عرض المشاركات

هنا يمكنك مشاهدة جميع المشاركات التى كتبها هذا العضو . لاحظ انه يمكنك فقط مشاهدة المشاركات التى كتبها فى الاقسام التى يسمح لك بدخولها فقط .


الرسائل - dalia1975

صفحات: [1]
2
اختي العزيزة جيهان سلام طفل المغارة مني لك اتمنا ان تكون فعلا قلوبنا مثل المغارة صحيح جانت المغارة مكان وضيع وبسيط في ذاك الوكت لبعض الاشخاص لكن جانت للطفل يسوع الماوى الدافي والبسيط اللي اكيد ابعادها معنوية اكثر من انو هي مادية اتمنا تكون كلوبنا مستعدة للميلاد واستقبال الطفل يسوع احلا استقبال اللي هو  احساسنا بالفقير والمحتاج والصلاة لكنيستنا الغالية وخصوصا بالعراق ان تبقا ابوابها مفتوحة واجراسها تقرع في كل احد وكل عيد وبصراحة الاخ الن كفا وافا وتعليقه رائع وايضا اختي العزيزة جيهان مواضيعك حلوة والرب يحفضك ارجو قبول مروري البسيط    ياطفل السلام امنحنا السلام

3
شكرا اختي العزيزة سرى  وتسلمي عل الردود والاهتمام بالموضوع ولله اني اتمنا انو تتحول المعاملة لاي منضمة انسانية واذا بغداد كلش زين حتا الواحد يكدر يتابعها عن قرب ناهيك المحامي والمصاريف مكلفة هواية اشكرج مرة ثانية

4
مرحبا عزيزتي سرى شكرا عل الرد والسوال  اني بالعراق واريد اهاجر وبصراحة حاولت بكل السبل الكي فد طريقة حتا اسافر بيها اني وعائليتي حاولنا من بغداد والتقديم بس شغلة بغداد الها شروط معينة فماترهم وعل اساس اخوية يسويلي معاملة كنسية اشو تعرقلت وبصراحة ميعرف هواية تفاصيل عنها مع العلم لو ترهم جان احسن من معاملة الهجرة وبعد شغلة ايد داتسالين ليش من نسافر ونقدم من دول الجوار بصراحة زوجي ضد هاي الفكرة تماما واني جنت بعمان قبل السقوط ورجعنا وبعد السقوط طلعنا مرة ثانية وبصراحة اني جنت مطفية وماسجلت باي منضمة وصارت القسمة وتزوجت ورجعت للعراق وطبعن اني متندمة هواي لانو هاي شغلة التقديم للعراقيين خصوصا بعد السقوط وجانت بدايتها يعني ماجان هيجي زخم من جنت بعمان اسمع هيجي سوالف وماديرة بال واحنا جناطالعين باشغلة  واني كتبت لاخت جورجيا من جنت داسال بشغلة بغداد وماقصرت والاخت انجي نفس الشي وهسا حاليا رسينا عل هل الحل وهم مكلف لانو اتعاب المحامي وغيرها من توابع اذا عندج معلومات وتفاصيل بهذا الشي ارجو المساعدة وارجو انو ماطلت عليج بالكلام بس المهم توضح الصورة يمج واشكرج من اعماق قلبي

5
مرحبا اخواني الاعزاء وتحية سلام للجميع اني عندي اخوية بامريكا ومتجنس  واريد اهاجر يما فهو راح يسويلي معاملة هجرة باستمارة لم الشمل العادية من غير التسجيل باي منظمة انسانية  فعرفنا الشغلة تاخذلها من 8 الى 10 سنوات فقررنا نلزم محامي عل حسابنا الخاص وهو مشيها  بس حبيت المساعدة من يمكم اذا تعرفون محامي مضبوط وبجم سنة تفض والل مهاجر لامريكا بهاي الطريقة شنو عند معلومات تفيدي خلي يطب ويزودنا بمعلومات واكون شاكرة الكم من اعماقي القلبية

6
تسلم ايدك عل المعلومات الحلوة  كل شي  عن براد بيت او من طرف براد بيت حلو ويخبل وتسلم ايدك مرة ثانية

7
تسلمي موضوع شامل بكل سلوكيات الطفل  وايجاد الحلول الها  عاشت ايدك عل هالموضوع الرائع

8
اختي العزيزة     اكيد الميلاد واجواء الميلاد الها فد وقع بحياتنا وكل العالم المسيحي ينتضر الميلا د والحفلات والتسوق والاكل والشرب والعزايم بس موكل العالم المسيحي ينتضر ميلاد الرب يسوع ومجي لحياتنا وولادة بكلوبنا بكل ماتحمل هل الولادة من تجرد وتواضع والشعور بالمحتاج والمريض واليتيم والضائع هذا هو المعنى الحقيقي للميلاد وهذا مايمنع الاحتفالات البسيطة اللي تحمل معني مثل المصالحة بين العوائل المتزاعلة والتسامح بين افراد العائلة والتسامح بين الازواج     اما بالنسبة للشجرة وبابا نويل رغم انو اني بهل العمر بس عندي الشجرة مهمة جدا جدا وبابا نويل معرف يمكن لانو ترجعني لايام الطفولة وبرا  ءة الاطفال وشكرا عزيزتي عل موضوعج القيم ارجو انو مااطلت بالتعليق واللك كل تقديري واحترامي

9
شكرا عزيزتي مرورك    وتعليقك عل الموضوع   وهذا شي اني اعتز بي وصكيني هواية من المواقف بحياتنا احنا نمر بيها الرب يكون ويانا ونطلب منا يساعدنا حتا في بحض الاحيان نحس انو الهنا مارد علينا وماساعدنا في موقف معين بالطريقة اللي احنا نريدها  ونحس انو تركنا بس بعد فترة من الزمن نتذكر ذاك الموقف وانو الهنا ماستجاب لندائنا نكول هم زين ماستجاب النا لانو اكيد هو اللي ختارلنا الشي الصحيح وندرك انو هم جان ويانا ودايما ويانا وبكل وكت    واشكرج مرة ثانية لمرورج

10
مى لي سواك يحمني كل شر قا ئم      انت الهي لاسواك انت الهي لاسواك        احب احجي عن ذيج اللحضة الصعبة اللي مريت بيها وطلبت من الرب يمد ايده ويساعدني بلحضة كنت فاقدة الامل بالنجاة طبعن طبيت للحمام حتا احمم ابني وفتحت الماي ولازما تلفون الماي اقصد الدو ش وديلعب ابني بالماي ودنضحك ومااحس الالزمنا الكهرباء وبعد مايعوفنا وذيج اللحضات ماكدر اوصفها لان اصعب لحضات بحياتي اريد بس اشمر ابني بعيد بس الكهرب يجلب   بالواحد ومايعوفا وحسيت نفسي اني بعد شويا راح اموات اني وابني اكول يارب بس خلص ابني وخايفة عليه اكول يايسوع لاتعوفني وتعرفون الكهرب شلون يشيل الواحد ويشمرا من مكان المكان ومعرف شلون خرطوم الدوش جلب بعلاكة خشب بالحمام وحسيت عافنا الكهرب راسا شمرت ابني وكع بالكاع وبعدها الله خلصنا بس يذيج اللحضة حسيت انو ايد امدتلي وخلت الخرطوم يجلب رغم انو الكهرب بعدا مستمر عرفت انو اللحضة اللي حاجيت الهي جان وياي وماتركني لوحدي ومد لي ايده وانوهودايما ويانا ويحرسنا ويحبنا بس احنا من حس بوجوده دايما

11
اخواني الاعزاء شوكت مريتم بلحظة عصيبة بحياتكم وطلبتم التدخل من الرب وحسيتو ان الرب مد ايداالكم وماتركم بذاك الموقف الصعب اللي دتمرون بيه اللي مر بهيج لحظة ارجو الدخول والمشاركة بخبرته

12
الاثنين مهمين بس جمال الروح اهم هواية اكو ناس الواحد ينبهر بجمالهم بس لمن يقترب منهم ويتعرف عليهم يكون طبعهم عكس شكلهم   وهواية اكو ناس موكلش حلوين اومظهرهم عادي اقصد موجذابين بس طبعهم الحلو وطيبتهم تفرض عل الواحد انويحترمهم ويقدرهم 

13
اكيد هيجي علاقة وهي متزوجة خيانة بس اكيد اكو فد خلل من زوجها حتا لو تحب واحد قبل الزواج او حتا بعد الزواج لازم اكو فراغ عاطفي بحياتها والزواج هو شراكة بين اثنين بكلشي ولازم واحد يحس بالثاني ومثل هجي علاقات اكيد مكتوبلها الفشل لان ماكو شي يغذيها واكيد الابنية تعرف انو الطرف اللي دتخون زوجها علموده او يحب يتسلى بيها وهي تدرك هذا بس نتيجة الفراغ العاطفي يكون مخدر الها وحتا لو جان عشيقه يحبها من صدك فاكيد مثل ماكلت اتوماتيكيا راح اتصالات وبعدها لقاءات وهي بالاخر اللي راح يكع كل اللوم عليها وراح تتعب نفسيا وهي اللي راح تنجرح فخلي تفكر بعقلنية وتوعا انو هذا الشي غلط وهم بالاخر اضع اللوم عل الزوج لازم الزوج يقترب من زوجته وييحسسها بوجده بحياتها اكيد مافد يوم تفكر انو حتا تباوع عل غيره لو اهتملها وقدر قيمتها

14
مبروك تاسيس الجمعية طبعن  اني عضو جديد بالمنتدى   واليوم اول مرة اقرا معانتكم بس اخواني راح الكثير وباقي القليل والله يسهل يسهل كلوشي عليكم وتسافرون ويوفكم بلد التوطين اخوان ممكن سوال لوسمحتوم اني اريد اقدم ومعرف وين الافضل عمان لو سوريا وياههو اسرع بتمشية المعاملات اني كنت متوقعة الانتضار فد سنة والواحد يسافر حسب ماقريت اكو صارلهم سنتين بس ياخوان ابن  خالتي          من لبنان قدم العام نهاية 2009 وهسا هو بامريكا ودزلنا صور وهو عزابي يعني مو عائلة الفروض معاملته تطول بس هو طول سنو وحدة وطلع  اني ناوية اقدم بس ماتوقعت تطول المعاملات هالمدة سوالي اخوان الواحد يعني جم سنة يخلي باله والله يوفقكم     

صفحات: [1]