عرض المشاركات

هنا يمكنك مشاهدة جميع المشاركات التى كتبها هذا العضو . لاحظ انه يمكنك فقط مشاهدة المشاركات التى كتبها فى الاقسام التى يسمح لك بدخولها فقط .


الرسائل - predator

صفحات: [1] 2
1
هلا بيك اخوية
الوضع تغير هنا بالمنتدى,مرت سنين واحداث وسافر الي سافر وبقى الي بقى ,
اني متابع المنتدى من 2010 ومن 2012 بشكل يومي اتابعة لليوم,
بسنة 2014 من دخلو داعش توقف شغل المنظمة مال هجرة,وبعدين رجعو يشتغلون بشهر 3 2015 ,الى ان اجة ترامب وصار تققيد على السفر بشكل واضح ولحد الان
فهسة مراح تلكي اي من الاعضاء القدامى لان الي سافر منهم عاف المنتدى ولا تلكي الي انرفض والممسافر لان ضاج ومل من الانتظار وبعد اصلا ميتابع

3
اخوية ابو الامراء المواضيع نمسحن .لان مجرد منزلين حجي بدون دليل.
وان شاء الله ترجع المقابلات

4
اكو طريقة مضمونة وهي الكفالة الكنائسية
لكل شخص حوالي عشر الاف دولار ومن توصل يرجعوهن الك خلال سنة.
مو شرط عندك كفيل ولا من ديانة معينة.
بس المهم تعرف عنوان الكنسية والقس .ابحث عن الكنائس بالنت

5
تحية الك وهلا بيك..
ممكن تشرحلنة عن الحياة باريزونا,وهل تستحق العيش بيهة

6
بعد مقابلة المحلفين سواء بالعراق او غير مكان الملف يمشي بنفس الاجراءات

7
عليكم السلام اخوية,
ميفيد الحجي وياهم لان اصلا الي يخطي هيج خطوة ماعندة اي وعي وميقدر النعمة الي الله نزلهة الة,
هواية اعرف ناس رجعوا,من ضمنهم احد اقاربي,رجع قبل كم يوم بدون كرين كارد,وهسة ديبجي ويتوسل يريد يرجع وهو لا عندة هنا بيت لا وظيفة لا حياة بيهة خير,وفوكاهة عندة اطفال ,واحد من اطفالة تمرض ومديتعالج,اما الي ينطوهم سفر وميسافرون فذولة ميستحقون يشوفون طريق المطار.

8
تحية الك اخ ابو محمد الغالي.
شكرا للمعلومات الحلوة,ياريت لو نبقى نسمع اخبارك ومعلوماتك,
شنو رأيك بهيوستن وبتكساس من كل النواحي وشنو السلبيات؟

9
الرد هو دفرال لتر
بس اعرف عندي موافقة لان فحصت ورة المقابلة بكم يوم وبالموقع تم الانتهاء من مقابلة المحلفين

10
اني صار 6 اشهر من استلمت رد المحلف,وصار سنة وشهرين علمقابلة
الفحص مالتي صار اكسباير,
انت ملفك احسن لان عادولك الفحص وهذا شي ايجابي

11
اخوية نفس الشي الرسالتين,اني وصلني الايميل مال مراجعة وبعدين اجاني مال تجييك.
انتظر يكتمل التجييك الامني وتسافر

12
اني سمعت عدلوهة بس ممتاكد من الخبر.
الامنية نزلت صار جم شهر

13
احنة ملفاتنا مكتملة بانتظار التجييك الامني.وما اعتقد يطول اكثر
وحتى لو اكتمل التجييك الامني خلال هلفترة ممكن ميحددولنة موعد سفر لان الاعداد المخصصة لسنة 2017 جانت 110 الف وترامب سواها 50 الف..ولحد هسة اكثر من 45 الف سافرو .
السنة المالية 2018 تبدي بشهر العاشر الجاي وان شاء الله احنة من ضمن اول المسافرين بيهة

14
لا لحد الان مخابروني على اعادة الفحص..وحالة الملف مثلك.مقابلة المحلفين اكتملت.والتجييك الامني انتظار
اني متفائل وان شاء الله ملفنة يكمل ونسافر قبل شهر ال11

15
بالخير عليك الحياة الجديدة والله يوفقك .
واني تفائلت من شفتك سافرت لان احنة نفس الوجبة مال محلفين .كملت محلفين قبلك بيومين.
شنو جانت خانة المحلفين قبل ميكمل التجييك عندك؟

16
عليكم السلام اخونة ورمضان كريم عليك.
غريبة هاي الصيغة لان انت مستلم قرار المحلف.المفروض تجيك الصيغة مال تجييك امني
.شنو عندك التفاصيل مال ملف بالموقع؟

18
السومرية نيوز/ بغداد
أعلنت وزارة العدل الأميركية، الثلاثاء، أن السلطات اعتقلت ثلاثة لاجئين عراقيين يقيمون في ولاية فرجينيا واتهمتهم بـ"الاحتيال" بشأن الهجرة.

وقالت الوزارة في بيان أوردته "رويترز"، إن يوسف المشهداني (35 عاما) وأخاه عادل حسن (38 عاما) وزوجة حسن وتدعى إيناس إبراهيم (32 عاما) سيمثلون أمام قاض في الإسكندرية (مدينة تقع في ولاية فرجينيا) اليوم.

وأوضحت الوزارة أن الثلاثة يحملون تصاريح إقامة دائمة لكن في الوقت الذي يسعى فيه المشهداني للحصول على الجنسية وجدت السلطات أن بصمات أصابعه مطابقة لتلك التي عثر عليها في موقع تحرير مواطن أمريكي خطف في العراق عام 2004.

19
عليكم السلام,
ملفك جيد وجاهز للسفر لان الامنية عندك مكتملة وهاي اهم خطوة بالاجراءات

20
السلام عليكم,
صحيح القرار بي ضبابية,بس الي فهمتة ايقاف استقبال المهاجرين من كل دول العالم باستثناء الي عدهم موافقة قبل يوم 27-1-2017
,بس ما اعرف اذا هذا معناه الي مستلمين دفرل لتر وينتظرون تجييك امني هل معناه عدهم موافقة او لا,
سألت محامي امريكي على القرار ودا انتظر الرد مالتة,
وهذا نص القرار من موقع البيت الابيض بس طويل ومفهمتة زين
https://www.whitehouse.gov/the-press-office/2017/03/06/executive-order-protecting-nation-foreign-terrorist-entry-united-states

21
شكرا اخوية , ان شاء الله يكمل التجييك الامني ونخلص
الاسم ميتغير بالمنتدى,
ملفك وين واصل حاليا؟

22
السلام عليكم ,
البارحة استلمت الدفرال لتر,
مقابلة المحلفين جانت بيوم 25-6-2016
والفحص الطبي بيوم 4-7-2016
والغريب مكتوب على قرار المحلف تاريخ 5-7-2016
يعني ورة الفحص الطبي بيوم.
واليوم نزلت خانة التجييك الامني بالانتظار.وهاي اول مرة تتفعل عندي خانة التجييك الامني,
واختفت خانة المحلف الي جانت مكتملة بانتظار الحصول على قرار

23
USCIS continues to adjudicate applications and petitions filed for or on behalf of individuals in the United States regardless of their country of origin, and applications and petitions of lawful permanent residents outside the U.S. USCIS also continues to adjudicate applications and petitions for individuals outside the U.S. whose approval does not directly confer travel authorization. Applications to adjust status also continue to be adjudicated, according to existing policies and procedures, for applicants who are nationals of countries designated in the Jan. 27, 2017, “

معناه هيئة المحلفين والامن الداخلي الامريكي مستمرين بالبت بطلبات اللجوء من كل الدول وحتى الي جانت مذكورة بالامر التنفيذي الي وقعة ترامب.
يعني هسة المفروض ترجع المقابلات طبيعية,ويكملون معاملاتنة احنة الي مكملين مقابلة محلفين ومنتظرين قرار المحلف وانتهاء التجييك الامني

24
هي تبين من تصدر التفاصيل,
وممكن يشملون زوجج معاج بالملف,مو بعيدة

25
قالت وزارة الدفاع الأمريكية، الاثنين، إنها تعمل مع البيت الأبيض ومؤسسات أخرى لوضع قائمة بأسماء جميع العراقيين، الذين عملوا مع الولايات المتحدة منذ اجتياحها لبلادهم عام 2003، لاستثنائهم من قرار حظر استقبال مواطني 7 دول بينها العراق.

وأضاف المتحدث باسم "البنتاغون" جيف ديفيس، في الموجز الصحفي الذي قدمه من واشنطن، إن "المؤسسات الحكومية الأمريكية المختلفة بصدد جمع أسماء العراقيين المتعاونين مع البلاد، بغرض استثنائهم من قرار الرئيس دونالد ترمب القاضي بمنع القادمين من 7 دول عربية ومسلمة من الدخول إلى الولايات المتحدة لفترة محدودة".

وتابع: "نحن نحاول ضمان أن أولئك الذين حافظوا على التزامهم معنا بشكل ملموس بالقتال معنا أو دعمنا أن تكون أسمائهم معروفة (في دوائر الهجرة الأمريكية) وأن يتم الاعتراف بكامل جهودهم".


وأشار "ديفيس" أن الأوامر جاءت من البيت الأبيض بهذا الخصوص خلال عطلة نهاية الأسبوع الماضي.

26
خل ننتظر اليوم ونشوف شيصير,لان مرات بالاخبار يكولون اخبار مو دقيقة 100%100
واحتمال هذا الاجراء بصالحنة,يحسمون القضايا بسرعة مو يبقونة معلكين.
.الله المستعان

27
السؤال الي يطرح نفسة,جماعة الsiv و iom مشمولين بهذا الكلام؟

28
واشنطن (رويترز) - قال عدة مساعدين بالكونجرس وخبراء في الهجرة مطلعون على الموضوع إن من المنتظر أن يوقع الرئيس الأمريكي دونالد ترامب عدة أوامر تنفيذية اعتبارا من يوم الأربعاء تشمل حظرا مؤقتا على جميع المهاجرين ووقفا لإصدار تأشيرات دخول لمواطنين من سوريا وست دول أخرى بالشرق الأوسط وأفريقيا.

ومن المتوقع أن يأمر ترامب - الذي كتب في نغريدة ليل الثلاثاء إن "يوما عظيما" مزمعا بخصوص الأمن القومي - يوم الأربعاء بحظر دخول اللاجئين إلى الولايات المتحدة لعدة أشهر باستثناء الأقليات الدينية التي تفر من الاضطهاد لحين تعزيز عملية الفحص والتحري.

وقال المساعدون والخبراء الذين طلبوا عدم نشر أسمائهم إن ترامب سيوقع أمرا آخر يوقف إصدار تأشيرات للمواطنين من سوريا والعراق وإيران وليبيا والصومال والسودان واليمن.

وقال ترامب في تغريدته التي كتبها في وقت متأخر يوم الثلاثاء "من المقرر أن يكون غدا يوما يوما عظيما للأمن القومي. سنبني الجدار ضمن أشياء عديدة أخرى."

وربما تتضمن إجراءات تأمين الحدود التوجيه ببناء جدار على الحدود مع المكسيك وخطوات أخرى لخفض أعداد المهاجرين غير الشرعيين الذين يعيشون داخل الولايات المتحدة.

وقالت المصادر إن أول هذه الأوامر سيوقع يوم الأربعاء. لكن ترامب يدرس أيضا إجراءات لتشديد أمن الحدود ويمكن أن يوجه اهتمامه لمسألة اللاجئين في وقت لاحق من الأسبوع.

وقال ستيفن ليجومسكي كبير المستشارين القانونيين لخدمات الجنسية والهجرة في إدارة الرئيس السابق باراك أوباما إن الرئيس له سلطة الحد من قبول طلبات اللاجئين وإصدار التأشيرات لدول بعينها إذا تقرر أن هذا في المصلحة العامة.

وأضاف ليجومسكي وهو أستاذ بكلية الحقوق بجامعة واشنطن "من وجهة النظر القانونية سيكون هذا ضمن نطاق حقوقه القانونية تماما." وقال "لكن من وجهة النظر السياسية ستكون هذه فكرة سيئة جدا لأن اللاجئين في احتياج إنساني ملح في الوقت الحالي."

ومن المنتظر أن يوقع الرئيس الجمهوري الأوامر في مقر وزارة الأمن الداخلي التي تشمل مسؤولياتها الهجرة وأمن الحدود.

وكان ترامب اقترح خلال حملته الانتخابية حظرا مؤقتا على دخول المسلمين للولايات المتحدة وقال إن هذا سيحمي الأمريكيين من هجمات المتشددين. وندد الكثير من أنصار ترامب بقرار أوباما زيادة أعداد اللاجئين السوريين الذين تستقبلهم الولايات المتحدة خشية أن ينفذ الفارون من الحرب الأهلية بالبلاد هجمات.

وقال ترامب ومرشحه لمنصب وزير العدل السناتور جيف سيشنز منذ ذلك الحين إنهم سيركزون القيود على الدول التي يمكن أن يمثل المهاجرون منها تهديدا بدلا من فرض حظر على من يعتنقون ديانة معينة.

وانتقد كثير من مؤيدي ترامب قرار الرئيس السابق باراك أوباما زيادة عدد اللاجئين السوريين الذين تستقبلهم الولايات المتحدة بسبب الخوف من أن يشن الفارون من الحرب الأهلية في بلدهم هجمات.

وقال هيروشي موتومورا خبير الهجرة بكلية الحقوق في جامعة كاليفورنيا إن منتقدين لهذه الخطوات ربما يتقدمون بطعون قانونية عليها إذا كانت جميع الدول الخاضعة للحظر ذات أغلبية مسلمة. وأضاف أن الدفوع القانونية يمكن أن تشير إلى أن الأوامر تميز ضد ديانة معينة وهو ما سيكون مخالفا للدستور.

ومضى قائلا "تصريحاته خلال الحملة وعدد من أعضاء فريقه ركزوا كثيرا على الديانة باعتبارها الهدف."

وقالت مصادر مطلعة على عملية صدور التأشيرات إن لمنع دخول المواطنين من دول محددة يرجح أن يصدر ترامب تعليمات لوزارة الخارجية بوقف إصدار التأشيرات لمن ينتمون لتلك البلدان.

كما يستطيع أن يوجه وكالة الجمارك وحماية الحدود بمنع دخول أي من حاملي التأشيرات من تلك الدول إلى الولايات المتحدة.

وقال المتحدث باسم البيت الأبيض شون سبايسر يوم الثلاثاء إن وزارتي الخارجية والأمن الداخلي ستعملان على عملية الفحص والتحري متى يتولى مرشح ترامب لمنصب وزير الخارجية ريكس تيلرسون منصبه.

وقال المساعدون بالكونجرس وخبراء الهجرة إنه ربما تتخذ إجراءات أخري مثل توجيه جميع الوكالات بإنهاء العمل على نظام لتعريف غير المواطنين الذين يدخلون إلى الولايات المتحدة ويخرجون منها وشن حملة على المهاجرين الذين يحصلون على مساعدات حكومية بلا وجه حق.

وكان ترامب قد وعد بالحد من الهجرة غير الشرعية عبر بناء جدار على الحدود بين الولايات المتحدة والمكسيك وترحيل المهاجرين غير الشرعيين الذين يعيشون داخل الولايات المتحدة. ومن غير المتوقع أن يركز أي من الأوامر التي ستوقع يوم الأربعاء على تلك القضايا.

وينتظر أن يؤدي وزير الداخلية الجديد الجنرال المتقاعد جون كيلي اليمين الدستورية يوم الأربعاء.


29
اي عادي بنفس الايميل يقدمون,
والقصة اذا مترابطة اكيد احسن ويذكروهة بالمقابلة مو بالايميل

30
يحق التقديم لصاحب العمل مع الجهات الامريكية,ويحق الة التقديم لاخوه مع عائلتة واولادة الي عمرهم اقل من 21 سنة.
والتقديم هو ارسال وثائق الي تثبت العمل والايميل الرسمي للشخص او الشركة الامريكية لتأكيد العمل,
والجنسية والجوازات لكل شخص مشمول بالطلب

31
اخوية تكدر تقدم على المنظمة بعمان او مصر او بدول االخليج واكيد بالعراق.
واذا اهلك مسافرين على قضيتك,معناه ملفك جاهز للمقابلات بدون اجراءات التاكد من العمل ,
وانصحك تقدم باسرع وقت,لان الاجراءات مال مقابلات والتجييك الامني تاخذ وقت طويل,
ومنعرف شراح يصير بالمستقبل ,احتمال ينتهي العمل بهذا البرنامج مال العاملين مع الجهات الامريكية.
اما بالنسبة على امكانية يوافقون على ملفك او لا,هاي المحلفين يحددوهة,واتوقع يوافقون اذا قدمتلهم اسباب معقولة لطلبك للهجرة

33
اخوية هذا موقع مشهور وبي هواية وظائف,
https://portland.craigslist.org/

ممكن تحجيلنة على بورتلاند,الطبيعة والجو والاسعار والاسواق العربية وباقي التفاصيل

شكرا

34
السلام عليكم
اخوية راسل منظمة ايراب ,هم حقوقين امريكيين يساعدون اللاجئين العراقيين وايدهم توصل
info@refugeerights.org
تكدر تراسلهم بالعربي او بالانكليزي
والانكليزي احسن

35
العفو اخوية.هذا مخطط من منظمة refugee focus

36
مخطط حول واجبات منظمات استقبال المهاجرين

37
مبروك عليك اخوية وان شاء الله تتوفق بحياتك الجديدة,
ممكن تفاصيل ملفك واكتمال الامنية

38
تحية الكم ,
اني ما اقصد الي يوصل امريكا يبقى يشارك ,اكيد هو بدة حياة جديدة وتركيزة على الشغل والدراسة والحياة الصعبة,
بس اقصد اكو يطلبون المساعدة ويسألون ,بس ورة فترة يختفي ,ميخلي احد يستفاد من الي صار وياه وينطي نصيحتة للي يمر بنفس حالتة,
يعني مثلا احد الاخوان قبل فترة اجاه موعد سفر وهو خارج العراق,وتقديمة من بغداد,هسة منعرف سافر رجع تأجل,
وهواية اكو مقدمين وينتظرون سفر و هسة ميعرف اذا يسافر سياحة مثلا  يأثر على ملفة لو عادي؟,
او حالة اضافة الطفل وحالات هواية,
بالفيس اكو مشاركات اكثر,بس لحد الان مسمعت مواعيد سفر للسنة الجديدة

39
 اني متابع المنتدى من سنة 2010.ومتابعة بشكل يومي من سنة 2012..وهذا البرود وقلة المشاركات صارت من شهر السادس 2014.من دخلو داعش والمنظمة غادروا العراق. قبل هاي جان المنتدى فعال والمشاركات كثيرة.
طبعا السبب هو الاحباط الشديد الي مرينة بي.اني وهواية من الإخوان جان عدنة مقابلة محلفين والأمور باحسن حالاتهة.ونلغت المواعيد والناس نسبت وتغيرت هواية أشياء بحياتنة.
واحد الأسباب الفيس بوك هم صارت بي كروبات والمشاركات بي أسهل.
بس عتبي على هواية ناس هنا.جانو يدخلون ويسألون ورة فترة يختفون وميخلون احد يسنفاد من تجاربهم .والناس بامريكا هم بس يوصلون يختفون

40
يعني هو كلك (تعليق)
لان قيد الدراسة مو شرط معناها تعليق,
اليوم اغلب المكملين كلشي ظهرت عدهم خانة المحلفين,
لتقلق ان شاء الله التجييك الامني يكتمل ونسافر

41
اي اخوية اعرف بالخليج بعمان,كل مرة دكول اتصلت بيهم وسالتهم.
المشكلة هم يتأخرون بالرد على الايميلات,قبل 12 يوم دزيتلهم ايميل وهم جوابهم يطول شهر

42
اخوية ممكن تتصل بيهم,لان انت بعمان تكدر تحصلهم اسرع,اسالهم شنو معنى هذا التغيير الي صار وهل معناه موافقة كاملة,
اني ما احصلهم من بغداد

43
الله يكفينا شر الرفض.
بس الي تصير عدهم حالة الملف  (تم انتهاء المقابلة المحلف)تخوف
احنة ملفنا يتم المعالجة بشكل طبيعي

44
اني جانت عندي خانة وحدة قبل هذا التحديث,
وقبل الخانة الوحدة,جانت تطلع عندي كل الخانات .وخانة المحلف جانت مثل مصارت هسة ,
بس الامنية متفعلت عندي ولا مرة

45
ننتظر ونشوف ,ان شاء الله خير

46
اني عبالي تحدثت عندي لان ممستلم قرار وراح استلمة,
بس اشو انت مسلتم قرار وصارت عندك.
ان شاء الله معناها صارت الموافقة وراح تكمل الامنية

47
اخوية اني مثلك بالضبط.هسة فتحت الملف

48
نفس الحالة,
خانة وحدة,اتوقع ملفاتنا تستوي بشهر الواحد والثاني
والله اعلم

50
قبل ساعة هيج صار للكل

51
لا بعد مخابرو.
ولا خابرو كفيل بيت عمتي وهم سفرهم باجر

52
ملفي بعدة خانة وحدة,
باجر يسافرون ان شاء الله

53
شخباركم.
ماكو احد كملت الامنية مالتة؟

55
عليكم السلام,
اخ فاضل شلون عرفت عندك موعد سفر الشهر الجاي,
اني مثلك مكمل كلشي وبس حالة الملف بالموقع

56
تقصد الامنية طلعت عندك مكتملة؟

57
اختي دزي ايميل للمنظمة وطلبو منهم يفتحون الكم ملف للهجرة,
وارفقي تاكيد العمل مال والدج والجنسيات والجوازات مالتكم ورقم تلفونكم

58
اي اختي تكدرين تقدمون على iom

59
ان شاء الله عندج موافقة,وباجر راح يتحدث الموقع وان شاء الله يكون واضح وخير

60
الايميل الي يجيك يكلك تجييك امني مو صح ؟

63
السلام عليكم,
من خلال متابعتي للي اختفت عدهم خانات المقابلات والفحص بالموقع ورة التحديث, اكتشفت الي مكمل مقابلات وفحص وبقت عندة خانة وحدة هم الي عدهم موافقة مشروطة وبانتظار الامنية,من تكمل تظهر بالموقع وبعدهة تتفعل خانة السفر,
اما الي مكمل مقابلات وفحص و عندة اكثر من خانة هم الي معلقين فقط


64
اخوية غيث بكل الاحوال احنة مراح نتأثر بالاجراءات الي ممكن يتخذهة ترامب,
لان البرنامج فاتحي النة كرد جميل على عملنا معاهم

65
الهجرة و واللاجئين / رد: عاجل جدا
« في: 10:20 07/11/2016  »
مبروك اخوية,
لتقلق, يخابروك قبل السفر بيومين او بيوم واحد.
اقاربي خابروهة قبل السفر بيوم

66
هلا بيك اخونا,
مع الاسف مبقى احد من القدامى,سافرو ونسو كلشي,
سولفلنة على تفاصيل ملفك وشنو الي صار؟
اكيد انت بامريكا

67
جانت معلومات غير متوفرة.وصارت مكتملة

69
اخوية اكو موضوع كاتبة احد الاعضاء بالمنتدى
دور عليه

70
ماكو اخبار جديدة ؟

71
مبروك ,
سفرك خلال ايام,
شوكت قابلت المحلفين واكتملت الامنية ؟

72
اختي الغالية
جوازات اطفالي هم منتهية ومراح اجددهن لان همه مايحتاجون اي جواز بالسفر ولا ختم ولا اي شي ابن اخويه سافر ورجع بزيارة وشفت جوازه بدون اي ختم وطبعا مر برجعته على اكثر من دولة من ضمنهن قطر وسألته هم احتاجيت جوازك جاوبني محد طلبه مني لان السفر على ورقة الiom بدون اي جواز والرجوع على الكرين كارد يشتغل بكل دولة بدون جواز
اخوية فاضل ,
اذا السفر من بغداد لازم جوازات واذا السفر من عمان بدون جوازات

73
اني مقابلة محلفين 25-6
وبالموقع بس حالة الملف موجودة.
قبل هاي الخربطة جاتنت مقابلة المحلف مكتملة وبانتظار القرار,ومن اراسلهم يكولون تجييك امني,

74
السفر اليوم صار انتظار لملف عائلة عمتي.
مقابلة المحلف 19-شهر السادس
اكتملت الامنية 14-شهر العاشر

75
مساء الخير
مقابله اولى ب 2011
اني سويت مقابله محلفين 2016-18-7 وكملت لحد الان تقريبا 3 اشهر وشكم يوم ومدزو عليه فحص طبي
وان شاء الله السفر للجميع
هلا بيج اختنا العزيزة ,
شنو حالة ملفج بالموقع؟

76
يمكن فحصت قبل المقابلة بجم يوم.
انتي انتظري شهر ورة مقابلة المحلف.وراح تكتمل الامنية  .هاي اذا عندج موافقة كاملة

77
هلا بيج اخت زينب.
قابلت بتاريخ 9/شهر السابع/2016
والامنية اكتملت بداية الشهر الثامن,
ووتفعلت خانة السفر وانطوهة موعد سفر بشهر التاسع وتاجل,
وقبل جم يوم تفعل السفر مرة ثانية وانطوهة موعد سفر بعد جم يوم,
وبعد ممستلمة قرار محلف لحد الان

79
شنو اخباركم
محد اكتملت عندة الامنية ؟
اني بعدهة مكتملت

80
يعني هسة المفروض حالة محلف الاخ iraq9
تكون مكتملة

81

 اخ Migratingbird تحية الك,
شنو حالة ملفك بالوقع وشنو يجيك ايميل من تراسلهم,
طبعا رسالة الديفرال لتر مرات تكون معناها تعليق ومرات موافقة مشروطة,
بس هي تبين من خلال حالة المحلف بالموقع ومن خلال ايميلات المنظمة.


82
اني مرتين اجتي رسالة التجييك الامني,ومرة اجتي رسالة مال الامن الداخلي الامريكي,
وبعد مستلمت قرار

83
التجييك يبدي من مقابلة المحلف
.والمدة غير معروفة شكد يطول,بس ان شاء الله يكتمل هل ايام الك والي ولباقي الاخوان

85
واذا تتذكر كتلك عدنا موافقة مشروطة وراح توصلنا قرار المحلف هلشهر

86
اخوية اطمئن عندك موافقة مشروطة بالامنية,يعني لا معلق ولا شي.
هذا الايميل يجي للعدهم موافقة مشروطة,
والموظفة كالتلك هذا الشي ,وجواب الايميل مال منظمة هم يأكد هذا الشي,

وحتى تطمئن دز ايميل للمنظمة.كلهم ما هي حالة ملفي ,
واذا جاوبوك تحت التجييك الامني معناها موافقة 100%
واني متأكد 100% حتجيك هاي الرسالة مال تجييك الامني

88
اخي بدوي,
اذا انت بامريكا ليش مترجع للعراق لان الوضع مو وردي ومو سهل

89
منصورين بأذن الله,
قريبا صدورنا تشفى بهزيمة الارهاب

90
المنظمة الي تستقبل وتهتم باللاجئين

91
اتصلو على irc وكالو مو يمنة,
من توصل بت عمتي اخليهة تسأل المنظمة مالتهة

92
ممتصلين بكفيلهم,
لان مرة المنظمة كالو دنحاول نتصل بالكفيل ومنحصلة,
بشهر التاسع هذا الحجي

93
شلون احصلهة للمصرية.
اني ممتصلين ليهسة بكفيلي,
واحتمال خابرو ومحصلو لان بت عمتي سفرهة بعد جم يوم وممتصلين بكفيلهة الي هو نفسة كفيلي

94
تحديد موعد سفر لبت عمتي بعد جم يوم, مقابلة محلف 9-شهر السابع
اكتمال التجييك الامني لعمتي قابلو محلف 19-شهر السادس

95
الحمد لله,
مو كتلك عندك موافقة مشروطة ومصدكتني,
اني هم لحد الان لا قرار ولا اكتملت الامنية.
اول بارحة اكتمل التجييك الامني لملف عمتي,قابلو محلف 19 - 6
ان شاء الله اني وياك هل ايام,انت يا يوم بالسادس قابلت؟

96
المنظمة ميكولون شي عن قرار المحلف الى ان يدزولكياه ,
بس اذا عندك موافقة نهائية يكدرون يكلولك موافقين عليك بدون ميدزون قرار,
ولو ملفنة معلق جان اجتنة كليشة التعليق او حالة الملف بالموقع تصير قيد الدراسة.
والله اعلم

97
المحلف نطة قرار الي هو موافقة مشروطة بالامنية

98
محد استلم قرار محلف من شهر الخامس ليهسة,
حتى الي سافرو مستلمو قرار

99
اني صار عشرين يوم من دزيت رسالة للمنظمة ومجاوبوني.
الي اعتقدة احنة عدنة موافقة مشروطة بالامنية.
وحتى لو تكمل ميسفرونا رأسا
لان اكو ملفاتهم قبلنا مكتملة عدهم,وهم يمشون بالاقدمية,
اتوقع يوصل سرانة خلال شهرين وتمشي ملفاتنا
.بس الي عدهم موافقة كاملة وتكتمل عدهم الامنية,راسا يسافرون لان ممخليهم بالسرة

101
مبروك وان شاء الله التوفيق.
اخوية سافرو واخلصو.هناك الشهادة ممعترف بيهة.فقط شهادة الاعدادية.
واكيد ينلغي السفر بدون حظور اي احد من الكيس.
فلا تفكر ابدا بالتأجيل .
شوكت قابلت محلفين واكتملت الأمنية؟

102
كلنا متشابهين بالحالة,
واعتقد نهاية هذا الشهر او منتصف الشهر الجاي ,راح تتحرك ملفاتنا ويدزولنة قرار المحلف,
لان الي قابلو المحلفين بشهر الثاني ,ملفاتهم مشت بشهر السادس والسابع وهواية منهم طلعوا

اني قابلت محلفين شهر 6

103
Refugee affairs

متعرف شنو الفلم وياهم
لديرلهم بال.وان شاء الله الامور بخير

104
نفس الكليشة الي وصلتني قبل 20 يوم.
اجتك من refugee affairs  لو المنظمة

105
شنو اخباركم؟
اني لا جديد

106
الحمد لله ومبروك عليك,
ان شاء الله تتوفق وترتاح وتنسى المعاناة الطويلة

107
السلام عليكم اخوان ...اذا احد عنده معلومات عن اعاده المقابله مال المحلف ..واذا اكدر اضيف شي بالاعاده لو ابقه عله كلامي  و الف شكر للجميع
اكيد تبقى على كلامك
شوكت جانت المحلفين الاولى

108
اخواتي واخوتي الكرام
السلام عليكم

مثلما كنت اردد لكل شيء نهايه ... كانت النهايه اليوم ... وكانت مؤلمه جدا .... وهي الرفض على البند السابع ... اتمنى لكم الموفقيه ... والحمد لله على كل حال
انا لله وانا اليه راجعون
نصيحتي تقدم استئناف باسرع وقت وخلال يومين او 3

109
الحمد لله عندج موافقة كاملة

110
شكرا و بالموفقية ان شاء الله يوم لألك هم وتصير سوالف
ان شاء الله تفرج علينة

111
الموقع مالتة مجان ينفتح,
قابل بشهر ال11 -2015
استلم الدفرال لتر نهاية شهر 12 -2015
اتصلو بالكفيل شهر ال3 -2016
اتصلو المنظمة وكلولة طلعت من التعليق شهر 6-2016
سفرة 21-9-2016

112
اختي baghdad16
سفركم قريب وليضل بالج
اذا ممكن صورة للمرفقات الي وصلتج من المنظمة
يعني الديفرال لتر

113
بالتوفيق,سفرك قريب ان شاء الله
لان عمي نفس الشي خابرو بشهر السادس وكلولة طلعت من التعليق,
وقبل 4 ايام جان سفرة

114
ان شاء الله بردا وسلاما.
الامراض الي تأثر هي الامراض المعدية فقط واحتمال الامراض النفسية الصعبة,
وحالات القلب والضغط لازم مستقرة حتى يطيرون,
اما غيرها فماكو تأثير

115
لحد الآن اي شي جديد ماكو

116
بالتوفيق وان شاء الله السفر القريب.
على يا مربع مأشرين بالقرار؟

118
ترة اكثر الي قابلو محلفين بشهر الخامس وفوك وضعهم نفس الشي.بس فحص وبدون امنية ولا قرار. واكو قسم إكتملت الامنية عدهم بسرعة ونطوهم مواعيد سفر.
بأعتقادي شهر العاشر تبدي الملفات تتحرك

119
تحية الك اخ غيث.
احنة من نستلم القرار راح تبين اذا عدنا موافقة مشروطة او قيد الدراسة.لان من نستلم القرار وحالة المحلف تصير قيد الدراسة معناها الملف معلق

120
هلا بيك اخوية.
بالضبط هواية سافروا ومستلموا قرار.
بس يبين وضعنة من نستلمة.راح نعرف اذا عدنة موافقة او لا

121
كل عام وانتم بخير وان شاء الله تفرج علينا والعيد الجاي احنة بمكان اقضل .

بالنسبة لقرار المحلف لملفاتنا.فأعتقد يجمعوهن ويدزوهن النة بنفس الوجبة.مثل جماعة شهر الثاني من استلمو القرار بشهر الخامس.

122

تسلم اخ حسين وكل عام وانت بخير
ان شاء الله بقى القليل وتفرج

123
السلام عليكم اخ predator وجميع الاخوه
نحن قلنا ان سير الكيسات تختلف من شخص لاخر..ولا اتصور ان هذا الايميل له اهميه ..
لكنها مجرد صيغتين جاهزتين عامه اتضح انها ترسل للكل وحسب الملف ..
(تحديث)
هنا تعني قـــيـــد الــدراســــه
 
USCIS has placed your case on hold pending further review.
وهنا .. تعني قـيـد الـتـجـيـيـك الامــنـــي
USCIS has placed your case on hold pending completion of required security checks

واصلا في حالتك انت لا تحتاج لمراسلتهم .. الا مثلا لــكيسات فعلا متأخره ..
لا تنسى ان
الضغط عالمنظمه جدا كبير اكثر من قبل
و احد الادله ... انهم رفعوا من ايميل الاوتو ريبلاي عباره سيتم الرد خلال اسبوع
واصبحت(سيتم الرد على رسالتك في الترتيب الذي وردت فيه. الرجاء العلم أنه من المتوقع ان تواجه تاخيراً في تلقي الرد على رسالتك)

فكل الاجراءات تحتاج الى وقت وصبر وانت اعلم بهذا ...
اغلب اللي سافروا اخذوا وقتهم الكافي من الصبر وانتظار الاجراءات المملة
ولا اعتقد بعد الاحداث التي تعرضت لها امريكا .. يدخل لها احد الا اذا ما اكتفوا من التجييك الامني \ و دراسه الملف
وهي اجراءات مستمره عالكل ... الى ان يصدر قــرار نـهـائي إيـجـابــي من المحلف
انت تعلم بالنسبه لملفك و وجبه المقابلات السريعه المتتاليه ( الفتره الاخيره )
قد انجزت كلها على عجل لتكمله الاجراءات .. الى الفحص الطبي و الاتصال بالكفيل .. رغم عدم اكتمال الامنيه !!
وهذا بحد ذاته يعتبر ارباك للمنظمه ..و تسريع لملفاتكم والحمد لله .. وبالتأكيد لا يخلو من الاخطاء ..
بدليل انه يتم اعاده مقابلة المحلف لبعض الملفات.. بعد فتره بسيطة ..!!

فبالطبع قد تحتاج الكيسات مثلا الى ... وقت للدراسه \ التحقق من المعلومات \ التجييك الامني \ سلامه الفحص الطبي ..الخ

ملخص الكلام .. هو ان تصبر وتطول بالك اكثر .. وتراقب سير الاجراءات واتمنى لك كل التسهيل .. و زوال مخاوفك يا رب

وتقبل مني كل الود

اشكرا اخ علي على كلامك المنطفي والوافي.
اني جنت انتظر الإجراءات بكل روح رياضية. بس هذا الايميل خلة فكري يتشتت.لان اخاف ملفي يتعلق.وانت تعرف الرفض صاير بالجملة والاقرب للرفض هو المعلق.
صارلي 78 يوم من قابلت محلف ومستلمت قرار.خل ننتظر هل ايام وان شاء الله الأخبار الحلوة للمنتظرين

124
اخي العزيز حسب معلوماتي وحسب الي مر علينة من الكيسات الي شفناها بالموقع اذا من تستلم الدفرل من ال iom وتتغير عندك خانه المحلف الى ان ملفك قيد المراجعة من قبل مكتب المواطنة الامريكية وخدمات الهجرة للتوصل الى قرار نهائي وبنفس الوكت يتفعل عندك التجيك الامني هذا معناه موافقة مشروطة بالامنية اما اذا استلمت الدفرل بدون تغيير بخانة التجيك الامني هذا معناها المحلف اجل القضية الى ان يتخذ قرار وهي بالحالتين اخي تعليق الى ان تكمل الامنية او الى ان يتخذ قرار
اشكرك اخ ابو ميس.
الله كريم وان شاء الله الفرج قريب

126
طبعا هسة نصدمت لان قريت الرسالة مرة ثانية وطلعت تختلف عن الي دزوها الي,
Thank you for your inquiry. USCIS has placed your case on hold pending further review. This review can take some time and it is unfortunately difficult to predict when it will be completed. Please be assured that USCIS has not forgotten about your case and will work to finalize a decision as quickly as possible

يعني مذاكرين التجييك الامني,
الله كريم

127
مرحبا
لا يظل بالك لان أني هم نفس الرسالة اجتني بالضبط من يوم ٨/١٥ و مع العلم الأمنية خلصانة من ٧/٢١ و هسة حالة الملف انتظار السفر من ٨/٣١
خليها ع الله اخوية
رحم الله والديج على هذا الحجي,
لان اني مسطور من هذا الايميل الي اجاني اول بارحة
وهسة اطمأنيت,
الظاهر ذولة ماعدهم غير اجابة,ولو واحد واصل لامريكا هم يدزولة هذا الايميل

128
اي بت عمتي قابلت محلف يوم 6 سبعة
والامنية اكتملت بداية الثامن,وهسة سفرها بالانتظار

129
حالة الامنية مالتك شنو حاليا؟ واتصلو بكفيلك لو لا؟
الامنية غيرمتوفرة
والكيفيل ممتصلين عليه,
بس ممكن ديخابروه وميحصلوه لان بت عمتي سفرها انتظار,ويكولون دنخابر الكفيل ومنحصلة
الي هو نفسة كفيلي

130
نفس رسالتي.
لو ادري جان مدزيتلهم,
بس يمكن يقصدون انتظار التجييك الامني,مو معناها تعليق الي نعرفة

131
اشكر الردود من الاخوة,
خل ننتظر هل ايام ونشوف شراح يصير

132
اخ غيث مشكور وان شاء الله خير.
اخ iraq9 شنو اجاك اليوم ومن منو.؟
اخ migratingbird تسلم،انت شنو وضعك بالضبط؟

طبعا المنظمة مرتين دزولي جواب على ايميلاتي
وبهاي الصيغة
A careful review of our records indicates that your case is currently pending U.S. government security reviews which are required for all refugees prior to departure for the United States. We are unable to predict when the security checks might be completed, as this process is under the authority of various agencies in the United States and beyond the control of IOM. When the results are made available to IOM, we will contact you.

بس الايميل الي اجاني اليوم من refugee affairs  دوخني

133
تقصد يعني راح يتعلق الملف.
مو موافقة مشروطة .
حاليا هاي حالة ملفي

134
مبروك لان فتحو ملفك والله يوفقك.
بس هاي الرسالة الي الاجتني ضوجتني.
مع العلم المنظمة دزولي رسالة التجييك الامني مرتين

135
السلام عليكم.
اني قابلت محلف 25-6-2016
وفحصت ورة 10 ايام.
ولحد الان مستلمت قرار ولا الامنية إكتملت. ومن اراسل المنظمة يكولون ملفك ينتظر تجييك امني.
بس قبل ايام دزيت ايميل لل refugee affairs inquiries.
واليوم جاوبو

Thank you for your inquiry. USCIS has placed your case on hold pending further review. This review can take some time and it is unfortunately difficult to predict when it will be completed. Please be assured that USCIS has not forgotten about your case and will work to finalize a decision as quickly as possible.

بصراحة كلش قلقت .شنو رأيكم بهذا الجواب.


136
ان شاء الله شغلتنة مراح اطول,
احنة عدنا موافقة مشروطة بالامنية,
وهاي اجراءات روتينية,والسفر هاي الفترة بكثرة

137
ملفي مثل ملفك,
بس بعد ممتصلين بالكفيل,
واحتمال ديتصلون عليه وميحصلوه,
لان بت عمتي سفرها صار بالانتظار وديكولون مدنحصل الكفيل ,
وهو نفس كفيلي

138
شنو حالة ملفك بالموقع,وشكالو للكفيل من اتصلو بي

139
لا بالعكس اختي.
عمي خابرو الخميس الراح.كلولة السفر 21.والحباية يوم 20.
وهو من بغداد

140
لحد الان لا.وحالة السفر بالموقع صارت تمت الجدولة للسفر
بس عمي حددولة موعد.يون 21 تسعة.
اعتقد انت لو 15 لو 21

141
المفروض يفحصوكم وبعدين يقررون.
شوكت كملت المحلفين والأمنية؟

142
قدم استئناف والله المستعان.
شنو جان ردهم من تراسلهم. وشنو حالة المحلفين بالموقع

143
لا بعد متصلو بيهة على الموعد

144
مبروك ,بت عمتي هم هيج صار ملفهة من يوم الجمعة الماضية,بس لحد الان محددولهة.
اتوقع سفركم بالتاسع ان شاء الله

145
احتمال من يخابرون الكفيل معناه الامنية وصلت مراحل اخيرة,ومن تكمل راح يتحدد موعد سفر بسرعة,لذلك اتصلو بالكفيل حتى ميصير تأخير من تكمل

146
ان شاء الله سفرك قريب

147
اني كلشي جان عندي مكتمل ما عدا الثقافية جانت مطلوبة  واتصلو بالكفيل هاتفية وبلغوني برسالة الا او ام تقرر سفرك بالشهر الثامن وبعد اربعة ايام تغير الجدول صار حقل المحلفين غير متوفر والجيك سكيورتي ان بروسيس وبعد ثلاثة ايام رجع مكتمل والسفر صار نو اكشن شنو تعليقكم.
ممكن تفاصيل ملفك بالتواريخ

148
اخوية ارجع للعراق,وابقى يمهم الى ان ينطوهم موعد سفر,وخلي موبايلك يم صديق

149
اي عدهم الفترة المتوقعة للوصول

150
تحظر للسفر,
بس اني اقصد هل ايام مديصير تحديث للامنية,اني وباقي الاخوة الي قابلو وياية وقبلي وبعدي

151
لا ممتحدثة.

152
غريب موضوع الامنية,مدا اسمع واحد مكتمل عندة الامنية هل ايام,
بت عمتي قابلت محلف بشهر 7,الامنية اكتملت بداية الثامن,وقبل يومين السفر صار بالانتظار
ولحد الان ممتصلين بالكفيل

153
معناها ملفك ممتخذين بي قرار.
شوكت قابلت محلفين وشنو جان مكتوب بخانة المحلفين

154
صار تحديث على ملف اقاربي.
السفر بالانتظار.
مقابلة المحلفين شهر السابع 2016
واكتمال الامنية بداية شهر 8.

155
السلام عليكم.
اليوم الموقع مديفتح عندي
.
نفس الشي عدكم؟

156
السلام عليكم. .
اخ ابو ميس اتذكر كل الي سافرو عاشو نفس معاناتنا او اكثر او ممكن اقل.يعني احنة هسة دنمشي بنفس الطريق الي وصلهم لبر الامان.
ان شاء الله صبرنا ميطول واني متفائل راح تفرج علينا بوقت قريب بأذن الله

157
اني هم نفس ملفك.
ودا الاحظ مدتصير اي تغيير بالموقع للملفات هل ايام,احتمال اكو خلل بالموقع

158
خلي الكفيل يسأل المنظمة على الموعد التقريبي للسفر,
اني ملفي مثل ملفك وقابلت بيوم 25-6 وفحصت بشهر السابع.
بس لحد الان متصلو بالكفيل ولا تغيرت الامنية.
حظرتك بيا يوم قابلت بشهر السادس وبأي ولاية؟

159
بالتوفيق وهذا شي يفرح.
ممكن تفاصيل ملفك وموعد المحلفين

160
شكرا اخ ابو ميس

162
اخ ابو محمد تحية الك.
بعد مصار اي شي.ولا قرار محلف ولا اتصال بكفيل ولا الامنية تفعلت بالموقع.
بعد يومين يصير 60 يوم على المقابلة.
انت شخبارك؟

163
الاخ ثائر.
ملفك مراح يتأخر ان شاء الله.يعني حالتك تشبه حالتنا.
فقط عندما يتم الفحص الطبي  لكل العائلة واكتمال تجييكات قبل السفر.والاتصال بالكفيل. بعدها يتم السفر باذن الله

164
السلام عليكم.
اخواني حسب خبرتكم شنو الفرق بين صيغة التجيك الامني
 
نحيطكم علماً بأنه حالما يتم اتخاذ قرار بشأن معاملتكم، سيتم تزويدكم بخطاب من دائرة الأمن الداخلي الأمريكي.
 
وهذه الصيغة :
 
تشير المراجعة الدقيقة للسجلات لدينا إلى أن قضيتك حالياً قيد النظر من قبل الجهات الأمنية لحكومة الولايات المتحدة، وهذه الإجراءات إلزامية على جميع اللاجئين قبل المغادرة للولايات المتحدة. لا نستطيع توقع الوقت اللازم للانتهاء من تلك التحقيقات الأمنية، حيث أن هذه الإجراءات هي من سلطة وكالات مختلفة في الولايات المتحدة وخارجة عن سيطرة المنظمة الدولية للهجرة. عندما يتم إتاحة النتائج للمنظمة الدولية للهجرة، فسوف نتصل بكم ونبلغكم بها.
 
طبعا الاولى اجتي لكرايبي كمل مقابلة محلفين وفحص بشهر السادس.الموقع ميفتح.
والثانية اجتي الي كملت محلفين وفحص بشهر السادس ولحد الان الامنية غير متوفرة.وبعد ممتصلين بالكفيل
ولا اجاني قرار

166
الهجرة و واللاجئين / رد: رفض
« في: 13:45 22/08/2016  »
الله المستعان.
ممكن تفاصيل ملفك ومواعيد المقابلات والفحص

167
تدلل اخي
خلي اكولك شغله مهمه بخصوص الشغل اذا تحجي انكليزي او تكدر تطور نفسك بالفترة الاعتياديه التي بيها الانسان يتعلم والتي تكون مابين 3 الى 6 اشهر الشغل باريزونا خير من الله وشغله اخرى اريزونا واشغالها يرادالها صبر وتعب وهواي من العراقيين ميشتغلون لان لا يحب يتطور ولايتعب نفسه اهنا اكو مخازن توزيع تغين يوميه وتدفع رواتب هواي زينه تبدا من 12 الى 16 دولار بس يرادالها مواضبه وتعب بس شغل خير من الله بس اللي يكول شغل ماكو هوة من جماعه الفود ستامب والمساعدات ويدور كلشي بدون شغل واللي اصلا ميتعلم
لغتي زينة الحمد لله.واكيد من اول اسبوع ادور شغل.
بس مفهمت عبارة توزيع تغين

168
شكرا اخ ابو ليونا,
اني كفيلي باريزونا ودا انتظر تكمل الامنية وان شاء الله اجي,
اتفائل من اشوف هاي الشغلات باريزونا

170
الهجرة و واللاجئين / رد: Iom تركيا
« في: 08:10 15/08/2016  »
ماكو بتركيا iom
واذا يروح لهناك لازم يقدم un ويبدي من الصفر,
نصيحتي يبقى وينتظر الاجراءات من بغداد

171
اهلا وسهلا بيك.
IZ-138
وان شاء الله هلسنة كل القدماء يقابلون محلفين

173
مرحبا
اني قابلت بشهر ٦ محلفين و فحص قبل شهر و اليوم صار update ع فحص و اكتمل و موافقة أمنية تقريبا صار ٣ أسابيع خلصانه
هذا اخر شي صار بالملف مالتي
بالتوفيق ومبروك التقدم في الملف,
بيا يوم جانت المحلفين؟

174
اني عندي كيسين قابلوا ٤/٢٥  اجاني الرد عالاول دفيرال لتر والثاني موافقة مشروطة الرد كان وره شهرين وثلاثة على التوالي اما بالنسبة للكيس الثاني ابو الموافقة المشروطة اتصلوا بالكفيل للمره الاولى وانطوا مده افتراضية ٣ اشهراقصاها نوفمبر اما موقع عمان فبالظبط مثل ملفك مع العلم  انه استلمت قرار الموافقة المشروطة وتم الاتصال بالكفيل  والله العالم
اهلا بيك اخوية,
الي اعرفة هي نفسهة ديفرال لتر معناها موافقة مشروطة,شلون فرقت بين الاثنين؟ والملف الاول مصارلة تحديث؟

175
الي الشرف اسافر وياك.
وان شاء الله يكتمل التجييك لملفي ولملفك.
الغريب اكو ملفات تكتمل الامنية ورة المحلف بأسبوع واقل من شهر.اقاربي هسة اكتمل عدهة التجييك قبل 5 ايام وهي قابلت بيوم 9 سبعة.
بس احتمال لان هي بنية وسنكل اكتمل بسرعة.

176
عليكم السلام اخ ابو محمد.
اني هم البارحة وديت كارت اللقاح للمستشفى.سألتهم اذا الة علاقة بتقدم الملف .كالو لا. بس دنشوف اذا مملقحة الطفلة حتى ندزهة لغير مستوصف للقاح.

ان شاء الله الأمور تمشي

177
ما اعرف ما معتمدين على الموقع واصلا ماينفتح بس الايميل والاتصال بس اريد اسأل الاتصال بالكفيل شغلة ايجابية لو عادي
اكيد شي ايجابي,لان معناها اكو موافقة من المحلف والملف وصل للولاية والمنظمة الي تستقبلة,
ومرات يكولون للكفيل شوكت الموعد التقريبي للوصول,
لان حسب علمي اول اتصال يتاكدون من الكفيل ,وبعد كم يوم يتصلون بي علمود توقيع الاوراق ويكلولة على الموعد

178
قابلنة وفحصنة بداية السادس وقبل 4 ايام اتصلو بالكفيل وقرار المحلف ماكو
بالتوفيق,
حالة التجييك الامني عدكم مكتملة لو غير متوفرة ؟

179
السلام عليكم,

اخواني الي قابلتو محلفين بذني الاشهر شنو صار جديد على ملفكم ,الحالة بالموقع ,استلام القرار ,الاتصال بالكفيل,
حتى نعرف ونقيم حالات ملفاتنا,
بالنسبة الي
قابلت محلفين 25-6
وفحصت 4-7
ولحد الان لا جديد ,لا اتصال بالكفيل ولا مستلم قرار
وهاي حالة ملفي



180
تحية الك اخ ابو ميس ولباقي الاخوان.
طبعا من خلال  متابعتي عرفت الي قابل محلفين بوجبة شهر 11 و 12 - 2015 جانت صعبة ,واغلبهم اخذو تعليق وحتى حالات رفض,
وطبعا اكو مقبولين وسافروا,(بعكس وجبة شهر الثاني والرابع -2016 الي هواية مقبولين وديسافرون وتمشي ملفاتهم بقوة).
ومن ضمنهم (الوجبة الغير محظوظة) عمي قابل محلفين بشهر 11 وفحص بشهر الرابع,وتعلق,الى ان خابرو قبل اسبوعين تقريبا,وبلغوا انه ملفك طلع من التعليق,وهسة المفروض يسافر بس اعتقد راح يتاخر لان الكفيل مالتة غير ولايتة(بعد ما بلغو بان السفر بين شهر الخامس الى الثامن).وطلب من المنظمة يكونون هم الكفلاء.

يعني الملف من يخرج من التعليق راح يتصلون بي ويبلغو بخروجة من التعليق,
وان شاء الله يخابروكم باسرع وقت ,

اني قابلت محلف بشهر السادس وفحصت بالسابع ,ولحد الان متصلو بالكفيل,
ودزولي رسالة قبل 10 ايام بان ملفك عند التجييك الامني

181
هلا بيك.
الفحص يطول 25 يوم ويكتمل بالموقع.
شوكت كملت المحلفين واتفعلت الأمنية؟

182

اخ (Baghdad16) تحية الك,
اكتمال التجييك الامني شي كلش زين,واحتمال راح ترجع بالانتظار من يتصلون بالكفيل,
وبعدها تنزل وكالة التوطين,ومن ترجع الامنية مكتملة معناها  راح يحددولك موعد سفر

183
الاخ المحترم
عزيزي ملفك بالمراجعات الامنيه  وهذا يعني ان ملفك يسير بصوره جدا جيده  سوف تجد التغير قريبا لاتتجاوز تلك المرحله اكثر من ثلاثة اشهر اصبر وبشرنه
ابو يوسف
USA

شكرا الك اخ ابو يوسف المحترم
ان شاء الله تمشي الإجراءات بسرعة

184
السلام عليكم اخي
بالنسبة لاستلام القرار انتظر شهرين او اكثر بشوية وراح تستلم القرار ووراهه رأسا راح تتفعل خانة التجييك الامني وحسب علمي انت ماخذ موافقة مبدئية مشروطة بالتجييك الامني اني نفسي مريت بهاي الحالة وهاي صار شهرين ونص من استلمت القرار وملفي بعده بالمراجعه الامنية
اشكرك اخوية
شوكت تفعلت عندك خانة التجييك. اني لحد الان التجييك ممتفعل.المعلومات غير متوفرة

185
تحية الك اخ ابو ميس.
الي اجاني رد للايميل الدزيتة مو اتصال.
بس الغريب لحد الان متفعلت خانة التجييك الامني عندي.

حظرتك اتصلو بيك وكلولك طلعت من التعليق؟

186
اشكرك اخوية مساعي.

اخ ابو محمد شكرا الك.اني لحد الان موصلني قرار محلف  ولا اتفعلت خانة التجييك الامني.
وخانة المحلفين عندي
 Your USCIS Interview has been completed. RSCMENA will contact you by phone or email when your decision letter is available.

.انت شخبار ملفك؟

187
السلام عليكم.
اني قابلت محلفين قبل 34 يوم.وفحصت قبل 25 يوم.
لحد الان مدزولي القرار
البارحة جاوبو على ايميلي
(
تشير المراجعة الدقيقة للسجلات لدينا إلى أن قضيتك حالياً قيد النظر من قبل الجهات الأمنية لحكومة الولايات المتحدة، وهذه الإجراءات إلزامية على جميع اللاجئين قبل المغادرة للولايات المتحدة. لا نستطيع توقع الوقت اللازم للانتهاء من تلك التحقيقات الأمنية، حيث أن هذه الإجراءات هي من سلطة وكالات مختلفة في الولايات المتحدة وخارجة عن سيطرة المنظمة الدولية للهجرة. عندما يتم إتاحة النتائج للمنظمة الدولية للهجرة، فسوف نتصل بكم ونبلغكم بها
)
وحالة المحلفين هي مكتمل وسنتصل بك.

شنو رأيكم؟

188
الف الف مبروك انشاء الله الفر القريب باذن الله
ممكن اعرف رقم الكيس شكد لان احنة نامت عليهنا الطابوكة يمكن صار سنتين ولا مقابلة من 2014 شهر الرابع اني رقم الكيس مالتي 203
تحياتي الك وبالتوفيق انشاء الله

ابو ادم
الكيس نمبر 138
مقابلة اولى- شهر 11-2013

189
تقصدين انتي يو ان وتحولتي لبغداد.
اني كملت المحلف بالسادس وفحص السابع. وملفي نفس ملفج عدا التجييك الامني غير فعال

190
اختي شوكت قابلتو محلف وفحص. وشوكت كتملت الامنية ؟

193
عليكم السلام.
اني هم فحصت يوم 4 بهذا الشهر,وليهسة بالانتظار,
اعتقد خلال 35 او 40 يوم يلى تكمل ويتفعل التجييك الامني

194
شكرا ابو ميس,العدد حلو,وشهر السادس شكد ؟
اني شفتة 848 من كل دول اللجوء للعراقيين

195
الموقع موجود وبي الاعداد ,بس دخت مدا اعرف شلون احسبهم,
بس اكو رقم للمسافرين من العراق او العراقيين بكل دول اللجوء 848 شخص

http://www.wrapsnet.org/Reports/AdmissionsArrivals/tabid/211/Default.aspx

هذا الموقع وبي التفاصيل

196
اخ باكو.
ممكن تشرح شنو الي صار.
حتى ندير بالنا بالمستقبل

197
مبروك اخوية على هاي التطورات. احنة جماعة حزيران الاسود.

بالنسبة لموعد سفرك.ما اعتقد راح يخابروك ويححدون يوم 18.ممكن راح ينطوك موعد قريب.
بس انت تحظر لكل الاحتمالات. .لان اذا تأجل السفر احتمال يتأخر سفرك لسنة.او حتى يجيك رفض.ماكو شي مضمون بهذا البرنامج مال هجرة

198
اخونة ابو ميس
واخونه migratingbird
تحياتي الكم وشكرا لرئيكم.
الي صار وياية.تحولت حالة المحلف من ( تمت جدولتك لمقابلة المحلفين..) واليوم صارت (لقد انهيت المقابله وبانتظار رسالة القرار ).يعني ممريت بعبارة( قضيتك قيد المراجعة من قبل المحلفين).

وبالنسبة للفحص الطبي. نعرف الي يفحص ورة المحلف مباشرة عندة موافقة اولية.
بس بالفترة الاخيرة الفحص صار للكل حتى للمعلقين.وحتى قبل المحلفين. والاكثر من هذا والدي فحص قبل 3 اسابيع وهو بعد ممقابل محلفين.(حددولة مقابلة واجلوهة).

199
نفس السالفة اني وياك وتقريبا نفس التاريخ وراح نصير نفس الطيارة ههههههههههه انشاء الله تعالى كول امين بحق سيد المرسلين عليه واله افضل الصلاة والسلام ...........اخوك ابو محمدعلي
ان شاء الله الفرج قريب..اني أحس راح نسافر بنفس الطيارة.
تحياتي الك

200
عزيزي
 مبرووك تغيير ايجابي وان شاء الله خير
شكرا اخ ابو ميس.
يعني اني تجاوزت التعليق؟
لان الي تتعلق ملفاتهم تنكتب كدامهم ملفك قيد المراجعة..واعتقد اني هسة لو مقبول لو مرفوض

201
السلام عليكم .
قابلت محلفين قبل 18 يوم,وفحصت قبل 9 ايام,
اليوم حالة المحلف صارت
(لقد تم الانتهاء من مقابلة المحلفين الخاصة بك .سيقوم مركز دعم اعادة التوطين في الشرق الاوسط وشمال افريقيا بالتواصل معك عن طريق الهاتف أو البريد الالكتروني عند الحصول على رسالة القرار)

,شنو رأيكم بالتغيير ؟
شكرا

202
السلام عليكم
اخي العزيز برادتور ...المقابله الاولى في 4 شباط والمحلفين في 18 شباط والفحص في 25 شباط والاتصال بالكفيل في 29 اذار والسفر والحمد لله في 14 حزيران
يوم السفر لجميع الاخوان في المنتدى
تحياتي

مبروك والله يوفقكم

203
اني من 2012 مكابل المنتدى ,وصار جزء من حياتي,
ان شاء الله يجي يوم ونتذكر هاي الايام ونشتاقلهة بامريكا

204
اخ ابو احمد1,تحية الك

مبروك سفر ابنك,
ممكن تفاصيل ملف ابنك,شوكت قابل محلفبن وفحص واتصلو بالكفيل؟

205
مبروك اخونة احمد,
ان شاء الله السفر والتوفيق الدائم,
اذا ممكن حظرتك بيا ولاية؟

206
مشكور اخ ستيفن,
مواضيعك مفيدة ونتمنى تستمر , مو مثل هواية من الاخوة سافروا وبعد لا معلومة مفيدة لا نصائح.
اذا ممكن تفاصيل اجازة السوق العادية ودورات تعليم السياقة,
الكفيل مالتي باريزونا واحب اسمع معلومات عليهة

شكرا

207
اشكركم اخواني,

مقابلتي جانت ساعة 11,وبقيت انتظر لساعة 4 يلى صاحوني للمقابلة,
والمحلفة جانت سودة ولطيفة مو مزعجة ولا استفزازية,
وكفت انا وزوجتي ورددنا القسم.
اول شي الاسئلة بنعم او لا, هل انت تعمل مع الميليشيات,هل شاركت بقمع احد, هل انتميت لحزب البعث,
وبعدين الاسئلة عن طبيعة عملك مع الامريكان,والعمل الحالي,
وهل تعرضت للتهديد,ومن هددك,ولماذا تم تهديدك,وكيف عرفوا بعملك,ولماذا تعتقد انك ما زلت مهدد.
وهل يوجد مكان بالعراق امن؟ وهل لديك اقارب في الولايات المتحدة؟
وهل سافرت خارج العراق؟ولماذ؟
طبعا اني مخادم عسكرية ابد.
اكيد الي خادم عسكرية راح يسألوا عليهة,وعلى التفاصيل.
وكل المقابلة استغرقت 80 دقيقة.

نصيحتي لازم واحد يعرف تفاصيل القصة مالتة,ويركز على وحدة الموضوع, والجواب عن الاسئلة يكون بصورة واضحة ومقنعة, واذا عندة تهديدات يذكرهن كلهن ,لان احتمال المحلف مينطي مجال لشرح باقي التهديدات,ويطرح غير اسألة.



208
السلام عليكم,
صدك التغييرات محيرة,يعني اخوية ينتظر مقابلة اولى وتحدثت حالة الفحص الطبي للانتظار

209
شكرا
اني من بغداد, ودا الاحظ الفحص الطبي صاير بالجملة,
بس شي غريب الفحص بهذه الكثرة,
لان جان الفحص بس للي عندة موافقة ,حتى ميكلفهم مبالغ للمرفوضين او المعلقين

210
السلام عليكم,
الحمد لله بعد انتظار طويل كملت مقابلة المحلفين يوم 25-6
والبارحة حالة الفحص الطبي تحدثت الى (انت والاشخاص معك مطلوبين للفحص الطبي)
واليوم صارت (يمر ملفك بمرحلة المعالجة الطبية. قد تكون في واحدة من المراحل التالية : على استعداد لتحديد موعد لفحص طبي، تم تحديد موعد الفحص الطبي، تم اكمال الفحص الطبي وبانتظار مراجعة النتائج، تم اكمال الفحص الطبي وبانتظار المتابعة)

ولحد الان خانة المحلفين متغيرت.(لقد تمت جدولة ملفك لمقابلة المحلفين. من الممكن أن تكون قد أتممت المقابلة، اذا لم يتم الاتصال بك بعد، سيتم الاتصال بك قريبا.)

شنو رأيكم ,وهل الفحص اشارة على موافقة لو شي روتيني ,مع العلم والدي كمل فحص وهو ممقابل محلفين,لان حددولة موعد وأجلو

211
ان شاء الله خير.ما دام اتصلو بالكفيل والامنية اكتملت ,لتخاف

212
عليكم السلام .
بصراحة ملفك ماشي صح وعندك موافقة مشروطة بالامنية,والشي الحلو انه محدديلك منظمة لاستقبالك ,
مسالة وقت وان شاء الله تسافر

213
 الي نقتلوا اشرف من الوهابية الارهابيين

214
السلام عليكم.

والدي عندة موعد مقابلة محلفين في بغداد بداية الشهر الجاي,
بس البارحة تحدثت عندة حالة الفحص الطبي
   Your case is undergoing medical processing. You may be in one of the following stages: Ready to be scheduled for a medical exam, scheduled for a medical exam, medical exam completed pending review of results, medical examination completed pending follow up with a medical provider.

شنو برأيكم هذا الاجراء ؟

215
اخ ابو محمد علي,
ذكرتني بالبيتزا ,
مبروك تحديد المقابلات , وانت من الحالات النادرة الي يتحددلهة موعد للاولى والثانية بنفس الاسبوع,
بالمقابلة الاولى جاوب على الاسئلة بكل بساطة وبدون متذكر التواريخ بالتفصيل,
وسجل كل الي كلتة بورقة حتى لو دكول ما انساهن,وبالمقابلة الثانية جاوبهن نفسهن,
بالنسبة لزوجتك,راح يسألوهة على انفراد,اذا هي مستعدة للسفر وممجبورة,
فلازم يكون جوابهة نفس جوابك,واكيد لازم تعرف التفاصيل مال قصة مثلك,

ان شاء الله مقبولين

216
ان شاء الله ميتعدة الشهر

217
خل يدز التقرير للمنظمة ويبلغهم بصعوبة وضعة وان شاء الله يتحددلة سفر بسرعة

218
الهجرة و واللاجئين / رد: أبشركم
« في: 12:14 22/05/2016  »
مبروك اخوية.
ممكن تفاصيل ملفك

219
وازيدكم من الشعر بيت .... كمية الرفوضات الغير مسبوقة في تاريخ المنظمة وهاذي الرفوضات بدت من 2014 ولحد هاذي اللحظة دتجي بكميات جبيرة جدا وهذه خير دليل على انهم راح ينهوها مع نهاية ولاية اوباما

اكيد هذا الشي واضح من سنة 2014,واكثر الي بالمنتدى والاعرفهم صار رفضهم من سنة 2014 وفوك

220
اتفق معك 100% كلام صحيح لن يبقى برنامج اعادة التوطين الى ما لانهاية و اكيد الرئيس اوباما هو الذي اوجد هذا البرنامج و سينتهي بنهاية ولايته خاصة و الاسباب الي دعت له واهمها تهديد العاملين مع القوات الامريكية قد قلت بل تلاشت .
بالضبط وهم يعرفون بهذا الشي.
 هو البرنامج من سنة 2007 , و(SIV) من سنة 2008 , يعني الاكسباير قريب

221
عزيزي
اشاطرك الراي وقد نوهت على ذلك في موضوع سابق واعتقد ( وهذا اعتقاد طبعا ) بان في الاشهر المتبقيه من رئاسة السيد اوباما ستحسم كثير من الملفات وحسب تصريح سابق من وزارة الخارجيه الامريكية يتعلق بملفات اللجوء والاستعداد لحسم هذا الموضوع ...


تحياتي
هههههه يمكن الامريكان يعرفون هذا الاحمق اذا يجي راح يحقر ويانة ويسوي مشاكل على برنامج اللجوء.فقرروا يخلصونة من شرة

222
بالضبط اني قصدت الوضع الي دنعيشة,وخصوصا هاي الفترة القاسية من تاريخ العراق

223
السلام عليكم,

بالفترة الاخيرة صارت تطورات بعمل المنظمة ,خلتني اعتقد بان المنظمة تخطط لغلق برنامج اللجوء الخاص بالعاملين مع الحكومة الامريكية,ومن ضمن الي لاحظتة
* حسم الكثير من ملفات المعلقين سواءا بالقبول او الرفض , وتحديد مواعيد فحص بالجملة في سابقة تلفت النظر.
* الكثير من المتقدمين الذي لم يحصلو على تأكيد عمل , المنظمة غلقت ملفاتهم بسبب عدم الحصول على التزكية وعدم الرد من قبل السوبرفايزر.
 اعتقد خلال الاشهر القادمة راح يحسمون الكثير من الملفات ويحددون موعد لغلق البرنامج,عدا (UN) من خارج العراق

وممكن اكون مخطأ بهذا التقدير , بس ممعقولة يبقى البرنامج مفتوح لسنوات جاية والاسباب الي نفتح لاجلهة البرنامج قلت تأثيراتهة,مثلا ماكو اغتيالات وتهديد على العاملين مع الحكومة الامريكية مثل السنوات الماضية,
مثل مصار وية برنامج (SIV).
اتمنى كل المتقدمين تنحسم ملفاتهم وتتسرع ونخلص من حالة الانتظار والقلق الي عايشيهة من سنوات.

آرائكم...

224
مبروك اخ ابو ميس , اتمنالك السفر وباقرب وقت وتخلص من العراق

225
السلام عليكم,
مبروك على الي طلعوا من التعليق وفحصوا,
عمي قابل محلف بشهر 11/2015,وبقى بدون فحص الى يوم 1/نيسان/2016,
وقبل اسبوع اتصلو بالكفيل ,

بالنسبة الي جان عندي مقابلة محلفين بشهر الثاني 2016
وتأجلت لان ضفت بنتي,وبشهر الثالث قابلت و ضفتها,
وهسة دا انتظر مقابلة المحلفين الي نشلع كلبي عليهة ,من 2013 انتظرها

الله المستعان


226
اخي اكو مواضيع بالمنتدى على الي مثل حالتك,
ابحث عليهة ولتتاخر بالاجراءات,
اني ابن عمي هم رجع من امريكا لان ضاج , ومن اجة لهنا ندم واهلة قدمولة طلب وكمل كلشي ورجع لامريكا خلا 10 اشهر تقريبا .

بس لازم تقنعهم على سبب رجوعك للعراق,
ممكن نعرف ليش رجعت؟

227
مشكور اخوية,احلى مشاركة وموضوع بالمنتدى

228
عليكم السلام ورحمة الله,
حسب معلوماتي ,
اكو ولايات رخيصة وبيهة شغل,والجو بيهة معتدل ,مثلا جورجيا وتكساس , وكولورادو
واكو ولايات شمالية بيها مساعدات وشغل بس باردة,
واكو ولايات غالية مثل نيويروك ولوس انجلوس وشيكاغو,صعبة على اللاجئين الجدد




229
اختي توكلي وقدمي مثل مكتلج.
معليج بالناس الي ميعروفون قوانين المنظمة.
اسألي مجرب.

وبالنسبة للوقت فهاي مو ثابتة ممكن سنة وممكن 5 سنوات.
بس اهم شي تتواصلين وية المنظمة وتنطيهم الملفات الي يريدوهة

230
عليكم السلام.
اكيد يصير تقدمين لكل اهلج.
لان هم مشمولين بالبرنامج
.دزي المعلومات للمنظمة.
* التزكية واثباتات عملج مع الأمريكان
* هويات مال اهلج
بس هسة اتصلي بالسوبرفايزر مالتج وكليلة المنظمة راح يسألوك وجاوبهم على عملي.


231
هلا بيك اخ steven الغالي.

قصدهم ميصير ينطوك تفاصيل عن هذا الملف لان القوانين متسمح احد يطلع على المعلومات غير صاحب الكيس,
راسلهم من ايميل صاحب الكيس حتى يجاوبوك عن الحالة,
اني مرة سالتهم عن كيس اخوية بالتلفون كالو لازم هو يسألنا


232
شكرا لاعطائنا الامل بالاخبار الحلوه ..
ربي كل التسهيل والتوفيق الك ولعمك والفرج القريب
بس اذا مو زحمه عليك
عمك عنده عسكريه ؟ وشكد طول بالمقابله؟ وشلون المحلف معاه ؟
وعذرا ..الموقع القديم بعده يشتغل ؟
وتسلم يا طيب
عمي خدم عسكرية بعد احداث 90 .يعني ممشارك بحرب.
والمحلف جان حازم وياهم ويحقق بدقة.
وهواية تأخر وياه.

233
السلام عليكم,
عمي قابل محلفين بشهر 11-2015
وبقة معلق,خانة المحلفين بالموقع القديم بقت فعال,وبدون فحص
البارحة خابروا على موعد فحص طبي اليوم,وهذا معناه طلع من التعليق .
بس للاسف الموقع الجديد مديشتغل عندة

234
اخوية هاي صار كل هلفترة تعاني ومتمرمر من ورة العمل مالتك. وهسة تكول اخوية طلع ههههه.
ترة اكثر من 70 بالمية من الي سافرو هم مضافين على كيسات احد افراد عائلتهم.

هسة دز رسالة الهم وكلهم هذا الكيس مال اخوية و قابلوني فورا وبدون تأخير..يومية دزلهم ولتعوفهم

235
الحمد لله على سلامتك اخوية ,ان شاء الله تتوفق بحياتك,
اذا مممكن تذكرنا بتفاصيل ملفك,
وشلون شفت المدينة الي انت بيها من ناحية الجو والطبيعة وباقي الاشياء
, وممكن نعرف بيا شهر جان الحمل والمنظمة ما أجلو السفر ,

شكرا

236
تم تحديد مقابلة محلفين في الشهر الثاني المقبل. واليوم لغوهة.
بسبب الولادة هذا الشهر.
وكايلين من يصير عمر الطفل شهرين نقابلكم..
اخوان شدكولون ورة شكد يحددون مقابلة..يعني صدك شهرين لو اقل او اكثر.

ارجو من الي عندة معلومة او مر بهيج حالة يكول شصار وياه.

الله المستعان على الاذية الي دا اشعر بيها

237
عليكم السلام. .
اخي المقابلتين صحيحات وحسب موعدهم.
اكو ملاحظة بايميل مقابلة المحلفين. اقراها بالبداية

238
عليكم السلام. .
اخي الي اعرفة ميأثر عليك السفر بمثل حالتك.
هواية ناس اثناء انتظارهم الامنية يسافرون سياحة وشغل.
ابقى بشغلك واطمئن..بس لدكول للمنظمة انت سافرت

239
وانتي بالف خير ,
شنو اخبارج Gamma

240
السلام عليكم ,
عمي قابل المحلفين بيوم 29-11-2015 , ورة جم يوم تحولت حالة الملف من فعال الى بانتظار النتيجة , وبقت حالة المحلفين فعال,
البارحة اجتة (deferral letter ) ,
اليوم حالة الملف تحولت الى معلقة (Hold) , ,والمحلفين بعدهة فعال,
الفحص غير فعال,

شنو رأيكم


241
عليكم السلام,
اختي شنو حالة الملف مالتكم بموقع عمان؟

242
اخ lord baghdad
تحية الك,شنو اخبار ملفك

243
اخت aum noor ,
قدمو استئناف وكلولهم صار تهديد جدي ورة مقابلة المحلف,

ممكن اعرف شنو شكل المحلف الي قابلكم

244
 اخي Zaid2010 ,
قدم استئناف وكلهم تعرضت لتهديدات جديدة, ورة تاريخ مقابلة المحلفين,
واكيد الاخوة راح يساعدوك,

ممكن نعرف تفاصيل ملفك ومواعيد المقابلات,
وشنو جان شكل المحلف الي قابلك ,شكرا

245
الي بلغوهم بموعد محلفين بدون مقابلة اولى,خلي ينتبهون شمكتوب ابداية الايميل,


PLEASE NOTE THAT YOU’LL RECEIVE A SECOND NOTIFICATION FOR YOUR FIRST INTERVIEW WITH IOM , PLEASE MAKE SURE TO REPLY BACK TO BOTH NOTICES
 
 
يرجى العلم بأنه سوف يتم استلام اشعار اخر لمقابلتك الأولى مع المنظمة الدولية للهجرة  , الرجاء الرد و تأكيد الحضور على كلا الاشعارين .


والله اعلم

246
شكرا للمعلومات الحلوة

247
ما اعتقد هذا الخبر صحيح,
لان المنظمة حددولي موعد مقابلة اولى لزوجتي ,وتأجلت,
وكالو حتقابل اولى قريبا

248
جربت متصفح كوكل كروم وموزيلا وانترنت اكسبلور ونفس الشي

249
السلام عليكم .
عندي كيس نمبر انتهت صلاحية الباسورد بالموقع,
ومن سويت اعادة كلمة السر ,دزلي رابط مال اعادة كتابة كلمة السر والمشكلة دا افتح الرابط ويطلع خطأ,
مع العلم اني دا ادخل لموقع عمان بصورة طبيعية

http://www.jordan.iom.int/refinfo/

250
السلام عليكم.
بامريكا اكو واشنطن العاصمة وصاير بالقسم الشرقي قريب نيويورك,
و واشنطن الولاية وعاصمتها سياتل بالقسم الغربي,
 بامريكا اكثر الولايات مالتهم ,
ماكو داعي تقلق ,المهم توصل لهناك والله كريم,

بس نصيحتي ابتعد عن نيويورك لان كلش غالية
وعندي اقارب بكاليفورنيا سان دييغو , هم حلوة طبيعتها وجوها وديشتغلون

251
اخت aum noor,
تقصدين اذا عرفو بيهة حامل متفوت للسفارة,
لان اني اصلا مراح اكلهم هسة.

252
شكرا لردودكم,
ان شاء الله السنة الجاية يشتغلون من كل كلبهم ويعوضون التاخير الي صار بالفترة الماضية

253
الهجرة و واللاجئين / رد: موعد سفر
« في: 12:07 17/12/2015  »
مبرووك ,
ممكن نعرف تفاصيل الملف واوقات المقابلات

254
هلا بيك اخ ماجد.
ذولة المنظمة شغلهم مخربط.
ومحد يعرف شلون يشتغلون,
احنة لعبة  بايديهم

255
والله يا اخ حيدر ذولة مينحزرون,
دزيت رسالة كتلهم قربولي الموعد لان راح يصير عندي تكليف بالعمل,
بلكي يفيد

256
السلام عليكم.
هسة خابروني المنظمة وكالو تأجلت المقابلة لاسباب تقنية,
جانت المفروض يوم الخميس 24-12-2015 ,
شنو رأيكم , اني اكول علمود العيد

257
السلام عليكم
,اخي صليل السيوف,
ممكن اعرف الاشكال الي صار وياك,وشنو الاوراق الي دزيتهة ونحلت المشكلة ,
حتى لو ادزلي رسالة علخاص اذا متحب تكولهة هنا

258
اشكركم اخواني على ردودكم,
بالضبط السونار خطر, ومن سافرنة مفوتونة بالجهاز

259
ic@iom.int

بأي وقت تكدرين اترسلين

260
عليكم السلام.

اختي دزي ايميل للمنظمة واطلبي منهم فتح ملف للهجرة.
دزيلهم اثبات على عملج وبيهة الايميل مال الشركة الي تشتغلين بيهة,
لان حيدزون رسالة للشركة مالتج , ويسألوهة عليج


261
اخت ام الجود,
عمي قابل محلفين بيوم 29-11-2015
وليهسة الملف مالتة نفس ملفج,
هم حالة الملف بانتظار النتيجة ,
والمحلفين فعال
والفحص غير فعال

262
شكرا اخت aum noor  على النصيحة,
بس منكدر نخفي عليهم بالمقابلة ,لان احتمال المقابلة الثانية تصير وراها بفترة قريبة,
وهي حامل بشهر الثامن,
ممكن توضحين شلون صار عدكم تأخير ,
اني اكول اذا اكلهم بالحمل بالمقابلة ,راح يسولنة مقابلة محلفين بنفس اليوم
,
او ميقابلونة محلفين الا بعد الولادة ,

263
اشكركم اخواني على ردوكم..
اخت ام الجود.ممكن اعرف الحالة مالتكم بالمقابلة الأولى لو الثانية وشصار وراها؟

264
شكرا على الرد.
اي مراح اكلهم لان ذولة يدورون حجة حتى يأجلون المقابلات

265
شكرا على ردودكم.
البارحة ورة مكتبت الموضوع بدقائق خابروني المنظمة ,
وكالوا عندك مقابلة اولى لزوجتك لان هي ممقابلة الاولى,
كتلهم شوكت نقابل محلفين كالو ورة هاي المقابلة ,

بس خايف اكلهم زوجتي حامل لان احتمال يأجلون المقابلة

266
السلام عليكم ,
البارحة اتصلو بية وكالو عدكم مقابلة اولى بعد جم يوم,
كتلهم اني دا انتظر المقابلة الثانية مو الاولى,
كال احتمال هاي لزوجتك لان انت ضفتهة ورة المقابلة الاولى,يعني هي ممقابلة الاولى,.
كتله شوكت المقابلة الثانية , كال بعد هاي المقابلة ,

بس بالايميل الي دزو مال موعد المقابلة كاتبين اذا يوجد حمل بلغنة بي,
واني اخاف اكلهم زوجتي حامل بشهر الثامن لان احتمال يأجلون المقابلة ,
واني دا انتظر على احر من الجمر ,

شنو رأيكم

267
اني هم نفس الحاله
صارت عدكم اضافة ورة المقابلة الاولى ؟

268
السلام عليكم.
اخوان اني دا انتظر مقابلة محلفين , المفروض مقابلتي يوم 26-06-2014 بس تاجلت من ورة داعش, ومقابلتي الاولى جانت بشهر 11-2013
عمي جان وياية هم تأجلت المقابلة مالتة ,
بس حددولة مقابلة محلفين وكملهة يوم 29-11-2015
, بس اني واهلي بعدنة ننتظر, مع العلم هواية ديقابلون محلفين بهاي الفترة,

منو منكم دينتظر مقابلة وشوكت جانت مقابلتكم الاولى

269
المنظمة محد يعرف اجراءاتهم بالضبط ,
بس احنة نحلل حسب الي عرفناه خلال هاي السنوات ,
اني من قدمت بسنة 2012 وانطوني كيس نمبر , اول مفتحت الكيس بالموقع جانت حالة الملف بانتظر النتيجة لان جان عندي نقص بسبب التأكيد من العمل, والتجييك الامني بالانتظار ,
ونفس الشي اهلي واقاربي,
بس بسنة 2014 الي قدمو وملفاتهم فعالة , عدهم حالة التجييك الامني غير فعال ,لان اعتقد بعد مواصلين الهم بالتسلسل.
بسنة 2013  شهر 10 سألت الموظفة مال منظمة ,كتلهة ليش متنطون كيس نمبر لأقاربي وهم قدمو قبل شهرين, كالت بعد مواصلين لملفات شهر الثامن,

ان شاء الله عن قريب يقابلون الي ملفاتهم فعالة

270
عليكم السلام
.
من وجهة نظري الملفات الي صار عدهم تغيير بحالة التجييك الامني, معناها بدو يشتغلون بملفاتهم.
لان اول خطوة بالاجراءات هي التجييكات الامنية .الي تبدي من الامنية الداخلية,
اقاربي ملفهم فعال من شهر ايار 2014 ولحد البارحة يلى التجييك الامني تحول الى بالانتظار بعد مجان غير فعال

271
لتخاف اخوية مراح يصير شي..
القرار يحتاج موافقة مجلس الشيوخ والرئيس..وهذا صعب.
وحتى لو يوفقون عليه ميشملنة جماعة iom وخصوصا الي ماشية ملفاتهم

273
السلام عليكم. .
البارحة سألت احد الحقوقيين الأمريكي بواشنطن العاصمة. .
على القرار مال مجلس النواب وهذا جوابة :
This should have no impact on your case or anyone else’s case. For this to take effect, it would need to be passed by the Senate and then signed by the President, both of which are unlikely. It was mostly a political statement by the Republican Party to raise awareness of the issue for the upcoming elections.

 

We are monitoring this and will let
you know if anything changes.

.معناه.هذا القرار مراح يأثر على الملفات.الى ان يدخل حيز التنفيذ. .ويحتاجلة موافقة مجلس الشيوخ والرئيس الأمريكي. وذني غير ممكنات.
وهذا دعاية للانتخابات الجاية للحزب الجمهوري.
........

اني برأي بكل الاحوال مراح يأثر علينة جماعة iom .لان اصلا الكونغرس اصدر قرار باستقبال العراقيين الي جانو يشتغلون وية الحكومة الأمريكية.

274
عليكم السلام.
اخوية اني مثلك هم قابلت اولى بشهر 11 -2013
وحددولي محلفين بشهر 6-2014 وتاجلت بسبب الوضع الامني ,
وليهسة محددولي الثانية

275
مبرووك اخوية ,
اني توقعتلك تطلع من التعليق,
وان شاء الله سفرك هلسنة

276
اخ فراس,
اني اكول من تروح لاوربا كلهم اني مهدد لاني كنت مترجم.وقدمت على الهجرة لامريكا ونرفضت بدون ما اعرف السبب,
لان من دكلهم مهدد بسبب عملي مع الامريكان,راح ينطوك لجوء سياسي,بغض النظر انت من يا محافظة بالعراق

277
تكدرين تسوين وكالة لاستلام راتب الكي كارد,لشخص,
وهو يستلم الراتب الشهري بكل سهولة,ويحولج المبلغ

278
مشكور اخوية ان شاء الله تسافر هلسنة

279
اي اخي يصير يقدم ,بشرط التأكيد من السوبر فايزر الامريكي من خلال ايميل رسمي

280
مبروووك اخوية باكو ,
اذا ممكن اعرف ,  ورة شكد حددولك مقابلة ورة ما أجلوهة,
وبالنسبة  للعائلة الي ضافو الطفل هم حددولهم لو بعد؟

281
السلام عليكم,
حددو مقابلة محلفين لعمي (IZ-138) بنهاية الشهر الجاي,
مع العلم اني وياه اجلو مقابلتنة بشهر حزيران الاسود,
ليهسة انتظر وماكو شي

282
اخوية كل ورطة ماكو,انطيهم عنوان كفيل جديد,
او كللهم ما اريد كفيل,
وابد مراح يأثر على السفر والاجراءات واحد بالمية

283
اني يوم 09-06-2014 حددولي مقابلة محلفين ليوم 26-06-2014
وثاني خابروني كالو من نحددلك مقابلة ثانية راح نتصل بيك,كتلهم البارحة دزيتولي ايميل وحددتولي موعد مقابلة ,جان يتعجب

284
الحمد لله على سلامتك ,

شوية لازم تصبر بالبداية,كل الي اعرفهم اول مراحو شوية ضاجو,بس بعدين عاشو حياتهم ,شغل وسيارة وفلوس واستقرار,

اكيد بالبداية واحد يستوحش,حتى من واحد يشتغل بشركة جديدة هم ينرادلة وقت حتى يتأقلم,او ينتقل من منطقة لمنطقة او حتى من غرفة لغرفة,
كيفما ينتقل من قارة لقارة

285
لا اخي ميحتاج تأكيد عمل مرة ثانية.مجرد تراسلهم من الايميل الخاص بك او غير ايميل وتذكر الكيس نمبر مالتك وتمشي الامور

286
السلام عليكم .
مبروك المقابلة,وان شاء الله يوم سفركم.
ابد لا تقلق وتخاف من المقابلة,وخصوصا المقابلة الاولى,
لان مجرد اسئلة ومعلومات شخصية ,
وحظرلك قصة مختصرة وقوية ,وكلهم اشعر بالخطر الشديد ,وما اكدر ابقى بالعراق واذا سألتك ليش متعيش بكردستان ,حظرلك فد اجابة,

اما فيما يخص اختك اذا تريد ملفهة يمشي وية المنظمة ,لازم تتواجد بالعراق وتكمل المقابلات

288
مبرووك اخوية علي ,
ان شاء الله هل ايام يخابروك على موعد سفر,
او ينزل بالموقع قبل الاتصال, انت الان على جدولة السفر

289
اي صحيح..الي مسجلين بالمنتدى عددهم كلش قليل بالنسبة للمقدمين. .
يعني هنا الي نعرفهم يتواصلون عددهم 40 او اقل..
والي مقدمين عددهم بالالاف

290
اخي تكدر تصدر بطاقة ماستر كارد من نفس شركة كي كارد..وتستلم راتبك من اي دولة

291
الهجرة و واللاجئين / رد: AURORA /IL
« في: 11:02 23/09/2015  »
لعد انتظر السفر يصير بالانتظار وينطوك موعد سفر

292
الهجرة و واللاجئين / رد: AURORA /Al
« في: 10:45 23/09/2015  »
عليكم السلام,
هاي خطوة مهمة وبعد بقتلك بس الامنية تكمل وتسافر
ان شاء الله الاخوة يفيدوك بمعلومات عن هذه الولاية ,
ممكن اعرف عدد الاشخاص بملفك وشوكت اكملت المقابلات والفحص

293
كل عام وانتم بالف خير,

المفروض الشخص الي عندة معلومة واستفسار ,ينطي معلومات عن ملفة وبالتفصيل ,
مثلا يسأل عن الفحص الطبي ويكول منو يعرف ليش تأخر الفحص الطبي,وبدون ميذكر تفاصيل ملفة ولا المقابلات ولا قرار المحلف,
من يذكر ذني التفاصيل بالسؤال بسرعة راح يجيه جواب

295
لو الحكومة الامريكية مسوين حملة للمقدمين على الهجرة من العراق جان هسة مكملين كل الطلبات ,
بس اعتقد المنظمة بعمان شغلهم مخربط ومو احترافي وتسببو بهذا  التأخير والخربطة

296
مبروووك اخوية على موافقة المحلفين,
بعد بس التجييك الامني يكتمل ويسافرون ان شاء الله

297
اخوان الزوجة او الزوج غير مشمولين بالبرنامج نهائيا

298
ان شاء الله الاخوة المترجمين يساعدوك بالاتصال بتايتن ,اكو عدة مواضيع بالمنتدى ابحث عليهة,
اني مو مترجم فما اعرف التفاصيل بالتحقق من المترجمين

299
عليكم السلام,
اخي رد على الايميل مال منظمة بنفس الايميل,
يعني سوي ريبلي ,حتى يبقى عنوان الايميل,
ودزلهم الباج والتوصية,واهم شي الايميل الرسمي مال سوبر فايزر الامريكي الي كان مشرف عليك,
او ايميل الضابط ,حتى من يراسلو يجاوبهم ويكلهم نعم هذا الشخص جان يشتغل ويانة
,من يجاوبهم راح يمشي ملفك وتنتظر المقابلة,

دزلهم المستمسكات بصيغة PDF
,والمعلومات الشخصية كتابة خليهن بملف وورد او حتى لو بدون وورد هم عادي

300
اكيد فكرة جيدة ومهمة,
لان بهذا المنتدى هواية مواضيع وخبرات وتفاصيل مموجودة بغير موقع ,
وضروري وجود طريقة للبحث عن المواضيع السابقة من سنين

301
عليكم السلام. ..
IZ-138
مقابلة محلفين تاجلت بحزيران 2014
وليهسة ماكو شي..
حظرتك شوكت حددولك مقابلة وأجلوهة

302
اي كمل الإجراءات كانه انت بالعراق

303
اخي بالنسبة للمنظمة اذا كتلهم اني بتركيا واستقريت بيها راح يغلقون ملفك,
اني نصيحتي لدكلهم انت بتركيا وكمل اجراءات ملفك ,

واذا درو بيك انت بتركيا كلهم رحت للسياحة او العلاج

305
اعتقد المشمولين بالبرنامج مال اي او ام ,
هم الي شتغلو مع جهات امريكية بالعراق بعد سنة 2003

306
تم,
اخوان ارجو مشاركتكم الفاعلة,
التوقيع كلش سهل وسريع

307
اني اليوم اتصلو بية وهم سألوني علتهديد,
حركو اعصابنا ,كل ميخابرون عبالي موعد مقابلة ويطلع كلشي ماكو

308
اخي اتصل بيهم وكلهم خابروني,
اني سويت هيج وخابروني

309
مبرووك اخونة ان شاء الله توصل بالسلامة,
ممكن تفاصيل ملفك

310
اخي ممكن توضح سؤالك

311
اخي دزلهم رسالة وكلهم اطلب اضافة والدي ووالدتي ودزلهم الجوازات والهويات ,
حتى لو موجودين بالعراق , وينطوهم كيس نمبر وتمشي معاملتهم

312
المهم ملفك ماشي بصورة طبيعية ,
وانتظر نزول المطار والمدينة وبعدها يكتمل التجييك الامني والسفر يصير بالانتظار وتسافر باذن الله

313
بالخير عليكم ,ماطول المقابلة اكتملت,هسة بقالك بس الامنية وتسافر ,
ابقى وية تواصل وية الكفيل وكلة خل يستعد للاتصال من المنظمة قريبا

314
اي اخي عادي اكو جماعة قابلو محلف بالعيد ,

ممكن اعرف شوكت كملو المقابلة الاولى

315
عليكم السلام,
اخي تكدر حظرتك تقدم من ايميلك وتكتبلهم الكيس نمبر مال اختك,
وتطلب الهجرة الى الولايات المتحدة,
او اختك تراسلهم من ايميلهة الي جانت تتواصل بي وية المنظمة , ,وهاي اسرع شوية,

واشرحلهم وضعك وكلهم اشعر بالخطر وحظرلك قصة مو طويلة وبيها تواريخ قليلة ,حتى تحفظهن ومتغلط بالمقابلات بيهن

316
مبروووك اخوية ,ان شاء الله توصلون بالسلامة,
مستشفى بغداد صايرة بساحة الاندلس كبال الحزب الشيوعي.
بالنسبة للفحص اتصل بالمنظمة واستفسر منهم

317
اخي اذا بعدهم ممتصلين بالكفيل فأعتقد ماكو مشكلة,
بس اذا متصلين بالكفيل فممكن يصير بعض التأخير

318
مبروك اخوية ,ان شاء الله توصل بالسلامة,
اتذكر حظرتك جنت خايف من الرفض بسبب الغاء موعد السفر ,
بس الحمد لله حددولك موعد جديد,

ممكن تفاصيل ملفك ومواعيد المقابلات

شكرا

319
اي عادي اكو اشخاص مشت معاملاتهم مثل حظرتك.وسافرو على الاسرع..
الله يسهللكم وتسافرون هلسنة كلكم

320
مبرووووك اخوية .مثل ماتوقعتلك.
.ان شاء الله تفرج عليك وعلينة.
هسة اني بحالة تأهب وانتظر اتصال منهم للمقابلة. .
لان اني مثل متعرف من مؤجلين شهر 6 من ورة اخوانة المهمشين وساحات الذل والفجور..الله يلعنهم ويمسخهم..

اخوية ماكو داعي تحتار..مشي شغلتك وروح للمقابلة وكلة اني مقدم siv ..وبنفس الوقت معاملتك تمشي وية siv .
اما بخصوص اهلك فمراح يأثر عليهم تقديمك او سفرك وية siv .

ممكن اعرف كم كيس تححدلكم مقابلة محلفين؟

321
بس لا يأثر على سفر العرافيين,
احنة هم ماعدنة حظ,
اشو من قدمنة على الهجرة سوريا وليبيا سقطت وصارو لاجئين,
داعش وساحات الحقد والخيانة خلو اكثر من مليون نازح بالعراق والمنظمة هسة حايرين بيهم,
والسفارة الامريكية عزلو وتوقف شغلهم,
الي قدمو من زمان وسافرو ذولة فعلا اذكياء والله وفقهم

322
يعني المنظمة شغلهم محد يعرف سرة, بس رب العالمين,
احنة الي تاجلت مقابلاتهم بشهر 6-2014
,المفروض اول الناس يقابلوهم من ترجع المقابلات لبغداد,
وهسة دنشوف مقابلين اولى قبل كم شهر وهسة قابلوهم محلفين

323
حسبي الله ونعم الوكيل,
خلونة نتحصر على مقابلة المحلفين,بعد ما اجلو المقابلة حزيران 2014

324
اشكرك اخي الغالي predatorعلى ردك لي زين اكولهم  عندي ملف iomوشئ اكيد هم لازم ابلغ المنضمه اني سافرت مودتي لك
مو شرط تبلغ المنظمة انت سافرت,يعني تروح هناك وتقدم على اليو ان ,وبنفس الوقت انتظر ملفك يمشي بال iom ,
لان اليو ان بتركيا مو راسا حيقابلوك ,اكيد ورة فترة طويلة

325
عليكم السلام ,
بتركيا ماكو iom , يعني اذا تروح لهناك لازم تقدم على اليو ان ,
المنظمة بس بالعراق وبالاردن وبمصر

326
اخوكم ***127
مكمل اول مقابلة والثانية تاجلت من وره اهل الذل والمهانة
والخسة والنذالة والعمالة

327
ان شاء الله تكون الموظفة صادقة,
لان اني بسنة 2013 خابرتني الموظفة وكالت انت بجدولة المقابلة الاولى,وبالفعال ورة يومين تحولت حالة المقابلة الاولى الى فعال ,
الله يفرج عليكم وعلينا ويحددولنة مقابلة محلف قريبا

328
اخوان منو حددولة موعد مقابلة محلفين

329
اخوان هل ممكن حصول الرفض لاسامح الله بعد اكتمال التجييك الامني واعطاء موعد سفر والغاء الموعد بذريعه التجييك الامني مع العلم الموقع كله مكتمل والمدينه والمطار والسفر انتظار لكن حاله الملف انقلبت من فعال الئ بانتظار النتيجه
كلشي ممكن وية المنظمة
بس ان شاء الله يتحددلك موعد قريب,
اكثر الي تأجلت مواعيد سفرهم اتصلو بيهم ورة فترة وانطوهم موعد جديد

330
مشكور يا  طيب,
اني دا انتظر مقابلة المحلفين على احر من الجمر

331
شكرا اخ علي على المعلومات ,
ان شاء الله مقبول وتكتمل المقابلة بالموقع وتسافر باقرب وقت.
كلامك رفع معنوياتنا

332
لحد الان مسمعت احد نطو موعد مقابلة محلفين للفترة القادمة,
باستثناء الي ديقابلون هل ايام ,الي حددولهم مقابلة من شهر السابع,
ان شاء الله الوجبة القادمة تشملنة احنة القدماء

333
السلام عليكم .
اخي تكدر تنقل ملفك للاردن او مصر,
او تبقى بالعراق وتمشي اجراءات ملفك,
انت المفروض تضيف زوجتك قبل المقابلة الاولى او قبل الثانية ,
لان من ضقتهة ورة مقابلة المحلف حيصير تأخير

334
اخي انت بانتظار تحديد موعد المقابلة الثانية. .حاليا على جدولة مقابلة المحلفين. .
شوكت كملت المقابلة الاولى؟

335
السلام عليكم. .
اخي ممكن تذكر تفاصيل ملفك

336
السلام عليكم,
اخوان اعرف شخص عندة ملف هجرة وكمل المقابلة الاولى في بغداد,
وهو مو متقدم رئيسي’يعني الي جان يعمل مع الامريكان احد اقربائه,

بالاضافة الى انه يشعر بتهديد بسبب عمل اقربائه مع الجهات الامريكية’
فهو يشتغل بمؤسسة حكومية حساسة جدا في العراق,

شنو رأيكم اذا يبلغ المنظمة انه يتلقى تهديدات بسبب عمله مع الحكومة العراقية’اضافة الى التهديد التي تتعلق مع العمل مع الجهات الامريكية,؟

لو المنظمة مراح يعتبروهة من اختصاصهم ؟

337
IZ-138
تأجلت مقابلة المحلفين من ورة داعش والبعثيين لعنهم الله
ولحد الان محددولي موعد جديد

338
السلام عليكم,
اخوان اكو احد تحددلة مقابلة محلف بهاي الايام في بغداد ؟
لان صار فترة مسمعنة احد محدديلة مقابلة محلفين ’

شكرا

339
الشكر لله اخي العزيز .نعم صارت الاضافه اثناء حرب داعش يعني من ارسال المستمسكات بشهر السابع الى الفحص الطبي بشهر العاشر .
الاهم من هذا انه كنا معلقين في حينها لكن خرجنا من التعليق قبل الاضافة بشهر يعني كان من المحتمل سفرنا في غضون اربعة اشهر والله اعلم . حيث تمت الاضافه والفحص الطبي للطفل واصبح فحصنا اكسباير والى ان توحد الفحص للعائله جميعآ في شهر الخامس وها نحن الان بأنتظار اكتمال الامنيه والله كريم .
ختامآ نعم اضافة الطفل أتأخر الملف بحدود سنه او اكثر .
تحياتي لحضرتك واسفه للأطاله .
بالتوفيق انشالله 

اختك هيا
مرة ثانية اشكرج على معلوماتج , ان شاء الله سفركم قريب

340
في الاردن
انا ظفت اطفالي 2 وسئلت الموظفة هل يوجد مقابلة محلفين كالت طبعا لازم اشوفهم المحلفة .. اعمارهم 4 سنين ..
شكرا اخي على معلومتك,
اي حتى بالعراق هم جان الي يضيف طفل لازم يعيد مقابلة محلفين,
بس ورة الاحداث مال موصل وداعش, اعتقد صارت تختلف,فقط ارسال المستمسكات بدون مقابلة محلف

341
السلام عليكم .
نعم اني ضفت ابني بالعام الماضي بدون مقابله فقط ارسال الصور وبيان الولاده والجنسيه والجواز حيث تمت الاضافه في 3 الى 4 اشهر وبعدها الفحص الطبي للطفل
تحياتي
اختك هيا
شكرا اخت هيا على الاجابة,,يعني صارت الاضافة ورة الاحداث مال حزيران,
وهل سببتلكم الاضافة تأخير بالسفر؟

342
السلام عليكم,
بالفترة السابقة جان الي يضيف طفل للملف تنعاد مقابلة المحلف ,
بس هسة سمعت الاجراءات تغيرت  ورة عودتهم للعراق واجراء المقابلات,
والي يضيف طفل فقط يرسل الاوراق بدون اعادة لمقابلة المحلفين,

اذا ممكن الي عندة معلومة يفيدنة بيهة ,

شكرا

343
اني تقديم ٢٠١٣ شهر الثالث
مقابلة اولى شهر الثاني ٢٠١٤
مقابلة ثانية  شهر السابع ٢٠١٥
لعد اني صارلي اكثر من اسبوع وما اكتملت بالموقع صارلي ٩ ايام
مرات الموقع يتأخر بالتحديث.ان شاء الله يكتمل قريبا

344
السلام عليكم
شلونكم ان شاء الله بخير بس ردت استفسر على موضوع الفحص الطبي شكد المدة ويصير مكتمل بالموقع مال عمان
وشكرا
عليكم السلام..اعتقد خلال اقل من اسبوع,
اذا ممكن تفاصيل ملفك للفائدة

شكرا

345
شكرا على الرد
المقابله الاولى قمت بها وانا خاطب في عام 2011
وتزوجت وصار عندي اطفال وضفتهمالزوجه تمت اضافتها في 2011 همين نهايتها 
انفتح الملف في شهر 7 2013 بعد ما اغلق في اول 2013
وفعلا المقابله الاولى موعدها قريب جدا
علما ان الصفحه الويبسايت حول حاله القضيه تقول ان المقابله الاولى مكتمله والي هيه فعلا اكتملت من فتره
شكرا لمساعدتكم
اني هم ضفت زوجتي ورة المقابلة الاولى وبقت المقابلة مكتملة

346
اخوية العزيز ماكو اي تضارب,
المقابلة الاولى خاصة بزوجتك ,واعتقد انت هم تحظر وياهة ,
والمقابلة الثانية هي مقابلة المحلفين الك ولزوجتك,
اني هم مثلك وانتظر تحديد موعد مقابلة المحلفين ,وقبلهة مقابلة زوجتي المقابلة الاولى,
واعرف شخص هم مثل قصتك,حددولة مقابلة محلفين ,وقبل المحلفين ب5 ايام قابلو الاولى,

اريد اعرف منك موعد اضافة الزوجة ووشوكت طلبت تفتح الملف بعد ما انغلق ,

شكرا

347
المهم حتخلص من الوضع التعيس  وان شاء الله تتزوج وتستقر بحياتك

348
عليكم السلام,
ان شاء الله معناها المحلف وافق ,لان بالفترة الاخيرة الي مموافق عليه المحلف ميفحص طبي,
اتوقع حتتحول حالة المحلفين الى مكتمل قريبا

349
مبروووك اخوية ,
والله فرحتلك , ان شاء الله تتوفق بحياتك الجديدة,
بس اريد اعرف كم شخص بالكيس مالتك,


350
وعليكم السلام اخي العزيز
موضوع العمل وتأكيده بمجرد وصولك لمرحلة مقابلة المحلف فاطمن انت اتجاوزته وعن تجربتي مع المحلف نهائيا ما اتطرق باي شكل من الاشكال الى طبيعة عملي او طلب اي اثبات رغم اني كنت مجهز كل الاثباتات .. سؤاله الوحيد بخصوص العمل هو كيف عرفوا الارهابين طبيعة عملك او اندلوا مكان العمل .. تقبل تحياتي

مشكور اخوية,,,طمنتني

351
اخوية اول شي سجل بالموقع مال عمان,
اذا حالة الملف فعال يعني المنظمة تأكدت من صحة العمل لصاحب الملف الرئيسي,
واذا حالة الملف بانتظار النتيجة يعني بعدهم ممتاكدين,
لان اهم شي من واحد يقدم طلب للمنظمة ,لازم يتأكدون من عملة بارسالهم ايميل للجهة الي يعمل بيهة صاحب القضية,
في حالة تأكيد العمل ,انتظرو المقابلة الاولى,
واذا ممأكدين اعرفو شنو سبب عدم التاكيد,حتى يتأكدون ويمشي الملف والاجراءات

352
السلام عليكم ,
مبروك اخوية ان شاء الله سفرك قريب,
اني تقريبا نفس تفاصيل ملفك ,
تقديم نهاية 2012 ,
بس دا انتظر مقابلة محلفين,
وجنت اشتغل بمشروع لشركة عراقية  ممولة من الجانب الامريكي,
اريد اعرف منك اذا المحلف ركز على هاي الشغلة , وشطلب منك اثبات بخصوص العمل,
وعن طبيعة عملك مع الجانب الامريكي.
اني شوية متخوف من هاي النقطة,لان اخاف المحلف يشك بصحة عملي ,مع العلم اني ماعندي شي اقدمة غير اثبات من الشركة العرافية الي جنت اشتغل بيهة

353
جزيل الشكر لجميع الردود و بارك الله فيكم. بالنسبة للسؤال عن قرار المحلف والفحص الطبي , فاللي قصدته انه كشي تقريبي المدة الي تستغرقهة , اما بالنسبة لملفي فاني مقابل اولى و ثانية قبل ايام, الفحص الطبي غير فعال , و التشييك الامني بالانتظار , و الباقي لا يوجد شيء.
السلام عليكم ...
اخوية ممكن تفاصي ملفك ومواعيد المقابلات
,بالنسبة لتغيير الكفيل ميأثر بالوقت الحالي ,اما اذا اتصلو بكفيلك القديم وطلبت التغير فممكن يصير تأخير

354
الهجرة و واللاجئين / رد: موعد سفر
« في: 15:20 30/07/2015  »
مبروك اخوية. .
ممكن اعرف عدد الكيسات الي تححدلهة موعد سفر بملفكم

355
اخي بيرنارد اني نفس حالتك.من ورة الاخوة المهمشين العراق نهجم واحنة ادمرنة بسبب تاجيل المقابلة..الا لعنة الله على الظالمين

356
احبائي
السلام عليكم ورحمة منه وبركات.
وبعد,
استلمت للتو eligibility letter. هاي هسه شغلتنا تقدمت خطوة. علما انو بالموقع لسه الامنية الكشرة بالانتظار. واني قبل سنتين استلمت دفرل لتر موافقة مشروطة بالامنية. وبعد ما عدت محلفين ثانية شهر 4 , هسه اجتني هاي الرسالة. شنو رايكم.
ممنون الكم
علي الحلي
مبروك اخوية الموافقة الكاملة ,ان شاء الله سفرك قريب.بوكتها ليش اعادو عليك المقابلة ؟

357
الي اعرفة الي يتعلق ملفة ميستلم نتيجة من المحلف,
بس كل الي سافرو  من اقاربي  اجتهم ديفيرال لتر

358
لا اخي مو تعليق.اكثر الي سافرو اخذو الديفيرال لتر,
هاي موافقة مشروطة بالامنية

359
السلام عليكم.
اخ nemro ممكن اعرف شوكت اهلك كملو مقابلة المحلفين,
اتذكر مرة حظرتك كلت تأجلت مقابلتهم العام من ورة داعش

360
السلام عليكم ,اخي air force
ممكن تفاصيل نقل ملفك وسرعة المقابلات بمصر ,
لان اني افكر انقل ملفب لمصر ,لان دا انتظر موعد مقابلة محلفين ابغداد والسالفة طولت,
بالنسبة لموعد سفرك فانصح لتأجلة لان المنظمة مو ثقة

361
اخوان احنه مقابلتنا الاولى كانت الشهر الرابع 2014 يعني قبل سنه تقريبا
وبعد شهر ونص من المقابله الاولى سوينه طبع اصابع يمهم حسب طلبهم منا
سسؤالي هو هم اكو احد مثلنا طلبو منهم يسوون طبع اصابع لو بس احنه رجاء ممكن اجد يجاوبنه
لان مرات اكول ليش طلبو منا بس احنه طبع اصابع؟

تحياتي للجميع والله مسهل الامور

اطمئن اخوية ,كل الي يقابلون اولى ياخذون بصماتة وصورة

362
احنة ابغداد كادرين علينة المنظمة,منكدر نتظاهر ولا نسوي شي عدا الايميل,يعني استصغرونة,
المفروض ندز ايميلات جماعية الى المسؤلين الكبار بالمنظمة و هئية المحلفين ,
حتى شوية يزيدون اهتمامهم

363
السلام عليكم,
بالنسبة للفترة بين المقابلات,
اني قابلت شهر 11 - 2013
وحددولي ثانية شهر 6 - 2014
وتاجلت من ورة داعش,
زين هسة رجعت المقابلات ليش ميحددولي,مع العلم اني ملفي نظيف ,يعني لو مو التجييك الامني مالتي بي شي جان اصلا محددولي مقابلة محلفين,
اني اكول الموضوع يعتمد على مزاجيات وعشوائية شغل الموظفين مال عمان,
لان لو شغلهم يعتمد على شي اسمة تسلسل جان هسة اني مقابل محلفين ,
اكو كيسات قابلو الاولى 2015 وهسة ديقابلون محلفين

364
اخي الكيس نمبر هو نفسة ايزت نمبر.
ودز ايميل للمنظمة كلهم اني هسة بعمان واريد انقل ملفي..
والموقع اذا مكدرت تشترك بي.هم دزلهم ايميل كلهم مدا اكدر أسجل بالموقع

365
اكيد حجيك صحيح,المنظمة لعبت بينة طوبة,وخلت حياتنا تتغير,
رفضت هواية ناس وعلقو ناس وسفرت ناس ,
منكدر نسوي شي ,هم مخربطين والوكت خلة مصيرنة بيدهم وبمزاجياتهم

366
الله يفرج عليكم وعلينا,
انتظر ان شاء الله مبقالك شي

367
اني مقابلة اولى شهر 11 -2013
مقابلة ثانية شهر 6 -2014 وتاجلت,
وليهسة ممحددين موعد جديد.,ومن يخابرون يكولون حنبلغ الادارة وانت من الملفات المستعجلة ومن هلكلاوات

IZ-138

368
مبروووك ان شاء الله  السفر القريب

369
جنت افكر بنفس الموضوع .
والله مدنعرف السر بالمدة بين المقابلات.
اني حددولي مقابلة محلفين وتاجلت شهر 6 - 2014 وليهسة محددولي مقابلة ثانية .
مع العلم المقابلة الاولى بشهر 11 - 2013
.
هسة دنشوف تحديد مقابلات لملفات قابلو الاولى قبل 3 اشهر ,
واحنة المؤجلين والقدماء عايفينة,
لا حول ولا قوة الا بالله

370
الله يوفقك اخوية .

ممكن تفاصيل ملفك وشوكت كملتو المقابلة الاولى

371
االسلام عليكم.
اني هم قابلت اولى بشهر 11 -2013 وليهسة ماكو شي

372
اخي ماكو متصفح اسمة google explorer :)

373
اخي looking for peace
دزيتلك رسالة علخاص

374
احنة 6 كيسات, وعددنة 22
مرتبطين ارتباط ضعيف

375
ان شاء الله يحددولك موعد عن قريب

376
الله يسمع منك.
اني بعدني بالعراق. بس اقاربي هواية سافرو من 2012 ل 2014
جانت عندي مقابلة محلفين قبل سنة بس تاجلت من ورة داعش وليهسة ممقابل الثانية.
الله المستعان

377
مع الاسف عليهم.
ان شاء الله يحددولك موعد قريبا.
,اخي لدير بال ,لان مو شرط من تقابل مقابلة اولى يعني سفرك اقترب,
لان اني قابلت مقابلة اولى شهر 11-2013
وليهسة مقابلت الثانية ,واكو قابلو الاولى قبل كم شهر وهسة حيقابلون الثانية.

اتوقع يخابروك قريبا ويحددولك مقابلة

378
نصيحتي حتى اذا عندك عمل هم لتعوفة.وقدم على اجازة , ان شاء الله من يحددولك موعد سفر نزل موضوع بالمنتدى وباقي الاخوان ميقصرون

379
اخي looking. انتظر اتصال من المنظمة لتحديد موعد السفر.
الفترة الي ينطوهة الك بين 10 ايام او اكثر.
نصيحتي لتبيع اي شي لان صارت وية ناس باعو كلشي وبعدين تاجل سفرهم.
من هسة كمل كل الوثائق والمتعلقات,
ام بالنسبة  للغراض فخلي احد اقربائك يبيعهن الك ورة متسافر

380
السلام عليكم .
اخواني دزيت ايميلات للمنظمة قبل ايام ولحد الان ماكو رد,
والموقع متوقف.
احد منكم اجاه ايميل من المنظمة هل ايام ؟


381
اي صحيح الموقع متوقف من اول بارحة

382
عادي كل فترة الموقع يتوقف للصيانة او للتحديث,
بس يرجع عن قريب

383
السلام عليكم شباب بدون زحمة موقع المنظمة لايعمل شنو السبب iomصار يومين .واذا واحد عند معلومات اني مكمل كل شي ليش تحول ملفي معلق
عليكم السلام .
اخي الي اعرفة عن تحول الملف الى معلق هو شي جيد اذا مكمل المقابلات

384
مبرووك عليك اخوية.الله يوفقك..
ممكن تفاصيل ملفك

385
السلام عليكم. .
كل فترة يتوقف الموقع  لساعات او لأيام. .
كم مرة بعد التوقف صارت تحديثات بالجملة على الملفات..ومرات مصارت اي تغييرات..
ان شاء الله  هذا التوقف خير

387
حبي راح ينطوك موعدين كلش قريبات فرق أيام مقابله عن الثانية اني نفسك وكملت الحمدلله
مشكور حبي على المعلومة.
إذا  ممكن توضح أكثر  شصار وياك بالملف

388
للجميع إن شاءالله
جانت مقابلتنه الساعه 11 واللي ويايه عددهم خمس عوائل بس اللي قابلوا الساعه 7 يمكن عددهم 3 عوائل ويارب الموفقيه للجميع
مشكور اخي على المعلومات. .واذا ممكن شوكت كملت المقابلة الاولى

389
مبرووك وان شاء الله تسافر باسرع وقت. .
ممكن تفاصيل ملفك
وشكد عدد الي قابلو محلفين اليوم

391
مشكور اخ عمار ,والله تعبنا وانت تعرف شصار بينا احنة الموجلين

392
السلام عليكم...
اخوان الي تاجلت مقابلتهم  بشهر 6 - 2014 وحددولهم موعد جديد ,او الي دينتظرون تحديد المقابلة,

الي محيرني اكو قسم حددولهم مقابلة وقسم بعد ممحدديلهم,
مع العلم اكو كيسات قابلو الاولى هاي السنة وهسة منطيهم موعد للمحلفين,

اني ضفت زوجتي بالكيس قبل 10 اشهر ,واخوية ضاف ابنة الجديد للكيس, وهسة متخوف لا يكون هذا السبب ورة التاخير باجراء مقابلة المحلفين ,
مع العلم المنظمة بلغوني انه ماكو مشكلة باضافة زوجتي لان حتقابل محلفين وياية بدون مقابلة اولى,او تقابل اولى بنفيس يوم المقابلة الثانية,

ارجو من الاخوة المؤجلين ذكر تفاصيل ملفهم ويذكرون اذا صارت عدهم اضافة بالكيس .

شكرا

393
مبرووك وان شاء الله توصلون بالسلامة. .
ممكن تفاصيل ملفك

394
مشكور اخوية..ان شاء الله كل المنتظرين يقابلون ويسافرون

395
مبرووك أخي على المقابلة  .احنة هم تاجلت المقابلة بشهر6..ولحد الان محددولنا موعد جديد
ااذا ممكن شوكت تغيرت حالة المقابلة الثانية بموقع عمان.شكرا.
ش

396
مبرووك اخي على المقابلة.
احنة هم مقابلة المحلفين تاجلت من الشهر 6 ولحد الان محددو مقابلة النة,
ممكن اعرف شوكت تغيرت حالة المقابلة الثانية الى فعال.
شكرا

397
عليكم السلام.
اختي انتو ممشمولين بالبرنامج مال هجرة iom.
بس الي عندة عمل مع الامريكان يكدر يطلع,اذا انتي او زوجج او ابنج او والدج او اخوج عندة عمل مع الامريكان جان كدرتو تقدمون من بغداد

398
مبرووك اخي العزيز.
ممكن تفاصيل ملفك

399
عادي ممكن متتغير حالة المقابلة بسرعة.
بسنة 2013 شهر العاشر اتصلو بية المنظمة وكالو انت بجدولة المقابلات,
وبعد يومين تحولت المقابلة الى فعال ,ورة 10 ايام حددولي مقابلة

400
مبرووك
,فرحت الك ,وان شاء الله هلمرة متتاجل ,اني ضكت مرارة التاجيل مال محلفين واعرف شكد صعبة.
اخي شوكت تغيرت حالة المقابلة الاولى الى فعال ؟

401
مبرووك اخي العزيز,فرحتنا وياك.
اني هم من المؤجلين ودا انتظر المقابلة على احر من الجمر,
ممكن اعرف شوكت صارت حالة المقابلة الثانية بالموقع فعال,؟

402
السلام عليكم. .اخي ممكن تشرحلنة تفاصيل ملفك. مواعيد المقابلات وعدد الي قابلو وياك وباقي التفاصيل.
شكرا 

403
اخوية العزيز المشكلة انو 90 بالمية من رفوضات المربع السابع تجي بعد موافقة المحلف بفترة طويلة .. أي بمعنى انو المحلف موافق عليك .
بس عموماً قصتك لتخليها متشعبه , احصرها بأحداث قليلة بس بيها الزبدة وحاول كل حدث تذكره تنطي تاريخه حتى لو من عندك تحط التاريخ اذا ماتذكره بس اهم شي التواريخ وتحفضهن على الغيب وحاول تذكر شنو كلت بالمقابلة الاولى لان رح يقارن اجوبتك بأجوبة المقابلة الاولى .. دفتر الخدمة ضروري اذا حضرتك من مواليد 77 فما دون ومثل ماكتلك لاتتشعب بجوابك وتحجي كثير لأن همه ميحبون حجي هواية بمعنى ادق (مثال) اذا سألك على اسمك مثلا مو تكله محمد حسين على , كله اسمي محمد رح يكلك اسم ابوك كله حسين اسم جدك كله علي وهكذا .. والله يسهل امرك اخونا وعود بشرنا

مشكور اخوية على المعلومات

404
السلام عليكم..
اخي iraqforme ان شاء الله تنقبل وتسافر,
اقاربي نرفضو بشهر 8 - 2014
,4 كيسات بالجملة نرفضو على المربع السابع,
ولحد الان ماكو رد من المنظمة على الاستئناف.
اريد اعرف رايك السبب مال رفض الملفات,بما انه انت صرت خبير بالمرفوضين,
احنا دننتظر مقابلة المحلفين ,ونريد نتجنب الاخطاء الي تسبب الرفض.
وشكرا

405
البارحة المنظمة اتصلو بية وسالوني اذا متهدد,
لو اكو شي جان كالو

406
اختي قدمولهم على فيزة سياحية .محتخسرون شي..وبالمقابلة لتذكرون مقدمين على اللجوء

407
السلام عليكم.
اختي ام جود السوبر فايزر مالة علاقة بالمقابلات,
هم كلولة املي الاستمارة عبالهم محامي يراسلهم نيابة عنج.
انتظري يحددولج مقابلة والله كريم.
اقاربي صار سنة ملفهم فعال وبعد مقابلو.وحالة ملفهم فعال والباقي كلة غير فعال

408
اخي ليش طلبت تغيير الولاية بدون متعرف هذا الاجراء حيأخرك.
جان سافرت ومناك تغير الولاية بسهولة.نصيحتي تتصل بيهم وكلهم لتغيرون الولاية واريد اسافر بنفس اليوم الي حددتو

409
مشكور اخي العزيز على التفاصيل ,وان شاء الله تنقبل وتسافر باسرع وقت

410
 يكلهم هو الان يشعر بالخطر ويحاول يذكرلهم اشياء مهمة ,بس بدون تفاصيل هواية ,حتى مينسة بعدين,,المهم هسة خل يدز طلب للهجرة,وبالمقابلة يشرحلهم الوضع مالتة بالتفصيل

411
عليكم السلام.
اخي خل يدز ايميل يطلب فتح ملف للهجرة يتضمن الوثائق الي تثبت عملة مع المنظمة الامريكية ,والجواز والجنسية لكل شخص بعائلتة يرغب يضيفة ويكون مشمول بالبرنامج.
ويشرحلهم بطريقة مختصرة عن وضعة

412
ادلل اخوية.
اني ممرفوض بس جنت محتاج تاكيد عمل وهم ساعدوني,
.انت خابر المنظمة وكلهم شنو حالة ملفي,
متصير مشكلة اذا تستفسر. لتبقى ساكت ,اتصل وراسل المنظمة .ونفس الوقت دز ايميل للمكتب الحقوقي

413
العفو اخي العزيز.ذولة مكتب حقوقي بنيويورك.
اني ساعدوني بجم شغلة. وان شاء الله يساعدوك.
دزلهم رسالة على الايميل الي دزيتة ,اشرحلهم حالتك.وكلهم محتاج مساعدتكم لان وضعي خطر.
وهم راح يتواصلون وياك وياخذون منك معلومات عن ملفك ,
وبعدها يكونون الوكيل مالتك ويتصلون بالمنظمة ويراسلوهم نيابة عنك

414
لتأيس من رحمة الله..اتواصل وية مكتب مساعدة اللاجئين العراقيين في نيويورك . ,واشرحلهم حالتك
info@refugeerights.org

415
عليكم السلام ..
اي اخي مديفتح.ان شاء الله ديحدثون الملفات

416
مبرووك عليك..المحلف وافق عليكم.لان المقابلة صارت مكتمل .لو مموافق جان بقت فعال..والفحص ميصير فعال ..قرار المحلف حيوصلك ورة المقابلة  بشهرين او اكثر.والقرار هو موافقة مشروطة بالامنية.او موافقة كاملة غير المشروطة
اقاربي صار وياهم نفس الشي

417
والله ايدنة على كلبنة اخاف يسووها ويطفرون مثل العام

418
اي والله يا اخي كلش تعبونة,,اني اخابرهم اكلهم متهدد يكولون من تتحدلك مقابلة عود نخابرك..وادز ايميل هم نفس الجواب

419
قريبا حيتصلون بيك على الفحص ان شاء الله.
ممكن اعرف شوكت تحولت مقابلة المحلفين فعال بالموقع قبل المقابلة ..وشكد عدد الي قابلو محلفين وياك


420
اخي ممكن تفاصيل على ملفك اكثر..
اكتمال مقابلة المحلفين معناها موافقة حسب علمي

422
اتصل عليهم من خط اسيا

423
السلام عليكم ..
اخي اني البارحة اتصلت بيهم وحصلتهم بسرعة على هذا الرقم0096265625077
خابرتهم من خط اسيا

424
 السلام عليكم .
اخي اني نفس ملفك  .قابلت أولى بنهاية 2013
ونطوني مقابلة محلفين بشهر السادس 2014 وتاجلت.
انت تعرف المحلفين رجعو وديقابلون. ان شاء الله قريبا يحددولنة مقابلات. .حاليا عدد المحلفين ابغداد 5 وهواية ملفات دينتظرون المقابلة وعليهم ضغط.
ننتظر هل شهرين وان شاء الله الفرج قريب

426
اخي اذا اخوك سافر نتيجة عملة مع الامريكان,يصير تقدم طلب من بغداد مباشر

427
والله صارلي 3 اشهر قابلت الاولى ولحد الان المقابلة المحلفين غير فعال وبالتوفيق للجميع وياريت نتواصل اكثر.
اخي اني كملت المقابلة الاولى شهر 11.سنة 2013
ولحد الان ممقابل الثانية.
حددولي مقابلة محلفين بشهر السادس 2014
وتاجلت.
ولحد الان انتظر


429
up..
اخواني ارجو الي كمل المقابلة بهاي الايام يكول

430
مبروووك اخوية.
اتذكر انت وياية اجلو مقابلتك بشهر السادس.
ممكن اعرف شوكت تغيرت حالة المقابلة الثانية بالموقع.
اني ليهسة ماكو شي

431
البارحة قابلت مقابلة المحلفين
خابروني يوم الخميس 30/4/2115 اول البارحة وكلتلي موظفة الiom عندك مقابلة باجر يعني الجمعة وكالت المقابلة بالسبعة الصبح كلتله ميصير السبت علمود احضر نفسي كالت ميصير لان وكت ماعدنه
المهم كلتله اي موافق ومستعد اروح باجر الصبح
الصبح اتحضرت الجمعة وطلعت منوكت وصلت بسرعة لان الشوارع فارغة لكيت امراة جايه قبلي هي وولده المهم بعدين اجتي عائلة ثانية واخذونه للمنضمة كملت المقابلة الحمد لله وانشاء الله التسهيل للجميع

مبروك اخي المقابلة ..
ممكن اعرف شوكت تحولت المقابلة الثانية فعال بالموقع ؟

432
السلام عليكم.
اني قدمت على القرعة.وعندي ملف عند iom


434
تحياتي لجميع رواد المنتدى....
ملفي 140 -IZ.
تقديم2012.
مقابله اولى 5-2014.
المحلفين انتظار.
انشاء الله الفرج قريب للجميع..........
هلا بيك اخي العزيز. .تقصد المقابلة الثانية بالموقع صارت انتظار؟

435
ان شاء الله يحددون مقابلة محلفين للكل ونخلص

ان شاء الله

436
اني الحمد لله انطوني موعد مقابلة محلفين بداية شهر الخامس علما اني من المؤجلين شهر السادس في العام الماضي بسبب الاوضاع الامنية
علما تقديم بغداد

ان شاء الله احنة هم وياك نقابل

437
اخوان انشالله خير ...عندي صديق الملف مالته 137 ومنطي مقابله محلف ابدايه شهر الخامس  وطبعا اني شفت رسالتهم اله ابعيني وسحبتله كتاب الدخول ...وانشالله الخير للكل

ان شاء الله الفرج قريب

438
اني يمكن صرت اقدم واحد بيكم

رفم الملف 119xxx

اني تقديم 2010 وقابلت اني واهلي سنة 2012 وره محلصنه المقابلات وراها ابشهرين طلعو كل اهلي وبقيت وحيدا فريدا وليوكم لاحس ولاخبر

ولا اعرف سبب التاخير لهذا اليوم
اخي اكو مكتب مال حقوقيين بامريكا ,اتصل بيهم واشرحلهم حالتك ,احتمال يفيدوك بشي
الايميل -  info@refugeerights.org

439
السلام عليكم ...
        122 تقديم 2010 مقابلة اولى 2012 ... ولحد هسه لا خبر ولا وصية ... كلها غير فعال والحمد لله .. بس الأمنية بالأنتظار ... والله كريم

اخي تقصد المقابلة الاولى عندك مكتملة والباقي غير فعال؟

440
السلام عليكم
رقم الملف 146
مقابلة اولى شهر 3 سنة 2014
مقابلة محلفين شهر ال 6 سنة 2014 بس اتاجلت بسبب الاحداث
ولحد الان ماكو شي ولا اي اميل
حالة الملف فعال
ومقابلة محلفين غير فعال
ان شاء الله تقابل محلفين قريبا والله ينتقم من داعش

441
ملفي 140 تقديم 2012 مقابله اولى شهر 12 سنة 2013 لا تغير في الملف الا الامنيه بالانتظار مع العلم احنا 4 ملفات

اخي اني تقريبا نفس ملفك ولحد الان الملف فعال والاولى مكتمل والمحلفين غير فعال

442
بالتوفيق للجميع انشاء الله
الكيس 149
مقابلة اولى 2\2015
وانتظر مقابلة محلفين
واعرف شخص قابل محلفين بشهر 3\2015
وحاليا اكو مقابلات محلفين

الله يسهل على الجميع
ان شاء الله تقابل باقرب وقت,
ممكن تعرف من الشخص الي قابل بشهر 3 ,عدد الي قابلوا محلفين بنفس اليوم؟

443
اخي السلام عليكم  مقابله اولى شهر3/2013وثاني مقابلة اي يعني محلفين شهر5/2013وهسه عندي مقابلة محلفين اي انو اعادة نهاية هذا الشهر تحولت عندي حالة المحلفين من غير فعال الى فعال في12/3وانطوني موعد نهاية شهر الرابع 
بالتوفيق والسفر القريب

444
السلام عليكم ...
اخواني الي كمل مقابلة المحلفين هاي الايام او حددولة موعد ممكن يذكر التفاصيل

ملفي IZ-138

مقابلة اولى - شهر 11 - 2013
مقابلة محلفين شهر 6 - 2014 وتأجلت بسبب الوضع الامني

ولخد الان اي شي جديد مصار

445
اخوان معقوله بس الاخ حيدر عنده مقابلة محلفين شهر الخامس في بغداد البقيه ضاربيه صنطه رجاء اللي عنده مقابله خلي فرحنا والله ما نحسده وانما نباركله

صحيح والله,اني هم مدا اشوف واحد يكول عندي مقابلة محلف عدا الاخ حيدر,
وبالاخص الي تأجلت مقابلاتهم بشهر حزيران.
الي اني من ضمنهم ولحد الان ماكو شي ,والموقع متغير شي بي

446
السلام عليكم..
اني مقابلة اولى شهر 11-2013
مقابلة محلفين 6-2014 ,وتأجلت من ورة داعش والبعثيين

ودا انتظر يرجعون المحلفين حتى نقابل

IZ-138

ان شاء الله السفر لكل المنتظرين

447
ان شاء الله يحددون مقابلة لكل المنتظرين

448
مبروووك اخي العزيز..

حظرتك من المؤجلين ؟...ممكن نعرف بيا شهر المقابلة ,
اني جان عندي موعد محلفين 26-06-2014 واجلونا من ورة داعش

449
ان شاء الله يحددون موعد المقابلة باقرب وقت.
اخي حظرتك من الموءجلين بشهر السادس,وشوكت كملت المقابلة الاولى؟

450
مشكور اخي على المعلومات. .يعني تقصد هاي إعادة لمقابلة المحلفين؟

451
مبروك أخي على المقابلة. .
ممكن نعرف حظرتك ابغداد او خارج العراق..وشكد صار من قابلت الاولى..
وحالة المقابلة الثانية تغيرت عندك لو بعد

452
مشكور اخي على الموضوع,ان شاء الله يرجعون باسرع وقت,تعبنة من الانتظار

453
شكرا جزيلا على المعايدة الجميلة

454
السلام عليكم..
اخي اني هم مثلك جنت اشتغل بشركة عراقية متعاقدة وية الجيش الامريكي ,اول شي دزيتلهم ورقة تاكيد عمل من الشركة العراقية بيها عناونهم وايميلهم الرسمي,ودزيتلهم عنوان الضابط الامريكي ,والمنظمة دزت ايميل للشركة العراقية وللضابط ورادوا منهم العقد و الفواتير المالية .
بما انه انت مشمول بال iom تكدر تقدملهم ويمشي ملفك

455
السلام عليكم ..
اخي اذا انت مكمل المقابلات ابغداد المفروض تبلغ المنظمة ابعمان وتنتظر اكتمال اجراءات السفر,
انت اصلا شغلتك مو يم اليو ان,معاملتك يم ال iom حصرا

456
مشكور اخي على نقل الخبر ,
واذا ممكن تفاصيل اكثر

458
السلام عليكم
اني قبل اكثر من سنة حولت من بغداد الى عمان والايميل ميفيد خابرهم على هذا الرقم 065625077
وهم روحلهم اول خميس من شهر 11
اني دزيتلهم رسالة وماكو شي بعدين خابرتهم يلا حولوني ووراها رحتلهم وان شاء الله خير
تحياتي وتمنياتي لنا ولكم بالسفر ان شاء الله
السلام عليكم ,اخي اني هم قررت انقل الملف الى عمان لاجراء المقابلة الثانية ,
اذا ممكن بعض التفاصيل عن ملفك ومدة اجراء المقابلات
وشكرا

459
عزيزي لا هذا ولا ذاك
اخي تروح للمكتب الخطوط الاردنية اللي بالمنصور بجنب مطعم سنتر بوينت وتاخذ جواز السفر وتقدم على الفيزا
الفيزا سعرها 30 دولار + 100دولار تامينات ترجع سواء انقبلت او انرفضت
وما تطول 3-5 ايام فقط بس على الاغلب قبول
وعزيزي وراها من تطلع لك الفيزا تحجز على الخطوط الملكية الاردنية من نفس المكتب
وهذا رقمهم واتصل بيهم واتاكدر منهم بنفسك 07810116262
واني دا احجيلك عن تجربة كل فترة اطلع فيزا واروح واجي وكلمن اكوله روح قدم منهم خلال 3 ايام تطلع له الفيزا
اتمنالك كل التوفيق اخي
تحياتي
شكرا الك اخي , ان شاء الله حروح للمكتب الي نصحتني بي واعوف غير مكاتب ,اذا قررت اروح لعمان ,لان سمعت المقابلات حترجع ابغداد او اربيل .وان شاء الله تبين هل ايام

460
اخي العزيز ان هم مثلك اريد اطلع وعائلتنا مكونة من 8 افراد ،وكان عندي مقابلة ب 22   6 وتاجلت لنفس السبب ،ارجوك انا هم اريد اطلع على ارردن  ،،فاذا بامكان تتواصل وياي
اهلا بيك اخي العزيز.اتذكر جانت مقابلاتنة بوقت متقارب وتحددلنة موعد مقابلة محلف بنفس الوقت تقريبا وتاجلت مع الاسف,
اني قررت انقل الملف الى عمان,بس اليوم قريت اكثر من خبر بالمنتدى عن عودة المقابلات ابغداد او اربيل.
هسة حنتظر هل جم يوم واشوف اذا هاي الاخبار صحيحة او لا,
وان شاء الله نتواصل

461
تكدر تقدم تقريرطبي غير مصدق من النقابه والخارجيه الى شركة الطيران ومبلغ 170$ لشخصين واحد مريض والثابي مرافق وستصل الفيزا حوالي 10 ايام اواكثر بقليل علما حسب الاخوه في عمان لا يوجد محلفين الان فيها
مشكور اخي على معلوماتك

462
شكرا اختنة على الخبر  الحلو.وان شاء الله ترجع المقابلات ,
ننتظر تاكيد هذا الخبر باذن الله

463
سلام عليكم اخي العزيز
ممكن استفسار حول مدة الانتظار في الاردن لاجراء المقابلة الثانيه كم الفترة تقريباً
وتقبل تحياتي

سلام عليكم اخي العزيز
ممكن استفسار حول مدة الانتظار في الاردن لاجراء المقابلة الثانيه كم الفترة تقريباً
وتقبل تحياتي
عليكم السلام و رحمة الله. .
والله يا أخي المنظمة مينطون مدة محددة لاجراء المقابلات من نسألهم..بس سمعت من بعض الاخوان في المنتدى خلال 3 اشهر او اكثر..
المهم بعمان التواصل وية المنظمة سهل والإجراءات تمشي


464
السلام عليكم...
اخوان احب استفسر عن امكانية الحصول على فيزا للسفر الى الاردن لغرض نقل الملف من بغداد واجراء مقابلة المحلفين,
مقابلتي جانت يوم 26-06-2014 وتأجلت بسبب الاوضاع الامنية.
وصار 5 اشهر ننتظر عودة المقابلات ابغداد ولحد اليوم كلشي ماكو,ولا المنظمة ديسوولنة حل للوضع الي تركونة بي .

احسن حل هو نقل الملف الى عمان وانتظر المقابلة واجراءات السفر.
اليوم رحت سالت على الفيزا بمكتب بالكرادة وكال سعرهة 150 دولار ومضمونة ,وكال التقديم على الفيزا من الخطوط الهاشمية مو مضمونة ’بس احنة نرتبهة ومتنطي فلوس الى ان تحصل على الفيزا.
ما اعرف اذا كان كلامه مضبوط او لا ,
و رحت لمكتب اخر وكال سعر التذكرة 850 دولار وية الفيزا ,واحتمال تنقبل او تنرفض ,بس اكثر شي الي عندة مقابلة يقبلوا .لان حكلهم سبب سفري هو اجراء المقابلة.

اذا احد عندة معلومات عن الفيزا الى عمان واكون ممنون منة

465
السلام عليكم .
مقابلتي الثانية ابغداد جانت يوم 26-6 وتاجلت بسبب الوضع الامني ,
ولحد اليوم ننتظر عودة المقابلات في بغداد .
طبعا جانت وجهتنا لكاليفورنيا,وملفنا جان يمشي بصورة طبيعية وتقريبا سريعة
المقابلة الاولى - 13-11-2013
المقابلة الثانية - 26-06-2014 - تأجلت
,
الا لعنة الله على داعش ومن ساندهم ومن احتظنهم ولعنة الله على فكرهم المسموم وعلى من علمهم الدين وعلى علمائهم وأئمتهم
.
شفت المنشور  و احترك دمي ,المفروض هسة اني بكاليفرونيا او قريب من السفر

466
نتمنى نسمع اخبار عن عودة المقابلات..تعبنة من الانتظار من يوم 12-6

467
بسم الله الرحمن الرحيم
وَبَشِّرِ الصَّابِرِينَ * الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّا إِلَيْهِ رَاجِعونَ * أُولَئِكَ عَلَيْهِمْ صَلَوَاتٌ مِّن رَّبِّهِمْ وَرَحْمَةٌ وَأُولَئِكَ هُمُ الْمُهْتَدُونَ
صدق الله العلي العظيم

عظم الله اجوركم ونسأل الله ان يسكنه فسيح جناته ,ويصبركم

468
مبروك اخونة العزيز ,الله يبارك بسفرك وبحياتك ,,ان شاء الله السفر لكل منتظريه

469
والله يا اخي ما اعرف شلون اشكرك , وادعيلك بالفرج وكشف الهم والغم مابقيت حيا

470
اخي داركسايد احنة ممنونين منك والشكر قليل بحقك ,انت انسان رائع وان شاء الله ترجع المنظمة لبغداد او يسوولنة حل 

472
شكرا اخونة ستيفن على معلوماتك,بس المدة سنتين اكيدة ؟,,لان سمعت المعاملة i-130 تاخذ هلكد وقت
والمعاملة i-730 تاخذ 6 اشهر 

473
ههههههههههههه,,والله ونسني هذا الموضوع وكل الاشياء كلنا مسويهة واكثر ,
من ضمنها من افتح البريد واشوف ماكو شي بالانبوكس وراها اروح للسبام هههههههههه (كولو ممسويها).
ومن يجيني ايميل من المنظمة ,اقرة العنوان بنص لحظة قبل ما افتحة  (كولو ممسويها),
اما اقوى موقف صار بية وما انساه ’
جنت بسفرة باسطنبول يوم 9-6-2014 ,كنكت من مطعم على النت ,جان يجيني ايميل موعد مقابلة محلفين ابغداد يوم 26-6-2014,,,طبعا وضعي اختلف وتخربطت وتعرقت من الفرحة , لان صار هواية منتظر هذا اليوم ,
ثاني يوم 10-6-2014 رجعت لبغداد ,جان اسمع الموصل وتكريت ساقطات , ورة يومين خابروني على التاجيل ,
ولحد الان حالتي وحالة اهلي مو طبيعية ,
الا لعنة الله على داعش ومن مولهم ومن اتبعهم ومن يسميهم ثوار ومن علمهم على التكفير ,
وان شاء الله تفرج علينة وليذهب داعش واتباعه الى جهنم وبئس المصير.

474
اخواني..مو شرط نسوي فورمة وشرح طويل..
يكفي نكلهم ( ساعدونا لا تتركونا في الخطر، حياتنا بذمتكم).
ونكلهم جدوا لنا الحل السريع. ..فقط اكملو معاملاتنا

475
مقترح صحيح ومهم...واتمنى لو نكدر نسوي تضاهرة كدام السفارة ومقر المنظمة. ..روحنا طكت وبعد منتحمل..شنو ذنبنا معاملاتنا تجمدت وحياتنا بخطر..صار شهر ونص كلشي واكف وماكو داعي عافونا وراحو..السفارة والسفير موجودين. ..لا حول ولا قوة إلا بالله

476
السلام عليكم. .
اخي اول شي انطيهم تاكيد من قبل المقاول العراقي او الشركة العراقية تثبت عملك وياهم بتجهيز الجهة الأمريكية. .وبيها الايميل الرسمي للشركة العراقية. ودزلهم نسخة من العقد الموقع بين الشركة العراقية و الجهة الأمريكية. .
وانطيهم الايميل الرسمي مال الجهة الأمريكية الي تعاقدتوا وياهة. .
ويقبلوك ان شاء الله

477
Up

478
اللهم صل على محمد وآل محمد الطاهرين. .
عاشت ايدك على هذا الخبر

479
اختي راسلي ايميل السفارة الأمريكية في بغداد لان شغلتج يمهم مو يم منظمة الهجرة

480
اخت مريم ممكن تسألين الشخص التعرفيه على موعد المقابلة. .حتى نتأكد من المعلومة

481
السلام عليكم اخوتي بالمنتدى . أخت مريم اذا متصير زحمه عليج ممكن اتوضحين هاي المقابله المن وليش بالعطله يعني بالعيد. يعني ال اي او ام رجعوا بس ابشكل قليل اشو مشفتهم اني خليتيني اروح للبروسبيرتي وأسأل ورحت للبنايه مالتهم بس التراب بيهه وسألت المنظفين كالولي محد مأجه لحد هسه وهذا الخبر اكيد يعني مو بس كتابه لان اني اشتغل قريب عليهم واني ما اريد اهبط عزيمة المنتدى بس الصراحه حلوه لان كلما اتصارح بشر يرتاح اكثر يعني الحقيقه حلوه. واني اريد اتثبتين يا اخت ام مريم هاي المقابله وين وليش
شكرا اخي على نقلك الوضع من مقر المنظمة...ان شاء الله ترجع المقابلات باسرع وقت

482
شكرا اختنة على هذا الخبر..بس اذا ممكن تفاصيل أكثر حتى نطمئن

483
اخي لتتورط وتنقل ملفك اذا مناوي تستقر بنفس البلد ، اذا ماعندك اقامة بحيث تروح وتجي براحتك لتورط روحك اخاف متكدر تحصل فيزا عالمقابلة ، ننتظر شوية وربك يسهلها ان شاء الله
ان شاء الله ترجع المقابلات 

484
السلام عليكم ..
اني جان عندي مقابلة محلفين يوم 26-06-2014
وتاجلت .
دا افكر اروح لعمان وانقل الملف وارجع لبغداد انتظر المقابلة بعمان ,
بس هسة دا اشوف الوضع شلون حيصير , ان شاء الله المقابلات ترجع

485
ان شاء الله خير

486
اخواني رجاءا مساعدتكم اني  مقدمه  لم شمل زوجه المفروض هسه تجيني موعد مقابله  بالسفاره شو ماكو لاا حس ولااخبر  شنو الاخبار هناك شنوديصير
السلام عليكم ,
اختي ممكن تفاصيل اكثر حول لم الشمل وماهي المدة لها

487
I-130 هو طلب للم شمل العائلة الساكنين خارج امريكا. يقدم من قبل  المقيمين والمتجنسين الساكنين في امريكا بعد ان تتم كفالتهم
I-730 هو طلب للم شمل العائلة الساكنين خارج او داخل امريكا  يقدم من قبل اللاجئين الساكنين في امريكا.

مشكور اخي على اجابتك 

488
مع الاسف ,احنا هم جان عدنا مقابلة ثانية يوم 26-6 وتاجلت من ورة داعش واذيالهم البعثيين الخونة,
ولحد الان منعرف شنو الي حيصير,المفروض يسهلون مقابلتنة سواء بالعراق او بالاردن ولبنان,
يعني مثلا يحددولنة موعد مقابلة حسب المكان الي نكدر نوصلة بدون نقل الملف

489
السلام عليكم. .
اخوان ارجو منكم ارسال ايميل لمدير منظمة الهجرة براون..والطلب منه اكمال إجراءات المقابلات والسفر..
 وشرح الوضع الصعب لنا بسبب توقف عمل المنظمة في بغداد.

mbrown@IOM.INT

490
السلام عليكم. ..
اخي اذا انت او اخوك او ابوك او ابنك مشتغل وية الجيش الأمريكي او شركة أمريكية او شركة عراقية متعاقدة وية الأمريكان، بهاي الحالة تكدر تقدم من بغداد على منظمة iom او siv..
واذا ممشتغل وياهم، لازم تروح لتركيا او اردن او لبنان او مصر حتى تقدم طلب لجوء من اليو ان.
غير هذا الشي ماكو اي طريقة ثانية

مع التقدير

491
الهجرة و واللاجئين / رد: أبشركم
« في: 13:20 10/07/2014  »
ههههههه خوش بشارة ,جان اسبوع واحد 

492
عليكم السلام ..
حاليا المقابلات مال iom متوقفة بشكل كلي,والمنظمة يكولون منعرف شوكت ترجع 

493
السلام عليكم ...
اخي hkr شنو الفرق بين المعاملة 130 والمعاملة 730.
وشكرا ...

494
السلام عليكم .اخي راسل مكتب مساعدة اللاجئينن العراقيين في نيويورك وحيساعدوك بتاكيد العمل 
info@refugeerights.org

اكتبلهم بالانكليزي واشرحلهم حالتك وهم حيجاوبوك ,بس شوية اصبر عليهم

495
السلام عليكم ,,اخي ممكن الفترة بين طلب اضافة الطفل وموعد مقابلة المحلف للاضافة

496



{بغداد:الفرات نيوز} نفت السفارة الأمريكية في بغداد الإنباء التي تداولت حول منح السفارة لتأشيرة الدخول المتعلقة بالهجرة واللجوء و إجراء معاملات اللاجئين في القنصلية الأمريكية العامة في أربيل.




وقالت السفارة في بيان لها تلقت وكالة{الفرات نيوز} نسخة منه اليوم الأربعاء إن"التقارير التي نشرت حول منح تأشيرة الدخول، والهجرة واللجوء والتعامل مع شؤون اللاجئين في القنصلية الأمريكية العامة في أربيل غير دقيقة، وان القنصلية العامة في أربيل تقدم فقط الخدمات للمواطنين الأمريكيين وعدد محدود من تأشيرات الدخول غير المتعلقة بالهجرة، مثل تأشيرات الدخول الخاصة بالإعمال التجارية والتأشيرات السياحية".
وأضاف البيان انه" يتحتم استكمال طلبات تأشيرات الدخول غير المتعلقة بالهجرة عن طريق الانترنت، كما إن المقابلات تكون متاحة عن طريق تحديد موعد مسبق حصرا

497
السلام عليكم..
اخي ممكن المدة بين اضافة الطفل ومقابلة المحلف للاضافة

شكرا

498
السلام عليكم ,,اخوان ارجو التوضيح ,هل المقصود بالنقطة الثانية الي مكملين المقابلة الاولى ,او المقابلة الثانية ,
لان النقطة الرابعة هي للممقابلين ولا  مقابلة ,لذلك اعتقد المكملين مقابلة اولى وضعهم شوية يختلف

499
سلام عليكم
اتصلوا بي يوم الاربعاء المصادف 25/6/2014 واخبروني بان المقابلات مستمرة ولكن بصورة قليلة وان شاء الله الامور ماشية على تمام بحيل الله
يااااااااااااااااااااااااااااااااااااااااااااااااااااااااااااااااااااااااااااااااااااارب للجميع التوفيق

مشكور اخي ,ان شاء الله المنظمة صادقين بهاي المعلومة

500
رمضان مبارك عليك اخونة العزيز...
نشكرك على الخبر الحلو ,,بس المنظمة iom يكولون احنة بعمان ومنعرف شوكت نرجع 

صفحات: [1] 2