عرض المشاركات

هنا يمكنك مشاهدة جميع المشاركات التى كتبها هذا العضو . لاحظ انه يمكنك فقط مشاهدة المشاركات التى كتبها فى الاقسام التى يسمح لك بدخولها فقط .


الرسائل - نبراس العراقية

صفحات: [1]
1
نعم تحسب المدة من يوم دخولك لامريكا ويحقلك تقدم على معامله الجنسية ثلاث اشهر قبل الموعد لان الاجراءات تاخذ على الاقل ست اشهر وحسب عدد المقدمين في منطقتك وشي مهم من الاختبار ان لازم تتحدث الانكليزية لان هذا شرط من شروط التقديم



تحياتي

مقيمة في امريكا وحاصله على الجنسية الامريكية

2
السلام عليكم ورحمة الله وبركاته

اني مقدمه لاخوتي اثنين ، واحد عازب والثاني متزوج وعنده اثنين اطفال ، كلهم قابلوا بنص شهر الثامن، وكل واحد منهم مر بنفس الروتين ، العازب حددوله موعد سفر يوم 1/12 وهسه هو بالطريق النا ، ان شاء الله يوصل بالخير والسلامه اليوم
سووا البصمات سويه بالمقابله الثانيه مال المحلفين ، اشو العازب طلع والمتزوج دزوا عليه مرة ثانيه وعائلته ياخذون بصمات مع العلم اني اتصلوا بيه المنضمة ووقعت اوراقهم اثنينهم ، ادز ايميلات للمنضمه ميجاوبوك ما افتهمنا خربطة بالموضوع لو شنو الاشكال

تحياتي للجميع وان شاء الله التسهيل وقضاء حجاتكم اجمعين

3
اني عندي والدي واخويه عمره 12 سنه مقيمين في هولندا ، وحاولت ان اقدملهم معامله اسحبهم يمي بامريكا بس مكتب الهجرة كلي ميحقلج تسحبيهم الى ان تستلمين الجنسية فكلت انتضر والله كريم ، وهذا موقع مكتب الهجرة وشارحيلك التفاصيل ، ومنضمة IOM كالت لازم يكونون بالعراق ، سوريا، عمان ، بيروت او مصر ياله تكدرين تقدميلهم معامله اللجوء ، فهم راح يصيرلهم خمس سنين بهولندا فكلت انتضر الى ان احصل الجنسية واقدملهم لامريكا مدام مستقرين

تحياتي

http://www.uscis.gov/portal/site/uscis/menuitem.eb1d4c2a3e5b9ac89243c6a7543f6d1a/?vgnextoid=3ea83e4d77d73210VgnVCM100000082ca60aRCRD&vgnextchannel=3ea83e4d77d73210VgnVCM100000082ca60aRCRD

4
ايامكم سعيده وكل عام وانتم بالف خير وان شاء الله تتحقق اماني كل الاخوة والاخوات بالسفر والسلامه

البارحة اتصلوا بينا المنضمة المسؤوله على قضية اخويه وسألونا كم سؤال على استقباله واستلامه يوم 1/12 ، فبلغناهم بكل التفاصيل وبالي نكدر عليه والي منكدر عليه وان شاء الله خير
ولحد الان مسمعنا اي خبر على اخويه الثاني وعائلته وقضيتهم بس ان شاء الله خير وعن قريب لان هم قابلوا بنفس اليوم واجتهم الموافقات ايضا بنفس اليوم وإلي كاتبه الله نشوفه

حبيت احيي الاخ يقضان على جهودهه بتوصيل المعلومات للاخوة والاخوات قبل السفر ، مرات واحد هلكد ممخبوص وممصدك ينسى هوايه اشياء من يسافر فيراد هاي المعلومات تصير بكتيب ويتوزع على الناس

تحياتي

5
السلام عليكم ورحمة الله وبركاته

اني صارلي سنتين بامريكا ، جنت عايشة بفلوريدا وهسه بفرجينيا ، قدمت لاخوتي على الهجره ، اخ عازب والثاني متزوج وعنده بنيه وولد اطفال ، قابلوا يوم 16/8 واجتهم رساله المراجعه بشهر التاسع ، اليوم مكتب عمان اتصلوا باخويه العازب وحددوله موعد سفر يوم 1/12 من هاي السنه بس مكلوله بيا ولايه بس كلوله احنا نتصل بيك بتفاصيل اكثر، سألهم على قضيه اخونا المتزوج كلوله علينا لود كلش هوايه ودنحاول نمشي اكبر عدد قبل يوم 15/12 لان راح تبدي العطله ، كلوله بس احتمال اخوك على شهر الواحد لان هم مقابلين بنفس اليوم بس معاملاتهم منفصله

اني جنت اتابع مواضيعكم ومن صدك فقدنا الامل نتيجه الانتضار الطويل بس الله ميخيب صبر كل واحد بس من اقرا واسمع ان كل المعاملات دتمر بنفس الوقت شويه انرفعت معنوياتنا فحبيت ارفع معنويات كل الاخوه والاخوات الي مقابلين بنفس الشهر انه الجماعه ديشتغلون وان شاء الله تسهيل الامور لكل الاخوات والاخوة العراقيين الصابرين ويقضي حوائج جميع الناس

تحياتي

صفحات: [1]