام بس دزيت قبل خمس ايام تذكير الهم ردوا وكالوا انتظروا من يجي دوركم ننطيكم كيس نمبر ونتصل بيكم... اني قدمت يوم 7/7 يعني وراج بفترة قليلة... بلكن يربي على الأيام الجاية نحصل شي ... الله كريم... ياربي كك مقابلاتكم تمشي سهلة وسريعة ويوم اللي تبشرينا بالسفر القريب...

حبيبتي لازوردي... الظاهر صحيح آني خربطت بينج وبين أم ريم... الحمد لله على سلامة الوالدة أولا وبالتوفيق إلج وإلها وياربي يوم السفر القريب.... الله يحفظلج الوالدة ولايحرمج منها... أنتياتي بالتوفيق

155
الهجرة و واللاجئين / رد: واخيرا وصل المحروس الكيس نمبر والله يستر
« في: 11:12 04/10/2010  »
حبيبتي أم ريم عالخير وبالموفقية... أدري بيج شكد جنتي قلقة من هالتأخير... بس حبيت اسال سؤال منو صاحب الكيس مالتكم انت لو زوجج؟ واذا كان زوجج لعد شلون كدرت تضيفين والدتج للكيس مالتج؟ اللي اعرفه انه حضرتج جنت تنتظرين الوالدة الله يحفظها ... مو صح؟؟ انتظر ردج حبيبتي وبالتوفيق مرة ثانية

156
الهجرة و واللاجئين / رد: نداء الى الجميع
« في: 22:55 30/09/2010  »
ملاك المنتدى أنجي... كل يوم أعجابي بيج يزيد وإحترامي وتقديري الج يكبر أكثر وأكثر... الله لا يضيعلج تعب ولايحرمنا منج ياوردة... بس أخوية بغداد ترة إنجي إذا خلوها رئيسة وزراء بالعراق ترة ثاني يوم يغتالوها... لأن محد يصرقله يصير براس العراق خير

157
الهجرة و واللاجئين / رد: الدخول الى عمان بطريقة غير شرعية
« في: 22:51 30/09/2010  »
أخوية وينك صاحب الموضوع؟ أشو لحد هسة ماعلقت أي تعليق؟ شنو رأيك باللي أنذكر؟

158
الهجرة و واللاجئين / رد: الدخول الى عمان بطريقة غير شرعية
« في: 10:58 30/09/2010  »
يعني ليش ماداتكدر تحصل فيزا من بغداد؟ وين الصعوبة بالموضوع؟ ترة الكل ديقدمون على فيزة عادي من بغداد واذا نرفضت من اول مرة راح تطلع بالمرة الثانية اكيد... بس حصل تقرير وصدقه من نقابة الأطباء والخارجية وروح لشركة جت مثل ماتفضلوا الأخوة الأعضاء وقدم... الموضوع مو بالصعوبة اللي ذكرتها ولا هو مستحيل... على شنو دتدخل تهريب وتخلي نفسك بيد اليسوة والميسوة؟

159
الهجرة و واللاجئين / رد: اتمنى تلكولي حل
« في: 22:36 26/09/2010  »
والله أخوية آني مو كلش خبرة بهيجي شغلات بس العنوان اللي كاتبه صحيح 100% بس أخاف حاط سبيس وانت ما ممنتببه؟؟ وإحتمال الأخوان من يقرون ردي راح يضحكون بس جرب تكتب ال IC بحروف جبيرة مو صغيرة وجرب... مو هو حتى الأيميل أفندي كام يتحجج علينا حتى ما يوصل... جرب ما خسران شي وشوف... وبالتوفيق

160
الهجرة و واللاجئين / رد: جديــــــــــــــــد 200 دولار الاردن
« في: 13:27 26/09/2010  »
بارك الله بيك والله يكثر من أمثالك أخوية العزيز أحمد... حبيت أستفسر اكدر أروح استلم بمكان زوجي إذا كان هو صاحب الطلب باليو أن؟

161
الهجرة و واللاجئين / رد: اللي قابلو اولىiom ((بغداد)) وراها بشكد خابروكم على الثانية؟؟ممكن تجاربكم بليز
« في: 15:39 22/09/2010  »
إي تستاهل كوندا...  ;) هذا التأخير كله من ورة صديقك اللي فلتها للسالفة كلها... تتذكره مو؟؟؟  ;) ;) ;)

162
الهجرة و واللاجئين / رد: يرحم والديكم دبرولي قصة
« في: 14:44 19/09/2010  »
يمعودين كتبوا عالخاص لأن صديق كوندا لاص الدنيا علينا... بس لا يطلع صاحب الموضوع واحد من المحلفين وديريد يشوف شدانسوي وشراح نكتب هههههههههه

163
الهجرة و واللاجئين / رد: عيدكم مبارك..وعندي خبر انفلاقي يمكن(أقوى خبر منذ سجلت بهذا المنتدى)
« في: 11:32 18/09/2010  »
ههههههه أويلي عليك كوندا فصخناك الله يعينك علينا..... هسةماتكولي شورطك ونزلت هالموضوع؟؟؟؟ شراح يخلصك بعد؟؟؟
إخوان آني جنت اول المنتقدين للموضوع ... والقصة هي مو لأن الأخ ذكر إسم المنتدى... بس المشكلة إنه هواية تكرر الأسم كدام المحلفين وهواية ناس كامت تتباهى كدام المحلفين وتكولهم إحنه ألوت منكم وبايكين الأسئلة بلا ماتعرفون وإحنا جبناها من فلان مكان... يعني ممكن المحلف ماينتبه للمنتدى من أول عشرين مرة بس من يجون ناس ويذكرون هالسوالف كدامهم كل يوم راح ينتبهون وراح يبدون يفكرون يغيرون طريقة الطرح والأستجواب وبالنهاية يوكع الأخوان في إحراجات إحنه في غنى عنها... هو إحنه بلا شي بايكين طن هوة من مقابلة المحلفين هالنوبة يجون يطلعولنا بأسئلة إحنا ماحاسبين حسابها أبد؟ راح تنلاص فد مرة وهالمرة راح ننطيهم حجج بيدهم حتى يرفضونا وهم سلام الله عليهم ابد مايتحججون عالرفض.

هذا رأيي أخواني وخلينا بعد نسمع ردود الباقين...

ولحد يقصر وية كوندا لأن يستاهل... هو شكو جاب هيجي خبر أصلا؟؟؟ وأصلا شكو يصادق هيجي صديق فلته؟؟؟ ههههه

164
الهجرة و واللاجئين / رد: الطلاب العراقين بالمدارس الحكومية ---عمان
« في: 10:03 15/09/2010  »
إخوان آني بعمان وأولادي البارحة داوموا بالمدرسة ومحد طلب مني لا فلوس كتب ولا قسط دراسة ولاأحد طلب مني ورقة اليو أن أصلا... والبارحة استلموا كتب عادي حالهم حال باقي الأطفال

165
الهجرة و واللاجئين / رد: سته اشهر ولازال الملف في مراحل الاخيره بلتوطين\عمان
« في: 01:02 15/09/2010  »
أختي العزيزة ياطير...
هاية اول مرة اسمع بهيجي حاله... بس ما أعرف إذا رأيي صحيح لو لا كوليلها تحاول تطلب من اليو أن محامي حتى يستأنف قضيتها ويحاول يدخل اوراق جديدة بلكن تتغير الأمور.

ارجع وأكول آني سامعة أكو محامين عدهم بس ما أعرف هالمحامين مختصين بهيجي قضايا لو قضايا من غير نوع... خلي تحاول تسأل وتتأكد اكثر ماخسرانة شي ... والله يوفقها ويسهل امرها وييسر مسعاها

166
الهجرة و واللاجئين / رد: ممكن تدلوني
« في: 15:31 11/09/2010  »
ههههههههههههههههه أخوية h.k.m والله ضحكتني هواية هاية مال ضجت... الله يسعد أيامك..

زين هسة يلة ضجت لو من زمان؟

أخوية مثل ماتفضلوا الأخوان تروح تقدم عاليو أن بعمان او سوريا او تركيا او لبنان او القاهرة... بس مو تكلهم اريد اسافر لأن ضايج... ترة على أول طيارة يرجعوك لبغداد... لازم تكون او تذكرلهم إنه حياتك في خطر بسبب خطف او تهديد او محاولة قتل

167
الهجرة و واللاجئين / رد: عيدكم مبارك..وعندي خبر انفلاقي يمكن(أقوى خبر منذ سجلت بهذا المنتدى)
« في: 20:08 09/09/2010  »
هذا خبر بوري على اللاجئين... هسة هو هذا صديقه عاف كل قصته وماتذكر غير بس يحجي للمحلف عن عينكاوا؟ ماتكولي شجابه على هالشغله؟ مو احنا هنا واحد للاخ وواحد يعلم اللاخ على دالغات وسوالف تسهل امور اللاجئين...

ان شاء الله المحلف ينثول ومايدير بال للموضوع

168
الهجرة و واللاجئين / رد: اخوان من يعرف سبب عدم وصول اي اوراق الى الايميل ic@iom.int ؟
« في: 19:26 07/09/2010  »
إخوان ترة آني من دزيت لهالعنوان هم مثلكم وا اجاني اوتو ربلاي... س من اتصلت بيهم ورة فترة وسألتهم عن ملفي وأوراقي طلعوا الإيميل ماتي وقروا كل اللي مكتوب بيه وشافوا كل الأتاجمنت... يعني الإيميل واصلهم بدون ما أستلم أي اوتو ريلاي منهم... لاتقلقون والله يسهل عالجميع

169
الهجرة و واللاجئين / رد: جمعية للمقدمين عالسيستم الجديد من دول الج
« في: 13:17 07/09/2010  »
لازوردي حبيبتي... إحنا سبق وأن حجينا نفس الموضوع...

آني مقدمة من عمان بتاريخ 17/7 ولحد هسة كل شي مااااااااااااااااكو...

كل ما أخابرهم يكولون لسة بيشتغلوا عليه... ما أدري شنو يعني بيشتغلوا عليه

يعني لاكيس نمبر ولاهم يحزنون...

170
دردشة منتدى الهجرة واللاجئين / رد: الدعاء الدعاء الدعاء في هذا اليوم المبارك
« في: 01:00 06/09/2010  »
من أجمل ماقرأت من الأدعية... بارك الله فيك أخي قيد الدراسة وإن شاء الله تتحقق كل أمانيك وامانينا وأماني المسلمين ببركة هذا الدعاء في هذا الشهر الفضيل والأيام المباركة التي لاترد فيها الدعوات وهذه الليلة التي كرمها الله بأن جعل عباداتها خير من ألف شهر...

إن مع العسر يسرا     إن مع العسر يسرا      إن مع العسر يسرا

ولسوف يعطيك ربك فترضى       ولسوف يعطيك ربك فترضى            ولسوف يعطيك رك فترضى

وصلى الله تعالى على سيدنا محمد وعلى آله الطيبين الطاهرين وصحبه الغر الميامين

اللهم لاتردنا بعد الدعاء خائين    اللهم لاتردنا بعد الدعاء خائين      اللهم لاتردنا بعد الدعاء خائبين

171
الهجرة و واللاجئين / رد: شنو قصة IOM عمان
« في: 02:54 04/09/2010  »
شكرا أخوية قيد الدراسة على هالمعلومة الجديدة...

بس ممكن استفسار آخر من الأخوة؟ مايجوز سبب تأخر الأمنية أو تأخر الملف بعد تحويلة من التوطين إلى الهجرة هو الخدمة العسكرية؟؟؟ يعني اللي افتهمته من المواضيع المطروحة بالمنتدى هو ان الخدمة العسكرية إلها حصة 80% من تأخر الأمنية... هل كلامي صحيح وهل توجد حالات مشت بسرعة بسبب ان صاحب الكيس كان معفي من الخدمة العسكرية؟

شكرا للردود الكريمة

172
الهجرة و واللاجئين / باجر حددولي موعد مقابلة ورايدين مساعدتكم
« في: 14:38 31/08/2010  »
اليوم اتصلوا بينا اليو ان وحددولنا موعد مقابلة ثانية باجر... ممكن اعرف شنو طبيعة هذي المقابلة وشنو طبيعة الأسئلة وشكد تطول وأي تفاصيل ثانية وأكون جدا شاكرة تعاونكم

173
الهجرة و واللاجئين / رد: أكدر أحول الكيس بأسمي
« في: 01:10 26/08/2010  »
ها أخوتي وينكم؟؟؟ ترة الشغلة كلش مستعجلة... والقرار لازم ناخذه باجر لو نرجع لو نبقى ونحول الكيس بأسمي... أرجو ممن يملك معلومات ان يرد عليه بأسرع وقت وأكون ممنونة

174
الهجرة و واللاجئين / أكدر أحول الكيس بأسمي
« في: 00:21 26/08/2010  »
أخواني الأعزاء،
أعتقد آني في اكثر من مكان ذكرت إنه آني مقدمة من عمان لل IOM بتاريخ 17/7 ولحد هاللحظة ماكو اي شي جديد من المنظمة. الكيس كانت بأسم زوجي... زوجي حاليا يريد يرجع لبغداد بسبب ظروف شخصية ملحة... سؤالي هو أكدر أطلب تحويل الكيس بأسمي علما إنني وزوجي نعمل لدى نفس الشركة التي تمتلك العقد مع الجيش والقوات الأمريكية وإننا الأثنان نمتلك نفس الريكومنديشنات.

أرجو الرد بالسرعة الممكنة لحاجتنا الماسة للنصح والتوجيه..

مع جزيل الشكر والتقدير

175
الهجرة و واللاجئين / رد: مرحبا منو يسكن بعمان في جبل الحسين
« في: 14:05 24/08/2010  »
أخي الكريم...

أولا اعتذر لأن آني اسكن بالسابع مو بجبل الحسين ولو جنت اتمنى اسكن بيها لأن تحس بيها حركة اكثر من مكان سكني

حبيت اكولك انه بالنسبة للأولاد آني هم من رحت على مدارسهم اللي بمنطقة سكني كالولي نفس الحجي انه مقبط وماكو مجال بس بجيتلهم شوية وكلتلهم آني واصلة قبل يومين وماجنت اعرف شوكت ينتهي التقديم وشلون يصير التقديم... حاول تروحلهم مرة ثانية بلكن يرضون وأفضل أنه تخلي زوجتك تروح عليهم وتحجيلهم شوكت وصلت وليش هالتأخير بالتسجيل... أعتقد راح يقدرون وضعك ويساعدوكم وبالتوفيق أخي الكريم

176
الهجرة و واللاجئين / رد: جماعة IOM عمان اللي مقدمين ورة 1/6 ممكن استفسار
« في: 12:40 24/08/2010  »
نواري... بالتوفيق أخي العزيز... يعني أكو أمل ينطونا كيس نمبر قريبا لأن أحنا مقدمين وراك... دعواتك الكريمة أخي

أم ريم... أختي العزيزة... أخبار الوالدة وصلتكم لو لا؟؟؟؟ والله ما أعرف الواحد شيكول... إحنا بس أنتظار كيس نمبر هلكد طولنا لعد شكد نحتاج وكت إلى أن نسافر؟ أمنياتي بكل الموفقية حبيبتي

كابتي علي... كلامك كلش مطمئن... ربي يسمع منك وتسلم عالمرور ياطيب

177
الهجرة و واللاجئين / رد: جماعة IOM عمان اللي مقدمين ورة 1/6 ممكن استفسار
« في: 21:57 23/08/2010  »
ملاك المنتدى أنجي... اشكر مرورج حبيبتي والله لايحرمني منج أبد... هذا الموضوع شفته بس آني ردت أعرف أحوال اللي مقدمين ورة 1/6 تحديدا... دعواتج ياغالية

الأخ العزيز أيهم... الله يسهل أمرنا إن شاء الله... بس والله ياأخوية ترة الخوف والقلق ماخذ كل وكتي... آني عفت وظيفتي وبيتي ببغداد وأخاف أفشل وأرجع من الصفر ... والله مابقى بينا حيل..

سيوفي الوردة... والله يا أخوية بعدني دا أنتظر بشرني أنت شنو أخبارك؟ ياربي تفرج عليك بأسرع وقت ياطيب ويسهل أمورك وتفرحنا بسفر قرييييب... الله يحفظك إنت والأهل كلهم وعطرتنا بمرورك الكريم

178
الهجرة و واللاجئين / رد: جماعة IOM عمان اللي مقدمين ورة 1/6 ممكن استفسار
« في: 13:26 23/08/2010  »
هو وحدة من إثنين... لو الكل ماشية امورهم ويخافون من العين  :P
 لو الكل واكفة أمورهم ومحد عنده شي جديد يكوله...  :-[
يلة همتكم اخواني سمعونا إذا أكو شي جديد... بديت أخاف من هالسكتة مال ال IOM

179
الهجرة و واللاجئين / جماعة IOM عمان اللي مقدمين ورة 1/6 ممكن استفسار
« في: 12:06 23/08/2010  »
أخواني وأخواتي،

إذا ممكن أكو أحد من جماعة عمان اللي مقدمين عالIOM ورة 1/6 إتصلوا بيه أو إنطوه كيس نمبر أو حددوله موعد مقابلة؟

بالنسبة إلي آني مقدمة من 17/7 ولحد هسة لاحس ولاخبر... وكلما أخابرهم يكولون ديشتغلون عالكيس مالتكم... يعني شنو ديشتغلون ما دا أفتهم... ممكن أخواني أحد يجاوبنا حتى نطمئن ونعرف إنه إحنه مو منسيين

أختكم أم ابراهيم

180
الهجرة و واللاجئين / رد: ملاك المنتدى أنجي وأخوتي الأفاضل
« في: 14:38 21/08/2010  »
شكرا حبيبتي الغالية انجي... والله لايحرمني منج أبد...

181
الهجرة و واللاجئين / ملاك المنتدى أنجي وأخوتي الأفاضل
« في: 13:07 21/08/2010  »
لدي مستمسكات تثبت عمل الشركة العراقية التي كنت أعمل لديها مع القوات الأمريكية بموجب عقد... وقد قدمنا أنا وزوجي للمنظمة في عمان وصاحب الكيس هو زوجي كوننا نعمل لدى نفس الشركة... وقد اتصلت بالمنظمة في عمان وأبلغوني أن أهلي بأستطاعتهم التقديم للمنظمة بموجب عقد شركتي مع الجيش والحكومة الأمريكية. لدي الآن والدتي وأخي البالغ من لعمر 24 عاما (غير متزوج) هل بأمكان أخي أن يقدم للمنظمة أعتمادا على أوراقي؟ وهل يكون بكيس واحد مع والدتي أم كيس منفصل؟ وشكرا على المساعدة مقدما

182
الهجرة و واللاجئين / رد: اخوان حالة عجيبة غريبة اكو واحد صاير بيه هيج شي ساعدوني
« في: 10:06 11/08/2010  »
أخوية اول شي رمضانك مبارك وان شاء الله يكون فاتحة خير عليك..ز

وكلش حقك تحير لأن الإيميل مامفهوم منه شنو وضعك...  واحتمال إنه الإيميل وصلك بالغلط وهذا الكلام صار قبل فترة وية احد اعضاء المنتدى وورة فترة رجعوا دزوله ايميل اعتذار وكالولة مو انت جنت المقصود وافيميل وصلك بالغلط.

رأيي الشخصي أن تغلس عالموضوع وتسوي روحك ماتعرف بموضوع الرفض وكأنه دتقدم من جديد... إرجع دزلهم الل يريدوه منك... إنت ماخسران شي... وإذا جان أكو غلط من الآي او ام راح يراسلوك ويعتذرون عن الغلط وإذا لا جانوا ديقصدوك إلك شخصيا فأنت ماخسرت شي كمل وياهم وشوف وين توصل والله كريم...

ارجع وأكول هذا رأيي الشخصي وآني لو جنت بمكانك جنت هيجي راح أسوي... وإنت بقت بعد يمك... وخلي نشوف شنو رأي أعضاء المنتدى...

بالتوفيق أخي

183
الهجرة و واللاجئين / رد: الاخت أنجي والاخوان رقم الكيس
« في: 23:30 08/08/2010  »
أخي العزيز راسم... كل التوفيق ان شاء الله بخطواتك القادمة... ممكن بس تذكرلنا شوكت دزيت الإيميل لل IOM؟ لأن آني مقدمة من شهر السابع ولحد هسة ماكو اي خبر منهم... شكرا مقدما

184
دردشة منتدى الهجرة واللاجئين / رد: رمضان كريم والله اكرم
« في: 14:00 04/08/2010  »
اللهم آمين... اللهم ربنا تقبل الطاعات وثبتنا على طريق الإيمان...

شكرا أخي العزيز... أسأل الله أن يستجيب دعاك...

كل عام والعراق والعراقيين بألف خير..

اللهم يافارج الهم ياكاشف الغم... فرج همنا ويسر أمرنا وأرزقنا من حيث لا نحتسب ... إنك على كل شئ قدير

185
الهجرة و واللاجئين / رد: شنو قصة IOM عمان
« في: 12:53 04/08/2010  »
سيوفي والله والله عيني دمعت من الفرح... ماتصدك شكد فرحتلك ياوردة... كل كل كل الخير ان شاء الله تلكاه كدامك... ربي يسهل امرك... تحيااااااااااتي وامنياتي بالتوفيق

186
الهجرة و واللاجئين / رد: اجه الفرح
« في: 12:50 04/08/2010  »
أخوية الغالي سيف وأخيرا الف الحمد لله والشكر ياربي ان شاء شهر رمضان يحملك كل الخير وياه يعني هسة ملفك صار On process مووووووووووووووو؟ بالتوفيق اخي ما تصدك شكد فرحت عبالك المقابلة جتي إلي.. يلة ادرس زين وتحضر وشكد حزامك... وسمعنا اخبارك... كل الموفقية ياربي

187
الهجرة و واللاجئين / رد: السلام عليكم ممكن تجاوبوني ارجوكم اجاني ايميل من المنظمة البارحة مع العلم اني من الي مقابلين الم
« في: 15:24 03/08/2010  »
أخ صفاء... الظاهر أمير من ارتباكه ما انتبه على ارقام تلفوناتها من نزلها وية الإيميل هههههههههههههههههههه ... الله يديم عليك الفرحة أخي العزيز امير

188
الهجرة و واللاجئين / رد: السلام عليكم ممكن تجاوبوني ارجوكم اجاني ايميل من المنظمة البارحة مع العلم اني من الي مقابلين الم
« في: 15:18 03/08/2010  »
عالخير أخوية العزيز... حطوك على جدول السفر وراح يتصلون بيك ويكولولك التاريخ شوكت؟

على شنو بعد حاير ومتخربط؟ الله يفرجها عليك وعلينا والف مبروك من جديد

189
الهجرة و واللاجئين / رد: شنو قصة IOM عمان
« في: 12:34 03/08/2010  »
حبيبتي شهرزاد كل الهله بيج ونورتي بيتج الثاني... عندي صديقتي وياج ببداية الخامس قابلت مقابلة ثانية UN وكاللولها ملفج تحول للتوطين وهذاك الأسبوع خابروها وحددولها موعد مقابلة أولى بال IOM بشهر الثامن... ياربي يتصلون بيج عن قريب والي عرفته من خلال المنتدى إنه مابين مقابلة اليو أن الثانية ومقابلة الآي أو أم فترة يجب أن ماتتعدى الثلاث أشهر ووراها من حقج تتصلين وتطالبين بتوضيح وين صار ملفج... بالتوفيق حبيبتي وإن شاء الله مقابلتج قريبة وأتمنى تسمعينا أخبارج دوم

190
الهجرة و واللاجئين / رد: شنو قصة IOM عمان
« في: 11:43 03/08/2010  »
أخي العزيز قيد الدراسة... تسلم عالمرور العطر ياغالي ... إذا كلامك كان صحيح إنه الموافقات الأمنية قبل المقابلات فهذا بالتأكيد يفسر سبب تأخير المقابلات للمقدمين بعد 1/6... ولكن من ناحية أخرى مو من المفروض أن يردون بإيميل على الشخص اللي مقدم ويبلغوه إنه طلبه مقبول أو مرفوض حتى الواحد يعرف؟

يعني اني مثلا بعثت الإيميل ولحد هسة محد جاوبني برفض او قبول... ونفس الكلام على باقي الأخوة الأعضاء اللي مقدمين بعد 1/6

ياريت تكوللنا إذا عندك رد لسؤالي..

شكرا مرة ثانية وياربي السفر عن قريب

191
الهجرة و واللاجئين / رد: شنو قصة IOM عمان
« في: 09:49 03/08/2010  »
أخي ليث العبيدي... كل التوفيق أخي بحياتك الجديدة وان شاء الله كل امورك تمشي سهلة مثل مامشى موضوع هجرتك بهالسهولة... بس ممكن تكوللنا هذا الحجي شوكت صار؟ أقصد بيها مجال تذكرلنا التوايخ إذا مابيها احراج؟

ومثل ماتفضلت حضرتك إحنه ماعدنا غير بس رب العالمين نتوكل عليه... الله كريم

تسلم عالمرور وأمنياتي بكل الموفقية

192
الهجرة و واللاجئين / رد: شنو قصة IOM عمان
« في: 09:46 03/08/2010  »
أخي العزيز جوني جاك... بغداد معروفه بالتأخير بس مثل ماذكرت فوك إحنا ماقدمنا من بغداج لأن هواية تتأخر وجينا لعمان على أساس المنظمة هنا تمشي امور الناس اسرع  :-\... والعلم عند الله

هاي إحنه كاعدين ودننتظر والله كريم... تسلم عالمرور أخي العزيز وأمنياتي بالموففية

193
الهجرة و واللاجئين / رد: شنو قصة IOM عمان
« في: 21:02 02/08/2010  »
الله يعينك ويساعدك أخي الكريم سيف... والله ما اعرف شأكولك وشلون اهون عليك... صديقتي بعمان قابلت توطين بشهر الخامس وخابروها قبل كم يوم على موعد مقابلة بال IOM بشهر الثامن... ياربي من كل قلبي ادعيلك ربي يفرج همك ويسهل امرك ويسهل مقاصدك...

حاول تظل تلح عليهم بلكن يحنون ويفهموك شنو قصدهم بالهولد؟ شنو عندك مشكلة بأوراقك لو نقص

راح اظل منتظرة تبشرني باليوم اللي يخابروك بيه ويحددولك موعد مقابلة...

كل التوفيق أخي العزيز

194
الهجرة و واللاجئين / رد: هل يوجد احد من الموصل يريد يهاجر لامريكا
« في: 19:36 02/08/2010  »
اخي العزيز... مع أحترامي لردود الأخوة الأعضاء أريد أن أبين لحضرتك إنه بأمكانك التقديم على IOM  بغداد بس راح تطول سالفتك بحدود سنتين او تحب تروح للأردت او سوريا او مصر حتى تمشي اوراقك بشكل اسرع وإنت بكيفك أختار ومثل ماتفضل الأخ دوووفي مشكورا راسل المنظمة على عنوانهم اللي ذكره فوك وهم راح يسألوك إنت من وين تريد تقدم من أي بلد وإنت بقت بكيفك تختار... طبعا وية الإيميل دز كل اوراقك وشهاداتك وهوياتك اللي تثبت عملك مع القوات او الشركات الأمريكية ووياها نسخة من جوازك وهوية الأحوال وشهادة الجنسية وتذكر اسماء الأشخاص من الدرجة الأولي اللي تريد تضمنهم بالكيش مالتك.

بعدين ياجماعة على كيفكم وية الولد من هسة خوفتوه ليش شصار شدعوة؟ ترة مو لهالدرجة الوضع ببغداد مرعب... صح بعدها مو كلش امان بس مو معناها يتنكر ويتخفى من يريد يروح يقابل... ترة الناس بالعشرات واكفين بالبوابات مال المنطقة الخضراء ومكتب بغداد ديستقبل ىلف الطلبات يومية والناس دا تحجي عادي بالموضوع... آني ما أريد اكول إنه الأمور كلش زينة بس بنفس الوكت ترة مو بالسوء اللي ذكروه الأخوة الأعضاء...

توكل على الله أخي وقدم من أي مكان تريده وروح بفالك وأتمنالك كل الموفقية

195
الهجرة و واللاجئين / رد: سؤال مهم محيرني
« في: 11:56 02/08/2010  »
أخي العزيز... دزها شلون ما تريد عربي أو إنكليزي ماتفرق... بالتوفيق إن شاء الله

196
الهجرة و واللاجئين / رد: ايميل iom عمان
« في: 11:48 02/08/2010  »
IC@iom.int

وبالتوفيق اخي

197
الهجرة و واللاجئين / رد: شنو قصة IOM عمان
« في: 11:41 02/08/2010  »
عراقي وافتخر ضحكتني والله..ز الله يسعد كل ايامك.. شنو عجبتك الدورة التثقيفية ودتريد تعيدها؟؟؟؟ ههههه... حياك على هالروح الرياضية... وزين تسوي جلب بياختهم وخلي نشوف منو نفسه أطول... بالتوفيق أخوية

198
الهجرة و واللاجئين / رد: اخواني المقدمين بعد 1/6 على اي او ام بالطريقة الجديدة ( المقيمين بمصر )
« في: 08:38 02/08/2010  »
والله يا أخ ياسر هو هذا اللي افتهمته... على أساس إنه مقر المنظمة منقول ألى عمان من السنة اللي فاتت... يعني حتى إذا مو سنة ونص فإحتمال سنة... والله يا أخي ما دانعرف أشو كل واحد ديحجي حجاية شكل... على العموم إذا عندك معلومة أكيدة من مصدر موثوق ياريت تبلغنا.. وشكرا إلك مقدما

199
مواضيع الحياة العامة في بلاد المهجر (امريكا) / رد: ++(((( للي عنده اطفال قبل عمر المدرسة شيسوي بأمريكا؟ تفضلوا ))))++
« في: 08:29 02/08/2010  »
عاشت الأيادي سرى... آني دوما من المتابعين لردودج القيمة ومواضيعج المفيدة...

الله لا يحرمنا منج حبيبتي ولايضيع تعبج..

أمنياتي لك بالموفقية

200
الهجرة و واللاجئين / رد: شنو قصة IOM عمان
« في: 08:21 02/08/2010  »
يابة روبن هود... ما أكول غير بس اله يغينكم ويساعدكم على هالإنتظار... أويلي عليكم... ىني صارلي تقريبا 3 أسابيع وكمت آكل بروحي لأن محد ديرد عليه,,, الله بساعدك أخي العزيز وان شاء الله تفرج عليك قريبا وتفرحنا بالبشاره.

وأخي روبن هو هذا قصدي.. إذا إحنا صارلنا كل هالوكت بس دننتظر يردون على إيميلاتنا... لعد شكد راح نطول إلى أن نقابل ونستلم نتيجة محلفين وإلى أن نجي الأمنية العروس؟ الله يكون بعونك وعوننا وعون الجميع...

أمنياتي بكل التوفيق وتسلم عالمرور ياغالي

201
الهجرة و واللاجئين / رد: شنو قصة IOM عمان
« في: 08:16 02/08/2010  »
أخي جامبو الله يسمع منك ان شاء الله وياربي رمضان القادم أهنيك بيه وأنت بأمريكا... عطرت المنتدى بمرورك تسلم ياوردة... انتظر تبلغنا اذا اكو اي شي جديد

202
الهجرة و واللاجئين / رد: اخواني المقدمين بعد 1/6 على اي او ام بالطريقة الجديدة ( المقيمين بمصر )
« في: 23:35 01/08/2010  »
أخي العزيز You never know شكرا عالتوضيح... بس أعتقد مو هذا هو السيستم الجديد اللي ديحجون بيه لأن المنظمة نقلت  مقرها من القاهرة إلى عمان قبل أكثر من سنة ونص... والأخوان اللي قدموا ورة نقل المنظمة إلى عمان مشت امورهم بسرعة... اللي نريد نعرفه شنو اللي استجد وكامت المنظمة تأخر المقابلات... لا بل إنه حتى أي رد ما دا يجي منهم... وهذا بالنسبة لكل الأخوة اللي قدموا ورة 1/6

203
الهجرة و واللاجئين / رد: قدمت على الاي او ام من عمان
« في: 21:34 01/08/2010  »
أبو ندى ممنونة آني منك أخوية العزيز... هاي الأوراق آني كلها دازتها وية الإيميل ... بس صارلي اسبوعين تقريبا... أتمنالك الموفقية وأن شاء الله يوم اللي تبشرنا بالمقابلة

204
الهجرة و واللاجئين / رد: قدمت على الاي او ام من عمان
« في: 19:05 01/08/2010  »
الأخ الكريم ابو ندى... آني نفس حالتك قدمت قبل اكثر من اسبوعين ومحد رد عليه.. ممكن بلا زحمة عليك تكولي شنو الأوراق اللي طلبوها منك.. بس حتى اعرف ليش محد منهم اتصل بيه... يعني معقولة آني دازة اوراقي كاملة بحيث محد طلب مني اي شي؟
انتظر ردك اخي الفاضل حتى لو كان عالخاص إذا تنحرج من الكتابة عالعام واكون شاكرة لحضرتك

205
الهجرة و واللاجئين / رد: اخواني المقدمين بعد 1/6 على اي او ام بالطريقة الجديدة ( المقيمين بمصر )
« في: 18:34 01/08/2010  »
حبيبتي ام ريم... بس ردت اوضح الفكرة لحضرتج اكثر... آني مقدمة على الUN ومقدمة على ال IOM بنفس الوكت حتى إذا الIOM ماوافقوا على ملفي أكون آني بهالحاله ممشيةاوراقي من جهة ال UN

بالنسبة لل UN آني ورة ماقدمتلهم بأسبوع قابلنا اول مقابلة بس بالنسبة ل IOM فبعدنا لحد هسة دننتظر منهم خبر

اتمنى تكون الصورة واضحة هسة ..ز امنياتي بالموفقية للجميع

206
الهجرة و واللاجئين / رد: اخواني المقدمين بعد 1/6 على اي او ام بالطريقة الجديدة ( المقيمين بمصر )
« في: 18:27 01/08/2010  »
أخوان ممكن احد بس يفهمنا هو شنو هذا السيستم الجديد؟ أشو اول مرة اسمع بيه؟

207
الهجرة و واللاجئين / رد: شنو قصة IOM عمان
« في: 18:25 01/08/2010  »
أخي العزيز LG... آني قدمت من عمان Direct access بس جيرانا ببغداد هو اللي قدم من عمان وحول بعدين ملفه لبغداد وهاي صارله اكثر من سنتين واوراقه دتمشي ابطأ من السلحفاة... ذكي مو بالله؟ ;)

إي صح الورقه اللي انطونياها بيضه وبيها صورنا كلنا... آني آسفة خربطت بينها وبين الكارت الأصفر الأول اللي حددولنا بيه موعد المقابلة... اعتذر مرة ثانية عن اللبس...

ياربي اسمع كل الخير عنك وعن كل اللي دينتظرون مواعيد IOM عمان

208
الهجرة و واللاجئين / رد: شنو قصة IOM عمان
« في: 18:18 01/08/2010  »
اخي العزيز باسم... شرفتنا بمرورك... بس ممكن تكوللنا شوكت قدمت على الIOM؟

209
الهجرة و واللاجئين / رد: شنو قصة IOM عمان
« في: 18:14 01/08/2010  »
حبيبتي ام ريم... إذا حضرتج دتحجين عن ال IOM فجوابي هو نعم أختي أني قدمت عن طريق الإيميل بتاريخ 17/7 وخابرتهم ورة 10 أيام وكالولي من يستجد شي راح نتصل احنة بيكم واليوم دزيت ايميل وماكو اي رد منهم لحد الآن.

أما إذا قصدج على ال UN فنعم حبيبتي راح زوجي للمنظمة بدير غبار يوم 1/7 واخذ وياه جوازاتنا وبعدين كالولة تعال وية عائلتك مقابلة اولي بتاريخ 7/7 وانطوه ورقه بيها اسمه وتاريخ المقابلة وعدد الأفراد اللي راح يحضرون المقابلة... ورحنا بالموعد المذكور وقابلنا ولحد هسة ماكو شي.

بعد وكت على القلق مو بالله؟  ;D

210
الهجرة و واللاجئين / رد: شنو قصة IOM عمان
« في: 14:43 01/08/2010  »
اخي العزيز سيف.. والله ما أعرف شأكولك... صدك صارلك فترة طويلة... بس أعتقد موضوع التحويل ياخذله وقت طويل لأن جيراننا ببغداد حول ملفه من عمان لبغداد... والأخ ورة سنه يلة إتصلوا بيه حتى يبدي مقابلات وديمشي ملفه هسه تاتي تواتي... حتى الكفيل مالته صارله 4 أشهر من موقع الأوراق ومحد لحد هاللحظة متصل بيه ... بالتوفيق أخي سيف إلك وللعائلة الكريمة وإن شاء الله يتصلون بيك عن قريب كلش ويكولولك ملفك on process ... أمانة عليك تبشرنا من يتصلون بيك وإن شاء الله البشارة قريبة

211
الهجرة و واللاجئين / رد: شنو قصة IOM عمان
« في: 14:37 01/08/2010  »
أخي العزيز LG آني أصلا أول ما وصلت عمان قدمنا على ال UN وقابلنا مقابلة أولى بتاريخ 7/7/2010 وأنطونا الورقة الصفره ولحد هسة ماكو شي جديد منهم... طبعا التقديم لليو أن جان أولا إجراء من باب الإحتياط في حالة رفضوا ال IOM ملفي وثانيا للحصول على ورقة الحماية.

المهم من ردك افتهمت إنه جوابهم إلك بيه أمل... بلكن ياربي يطلع كلامهم صحيح.. أمنياتي ان يتصلون بالكل في أقرب وقت وبالتوفيق للجميع إن شاء الله

212
الهجرة و واللاجئين / رد: شنو قصة IOM عمان
« في: 12:25 01/08/2010  »
ديفيد بغداد... عمان بكل الأحوال اسرع من بغداد ... وحسب ردود الأخوة الأعضاء التأخير اللي ديصير هسة بعمان هو بسبب نهاية السنه المالية والزخم اللي صاير عليهم.. يعني اللي استنتجته من الردود إنه على شهر التاسع أن شاء الله يبدون يشتغلون بمعاملاتنا... وإذا هم نفسهم نصحوك أن تحول ملفك لعمان علمود السرعة فتوكل على الله أخي العزيز ... إنت بكل الأحوال راح تنتظر إذا ببغداد وإذا بعمان وبالتوفيق ان شاء الله

213
الهجرة و واللاجئين / رد: شنو قصة IOM عمان
« في: 09:15 01/08/2010  »
تسلم ياذهب على مرورك وردك... الله يسمع من حلكك وابشركم ان شاء الله بالمقابلات

214
الهجرة و واللاجئين / رد: شنو قصة IOM عمان
« في: 19:32 31/07/2010  »
اخي ثابتكو..ز شكرا على مرورك وردك أخي بس إنت متأكد من موضوع الأمنية قبل أي مقابلة؟ لأن أول مرة أسمع بيها...

بغداد بقلبي... شكرا لمرورك الكريم وردك أخي اثلجت قلبي... الله يبرد قلبك ويحقق أمانيك..

ريم عبد حبيبتي... دومج تزرعين الأمل بينا... الله لايحرمني ولايحرم المنتدى من كلماتج الرقيقة وتواصلج...

أما أنت ياملاك المنتدى.. كل كلمات الشكر والثناء تعجز عن شكرج... وكل وصف سوف لن يفيك حقك... تسلمين حبيبتي ياغالية عطرت الموضوع بمرورك

شكرا لكل الأخوة والأخوات... بعثتم فينا الأمل من جديد

215
الهجرة و واللاجئين / شنو قصة IOM عمان
« في: 16:12 31/07/2010  »
أخوان لاحظت بالفترة الأخيرة إنه هواية ناس ومن ضمنهم آني طبعا  ::) ديشتكون من التأخير من IOM عمان... كلنا من إختارينا عمان للتقديم كان بسبب سرعة إنجاز الكيسات على أساس إنه المكتب الأقليمي موجود بعمان... بس لاحظت إنه ناس هواية دتشتكي من التأخير في الرد أو عدم الرد أساسا... أكو ناس صارلها شهرين من دزوا أوراقهم وIOM عمان لاحس ولاخبر... إذا ممكن من الأخوة المتواجدين أن يفهمونا ليش هالتاخير بالفترة الأخيرة؟ شنو القصة مو على أساس عمان أسرع من باقي الدول؟ زين إذا ردهم هلكد يطول لعد المقابلات شكد راح تطول؟ أرجو من كل أخوتي وأخواتي إفادتنا باي شي جديد إذا جان أكو شي جديد سمعوه... وبالمناسبة بعد وكت على إنشاء جمعية المعلوسين من IOM عمان مووو؟  ???

216
الهجرة و واللاجئين / رد: خوان قمت على ال اي او ام لاكن ما ردو عليه صار اكثر من شهر او نص
« في: 15:22 31/07/2010  »
أخي كوندا... كلامك صحيح لو كان التقديم من بغداد ... بس الأخ مقدم من عمان وعمان معروفة بسرعة تمشية الكيسات مو مثل بغداد... على العموم آني هم صارلي اسبوعين من قدمن... ومن اتصلت بيهم ورة 10 أيام كالولي ماكو شي جديد ومن بصبر أي شي راح نبلغكم اما بالتلفون او عن طريق الإيميل

217
الهجرة و واللاجئين / رد: الحياة في أمريكا
« في: 13:01 31/07/2010  »
سومري آني عبالي ذبانة وكفت على حاسبتي وردت أوخرها هههههههههههههههههههههههههه...

218
الهجرة و واللاجئين / رد: أخوان أكدر أجيب الPSP وياي بالطيارة؟
« في: 09:24 30/07/2010  »
عاشت إيديك جامبو ... ماقصرت والله...

219
الهجرة و واللاجئين / رد: أخوان أكدر أجيب الPSP وياي بالطيارة؟
« في: 23:44 29/07/2010  »
شكرا أخ صفاء وبالتوفيق وشكرا حبيبتي أم مشمش... والله جهالي بعدهم على البلي الستيشن العادي ... خليهم مايعرفون هذا البورتبل مابيه حيل ياكلون راسي

220
الهجرة و واللاجئين / رد: أخوان أكدر أجيب الPSP وياي بالطيارة؟
« في: 23:24 29/07/2010  »
أخوان ممكن أحو يكوللنا هو هذا شنو اللي دتحجون بيه؟ PSP؟ هذا ياكلوه لو يشربوه؟  ;D ;D ;D

ترة آني أعرفه بس أريد أختبر معلوماتكم بهذا ال PSP...

221
الهجرة و واللاجئين / رد: لعبان نفس والله محتاج جواب مضبوط
« في: 23:21 29/07/2010  »
أخ ياسر... موضوعي نفس موضوع سفير الوطن بس الفرق إنه آني صار اسبوعين من قدمت وهم لاحس ولاخبر... حضرتك كلت إن المنظمة قابلتكم ورة شهر ونص من إرسال الإيميل... زين ممكن تكوللنا ورة شكد جاوبتكم المنظمة عالإيميل وإنطتكم كيس نمبر؟ لو رأسا دزولكم إيميل بموعد المقابلة؟

222
الهجرة و واللاجئين / رد: معذبة تنتظر فرج رب العالمين
« في: 23:22 28/07/2010  »
أختي العزيزة:
إذا إنت بمصر فجوابي هو نعم أكو هيجي حالة وصارت وية صديقتي قدمت من مصر وواحد من الفحوصات تأخر شهرين إلى أن طلعت نتيجته... بس ما أعرف هو جان فحص السل ولا غير شي... علما إنه موافقتها الأمنية جانت طالعة وخلصانة...وهسة هي بأمريكا... أتمنى يكون جوابي مريح إلج... وبالتوفيق عزيزتي

223
دردشة منتدى الهجرة واللاجئين / رد: عضو جديد قديم
« في: 08:55 18/07/2010  »
نورت وعطرت المنتدى أخ همام... آني هم جديدة وماصار لي الشرف أن ألتقي بيك بالسابق... كل الموفقية أخي وياريت تحجيلنا إحنا الأعضاء الجدد عن اللي صار وياك و|إنطباعاتك وشكد صارك بأمريكا وشنو اللي أستفاديته واللي خسرته... عسى أن تضيف شيئا إلى مشاركات الأخوة اللي تطرقوا لهيجي مواضيع قبلك... هسة يكول أهوووووووووووووووووو آني شورطني ورجعت أكتب؟  ;D

224
الهجرة و واللاجئين / رد: iom عمان
« في: 12:14 17/07/2010  »
شنو 3 أسابيع شنو 6 أشهر؟؟ يمعودين صدك جذب؟؟ آني اليوم دزيت إيميل لل iom وعبالي راح استلم رد منهم هاليومين.. زين آني اريد افتهم همة على الأوراق اللي مقدمتها راح يقبلوني لو لا؟ لأن أريد افتهم إذا ماقبلوني لازم ارجع لبغداد علمود الغي كل الموضوع وارجع لشغلي بدل ما اخسر الخيط والعصفور واذا قبلوني راح ابقى هنا وانتظر وياهم.زز شلون هسة اعرف؟

225
الهجرة و واللاجئين / رد: منو سجل بـ UN سنة 2010 وقابل مقابلة توطين ؟ ارجوا ا
« في: 22:13 16/07/2010  »
إحنا قدمنا يوم 1/7/2010 من عمان
أول مقابلة جانت يوم 7/7/2010

ودننتظر والله كريم بس الظاهر محد من جماعة 2010 قابلوا بال IOM

226
مواضيع الحياة العامة في بلاد المهجر (امريكا) / رد: كيفية استحصال رخصة السياقة في امريكا و سر نجاحك في الاختبار ... موضوع شامل من جميع النواحي
« في: 09:02 16/07/2010  »
عاشي إيديك أخي الكريم... موضوع أقل مايقال عنه إنه راااائع ومفيد جدا لكل الواصلين الجدد الى أمريكا... أمنياتي بالموفيقة

227
الهجرة و واللاجئين / رد: إخوتي وأخواتي خبراء ال IOM أختكم بحاجة للأجابة عن إستفسار هل بالأمكان مساعدتي
« في: 12:06 15/07/2010  »
شكرا عالتوضيح أخي العزيز أرمينيان... أمنياتي لك بالتوفيقئ

228
الهجرة و واللاجئين / رد: إخوتي وأخواتي خبراء ال IOM أختكم بحاجة للأجابة عن إستفسار هل بالأمكان مساعدتي
« في: 10:45 15/07/2010  »
شكرا عالردود أخواني وراح أحاول الأتصال وأشوف شيكولون....
أخي سامسونج.. أعتقد موضوع فصل الكسي بيه إحتمال تأخير وتعقيد للقضية... راح أتصل بالمنظمة واسألهم وإذا جان ردهم غير مشجع إحتمال راح أسوس كيسين...
شكرا مرة ثانية عالردودوبالتوفيق للجميع

229
الهجرة و واللاجئين / إخوتي وأخواتي خبراء ال IOM أختكم بحاجة للأجابة عن إستفسار هل بالأمكان مساعدتي
« في: 09:53 15/07/2010  »
أعضاء المنتدى الكرام وأخوتي وأخواتي ممن يعرف الأجابة على سؤالي
وصلنا عمان قبل أسبوع أنا وزوجي وأطفالي الثلاثة ونحن في النية أن نقدم إلى الIOM حيث إني أعمل وزوجي في شركة واحدة لها عقد مع الجيش الأمريكي والحكومة الأمريكية. سيكون زوجي هو صاحب الكيس حيث سيقدم العقد بين شركتنا وبين الجيش والحكومة الأمريكية وسيقدم رسائل التوصية التي تثبت عملنا في الشركة مع باقي الأوراق اللازمة... سؤالي هو... هل بإمكان والدتي وإخوتي التقديم لل IOM بموجب الأوراق التي سنقدمها الى المنظمة؟
أكرر إن زوجي سيكون صاحب الكيس... ولايمكن لوالدتي وأخوتي في تلك الحالة التقديم إلى المنظمة لأنهم لا يعتبرون أقارب درجة أولى بالنسبة لزوجي... إلا إنني وحسب معلوماتي المتواضعة أعتقد إن بإمكانهم التقديم إستنادا على عقد شركتي ورسائل التوصية التي أملكها حيث يعتبرون أقارب من الدرجة الأولى لشخص عمل مع القوات الأمريكية... الرجاء إفادتي بخبرتكم ولكم مني كل التقدير والأحترام


أختكم أم إبراهيم

230
الهجرة و واللاجئين / رد: الاردن والتقديم على اليو ان والآي او ام ...؟
« في: 14:35 15/06/2010  »
إخواني وأخواتي ... إذا ممكن بيها مجال تدلوني وين الواحد ممكن يأجر إيجار معقول بعمان... علما إنه إحنا عائلة متكونة مني ومن زوجي و3 أطفال... وآني ما أريد أيجار بعبدون وصويفية وهاللأماكن الغالية لأن ماعدنا هالإمكانية ولا إيجار بمناطق شعبية كلش لأن عندي أطفال لازم يروحون مدارس السنة الجاية... آني صارلي 10 أيام أدور وكلهم يكولولي الإيجارات مو أقل من 500 دينار وبالحقيقة هالمبلغ كلش هواية علية وراح يكسر ظهرنا... ممكن أحد بلا زحمة يدليني وين أكو أيجارات أرخص وأكون كلش ممنونة إلكم

231
الهجرة و واللاجئين / رد: إلى ملاك المنتدى إنجي وإلى كل إخوتي وأخواتي محتاجة نصيحتكم
« في: 10:49 25/05/2010  »
ملاكي وملاك المنتدى... شكرا لكل ما ذكرته وقد كنت على حق في إنك أبدا لن تبخلي أو تتأخري بمعلومة تفيد الجميع... لك مني كل الحب والإحترام وأرجو أن تتقبلي كثرة اسألتي مستقبلا فلا ملاذ لي غيرك وغير إخوتي في المنتدى لمساعدتي في السير بثقة في مشواري الجديد...وأنا الآن بحاجة لدعواتك الكريمة ودعوات إخوتي في المنتدى

232
الهجرة و واللاجئين / إلى ملاك المنتدى إنجي وإلى كل إخوتي وأخواتي محتاجة نصيحتكم
« في: 10:02 25/05/2010  »
طبعا لا أملك من الكلمات مايكفي للتعبير عن مدى حبي وتقديري وإعتزازي بأفراد المندي من إداريين ومشاركين... شكرا لكم إخوتي على ماقدمتموه من معلومات ساعدت الكثير في السير بطريق الهجرة بشكل صحيح...

ملاك المنتدى إنجي وإخوتي الكرام وأخواتي الكريمات... أنا الآن في بغداد وقد قدمت على طلب فيزا إلى عمان ومن المؤمل أن أستحصل الفيزا خلال إسبوعين... أنا الآن بصدد التقديم إلى IOM عمان... هل بالإمكان إخباري من أين أبدا؟؟ هل التقديم يكون مباشر إلى مقر ال IOM في عمان أم عن طريق إرسال إيميل؟؟ هل أبعث الإيميل الآن وأنا لازلت في بغداد أم أنتظر لحين وصولي إلى عمان؟ وكم تستغرق المدة مابين إرسال الإيميل حتى وصول رد IOM عمان؟ وهل أرسل الإيميل إلى IC@iom.int أم إلى ammaninfocenter@iom.int? وماهي المرفقات التي أرفقها مع الإيميل؟

شكرا لأنجي وكل من يتقدم بمعلومة تسهل علي مشواري مع الهجرة...


صفحات: [1]