اعزائي احبائي اعضاء منتدى عين كاوه
تحية طيبة
طبعا اني قصتي تخرب ضحك ... فاني مقدم على ال iom من 2009 وكملت كل الاجراءات حتى الامنية منها بشهر 6 2010 وجنت داانتظر موعد سفر فاجاني رفض من هذا اليعجب بشهر 12 بنفس السنه وسنتين اني داانتظر نتيجة الاستئناف واخيرا حددولي موعد لاعاده مقابلة المحلف وقابلت قبل عشره ايام تحديدا وجان محلف كلش " خوش ولد " بحيث كالي بالحرف الواحد " اني جاي من امريكا علمود قضيتك " وصارلي يومين اقره بيه وراجع ويايه كل الاحداث وكل دقيقة يكلي "بس انته محجيت هيجي للمحلف الاول " وبعدين يكلب ويكلي " اني متعاطف وياك " واخر شي " يكلي انت دتحاول تراوغنه " اخر شي بعد ساعتين تقريبا كام من الكرسي وصافحني كال اليوم جان عصيب عليك واني جدا سعيد انه قابلتك بس اكو سؤال " صارلك سنتين بعد الرفض عايش بالعراق ومطلعت والوضع هسه امان " فجاوبته بكل ثقة : كتله لانه لو حاولت اطلع لو اقدم على اي منظمه ثانية جان ضيعت 3 سنوات من الانتظار " , فجاوبني وكال بالحرف الواحد " يا صديقي راح ارسلك النتيجة خلال 3 اسابيع تحديدا وان شاء الله تسافر باقرب وقت " ....
من طلعت دز عليه مره ثانية دااوقع اوراق فسالته على التاخير فكالي بالحرف الواحد " نريد ننهي ملفات العراقيين هالسنه تحديدا وارسال كل النتائج للقضايا المتاخره " وطلعت
وهاي قصتي الحزينه اريد ارائكم حول موضوعي وشكله "مابيه اي مجال يعني الرفض جايني يهلهل " ,,,, فاذا اكو من الاخوان اعضاء المنتدى صاير بيه الي صار ويايه يدخل ينور موضوعي بتعليق ....
ومثل مكالوا " مااضيق العيش لولا فسحة الامل "
اخوكم
اخر قطعه بالدرزن
اخوية اني نفس حالتك ونفس التوقيت تقريبا هية هاي السنة والوقت بالذات جان اكو هواية رفض خصوصا شهر الخامس والسادس والسابع \
بس الفرق اني بالاستئناف ورة سنتين الا كم شهر اجاني قبول وعدت فحص وكفيلي وقع اوراقي وطابك عالسرة يعني انشاء الله قضيتك ماشية
عرض المشاركات
