عرض المشاركات

هنا يمكنك مشاهدة جميع المشاركات التى كتبها هذا العضو . لاحظ انه يمكنك فقط مشاهدة المشاركات التى كتبها فى الاقسام التى يسمح لك بدخولها فقط .


الرسائل - كلكامش الألكتروني

صفحات: [1]
3
شلون الشباب
ممكن استفسار بسيط

حبيت اعرف شنو الشروط الواجب توفرها للم شمل العائلة لطالب الدراسات العليا (ماستر) في المانيا , وكم المدة التي تستغرق لأتمام عملية لم الشمل

4
شلون الشباب
حبايبي سؤال حول اجراءات الـكفالة الكنيسية من لبنان هل هي سريعة ام بطيئة مقارنة مع تركيا ؟
وما هي السلبيات والايجابيات

5
كل التوفيق صديقي اي اذكر انت من الاعضاء القدامى
حب شكد طولت ويو ان تركيا لو لبنان

تستاهل صديقي واتمنالك الموفقية

6
الحمد لله ع سلامتك صديقي
الحمد لله سافرت وخلصت
بس سؤال قلبي انت يو ان لو فيزا

7
عاشت ايدك حبيبي جوسي

يعني بس سؤال للتأكيد
هل أكدر احول اقامة الدراسية الى طلب لجوء في المانيا ؟ ام لا
على اعتبار عندي اقامة قانونية ؟

9
السلام عليكم
اتمنى ما احبط معنوياتكم
بس تم ايقاف هجرة الكفالة الكنائسية والخماسية بعد الوصول للعدد المطلوب حسب موقع الهجرة الكندية
وراح يرجعوها بوقت لاحق يمتى ما خلصوا اجراءات كل  معاملات كل المتقدمين

http://www.cic.gc.ca/english/department/media/notices/2017-01-25.asp
من تاريخ ٣١--٢٠١٧

قبل هاي الفترة جان بس ع التسجيل يحقلك تقدم

10
طاب الحضور
هلا بيك مرة ثانية
عندي سؤال
بالنسبة لطالبي الاسايلم بعد وصولهم و دخولهم لكندا وقدموا طلب لجوء
هل تمنح الدولة الكندية لهم مخصصات مالية كدول الاتحاد الاوربي ام لأ؟

تحياتي

11
عاشت ايدك اخوية ع الموضوع
عندي سؤال
بعد طلب الاسايلم والحصول على أذن العمل هل هناك محدودية للوظائف التي يمكن التقديم والعمل بها
يعني بطريقة اخرى
هل نوعية العمل لطالب الأسايلم محددة مثل هل يمكن لطالب الاسايلم التقديم على وظيفة في مجال الـ IT لو يكدر يقدم على اي وظيفة

اني اعرف ان القانون يسمح التقديم على اي وظيفة بس قصد سؤالي هو حسب خبرتك او معلوماتك هل هذا الشي جائز او صاير شي كدامك مثل هذا القبيل

12
اي تكدر بس لازم تفدم سبب مقنع للجوء وأن حياتك معرضة بالخطر والتهديد بالقتل

14
ممنون حبيبي جوسي ع الرد
اي والله بوقتها واحد ابن حرام دك الناقصة
 
زين سؤال هو اكو ترحيل حاليا؟٠

وسؤال ثاني هل ممكن ان قبل لا احصل لجوء ان اشتغل ابيض واحول من لجوء لأقامة؟

15
السلام عليكم حبايب
سؤال حبايب
اني جنت بفنلندا ورجعت للعراق لأسباب شرحتها هنا بالمنتدى قبل سنتين ويمكن جوسي يتذكر هذا الشي
سؤالي هو حاليآ اخطط الوصول لألمانيا بفيزا رسمية اذا رهمت
هل اللجوء حاليآ للعراقيين يبشر بخير ؟


19
ممنون حبايب ع الرد
 اخوية  AL ADVISER

http://www.ankawa.com/forum/index.php/topic,811298.0.html

اخوية الغالي بالنسبة للرابط لأسئلة الي وضعتة اني ممنون
بس هذا الرابط يخص الاسئلة حول اللجوء
اني دا استفسر حول مقابلة الدراسة

22
السلام عليكم حبايب قلبي
حبيت استفسر من اصحاب الخبرة او اصحاب التجربة
عندي صديق حصل ع ابتعاث زمالة
ويريد يعرف ع الاسئلة في المقابلة
والاسئلة بالانكليزي؟

25
هل المقصود بسؤالك شقة ام بيت ارضي ؟

Sound of Soul شنو الفرق اذا كان شقة أو بيت ارضي
يعني هل اكو فرق بالتعامل ؟

26
بشرنا علاء شلونها الاخبار
يارب ان شاء الله كلشي تمام وموفق

27
والله اخوية بالنسبة لصهيب النقشبندي رجل غير جاد بعمله
وهذا الشئ توصلت الة عن تجربة
تواصلت وياه اكثر من مرة وماكو نتيجة ويشمرني ع موعد ثاني

28
ياريت واحد يشرح موضوع معادلة الشهادة

29
اخوية تكدر تسويلك تأمين صحي من العراق قبل لتسافر من مكاتب السفر مقابل مبلغ من المال للفترة الي تريدها وتكدر من اسبوع الى سنتين او اكثر
وتكدر تسويها من توصل تسويلك تأمين طبي
ع العموم انت مراح تكدر تحصل فيزا اذا ما كنت تملك تأمين صحي مدته تكون على مدة الفترة الي راغب تبقى بيها بامريكا

30
الاخ العزيز،
الاجئ هو شخص مهدد في بلده و حياته في خطر لذلك يضطر ان يترك بلده و يلجئ للامان في بلد اخر. على هذا الاساس يتم قبول لجوؤه، و هناك دول في حالة حرب او فيها اضطهاد لذلك يتم قبول طالبي اللجوء مباشرة و دون اية مستمسكات او اثباتات قوية. هسه انت خارج بلدك وفي اوربا يعني تكدر تقدم لجوء هناك، ولو جيت هنا لاميركا و اخبرتهم انك قادم من اوربا راح يكولون لك ليش ماقدمت هناك واي جواب راح تنطيه مراح يكون مقنع حتى لو كل اهلك هنا لانه اللجوء لا يرتبط بالعائلة خصوصا ان اللجوء في اميركا هو لجوء سياسي او مهدد مو مثل اوربا الي تعتمد على الامور الإنسانية اكثر. ارجو ان تكون الصورة وضحت لك. تحياتي

 فايف ستار يعني هل ان الوضع تغير ونسبة الرفض عالية؟ وهل اكو ترحيل؟

33
اتوكلي وقدمي على لجوء
تكدرين ومن حقج ومريحلوج ولان انتي بنية وما عندج الج أولوية

34
والله اخوية هواية امور تغيرت بموضوع الهجرة الكندية

35
ما انصحك ونصيحة لله , انت من توصل اقل من اسبوعين من وصولك شوفلك محامي افضل شي الك

انت حصلت فيزا لو بس I20  حاليآ؟

36
نصيحة من اخوك وعن تجربة لاحد الاصدقاء
داوم ع الاقل لو حتى اسبوع بس المهم اداوم
علمود متبين ان انت اخذت الفيزا بس علمود اللجوء لان هذا راح ياثر عليك بالتحقيق وتنحسب عليك نقطة سلبية
بس هذا مو يعني ان راح يجيك رفض لا بس مجرد نقطة سلبية وراح تدخل بسين وجيم
وراح يدخلوها بانك احتاليت ع القنصل للدخول لامريكا

يفضل ان تمشي بالدوام حتى لو تراجع الجامعة وتروح تمشي بشي بسيط
وراها اطفر

37
صديقي حيدر راح اجاوب ع استفسارتك بس بشرط تخلينا ع تواصل ونعرف اخبارك :D مو بعد تختفي :D
حبي بالنسبة لكشف حساب المصرفي فضروووووووري جدآ يكون عندك كشف حساب مصرفي لان هذا يثبت قدرتك المالية الي راح تغطي بيها تكاليف الاقامة والنقل داخل الولايات المتحدة
ولازم تسوي تأمين صحي ضروري جدآآآآآآآآ
ولازم تسوي خط الرحلة يعني تحجز خط طيران من بغداد الى الولايات المتحدة ذهابآ وايابآ فقط حجز أولي ميردون حجز مؤكد (يعني مو شرط بس اذا حبيت انت تحجز فهاي بعد بكيفك)

حجز فندقي يكون قريب ع المؤتمر بنفس الولاية ولازم تعرف شكد يبعد عن المؤتمر لان راح تنسأل عليها

اثبات عمل الحالي وراتبة ضرووووووري
واي شي يثبت عودتك مثلآ اذا عندك فد عقار او ملك هم قدم اوراقك

هذني السوالف ضروري تتقيد بيها لان نقص بأي وحدة تنلاص عندك
واكو شغلة اهم شي اذا كدرت تخلي الشخص الي تراسلت وياه المسؤول على الدعوات الي دزلك الدعوة اذا كدر يخاطب السفارة وهو يدز ايميل للسفارة بيه معلومات الدعوة ووقت المؤتمر وشكد المدة مالتة

انت يمتى حددولك موعد بالسفارة ؟ وبغداد لو أربيل؟
وخلينا ع اطلاع بكل خطوة اذا تحب راسلني ع الخاص اذا تحتاج شي

بس مو تسويها وتختفي :D

38
مع الاسف اخواني
تم غلق برنامج استقبال اللجوء للعراقيين من داخل كندا
يمكنكم التأكد من خلال زيارة المواقع الي نشرتها باخر تعليق في موضوع سابق
وحاليآ للسوريين فقط
لحد الان هذا الاستنتاج وصلتلة عن طريق موقع دائرة الهجرة
فيا ترة هل ما زال القبول للاجئيين العراقيين من داخل كندا الله اعلم

39
مع الاسف اخواني
تم غلق برنامج استقبال اللجوء للعراقيين من داخل كندا
يمكنكم التأكد من خلال زيارة المواقع الي نشرتها باخر تعليق الي
وحاليآ للسوريين فقط
لحد الان هذا الاستنتاج وصلتلة عن طريق موقع دائرة الهجرة
فيا ترة هل ما زال القبول للاجئيين العراقيين من داخل كندا الله اعلم

42
ام محمد هل صاحب الطلب كان مقدم على فيزا دراسية لغرض دراسة لغة ؟
يعني مقدم على برنامج لغة انكليزية؟
ام كان ناوي يقدم على ماجستير او بكالوريوس؟

43
اخي الكريم لتدفع فلس احمر اذا متضمن شي بأيدك

44
اني المشكلة طالبين من عندي 79 ب toefl IBT و بالايلتس طابين 6.5 يعني مو هينة

بالمناسبة اني بنفس الوقت الايلتس دا افكر ان يفيد بموضوع استراليا لان اني عندي قبول مبدئي من دائرة الهجرة الاسترالية بس لازم اوفر الايلتس
هنا بديت افكر بصوت عالي :D

المشكلة ان اني محتار بين التوفل والايلتس لسبب طبيعة الامتحان
الايلتس امتحان ورقي وبموضوع الlistening و speaking تحجي وية بروفشنال من جامعة كامبردج فيس تو فيس
بينما التوفل الامتحان على النت وملتي جويز وال speaking يتسجل لمدة 15 دقيقة
وحيرة ما اعرف منو الاسهل

46
تسلملي حبيبي فرزدق على النصيحة الطيبة ويارب يرزقك ع كد نيتك الطيبة
بالنسبة الي اني ك reading , speaking ,writing ماعندي مشكلة بيها حتى جرايد ومجلات اجنبية ع طول
بس هم تبقى الرهبة من الامتحان :D
لان شغلي ع الحاسبة وشغلي وية اجانب على طول مراسلات وعقود لازم بالانكليزي وكل عقد ع الاقل فد 50 صفحة
وككتابة سريع الحمد لله تقريبآ 60 كلمة بالدقيقة
بس مشكلتي بالكرامر وهسة اني هم راح اروح للمتنبي اجيب المصدر الي كلتلي عليه ويارب يسهلها

تريد الصدك اني شايل هم بس مجرد يجي طاري الامتحان :D


48
حبيبي والله اني حيل افرح لكل عراقي شريف يريد يستقر بحياتة والله مثل ما افرح لنفسي
ودعائي الك يارب ييسر جميع امورك وتحقيق مبتغاك

والله حبي صح هو اجتهاد وكلمن واجتهادة اني حاليآ محتار بين الايلتس وبين التوفل

حاليآ بلشت بالgrammar و اعتماد على مجهود ذاتي نزلت بعض البرامج ع الايفون هم تطيك قواعد وستركتشجر وبقت التوفيق من الله

ننتمنى دعاءكم



49
كل التوفيق حبيبي فرزدق ويارب يوم الوصول بالسلامة
عاشت ايدك حبي
اي اعرفها طبعآ
I20 هي ورقة القبول من الجامعة الي ع اساسها تحصل الفيزا

بس ممكن تساعدني شلون كدرت تمتحن توفل هل اعتمدت على مصادر او دورة لو شلون
ووين امتحنتها اكون شاكر لو جاوبتني

50
قدر الله وما شاء فعل
الله يساعدك اخوية على هذا الموقف
ربي يعينك
اخوية انت مدام ممحصل على اقامة في بلد أخر غير بلدك العراق
فتكدر تقدم لجوء مثل الورد

51
ظفرزدق اخوية انت تدلل
بس حبيت اسأل تفاصيل القبول
هل حصلت I20 من الجامعة؟
وعفوآ ممكن اعرف اذا طلبوا منك توفل ؟

53
طبعآ جدآ ممنون اخوية انت حييييييييييييل استفاديت من تجربتك ومثل ميكول اجيت ع الجرح

يارب يكتبلك بكل خطوة توفيق ونجاح

54
موفق بحياتك صديقي
ولكن لدي مداخلة قريبة ان تكون سؤال
صديقي بحسب خبرتك ماهي مدى الصعوبات التي واجهتها للحصول على العمل وماهي اوجه المنافسة؟
وبنفس الوقت صديقي لو تقارن خبرتك في العراق وخبرتك الحالية اي كفة تميل؟
وبالاضافة حجم ونوعيه العمل بين العراق والعمل الحالي ايهما افضل؟
سؤال اخير هل كنت بالعراق تعمل بشركات قطاع خاص لو موظف حكومي؟
ياريت تنورنا بالاجابة ونتمنى استمرار افكارك
طبعآ اول مرة الكة شخص قريب على اختصاصي ويحمل شهادات مايكروسوفت في امريكا ممكن استفاد من تجربته
لان اخوك SQL Server MCITP,MCSE,MCT و Sharepoint و Application developer
و oracle
وكلهن عندي بيها سيرتفيكيت
وخبرة 12 سنة بهذا المجال
فاريد اقارن مقارنة بسيطة اعتمادآ على اجوبتك
تحياتي

55
فعلا اخي التقديم من داخل كندا مفتوح مثل ما ذكرتلكم سابقآ
ودزيتلكم الرابط بوقتها

56
حبيبي ابن البصرة الحمد لله على سلامتك صديقي
ان شاء الله موفق
شكد طولت معاملة لم الشمل حبيب

57
الحمد لله على سلامتك خويي
خويي يعني رحت ع حسابك ؟ العفو حبي حبيت استفسر على نوع فيزتك حبي ومن اي سفارة
واذا تكدر تنورني بتفاصيل الفيزا
 واكون ممنون منك
ويارب ان شاء الله يوم الجواز وترتاح

60
مع أحترامي لجميع الردود
بس معلوماتكم قديمة شباب
شوفو موقع وزارة الخارجية الكندية
اني اتصلت بمحامي كندي

اسف اخ شمعة معلوماتك خطآ
لان هناك مستجدات على قانون الاسالم للعراقيين والسوريين

اني وجدت الجواب منذ مدة قصيرة ورة بعد مطرحت السؤال

61
اخوية taleb الله يعينك
بالنسبة للرفض الي اجاك خويي انت مقدم ع فيزا سياحية لو شنو نوع الفيزا
وتكدر تنورنا شنو المستمسكات الي جنت ماخذها وياك
علمود نعرف ويصير عدنا دراية بالموضوع
او شنو المستمسكات الي برأيك جان المفروض تاخذها وراح تاخذها بالمرة الثانية ان شاء الله

62
اشكرك اخوية على الرد وقريت الكتاب
بس دا اسأل للي عندهم خبرة ولي صايرة كدامهم هيجي حالة
بحال لو رفض القاضي ومقتنع بالمحامي والقاضي اطة رفض هل هذا يعني يجب ترحيل طالب اللجوء من الاراضي الامريكية؟

63
السلام عليكم
الى اصحاب الخبرة ...
شلونكم شباب محتاج اجابة منكم حبايبي
عندي ابن عمتي اجاه اشعار من مسؤول الهجرة ان ترحل قرارة لقاضي هجرة
سؤالي حبايب اذا اجاه رفض طلب لجوء يعني يرحلوه ويطلوه من امريكا؟

64
اختي الكريمة شاكر تواصلج  وتفاعلج ولكن الرابط لا يعمل

66
السلام عليكم

هل ممكن ترشدوني الى طريقة التواصل مع الاستاذ Joseph Kunda اود توكيله بخصوص هجرة الكفاءات
انا تنطبق عليه جميع الشروط وعندي خبرة تتجاوز العشر سنوات وحاصل على توفل بدرجة اعلى من المطلوبة

وقمت بتوكيل محامي استرالي في ما مضى وحصلت على confirm letter التي تثبت تؤهلي لهذه الهجرة

ولكن اود ان اتواصل مع استاذ Joseph Kunda من اجل اكمال الاجراءات


67
شكرآ اخي الكريم على الرد

ولكن لم اقدم على اليو ان من قبل

ما الاجراء الذي سيتخذ
هل هناك موقع رسمي او اي شئ رسمي للذي تشير اليه ممكن تزودنا بيه
بخصوص رفض طلبات اللجوء الاساليم؟
زين واذا عندي رفض لجوء من اوربأ؟

68
السلام عليكم حبايبي

هل من الممكن طلب لجوء من داخل كندا ؟
مرحبا شباب اجتني دعوة لمؤتمر بكندا
هل بأمكاني اقدم لجوء من داخل كندا اذا دخلتلها عن طريق فيزا رسمية؟

69
:)

لو ادري جان تبادلنا قبل لا اطلع من فنلندا
اني وياه هو يجي لفنلندا واني اروح لامريكا


70
لتنتظر سلم نفسك قبل لتخلص الفيزا لان راح يسألونك ليش انتظرت تخلص الفيزا؟
حالة صارت وياية

71
خويي ما اعرف همة شسوو اذا قابلو محلفين او لا
بس كل الي اعرفة ان همة قدموا من تركيا وشافوها تتأخر سافرو للبنان
وفترة بقاءهم بلبنان شهرين فقط وهسة يسمعون حسك بكندا ربي يوفقهم
بس حبيت استفسر اذا اكو هيجي حالة
اني هم مستغرب مثلك

72
بسيطة يرادلها شطارة
اول شي اخوك يسافر لتركيا ويسوي دخول لتركيا وانت تسافر لتركيا
تاخذ جواز اخوك واطير لفنلندا ومن توصل لفنلندا ادز الجواز لأخوك لتركيا عن طريق شركات الشحن

73
نعم يحقلك بس لازم تسقط الكرين كارد مالتك قبل لترجع للعراق
لان لازم ميكون عندك اقامة بأي دولة تعتبر أمنة
واذا عرفوا ان عندك اقامة بغير دولة تحصل رفض

74
الله يساعدكم اخوان
حبيت استفتسر عن حالة معينة
اني قبل فترة طلعت وسافرت لأوربا وتحديدآ لفنلندا ويمكن بعض الاعضاء يدرون بهذا الشي
وطلبت لجوء في فنلندا
اود اوضح دخولي لفنلندا كان عن طريق فيزا من السفارة الفنلندية عن طريق دعوة عمل
ورة مطلبت لجوء في فنلندا بصمت ايضآ داخل مركز الشرطة
ولكن حدثت لي مشاكل بوقتها حجيت بيها هنا داخل المنتدى ما اضطرني للرجوع للعراق
الان ابحث ان اسافر لأوربا مرة ثانية وتحديدآ المانيا او بلجيكا
لاصحاب الخبرة ولي مارة عليهم هاي الحالة هل لجوئي السابق راح يأثر ؟

75
الله يساعدك
حبي اسأل عن حالة فاذا عندك خبرة بالطريقة فاتمنى تنورني لأن اول مرة تمر عليه

عندي اقارب خلال شهرين بلبنان حصلوا على لجوء لكندا هل الوضع طبيعي ام هناك طريقة جديدة
حاليآ همة بكندا طلعوا لبنان بشهر الرابع

76
جدآ ممنون على اجابتك الوافية اخ Alwaleed88

77
هلو شباب شلونكم
حبايبي اتمنى احصل جواب من الاخوة اصحاب الخبرة او الي يملكون معلومة دقيقة ممكن تساعدني

حبايبي حسب متعرفون اكو اكثر من طريقة للوصول لكندا منها الكفالة الكنيسية والكفالة الخماسية وبرنامج اصحاب المهن والفيزا الدراسية او الطبية


مقدمة قبل السؤال
اني عندي مؤهلات لدخول لبرنامج المهن وعندي ايلتس بدرجة 8 بكل جزء وكذلك توفل بدرجة جيدة
وفي نفس الوقت اكدر احصل فيزا دراسية اذا قدمت ع جامعة معينة

السؤال هو
ماهو افضل ان اقدم ع فيزا دراسية الى كندا وبعدين اقدم لجوء هناك من اوصل بالمطار
لو
اقدم على برنامج المهن ولي حسب متعرفون يطول
لو اسويها كفالة كنيسية

وحسب معلوماتكم ترهم الواحد يحول من الفيزا دراسية الى لجوء
تحياتي واني جدآ ممنون
وشكرآ على اجابتكم وسعة صدركم مقدمآ

79
ان شاء الله تحصلها... بس اهم مكسرت الفيزا وصار عندك اوفر ستاي لان شوية تصير صعبة

81
السلام عليكم ورحمة الله
اخواني
اسأل سؤال لمن يملك معلومات او احصائيات
عن نسبة قبول طالبي اللجوء الذين دخلوا امريكا عن طريق فيزا سياحية او فيزا دراسية او فيزا زيارة
المهم طلب اللجوء من الدخول

وهل نسبة الرفض عالية بالنسبة للعراقيين؟
طبعآ اكيد الموضوع يعتمد على القصة
ولكن انا اتحدث بشكل اجمالي ..!!

82
اختي ورقة الدعم المالي هي ورقة كشف حساب مصرفي يثبت ان انتي عندج حساب بمصرف وبيه فلوس وحركات مالية يعني ساحبة فلوس منة ومودعة فلوس
وكشف الحساب يكون لأخر ست اشهر

83
والله أخوية EDY ما ادري شحجيلك بس اكول فاقد الشئ لا يعطيه

خسرني فلوس هواية بس اكول حسبي الله ونعم الوكيل

الحمد لله والشكر ع كل حال اني جنت متردد بالرجعة واجتي من الله

والله اعرف بصالح الامور

والادهى من هذا كلة جان يحذرني دير بالك تختلط بالعراقيين !!!!!
 
بس الاناء ينضح بما فيه سبحان الله

84
صح نعمة بس لبعض الناس الي خدة وخدر وتريد تبقى براس الحكومة تقبض فلوس

85
السلام عليكم شباب حبايبي يارب تكونون بخير

طبعآ احيي كل احبابي في المنتدى الزاخر بالناس الطيبة ولي تحب الخير لاحبابها

اول شي مثل ما قبل فترة نزلت موضوع حول طريقة قانونية وسهلة ومضمونة للوصول لأوربا والتي عن طريقها وصلت لاوربا وتحديدآ لفنلندا,ولكن بطبيعة الحال وطبعي واختصاصي ماكدرت اتكيف وية الوضع لان حقيقة اوربا صح العيشة متحتار بيها والراتب زين الي يقدموه بس وبعدين !!!!! مو هاي خطتي للمستقبل

ع العموم فقررت ان اوجه انظاري لأميركا,وحصلت شخص عن طريق LinkedIn اكيد الشباب تعرفوه ان هو
H1B Visa sponspr والدفع عند الحصول ع الفيزا


حقيقة لحد الان ما اعرف شكد السعر لان هو طلب مني فورم امليه ولحد الان ممليته متريث

دا اسألكم السؤال التالي
اذا حصلت فيزا عمل اكدر اسوي أسالم؟

عمود اذا تمام اطيكم اميل الشخص وبلكي تصير فاتحة خير ع الكل
بالمناسبة الشخص امريكي مو عربي او عراقي واني ما اعرفة مو تعتبروها دعاية :D لكيتة عن طريق الصدفة للعلم والاطلاع

وشكرآ حبايبي

86
يعني اذا اني مقدم لجوء في فنلندا وقبل لا اكمل طلب اللجوء لغيت طلب الرجوع وسويت عودة طوعية للعراق....
وبعد فترة ست اشهر الى ٨ اشهر قدمت فيزا لامريكا دراسية ييني رفض؟

87
ممنوووون خويي
واتمنى اسمع رأي الاخوة وخبرتهم

88
Up
اخواني ننتظر اجابتكم

90
السلام عليكم حبايبي وشلون الصحة والعافية

حبايبي سؤالي واتمنى اجد اجابة واضحة عند اصحاب الخبرة

الي محصل منع دخول اوربا لان عابر مدة الفيزا الشنغن هم راح تأثر على اصدار الفيزا الامريكية؟

بمعنى اخر اذا اني عندي فيزا شنغن ومرجعت بالوقت المحدد وحصلت ع overstay visa
ومدفعت الغرامة ودكولي منع 5 سنوات من دخول اوربا
هل هذا الشي راح يأثر على اخذ فيزا من السفارة الامريكية يعني بمعنى اخر
هل هنا تواصل بين الاتحاد الاوربي وامريكا؟

اتمنى اصحاب الخبرة يجاوبوني

91
شباب بالنسبة للم الشمل في فنلندا فلا تحتار لان همة يتكفلون بعائلتك يجيبوها الك وع حسابهم وخلال فترة قصيرة لا تتجاوز الست اشهر

الاقامة كذلك من ست اشهر الى سنة
التحقيق الاولي سخيف جدآ
يعني يسألك شكد عندك فلوس بجيبك
اوراقك مستمسكاتك ولتطي الجواز نصيحة
وراها يدزوك للكمب
اذا عائلة فيخلوك بشقة تتسع 2-3 عوائل

اما العزابي فيخلوه بكمب مثل الفندق وغرف شيرنك
الراتب مو شي ميغطي التكاليف

92
السلام عليكم حبايبي يارب تكونون بخير


اول شي احب اوجه رسالة محبة وتقدير لكل حبايبي والاعضاء المحترمون والادارة الكريمة
لكوني قد استفدت كثيرآ من هذا المنتدى وكان سبب في انتقالتي الاخيرة


ابدي وياكم الطريقة بالشرح المفصل حول كيفية الوصول دول أوربا شنغن بطريقة أمنة جدآ وسليمة وقانونية وكل الذي اتمناه هي دعوة صادقة وقراءة الفاتحة على روح امي
لعل الاسطر والاحرف التي سأكتبها تكون سببآ لراحة عراقي عانا ما عانا من ويلات الحروب ومصائب الدنيا
فأسئله ان يذكر والدتي بالاحسان

الطريقة تعتمد على لغة انكليزية جيدة بالمراسلات او ممكن تعتمد على شخص يقوم بذلك


الطريقة تعتمد على الحصول على دعوة رسمية لاوربا عن طريق مؤتمر

بعد متحصل دعوة رسمية لأوربا عن طريق مؤتمر
ادز هاي الدعوة للسفارة المعنية الي تريد تقدم ببلدها اللجوء وأكد على هذه النقطة
تاخذ الدعوة من نفس بلد اللجوء لكي تستفاد من معاهدة دبلن ومتحصل رفض
يعني اذا تريد توصل لبلجيكا تاخذ الدعوة من بلجيكا وهكذا

بعد متراسل السفارة تاخذ موعد من عندها
وهي راح ادزلك الاوراق المطلوبة
 ولي هي
1-اثبات عمل بالعراق مثل تأييد استمرارية عمل وهو مهم.
2-كشف حساب مصرفي لا يقل عن 10 الالف دولار وهو مهم جدآ ومطلوب ويجب ترجمته ترجمه قانونية
3-الضمان الصحي خلال فترة الزيارة
4-باجات تثبت عملك
5-سند بيت او سند كاع او محل يعني سند عقار
6-تاخذ وياك نسخة من الدعوة
7-تاخذ تكت ذهاب واياب من بغداد للدولة الي راح تروحلها ومن ضمن فترة الدعوة الي واصلتلك
8-تثبت ان عندك زوجة واطفال بالعراق


وتروح للسفارة :D اهم شي اوراقك كاملة وما بيها نقص وكلشي تكملة وتوصل للبلد الاوربي ولازم خلال فترة الفيزا اتقدم اللجوء وما تتأخر والا تحصل على غرامة عن كل يوم تأخير وهذا ما يسموه بـ Overstay visa وتختلف من بلد الى بلد وممكن ان انت متدفعه بل تتكفل الدولة باستقطاعها من الراتب الي راح تطيكياه


اما بالنسبة لسؤال الاخوة حول فنلندا


فقانونيآ فنلندا مترجع احد عراقي عدا من محافظات الاقليم والمحافظات الجنوبية
اي الي من بغداد او الرمادي او ديالى ,كركوك,صلاح الدين,انبار,فلوجة,نينوى,موصل

فيحصل لجوء مثل الورد واقامة 4 سنوات من نوع A

اني حاليآ في فنلندا
واي سؤال حبايبي اني حاضر

اما جو فنلندا كئيـــــــــــــــــــــب جدآ الا ابعد متتصورون لدرجة ان الفنلندين يهاجرون منها
وبشكل كبير جدآ,والعجيب ان الفنلندين يسألون طالبي اللجوء ليش اجيت فنلندا جوها كئيب وبارد!!!!




93
هلووو شباب اسف ع التأخير بالرد بس اكيد تعرفون حجم المعاناة والتعب لحد موصلنا

وهسة انزل موضوع طريقة الوصول لأوربا وكل دولها وبشكل أمن وقانوني وتحصل لجوء لكل دول اوربا

وتحياتي لأخي وحبيبي EDY وهذا الموضوع اهديه لحضرته لاني قد استشرته بعض الاسئلة قبل خروجي من العراق

94
السلام عليكم حبايبي شلونكم شخباركم

الحمد لله وصلنا لفنلندا من قبل اسبوع واللجوء مفتوح للعراقيين وبشكل جيد مع مساعدات جيدة

ولكن وضع فنلندا العام ممل جدآ وكأنها مدينة اشباح او مدينة ليس بها روح هذا الشئ احببت ان اذكره لكي يضع الذي ينوي المجئ لفنلندا في حساباته,


ومن خلال ما تعرفت عليه هنا اود ان الخص لكم


  • عند الوصول تستطيع ان تقدم اوراقك وتسلم نفسك لأقرب مركز شرطة في المحافظة التي تود
    ولكن ننصح بغير هلسنكي لأنها تحتوي على الكمبات المؤقتة وبعدها يتم الترحيل للمحافظات الشمالية

  • المحافظات التي ينصح بها هي توركو,لابرنتا,تامبيرا


  • بعد الحصول على اقامة من نوع A تفرض السلطات دخول مدرسة لغة لمدة سنتين


  • لا تستطيع العمل الا بعد مرور 4 سنوات ع الاقل ولذلك لان احد شروط العمل هي اتقان اللغة الفنلندية
    واتقان مهنة وخبرة من مدارس فنلندية ومدة تلك المدارس سنتين يصبح المجموع 4 سنوات



عمومآ الجو في فنلندا بارد جدآ معدل درجات الحرارة هي دون الصفر

شروق الشمس عند الساعة 8:45 am والغروب عند الساعة 03:29pm اي ان معدل النهار هو 6 ساعات تقريبآ وهذا خلال موسم الشتاء

التنقل بين مدن العاصمة عن طريق المترو وداخل مدن العاصمة عن طريق الترام فلا يوجد هناك حاجة لسيارة

نسبة العراقيين في فنلندا قليلة جدآ مقارنة مع باقي الجاليات الاجنبية

الشعب الفنلندي أغلبه يتكلم اللغة الانكليزية كلغة ثانية وبطلاقة لذى متقني هذه اللغة لن يواجهون اي مشاكل في التعامل مع الفنلندين في الاسواق او الاماكن العامة , فقط في الدوائر الرسمية والحكومية والشركات فأن اللغة الفنلندية فقط المتداولة .

الاسواق والمحلات والسوبرماركتات والمولات تفتح عند الساعة 9:00am وتغلق عند الساعة 9:00pm بالايام العادية وفي عطل نهاية الاسبوع فتغلق عند الساعة 6:00pm

المجتمع الفنلندي بطبيعته انطوائي وانعزالي وغير حيوي على الاطلاق وهذا بسبب الجو والطقس البارد

لا يوجد بصمة بالمطار

هذا تلخيصي لكل المعلومات التي لربما قد تفيد من يقبل على السفر لفنلندا

واي سؤال اني حاضر
ولكن بودي اسأل بعض الاخوة من ضمنهم الاخ Edy حول قضية العودة الاختيارية في حال لو وددت العودة الاختيارية للبلد الاصلي هل هذا يؤثر على دخولي لدول الاتحاد الاوربي مستقبلآ؟. اي بمعنى هل احصل على منع دائمي للدخول لتلك الدول واذا كان هناك منع هل يختم على الجواز ام فقط داخل السستم ؟

95
صديقي اني صاحب شركة والدعوة اجتي لشركتي لحضور هذا المؤتمر الي الة علاقة بطبيعة عمل شركتي

ودا افكر ان اروح بباخر قبل ليخلص لمؤتمر للسويد لفترة والرجوع لفنلندا هذا كان خيار

والخيار الثاني عندي اصدقاء بفنلندا وهسة هم اتأكدت من موقع دائرة الهجرة الفنلندية وبشكل رسمي شكرآ صديقي على تواصلك واجاباتك حيل فادتني اني ممنووون

96
ياريت اهل الخبرة من جماعة فنلندا يجاوبوني تحياتي

97
السلام عليكم اخواني قبل فترة حصلت ع دعوة لزيارة شركة بلجيكية وما سويتها لان المبلغ المطلوب يجاوز عشرة الالف دولار

اليوم حصلت دعوة لمؤتمر في فنلندا وهاي الدعوة هم اندزت للسفارة الفنلندية الي بأنقرا ويعني اجراءات الفيزا الاعتيادية

سؤالي اذا ادخل لفنلندا ورة شكد ابقى خافي نفسي واكدر اقدم ع لجوء؟؟
علمآ الفيزا مدتها 15 يوم وهي رسمية واصولية وبصمة من السفارة الفنلندية الي بانقرا شكرآ حبايب

98
اني حييييل ممنووون على الايضاح الي قدمتة اخ EDY
زين سؤال في حال لو قدمت لجوء اول ما اوصل للمطار عندي معارف ببلجيكا ممكن ياخذون من عندي الجوازات والاوراق الي تثبت معلوماتي

ياريت توضيحك حبي واني حيل ممنون

99
طبعآ اضيف الفيزا هي فيزا عن طريق دعوة من الشركة لزيارتها وليست دعوة عقد عمل
والفيزا يعني رسمية وببصمة

100
السلام عليكم حبايبي شلونكم يارب كلكم بخير ويفرج عن همومكم ولي ناوي يهج ان شاء الله يطلع بأسرع وقت

سؤال حبايبي وخاصة للأخ غزال اني وصلتلي دعوة من شركة ببلجيكيا وعليها اريد اول ما اوصل لبلجيكيا اقدم ع لجوء
سؤالي هو يحقلي تقديم اللجوء او لا 
يعني قصدي الفيزا رسمية وبيها بصمة اكدر اقدم ع بلجيكا
ياريت من اصحاب الخبرة يجاوبوني

101
السلام عليكم حبايبي شلونكم يارب كلكم بخير ويفرج عن همومكم ولي ناوي يهج ان شاء الله يطلع بأسرع وقت

سؤال حبايبي اني وصلتلي دعوة من شركة ببلجيكيا وعليها اريد اول ما اوصل لبلجيكيا اقدم ع لجوء
سؤالي هو يحقلي تقديم اللجوء او لا 
ياريت من اصحاب الخبرة يجاوبوني

102
السلام عليكم اخواني شلووونكم
حبايبي شلون احصل رسالة التوصية بالنسبة للي عندهم باج CPA من DOD

103
مرحبا شباب شلووونكم
حبايب سؤال واتمنى تساعدوني بيه
هسة وضع تركيا شلونة شكد اقصى وقت صار للمقابلة الاولى من تاريخ التسجيل
اكيد اعرف ماكو شي ثابت
بس علمود الواحد يحسب حسابة

104
سؤال صديقي شتقصد بالفيش وتشبيه
زين احتاج اجيب وياية عدم محكومية ؟لان اني مجايبها وياية يعني ادز عليها من بغداد؟

105
اصحاب الخبرة ضروري تطوني توضيح

106
حبيبي انت outtoother
شاكر اجابتك وردك عيناي,,, طيب بقية التفاصيل عندك اطلاع عليها
مثل التكاليف المادية وماهية الاجراءات بالضبط :(

107
اسف اخواني بس حبيت اضيف ايضآ , حسب برنامج العمال المهرة فأختصاصي موجود ضمن هذا البرنامج والنقاط الي اكتسبها هي 70
وكذلك ان الكفيل هو من الدرجة الثانية ( عمي)

108
السلام عليكم احبابي
حبيت استفسر من اصحاب الخبرة حول التالي
حاليآ في تركيا وفي حال حصلت على ورقة الحماية ,لدي كفيل يملك الجنسية الكندية من التسعينات,اتصلت بيه ووافق على اجراءات الكفالة
سؤالي كيف ممكن ان يساعدني وهل يسرع اجراءات اللجوء
وماهي المتطلبات المادية وماهي المعلومات الي تملكوها اخواني حول الكفالة

109
شكرآ اختي Ray على الرد والايضاح 
هو الأفضل مراح اجيب طاري كفيل دا اشوف هذا الشي افضل
شكرآ للجميع وللست Sound of Soul

110
شكرآ صديقي على المجهود الاكثر من رائع
طيب معنى كلامك ان بحالة سألوني ان عندك كفيل الافضل ان اكول لأ علمود اخلص من الاحراجات؟

111
شكرآ صديقي على الرد وعلى الايضاح
طيب في سؤال ثاني هل وجود الكفيل يسرع من اجراءات الاستيطان في حال لو الكفيل تكفل بكل شئ او تكفل بجزئيات مادية؟

112
السلام عليكم شلوووونكم شباب عاشت ايديكم على الجهود المبذولة
السؤال الاول
ماهو الفرق بين الكفالة المادية او الكفالة المعنوية وهل من الممكن تصير سوة اي الكفيل يكفل كفالة معنوية ومادية؟

والسؤال الثاني
اني بتركيا ودا انتظر الفسفورة هل الكفيل لازم يكون من الدرجة الأولى؟
وورة شكد تكمل الشغلة بعد ما الكفيل يقدم اوراقي لدائرة الهجرة؟

السؤال الثالث:
بحالة ان وصلت هناك اكدر اكمل اجراءات الهجرة والفود ستامب احصلها والمساعدات لو تنلغي باعتبار عندي كفيل

ممنوووون جدآ

113
مشكوورين حبايبي على اجابتكم الوافية

اقتباس
اخي الجواب على سؤالك هو  :

1- اذا كنت ترغب بالهجره الى الولايات المتحده الامريكيه  فيجب عليك الاطلاع على شروط ومتطلبات الهجره من خلال موقع السفاره الامريكيه في العراق او من خلال موقع دائرة الهجره والجنسية الامريكيه ..

2- فيما يخص منظمة الهجره الدوليه ( IOM) هي بالحقيقه معنيه بشؤؤن الهجره الدوليه الى امريكا من ناحية تنظيم الاجراءات والاليات الاداريه والفنيه الخاصه بالهجره اي بمعنى ان التقديم للهجره الى الولايات المتحده الامريكيه لا يكون من خلال التقديم الى  المنظمه مباشرة وانما يكون من خلال التقديم المباشر اما الى السفاره الامريكيه او دائرة الهجره والجنسيه الامريكيه  وبعد حصول الموافقات الاوليه على طلبك يكون ارتباطك في هذه الحاله مع المنظمه المذكوره لانها ستكون المعنيه باكمال كل الاجرااءت والاليات الاداريه والفنيه الاخرى ..وبعباره اكثر وضوح اقول  ان المنظمه المذكوره لا تتفتح مكاتب لها في اي دوله لغرض  هجرة المواطنين في تلك الدوله الى امريكا وانما تفتح مكتب لتسهيل الاجراءات الاداريه والفنيه  وتنظيمها  فقط ...

3- القول يان المنظمه في بغداد يقتصر عملها على برنامج ال ( SIV) هو كلام غير صحيح اطلاقا والسبب لان مكتب المنظمه في العراق هو متخصص في استقبال طلبات العاملين مع القوات والشركات الامريكيه والعراقيه والعربيه المتعاقده مع الحكومه الامريكيه والقوات الامريكيه سواء كانت هذه الشركات مدنيه او عسكريه او تجاريه او اي نوع شركه اخرى لها عقد اصولي وقانوني مع القوات الامريكيه او الحكومه الامريكيه في العراق  ..

4-تم توسيع برنامج التوطين للعراقيين على امريكا باضافة اللاجئين العراقيين المسجلين رسميا في مفوضية شؤؤن اللاجئين حتى ولو لم يكونو من العاملين مع القوات الامريكيه وايضا تتولى المنظمة نفسها كل الاجراءات الاداريه والفنيه الخاصه بهم ..


لكن سؤالي ويمكن سؤال غبي بس اخوكم واتحملوه

شلون اقدم وشنو الاجراءات الي اسويها
وشنو الكيسات الي تشوفوها اكثر قوة

طبعآ اني بصراحة ماكو واحد مسائلة وكل واحد طالع ومهاجر مجلب بيه واجي اسألة شسويت وشلون وكيف
بس اريد اسمع من اهل الخبرة الي موجودين بالمنتدى وياريت واحد يشرحلي الطريق الصحيح

114
شكرآ صديقي على مرورك الكريم وشكرآ على اجابتك

لكن للتصحيح صديقي منظمة IOM هي منظمة الهجرة الدولية
International Organization for Migration

فهي وظيفتها الاساسية ادارة عمليات الهجرة القانونية والشرعية

اما الي تقصد عليه الي هو وية القوات الامريكية ذاك البرنامج اسمة SIV واعتقد خلاص توقف بعد ميستقبلون طلبات
مجرد ديمشون الطلبات المقدمة مسبقآ
تحياتي

وما زلت اجابة باقي الاخوة

115
اخي العزيز اذا ممكن سوال

اي جامعة درست و في اي بلد حتى حصلت على شهادة المايكروسوفت ؟

وكم سنة هي مدة الدراسة لكل شهادة؟ وفي اي اعوام كانت الدراسة ؟

وهلل تعتبر  هذه الشهادة تعادل شهادة الماجستير و الدكتوراه ام هي مجرد كورسات ؟

ارررجو اجابتي لكي نستطيع مساعدتك

تحياتي
ابو داوود

السلام عليكم صديقي Outtoother
 الشهادات من مايكروسوفت ليست من كلية او جامعة معينة ولكن هي عبارة عن شهادات تمتحنها أون لاين بأختصاصات
وتمنحك على اثرها مايكروسوفت شهادات دولية
يعني اذا اخذت وامتحنتها باميركا هي نفسها من تمتحنها بالامارات

116
السلام عليكم احبابي
سؤالي هو كيفية التقديم للهجرة لكندا بدون ان اقدم عن طريق IOM ياريت من اصحاب الخبرة
يدولنا الطريق
ولو طلباتي هواية بس اكون ممنون منكم اخواني
تحياتي

117
السلام عليكم احبابي يارب تكونون بافضل الاحوال
سؤالي هو حول آلية التقديم للهجرة عبر IOM وما هي الخطوات والنصائح وطريقة الطلب ورسالة الطلب
وبالاضافة ما هي الحالات (الكيسات) الاكثر رواجآ برأيكم


تحياتي لكم مقدمآ
اخوكم

118
 صديقي hardihardi بس على كيفك دخلت ويانا دخلت وتصيح هههههههههههههههه

صديقي اذا انتبهت على كلامي اني اقصد شهادات دولية وما اقصد شهادات الكلية
اقصد شهادات من شركات اجنبية وامريكية
ركز وتحياتي

119
اقتباس
اخوي انسا شي اسمة شهادة ........................... شهايدنا هنانة غير معترف بيها ابدااااااااااااااااا

مشكور صديقي على نصيحتك واني ممنون
بس حبي اني ممعتمد على شهادة الكلية :)
عندي 8 شهادات دولية من مايكروسوفت بالسيكوال سيرفر وأوراكل :)
تحياتي لحضرتك

120
اقتباس
هي تورنتو ومونتريال احسن ولايتين بانظمة الحاسوب والله اعلم

مشكور صديقي على الاجابة الوافية ممنون منك

121
السلام عليكم اخواني واحبتي
حبيت استفسر واسأل من اصحاب الخبرة او الي عندهم معلومة ميبخلون علينا بالاجابة
اي محافظة او ولاية في كندا يكثر بها العمل والوظائف لأختصاص المبرمجين ومطوري الأنظمة وقواعد البيانات أوراكل والسيكوال سيرفر؟  ??? ???
ياريت الاجابة سريعة
اكون شاكر لحضراتكم مقدمآ  8)

124
صديقي فري مان كلامك صحيح ولا بئس بشهادة سيسكو ولكن الا توافقني الرأي التشتت سلبي وليس ايجابي ؟
اي ان يكون الشخص في مجال واحد اكثر من ان يكون في عدة مجالات

مع العلم اعمل على سيسكو ولكن بست بمحترف

125
صديقي سنوبي بالنسبة لمرحلة انجاز الحكومة الألكترونية فالعمل جاري على قدم وساق على سبيل المثال وعلى حد علمي أن هذه السنة تعتبر السنة التخطيطية وفي بعض المحافظات سنة بنية تحتية لأنظمة الحكومة الألكترونية (تعاونت مع بعضهن في موضوع الانظمة) ,

صديقي حاليآ كما اخبرتك الان اعمل على دخولي لأميركا ومبدئيآ بوظيفة والله يسهل



126
صديقي سنوبي والله حبي ياريت لو تساعدني بهاي الخطوة , واذا كنت لديك انت الرغبة بالتعاون فأنا مستعد في حال وصلت لأميركا لتأسيس شركة حلول برمجية

127
أخي وصديقي دوق فليد اتمنالك كل الموفقية بحياتك صديقي
وبالعكس حاول ان تكون مواكب وحقك اكيد الظروف مرات تكون قاهرة ... اي شي تحتاجة اني حاضر ومستعد لمساعدتك صديقي

128
والله صديقي انا أبحث عن أي طريقة دخول لأميركا .... لأن الغاية من دخولي لأميركا هي الحصول على وظيفة تليق بخبراتي

اذا حصلت visa sponsorship فخيرآ بخير , واذا لم استطع فأحاول الحصول على فيزا تجارية او ماشابه .
بصراحة لا أعرف ماذا تقصد بـ SIV

صديقي انا ناوي بأذن الله بمجرد الوصول لأميركا تأسيس شركة حلول برمجية لتطوير الانظمة ولكن مبدئيآ من أجل الاستقرار افكر بالحصول على وظيفة كمطور أنظمة أو عالاقل DBA مثل ما تفضلت لا خلاف او اكون ترينر في نيو هورايزن او اي partner learning Institute لحين اضع قدمي عندها ابدأ بالشركة , بعد ان ابني علاقات تؤهلني لتسويق برامجي...

صديقي انا مبرمج C# ولدي خبرة كبيرة في الـ ODBC وبالاضافة الى اني املك نظام خبير لأدارة الصيدليات في العراق وتم التعامل مع نقابة الصيادلة بهذا الخصوص ... والبرنامج مسوق لدول العربية

قاعدة بياناته SQL Server 2008 وUI بالـ C# ..... وكما له بورتال ويب سايت اي نظام متكامل ,,النظام بواجهات متقدمة وحديثة تشابه الاوفيس 2010 يحتوي على Ribbon وبتقارير تفصيلية ومرتبط بنظام محاسبي موحد

هههههههههههه حبيبي سنوبي اتشرف بيك تاج على راسي كل سومر

129
بالمناسبة انا تكلمت فقط على ما املك خبرة في مجال مطور برامجيات ومبرمج IT  لشركة مايكروسوفت لأن اصل الموضوع والسؤال كان حول هذا الجانب فقط
ولكن لدي خبرة في باقي التقنيات كـ Windows Server 2008 و كذلك حاصل على شهادة MOS في Microsoft Access 2010

وتعرفون حضراتكم ان مايكروسوفت تجهز كل من يختص في تخصصاتها على  Transaction ID تخول الشركات الاخرى الاطلاع على معلومات المختص وما يملك من شهادات من خلال Portal مخصص لهذا الموضوع


هذا وبالاضافة الى خبرة جيدة في الـ Oracle و MYSQL  

ولكن تركيزي منصب حاليآ في مايكروسوفت


شاكر تفاعلكم اخووووووواني سنوبي وكوسوفي ولكم مني خالص الود
واتمنى ان أنهل من خبرتكم وترشدوني نحو الطريق الصواب

130
أخواني وأحبابي سنوبي وكوسوفي انا ممتن لكم على كلامكم الذي رفع المعنويات ...

احبابي اني اختصاصي سيكوال سيرفر 2008 وحامل لشهادات MCTو MCITP اي استاذ معتمد مثلما تفضلت في الـ Development & Administration وكذلك على شهادة MCTS في الـ BI .........  
وكذلك حامل على شهادات MCTS في الدوت نت ضمن web & windows application development اي في الـ Asp.net و Windows form
2010

وكذلك MCTs SharePoint Configuration & application development

وحاليآ MCSA سيكوال سيرفر 2012 وناوي بأذن الله بس اوصل لأميركا ابدي في الـ MCM او MCSM  في السيكوال

..............
وكذلك املك من الخبرة التي تتجاوز الـ 10 سنوات كمطور أنظمة ...
حاليآ لدي انظمة في Workflow والـ Society networks معدة كأنظمة وحلول الحكومة الألكترونية حاليآ معمول بها في العراق من قبل الحكومات  المحلية لمناطق الوسط والجنوب

أنا حاليآ اعمل ضمن فرع الشرق الاوسط لبنان وندير العمل في العراق في Microsoft Partner
بصراحة حاليآ ابحث عن فرصة عمل في أميركا قبل ان اخطي اي خطوة ... وكل الشركات الاميركية التي تخاطبني او التي اجدها على مواقع الانترنت الان تطلب ان اكون حامل لأقامة او مواطن أميركي , وحاليآ اعمل على توفير ذلك ولكن اعتقد الموضوع ليس بالسهل

مع العلم بأمكاني القدوم لأميركا وتحمل جميع التكالف لحين الحصول على اقامة ..سمعت ان هناك بأمكاني أخذ تأشيرة دخول تجارية لمن يملك شركة تجارية فأذا صح الموضوع فهذا جيد لكوني املك شركة خاصة ومصنفة كشركة حاسبات

..............
ما شاء الله اخواني (سنوبي و كوسوفي ) اجدكم متخصصين في مجال الـ IT وهذا اسعدني جدآ لربما تكون فاتحة خير لتأسيس نقطة عمل وانطلاقة في المستقبل
تحياتي لكم وشاكر تواصلكم


اتمنى ان تشاركوني بما التمستوه من خلال عملكم في اميركا في هذا الاختصاص


وما هي الطريقة للتحرك نحو هذا الجانب اتمنى ان يشاركنا بقية الاعضاء اذا كان لديكم معلومة قد تفيدنا وتختصر الكثير من الوقت والحيرة

اخوكم كلكامش الألكتروني

131
حبيبي snoopy اني حيييييل شاكر تفاعلك ... انا العفو اصلا استاذ في شركة مايكروسوفت في اختصاص تطوير الانظمة الخبيرة .... وناوي الذهاب لأمريكا من اجل البحث على المركز المناسب لما تؤهلني له خبرتي .....


اتمنى من باقي الاعضاء ان يفيدونا بخبراتهم

132
ارجوا الرد اخووووووووان والله يقدرنا على رد هذه المساعدة

133
السلام عليكم ورحمة الله وبركاته

احبابي واخواني ....
وددت ان انهل من خبراتكم التي سبقتني في التعرف على الوضع الاقتصادي في أميركا...

سؤالي حول رواتب وظيفة مبرمج ومطور أنظمة وحاصل على شهادات دولية في مجال IT من شركة مايكروسوفت وحاليآ موظف بها...
وددت ان اعرف هل لديكم معلومة على الرواتب لهذا الاختصاص في أميركا ... وهل يعتبر جيد ويوفر حياة جيدة لشخصين ؟

في بعض مواقع البحث عن وظائف في أميركا اجد ان الراتب المطروح هو 120 الف دولار سنويآ كمعدل .... اريد ان اتأكد من هذا الموضوع قبل ان اخطي اي خطوة
تحياتي لكم

134
السلام عليكم ورحمة الله وبركاته

يسعدني بل يشرفني الانضمام الى عائلة منتدى عين كاوه واتمنى ان اكون عضوآ يطاب مجلسه وتسر لمجالسته الاطياب
تقبلوا تحياتي

صفحات: [1]