عرض المشاركات

هنا يمكنك مشاهدة جميع المشاركات التى كتبها هذا العضو . لاحظ انه يمكنك فقط مشاهدة المشاركات التى كتبها فى الاقسام التى يسمح لك بدخولها فقط .


الرسائل - ميسون نعيم الرومي

صفحات: [1] 2
1
المنبر الحر / اسمع .. يالكاظمي
« في: 18:08 02/07/2020  »
اسمع .. يالكاظمي
ميسون نعيم الرومي
 
شعبك هاليوم ابصفـَّـك
للطغمه اوبالك تـِـنجـَـر
شعبك سندك بيه اوتعله
الدربـَـك..شهدائه اتنور
سيف الزمن..ابخصرك
لونخيت..انت التخســر
***
وطنك مـِنـْهار انتشلـَه
شـَـعبك يحميك..اوينطر
اتشجع اســرع واتحـَـرر
 بالنص لا توگف واتبرر
-(ابناگوط الحـِب) اتقرر ؟
والموت امحاصرنه اويفتر!
***
بـَـرلمان الشـَـر .. اتحِـلـَّه
خنجر..عَ الرگـبه اوينحـَـر
-(مكافحة الأرهاب) ابصفـَّك
صلاحِـيـه انطيه او أأمر
باكـبار الخـَونـَه اوتـبـدي
ازغـَـرهم وقـِـح اتـنـَـمـَّر
***
بالجـَـمع اشـــلع واقـلع
واحـد واحـد .. تـِـتـعـَـوَّر
صعبه البدوه..اونـدري
اهجم باغتهم .. تـِكـبـَـر
-(المركزي) اومزاد العمله
للجاره المليارات ايصدر
***
-(يس او يم) اتضيع اوتدري
احـزاب اتعـَـسـها اتجـَـذَّر
ماضن شـَـعـْـبـَـك يصبـر
اسمع (يا لكاظمي) واتبصر
لو.. گمر اتصيـر..اتـنـَـوّر
لو..تاريخ اومزبلته..التِـنـّطر
-------------------------------------------
1 / تموز / 2020
ســــــــــــتوكهولم
 

2
هم .. شـــفـتـوا
ميسون نعيم الرومي
 
هم شفتوا طبيب ابمعركه
اوسيفه مكسور؟
اوهم شفتوا حكومه..
افلوس الدوه اتبوگ؟
واحزاب السياسه اتصيح..
يا فرهود
والگادر الصحي..ابلا حمايه
او للموت منذور؟
اوهم شفتوا مريض..
يتقاسم بالهوه جاره..
او هوَّه مخنوگ؟
وقنينة اوكسجين ايتيمه
بينات المگاريد..تتمشه ..
 واتدور
اوهم بعد شفتوا فد يوم .. مشفى
ابردهاته تفتر بزازين ؟
واتواليت طافح..اوبابه..
ابخرگه مستور!
او بعد .. هم شفتوا ..
مشفى لا كهربه اولا ماي
والرايح يكون اسهل من الجاي؟
او على الشمعه يشتغل جراح..
والبطن جدامه مفتوح؟
والأمل لساع ما لاح
نرجع ليوره .. والزمن بينه
ايدور
او بعد او بعد .. هم شفتوا
أطفال امسرطنه ..
تتدغمث اعله الگاع..
تترجه رحمه
واطفال امن الزبل ..
تنتظر لحمه؟
وافلوس الشعب ..
مبيوگه بسم الدين..
اعمامات امسطره واتصيح آمين
تلغف بالخمس..
والناس تشبع جور
او سلطه تنبطح للجار اومنه
تاخذ الشور؟
اومجلس نواب الشعب..
كل شغله ضد الشعب
وافلوس الوطن ينهب نهب
والآف اموظفه بالإسم وهميه ..
والهه النفط !كل النفط عيديه
والآف امألفه الراتب الهه اربعه
والسارق دگلي اشيشبعه؟
وريس عصابه اموزره
يوعد شغلته .. صدقه
والأعله منه بس اسم
عنده عـَـلـَم غير العـَـلـَم!!
اومجلس قضاء اومدعي..
شغلاته صارت سمسره
يا شعب والله (طرطره)-
مشبعت من هذا الجور؟
عيشة فگر وابلا نور؟؟
عيشه امصخمه .. بيهه اتدور
بيهه اندور!!
-------------------------------------
25/حزيران/2020
ســــــــــــــــــتوكهولم


3
المنبر الحر / يا احمد يراضي
« في: 18:26 24/06/2020  »
يا احمد يراضي
ميسون نعيم الرومي

صبح مفجوع الشعب
-(يا احمد يراضي)-
حسافه اتموت ..
وانت العزيز الغالي
يا فرحه للشعب
والفرح عدنه اشحيح
فز جرح الگلب ..
مهضوم واينادي
ياعزَّه اوهيبة الملعب
يبو رجل الأبد ماخذلت النادي
اسمك عله بالكون وي النجوم
يشهد إلك تاريخ يا فخر لبلادي
مستعجل خذاك الموت يا مهيوب
حرگ گلب الشعب
اوگبلك (علي هادي)-
انهجم بيته الموت يالغالين
يتنگه اويشيل الزين والطيبين !
او وجهه يديره غاد..للسارق الباغي
اسباب امعدده والموت لاحگنه
عمت عينه القدر
النه دوم وايعادي
يا ويلي الشعب يا مظلوم..
يالكلك حزن واهموم
فرحاتك گصيره اودومك اتعاني
لوتدري كورونا ..
اشصار واللي جره بينه
چا بدلت دربهه او نقذت ابلادي
صبح مفجوع الشعب
يا احمد يراضي
خذاك الموت
اوگبلك علي هادي
لا .. يا احمد يراضي
لا .. يا احمد يراضي
---------------------------------------------------------------------------
ولد أحمد راضي هميش الصالحي في 21 أبريل 1964، وبرزت مواهبه في سن مبكر مع نادي الزوراء العراقي الذي شهد تألقه، بعدها تألق أحمد راضي في كأس فلسطين للشباب التي كانت بداية شهرته العربية والتي أُقيمت في المغرب عام 1983، وبعدها لعب مع المنتخب الوطني وواصل تألقه مع المنتخب الأول حتى كان له دور بوصول العراق لنهائيات كأس العالم 1986، وهو صاحب الهدف العراقي الوحيد في كأس العالم 1986 على منتخب بلجيكا، كما حقق بطولة كأس الخليج خاصةً عام 1988 مع المنتخب العراقي حيث حصل على لقب هداف البطولة كما أُختير في هذا العام كأفضل لاعب في آسيا. وقد اختاره اتحاد التاريخ والإحصاء ضمن أفضل عشرة لاعبين في تاريخ آسيا في القرن العشرين.(ويكيبيديا)-
--------------------------------------------------------------------------------------------
23/حزيران/2020
ســــــــــــــــــتوكهولم



4
وداعـاً
*الدكتورالمهندس حمدي التكمچي


ميسون نعيم الرومي

 
يا زيـن الزلم
يابو الهـَلاويـَـن
يا إيـد الكـَـرَم
يالنـَـسـِـل للطيبين
تـطعم بالفقير
اوتچـسي بالعريان
او بيتك للصديق..
امشـرع البيبان
***
نخله امن العراق
اونفتخر كلنه بيك
صارعـْت الظلم..
وابـَـد ما نـَخـْيت
اصحابك ضوه
واوياهم اتعليت
رمز اوللنضال
اوعزه للأوطان
***
يا راعي الأدب
والشعر وي الفن
بيتك ملتقى ..
الكل عالم اوفنان
مو ميت (يحمدي)
 ما ميت يبو العباس
واعمالك فـَخـَر
تيجان فوگ الراس
***
اولادك زلم ..
والنعم يالربيت
خوان الإخت..
واحفادك الحلوين
الف رحمه ..
يا نجم وي النجوم
تاريخك شهد..
يابو الهلاوين
-------------------------
صوت العراق | أفول نجم آخر من ذلك الجيل .. الدكتور حمدي شكر عباس التكمجي في ذمة الخلود

   صوت العراق | أفول نجم آخر من ذلك الجيل .. الدكتور حمدي شكر عباس التكمجي ...





------------------------------------------------
رحيلك خسارة كبيرة لنا جميعا محبيك واصدقائك
لروحك السلام والسكينة وللصديقة باسمة البحراني (ام عباس)
والعائلة الكريمة جميعا  ومحبيك التعازي القلبية
-------------------------
21/حزيران/2020
ســـــــتوكهولم
 
 
 


5
بهداي يالتمشي دلع
ميسون نعيم الرومي
 
يتناثر القداح يالتمشي دلـِع
يابو معاضد ذهب
 تتغاوه بالخزامه
 
يالورده تتناثر شذر
تطلب إذن .. حيرانه
 
امعسل .. اشفافك رطب
تگطر عسل ولهانه
 
دارت الشيله اعله الوجه
چنهه البدر بسمانه
 
يتباهه بالحـِنـَّـه زلف
يچوي چوي بالوانه
 
الدگـَّه تضوي ع الحنچ
اتخاف الحسد .. حيرانه
 
والشامه عَ المرمر تشع
جمره اوضوت نيرانه
 
حسنك يريحان الورد
ليش ازعلت ويانه؟
 
متغاوي يالكلك دلع
سابي سبي جيرانه
 
جرح الگلب يدي يضل
هذا العشگ .. عنوانه
 
                                            بهداي يالتمشي دلع
                                             يابو معاضد ذهب
ورده اشبگت خزامه
----------------------------
13 / حزيران /2020
ســـــــــــــــــــتوكهولم


6
المنبر الحر / اليوم ذكرى حزينه
« في: 18:31 10/06/2020  »
مع تمنياتي بالصحة والسلامة


اليوم ذكرى حزينه
ميسون نعيم الرومي
 
ذكرى تمر اليوم .. ذكرى حزينـه
باعوا الموصل ليش .. كلنه انولينه
***
-(يالموصل) الحدباء .. تـنـزف بعدهه
يمته يصير احسـاب .. واتـرد مـَجدهه
***
الباعچ منتشي .. اوبالخضراء هالگاعد
واهلچ بالخيام اتلوع .. وينه اليساعد
***
يا موصل ام الخير .. هتكوا بناتچ
اليحكمنه ذوله اشرار.. لكوا عباتچ
***
اولادچ بالسجون اتلوع ! خلصوا عمرهم
لا محكمه اتشـكلت ليش ؟ تنظر بمرهم
***
ضليتي بـس انقـاض .. كلچ خرايـب
باگـو اثـار البيچ .. زرعـوا مصايب
***
يمته الخلاص اشلون ! انغصبت مصاير
عشعشت غربه البيك .. انهتكت حرايـر
***
بالغربه وآنـه اهـنا .. اســمع ونـينچ
بغداد العزيزه اتلوع .. ياهو اليعينچ
***
صرنه عبيد اوليش ؟ تحكمنه احزاب
دمنه جره نهران .. چا وينه لحساب ؟
***
نخلوا نـَـخـِل بغداد .. حكومة ثعابين
خيرچ صفه للجار .. وانتي تعانين
***
جيل الشباب اليوم .. بيكم أملنه
يرجع مجد بغداد .. عزه الوطنه
--------------------------------------------
10 / حزيران / 2020
ســـــــــــــــــتوكهولم


7

 
كلما يهل الگمر

ميسون نعيم الرومي
 
كلما يهل الگمر
اتمعنن ابنوره او احن
نجمات چن زفة عرس
والليل كحله للرمش
السمه شذرات اوضوت
عالرگبه گردانه
النخل يتمايل غنج
غنوة فرح بسمانه
والنسمه وي طرت الفجر
غنت فرح نهرانه
يادجله يالمايك عذب
حلم اوأمل عنوانه
***
الموج عالي يابحر
والروج يتهاده اويرد
نوبه ابفرح نوبه ابغضب
الريح تلعب لعب
ما تنحزرلا تنعرف
مركبنه ضاعت وجهته
قبطانه تاهت عرفته
متعوب يا ليل السفر
والعمر راح اتعده
الصبر گاعه مولحت
ماضن يخضر ورده
أحاه يا ديرة هلي
خيرچ الغيرچ عده
***
حرگوا الحنطه والشلب
فلاح دمعه ابچفه
عامل يحومي ع البعد
تحفر العبره ابخده
چم دوب نبچي اوننتحب
والحسره تچوي بالگلب
يا لليل عـَـشعـَـش بالبلد
ناشر عباته اوحزنه
واشعلنه شمعه للشمس
يوم او تمر تذكرنه
اتعبنه يادنيه بعد
من محنه نغزل محنه
***
الوطن باگوه الوطن
لتگول يمته اوتحن
اسكت اومامش رجه
مات الحلم بسك تون
كافي يروحي بعد
طالت اسنين البعد
والعين تربي اوترد
تترجه يوم امن الصبخ..
يزهر او ينبت ورده
سيس بلمنه ابلا هدف
والدهر يلعب بينه
لاچنه رحنه اوجينه
لاچنه رحنه اوجينه
-----------------------------------
2 / حزيران / 2020
ســـــــــــــتوكهولم


8
المنبر الحر / افتي .. يالقضاء
« في: 18:13 29/05/2020  »

الصحة والسلامة لكم والى عوائلكم ومحبيكم


افتي .. يالقضاء
ميسون نعيم الرومي
 
حنطه اتفرهدت والبايگ (احميمات)-
افـتي يالقضاء اوبـَـرر البوگات
بيك اويحتمي كل سارق اومحتال
يطلع تبريه وامحلله السرقات
***
يغلق بالدعاوى وايبري بالسراق
يتآمر ع الوطن او ينفي بالتهمات
ايغطي ع الفساد الحجه (عمر اچبير)-
-(وازغير العمر) ينظرله بالرأفات
***
الآف الشباب امغيبه مدري وين
أطفال اتيتمت واترَمـّـلـَـت زوجات
ما دامت أبد واليشــهد التاريخ
عدوان الشعب عَ الوطن عالآت
***
سلطه من ورق تحتال ع القانون
واحزاب الدجل تتقاسم النفطات
ضايع يا وطن واشلون چا نلگاك
مرجوحه صرت واتمرجح الجارات
***
منريد الچذب والچذب حبله اگصير
چنك منتشي عَ الكرسي والشارات
ما شفنه عمل بـس الحچي والگول
ابـدي بالعقاب او عـلي بالرايات
***
ما ينفع ندم تـنداس بالرجلين
 اصحه واتعظ لا تنفش الريشات
حنطه اتفرهدت والبايگ (احميمات)-
افـتي (يالقضاء) اوبـَـرر البوگات
-------------------------------------------
29 / آيار / 2020
ســــــــــــــــــــتوكهولم


9
وينه الشريف اليستحي
ميسون نعيم الرومي
 
اتعـَـلم حچي يالصحفي
امكسـّـر اشماله العربي
لابس الخاكي اومنتشـي
وينه الشريف اليستحي؟
بويه اوصبغ ياهو اليجي
سـبيتوا شـعبنه سـَـبي
ويـنـَه يـناس اليسـتحي؟
***
سـَـ اوسوف..نؤكد اوننصح..
ممجوجـَه واتـْلعب النفس
كـل يـوم چـَـنـَّه مثل امس
وجوه امعدده..النفس الفـِلس
شـويـّه انعدل (يالكاظمي)-
شـعبك تعب من الحچي
ويـنـَه يـناس اليسـتحي؟
***
ما شـِفـْـنه منك لا عمل
باغت..او اضرب..لوبطل
يـنـْـزف شـعبنه ابلا أمل
بـَـزّ البطن ما يـنحمل
عَ الشعب راهن وانتچي
قانـون طـَـبـّـق واحتمي
ويـنـَه يـناس اليسـتحي؟
***
هذا (العراق) المنكوب
مـِنـَّـك يـريـد المطلوب
لوعدل تمشي..اومحبوب!
لو للدجل ..خو منسـوب
ميزان يوزن ..مو حچي!
شعبك تعب بس يرتجي
ويـنـَه يـناس اليسـتحي؟
***
تلزم عصايه امن النص؟
تـِـنـفع السـارق واللص
نفس القصص!كافي اتقص
ما تـِنـْـبـِـلع .. بيها اتغص
لا تـعـتـِقـد شـي مختفي
-(ابدم الشباب) اوتـنچوي
ويـنـَه يـناس اليســـتحي؟
-------------------------------
20/ مايس/2020
ســـــــــــــــــــتوكهولم


10
المنبر الحر / رامز مجنون رسمي
« في: 16:16 18/05/2020  »
رامز مجنون رسمي
ميسون نعيم الرومي
 
برنامج تلفزيوني رمضاني يستدرج فيه مقدم البرنامج (رامز جلال) مشاهير المجتمع الفني والإعلامي والرياضي ، ليستضيفهم في برنامجه السنوي (وذلك لقاء مبالغ سخية كما يقال ، تدفع الى الضيف ، ولم يتم الإعلان عنها رسميا من قبل إدارة البرنامج ).
الذي يقع عليه الاختيار يتعرض الى مفاجآت غير متوقعة ، تحمل الفزع ، الخوف والاثارة الخ ، اما  ردات الفعل السريعة للمستضاف فكل حسب وضعه النفسي وما إعتاده في حياته اليومية تجاه المواقف الحرجة وكيفية الدفاع عن نفسه :- كالعنف .. البكاء .. التوسل .. الذهول .. الغضب .. التحدي او التهديد وغيرها ..
اختار رامز جلال لهذا العام (كرسي الاعتراف) لبرنامجه هذا ، ليجلس فيه الضيف مكتف الأيدي والأرجل لا حول له ولا قوة سوى تقبل ما يتعرض له مما اعد له في هذا البرنامج الصادم .
 
اعتقد وحسب تصوري ، ان ما يتعرض له الضيف في هذه السنة ، من تعذيب نفسي واهانة مدفوعة الثمن ، وان كان متفق عليها مقدما بشكل من الأشكال ، يعتبرجريمة يعاقب عليها القانون .. ان قدم المستضاف دعوى قضائية الى المحاكم المختصة .. ولن يقدم ...
وارى ان هذا البرنامج يؤثر بشكل سلبي على نفسية واخلاق الأطفال والمراهقين ، يحثهم على العنف ويدفعهم الى الجريمة . يحضى هذا البرنامج بنسبة مشاهدة عالية لأسباب كثيرة لسنا في صددها الآن .
 
وانا اتابع احدى حلقات البرنامج شرد ذهني الى فلم امريكي شاهدته قبل سنوات عديدة يحكي قصة
مثيرة :-
اعلان عن وظائف في المخابرا ت ، مشروطة باجتياز اختبار معين لطالب الوظيفة :-
 
المشهد:- شخص موثق على كرسي في وسط غرفة خالية تماما ، والى جانبه يقف شخص آخر يستلم أوامر بنوع التعذيب للشخص الجالس على الكرسي ، من خلال جهاز مثبت على اذنيه ، لمعرفة مدى وقدرة احتمال ذلك الشخص ، ليجتاز الاختبار المعد ، وان كان صالحا لهذه الوظيفة التي ليست كما الوظائف الأخرى.
 يبدأ المعذب بأساليب تعذيب بسيطة ، ويتدرج بالعنف كما يأمر به ، والضحية يحاول ويناضل لاجتياز الاختبار، وهو يتلوى الما ، الى ان يصل الى ردود فعل مختلفة .. استعطاف ، توسل .. بكاء .. صراخ وما الى ذلك من المشاهد التي توجع القلب وتكتم الأنفاس.
 
المفاجأة في نهاية الفلم:- ان الاختبار كان للشخص الذي مارس تعذيب ضحيته ، وقياس امكاناته النفسية والعاطفية ، ومقدرته على تقبل تعذيب الآخرين.
 
في رأيي المتواضع ان من يستمر بهذه الأساليب الآإنسانية هو مريض يحتاج الى العلاج ليشفى من امراضه النفسية الكامنة في ذاته المتعبة المصابة بعقدة نفسية او اكثر تقوده الى تصرفات شاذة لاشعورية  تؤدي الى الاختلال في التوازن كما :-
عقدة الشعور بالنقص اوالدونية يلجأ مريض هذه العقدة الى طرق ملتوية لإفراغ مشاعره المريضة المكبوتة ومحاولة الشخص المصاب بهذه العقدة التغلب عليها بطرق مختلفة للاثبات لنفسه عكس ما هو عليه، ليرضي النزعة الكامنة داخله بطرق كثيرة ومتعددة ، ان اتيح له ذلك ،  فتراه فرحا مسرورا يزهو وينفخ ريشه كالطاووس المنتصر، ان سنحت له الفرصة لإحراج وإذلال الآخر، ليزداد ايمانا بقدراته وذلك بإجبار ضحيته على التوسل والبكاء ليشعر بقيمته الزائفة
 
والمرض الآخر السادية وهو الشعور بالمتعة واللذة بتعذيب الاخرين وتتدرج من طرق طفيفة وحتى تصل أحيانا إلى القتل ، وذلك حسب شدة الأصابة المرضية.
مريض العقد النفسية يختار المهنة او الهواية التي تلائم وتتناغم مع ميوله المنحرفة.
 
نعود الى رامز جلال انصحه ان يعرض نفسه على طبيب نفساني ليشفيه من عقدته المتحكمة فيه والتي نراها تتطور وتزداد وحشية ولا إنسانية من سنة الى أخرى والدليل برنامجه السنوي الذي يزداد عنفا على مر السنين كما ضحكته العرضة وتعليقاته العدوانية ، ونشوته الظاهرة.
 
اني اشفق عليك يا رامز جلال فلا تهرب وتتوارى خلف عنوانك ( رامز مجنون رسمي)-
--------------------------------------------------------------------------------------
18/مايس/2020
ســـــــــــــتوكهولم
 


11
المنبر الحر / غـَـربـل يالكاظمي
« في: 21:52 14/05/2020  »
الصحة والسلامة لكم والى عوائلكم

غـَـربـل يالكاظمي
ميسون نعيم الرومي
 
غربل يالكاظمي غربل اوراويـنه
همتك من صدگ لو تچذب اعلينه؟
غـربـل يالكاظمي وابـدي بالكبار
تعبنه الحچي واحزاب هاي العار
غـَـربـل يالكاظمي يالچـنـت منهم
تعرف كل زغير اچبير من عدهم
***
دستور عدنه..اوهم عدنه قانون
لنريد المكرمه اومن انريد الفنون
اشبعنه (هوبزه) واشبعنه إعلام
وابدم الشباب اليوم متحنيه حكام
البدوه (بالقضاء) او ينصلح زيـن
هجموه الوطن هالصار(عقدين)-
***
والبرلمان المتهم بالزور والبهتان
ينحـَـل ابعجل واتـفـَـرّح الشــبان
تحيي بالأرض واتـشـَجـّع الفلاح
لا تنسه الصناعه وايصير اصلاح
اتباوع للشعب شعـب الحضارات
يمشي عَ النـفـط وايعيش ويـلات
***
شوف العراق اليوم هالصار منخور
مهمل منتهي يشتكي امن الجور
هجموهـَه هـَجـِـم منكوبـَه (بـغـداد)-
ذل اومهانه اومرض والعيشه بالكاد
غربل يالكاظمي والشعب سور ايصير
يحميك الشعـب .. والرايـد التغيير
غربل يالكاظمي غربل اوراوينه
همتك من صدگ لو تضحك اعلينه؟؟
--------------------------------------------------
مهداة الى رئيس الوزراء مصطفى الكاظمي
14/مايس/2020
ســـــــــــــــــتوكهولم

12
*اكلاوات يابنگ المركزي
ميسون نعيم الرومي
انعالات نوبه اونشتري
وانوبه هاليـوم النـَـبگ
والثوم ما نـِـنـْـسـَـه أبد
والعسل أكلي او(مطگي)-
مليارات الآف اوتنسرق
كيفي.. يـالنايـبـَه..أوهـَـلهي
اكلاوات يابنگ المركزي
***
كوشـَت ايران اعله العراق
ماضل صناعه اولا حصاد
فـَـضلات مـنهم نـشــتـري
ذبـْحـَـوا ولدنـَه هالرعـاع
اعمامه اوافندي هالضباع
قضاء اونزاهه اومـُـدَّعي
موبوء يا بنگ المركزي
 ***
عـدنـَه مـَـزارع بالدول
سريلانكا اوفيتنام..اوبعد
-(تمن) (اوچاي) او لبلبي
عمت عين الحكيم اومالكي
اجـيـوب الأبـَـد ما تنملي
شـَـعـَبـْـنـَه بـيـهـم مـبـتـلي
تـبـيع بـيـنـَه اوتـشـتـري!
ليوين يا بنگ المركزي؟
***
تريليونات الهه امعدده
والنفط نصه اتصدره
كردستان..ادخيلچ صدقه
شـَـعـبچ مـِثـلنـَه مبـتـلي
بالبطن كافي اتچفصي
لستقلال اخذي وارحلي
-(فـَرْگـَس) گـَلبـْـنـَه والنبي
مبروك يا بنگ المركزي
سـِـتـْر اوغـِـطه للسرسري
اكلاوات يابنگ المركزي
موبـوء يا بنگ المركزي
-------------------------------------
* https://www.youtube.com/watch?v=xJuazCNUj98
 
-(فـَرْگـَس) هناك مثل في جنوب العراق سمعته كثيرا وهو :-
*فلان او هذا العمل (ايفرگس الگلب)
والفرگاس هو الكيس المائي الذي يحدث
عند احتراق الجلد بالنار او بالماء الساخن.
--------------------------------------------------------------------
ســــــــــتوكهولم
 3/ آيار/2020



13
ابيات من الدارمي
ميسون نعيم الرومي
 
هدوا على التحرير كتلوا ولدنه
يا شعب  تسكت ليش والبلوه جتنه
***
ميـّه جرح بالروح .. يوميه بلوه
بس العراقي ليش .. دمعاته سلوه
***
گلبي خلص ونات .. ونه اعله ونـَّه
يمته الفرج نرتاح .. محنه اويه محنه
***
شـَـمْعـَوا الخـيط اليوم ..گاموا يشــردون
گـَشـَّـوا افلوس الناس..والوطن مديـون
***
-(أوغاد) الطغوا يا ناس .. حكموا وطنه
سـِـقط المتاع اشـلون .. ياشعب مـِحنـَه
***
عيشة رعب واحروب .. شفة العجايب
وانوبه هالسراق .. عـِملوا مصايـب
***
ضيم اوحرب ،امراض هالكثر همهم
ما شفنه راحه ابيوم .. جرعونه سمهم
***
لاغمضْ جفن العين .. لا هادت الروح
من الزغر لليوم بس .. نبچي وانـوح
***
يادنيه بسچ عاد .. ضاگت علينه
شوية نفاهه ارجاچ .. بلوه ابتلينه؟
***
مية جرح بالروح هالتصرخ اتصيح
واكليبي صار ارماد .. وابعاصف الريح
***
ضيم اوحزن واهموم .. چا بس علينه؟
مدري الزمن غدار ! مدري امن ادينه
***
متوجره نارچ ليش .. واحنه حطبهه
يادنيه كافي اوبس .. شنهي سـببهه
***
عزله اوتـَـرَقـْب، خوف .. روحي حزينه
-(كورونه) عَ الأبـواب .. تـتسـَـله بـيـنـَه
----------------------------------------------
21 / نيسان / 2020
ســــــــــــتوكهولم
 



14
المنبر الحر / محنة كورونا
« في: 10:40 11/04/2020  »
محنة كورونا
ميسون نعيم الرومي
ايام صعبة قاسية يملأها الحزن يؤطرها الخوف والترقب ، غزت العالم ، والجميع  بلا  حول ولا  قوة ، اعزاء يغادرون على عجل ، يتوسدون الارض بهدوء دون وداع ، دموع حائرة وحيدة ونحيب مكتوم في شقق ضيقة كئيبة صامتة.
 
احباب في مستشفيات فقيرة بائسة ، يخشون ان تسحب اجهزة الاوكسجين القليلة منهم لتنقذ الاصغرعمرا ، اهي لعنة القدرام ظلم الانظمة الفاشلة والسياسيين الذين اعماهم سباق التسلح وغزوو الفضاء ، متجاوزين الانسانية ، ناسين اوطانهم وشعوبهم.
 
رحلت العزيزة (سهام الشيخ يحيى) بسرعة تاركة خالي (مهدي العايش) رفيق عمرها
 ملتاع حائر منكوب ، وتنتظر ان توارى الثرى ، في مثواها الاخيرالذي سوف يكون
هادئا كهدوء رحيلها المفاجئ .
تركتِ يا أم وفاء غصة في روحي ، وجرح في قلبي الحزين ، واخذتِ معك فيض دموعي موشحة بذكرياتنا الكثيرة.
 
حبيبتي اختي (ابتسام) تصارع  الفايروس وحيدة مع جهاز الأوكسجين في غرفة مغلقة في مستشفى اباح ان يسحب اجهزة التنفس من الأكبر الى الأصغرعمرا عند الضرورة ،
 وكل ما نعرفه تقرير يومي عن حالتها...
 
ابتسام لؤلؤة العقد عيني اليمنى كوني قوية كما عهدناك ، صارعتِ اعتى الطغاة وانتِ صبية ، تميزتِ على اقرانك في فرع دراستكِ وانت شابة يافعة ، الجميع يشهد لك بنسبة النجاح الكبيرة لطلابك الممتنين دائما في امتحانات السادس الأعدادي العامة في اللغة العربية.
  ابدعتِ في نقل صورة ظلم وجبروت الطغاة وممارساتهم الوحشية ومعاناة الشبيبة في قصر النهاية المشؤوم وملعب الادارة المحلية في كتاب (طوارق الظلام) الذي اعتمد كمصدر تاريخي لما حدث ، وانتِ مغتربة في السويد.
نعم ستنتصرين ايضا في النجاة وسوف تدونين معركتكِ مع كوفيد 19 ليكون شاهدا للأجيال القادمة
اصدقاؤك ومحبيك يسألون عنكِ غاليتي وينتظرونك ، وانت الطيبة الجميلة المسامحة الكريمة التي لم تخذل يوما أحدا.
 
 عودي سريعا حبيبتي فنحن ننتظر
----------------------------------------------
11/نيسان/2020
ســـــــــــــــتوكهولم


15
تمنياتي بالصحة والسلامة من هذا الوباء اللعين



سنة العشرين ادخيلچ
ميسون نعيم الرومي
 نـِتـنـقـَـل من بـَـلوه البلـوه
قـَـتـل اوخطف اودَمْـرونـَـه
 احـزاب العار ابخِسَّه وِلونَه
جَراد،اتراب،اسيول،اوغزونه
 ثلج امطار..انـوبه (كرونه)-
لا مشــفى اولا إدْوايـات
 منسـيـّه ابعَمْدَه الخدمات
نِـهـْبـَـوا آلوف المليارات
 والشـعـب ايـدوّر بالات
**
سرطان اوجلطات الحاله
 وانـوبه (كورونه) اچماله
الكـُـتـَـل اجيوش امجيشـه
 تتكاتل واسلاح (امحشيه)-
والدوله التحكمهه الجاره
 كـل يـوم امبدله وزاره
والدين (الينگز) بالنـص
 مجرم بـِسْمَه..ايفرهد لص
**
امن الشعـب اتعوق الآف
 (يمريكا) وينه الانصاف؟
ياشعبي المَـنكوب..ابخيره
 مـوت اوجـوع..ضيم اوحـيـره
-(الموصل) (سَدْهـَه) اينازع
 لو(طگ) ! يهفي الديـره
لبيوت الصارت مَسْـبـَح
 ابـّـ بيتك اسبح وافـرح
**
الحـل بيدك يا (برهم)
مجلس تغلق وانت الأرهم
-(حكومة انقاذ) اتـشـَـكل
ساكت ليش؟ اوتِـتـْخَـتـَّـل
-(امريكه) انتِ المسؤوله
 جبتيهم واهجمتي الدوله
سنة العشرين ادخيلچ كافي
 ضل شـي النه اوخافي؟
----------------------------------
4/نيسان/2020
ســـــــــــــــتوكهولم


16
المنبر الحر / چـَـقــَّـه شــبر
« في: 17:00 28/03/2020  »
چـَـقــَّـه شــبر
ميسون نعيم الرومي
 
چـَـقـَّـه شـبـر لعبوا لِعـِب
ماينوصف نـِهـْـبـَوا نَهـِب
-(صار الشعب) (صگله اوچعب) *
نـَـفط الوطن كلـَّه انـشـرب
سـلطـَة چـذب سـِلطة نـَصب
كلشي انتهى كلشي خـرب
صرنـَه تحـِت خـَط الفـقـر
لعـبـَـوا لعب (چـَـقـَّه شـبـر)*
***
لحزاب السياسه..الخزنه صفـَـت
حصه إله اوحصه إله واتقسمت
جتنه (كورونا) امحزمه واتونست
لا مشفه عدنه اولا دوه واتمددت
-(كلمن خِـتـَـل) والساسه كلهه غلست*
-(علاوي) ينخه،اولا فلس ما حصلت
ماكـو شـريـف اولا نـَـفـَـر
لعـبـَـوا لعب (چـَـقـَّه شـبـر)*
***
لعـبـَـوا لعب (بلبل حاح)-
*ماي الوجـه كلـَّه طاح
لاذمه لا شرف..كلشي راح
النه المرض الهم فـَـرح
-( كورونا) الهم چن نسـت
من حسرتي گلبي انجرح
ليـون يا دنـيه اوننتظر؟
لعـبـَـوا لعب (چـَـقـَّه شـبـر)-
-------------------------------------
*صگله اوچعب ،چـَـقـَّه شـبـر، بلبل حاح:-
من العاب الصبية ايام زمان
----------------------------------
خِـتـَـل:- توارا عن الأنظار
غلست:- كأن الأمر لا يعنيها
---------------------------------
علاوي:- وزير الصحة العرقي محمد توفيق علاوي
طلب مبلغ لمواجهة وباء كورونا رفضت وزارة المالية
--------------------------------------------------------------------------------
28/آذار/2020
ســـــــــــــتوكهولم



17
اهديها الى المرأة العراقية بمناسبة عيد الأم
ثـنوه ابنياتچ ثـنوه
ميسون نعيم الرومي
*(ثنوه) ابنياتچچ يا (ثنوه)-
ورد امفتح بيضه اوسمره
قـِدْوات اوبـيهـن نـِفـْخـَـر
-(مـَلـْكوك) السماهن عـَوْرَه
صوتچ عالي هـَـزّ الكون
-(اعراقيه) وانتِ الثوره
***
ليلو اويلمع،محله اعيون
اغزيله امضمـْرَه يالحلوه
نجمه اوتلمع يا محلاچ
بخدودچ شعـَّـت گـَمـْره
-(ثنوه) ابنياتچ يا (ثنوه)-
گلبچ يا (ثنوه) اشـكبره؟
***
امأصله الحلوه اتهزالگاع
إخـت الإخـوه يالنـمـْرَه
سـومر اهلچ وي آشور
تاريخ اليشهـَـد يالحرَّه
رادوا غصباً وايـذلوچ
درس انطيتيهم عـِـبـْرَه
***
ما تـتراجع بنت اأصول
سلطه اوتظلم بـَـرَّه بـَـرَّه
فالتحا ثـِـورة تشــريـن
ثـوره شـَـعبيه اوفـِـكـْره
-(ثنوه) ابنياتچ يا (ثنوه)-
بـيـچ الثـوره مـنـْـتصرَه
---------------------------------
*(ثنوه)اسم والدة ايقونة تورة تشرين الشهيد صفاء السراي
الذي كان يحب ان ينادوه (ابن ثنوه)
لهما المجد والخلود
--------------------------------------------
21/آذار/2020
ســــــــــــــتوكهولم


18


دارميات .. كورونا


ميسون نعيم الرومي
 
هم عندك ولد يفلان .. ناراوصچم ضربوهم؟
اودمهم جره نهران .. بالنجف دفنوهم؟
***
كورونا الله اعليـچ نـِـتــّـرَجـَه منچ
نهديـلچ (الخضراء) والبيهـَه ملگچ
***
 ( ايران ) كفي الاذى .. بلوه اجتنه اجديده
لمـّي (اذنابچ) وارحلي ..(كورونا) منريده
***
جمعوا أدوية (بغداد) ..للصين ودوهه
مرضى العراق اتلوب..ياهوْ اليداويهه؟
***
-(كورونا) جاي انخيچ .. سويهه جوده
زوريهه للخضراء .. وابليله ســـوده
***
ريتچ حريجه ابنار..(خضراء) الجريمه
كـلمن يـجي يـوليـچ .. والله حـريـمـَه
***
نوبه صچم،طلقات،تسميم..خطف اوغزونا
والنـوبـَه مـن (ايران) .. جابـوا (كورونا)-
***
بـرد اومطر طلقات .. ثـلج اومصايـب
-(كورونا) عَ الأبواب .. سـَـنـْة العجايب
***
أرد اسأل (الخضراء)..اشلميتي عندچ ؟
كلمن حرامي اوعار..گاعد ابســدّچ !!
***
ريت (الكورونا) كون ..لاذنك تجرهه
تاخذ ابحيف اگلوب .. غدرك حرگهه
***
شوف الحدود اليوم .. (خري) او(مري)-
المن نشتكي يا ناس .. (كورونا) تدري
***
كورونا جتنه اليوم .. وامكيفه لحزاب
ويـن الله والعـباس .. تغديهم اتـراب
***
يمته الفرج نرتاح؟ وانزيح الاشرار
يصحه وطنه ايطيب..واتشع الانوار
***
حيا الله الشــبيبه اليوم .. حياكم اســباع
تاج النه فوگ الراس..للوطن أقـْوَه اذراع

 


19
المنبر الحر / *شعب ايقوده شهيد
« في: 20:41 01/03/2020  »
تحية الى من يساند ثورة الشبيبة
العراقية المجيدة
*شعب ايقوده شهيد
ميسون نعيم الرومي
 
-(شعب قافل ع القضية) – يطرد الفاشي الجديد
يا عـراقي اويا مجـيـد – (شـعب ايقوده شهيد)-
ابدمهه ضحـَّـت هالشباب – رايه شـَـدَّت بالوريد
مـِـيـْتْ يوم الشعب صامد – ايعيش يرفض كالعبيد
بسمك اوصاحوا عـراق – شاب،شايب،وي وليد
لا تــَحـَـزّب لا تـَكـَـتـل – مانـريـد اولا نـريـد
كلنه واحد تحت رايه – راية الشـعب العتـيـد
الموت ايخافك يا عراق – صامد انت كالحديد
انريد حقنه انـْـزَلنـْه كلنه – عامل اوفلاح،طالب شديد
شعب قرر سلطه تسقط – والشعب رأيه سديد
چنـَّه أول صرنه تالي – احـْكـَمـْـنـَه سافل والبليد
باگوا افلوس العراق – والشعب اصبح شـريد
درَّة الشرق العظيمه – حاضرة (بغداد) الرشيد
ما نخاف اولا نهاب – نبني مسـتقبـَـل سـعـيـد
*(كـِتـْلوا عشره كـِـتـْلوا ميـَّه) – عن عزمنه ما نحيد
النصر إلنه قريـب – والنصر حتمـا أكـيــد
*(شعب قافل ع القضية)- (شـعب ايقوده شهيد)-
------------------------------------------------------
*شعب ايقوده شهيد:- من أهازيج المتظاهرين في الساحات
*شعب قافل ع القضية:- من أهازيج المتظاهرين في الساحات
*كـِتـْلوا عشره كـِـتـْلوا ميـَّه:- من أهازيج المتظاهرين في الساحات
-------------------------------------------------------------------------
1/آذار/2020
ســـــــــــــــــتوكهولم


20
بطـِّـل يـفـْلان
 
ميسون نعيم الرومي
 
من أزغركم لكبركم اذناب
اعمامه اوجـبـَّه اوقمصان
مليارات الوطن اتبوگون
تـتهـَـرَّب كـلهه (الايران)-
حـفاي اوجـيتوا امفاليـس
اتملينتوا اسرقتوا الأطيان
خـَربتوا الوطن الچان ايهلهل
فـَـلـَّشـتوا حتى الحيطان
***
يالصايـر شـرطي الايـران
تـذبـَح تـضرب بالشــبان
تـِـتـْـفـَـنـَّـن تكتل تخطف
طلقات اوصچم اودخان
تفرض ع الشعب اتريد
-(علاوي محمد) .. مرفوض امن ازمان
ضنـّيتـَك للفقـره اتساند
ثـاريـّـك الهـم خـَـوّان
***
انكشـفـَـت لوجوه انفضحت
والخائـن يـبـقـَه الخـَـسـران
اخسرت السمعه اخسرت الصيت
واليخسر تاريخه ايضل نـَـدمان
عندك حـَـسْــبـَه انـوب اتريد؟
لا .. مينفعك .. بطـِّـل يفلان
تطويـق (التحرير)اشــلون ؟
والدم ايصبـّح نـِـهـْـران !!
***
الشــعب الثـائـر مـَـنصور
واليتحدى الشعب ايرد خيبان
تاريخه ايخسره اويخسر ربعه
مـَـنـبـوذ ايـضل فـَـشـلان
راجع نـَـفـسـَـك لا تـنغـَر
اجـدادك چانـوا مـيـزان
متحمس جاي امحـَـزَّم ؟
بسلاحك عَ العـُـزَّل فرحان
***
ثـَـورتـنـَه ثـورة احـرار
ثـَـورتـنـَه ثـورة شــبان
-(عـِگـّـرَوْ) رجليهم ميهابون
وابـدمهم فاضت شـــطآن
كلهم هتفوا صاحوا صوت
-(للثوره يا جيل الشجعان)-
يا شــعب الثائر حياك
ثـَـورتـنـَه ثـورة بركان
----------------------------------
24/شباط/2020
ســــــــــتوكهولم
 


21
المنبر الحر / مجلس أمن يستنكر!!
« في: 20:13 19/02/2020  »
مجلس أمن يستنكر!!
ميسون نعيم الرومي
 
-(أمريكا) تـَـدْعو، ومجلس أمن يستنكر!
-(هـيـئـة أمم) تترقب ، (اوربا) ما تگدر!
احـزاب السـياسـَـه اوسـلطـَة الأذنـاب
بالقتل تتفنن..او للشعب تتحـَـلـّـف اوتغدر
***
اولاد العراق ابصدر عريان والأعلام
دمهم هالجـره بالسـاحه صار انهـِـر
شـَـدّوا بالجروح ابـقـِـوَّه وابتصميم
اتحدوا بالرصاص ابعزم واعدادهم تكثر
***
حلفوا بالشهيد..ابدمه ..مـَـيرجعون
تغيير النظام امن الجذر..المطلب الأكبر
-(عيب امن الشهيد اشلون..ما نرجع)-
كل ثـائـر حـِـلـَـف..گالهه اوكـَـرّر
***
يا جيل الشباب..التاج فوگ الراس
عـَلـْمـَوا شجاعه للزمن..والبيهم اليشكر
يا هـيـبـَة شـعـب..يافخـر للأجـيال
للوطن انتوا الأمل..امن الباغي يتحرر
***
عريتوا الوجوه التسرق ابإسم الدين
لايران الولاء..اوعَ الشـعب تـتـنمـَّـر
ابـنـيات العراق او ولده متحديـن
يبنون الوطن واعراقـْـنـَه اليـزهـر
واعراقنه اليزهر
-------------------------------------
19/شباط/2020
ســـــــــــــتوكهولم
 


22
زاوية الشعر الشعبي / يا .. ســميع
« في: 20:49 17/02/2020  »
يا .. ســميع
ميسون نعيم الرومي
 
يالمالك  گبر ببلادك ..
 بيه انزور ..
 وابذكراك نتذكر
(بشباط) الظلم ذبحوك وي شبان
دمكم دفگ للوطن صار..انهر
يالمظلوم يالمغدور يمحسر
يالفرحه الچبيره الگلب عمتي
اوضيمهه الأكبر
يالعمرك نذرته للشعب تفديه
وامك بالسجون اتدور .. واتدوّر
من نگرة السلمان للرطبه
والبغداد والأنبار
گلب أمك طفه .. والدمع دم ايكت..
أيام واسنين انگضت .. والعمر خلاهه واتكتر
ما شافت فرح تتنطرك كل يوم
والشوفتك والملگاك تتحسر
تعجن حنتك ..عريس .. تتأمل
وابزفه اوهلاهل .. دنياهه واتنور
امحسر رحت .. يا زينة الشبان
يبو اعيون الوسيعه .. الشاب .. يالأسمر
يالمالك گبر بالگاع
يالمظلوم يالمغدور .. يمحسر
-----------------------------------
الى ابن عمتي سميع جاني سهرالناشي
الذي اختفى بايدي جلاوزة الحرس القومي
في شباط الأسود 1963
ولم تكل عمتي من التفتيش دون جدوى
 الى آخر يوم من عمرها
----------------------------------------
14/شباط/2020
ســـــــــــتوكهولم


23
كل عام وانتم بخير

دارميات
بمناسبة عيد الحب (فالنتين)-

ميسون نعيم الرومي
 
جـَـرحك يـفـز هاليوم .. ينـثـر بالورود
احمر ورد فرگوه .. بس شعبي مگرود
***
امكيفه هالشـبـّان .. فرحانه بالحب
ببلادي محرومين .. ناسـيهم الرب
***
يا وسـفه عَ الشبان .. حرموهم العيد
وردك (يفالنتين) .. ناسـي المگاريـد
***
اتـباوع الشـــبان .. فـَـرحانـَــه بالحال
بس العراق اوليش .. دمهم حـَـمـَر سال
***
كلهـَه الشــباب اليوم .. تـتهاده وردات
ببلادي دمع ايسيل .. ع اللي انذبح مات
***
ولد الشـَـعـَـب چا ليش .. باگـَـوْ حلمْهـَه
متنعمه بالخيرات .. (الخضره) او ولدهه
***
أحمـَـر وَرد هاليوم .. خضـَّـر ابدمهم
اخوه الهم ابـ (بغداد) .. ذكرت اسمهم
***
باسم الشهيد اليوم .. كـلـْنـَه حـِلفـْـنـَه
بالحب اوإيد ابإيـد .. يرجـَع وطنـَّه
***
نـِـتـْـرَجـَّه (فالنتين) .. ايـمر ابوطنه
يـنثر ورود اوحب .. امحَسـَّـر شعبنه
-------------------------------------
اهديها ال ثوار العراق الميامين
14/شباط/2020
ســـــــــــــتوكهولم


24
الى الثائرات بنات العراق البطلات اهديها
مع تحياتي الى من يساند الثورة العراقية

هايه بناتك يا وطن هايه
ميسون نعيم الرومي

                            -(هايه بناتك يا وطن هايه)-
هيبه للشرف وايعلن الرايه
-(هايه بناتك يا وطن هايه)-
وحدتهن بـَ الف وايرفعن الرايه
***
انشوده الثورتك يعراق غنواته
ابنيات الوطن ثـَـرْوِتـَه اومايه
سندن ثورتك بالروح بالخدمات
واليفتي چـذب لابـد إله غايـه
***
أم آنه اوإخت وآنه الحـْبـَيبـَه
مدفوع الثمن والطشر ادمايه
يوميه راي اواله متقصد التخريب
كافي اوبس بعد ملينه الروايه
***
تاريخ انكتب والشهدت الأزمان
كل طاغي حكم لازم إله انهايه
جونه امن العدم باگونه كتلونه
ذبحوا بالشباب اوصارت اسبايه
***
أحزاب الغدر، متفقه والحكام
عَ الكرسي لزگ والسلطه نسايه
فاليحيى العراق اويحيى ثواره
عينوني يخوتي اوهتـْفـوا ويايه
***
-(هايه شبابك يا وطن هايه)-
بيهم نفتخر وانعلي بالرايه
-(هايه بناتك يا وطن هايه)-
بيهن نفتخر وانعلي بالرايه
--------------------------------
الى بنات ونساء العراق الثائرات اهديها
13/شباط/2020
ســــــــــــــــــتوكهولم
 



25

ارد اسألك يشباط

ميسون نعيم الرومي
 
ارد اســألك يشـباط يالجانـَـه..
ليـش ابجيتك تتطشـَّـر ادمانه؟
اوليش الأمم تزهر ارضهه ازهور واتغني
واحـنـَه امن الهضم وجـَّـت بگايانـَه
***
ارد اســألك والدَمع نهـران عَ الخـَـديـن
ليش العراق ابكل وكـت مظلومه شبـّـانه؟
والأم العراقيه تنبش بالأرض..واتريد ابنهه ايعود
او ليش امهات الناس تنطر ولدهه اوبيهه فرحانه؟
***
كل الدول مســروره بالثـَـروات وامكيـفـَـه
حصتنه امن النفط..ذل اوقهر..وادموع منهانه
ابذيچ السـَـنه يشـباط .. من گبل (ســت) اعـقـود
لـَمـّـوا بالشـــبـاب .. اومـردَوا اچـْـلانـَـه
***
صارت مجـْـزَرَه .. واعـتـِدَوا عَ الحـرّات
مغسولين..ما عدهم شرف.. يا سـبب بلوانه
-(وصفي،اكريم اومهداوي) بيرغ للعراق اوعز
كتلوهم غدر .. وانباع العراق اوخرب ميزانه
***
وابـواب الجـَحـيـم انفكت ابذاك اليـوم
تـطـْحـَـن بالشعب..مابـَطـِلـَـت دنيانـَه
شـو راح الفـَـرج..من أهـَـد ذاك اليوم!!
صرنه ع الحديد..والخير الغلگ بيبانه
***
تاريخك يا (عراق) اتجدد اوچا ليش ؟
مظلومه ظلم هالناس..جوعانه عطشـانـَه
شـحچي..شـَـگولـَـن! (يشباط) بسـَّـك عاد
مـن دون الدول لعراق .. مـَسـْـبـيه شبانه
***
إغدرت (يشباط) ماخليت..اجداد والآباء والأبناء
رديـت اوعلى (الأحفاد)..واشــمالك اويانـَه؟؟؟
ارد اسألك يشباط هاليوم اوباچر اوكل يوم
ليش ابجيتك كل السنين اوهالسنه .. اغدرت اويانه؟
-------------------------------------------------------
اهديها الى وطني بمناسبة مرور57سنة
على انقلاب 8/شباط/63الأسود
----------------------------------------
8/شباط/2020
ســــــــــــــــــــــــتوكهولم


26
المنبر الحر / لبـَيـكَ يـا عراق
« في: 19:05 06/02/2020  »
الى من يساند الشبيبة العراقية التي تستباح دمائها في الساحات
 والعالم صامت ينظر من بعيد



لبـَيـكَ يـا عراق
 
ميسون نعيم الرومي
 
دمكم جره نهران .. بيدين الاوغاد
گلبي عليكم وَجّ .. هالصاير ارماد
***
لا يستحي اوليخاف .. يفرح ابدمنه
اينفذ أمر (إيـران) .. يكـتل ولدنـَه
***
يالتكـتل الشــبان .. والتـدّعي الديـن
ايصيبك مرض مَيطيب .. وابجاه الحسين
***
تذبح بالشباب اشلون؟ واعمامه عَ الراس
حرگة گلب كل أم .. أمضـَه من الفاس
***
كشـَّـر انيابه اليوم .. بايع امخـَلـّص
يأتمر بامر (ايران) .. ضنيته مخلص
***
گاعد (ابقم) اهناك .. واتصدر الموت!
دم الشباب ايصيح .. ماتسمع الصوت؟
***
لا تطغه باجر موت .. ما تنفع افـلوس
لا تنفعك (ايران) .. لا اعمامه ع الروس
***
خاف الله والعباس .. (يالتكتل) اوهيد
ايـشَـوّر تـراه الدّم .. والقـَمـِع مـَيفـيد
***
اتگامدت كلهه اعليك .. يعراقي فدوه
ريت النفط ما چان .. بالينه بلوه
***
شعـْبك يصيح اليوم .. لبـَيـّـكَ يـعـْراق
ايسقــّط حكومه اذناب .. والمجرم العاق
---------------------------------------------
5 / شباط / 2020
ســــــــــــــــــتوكهولم


27
الى الشعب العراقي اهديها

شـوكت تاليـّـه؟
ميسون نعيم الرومي
 
تكتل بالشباب اوتـِدّعي الحنيه
سفاح العصر چذاب يالمحترف ساديه
انهجم بيتك من أبو متروس حقد اوغل
يالمجرم محترف يالفاشل ازْوِيـّه
***
لازگ بالحكم من غير وجهة حق
تصريف اعمال اوتدعي .. كلكم حراميه
آلاف الشباب امعوقه .. اوميات مذبوحه
اتوَقـِع ع الخراب اعقود وهـميـّه
***
يا جيل الشباب اليطلب التصحيح
فـَخـَر اوللزمن والثوره شـَـعـبـيه
باعوه العراق .. والشهد (برهمهه)-
دومـَـك يا وطن للغـيـر عـيـديـّه
***
هدوا عَ الشعب .. ياكومة الأذناب
وابدم الشهيد الجره .. متحنيه لوگيه
أناشد كل شريف اوكل اخو خيته
تحمي ثورتك .. بالساحات لطميه
***
-(علاوي) الإجه والعـَـيـّـنـَه الأحزاب
مرفوض امن الشعب والدنيه مسبيه
مظلوم العراق او جيل يورث جيل
ليـون الحـزن .. واشـوكت تاليـّـه؟
واشـوكت تاليـّـه؟
-----------------------------------------
4 / شباط / 2020
ســــــــــــــــتوكهولم


28
تحية الى كل من يدعم
الثورة الشبابية في العراق
حتى ولو بكلمة


بغـداد تـبـقـَه حـره
ميسون نعيم الرومي
 
-(ايران) سمعي وافهمي – لمـّـي اچوالچ وارحلي
من قال اوبله الحد اليـوم – بيچ (العراق )المبتلي
اخـذي اوياچ الأذنـاب – ذولـَه الولونـَه ولي
خـَربوا وطنه اوهجموا – عمامه اوقاط او(غبي)-
ثار الشعب هـَـبّ اليوم - عن عزمه ما ينثني
شـجعـان كلهم ابـطال – احفاد (الحسين) او(علي)-
كافي بـَعـد گالوا بس – لعـراق حـرّ اوأبي
-(بغداد) لوگالت بغداد – لرْگاب كلهه تنحني
-(البصره) صاحت ياويل – يا دنيه ثوري اوزلزلي
-(ذي قار) ثارت ذي قار – تاريخ عنهه واسألي
اول حضاره بالكون – سومراوجدهه بابلي
كلهه عزم كلهه اصرار – شجعان اهلهه والنبي
-(ديوانيه)(سماوه) و(الكوت) – يا شمس شرقي اونوري
-(النجف)(بابل)(كربله) – شعلة عزم ما تنطفي
-(ديالى)(بعقوبه)او(ميسان) – الكـم تحيـَّه يا هـَـلي
-(غربيه) (موصل) (كركوك) - ننتظر صوتچ تزأري
شـعـب العراق انحييه – يا وطن حـر اوبي
لبيك يا (اعراقي) لبيك – ثار الشعب ما ينثني
كـل الهـَـله بالثـوار– يادنيه ضوّي اونـَـوّري
-(أمريكا) جبتي الأشرار– اخذيهم ابدربچ واثأري
ايران سمعي وافهمي - مالچ مكان ابموطني
صاح الشعب كله اوگال:-
                                   - (ايران بره بره)
-(بـغـداد تـبـقـَه حره)
تـبـقـَه حره
---------------------------------------------------
1 / شباط / 2020
ســـــــــــــــــــتوكهولم


29
ارسل  مرثيتي مع كل التقدير



وداعاً أم جـَـنـّات
ميسون نعيم الرومي
 
الى روح شهيدة البصره (ام جنـّات) والى محبيها اهديها
 
مرتين اتيتمت ليتام (يم جنـّـات)-
مخنوگه بالگلب وابموتچ العبرات
مثل ام اواخت ما تغمض الهه عين
تسعف بالجريح الصابته الچيلات
كلهه شجاعه اوطيب كلهه اخلاص
-(اتچوچي) ع اليتيم اوترفع الرايات
***
ما رَدّت فقير ابيوم كلهه احسان
يا چف الكرم يا زينة الطيبات
بالحق تداعي اوماتهاب اشرار
يا (إخت الزلم) يا هيبه (يم جنـّات)-
صبحت (بصرتچ) مربوده كلهه اليوم
يا دم (الشــهيده)..اليطلب الثارات
***
-(ست ميـَّه) العدد دمهم جره يا ناس
اورود امفتحه والعمر (عشرينات)-
-(عشرين اوألف) مجروح يالشبان
والدم الجره نهران بالســاحات
چا وينه العدل؟ والعالم سكت ما حاس
سـلطات الغددر يا (عـِـرَّة) الســلطات
***
  اتباوَع عَ الصوربالغربه وانحب حيل
الف وسفه (الشباب) او حيف (يم جنـّـات)-
امصيبه يا وطن ! عشعشت عدنه اجناب
تـكـتل بالشــعب .. واتـبـوگ للجارات
اعزي كل عراقي ابحرگه..وابچي اوياه
ما دامت ابد..متدوم..
ايام البقت معدوده بالساعات
آخ اوألف چم آخ (يم جنـّـات)-
 آخ اوألف آخ
-----------------------------------------------
*ام جنات
شيعت جماهير البصرة الناشطة والمسعفة ابنة البصرة / ام جنات
جنان ماذي الشحماني... يعرفها اهل البصرة إنسانة معطاءة ومحبة لكل الناس رغم سوء وضعها الاقتصادي ... ناشطة مدنية انخرطت في مساعدة المحتاجين تعمل في حقل الأرامل والأيتام ! التحقت في الانتفاضة كمسعفة
استشهدت برصاص المليشيات الذين وجهوا بنادقهم الى خيمة المسعفين !
الجماهير هذا الهتاف في تشييعها:رددت
هايه شبابك يا وطن هايه
ضحت بدمها ورفعت الراية
الرحمة والخلود لشهيدة الحرية ولكل شهداء انتفاضة تشرين
العار للقتلة الذين يمارسون حملات إعدام علنية.. والعالم يتفرج
اوقفو قتل الشباب والشابات العراقيين
( الفهرست منقول )
-----------------------------------------------------------------------------
23/كانون الثاني/2020
ســــــــــــــــــــــــــتوكهولم


30
تحية الى من يساند شبيبة العراق الثائرة


الى ثوار الساحات اهديها
ميسون نعيم الرومي
جـَـوّه المطر والنار.. تـِنـْـزف ولدنـَه
صاحوا وطن يردون .. تشرق شمسنه
***
يا شعب ترضه اشلون..ولدك يموتون
تـذبحهم الاذنـاب .. وانـتـوا تـِـنامـون؟
***
كـرخ اورصافـه اليـوم..نحمي ولدنــَـه
سور الهم احنه انصير..هـيـلـَه الگـِـرَبنه
***
تبچي ارض (بـغـداد)..كـلش حـَـزيـنـَه
غصبوهه حفنه اذناب..صبحت سجينه
***
كل احنه (للساحات)..نحمي ولدّنـَه
كـتـلوهم الأشــرار..حرگوا گلبنـه
***
بسم الشهيد اتصيح..ساحات الاشراف
تكنس زبل حكام .. والجـَـرح يـنراف
***
مـَـيـْهـَه حـَمـَـر هالصار..من دم الابطال
-(دجله اوفرات) اتصيح..ذبحونه لشـرار
***
صبحت (ادياله) اليوم.. (بعقوبه) تبچي
كـتـلوا ولدهـَه انذال .. والظلم يحچي
***
-(بالدوره) هب اليوم..ثايـر شعبنه
كل احنه ايد ابإيد..شيعه اويه سنه
***
-(سريع القاسم) ينادي ايصيح.. يترجـَّـه عونه
ســـراق الوطن انـذال .. هدَّوا واجونـَـه
***
صرتوا ابدربنه اشموع .. تضوي اوتنور
ولد العـراق احرار.. دمهم يشَــوّر
-----------------------------------------------
22/ كانون الثاني /2020
ســـــــــــــــتوكهولم


31
تحية الى من يدعم الثوار في وطني الجريح


اهزوجة ...
انـريـد وَطـَـن

ميسون نعيم الرومي
كل العـراق انـريـد – وانـريـد حـريـّه
نطلب وطن وانـْصِر – سلطتنه شعبيه
عـيشـَة رغـد وافـراح – منريـد حزبيه
دولة حضاره انـريـد – دوله عـراقـيـّه
-(تغريد) چذب او دجل – منريد (فختيه)*
كـتـلوا ولدنـَه ليـش – ذوله السـياسـيه
تتقاضه الحكومه انريد – و(ابمحكمه دوليه)
-(ايـران) برَّه ارحلي – واخذي الحراميه
يا شـعب ولدك جوك – احميهم ابحنيه
لـَيام مهله وانتهت – والگول گولة ناصريه
تدوير الزبل منريد – لا عگرب اولا حيـَّـه
يـرجع وطنـَّه اخوان – شـيعه اويه سـنيه
 نـبـني العـراق ابعز – والشـعب واليـّـه
نطلب (وطن) وانـريد – دولـَه (عـِـراقـيـّه)-
دوله عراقيه
-----------------------------------------------------
*(فختيه):- (فختاية) طير يشبه الحمامة
--------------------------------------
الى الثوار اهديها بمناسبة انتهاء المهلة التي حددها ثوار الناصرية للسلطة الغاشمة
وايدتها جميع المحافظات العراقية الثائرة لانهاء التسويف والمماطلة
-----------------------------------------------------------------------
20/ كانون الثاني / 2020
ســــــــــــــــــــــــــتوكهولم


32
أدب / بغداد يا.. بغداد..
« في: 18:20 14/01/2020  »


بغداد يا.. بغداد..


ميسون نعيم الرومي

يسحقني الحزن في عينيك
يحرقني ثوبك الممزق
بغداد..
سنابل شعرك متناثرة
 عبث بها الأوغاد
مسروق وشاحك الذهبي
ذابل خدك الوردي
ممزق رداءك الأحمر
مشاع جسدك الأسمر
مباعة اقراطك للجيران
ذوى القداح في قلادتك
مات الورد والنرجس
***
بغداد .. يا بغداد
جميلة انت
 بالرغم من الإهمال ..
المتعمد
بناياتك شوارعك..
 بيوتك ..
عليها عفى الزمان
ومات فيك الأمآن
 تاج شعرك المرصع بالنجوم
ذوى
 والقمر الذي يزين خديك
أفل
لصوص زحفوا اليك..
يا بغداد
***
قطاع طرق..
دنسوا ترابك المقدس
عشعشوا في ديارنا
هجّروا ابناءنا
قتلوا شبيبتنا
باعوا المعامل والأرض..
 والشطآن
تاجروا حتى .. بدمائنا
يا بغدادنا الحزينة
اعجوبة التاريخ
جوهرة الشرق الثمينة
ابنة المنصور..
 حاضرة الرشيد
***
بغداد
سليلة المجد ..
والماضي التليد
بشروك بربيع عربي
زحف فيه البلاء
مسخوا فيك القضاء
والإنسان
انتحر العدل
واصبح خادما للقرصان
شعبك يا بغداد
اضناه الوجع والهزيمة..
والخذلان
عيونهم منزوعة الأجفان
أرامل .. ايتام
دموع وآلام
شبيبة مبتورة الأطراف
اين اين الإنصاف ؟
جياع .. مشردون..مستغلون
وعلى الأرصفة نائمون
آه .. يا بغداد
***
في وطني السجين..
خراب  وخرائب .. في كل مكان
في بلد النسيان
جنة مسورة بالحيطان
يسكنها السلطان
حدائقها
 ليست ككل الحدائق
نخيلها اشجارها
لامعة الأغصان
بيوتها مرصوفة بالعقيق
والمرجان
يسكنها حثالة الزمان
جراد مصبوغ بكل
الألوان
اعتاد امتصاص الدماء
والرقص على الأشلاء
ترى الى متى هذا البلاء...
النهاية على الأبواب..
يا سكنة المنطقة الخضراء
--------------------------
ســـــــتوكهولم
كانون الثاني/2020
 
 
 
 


33
المنبر الحر / طبينه بالعشرين ..!!
« في: 14:22 05/01/2020  »
نأمل ان تكون سنة 2020 سنة الانفراج على وطننا وسنة خير للجميع
لكم تحياتي


طبينه بالعشرين ..!!
ميسون نعيم الرومي
 
چم ثامراوچم عباس..مكي اومراد اوچم ياسين
چم ابن ثنوه اوچم علي اوطالب..اياد..حسوني اوچم حسين
چم باسم..مصطفى..زهراء..ساره چم تحسين
ولدك ياوطن ابكاتم اوبالساحات دمهم سال
شحسب شگول اشلون ! والعدد مامعدود يا لطيبين
***
جاي اسألك ليوين ينلف بالعلم شبان يا تشرين ؟
چم دوب نشعل بالشمع والدمع نيران ع الخدين
ســلطة غـدرســراق متســيـْده  بـســم الديـن
تـذبـح بالشــباب..اوعَ الغـَـدر مـتـعـلمـيـن
لا ذمه..لاضمير..اوعلى كرسي الحكم متربعين
***
هم شفتوا گبل مجلس قضاء ايغطي ع السراق؟
اومدعي عام الشعب يتضامن اويه اللي يخون؟
اوبسم الشعب نواب على بوگ الوطن متحدين؟
اوســلطه تـبـوگ النفط والثـروات لجـل الجار؟
تـظلم بالشــعب والشــعب متعوب جوعانـيـن
***
وايـتام الوطن .. كـل يـوم بـيه اتـزيــد
بوگ اوخيانه اوغدر تســويف .. چـذابين
تهجير أميـَّه اومرض..هالحال من اسنين
حروب واذبح واذناب..ملتمه مدري امنين
على بيعـك يا وطن هاليوم متحزميـن
***
واگبور اشـكـثـر !! لا تنحســب لا تنعـد
وامك يا شــهـيـد اتـلوع .. وامطيـّـنه بالطين
يا دم الشــباب الســال .. چـَـن نهـران
احا يا وطن .. چمدوب .. ارد اسألك ليوين؟
هالراح الزمن .. طبينه (بالعشرين)-
ليوين يا كانون .. ليوين يا تشرين؟؟
-------------------------------------------------
كانون الثاني/2020
ســــــــــــتوكهولم


34
بيكم والله يعله الراس
ميسون نعيم الرومي
اسـمع يا عالم يا ناس – قصتنه قصه اتشب الراس
موت اويحصد بالشبان – ذاك الحمام اوذاك الطاس
راحـَـت ولدچ يا (ذيقار) – ويـن الشـاره (يالعباس)-
ننحب نبچي كلنه ادموع - گاعچ (بغداد) الما تنداس
اشلون المفتاح اتسلمين؟ – بيدين الزمره الأنجاس
والنجف الصارت (ألطف) - اعمايم تضرب بالراس؟
اورود انمردت دمهم ساح – والعالم صامت ماكو احاس
اهوايـه الموتـَه بالميـات – ادموم السالت ما تنقاس
تـَرْفه ولدنه اشلون اتموت؟ - مـُـرّ اجرَعـْـنـَه ابنفس الكاس
اورود اوحلويـن الشـبان – ليلو مرجان او الماس
للموت انزفهم ؟ وين الدين – ردنه انزفهم للأعراس
احلام انطشت بالگاع – حيف او وسفه ع الأغراس
المن نشكي ؟ ضاع الصوت – عـَـفـْنـَه الدوله حد الساس
يا وطني..يا وطني المنهوب – ولدك ذوله فخرالناس
من حرب الحرب اونفتر- اندافع هاليوم او (للقناص)-
بـَـرَّه بـَـرّه يا اذناب – واذناب الأذناب الأنجاس
أحزاب اونواب..كتل اوسلطات – نبدي انحاكم من الراس
فليحيا الثوار الأبطال – بيكم والله يعله الراس
بيكم والله يعله الراس
-------------------------------------------------------
30 / ديسمبر/2019
ســــــــــــــــتوكهولم


35
تحية الى من يساند الثورة الشبابية في العراق


ماكو وطن .. ماكو دوام
ميسوم نعيم الرومي
 
*(ماكو وطن ماكو دوام) - بغداد يا دار السلام
لملوم جانـَه امن الجـوار- احزاب عار اولئام
-(بغداد) صاحوا بالمـزاد - والشعب عايش ظلام
ماكو وطن ماكو دوام
وطن حر او نريد - شعب ايـمثـله (شـهيد)
اصبرنه گلنه تهون - عشنه عيشه كالعبيد
شـعب ثاير مايهاب - حطم اجبال الجليد
ولدك اعـزاز اوكـرام - (ماكو وطن ماكو دوام)-
ماكو دوام
يا عراقي اويا عراق – بـَـرَّه..أذناب النـفاق
كـِتـْله أكبر كـِتـْله ازغر – رِكـْضَوْ..اوصار السباق
بـرَّه .. كلكم ما نريد – اتعبنه .. بسكم هالنفاق
حر شعبنه اوما يضام - (ماكو وطن ماكو دوام)-
ماكو دوام
---------------------------------------------------
*(ماكو وطن ماكو دوام) : - كما يردد في ساحات التظاهر
-------------------------------------------------------
22/ ديسمبر/ 2019
ســــــــــــــتوكهولم


36
سنة سعيدة ملؤها الخير والأفراح
وكل عام وانتم بخير

-ميلادي اويه المسيح-

ميسون نعيم الرومي
لا كيكه .. لا تهاني .. لا اشعل اشموع
عينيني يعيني اليوم .. صبي ادموع
على الراحوْ غدر .. شـبـّان بالميات
على الدم الجره نهران .. بالساحات
على الآلاف اربعه  شـبان متعوقين
دمعه عَ الوجن .. بالدنيه منسيين
على ارض العراق التبچي كلهه اگبور
چا ويـنه العدل ؟ يا دنيــه كافي جور
***
لا اقبل تهاني .. والگلب يگطر دم
جرحك يا وطن مـَـيـنام .. ما يلتم
ميلاد المسيح اليوم .. والعالم امعيدن
موسيقه اوغنه .. واهل الشهيد ابحرگه متكدرين
فرش جنحه الظلام اوغربت لنجوم
كحل ليل العراق .. اودمع بغداد كلهه اهموم
وابدمك يا شهيد اتحنت النهران .. والأهوار
عمت عين السياسه .. وانهجمت احزاب العار
***
لا اقبل تهاني لا احتفل هاليوم بالميلاد
-(ميلادي) اويه المسـيح اوكل سنه ينعاد
چا وينه الفرح .. يا دنيه بسـّـچ عاد
هالراح العـمر والراح ما ينعــاد
گلبي عَ (العراق) العين تربي ليك
نفرح يا وطن ..؟  نرجع نراضيك
يتحاكم كل عميل .. كل قاتل اوجلاد
محزون الشعب ليوين؟ بس ايلوع!!
عينيني يعيني اليوم صبي ادموع
على الراحوْ غدر والصوت ما مسموع
ما مسموع
--------------------------------------------
الى وطني اهديها بمناسبة قرب انتهاء سنة 2019 واستقبال سنة جديدة
وان تكون سنة (2020) سنة التحرر من الأحزاب الفاشية
----------------------------------------------------------------
24/ديسمبر/2019
ســـــــــــــــــــتوكهولم
 


37
لا .. للأحـزاب
ميسون نعيم الرومي
 
لا للسوداني اولا (الكامل)
لا للدعوه اولا الأحزاب
ذليتوْ الشعب اومتقصدين
(بغداد) انباعت للأجناب
باچر عگبه ايصير احساب
لا (للسوداني) اولا الأحزاب
***
(قـِـبـْـلـَه) (التحرير) اعليه انطوف
(شاهبندرعزت) يالمعروف
ذيل امن ازمان اومكشــوف
عَ القتل اتحرض؟ وبلا خوف
لسـيادك تـرجع يا چـذاب
لا للدعوه اولا الأحزاب
***
ثورتنه شبابيه رفعة راس
نتباهه اوبيهه..كل الناس
ياقوت او ليلو اوالماس
النصر اگريب و(العباس)-
نحبـس وانحاكم الأذناب
لا ما نـقـبل لا بالأحزاب
بـرَّه بـَـرَّه للأذناب
-------------------------------
ديسمبر/2019
ســـــــــــــتوكهولم


38
زاوية الشعر الشعبي / چم دوب..
« في: 20:08 13/12/2019  »
الى وطني اهديها
مع كل الحب
چم دوب..
ميسون نعيم الرومي
 
چم دوب.. الموت ابديرتنه..
انعوش انشيل اتزف انعوش
اوچم دوب ..
ننحب نبچي .. انصب ادموع
چم دوب ..
انونون والحزن اينوح
چم دوب ..اوبينه ايحصدون
مرفوع العلم اوما طاح
والنخل اتهدل سعفه ..
موجوع ايصيح اويه الريح
يرصد يتورج عَ الكاتل ..
والگاتل .. خو معروف
چم دوب ..
او ننعي الموت المنحوس ..
عَ الديره الطش .. ابلايه احساب
يتنگه اوياخذ احباب
والدم الغرّگ بالناس ..
نوبه ابكاتم ..
نوبه ارصاصه البلراس
چم شاب الطاح اوباگوا حلمه؟
چم ام انفجعت .. ملتاعه اتنعي
اوچم احبيبه اتلوع ابسكته ..
وابلا حس
اوچم شاب الضاعت ايده اورجله
اوعينه الراحت متشوف
اوچم ايتيم حاير بمره ..
والمستقبل ما معروف ..
ابدمعة عينه خبزه ايدوف
والشط امضيع لجروف
چم دوب ..
تتحنه الگاع اوبالدم
يا جرح الخزن .. ما يلتم
ضعنه
ضعنه .. اوضيعنه الساسه
والساسه التهدينه الموت
متحزم خيرهم حوت..
يتمهزل واحدهم ما مهتم
يسگينه العلگم والسم
يا ويل اوياويل
يا ويل الظالم يا ويل
باگوه الوطن ابظلمة ليل
يا ليلچ طول .. يا بغداد
هبت ولدچ كلهه اليوم
مـَـتخاف .. اسباع الأبدا مـَـتهاب
هذا اليوم .. اليوم احساب
والوطن الضايع ينعاد
شبان الثوره الأمجاد
ريحان ايخضر واوراد
منصوره انت يا بغداد
منصوره ابولدچ يا بغداد
--------------------------------
13 / ديسمبر /2019
ســــــــــــــتوكهولم
 
 
 


39
تحية الى كل من يساند الثوار وثورتهم المجيدة
كيف أرثيكم
الى شهداء ثورة تشرين


ميسون نعيم الرومي
كيف أرثيكم
كيف أرثيكم .. وماذا أقول
سكت الكلام ..
تاهت الأحرف في السطور
هذه بغدادنا ناحبة باكية
تراقب عهرا ..
يحاك في أروقة القصور
وعالم ساكت صامت ينظر من بعيد
يرعبه فجر (بغداد) الجديد
(يا دجلة الخير)..
فاضت شواطئها دما
دماء شهداء ..
على طول العصور
وفي (الخضراء) عصابة
عاثوا فسادا ..
خرقوا كل ما في الدستور
سلطة عليلة ..
اعتادت الكذب .. وأدمنت القتل والفجور
وليس لها فيك .. يا عراق  لا ولاء
لا صوت ولا حتى حضور
الأولى بكم .. ان ترحلوا
لا توجد قوة ..
تمنع بركانا أن يثور
ستندمون يوما .. نعم ستندمون
حيث لا ينفع كذب .. لا تسويف ..
ولا ينقذكم جار او حليف ولا ينفعكم غرور
يوم تخسف الأرض ..
ويصرخ النخيل ..
تحتج الصخور ..
وتنهشكم حتى الطيور
كيف أرثيكم ..
كيف أرثي شبابا بعمر الزهور
خجل الحديث ..
اصبح الكلام أكفانا .. موت وقبور
كيف أرثيكم ..
قتلكم .. مزق الدفاتر ولم يبقِ ابجدية
اختلطت دمائكم بدماء الحرية..
وانزوت الديمقراطية
أحاول ان اوهم نفسي ..
انه حلم يزول .. كابوس لن يطول
ترى .. أيعقل ان يقتل الربيع ؟
وكيف تسحق الورود الندية ..
بزخات من الرصاص العبثية ؟
كيف تثقب الجباه الفتية ..
برصاصة قناص غبية
كيف تفقأ العيون العسلية..
بقنابل غاز وقنابل صوتية ؟
كيف تسحق الشبيبة بهذه الوحشية
كيف تدفن النجوم والأقمار ..
تحت تراب البرية
كيف اصدق ان تغتال البلابل ..
والعصافير والحمائم البهية
ليتاجر الأوغاد ..
بدماء متدفقة زكية
كيف أرثيكم ..
وماذا أقول ...
ماذا أقول ؟؟؟
------------------------------
29/تشرين الثاني/2019
ســـــــــــتوكهولم
 



40
تحية الى كل من يقف مع شباب العراق الثائر في ثورته المجيدة

ثورتـنه ثورة شـبان

ميسون نعيم الرومي
 
-(تيـّارات) اشكال الوان - يا شعب اجمعهن شكبان
تـبـهـر الالقاب اتـعـَـوّر – تتمنطق زور اوبهتان
منهه المكشوف امبين – منهه : ارجال الظـِّل .. الإيران
تتقاسم بالثروه اوتلعب – والشعب ايعاني الحرمان
على هالرَنـَّه اسنين اسنين –عَ الحكم اوكوشـَّـوْ حيتان
عمامه ارباط اعگال اوجبـَّه – متبريـه مـنـكـم لديان
ذليتوا الشعب اوصاح الداد – جوع او مرض اوحرمان
-(بـغـداد) العـِـلـْم الأول – تاريخ اليشـهد والأزمان
انخـَـلـتوهه اوهالتبچي انقاض – بالتال اوصارت بالبلدان
-(حمرابي اوسومر وآشور) – شموس او تضوي بالأكوان
جـيـل الصاعد يا ابطال – ثاروا هـَـبـّـوا كالبركان
تسويف الماينفع لا تظليل – عـَـرّوكم لبطال الشجعان
سرّاق التحكم (منحرفين) – ما عـدكم غـيـرة اوطان
لو (نگطه) اوضلت..ارحل ؟ – بره كلكم يا غـمان
مرفوضين اليوم اومنبوذين – باچر شردتكم .. جرذان
عاش الشعب الثائر عاش – ثورتـنـَه ثورة شـبان
ثـورتـْـنـَه ثـورة شــجعان
----------------------------------------------------
الى شباب الثورة اهديها
بمناسبة مرور شهر على الثورة الشبابية المجيدة
25/تشرين الثاني/2019
ســـــــــــــــــتوكهولم


41
احيي كل من يساند الثورة العراقة الجبارة

ننخه الغيره والطيبين
ميسون نعيم الرومي
 
ننخه الغيره والطيبين
احفاد الثارت بالعشرين
إيد ابإيد اونحمي الثوره
وحدتنه الترهب .. قوَّه
شعبي الثائر منصورين
فالتحيا ثـورة تـشــريـن
***
-(بغداد) القبلة يا بغداد
ام الثـوره والأمجـاد
شبان التحرير اتنادي
نكنس كل ذوله الأوغاد
مصوا دمنه كومه اسنين
شعبي الثائر منصورين
***
شعب (البصره) الماينظام
اسقاط السلطه مطلب عام
باعوچ ابخـِسـَّه اوللجيران
چم دوب البصره اوتدمين
انهارچ عطشت تدرين
هبوا ولدچ متحزمين
نطرد كل ذوله الأذناب
فالتحيا ثـورة تـشــريـن
***
-(ذيقار) الثوره يالشجعان
ثورتكم ثورة بركان
-(سومر) اهلچ والأهوار
هبت كلهه تحمي الدار
بـَـرَّه بـَـرَّه يالغازين
-(ذيقار) اتنادي الطيبين
شعبي الثائر منصورين
***
-(لعماره) الحره يا ميسان
اولاية اهلي والخلان
ماتنداس .. اولا تنظام
ظالم ميدوم اومادام
تاريخ اويشهد يا أقزام
ثروتنه انباگت اطنان
انقاضي السارق واللي خان
ما لانت فد يوم .. اومتلين
فالتحيا ثـورة تـشــريـن
***
-(بابل) يا كحلة لعيون
جدچ (حمرابي) امن اقرون..
اول من ســن القانون
عالي اسمچ واتعرفين
شعبي الثائر منصورين
***
-(كربله) والبيه المعصومين
-(عباس) اوجدكم (لحسين)
اترابچ يحضن بالطيبين
هزيتي اعروش الغازين
فالتحيا ثـورة تـشــريـن
***
(علي) وَيـّاكم يا أبطال
-(نجف) الأشرف هز اجبال
لو مال .. اتعدله الميزان
ترجع واترد الأحوال
اعراقي اينادي يا طيبين
فصل الدوله عن الدين
شعبي الثائر منصورين
***
بت دجله (الكوت) الحرَّه
تاريخچ يشهد يا درَّه
ام النخل اوام الخضره
سنين المرت .. كلش مرّه
امن الجاره اهلچ منهوبين
فالتحيا ثـورة تـشــريـن
***
-(ديوانيه) اعله الضيم اومتنام
اسـباع اهلچ كله اعلام
عـِـلـِم اوفـن .. اوأقلام
بالنصر انعـَـيـِّـد عيدين
شعبي الثائر منصورين
***
نخلچ ثار اليوم اوياچ
-(سماوة) (نعمه) الغناچ
لوصاحت سمره اوتنخاچ
الدنيه اتهب اوتحميچ
ولدچ ثاروا يالزينين
فالتحيا ثـورة تـشــريـن
***
سومر بابل آشور..اوكلدان
عـِلم اونوراهلچ .. شجعان
(ديالى) الثارت عَ الطغيان
ما نصبر صاحت .. ليوين ؟
شعبي الثائر منصورين
***
ننتظر الغيره العربيه
اهل النخوه (بالغربيه)-
ضيم اشبعتوا امن اللوگيه
الكم ميلوگ اتسكتون
وانتوا اخوان اوضي العين
شعبي الثائر منصورين
فالتحيا ثورة تشرين
***
ساحة تحرير اتريد العون
ايد ابايد .. انهز الكون
عراق الواحد يا ابطال
امن شماله لجنوبه .. الغربيته الأبطال
نطرد كل ذوله الأذناب
نبني انعمر يا احباب
قوه احنه اومنصورين
فالتحيا ثـورة تـشــريـن
----------------------------------
الى الثورة العراقية وابطالها الشجعان
الى الشعب العراق الثائر اهديها
---------------------------------------------------
ســـــــــــــــــتوكهولم
23/ تشرين الثاني/2019
 


42
المنبر الحر / يا شعب الثائر حياك
« في: 20:54 19/11/2019  »
تحية الى من يساند ثورة العراق المجيدة
يا شعب الثائر حياك
ميسون نعيم الرومي
انزل وامسحهم
ياشعب انزل وامسحهم – اولادك هدّوا ما همهم
حق اوياك اوتنتزعه - يتحرر وطنك من عدهم
شهدائك وطني اتنادي - بالثار اويطلب دمهم
انزل .. وامسحهم
***
بغداد الحرَّه اننكبت – العون اتريده اومن عدكم
اولادك ذوله انتفضوا – احميهم انزل واسندهم
(حسين) الوصاكم جدكم – (هيهات الذله ومنكم)
انزل .. وامسحهم
***
احكومة انقاذ انشكل – كلهه الجوگه انحاكمهم
مليارات انباگت ترجع – بغداد اوتنظف من عدهم
سلموه الوطن الايران – سراق انتخموا من كدكم
انزل .. وامسحهم
***
يا شعب الثائر حياك – مليونيه او تطلع ترعبهم
وطنك بيتك يرجاك – تحمي الثوره اوحاصرهم
ذلوك اســـنين اتحدوك – يومك هذا اوتردعهم
انزل .. وامسحهم
-------------------------------------------------------
19/تشرين/2019
ســــــــــــــــتوكهولم
 
 


43
تحية الى من يساند الثورة العراقية المجيدة


هوسات شعبية الى ثورة تشرين المجيدة
ميسون نعيم الرومي
هيبه للوطن شبـّان بالساحات
بيكم ننتصر وانعلي بالرايات
حكومه املگطه احكومة الصدفات
يشرد وين ايروح؟ ... انجيبه...
***
ضنينه بـيـك الخـيـر ما نـِنـْـدَل
رصيدك بالشعب واتخسره ليش اتخـِل؟
اثاري انت ابنهم واحتياطي (الظـِل)
(رمانتين ابفد ايد ما تنلزم)
***
نبـّاح اتعينت مبروك (يخليف)
مدفوع الثمن مبيوع وامكيف
بسك ولك واحسبهه يخفيف
اليحگر نفسه ايذلونه ...
***
كل عمرك يـ (عادل) .. اتطفراتبدل
نوبه (بالبعث) .. ماتنحسب نوباتك اتخجل!
يظل مصگعه .. ما محترم يتذلل
امچلب بالكرسي اولازگ بيه...
***
المطعم التركي ايصيح اهلا بالظيوف
مزار او للشعب اواعليه كلنه انطوف
انصفتوه الشعب خلهه الدول كلهه اتشوف
رفعة راس النه اوبيكم الهيبه ...
---------------------------------------
14/تشرين/2019
ســــــــــــتوكهولم


44
تحية الى من يساند الثورة العراقية
شبان الثوره المدنيه
ميسون نعيم الرومي
 
لا المالكي اولا العمار - لا المقتدى اولا الهادي
لا الماجد اولا الفياض - لا الخزعلي اولا اعبادي
شعب العراقي اينادي - حره اوأصيله ابلادي
ثورتنه ثوره سلميه - حاطوا بينه اللوگيه
ثورتنه ثوره سلميه
***
من البصره الحد بغداد - ثورتنه ثورة مدنيه
لا للسارق والچذاب - لا مندس اولا احزاب
ثورتنه حره وطنيه - فالتحيا الثوره الشعبيه
ثورتنه ثوره شعبيه – فالتسقط لحزاب الفأويه
ثورتنه ثوره سلميه
***
ابطال التك تك يا احرار - رفعة راس الشعب الثار
بيكم نفخر يا ابرار - انجوم الثوره والانوار
عصابه الحكمت والاشرار- ملينه امن احزاب العار
حاطوا بينه اللوگيه  - ثورتنه ثوره شعبيه
ثورتنه ثوره سلميه
***
جيل الثوره يالشجعان - انتوا العزه للأوطان
منكم نتعلم يا شبان - راضينه بيكم لزمان
ثرتوا اوعدلتوا الميزان – عالي اسمكم بالبلدان
لا نفعيه اولا حزبيه - ثورتنه ثورة مدنيه
ثورتنه ثوره سلميه
***
باگونه ابإسمك يادين – باگوا كحلتنه امن العين
اسنين اومرت واسنين – جاعت اطفال اوماكو معين
ليوين او نحمل ليوين – ابطال الهتفت منتفضين
شبان الثوره المدنيه – شبان الثوره العفويه
ثورتنه ثوره سلميه
---------------------------------------
الى ثورة تشرين / 2019
ســــــــــــــتوكهولم


45
المنبر الحر / ياجيشنه الباسل
« في: 18:53 27/10/2019  »
تحية الى من يساند الشعب العراقي في محنته

ياجيشنه الباسل
ميسون نعيم الرومي
 
عين الشعب ترجاك ياجيشنه الباسل
اتهب ابقوتك  تحمي الوطن والثائر
 
تطرد كل دخيل او أجنبي امگطم
ترجع هيبتك يا جيش (موسى الكاظم)-
 
اولادك هذول اودمهم اللي سال
غـِرگو بالدِمـَه .. والعالـَم الغافل
 
مردوهم مـَرد بالغاز والقنـّاص
(ايران) القررت والنـَـفذَت لذناب
 
كل ام اواخت كل أرمله اوكل شاب
ترجه هبـّـتـك والمرتجي ما خاب
 
يكـِتـْلون الشـعب وابحجة التخـريب
جرحك يا وطن ينزف يضل هالصابر
 
عين الشعب ترجاك ياجيشنه الباسل
اتهب ابقوتك  تحمي الوطن والثائر
***
سيسوه (القضاء) الصار ضد الناس
صارت مهزله والفاس فوگ الراس
 
(اعمامات) اتسيسَـت فتواهه للأحزاب
تسـنـِد بالظـِلـَم واســتحلت الإرهاب
 
المن ننتخي ؟ والعالم الصامت
ابختك يا(حسين)..ابختك (العباس)
 
لمـَّـوا بالشباب ابحجة المنـّـدَس
ابخسـَّه اونذاله .. ابسكته وابلا حس
 
سلموه العراق .. (الإيران) تلعب بيه
(أمريكا) اسكـِتـَت (اوربا) لتماشيه
 
انقذ دولتك امن الغازي والمحتل
انت السند..والخيمه..انت الظل
 
شرطتنه الأبيه او جيشنا الباسل
انتوا المرتجى للشعب هالحاير
 
عين الشعب ترجاك ياجيشنه الباسل
اتهب ابقوتك  تحمي الوطن والثائر
---------------------------------------
ســــــــــــتوكهولم
27 تشرين / 2019
 


46
المنبر الحر / حقي نازل آنه آخذ
« في: 20:43 24/10/2019  »

حقي نازل آنه آخذ
ميسون نعيم الرومي
 
-(حقي نازل آنه آخذ)-
روحي بيدي والعلم
جروحي اشدهن..
بيدي اكضهن
حيل اصيحن ..
باسمك اهتف..
يا عراق
انت قبله والمناره
انت تاريخ اوللحضاره
بيرغ انت للأمم
ع الفساد اليوم ثائر
غرگونه بالمحن
ننقذ انريد الوطن
انحاسب انحاكم هالرمم
حقي نازل آنه آخذ
روحي بيدي والعلم
***
دم اخوتي بالشوارع..
يصرخ ابصوته اوينادي..
كتلوا الفرحه والحلم
ابراسه طلقه من جبان..
أبد ما طاح العلم
أذّن اوصاح الأذان
والكنايس تعزف الحان السلام
يا شهيد الحق ينادي..
عفيه اخوتي للأمام
طشوا اسنينه للأسف
بعده دمـَّه ..مانشف
يطلب الثار اوينادي ..
كلنه نهتف للوطن
شعب واحد .. فد علم
حقي نازل آنه آخذ
روحي بيدي والعلم
-------------------------------
الى الثوار اهديها
24/تشرين الأول/2019
ســـــــــــــتوكهولم


47
الى الثوار اهديها
مع تحياتي

من بغداد الحد بيروت
ميسون نعيم الرومي
 
(من بغداد الحد بيروت) – (لا شيعيه اولا سنيه)
ضد الفاسد والمحتال – ثورتنه ثوره وطنيه
بغداد انهجمت بغداد – سراق التمت (لوگيـّه)
فالتحيا ثورة تشرين – ثوره ثوره سلميه
لا حزبيـّـه اولا فئويه – ثورتنه ثوره عفويه
جنسيتين العدهم مزدوجه – منريد اولنريد الحزبيـّـه
اتركبون الموجه اتريدون – احزاب السلطه العبثيه
انحاسبكم كلكم ..تدرون – اولاد الدوله السريه
جبناء الفسـّـاد..ابوجهين – للجاره كلكم تبعيه
ما عدكم غيرة أوطان – انتشرت عدنه الأميه
بغداد الچانت تزهي – هديتوا البنيه التحتيه
(أكسباير) كلكم بـَرَّه – الشعب ايريد الحريـّه
أولاد الثوره الشجعان – مستقبل انتوا..انتوا المدنيه
فليسقط حكام الصدفات – سراق الثروه الوطنيـّه
نواب اوريسهم سراق – اوعود اوعدتوا ترقيعيه
بسـم الدين الوطن انهان - اعمايم قوط اوچفيه
نادى الشعب اليوم ايريد – حكومه حره استثنائيـّه
عراقيه امن الشعب انريد – حكومه امأصله تكنوقراطيه
انحاكمكم خونه.. بالقانون – ثورتنه ثوره شعبيه
فالتحيا ثورة تشرين – الثوره الحره السلميه
(من بغداد الحد بيروت) – (لا شيعيه اولا سنيه)
--------------------------------------------------------
21 / تشرين الثاني / 2019
ســـــــــــــتوكهولم


48
تحية الى من يساند انتفاضة الشباب الباسلة

ام الشهيد اتصيح عينونه
ميسون نعيم الرومي

عريس وابدمه يحـَنـْونـَه – لفـّوا بالعلم وامسلهم اعيونه
غاد الچفن ليغاد فدوه الگذلته – يجناز انتظر خل ربعه يزفونه
لا چنه كبر وافرحتي بسنينه – طفو شمعته وانخطف يا لونه
ام الشهيد اتصيح عينونه
عريس وابدمه يحـَنـْونـَه
***
لفـّوا بالعلم واحلامه خِنگوهه – امحسر يا عـُمـُر واسنينه عـدْموهه
مدرسته بچت والكتب لموهه – اصحابه اوهله .. ابتابوته حطوهه
يجناز انتظر ضحكاته جمعوهَه – احلامه،والدمع،ع الگبر طشوهه
طفو شمعته وانخطف يا لونه
ام الشهيد اتصيح عينونه
***
لا شغل عدنه اولا عمل – بعده المخطط ما كمل
امعمم اوقاط او(فخفخه) – كلهم حثاله ابلا أصل
ذبحوا ولدنه يا شعب – جرح الوطن ما يندمل
بشوية چذب خدعونه
ام الشهيد اتصيح عينونه
***
-(مهدي اوصالح والربع) – امروا ابقتلك يا شعب
أملاك وافلوس املتله – وانت الك جوع اورعب
تگدر حرامي اتأمنه؟ - لو صدگت مـَـيضل عـَـتب
وعدوا بالوعد باچراوينسونه
باعوه العراق اشلون يحمونه
ام الشهيد اتصيح عينونه
جمع او فرد فدوه اله اولعيونه
عريس وابدمه يحـَنـْونـَه
----------------------------------------------------
11/ اكتوبر/2019
ســــــــــــــتوكهولم


49
المنبر الحر / بـركان الغـَـضب
« في: 16:51 06/10/2019  »
بـركان الغـَـضب
ميسون نعيم الرومي
 
بركان الغضب هالصاح واتفجـّر
(بـغـداد) العـراق اليوم تـتحـَـرر
 
يا (إخوة اختهم) .. هـَـبـَّـت الأبطال
نار اوتحـرگ الباغـيـن واتجـَـمـّـر
 
تطرد كل دخيل او اجنبي (املگـّط)-
تـِـرفع هـيـبـِتـَـك يا وطـَن واتنـَـوّر
 
ذلـَـوّا بالشـعب حـَرِّفـَوا بالأخلاق
خـِدْشـَـوْ بالكرامه .. اليوم هالتـثأر
 
ولدَك يا (عـراق) اليوم شـعلة نار
تمسـح دَمـْعـِتـَـك والأرض تتطهر
 
يا ارض (العراق) الطيبه ام الخيـر
*يا ارض (النبايه) .. اتصيب واتشور
 
(دجله والفرات) .. انـتـِـظروا التغيير
تاريـخ انكتب .. وابدم أبي اوكل حـر
 
اولادك هـَـذول .. الفـَخـَـر والعزه
رفعـَـوا رايـتـك وابـدمهـم اتعـَـفـَّـر
 
تعتيم اشكثر ؟ ياعالم اعـّدِل .. شوف
العالم سـكت .. و(ايـران) تتصَدَّر
 
احـفـاد (الحسين) ابظلم ينذبحون
(امريكا) .. ابرگبتچ .. دمهم اتفجر
 
يا سـقط المتاع ! اشجابت امريكا
ايـراني الحـِكـَم .. والسافـل اتنـَـمـَّر
 
دم هـذا الشـباب .. ابـرگبة (امريكا)-
جبتيهم ؟
طلعيهم .. هذوله مصدرالكل شــر
 
سلام اعله الشباب .. النصر إلهـُم دوم
سلام الله على بغداد ..الله القادر الأكـبـَـر
-----------------------------------------
*(النبايه):- جمع لكلمة نبي في اللهجة البغدادية الدارجة
-------------------------------------------
مهدات الى شبيبة الأنتفاضة المقدسة
التي بدأ في يوم 1 / اكتوبر/ 2019
--------------------------------------------
ســـــــــــــــتوكهولم
6/10/2019


50


سلام اعله العراق


ميسون نعيم الرومي

ســلام اعله الشهيـد الينذر ابـدمه
سـلام اعله اليلاوي الموت ماهمه
يا أرض العراق التبچي كلهه اگبور
تـِـزف للموت أمه .. للوَلـَـد يـمه
براعم تنحصد كل يوم .. واويلاه
تـِـطرّز بالسـمه .. نجمه ابأثر نجمه
كل حاكم يجي متحزم اعله الناس
يحصد بالشــباب اومـَـيـّـت الذمـَّه
افلوس امتلتله بجيوبه ! ولده ابخير
واولاد الشـعـَـب واطفاله متيتمه
من (قال اوبله) حصتنه بس ادموع
خوف اوضيم ! كلهه اعلينه ملتمه
***
سلام اعله العذاب وشهگة المضيوم
على احرار الوطن بالوطن هم غربه
أسـأل بالقـَـدر والقـَـدر ما يـرحم
يلعب بالعراق اويطحن ابشـَـعبه
يتلگه الغدر! من غربه والجيران
جـيـران الغـَدر اتسِـلبه واتحـلبـَه
نوّاب اوحكومه اوجمهرة احزاب
تـِـفـَـرهد بالعراق ابنفطه وابشلبه
امهـَجـَّر شعبنه امطشر اعله الكون
يعتب ع القـَـدر وامضيع ابـدربه
دومه ممتحن واجروحه عريانات
تـِگـْطـِر بالألم .. وايعايـن الربـَّه
***
سلام اعله العراق اهواره واسهوله
سـلام اعله الشـعب والمبتلي ابهمـَّه
ســلام اعله الفقير الهدموْ ابـيـوتـَه
تـِـتـْحـَـنـَّه الارض بالامه وابـدمه
سلام اعله السلام الشال من يمنه
على الحكام لعنه اوميت الف نقمه
سـلام اعله الشـهيد الينذر ابروحه
سلام اعله اليلاوي الموت ماهمه
-----------------------------------------
25 / سبتمبر / 2019
ســـــــــــتوكهولم


51
شعر الفرات الأوسط (دارمي)-
ميسون نعيم الرومي
 
نتوچه ع الخيبات  نزحف على الراگ
اتعلمنه حني الراس والنفس هالضاگ
***
متفقه كلهه اليوم  تمحي  الجريمة
سلطة دجل نواب .. قسْـموا الغنيمه
***
-(إدعاء..اوقضاء .. هيئة نزاهه)-
تستر على اللي باگ .. موت اللفاهه
***
تثرد خبز بادموع  سـكته اوبلا حس
تحمل ظلم چم دوب ! مـَـشبـَعـِت مو بس!
***
آخ الوكـت چـم آخ .. يوميه شــِـدَّه
شابعنه هم او ضيم .. بس احنه عنده!
***
شدوله چن نجمات .. للحرب ودوه
هذا الوطن ياحيف .. هالحرثه سوّه
***
سهر الليالي او ضيم حصلوا شهادات
لا شــــغل لا تعيين كـلهه وســاطات
***
نايب عريف ايصير عنده شهاده!!
والصايـع البـوّاگ  يحكم بـِـلاده
***
يا شـَـعـب يا مضيوم .. بسـّـنـَه امن الحروب
امن اجـل الكـراسـي ليش .. دَمـَّـنه ابهالدروب
***
صار السكوت اليوم .. عدنه ثقافه
نحمل مذله اوضيم .. سارق نخافه
***
فكر الأصيل ايدوم .. يضوي اويه لنوار
ابضيم انكتب وادموع .. وابدم الاحرار
***
محنه اوصراع انعيش .. والگلب جمـَّر
نلـَـزّگ ابهذه اوذاك .. خلونـَه نـِفـْـتـَـر
***
فصل الحكم ع الدين .. هذا النريده
تـتـمـَـدّن الأرياف .. تحله القصيـده
***
مادامت اومتدوم .. هاي الكراسي
روح اقره بالتاريخ .. لو جنت ناسي
***
ما الهه والي اتصير .. تاليهه طشار
كلهه تشمع الخيط .. يلحگهم العار
---------------------------------------------
أيلول / 2019
ســــــــتوكهولم
 

52
الأمل موجــود
ميسون نعيم الرومي
 
اجـلبنكم يليلي والأمل موجود
يهب يوم الوطن ماضيه كله ايعود
يطرد شرذمه الجتنه مثل الدود
ميطول الزمن والزمن خو معدود
والخضراء تصبح سـجن ندريبه
اجلبنك يليلي الف تجليبه
***
اجلبنك يليلي والوطن مبيوع
كلشي انباع خالنـِابچي نصب ادموع
لـِفانـَه الضيم والحرمان ! شعبي ايلوع
آلاف الحمايه .. اوما تِـفـيد ادروع
لو يصعـَد (سـِـمـَه) واحدكم انجيبه
اجلبنك يليلي الف تجليبه
***
اجلبنك يليلي والعراق انباگ
بگـتوْ ضحكة الأطفال والعشاگ
چـِـنتوْ بالغـَرِب تمشون راگ الراگ
واحدكم عـَـميل اوبالعصه ينساگ
(ملياردير) صار اومنتفخ جيبه
اجلبنك يليلي الف تجليبه
***
اجلبنك يليلي والشعـَب ميموت
خرايـِب يالوطن مابـقـَت بيك ابيوت
نهايتكم قريبه .. من يصيح الصوت
يـِهـِب اعراقنه اشماله اوجنوبه اوكوت
ارصاصة شعبنه الخاين اتصيبه
اجلبنك يليلي الف تجليبه
***
اجلبنك يليلي ! الماضي خو معروف
تاريخ العراق اقراه وانت اتشوف
چم حاكم حكم يوم اوصبح منسوف
*(بالحفره) او(عبايه) امن الرعب والخوف
ما تنفع ختلته العاش بالخيبه
اجلبنك يليلي الف تجليبه
----------------------------------------
*الحفرة اشارة الى حفرة صدام
*العباية ترمز الى رئيس وزراء العراق (نوري السعيد)
عند ارتداءه العباءة النسائية هروبا
من غضب الشعب في ثورة 14/ تموز/ 1958
-----------------------------------------
آب / 2019
ســـــــــــــتوكهولم


53
بين البيوت اســـلاح ؟
ميسون نعيم الرومي
 
طوبه اوصرت ياحيف .. كـِلهـَه تـِرفسَـك
يعراقي شنهي الصار.. التـَمـَّـت تـِفـِرْسَـك
***
سـاحة حـَـرب يـردوك .. نصبوْ مدافع
فـوگ الفگـر والضيم .. للجاره دافـِـع
***
بيـن البيوت اســـلاح ؟ محـّـد يهابـه !
شعب السِـكت مذلول .. مخلوعـَه بابه
***
من حرب الحرب چم دوب ؟ تغسل بالدموم
ياهـو اليجي يوليـك .. يا شــــعب الهموم
***
لعيونه كلشي ايهون .. جار المصايب
واليرضه باللسـعات كل وكتـَه خايـب
***
فـَرْغو وطنه افلوس .. هم خيره منهوب
للجاره كلهه اتروح .. والحرب عالبوب
***
(يالملحه) ربّي اولاد .. زتي للحروب
حصتچ عـَـلـَم ملفوف .. وانتي بالدروب
***
حكام اجونه اجناب .. امن الجاره صوغه
صار العراق اتراب .. وابگلبه شـــوغـَه
***
چـَـنـَّـك تظل منذور .. للحرب دومك
يالشعب نايم ليـش .. طولت نـومـك
***
مولح صبيهه العين .. من صب الدموع
من الزغر لليوم .. بـس نـبچي وانـلوع
-------------------------------------
21 / آب / 2019
ســـــــــــــتوكهولم


54
زاوية الشعر الشعبي / صح النوم
« في: 19:00 15/08/2019  »
صح النوم
ميسون نعيم الرومي
 
صح النوم .. نايم يا شــعب ليوين ؟
مهانه او ضيم جوع او فگر متحملين
 
يا هالجيل ياأحفاد : زلم الثارت ابكانون
اصحوا : الياوكـت تبقون مذلولين ؟
 
*ذيچ السنه ابكانون وثبة شعب ثار
إيـد ابإيـد للحـكام متحـَـديـن

طلع كل الشعب وابصوت واحد صاح ..
سقطهه الحكومه ! اوهتف منصورين
 
-(طلاب الوطن) .. يا بيـرغ التعليم
قادوْ بالشعب .. ضد سطوة الغازين
 
ما خافوا سجن ..   لا نار .. لا طلقات
شـيعوْ بالشـهـيـد .. ابدمه متحنيـن
 
كلهه اتضامنت .. واعلنت بالإضراب
أحـزاب اوشـــعب ع الظلم متحديـن
 
*(بورتسموث) سقطت .. رفضو استعمار
هـَزَّوْ بالعـَـرش .. والسـلطه مرعوبين
 
المـرأه الصمود اوعزَّة الأوطان
سـِـندت بالرجل واتحَـدَّت العاتين ..
 
الدم اخـْـتـِلـَط  برصاصة الأشـرار
*يا جسر الشهيد .. الباقي اسمه الحين
 
الجيش امتنع واتضامن اويه الناس
ما وجّه رصاصه الإخوته الطيبين
 
وابدم الشباب الهوّس الهوسات
هتفوا للنصر : الوطن ضي العين
 
چا شنهي الجره ياشعبي .. ساكت ليش ؟
تحمل بالظلم واتبـوس بالرجليـن ..!!
 
باگتنه العمايم .. نهبوا الثروات
داسوْ بالبطن .. و(الخطبه) .. بسم الدين
 
(أطيان .. او فلل ) .. ببنوگ دولارات
والناس انهفت .. انتظروا حور العين ..
 
چا شحچي .. شگولن .. يا حچي الينگال؟
ضِل ابنومتك .. بالحفر متنعمين
 
أظن الحاله هذي تبقه چنهه اتدوم !
صح النوم .. صح النوم
--------------------------------------
*وثبة 1948، هي انتفاضة شعبية حيث هب الشعب العراقي
رجالا ونساء واطفالا في يناير1948
بهدف اسقاط حكومة رئيس الوزراء  صالح جبر ومعاهدة پورتسموث
وكانت في الفترة من 1-27 يناير 1948.. فيها فرض الشعب ارادته وحقق مطالبه كاملة
بدأت الانتفاضة بمظاهرات سلمية سرعان ما تحولت إلى معارك بين الشعب والحكومة، ومنها: واقعة الكلية الطبية، معركة كلية الهندسة، معركة الجسر، ومعركة باب المعظم. وحدث في أثنائها عصيان عام أغلقت خلاله جميع المرافق العامة والخاصة. وسقط في هذه التظاهرات المئات من الطلبة والمواطنين العاديين، بين قتيل وجريح، نتيجة استخدام الذخيرة الحية من جانب شرطة النظام، ومن بين الضحايا الذين نعرفهم: قيس الألوسي وشمران علوان وجعفر الجواهري.
(منقولة من النت بتصرف )
--------------------------------------------------------------------------------------------------------------------------
*جسر الشهداء
---------------------------------------------------------------------------
1 / ايلول /2019
ســـــــــــــــــــــــتوكهولم





55
المنبر الحر / ألـِف شكراً كربلاء
« في: 18:27 04/08/2019  »
ألـِف شكراً كربلاء
ميسون نعيم الرومي
 
ألـِف شكراً كربلاء
والأهلنه الأُصلاء
دَخـْـلـَـت الفـَرْحـَه الگـَـلبنه
بعد ما شـِـفـْـنـَه البلاء
يا (حسين) البيهه ثائر
يا نصير الضعفاء
وانت بالحق سيف قاطع
يا منارالفقراء
ألـِف شكراً كربلاء
***
يا (حسين) الماكره أبدا ضياء
يا (حسين)الوفه اتعلمناه منك
من ابوك اوگبله جدك
گالهه (الله جميل)..
او ربك ايحب الجمال
والفن أساس امن الحياة
والدليل اخت الرسول
شاعره ابصوتٍ جميل
(شيماء) وابكل المعارك
تشدو بانغامٍ شجيه
صوتهه .. طرّ السماء
ألـِف شكراً كربلاء
***
تحمل اشگد اوتعاني..!
يا بلاد الأنبياء
ما شفت راحه ابحياتك
وانت معروف ابصفاتك
حـُكمـِـتـَـك حفنة رعاع
نهر ثالث جره ابأرضك
وابدماء الشهداء
والشعب مل العناء
ألـِف شكراً كربلاء
***
حـُكـّامنه ابهذا الزمان
لاشبيه الهم ولا الهم مثيل
الحـَـرْمنه .. الهم دليل
خانـَوْ اوباعوا أرِضنه
أبـد ما عدهم ولاء
باگوْ الثروات كلهه
لا خجل عدهم ولا ذرة حياء
موبقات اوبيهه نـِشرَوْ
من حشيش اوبيع أعراض النساء
اوحتى دورٍ للبغاء
خـِنـْگـَوْ الفرحه ابگلبنه..
آخ .. يا خيبة شعبنه
بالچذب طمغـَوا گصصهم ..
كلشي عملوا بالخفاء
شوْهـَوْ الدين ابدجلهم
والدين من عدهم براء
ياشـــباب .. الخير بيكم..
الأمل انتم والرجاء
ألـِف شكراً كربلاء
***
وانتَ يا مهد الحضاره
صرت لول بالفساد
لا مدارس لا مشافي لا شوارع
لا تقدم..لا زراعه اولا حصاد
لطم وامغـَطـَّه ابسواد
حاربوك ابإسم الله..اوبسم دينه
صرت سـَـهـْـل الانقياد
اشوكت تطرد هالذئاب..؟
انت ابن سومر اودجله والفرات
شـَـوّفوك الجوع وارهاب اوعذاب
ابصدرك اتلاگي الرصاص اوما تهاب!!
انهض .. ثور اعله ذوله ..
وانقذ اهلك والبلاد
غـَـنـّي وابصوت اليتامه والأرامل..
غني وابصوت الجياع
للوطن يحله الغناء
ألـِف شكراً كربلاء
ألـِف شكراً كربلاء
----------------------------------------
مهداة الى جمهورملعب كربلاء الأولمبي واهل كربلاء
ومنظمي حفل افتتاح بطولة غرب آسيا لكرة القدم
---------------------------------------
ســـــــــــــــــتوكهولم
4 / آب / 2019


56
دارميات .. (غزل البنات)
ميسون نعيم الرومي
 
اشعاع الشمس مظفور بيهه الگصيبه
واللي يشـوف العين هوَّه اونصيبه
***
بويه اشحلات اهواي يچوي ابسماره
شمس اوگمر وانجوم .. هزّ العماره
***
يگطر عسل مملوح چلماته ترفه
من نگلة الرجلين لو مر اعرفه
***
بشليلي الم انجوم وانثر دربكم
والگمر ضوَّه الليل يمشي بثركم
***
حاير واعاين ليك يوليفي يالصد
مدري الورد بالإيد مدري على الخد
***
خليني اعاين ليك لن روحي بيدك
چا هيـّه مو بالكيف گلبي يريدك
***
گمره اوربيع اليوم حلوه اوضويـّـه
وامطرزه ابنجمات اسمانه اوزهيـّه
**
افرشلك الجفنين عيني اوصبيهه
والعطش لو مر بيك اشرب ابميهه
***
الگلب لو بالكيف يسعدنه كلنه
متعلي ما ينلاح يلعب ابدمنه
***
موشومه چنهه انجوم رصعات الخدود
وامطرزه ابشامات والحسن مشهود
***
شامه انت وسط العين وانت صبيهه
افرشلك الجفنين يالانت ضيهه
***
افرشلك الجفنين برموشي اغطيك
تشرب ابمي العين وابروحي اشريك
***
يحله السمر وياك .. تزعل واراضيك
لوتمشي اوتصد غاد .. آنه الاحاچيك
***
الگلب مو بالكيف كلنه عبيده
والما تريده الروح گلبك يريده
----------------------------------------
29 / تموز / 2019
ســــــتوكهولم


57
أدب / الى العيد اهديها
« في: 09:33 18/07/2019  »

الى العيد اهديها


ميسون نعيم الرومي

أرد اسألك يالجاي يا عيد الاحباب

بعده الفـرح بالدار واتحني بالباب ؟

متغربه گال اهناك بطل ســؤالك

الغربه ذل او ضيم .. محد حچالك؟

***

ملتمـَّه كلهه الناس تســـتقبل العيــد؟

دشداشه ثوب اجديد والحنه بالإيد؟

طشوا هلچ تدرين والباقي موجوع

باوعلي هز ابايد .. وابعينه لدموع

***

هم شفت اهلنه اهناك نصبوا مراجيح؟

شـِعلـَوْ شـَـمع يا عيد عـَـلـْگــَـوْ مصابيح؟

ظلمه اوخـِليـّه الدارسـكنتهه غربان

يا دار اهلنـَه اوگال ما بيهه عنوان

***

مالك طعم يا عيد والگلب ملچوع

نذكر زمان الفات .. واتهل الدموع

بسـَّـك تحن اتنوح ! ملـّوك الاحباب

لا نفع دمع العيـن ! شـيفيد العتاب؟

***

هم تدري يا هالعيد عـِـفـْـنـَه وطنه

اوهم تدري يا هالعيد منه انطردنه

باعـونه كلنه اهناك والغصـَّه بالروح

حتى النخل والماي ع اللي جره اينوح

***

ارد انشدك يا عيد هم شفت اهلنه ؟

بعده الفرح بالجاي ؟ ذيچ المحنه ؟

ع الأهل تسأل ليش والغربه غربه

طير اوكسير اجناح ضيع ابسربه

***

ما شفنه ابد فد يوم .. الوطن يـِنـْحـَـبْ

شيب اوشباب ايتام والعازه تـِـتـْعـِـب

گال الوطن مبيوع والثمن مقبوض

تحمل هضم چم دوب والضلع مرضوض

***

تدري انت يا هالعيد سومر اهلنه

بالوطن اول ناس .. بيه انخذلنه !

گال انتِ خو تدرين .. (غربه غزونه)

بسم الله بسم الدين ! شو فرهدومه

***

جيت انت يا هالعيد .. مثل اول العام ؟

لو خبر عندك زين ! لو هالوضع دام

كال ايسي ! هيدي اهناك .. وين النفاهه!

بوگ اومرض وادموم .. مامش رفاهه

----------------------------------------------

17 / تموز / 2019

ســــــــــــــــتوكهولم


58
المنبر الحر / يا تـموز
« في: 18:16 14/07/2019  »
يا تـموز
ميسون نعيم الرومي
اربعطعـَـش ثوره وابشـهر تموز
هب كل العراق ازغاره واكباره
فلاحين عـمال اوشــباب اوشــيب
 هتفـَــت للعـراق : اتعيـش ثـواره
زحفوا ع الظلم والجور والحرمان
 قـوّادَه زلم .. ابـطالـَه وابـرارَه
العالم (ذهل) .. والحدث هز الكون
 يفخر كل شعب .. وابثورة احراره
ايد ابأيد و(ابتموز) شـعب او جيش
 فجر ثورتـَه وانهزمـَـت اشــراره
ابن دجله اوفرات اسهوله والوديان
 واشمال العراق اجنوبه واهواره
على اسـتعمار ثاراوسـطوة الاقطاع
 على ضيم العراق..الفگـر واضراره
حضن كل الشعب والفقره والمعتاز
 (ابن قاسم) بطل والشعب انصاره
فرح كل العراق ارتفعت الرايات
 هتفوا (للزعيم) ازغاره واكباره
حبيب الشعب وابن الشعب وجه الخير
 (كريم) ابن العراق امخـَلـِّدَه ادواره
بغداد العزيزه اصبحت فوگ الفوگ
والشعب ابتشـر وانتشـرت اخباره
وزع بالأرض عَ الفـقـره والفلاح
زهـَه بيه الزرع وانتعشت اهواره
نشـر كل العلم ما ضلت اميـّه
شـجع بالصناعه اوشـيد اعماره
(أمم) بالنفط والنفط ملك الناس
بـِنـَه كل العراق او علـَّه بسواره
عـِله نخل الوطن والسعف حد الغيم
شـيد بالســـدود او تشـــهد انهاره
مدارسنه بناهه .. المشفه والروضات
كل شـعبه يحبه او كثرت انصاره
لذلك حـَـرّكـَـوْ مجموعة الأذناب
(أنذال) اذبـَحـَـوا بالشعب واخياره
واتآمرعدوّه وانذبـَـح (تـموز) ..
واحرار العراق اوكتلوا اخياره
يا (تموز) .. خنگوْ فرحتك بينه
واعراق انتكس وانطفت انواره
من يومه العراق او شعبه هالمضيوم
واسـنين انگضت بيدين غـَـدّاره
يا وَسـفه الحكم بيدين .. غدّاره
-----------------------------------
14 / تموز /2019
ســــــــــــــتوكهولم
 
 


59
زاوية الشعر الشعبي / ردنه يا زمن
« في: 18:23 10/07/2019  »
ردنه يا زمن
ميسون نعيم الرومي
 
ردنه يا زمن .. الله اعليك رد بينه
يا ليل السَهر .. شو ناسي !حاچينه
ماي او للعلو .. هيهات يصعـَـد فوگ
ماي اللي تـِـبـَـدَّه .. عيب اتلمه ايدينه
راح العـمر واتعديت .. ما بگيت
خلك عَ البعـِد .. مـو كافي تاذينه
ملينـّـه القهـَـر والحسَـره والآهات
زمن هذا الوكت تـِسـْـعـَـر چوانينه
تـِـضل اتوجْ ما تهفت .. تچـَوّي الروح
تـِلهـَـب بالگـَـلب .. وابناره تچوينـَه
تـِعـَـلمنـَه السكوت او حرگـَة النسيان
نبچي ابلا دمع .. والزمن يـبچـيـنـَه
مامش جرح ينزف دوم ! يـوم ايهيد
جرح البلگلب مـَـنـْروفه .. يدمينه ..
رد يا زمن رد بينه
الله اعليك رد بينه
***
رد النـوب احلفـَـك بالله رد بينه
الزخات الفرح والضحكه عَ الشفتين
البساتين النخل .. واللمه والخلان
لعثوگ الرطب والعنب .. مايع تين
والتكي العـَـسل .. بشليلي المن بيه
خستاوي النبگ .. يعراقي حلو الطين
من ابعيد .. أسمعـَن عزف حزن الناي
ياصوت الجنوب اوحزنه بي تلحين
نثرتيه الشعر شمس العصر محلاچ..
حضنتي بالنخل صليتي عَ الجرفين
يروي بالعطش ينعش بگايه الروح
يا دجله العذب ! والماي دمع العين
تحن روحي الك .. كل العمر اشتاگ
تسري اويه النبض .. ذكرى اوتسلينه
رد يا زمن للفرح .. رد بينه
كافي يازمن بسك تعادينه
الله اعليك .. رد بينه
--------------------------------
تموز / 2019
ســــــــــــــتوكهولم


60
زاوية الشعر الشعبي / ياحَـمــام
« في: 16:24 04/07/2019  »
ياحَـمــام
ميسون نعيم الرومي
يا حَـمام
ابكل سمه أكتب عـراق
ابـسِـمـَه .. روحي والفـؤاد
قـبْـلـِتي .. اوشريان گلبي
اعراقي قـِـبـّـله والمراد
ياحمام اللي تهاجر
اعيوني تربي اوما تنام
لاتغيب اورد لهلنه
رَفـْـرِف ابْـجـِـنـْحَـك سَـلام
يا حَـمام
***
نـَـهَـر دجْـلـَـه والفـرات
أمَـل يـتـأمـل أمَـل
شـَـرد اسَـمـيهـن أسـامي
احْـروف اسـاميهـن غـَـزَل
يسگـن ابگـاع العـراق
عَـسَـل يـسْـگي اوبالعَـسَـل
وانتِ يا بغداد .. عيني
والغـَـزَل يَـعْـني الغـَـرام
يا حَـمام
***
إجو ظلام الچ بغداد والأنسان
كفار اوأبد ما عدهم الايمان
گصو بالوريد اوذبحو الشريان
ما عرفوْ الدين اولا أبد ديان
بس تكبير نسمع والذبح آذان
ليزيدي بقه مندائي لاكلدان
والتفجير صاير للحكم عنوان
يا هيئة أمم ، مجلس أمن عميان
باعوه الوطن كل الوطن ليران
حاقدين اوحـَـرْمـَـنـَـه اوكلهم لئام
يا حمام
***
اسمك اويبقه العراق
انت سيف اعله النفاق
حاكم امرتب .. إجانه
طائفي او يزرع شقاق
اوعاش يا عيني الوفاق
عَ الكراسي صار يا ناس السباق
برلمان اوبالچذب يهتف عراق
على شعبه اوشهر احقاده اوحسام
يا حَـمام
***
تاريخ العراق الماضي كله اهموم
مذبوح الشعب مرخوصه بيه ادموم
ثعالب هالتحكمه .. اويوم ياكل يوم
الفرس اومغول أجناب كلهه اوروم
انلوم البعضنه اوما خلص هاللوم
هالصارت خرايب سكن بيهه البوم
ماتسهل ابد تصعب تراهه اودوم
ملتهين اوعدنه انواع الخـِصام
يا حَـمام
-----------------------------------------
2/تموز/2019
ســــــــــــــــتوكهولم


61
أدب / نخلتي السجينة
« في: 15:31 22/06/2019  »
- نخلتي السجينة –
ميسون نعيم الرومي
 
اعصفي .. زمجري  يارياح
غضبك يرعب شياطين الأرض
ويوقظ أحلام المساء
***
يوم شتوي كئيب لايشجع على الخروج
المطر يعزف لحنا حزينا
يحاول ان يخترق زجاج النافذة
هربا من برد قارس
***
أكلمك .. نخلتي ..
نخلتي .. سجينة الإناء الفخاري الجميل
لاأدري كم مضى من الأعوام
عشرة .. عشرون .. ربما مائة عام
وانت تحاولين كسر القيود ..
تصارعين سجنك المؤبد ..
تتطاولين محاولة اختراق سقف الغرفة
انحنت ضـُلـُعـك سعفاتك الباكيات
اصفرت الما ويئسا وخيبة
الآن فقط اسمع البكاء والأنين
لا أخفيك .. نخلتي ..
اعتدنا النواح والآهات والحسرات
***
هنا سعفة لازالت خضراء ..
هناك أخرى تصارع اشباح الموت
وهذه تحاول الخروج ..
لتعانق المساء وتقبل وجه القمر
تنشد مع النجوم انشودة القدر
وكأني اسمع اشجار الغابة المجاورة
تحثها على الإنطلاق الى عالم الحرية
عالم البقاء
***
حاولت عبثا ان تكوني كما أريد
كما اي جلاد
القسوة والاضطهاد ثقافة في الجينات
قطعت نصف جذورك ..
حشرتها في وعاء صغير..
حاولت .. و حاولت
الآن فقط احسست بدماءك تقطر من بين اصابعي
اعذريني .. اعتدنا القتل وادمـَـنا لون الدماء
***
اتعرفين ايتها العزيزة الصابرة
ربما انت النخلة الوحيدة في هذا الجو الثلجي
بائسة غريبة تصارع الممات
منتزعة من ذلك البلد الجميل
عفوا .. كان جميلا
هناك عبر البحور والجبال
اخيات لك تغسل اقدامها في مياه رقراقة دافئة
تحتضن الحمامات والبلابل
تغني مع النسيم غنوة الحب والأمل
هنا .. وحيدة انت لايواسيك الا صوت الريح
يضرب زجاج النافذة .. نافذة الشوق والحنين
نافذة  الانطلاق .. نافذة التحرر
 أملك الوحيد .. الى الوجود والحرية
***
اعذريني .. نخلتي
سوف تبقين حبيسة هذا الإناء
تحلمين بالحرية .. تنشدين الخلاص
تصارعين الغربة والبقاء
عزاؤك .. احبك
احبك نخلتي الشقية
-------------------------------
حزيران / 2019
ســـــــــــــتوكهولم
 


62
ابيات من شعر التجليبة
چلبو بالحكم واشلون تچليبه


ميسون نعيم الرومي
 
اجلبنك يليلي والغربه هالطولت
تفركنه غصب والعائلة اتطشرت
ابكل هالدول واگبورنه انثرت
نخنگ بالدمع والگلب بي خيبه
اجلبنك يليلي الف تجليبه
***
اجلبنك يليلي والظلم طول
احسب بالسنين اوارجع امن اول
يمتة الفرج يا دنيه لتحول
تـِعـَلـَمـْـنه عَ الظلم يا عيبة العيبه
اجلبنك يليلي الف تجليبه
***
اجلبنك يليلي اشلون قسمه
باگوه الوطن وابغير رحمه
نوبه افندي اونوبه ابوعـِـمـَّـه
يمته تنگضي جتكم امصيبه
اجلبنك يليلي الف تجليبه
***
اجلبنك يليلي والوطن مبيوع
واطفاله اليتامه هالكتلهه الجوع
هالنشفت العين اوماضلت ادموع
چلبو بالحكم واشلون تچليبه
اجلبنك يليلي ألف تجليبه
***
اجلبنك يليي والقسمه گشره
رگبة هالشعب بيدين هالزمره
ثروات الوطن للجار يا حسره
شرمتهه الحكومه والقايد الهيبه
اجلبنك يليلي ألف تجليبه
***
اجلبنك يليلي والحرب جتنه
ولدچ يملحه كل وكت ممتحنه
دمهم للرچاب شلون هالمحنه
سكوتك يا شعب طرگاعة وامصيبه
اجلبنك يليلي ألف تجليبه
***
اجلبنك يليلي والفساد اشكال
لا ينحزر لا يخطر اعله البال
احزاب السياسه مغتصبه كل المال
چبيره امصيبتك .. ماضن الك طيبه
اجلبنك يليلي ألف تجليبه
-------------------------------------
حزيران / 2019
ســـــــــــــــتوكهولم


63
لا الجزائر ساوينه - اولا السودان
ميسون نعيم الرومي
لا الجزائر ساوينه - اولا السودان
اشجانه سكتنه اوليش ؟؟ خيبتنه املونه ابألوان
بغداد اتريفت انقاض - لا خـدمات اولا عمران
اوزارات انباعت بآلوف - دويتوا اعلينه كالذبان
لملوم التمت ســــراق - بالدول امجادي بيبـان
موت اوذل اوتفجير- بعبع (داعش) بيد افلان
لا ضل حنطه اولا اسماك – (فدوه ايروحن) للجيران!
وسطاني اوصاير يعراق - بين امريكه اوبين ايران
للحرب اندگت لطبول - موت امكشر .. يا شبان
ولد الساسه متنعمين - (يالملحه) وليداتچ قربان
چم دوب اونحمل ليوين - لسكوت اوصاير عنوان
نـوح اولطم اولم ادموم - صارت مهنه من ازمان
(موصلنه) .. انربدت ع الروس – شالت (بصره) يم (طهران)
اسلاميه اوگالوا لحزاب - چـِذبوا اتباع الشيطان
بسمك يا دين (اتقشمرنه) - اوبسمك (يادين) الشعب انهان
وين الشاره! وين الحوبه؟غسل اوصاير للأذهان
سبحه اومحبس محتالين - منكم متبريه الأديان
(هـَفـت) اشبعنه كافي اوعود - احكومتنه اعتاويهه اسمان
يمته اتشبعون الله ايهدكم - لفلوس اترحلت للبلدان
جوعتونه اوصرنه ابعوز- منكم متبري الرحمان
يوم اگريب موش ابعيد - عامان اويلحگ شامان
لا المال الينفع .. لا جاه – بالحفره اوتاليكم جرذان
--------------------------------------------------------
مايس / 2019
ســــــــــــــــتوكهولم


64
زاوية الشعر الشعبي / إهنا يمن ...
« في: 21:56 14/05/2019  »

إهنا يمن ..



ميسون نعيم الرومي


إهنا يمن چنه اوچنت - وانت الرحت عني اوغبت
ضنيت بيـك الوفــه – تالي الوفه بيه اوعـِـلـِت
 
إهنا يمن چنه اوچنت والعمر من چفك ضاع
ياما گلت توفي العهد تالي العشگ خرده انباع
چويات الك حدر الضلع والگلب يوجع لساع
طعم الغدر كلش صعب – وانت الذي بيه اوخنت
إهنا يمن چنه اوچنت
***
گاعد على درب الهوى عيني ابعينك واتصد
سـهام اوالك وسـط الحشه لا تنحسـب لا تنعد
گلبي انجـرح ميـّة جرح لاتـِـنعگد لا تنشــد
بالروح تنگد كل وكت – تنگط ألم لن خزنت
إهنا يمن چنه اوچنت
***
مثل الشـِـرَب ماي البحرعطشان دومه .. اوعودك
عـَهد الهـوى ما ينسي وانـت النســيت اععهـودك
اصوابك صعب كلش صعب والأصعب انوب اردودك
وانت الغبـت ما ودعـت ياللي ارحلت عنـَّه اورحت
إهنا يمن چنه اوچنت
***
كل الطيور اترد ولك وانت الطرت مارديـت
 سنين مرت وانگضت احرگت كلشي اوما خليت
چنت اعتقد انت العمر كلشـي خلص ما بگـيت
ضاع العمربيدك گضه - ضيم اوقهر منك شفت
إهنا يمن چنه اوچنت
***
إهنا يمن چنه اوچنت مغشوش بيك اهوايه
چنت اعتقد كلك وفه بس بيدك انت ادوايه
شيفيد ياروحي الحچي والقصه قصه..اروايه 
راح الزمن بينه اومشه - نارانطفت ظـَل الخفت
 إهنا يمن چنه اوچنت
----------------------------------------------
كتب الصديق سيف هذا التعليق على احدى قصائدي
فحرك قلمي لنظم النص الغنائي اعلاه
له اهديه والى القراء الكرام
من اغاني الفنان داخل حسن والذي تعتبر اغانيه من التراث العراقي
إهنا يمن چنه أوچنت جينه وگفنا إبابك
وليف الجهل ما ينسي شمالك نسيت أحبابك
لو حظي لو حظك عثر تعتب إشفاد أعتابك
اهنا يمن چنه وچنت حبيتك شگد وشگد
مكتوب انت بگصتي مكتوب من سابع جد


65
مَحـْـلـَه دلال البيه
ميسون نعيم الرومي
 
رمشك سـِـحـِـر يتغاوه كحل الليل
نجمات الزِلِف وامطـَرّزه الخدين
 
بهلال السـِمه .. يتغزل العشاگ
وجهك بدر.. موشـــوم بهلالين
 
حرت..لعيون الشِعـِر الهـَه ايلوگ
قيس ابسحرهن ! هام من سنين
 
شوف البلابل خجلانه سكتت ليش؟
صوت الربابه اوعود..من يحچي تلاحين
 
مـَرّ عـَـدَّه ابعجل يتباهه بين اغصان
مايع يالرطب.. بالحسن طعم التين
 
مثل نـَـسمة سـَـحـَـر مَحـْـلـَه دلال البيه
بغدادي اوحلو .. يالماشي گلـّي الوين؟
 
چـَـن ماي الفرات اودجله وي الهور
ناثر گذلته .. والشـَـعـَـر ع  المتنين
 
أسمر چـَـن حـِلم واعيونه خجلانات
معـَـدَّل يا ترف .. ريحة بسـاتين
 
يا حيف الغدر خـِصله اوتـِـرَبـَّـت بيه
ينكـر عـِشـرتـَه ! أيامه ويـّه ســنين
 
روح ابطريقك .. واتعده غاد ابعيد
دمعة چـذب .. تـنـداف ويـّه الطين
تـنـداف ويـّه الطين
------------------------------------
آيار / 2019
ســـــــــــتوكهولم


66
إلى العامل في عيده (1/آيار/2019)
ميسون نعيم الرومي
 
بعيدك يبو الأحرار.. جاي آنه اعايد
انت الرجه للناس .. وكت الشدايد
***
تتلاوه ويـّه الريح (اسطولك) مهابه
يالعامل  فخر للناس .. وانت الطبابه
***
لا ضل أبد مجداف .. لا ضل سفينه
كلهه صفت للجار .. كتلوْ العينه
***
چاكوچك يهز الكون .. يالچنت أول
بالتال اوصرت چا ليش ! والوكت حوّل
***
چاكوچك فخر للناس .. وانت الطليعه
يالعامل المغوار .. تسكت .. شنيعه
***
وين المطرگه اوچاكوچ ! وين الصناعه
شاخت الف يا حيف .. انباعت بضاعه
***
بالواحد امن (آيار) .. تهتز الاكوان
تسكت يعامل ليش ! تترجه لحسان
***
خالي الوطن مسحوه .. بس ضلـَّت البوم
والشـعب يبچي اينوح .. ايلملم بالدموم
***
يالعامل اصحه اوشوف .. سيـّسـَـت (بغداد)
(أيـسّـنه) نبچي ادموم .. عيشـتنه بالكاد
***
من حرب الحرب منذور يا شعب الاحزان
هالتحمي فستكان افلان .. والوطن غرگان
***
يالمعتني (لحسين) .. تنذر بالنذور
(حسين) اول اومن ثار.. عَ الظلم والجور
***
ايد اوتساند ايد .. عامل وفلاح
نطرد دخيله اشرار.. واتعم الافراح
***
نترجـَّه ذاك اليوم .. يصحه شعبنه
يرجع وطنه ابعز.. ايرفرف علمنه
-----------------------------------------
1 / آيار / 2019
ســــــــــتوكهولم


67
زاوية الشعر الشعبي / ظفاير شوگ
« في: 05:25 26/04/2019  »
ظفاير شوگ

ميسون نعيم الرومي

دمـوعي ظفايـر شــوگ

وامخضبات ابآه والحسره

ليوين يا روحي الهضم

والعمر هالراح واتـعـَـدَّه

ناحـن فخاتي اوجـِـزَن

اشجاب الزمن واشوده

شريان ابوريـدَه انعگـَد

والگلب ما ضل عـِنده

راح الفرح كلشي خلص

ريشه اوخذاهه الموج واتعده

جوع اومرض عيشة ضنك

راح الفـَـرَح واتـبـَـدَّه

هودِر يا حزن بسك بعد

يركض ورانه اشعنده

يالماشي اعله هونك تمر

شهداء الوطن..

آلاف ورده .. ابورده

دمهم يـفـور اودفگ

نهر ثالث مشه وابحده

صبت سـِـمانـَه اشكثر

تنفـتگ يـوم السـَـدَّه

فوگ الخرايب غرگ

(يعراق) ويـن النجدة

بوگ او نهب ماينتهي

ليوين اوبعد هالشـِـدَّه

نسكت اشـگد اوبعد

كلشي خلص واتبده

حكومات هاللعبت لعب

حسره (المَلـِك)..شيرده ..؟

شيرده !!

--------------------------

ســــــــــتوكهولم

68


رَصـْـعـَـة جـَـمـال
ميسون نعيم الرومي

يا حـَـلاتـَـك أحـلـَـه مـن دَمــع الرطـَـب
رَصـعـَـة جـَـمـال اوتـِـضوي عَ الخـَـديـَـن

 

يانـَـجـمـَـه اوتـِـلالي وَسـَـط نـَـجـم اســمـاك
محــتـار الوَصف بالحـسـن والتـَـكويـن

 

ياكـِـحـلـَـه التـكـَـحّـل رمـش بـيـن اجـفـون
واتـبوس الشـفـايـف عـيَـن تـخــزر عـيـَـن

 

ريحة بـَـنـَـفــسَـج جـوري ويـَّه الهـَيـَـل

يـَـمـعـَـدَّل ابـوَصــفـَـك ياتـَـرف يازيـَـن

 

يانـَـغــمـَـة ربابـَـه اوعـَـزف گالـَـه النـاي
يانـَـشــغـَـة البـرحـي اوحـزن دَمـع التـيـن

 

نـَـخــلـَـة وفـه للوفـَـه اوشـجـرَة طـيـب
يالمالـَـك شـبـيـه ابـيـَـن كل اثـنـيـَـن

 

يا مـلح الحـَـياة او زيـنـَـة الأيام
فـَـرحـَـة عـمـر والفـَـرَح مـاشـي الويـَـن

 

سـبـّـاح الگـَـلـب و الگــَـلـب بيك احـتـار
يـحــسـب بالليـالي اويـعـد بـيـهـَـه اســنـيـن

 

مثــل نـَـسـمـَـه اوتـمـر واتـغـازل الصفـصاف
ياروجـَـه اوتـمـر واتـضيـع عَ الشـَـطـيـَـن

 

ابـزَحــمَـة عـمـر يـمـشـي اويمـر بـَـسـْـكـوت
بـَـت امـن الگـَـلب يـنــداف وَيـَّـه الطـيـن

 

ياجـَـرح البـروحـي اوألف جـَـرح ايـصيـح
خـَـزَّن مـن زمـان او رمــدَن العـيـَـنـيـَـن

 

يا حـَـلاتـَـك أحــلـَـه مـن دَمـع الرطـَـب
يا رَصـعـَـة جـَـمـال اوتـِـضوي عَ الخـَـديـَـن

---------------------------------------------------
ســـــــــتوكهولم

نيسان/2019


69
ليـويــن

ميسون نعيم الرومي

گالولي بسك حزن

والفرح حمل شال

دمعه اوتلالي بالجفن

والگمر يشهد ع الحال

راحت اسنين اوگضت

والروح تعبهه الوكت

الغربه نار اوتشتعل

والأمل .. ضاع الأمل

والزمن مر واتعده

يا دنيه .. كافي ألم

كلمن اويلزم حدَّه

نار البعد صارت خـّـفـِـت

والجمر .. وَجّ اوهفت

والدنيه مالت بينه

لا رحنه چـّـنـَّـه اوجينه

والظلم سابينه

الفرح كل الوكت

طول الوكت.. ناسينه

نوبه جفاف اوعطش

والجار والينه

نوبه سيول اورعب

فاضت اراضينه

گالولي بسك حزن ..

بلوه ابتلينه بالمحن

العمر كلـَّه اونمتحن!!

والفرح .. چا .. وينه ..؟

ليوين يا ربي المحن

ليوين ... بالينه ؟

--------------------------

15/نيسان/2019

ســــــــــــــتوكهولم



70
أدب / كم وصمة عار؟
« في: 21:08 04/04/2019  »
كم وصمة عار؟
ميسون نعيم الرومي
كم وصمة عار
 في جبين حكام العراق
اخصهم جميعا دون ..
استثناء
***
سيدهم قاسمهم..
ابنا للشعب رفيق
حبيب الفقراء..
صديق
في اروقة الدرب تخبط
قتل الفرحة فينا
تاهت في البحر مراسينا
سلمها جاهزة .. للأشرار
أقـِـلـَّة حيلة ؟
ام كان جنونا !!
ضاع .. وضاع الوطن..
من حينه
***
يا ويحي مما كان ..وكان
(صدام) نيرون زمانه
مـِسْخٌ..مـَـسـَـخ فينا الإنسان..
تعذيب..رعب..جوع
تقتيل..حرب..موت
ذل وهوان
فقد الوطن الألوان
يا بلدي .. يا بلد الأحزان
دماء سالت..
في كل مكان
***
استبشرنا خيرا بالأمريكان
سقط الصنم
غيرنا بالعلم
تنفسنا الصعداء
ها قد ولى الأعداء
ستشرق شمس الحرية
والمطر الذهبي ..
يروي البريـّـه
لكل شهيد نزرع جورية
احلامنا .. احلام وردية
رحلت عنا الدولة السرية
عادت بغداد .. عراقية
فالتحيا الحرية
***
يا ويلي .. يا ويلاه
مما كان وصار
وما نحن فيه من عار..
(علي بابا) وجماعته ..
جاءونا غزاة
متلفعين بعباءة الدين ..اتونا
سراق .. اوغاد ..
عرب منهم..
ومنهم أكراد
كروش متورمة .. لا تشبع
قلوب متحجرة .. لا تسمع
كل جميل .. ضاع
ونصف الوطن .. مباع
احزاب مشرقة كانت
استهوتها اللعبة
صُمـَّـتْ فيها الأسماع
فرات .. دجلة ..
شط العرب .. الملتاع
بنات في السوق تباع
مخدرات موبقات
من كل الأنواع
مرض..حرمان..
ارامل.. أيتام
شهداء تحضنها الأحزان
اغتيلت فينا الأحلام
كابوس ينبت أورام
تخدر الشعب..ونام
نام الشعب !!
والنصف الآخر في كل الدنيا..
قد هام
يا ويلي مما كان وكان
سـَـيـُستبدَل شعبي....
مبروك ايران
-----------------------------
2/ 4 / 2019
ســــــــــــــتوكهولم
 
 


71
اسـكـت اوما ادري اشلـون
ميسون نعيم الرومي
 
اسـهـَـر واعـِـدّ آنه انـجـوم - والـلـيـل غمزاته اعـيـون
بـيـن الـنـَـجـم گلبـي غـفـَـه - غـاوه الـگـمـَـر هـالـمـَـفـتـون
طـَـرّ الـفـَـجـر لاوَه الـلـيـل - والنـدَه  ايطرّز لغـصـون
نـاحـَـن حـَـمـامـات الـبدوح - بـلـبـل يـغـَـنـّـي اومسجون
مـيـل الـكـحـل باس الرمش – مجنون وايكحل لجـفـون
يـمـشـي ابـدَلـَـع چنه الغصن – يتمايل اوهالكله افـنـون
اسـكـت اوما ادري اشلـون
***
امـضـَـيـّـع صـبـاحات الـمـِـسـَـه - گـالـَـوْ عـَـلـيـه الـمـَـجـنـون
يتـبـَسـمـَـر الشافه يمر - وابـخـَـطـوِتـَـه ايـهـزالـكـون
ريـشـَـه ابـهـوَه مـايـنلـزم – عشاگه منه ايغارون
غـِـض الـنـَـظـَـر.. عـَـنـَّـه ابـتـِـعـِـد - لاتـنـتـِـظـر مـِـنـَّـه الـعـون
تـزرَع شـلـب تـحـصد دَغـَـل - حـتى الـوَرد مـابـي لـون
الحچي هالضاع الحـَـچـي - اسـكـت .. اولتگلـّي اشلـون
لتگـلول اشلـون
---------------------------------------------------------
آذار / 2019
بلگراد عاصمة الصرب
 
 


72
أدب / المرأة مكبلة بالأصفاد
« في: 19:11 05/03/2019  »
الى المرأة العراقية اهديها
 بمناسبة يوم المرأة العالمي


المرأة مكبلة بالأصفاد
ميسون نعيم الرومي
 
وطني يا وطن الموت
والثروات المنهوبة
وطني يا نهر الدماء
المسفوحة
وطني يا مجزرة الشباب
المذبوحة
يا وطني المتبجح بالعدل ..
ياوطني
***
بلادنا جائعة عارية
كسرت فيها السارية
غادرتها الشمس وتاه عنها القمر
نخيلها تبكي الفاجعة
يا وطني
فيك تــشـَـتت الأسرة
وانـتـُهكت الأنوثة
المرأة مكبلة بالأصفاد
تباع على أرصفة الطرقات
نادى بها دلال المزاد
تاه العدل .. مات الضمير
يا رب العباد
كلنا أذرع تستجدي السماء
في وطن التعساء
***
بأسم الدين تنتهك الحرمات
وتستباح الأقليات
وتذل الأزيديات
يا وطني
تذبح فيك الطفولة
وتهان الرجولة
ويطلق على الموبقات فحولة
الفساد يعشعش في المدينة
في حواريها الحزينة
والملايين تغـَـمـّـس الخبز بالدموع
وتكتفي بضوء الشموع
في خشية وخنوع
***
يا وطني
ها قد سقط الحياء
البلدة سادها الجبناء
واسدلت الستارة
على العهر والبغاء
وعلى تجارة المخدرات
في وطن الأنبياء
يهجـَّـر الشعب على الهوية
الحاكم ينادي بالطائفية
يسكن المنطقة الخضراء
 يلبس الحرير والفراء
يتخضب بدماء الشهداء
***
في الخفاء..
تكتب المسرحية
وفي الجبهات تنثر الأشلاء
فليمت التعساء
حكومة ادمنت الضحك على الذقون
في وطن المنون..
انتحر القانون
وتولى الأفاكون
ويحا لكم هذا البلاء
***
يا أيها الوطن الحزين
السلطة ترقص على انغام الدين
والشعب بائس مسكين
آه أيها الدين!
الى متى تحمي الحاكم اللعين ؟
وتضاعف أعداد المستضعفين
في بلد الإرادة المسلوبة
والثروات المنهوبة
آه يا وطني ...
رحماك يا وطن
---------------------------------------------
 آذار / 2019
ســـــــــــــتوكهولم


73
ابنياتچ انذبحت سنجار
ميسون نعيم الرومي
 
ابنياتچ انـذبحت سـنجار
لطفال صاروا طشار - ما ضل زلم بالديار
غـَـلـِّـسـَـت كلهه ابلا حس – شنهي الجره اوشنهي الصار
لِعـْلام صامـت چـا ليش ؟ – احزابهـَه ازغـار اكـبار
حكومة لغف يا للعـار
منهو الذي يحمي الدار؟
***
عاشن ظلم شـبعـَـن هم – جرح الغدر ما يـِـنـلـَم
(حديثات) كتلوا خمسين – سـنجار غرگـَت بالدم
عالم سـكت .. ما مهتم - لا خال عـِدْهن لا عـَم
بروحي أنـَـه شبـَّـت نار
 منهو الذي يحمي الدار؟
***
من بابل اوسومر وآشور - اعراقنه امشكل ألوان
قوميات بيه او اديان – من قال اوبله .. كلنه اخوان
خـِـوّان كلنه ابهالوطن – نـفرح اونقسـم لحزان
والمثل گال امن ازمان – بما تدين .. يوم اوتندان
ما اعتب .. جاي اسأل آنه اوبس ؟
شنهي الذنب لبسنجار؟
منهو الذي يحمي الدار؟
***
ضاگو ظلم شربوا ذل - والباعكم .. ريته ابسل
ريـت المسَـبـِب ينشـل – حتى الدرب مايندل
سبايه انسبوا وا ويلاه – (وينچ هيئة امم)..وين الكل؟
(لا كردي نصف ..لا سني .. لا شيعي)
لـَحـْكومـَه اولا جـار
منهو الذي يحمي الدار؟
-------------------------------------------
ذبح داعش  50 فتاة أزيدية عراقية مختطفة
 يوم 26/2/2019 في منطقة الباغوز الحدودية بين العراق وسوريا
 والحكومة العراقية والعام والإعلام في صمت مطبق
---------------------------------------------------------------
ســــــــــــــــــــــتوكهولم
28/ شباط / 2019


74
اربعين يوما على رحيل
الأديب الشاعر الصديق
جاسم سيف الدين الولائي
عزائي لعائلته وأخواته واخوته واصدقائه
العزاء الى حبيبتي فريال سيف الدين الولائي

ميسون نعيم الرومي
 
يبن العراق الناضلت
ما قصرت
ما ساومت
من زغرك انت اتعذبت
واترحلت واتشردت
بين الدول واتغربت
ابوجه الظلم حيل اوگفت
يبن الولائي الماخفت
ما يوم راسك نكست
تبقه تضل نجمه تشع
يجاسم يا الانت علم
وافكارك تنادي بالسلم
وابوطن حر اوسعيد
وابشعب سالم مجيد
اشكبره الأمل انت ازرعت
وانت الگلت :-
نزرع  ورد
عرب او كرد
واعيون تضحك تبتشر
يزهي الوطن تصحه ضماير
تعله سنابل والنخل
واهناك .. يلتم الشمل
يبن الولائي استعجلت
والگلبك انت ابذرت ..
بسهول واجبال الوطن
رايد تخلصه امن المحن !
يعم الفرح مامش حزن :-
وانت الگلت :-
يا باسقِ النَخِيلِ والجِبالِ والمَنائِرْ
يا مَوْطِنَ الكِرامِ والوَفاءِ والمَآثِرْ
الله يا عراق
لبيك ياعراق
سيزهر العراق
نبنيك يا عراق
لبيك ياعراق
واحنا انررد اوياك :-
لبيك ياعراق
لبيك ياعراق
--------------------------
23 / شباط / 2019
ســــــــــــتوكهولم


75
يا عيني العدس
*ابيات من شعر التجليبة

ميسون نعيم الرومي
اجلبنك يليلي والعدس عيديـّه
نص كيلو عدس ! نرگص ابچفـيـّه
إحنه ابخت كل سيد اوعلويـّه
حكومة بيع ذمـَّه اشلون تطبيبه
اجلبنك يليلي ألف تجليبه
***
اجلبنك يليلي والعدس يا عيني
يـِطـَوّل بالعمر وايزيد بسنيني
ادعي عليكم بالنجف وابديني
چيله الإجتكم بالگلب واتصيبه
اجلبنك يليلي ألف تجليبه
***
اجلبنك يليلي والعدس تغيير
نص كيلوعدس للكهربه تنوير
تبليط الشوارع وياهن التشجير
أمراض امعشعشه تنتهي ابتطبيبه
اجلبنك يليلي ألف تجليبه
***
اجلبنك يليلي والعدس يلمع
ناكل بالعدس واعيونه التدمع
أيتام الشوارع يا (عادل) انتَ اسمع:-
اذبحتوا المعيل ارجال وي شيبه
اجلبنك يليلي ألف تجليبه
***
اجلبنك يليلي والعدس منحه
نص كيلو عدس!يا عينك الوكحه
انجازك صفر ماضن أبد تصحه
تـِـرَجينه الفرح يا خيبة الخيبه
اجلبنك يليلي ألف تجليبه
***
اجلبنك يليلي والعدس درَّه
يا سِر العدس واشلون چا سِرَّه
يقضي عَ الفساد اويعمل الثوره
للجانـَه لـِفوْ ايگصص مخاليبه
اجلبنك يليلي ألف تجليبه
***
اجلبنك يليلي تحكمنه كومه اشرار
نص كيلو عدس؟ والهم 1000 مليار
وابدمنه يول هالفاضت الأنهار
دگـَّـة كربله كل وكت واتصيبه
اجلبنك يليلي ألف تجليبه
***
اجلبنك يليلي والوكت أغبر
اصبـّر بالقلم والقلم ما يصبر
*جانه العدس واتفرهد العنبر
منـَّـه شورِبـَـه او هم منـَّـه تشريبه
اجلبنك يليلي ألف تجليبه
------------------------------------
*اعلنت وزارة التجارة العراقية، بعد موافقة مجلس الوزراء، عزمها
 منح نصف كيلو غرام من مادة العدس، لكل مواطن خلال شهر رمضان
-----
شعر التجليبة:- هو بحر من بحور شعر (الهزج)
سبب تسميته بهذا الاسم هو ان بيتا فيه قيل ..
كان يحتوي على كلمة (تجليبه)-
--------------------------------------------
20 / شباط / 2019
ســــــــــــــتوكهولم


76
زاوية الشعر الشعبي / دارميات
« في: 21:23 19/02/2019  »
دارميات
ميسون نعيم الرومي
 
هذا الوطن مضيوم .. يوميـّـه حـَـسبـَـه
فوگ الفقر والموت ..كل ساعه نكـّـبه
***
ما اكره آنه الروح .. لن روحي ثوره
ما يقبل العيبات .. والروحه حرَّه
***
اشمـَـحـْـله لعد والچا .. وياهن احاه
هاذا الوطن بالروح .. مابيـَّـه انساه
***
گطان اوسمچ بالهور.. والطابگ اوياه
واللبن والزبدات .. مگدر أنه انساه
***
طش الوكت وياي .. طشش ضعنه
ريشه ابمهب الريح .. وابگـَـلبي ونـَّه
***
بالك تدوس اهناك .. واتفزز الموت
تدمع أرض بغداد .. ما نسمع الصوت
***
محتاجه أنٓه بغداد .. تمسح دمعتي
مشتاگه روحي .. ليچ يالبيـّـه عشتي
***
اهل الوفه و الطيب .. ولدچ بلدنه
تاج انتو فوگ الراس .. كلكم محنه
***
لاعتب ينفع بيه .. لا يسوه تفكير
يمشي اويطش بالشوك .. وابلايه تدبير
***
نتگاوه ويه الضيم .. وين النفاهه؟
ديرتنه تبچي دوم .. ليل اولفاهه 
***
عفيه علينه انگوم .. نضحك ونمشي
جارالزمان اهواي .. مابينه نحچي
***
هذا العراقي ايلوع .. كـِسروْ اجناحه
مرت چثيره احروب .. ماشفنه راحه
***
ضيعنه كلشي اوراح .. بس ظلت اجروح
بالگلب تنزف دوم .. ماتطفه بالنوح
***
يحله الفرح بالعيد .. وي لمة احباب
بالغربه مامش عيد .. والفرح چذّاب
***
چا هوَّه مو بالكيف ! مزمن حزنه
كلما تمر اسنين .. تولينه مـِحـْـنـَـه
***
حلمانه آنه اليوم .. والگلب مهموم
اعتذر خوتي اهواي .. والحزن ميدوم
---------------------------------------
شباط / 2019
ســــــــــــــتوكهولم


77
ذكريات موجعة
ملجأ العامرية المنكود
ميسون نعيم الرومي
اليوم ذكرى ليوم حزين ذكرى محرقة (ملجأ العامرية) يوم 13/شباط/1991
ذكريات موجعة سوف تبقى في ذاكرة الأزمان مكتوبة بدموع الضحايا وبرماد بقاياهم المدفونة تحت انقاض الملجأ تصرخ مطالبة بالانصاف وبإدانة مسببيها ومحاكمتهم لينعدل الميزان في هذا العالم الذي يكتب تاريخه الظالم والأفاك
الخزي والعار للحكومات المجرمة الفاشية والى كل من يتعامى عن ما لاقاه ويلقاه الشعب العراقي من حيف وبؤس وشقاء.
*ملجأ العامرية المنكود
-------------------

فاجعة اهدتها قوات التحالف الى العوائل العراقية الفارة من حمم القنابل التي امطرتها الطائرات على بغداد ، تركوا منازلهم ليقضوا ليلتهم ناشدين النجاة ، لائذين بملجأ العامرية
لتتلقفهم نيران الطائرات المرعبة بإلقاء الغضب المشتعل من قنابلها الذكية على ذلك الملجأ المنكوب ومن فيه من العوائل المنكودة والذين كان اكثرهم من النساء والأطفال المذعورين من الغضب النازل عليهم .
سماء لم ترحمهم من ذلك النظام الظالم ولا من الجوع والمرض والضياع ولا من الموت بهذه الطريقة المأساوية .. (ومن بينهم كانت زميلتي نضال و أطفالها الأربعة والتي التقيتها اثناء تدقيقنا لحسابات محاكم الكرخ اذ كانت موظفة هناك) ..
*عند مشاهدتي منظر الناس وهم متفحمين خرجت دون وعي هائمة امش في الشوارع كالمجنونة وعيوني شاخصة الى المجهول لا اعي أي شيء مما حولي..
عند عودتي فتحت الباب لأرى بقايا دخان ورائحة حريق وهناك ورقة من البوليس لصقت على الباب تقول ان شقتي تعرضت الى حريق وقد انقذوها بفضل اتصال الجيران
كان السبب اني نسيت الطباخ وما عليه وتركت الدار هائمة على وجهي عند مشاهدتي تلك الفاجعة
المصيبة ان رائحة الحريق بقيت فتره طويله جدا لا تريد ان تغادرني بالرغم من كل التهوية
مما جعلني أعيش في دوامة حريق الملجأ  فترة طويلة جدا..
توالت الاحداث الجسام  والمحن، على وطننا المنكوب ولا زال شعبنا  يسبح في بحر من الدماء يسير نحو مصير مجهول...عرفنا بدايته
ترى متى الخلاص  ؟
وكيف  تكون النهاية...؟
-------------------------------------------------------------------------------------
*ملجأ العامرية أو الفردوس أو رقم خمسة وعشرين هو ملجأ في حي العامرية، بغداد، العراق، قصف أثناء حرب الخليج الثانية. فقد ادت احدى الغارات الاميركية يوم 13 فبراير 1991 على بغداد بواسطة طائرتان من نوع أف-117 تحمل قنابل ذكية إلى تدمير الملجأ مما ادى لمقتل أكثر من 400 مدني عراقي من نساء واطفال. وقد بررت قوات التحالف هذا القصف بانه كان يستهدف مراكز قيادية عراقية
---------------------------------
* شاهدت الأحداث  في التلفاز السويدي حيث اقيم
-----------------------------------------------------------------
ســــــــــــــــتوكهولم

78
اجانـَه شــباط
(1919)

ميسون نعيم الرومي
 
خـَـلـْهه الجروح اتنام .. ما نحمل اهموم
هذا الشعب متعوب .. من غـَـسـل الدموم
***
كلما يجينه شــباط .. دمعـتـنـَه عَ الخدّ
زرعوا حقد بالروح .. هالذبحوا الود
***
تصرخ چثيره ارواح .. تطلب بلنصاف
 جرحك غميج شباط .. ماضنه ينـَّـراف
***
اسود هذاك اليوم .. يوم اللفونـَـه
راح الوطن وانداس .. واحنه ولونه
***
*يمحَسـَّر او مظلوم .. يا ابن عمتي
ماله گـَـبر تـدريـن .. ياللي رحلتي
***
ماظل مقدس بيك .. (يعراقي) ليوين؟
من اهد ذاك شباط .. وانتِ تنوحين
***
يوم 14 رمضان .. ذبحوا ولدنـَه
ساد الظلم والضيم .. اتفرهـَد وطنه
***
رايد تخيط اشفاك ؟ شـتسـوي للعين
يهمل دمعهه ايسيل .. كل هاي السنين
***
غصه اوتظل بالروح .. يا نـَكـّـبـَة اشباط
مانـدري ياهـو انـلوم .. تـَعـَّـبنـَه لحباط
***
ما احچي عن الموت .. والشِـعر حِسـّـچَه
آنه احچي عَ التاريـخ .. هالعـنـدي بـقـّچـَه
***
زرعوا جـُـبـِن بالروح .. ماظل إلـَه حدود
نتحمـَّـل السـَـطرات .. والحلگ مســدود
***
بغداد العلم والنور .. گصّـوْ شـَـعـَـرهه
من 14 رمضان .. مـِحـْـنـَه او لفـَـتهـَه
***
وّجّ الگــَـلب تـَـنـور .. مـشـْعـولـَه بـي نـار
مـَـسـحونـَـه كـلـّي اهـمـوم .. مـايـنـْحچي الـصار
***
طشـيـنـَه بالبلدان .. نـتـْوَسـَّـــد اهـموم
من أهـَـد ذاك اشـباط .. مانشفت ادموم
***
يوم البچي ما صار.. بلسم للجروح
تنضح صديد اتظل .. والكلب مذبوح
***
عده الزمان اوراح .. يضحك علينه
مدري القدرغدّار .. مدري امن ادينه
***
ماضَلِ عدنـَه دار .. فرْهـَـدْهـَه لجناب
طشـش ضعـَـنـَّه البيـن .. چا ويـن اللحباب
***
ويـّه النبض بـغـداد .. وابـدمع العيون
معگـوده بالشـريان .. هالتطلب العون
***
هذا الوطن مضيوم .. والبي مگاريد
كلما تمر اسنين .. بس همـَّـه ليزيـد
** *
غافي او شبع لچمات .. وأولاده طشـّـار
متعـَـلـّـم اعله العوز .. والظلم والجـور
***
غـرْبـَـه اونـعـيـش اجـنـاب .. بـيـن الـمـَـنـافي
كـلـمـَـن يـمـوت ابـگـاع ! يا دنـيـه .. كـافي!
-----------------------------------------------
* ابن عمتي :- الشهيد سميع جاني سهر الناشي  تنقل بين السجون العراقية
منذ كان فتا يافعا ، انتهى به المطاف الى قصر النهاية في شباط 1963الأسود
حيث ضاع اثره ، لم تنصفه الحياة ، وكذا الممات .. فلم يمنحه قبرا ولا شاهدا يحمل اسمه
سوف تبقى يا سميع يا ابن عمتي في كل وردة حمراء تتفتح في ارض بغداد التي احببتَها
وستبقى روحك الطاهرة نجمة تتلألأ في سماء العراق
لروحك ولأرواح رفاقك الذين شاركوك نفس المصيرالسلام والراحة الأبدية
-----------------------------------------------------------------------
  8/ شباط / 2019
ســـــــــــــــتوكهولم


79
اگعد (حمرابي) اوشوف
ميسون نعيم الرومي
نفس الوجوه ادور كل هاي لسنين
اسود وجهم دوم وامطين ابطين
***
خلانه نحلم حيف وابحلم وردي
چذَّب علينه (الحيد) عادل المهدي
***
كلهه لحزاب اشرار باكت نفطنه
گعدتنه ع الرنگات ريفت وطنه
***
هذا الزمان اشلون شوغاته شوغات
جابلنه حفنه اشرار اتعس من المات
***
شوف القضاء اليوم يستر على الباگ
اگعد (حمرابي) اوشوف حتى النفس ضاگ
***
صوابچ كلف بغداد يا هو اليضمده
هذا الوكت هالراح والزمن عدَّه
***
غالي دمع بغداد يمحي اثرهم
روح اسأل التاريخ ماخلـَّه منهم
***
اهجس دمع بغداد يچوي بالضلوع
جاروْ عليهه اهواي والظلم موجوع
***
ما نابنه بغداد بس دمعة العين
الغصه بالبلعوم هالراحت اسنين
***
طشينه صرنه اغراب كلمن ابديره
التمت عليچ اجناب وانتِ اسيره
***
يوم او تهب بغداد كل احنه نعرف
تكنس زبل حكام والدهر يكرف
---------------------------------
23/كانون الثاني/2019
ســـــــــــــــــتوكهولم


80
چـا شـنـْـهي التِـغـَـيـَـر
ميسون نعيم الرّومي
 
نـِـتـرَجـَّه اونـِـضَل ليـويـن نـتـأمـَّـل
واشوفن  للأسف هالمـاتَـــت الغـيــــرَه
 
أتـابـع بـالحـَـدَث .. تـتـْـوالـَـه  كوم اخـْـبـار
حـكـْـومـَـه اتبيع كرسي اونوبه تأجيره
 
تـِـبـَـدّل فـِـسْـتـكـان اوهالإجـه عـِـلاّن
حـاكِـم بالـلِـعـَـب هالدَگــْـتـَـه اچـِـبـيـرَه
 
مـَـگـْـرود الفـَـقـيـر اوظـَـهـَـر مايـحـْـمـيـه
يـسْـبـَـح بـالدِمـَـه .. وامصايـبـه اچـثـيـره
 
چـا شنـْـهي الذَنِـب والسـَـوتـَـه الشـبـان
بـطـالـَه اومـوت واجيال انفنت يا حيره
 
والأطفـال تاهـَـت ماكـو كـل والي
حـُـكـومَـه امْـغـَلـِـسـَـه وانهدمت الديره
 
وافـلوس النـَـفـط لامن درَه اولاشـاف
مـليـارات طارَت شو فـَرد طـيـَـرَه
 
چـا شـنـْـهي التِـغـَـيـَـر يا خـَـلـَـگ يا نـاس
هـدمـتـوه العـراق .. اشـلون تعمـيـره؟
 
صارَت مـَـهـْـزَلـَـه يا نـاس صـَـدْگـوني
إيـران احـْـكـمَـت .. والحكم تأسـيـره
 
مامـِـش كـَهْـرَبـَـه لامـاي لاخـدْمـات
عشعش هالوضع .. يا لـَـزْگـَـة الجيـرَه
 
والنـوب القـَـمع  والإعـتـقال اومـوت
قنابل والرصاص .. اشـلون تبريره!
 
يادم الشـَـعـَـب معجـون بالتـربـان
واللحم انـِـثـَـر.. ما ينعرف .. حيره
 
لاحـرْمـَـه الك لا بـَـخـَـت لاحـوبه
دگـَّـة (كربله) وابشـعـبي تأشـيـره
 
فـَرْقـَـوْ بالشـعـب والخـطـَّـه مَـحـْـيـوكـَـه
ايران التـِـقـَـرر .. ضاعـت الغـيـره
 
لـِفـَـوْ آلاف .. بيهم صايـع اوضايـع
هجموه العـراق اوكـتـْـبَـوْ امـصيـرَه
 
بـَـغـْـداد البـچـَـت وانـهـارت الدوله
كسروه العراق اوصعب تنويره
 
واحدهـم عميل اوسارق اومشـبوه
جنسـيتين عـنده املثــَّـگ الســيره
 
واحد محترف بوگ الارض وابيوت
يحچي بالفـَـسـاد ايـريـد تجـبـيـره
 
يضحك ع الشعب ماضل خجل لا اخلاق
عايش بالدجل والسخته والحيله
 
چا هذا الوَعـَد والـكـتـبـِته امـْـريـكـَه
و(ايران) الحليفـَه الخانـَـت الجيـره
 
أحِـس گـَـلـبـي انـْـفـطـَر ياناس نـصيـَـن
واحِـسَّــن  للأسف هالمـاتَـــت الغـيــــرَه
-----------------------------------------------------
كانون الثاني / 2019
ســـــــــــــــتوكهولم


81
صديقتي مديحة عبد الرزاق الزبيدي
لازال في العمر بقية

ميسون نعيم الرومي
يا مديحه .. يا مديحه
يا وجع روحي المنشتل
يا دمع عيني المابطل
يا عطر ورد الربيع
يا نبع دجله اوالفرات
يا نخل كل العراق
يا شعاع الأعظميه
يالوفه اوطعم الحنين
آنه ادور .. وانتِ وين ؟
شكتب آنه اوشرد اگول
غفله رحتي ابلا وداع
ابعيني انت .. اشلون رحتي؟
كلشي راح او كلشي ضاع
بالوطن صاحوا مزاد
حكموا اوغاد البلاد
يا مديحه...
گلتي ردي ..
كافي غربه ..
كافي تعبنه الونين
جارت اعلينه السنين
يا صديقة عمري ويـن
والوعـَد .. يحبيبه ديـن
يالوعدتي..
اوما تنيتي !
يا مديحه .. اويا مديحه
وينچ انتِ او وينه فيـّچ
ابلحظه غبتي اوراح ضيچ
ظلمه بعدچ .. يا حسرتي
والوطن يبچي حزين
حبيبه .. تعبنه الحنين
بعدچ آنه انكسر ظهري
لاگمر ظل .. لانجوم
صرنه نحصد بس هموم
يا مديحه .. ياللي رحتي
يا صديقه اويا صدوقه
گلتي ردي واتفقنه
غفله رحتي..
اوما تنيتي
يا مديحه .. وانتِ وين..
وآنه .. وين..
يا .. مديحه..
-------------------------------------
11 / كانون الثاني/ 2019
ســــــــتوكهولم


82
هـيـبـَـتـهـَـه الـسِـدارَه يـالـبـس بـَـغـداد
ميسون نعيم الرومي
بـَـغـداد الـسِـدارَه رَمـز لـلـتـاريـخ – هـيـبـَـتـهـَـه الـسِـدارَه يـالـبـس بـَـغـداد
بالكـَـرخ اورصافـَه اوباب الـمعـَـظـَّم – كـرّادَه اوسـفـيـنـَـه او(كاظـميـن الغـيض) هألأمجاد*
يـامـَـحـلـَـه الـسِـدارَه اومـَـحـلـَـه لـبـسـَـتــْـهـَـه
تـاج الـراس لـلأشــراف هـيـبـَـتـهـَـه
إكـرام اوفـَـخـَـر لـلـزلـم عِـزتــهـَـه
واليـلبـَـس سـدارَه اويـقـرَه بالتـاريـخ–يـتـذَكـَّـر زمان الخـير والطـَـيـبـيـن والأسياد
هـيـبـَـتـهـَـه الـسِـدارَه يـالـبـس بـَـغـداد
***
عـِـراقـيـّـه الـسِـدارَه يـا لـبـس لـمـلـوك – اوَّل مـَـلـك (فـيـصل) *حـَـطـْـهـَـه فـوگ الراس
*(مـَـعـروف اوزَهـاوي) اويـا (عـلي الوردي) – ارجـال العـراق امن الگـصص تـنـْـبـاس
شـوف (الـهـاشـمي ) امـن (الجـبـن) سـَـوّاهـَـه*
لـبـس (الـفـَـيـصَلـيـَّـه)*الإسـم سـَـمـّـاهـَـه
تـَـشـجـيـع اولـلـصِنـاعـَـه ايـريـد خـَـلاّهـَـه
ياعـِزَّه اورجـولـَه اوكـَـشـخـَه ياهالنـس- تـراث اوللشـَـعـَـب مـَـحـلاهـَـه لوتـنـعـاد
هـيـبـَـتـهـَـه الـسِـدارَه يـالـبـس بـَـغـداد
***
أدزلـْـكـم تـَـحـيـّـه الـيـوم حـَـي الله - حـَـي الله أخـوتي اليـوم حـَـي الله
سـدارَة مـَـهـرَجـان اوحـلـوَه هـالـَمـَّـه – مـَـدْمـي العـراق الـحـنـَّـه وابـدَمـَّـه
يامـَـحـْـلـَـه السـدارَه اوسـبـْـحـَـة الـكـَـهـرَب
نـبـنـي بـالـوَطـَـن والـوَطـَـن مـا يـخـرَب
يـاخـيـر الـعـراق الأبـَـد مـا يـنـضـَـب
نـطـرد كـل دَخـيـل الـبـيـنـَـه يـتـسـَـلـَّـه - كـلـكـم يـالابـطـال ارجـال والله اشـداد
هـيـبـَـتـهـَـه الـسِـدارَه يـالـبـس بـَـغـداد
***
------------------------------------------------------------
*كاظـميـن الغـيض:- الكاظمية مدنية كاظمي الغيض
* فـيـصل:- الملك فيصل الأول اول ملك في العراق
* الـهـاشـمي:-ياسين الهاشمي تقلد رئاسة اوزراء في مرتينفي زمن الملكية
وهو الذي أمر بصناعة السدارة من الجبن لتشجيع الصناعة الوطنية
*الجـبـن:- مادة اولية عراقية من أوساخ الصوف المكبوس
*الفيصلية:- السدارة (نسبة الى الملك فيصل الأول)
--------------------------------------------------------------------
القصيدة التي نظمتها بمناسبة يوم السدارة سنة 2015
وقرأت في يوم السدارة في بغداد نيابة عني
من قبل المهندس تحسين ابراهيم مشكورا
---------------------------------------------------------------------------
نوفمبر / 2015
ســـــــــــــتوكهولم


83
زاوية الشعر الشعبي / من تـزعــل
« في: 12:27 29/12/2018  »
من تـزعــل
ميسون نعيم الرومي
من تزعل
تطفه الدنيه اوظلمه اتصير
تبچي العين ابلايه ادموع
لطيوراتهاجركلهه اتغيب
ايمر العيد ابلايه اشـموع
والجرح ايخضرله اجروح
حزن ايجذّر بيه افروع
والگلب امصدع موجوع
روح ابدربك ابعد روح
وانت الغاوي يالمدلوع
كل يوم اوتتكسر لضلوع
سدينه الباب اوبس عاد
ياگلبي اشمالك موجوع
من ترضه
تحله الدنيه الگمره اتضوي
ليلو اخدودك وي مرجان
انجوم الجيدك عقد اتصير
اشفافك چن ورد الرمان
والروح اتـورد قـداح
النرجس يتمايل فرحان
ايحير الليل ابذياله ايلملم
حلوه الدنيه ابلايه احزان
بس طبعك يتغير كل يوم
اربابه او نفس الالحان
راح العمر ابايدك ضاع
والدمعه التچوي الأجفان
صارت ذكرى ابلا عنوان
واتساوه الچان او ماچان
-----------------------------
 ديسمبر / 2018
ســــــــــتوكهولم


84
المنبر الحر / من يذبح الشبيبة
« في: 19:56 21/12/2018  »
صباح الخير
الى وطني اهديها


من يذبح الشبيبة
ميسون نعيم الرومي
 
من هؤلاء القتلة المجرمون
من هؤلاء القتلة المجهولون
ولأي حزب ينتمون
وبأي مبادئ ينادون
لا يطالهم دستور
ولا قانون
بدم بارد يقتلون
جرائم متشابهة
حكومة غير آبهه
شبيبة تذبح
في الدماء تسبح
ولا عقاب .. ولا احتجاج ..
ولا من يحزنزن
***
مـَن هؤلاء المرعوبون من الجمال
الراقصون على الأطلال
الراقصون على الأشلاء
المحتمون بطاقية الإخفاء
العابثون المنفلتون
المعصومون من العقاب
في وطن تقاسمته الذئاب
غزاه الاشرار
طاله الخراب والدمار
افترسته الأرضة والجراد
هويته الموت والحداد
***
من يذبح الجمال
من يغتال الآمال
امس قتلوا (كرار)
كرار نوشي الفنان
وبعده تارة فارس ملكة الجمال
والاعلامية شيماء..
رشا الحسن
رفيف الدكتورة..
والناشطة سعاد
مئات التهديدات...
في وطن الآهات
واليوم (يحيى مهند)...
 ابن الرابعة والعشرين
الشاب الجامعي الوسيم
اطفـَأوا عيناه الخضراوين
دمه موشوم فوق الجدران
باسم الدين
سفكوا احلامه الوردية..
في أحضان امه المسبية
في وطن الدولة العميقة
والعصابات السرية
***
ماذا يريد دعاة الدين؟
وتحت عباءته ..
يسرقون .. يقتلون
بكل الموبقات يتاجرون
وللثروات يتقاسمون
والشعب..
الشعب معدم مغلوب
ساكت عن حقه المغتصب..المسلوب
يلعق الدماء..
يندب في الصبح والمساء
ترى .. الى متى ..
الى متى انتم نائمون .. ساكتون
عن الظلم ساكتون
عن القتل ساكتون
عن التجويع ساكتون
عن البطالة ساكتون
عن ذبح اولادكم ساكتون
عن بيع البنات ساكتون
وابنة التاسعة بايدكم تزفون
متى .. ترفضون
متى .. متى
متى .. تنطقون ...
-----------------------------------------
https://www.youtube.com/watch?v=jJZw7kzSdfQ
مقتل الشاب يحيى مهند ضمن مسلسل قتل الشبيبة
----------------------------------------------
19/ ديسمبر / 2018
ســـــــــــــــتوكهولم


85
چــَــمــْـــدوب
ميسـون نعيم الرومي
بـالـشـَـعـب اوتـطـْحـَـن چـَـمـْـدوب - احـروب اوترهيب اوإعـــدام
نـسـْـوانـَـك يـعـْـراقـي اولـيـش؟ - مضيومه اتــرَبـّي الأيـتـام
شـبـّـان اتموت ..اشـچـَـمـدوب؟ - تـرْضه ابســاديـّـــة حـُـكــّـام
 بـالـدَم اودافـوهه الخـبـزَه - نـاكـلهـَه اغـمـوس ابآلآم
حاكم مـأجـورالحاكـمنـه - ضايـع صايـع بالاحكـام
جـايـر خـايـن ... هـَـم نـَـهـّـاز- سـقـْـط امْـتـاع اوما (ينلام)
احزاب التحكم واتبوگ – خيرك نهبوه الظلام
لـيـويـن اوديـرَتـنـَـه اتـلوب - افـْـرات اودجلتهه الـمـنـظـام
والـنـَـخـل اوسعفاته اوطوشه - واعـثــوگـَـه اتـحـَـمـّـل أورام
حكام اومتـنـعمه ابـخـيـرَك - وابـدَمـَـك تـســـبـَـح .. أقزام
فـُـرس التحكم .. نـوبـَـه اتـراك - كـثـرَت واخـتـلـفـَـت أعـْـلام
لـيـويـن اوتـسـكـِـت عَ الظالـِم - إحـنـه الشـعـَـب.. اوإحـنـَـه اكـرام
شـَـعـْـب اعـراقـي انهض ثور- طرد الفاسد ..  مـَـطـْلـَـب عـام
بـالـشـَـعـب اوتـطـْحـَـن چـَـمـْـدوب - جوع اوترهيب اوإعـــدام
چــَــمــْـــدوب
ــــــــــــــــــــــــــــــــــــــــــــــــــــــــــــــــــــــــــــــــــــــــ
ديسمبر / 2018
ســــــــــتوكهولم



86
أدب / كان ياما كان
« في: 19:47 06/12/2018  »
كان ياما كان
ميسون نعيم الرومي
كان ياما كان
ترنيمة سحرية تداعب اوتار القمر
كأحلام صوفية لآله بـوذي
دائر على جناح غيمة اشرعتها الريح
مرساها القلب والأمل
تنثر النجوم رسـائل حب وسـلام
في اروقة السـنين ومتاهـات العمر
والزمان
***
العطر
العطر تعويذة منعشـة
تداعب الخيال والوجدان
تفوح منها حكاية السنين وحلوة الذكيات
العطرتميمة تبعث الطمأنينة
 لروح تائهة تنشـد الأمان
في درب الآلام
درب الأحـزان
***
العمر
سفينة تمخر في بحر الأيام
تباركها دموع الأمهات وقلب اب رحوم
 تدور في متاهات متشابكة...
خذلان .. فرح .. وأمان
الدرب طويل .. الدرب قصير
يبدأ بصرخة وينتهي بعويل
متاهة وحكاية نهايتها تغييرالمكان
الى .. عالم النسيان
---------------------------------------
ديسمبر/2018
ســـــــــــــتوكهولم


87
الى بغداد اهديها
*بمناسبة يوم الشهيد العراقي

ميسون نعيم الرومي
 
چم ونـَّـه چم احاه صحتي (يبغداد)-
يوم الشهيد اليوم - يوميه ينعاد
***
بالك تدوس اهناك واتفزز الموت
تدمع أرض بغداد ما نسمع الصوت
***
ماتت الخاله ابساع من كثر ونهه
(عادل) وصل ملفوف - جابوا ابنهه
***
فرحانه كلهه الناس مابيهه مضيوم
بس انتِ يا(بغداد) يوم ارده من يوم
***
نص الشباب اتموت تحمي الكراسي
والشعب يدري زين .. ماضنه ناسي
***
ام العراق اتنوح تتحنـَّـه بالدم
يطحن ولدهه الموت يسگيهه بالسم
***
اجيال انفنت بحروب رعنعه اوغبيه
صار (العـرق) اليوم كلـَّه ســبيه
***
تِچـَّـبح تجوع اطفال نصهه يتامه
والشعب يلطم دوم طرگ الملامه
***
طاح (الصنم) بالگاع گلنه خلصنه
جانه الف (صدام) طشش ضعنه
***
متروسه كلهه اگبور ارضك يلعراگ
يوم اوتخضر اورود واتحاسب الباگ
------------------------------------------
الى بغداد اهديها بمناسبة يوم الشهيد العراقي المصادف في 1 / ديسمبر
---------------------------------
1/ديسمبر/2018
ســــــــــــتوكهولم


88
إگـعــد .. شــوف
ميسون نعيم الرومي
 
حـيـطـان انـهـِـفـَـت وابـيـوت هـالـطـاحـَـت
اعـراقـي منـهـجـِـم والـريـحـَـه هـالـفـاحـَـت
 
لاغـَـنـَّـت بـَـلابـل عَ الـشـَـجـَـر ياحـيـف
فـخـْـتـايـه بـچـَـت بـالـحـزن هـالـنـاحـَـت
 
مـاضـَـلـَّـت صور فـيـروز واتـغـَـنـيـن
بـَـغـداد الـمـَـجـد ! واولادنـَـه انـضامـَـت
 
حـَـمـام الـهـاجـَـر اومـَـكـسـور جـِـنـحـَـه ايـصيـح
بـَـلـَـد كـلـَّـه خـَرايـب والـبـُـوَم هالصاحت
 
يـا عـَـبـْـد الـوَهـاب ابـدجـلـتــَـي اتــْـغـَـنـَّـه
دجـلـَـه انـبـاع وامـواجـَـه  ابظلم مـاتـت
 
واهوار انشفت والگاع تبچي اتصيح
ماظل گصب لاخريط بس ادموع بي سالت
 
احزاب تحكم والـوَطـَـن باعوه بالتفصيخ
والخزنه افرِغـَـت والحاكم صنم  سـاكـت
 
يـا ابـن الـصويـرَه (اكـرَيـّـم) اگـعـد شـوف
ألـف مـلـيـارشفطوه تـَـرَه اوضاعـَـت
 
والـشـَـعـب الـسـكـت مـَـشـغـول يـلـطـم دوم
وايـتـام الـوَطـَـن مـن زغـر هالشـاخـَـت
 
تفجير اوذبح وادمانه تجري انهار
بغداد انهفت وابيوتنه الطاحت
 
شـوف الـعـلـم يـزهـي اودوم يـتـقـَـدَّم
واحـنـَـه لـيـوَرَه دنـيـاتنـَـه الـصارَت
 
كتبنه امن الأزل قانون نفخر بيه
تـاريـخ الـشـهـَـد والأمـَـم  بي گـالـَـت
 
 شـَـعـَـب  إنت الشعب تـرْفـض مـَـذلـّـه اوعـوز
منـَّـك هالشــعوب .. اتعـَـلمـَـت اوثارت
أخذت منك اونالت
-------------------------------------------------
نوفمبر / 2018
ســـــــــــتوكهولم
 


89
أدب / المرأة أنت
« في: 16:54 26/11/2018  »

المرأة أنت


ميسون نعيم الرومي
 
المرأة
مملكة في خارطة الزمان
المرأة وطن ..
احضانها الدفئ والأمان
عيناها صور البديع والبيان
المرأة
نجمة تطرز السماء
سنبلة تنثر الحب والنماء
نخلة الشموخ والعطاء
جورية في كل الأوقات
عروس الغابات
انشودة الحياة
سوسنة .. فلة
عطر الياسمين .. واجمل الرياحين
المرأة
وردة في حدائق العمر
جورية تحتار فيها الألوان
تشرق الشمس في وجهها
وتغرب في خديها
الليل يغفو على خصلات شعرها المنثور
ومن ظفائرها تهدي الصباح ضياء ونور
ترقص النجوم والأقمار
على رنة الخلخال
من كل الأجيال
الآن وفي سالف الزمان والعصور
المرأة انت ..
أنت القضية ..
في بلادي العربية
اعادوها الى العصور الحجرية
انتهكت فيها الانسانية
لفوها بالجلباب
سلبوها الحرية الشخصية
ابنة المجد البهية ..
ثوري .. تحرري
اكسري .. فكي قيودك الوهمية
افردي طولك .. افتخري بوجهك
انثري شعرك
الشعر تاج الكبرياء ..
هبة السماء
عانقي الضياء .. في دنيا النور والبهاء
انت الأبية
سليلة المجد .. والحضارات الأزلية
حطمي الأسوار الصورية
تحرري .. العالم انت ..
انت السلام
أنت الشعلة الأبدية
---------------------------------------------
مهداة الى المرأة في مناسبة اليوم العالمي لمناهضة العنف الأسري والمجتمعي
 الذي تتعرض له النساء المصادف 25/نوفمر من كل عام
--------------------------------------------
ستوكهولم
25/نوفمبر/ 2018
 


90
أدب / أســـفـِـري
« في: 19:02 22/11/2018  »
الى المرأة العراقية اهديها
مع تحياتي لكم

أســـفـِـري
*اسفري
 فالسـفور ليس بعورة
والله لن يفرق بين عباده
تحرري
انفضي عنك ثوب الذل..
التهميش والاقصاء
تأنقي .. تثقفي
تزيني بالخلق والأفكار
فانوثتك ليس بعار
واثقة مرفوعة الرأس ..
عانقي الشمس
حطمي الأغلال والقيود
تحرري .. أنت الصمود
انت البهاء .. وانت الوجود
في طريق الضوء سيري
طريق النور والعلم
طريق الأجداد والجدات
سميراميس .. وشبعاد
والخنساء
***
اسفري
أنت رمز للعزة والبقاء
انت نجم  قد تلألأ في السماء
                                  انت حب .. انت أمن وسلام
انت نصف مجتمع البقاء
حبيبة ابنة .. رفيقة.. شقيقة
رمز للشهامة والوفاء
تحرري.. ثوري ..
اخلعي عنك ثوب الذل والخنوع
انت العزة والنقاء
حرري شعرك 
الشـَـعـْـرُ تاج وبهاء
فشعرك الليل والشمس
توهبه السماء
(والله جميل يحب الجمال)
المرأة عنوان الأمومة
والبقاء
(الجنة تحت اقدام الأمهات)..
قال الأنبياء
***
تحرري ياابنة دجلة والفرات
ابنة العلم والحضارة والوفاء
الأرض انت
انت النماء
ولستِ سلة مهملات
انت العلا انت البقاء
لست بمتاع .. ولست متاع
سيدة الحصون والقلاع
ارفضي ان تكوني فراشا اوسادة
والله لن يفرق بين عباده
---------------------------------------
اسفري : -  العنوان مأخوذ من قصيدة  شاعرنا الخالد
 جميل صدقي الزهاوي (اسفري يبنة فهر)
--------------------------------------------------
نوفمبر / 2018
ســـــــــــــــــــتوكهولم


91
اعـيون الشـَـذر
ميسون نعيم الرومي
 
بعيونـَـك الحلوه بـَحـَـر – واشـموس وانجوم اوگمر
واشـعار واعتاب اشكثر – مـَـظـفـوره بـسـنـيـن العمر
بطـّـل ولك بـس تجرح
هاك الرمش واتمرجح
رب الخلگ هم يصفح
اشتاگ الك وانت عمر – هـَـلبـَـت يجي طيفك يمر
يعيونك الحلوه بحر
***
اشـفايـفـَـك برحي العـَـسـَـل – واعيون متكحله ابخجل
لا تكتب اسمي إعـْلـَه الرمل – بالماي .. وايضيع الأمل
بدر العشگ شو ما كمل
والورد وابـروحي ذبـل
الدمع ع الخـَـد اوهـِـمـَل
إسأل ابگلبك يا حـلو – حـَـنيت لوناوي الهجـِـر
يعيونك الحلوه بحر
***
خزّامه وابروحي صرت – تيزاب وامرصع شذر
وانه ابهواك انظم شعر – دمي نشف مابي حـِـبـِـر
جـرح الگـَـلب ما يلتم
ينزف يظل ينضح دم
بالگلب ينگـِـد .. يلچم
بالماي ايدك يا ترف – واچفوفي يچويهه الجمر
روح ابطريقك .. لاتمر
راح العمر
----------------------------------------------------
ســــــــتوكهولم
نوفمبر/ 2018


92
الى شاعر العراق مظفر النواب اهديها
 
يمظفـّـر الماقصَّرت
ميسون نعيم الرومي
 
يمظفـّـر الماقصَّرت
عريت حكام الچذب .. احچيت ابظلمهم ماخفت
يالعندليب الغردت .. غفله اوعلى ناسك غبت
ابحور الشعـر بيهه عـِـلـِتْ..
لـَنـَّـك غبت
والشعر حاير منتظر
حتى القوافي اتعـَـلعـِـلـَـت
لـَوْزان كلهه اتعطلت
(يمظفر) البيهه اگطـَـعـِـت .. ليش اگطـَـعـِـت؟
وانت اسـْـكـَـتـِت
                               اي .. ليش اسـْـكـَـتـِت ؟
فـَيّ النخل حـَـن اوسأل
يتـنـَـطـَّـرك .. مـَـل اوزعل
راحت سنه .. اوجـَـتـّي سنه ..
راح الأمل
وانت اسـْـكـَـتـِت
حيف اسـْـكـَـتـِت ..
اچلاب السياسه .. استأسـِـدَت
لعبت لعب ..
هـَـدْنـَـه التعب .. شفنه العجب
ردتك تجي .. نتنطرك ..
مابينت
صوتك غـَـضـَـب .. نار اولهب
يحرگ .. توج .. اعروش الگصب
اي .. وين ارحلت ؟
آخ .. ارحلت
عين الشعب ما غـَمـُّـضـَت .. تترجه جيتك يا الجبل
الچاي بالقوري برد
ريل اوحمد .. مشتاگ الك ..
تانه .. اوتعب
حتى الگطه .. فيـّـه التهب
مات الگصب
بلبل گعد .. صبخه لـِگـَه ..
لاتين ظل .. لاظل رطب
كلهه صفت .. (خردة عشگ) ..
باعوهـَه وابرخص الثمن
كلشي رخص
كلشي نگص
كلنه هضم كلنه حزن
ساحه افرغت
الإيد بالإيد اصفـِگــَت
(منجل إيـِداعي) .. مابقه ..
اولا ريل عَ السچه مشه
البردي شچ اويه الگصب
والهور مايه هالنشف
راح الجرف.. ماظل جرف
والماي وابجرفه نشف
(بصرتنه) غطـَّـتهه الدمه
والماي بدلوه ابملح
اوسيابنه الكله وفه..گال الشعر..
 
(عيناك غابتا نخيل ساعة السحر
أو شرفتان راح ينأى عنهما القمر
عيناك حين تبسمان تورق الكروم
وترقص الأضواء...كالأقمار في نهر
مطر مطر مطر)
 
(بغدادك) التزهي انهفت
كرخ اورصافه اتريفت
واعلامهه البيهه ارحلت
وانت ارحـلـِت
اي .. ليش اسكتت ؟
الجرح بالروح اوغـُمـَگ
عطـّابـَه مـِتـْـلـِمـَّه بعد
مامش دوه البيه اونفع
الدمع حده اويـَه الجفـِن
والهجر عشعش بالضلع
والشته كله اتعده .. والصيف هم اتعده
وينك سعد؟ .. وينه اسعود؟
مامش بعد كل جيـّـه
اولا بيرغ الشرجيه
 اولا ضل نهر عبرت اوبي عبريه
مانابـْـنـَه غير السحن
والغربه يمظفر محن
وانت الرحت
امن الساحه ياحيف اوغبت
غربان .. بوم اوعشعشت
ثروتنه كلهه اتفرهدت
(يمظفر) اوحيف اسكتت
آه الزمن .. آخ القدر
الذهب شو صاير صفر
غـَـمـَّـه الوكت ..  يمظفراهوايه شفت
انت الشفت
واتعذبت .. واتشردت .. واتمرمرت
دنيةْ غدر وابلا بخت
حيف او ألف .. آخ الوكت
وانت اسكتت ! ليش اسكتت؟
ليش ؟
----------------------------------------------
قصيدتي التي قرأت في لقاء الأحتفاء بشاعرنا مظفر النواب
الذي اقامته جمعية الفنانين التشكيليين العراقيين في السويد
في
6 / نوفمبر/2018
ســـــــــــــــــتوكهولم
 


93
ميعيب غير المعيوب
ميسون نعيم الرومي
بايع وامخلص مذنوب – ميعيب غير المعيوب
تحلف .. متعلم مـَـتـّـوب – كلشي امقيد هالمكتوب
اشكال العادات ألوان
متأصله اوصارلهه ازمان
العادات اتبدلهه اچفان
اليابس غصن المعلول – بالزايد وايزيد انوب
يتحجج يخلط اوراق – ايفسر كلشي اوبالمگلوب
ميعيب غير المعيوب
***
لاتامن يچذب خوان – يحلف وايطب القرآن
للشط ايوديك اتروح – ترجع خايب هم عطشىان
چذب امسفط ماله أساس
نفس الحمام اوهالطاس
قوة عين ابلايه احساس
يحلف الآف الإيمان – واليچذب ماضنه ايتوب
عمره اويگضيه ابـسختات – لوتي اوعنده اهوايه ادروب
ميعيب غير المعيوب
***
مرض المزمن عيب ايطيب – داء البوگ أصعب داء
بواگ الكحله امن العين – من الألـْـف .. الـْحـَـد الياء
يسلب ينهب ماكو احدود
زور الشاهد للمشهود
ايجود ابرشوه امن الماجود
لا يشبع لا يروه ايلوب – مزروفه وابكرشه اجيوب
يهمـش وايلملم فرحان – نگطه اوطاحت يا (مهيوب)
ميعيب غير المعيوب
--------------------------------------------------
29/اكتوبر/2018
ســــــــتوكهولم


94
مـَـتـعـوب ياليـل السـَـهـَر
ميسون نعيم الرومي
 
الروح تـَعـَّـبـْهـَه السفـَر – والغـربـَه لهـّـبـَة چانـون
(الدَمـِع حـَدَّه اويـه الجفن) – جـَمـرات حـضنت بجفون
نار البعد تـِلهـَب تـوج – سهمه غـِرَز عيب ايهون
مـَخـْـنـوگ اغص ابعبرتي – بسكوت تهمل لعيون
حسره توج وسط الحـَـشـَه – بجحيل تسطك اسنون
خزن جرح وسط الگلب – واضلوعي بيهه ايوجرون
بـسـكوت تـوجـعـني وأون – والروح بيهه ايعيلون
***
الحيـل دَمـَّه هالجـرَه – مـَـتگـلي دوياته اشـلـون ؟
غابـت شـَـمـِسـنـَه اوغربت - والليل عشعش بالكون
سـَـهـْران واحـسـب بالنـَجم – مني غـَـفــِل وايشردون
مـَطـْـفي گـُمـَرنـَه اوهالذبـَـل – بالظلمه مـِنـَّه ايـلمون
غـَـيـَّر مكانـَه اوهالرحـَـل – والعـيـد ويـنـَه ايـعـَيـدون؟
القـَـدَر يـلعـَـب لعـْـبــِتـَه – فـَـنـّان وايـفـن افـنـون
والغدر لابس عـِـمـِتـَه – چذب اوخـيـانـَه ايـعـبـدون
***
مـَـتـعـوب ياليـل السـَـهـَر – ابغزل الونين ايـغـزلون
غـَـرْگـان ماخـذني النـَهـَر – والنهر گالو مجنون
مسـفـوح يادمنـه رخص – ليـويـن بينه ايـغدرون
أيـام واســنـيـن المضت – مرجـوحـَه بـيـهـَه ايـهزّون
الـمـوج عـالي يـالبـَـحـَـر – والريـح تـِـصفـر تـدرون
الحسره غصه اوبالگـلـب – والوكـت غـيـَّـر باللـون
يادنـيـه كافي تـعـَـب – صالح اوبـيـهـه ايگـولـون
--------------------------------------------------
اكتوبر / 2018
ســــــــــتوكهولم


95
المنبر الحر / الأخوة المتداخلين
« في: 21:39 14/10/2018  »
الأخوة المتداخلين
ميسون نعيم الرومي
 
حاول البعض التقليل من قيمة كتاباتي واشعاري ، بل والحكم عليها بقساوة ودون انصاف اومناقشة لبعض مفرداتها التي لم تصادف قبولا في نفسه ، وقد تداخل القراء الكرام بتعليقاتهم مشكورين
اليهم اكتب ردي ادناه
الأخوة المتداخلين
اعتز بتواجدكم على صفحتي الخاصة في موقعنا الموسوم الحوارالمتمدن
أشكركم جميعا ويسعدني ان تكون كتاباتي المتواضعة موضع نقاش ، وأنا ممتنة لاهتمامكم.
 
للنقد الأدبي اصوله وفوائده التي تساهم بدرجة كبيرة في تطوير الكاتب وتحسين انتاجه
 وعلى كل من يتصدى لهذه المهنة الشريفه ان يتمتع بالثقافة الواسعة ، ويتحلى بالحيادية ، وأن لا يلجأ إلى خلط الأوراق او التسقيط والتقليل من قيمة الناتج الأدبي لخدمة اهداف خاصة أوالتقليل من شأن التفكير المختلف.
الغرض من النقد هو البناء لا أن يـُـنصّب من يعتقد نفسه ناقدا - لمجرد ان الظروف الاستثنائية في البلاد قد وضعته في مكان لا يستحقه ولا يعرف قيمته - أقول ليس من حقه أن يـُـنـَـصّب من نفسه شرطيا يسحق من لا يرتاح اليه ، او يخالفه في الرأي . بل ليس من حق حتى المتصدين لهذه المهنة بجدارة ، ان يشطبوا على الكاتب بجرة قلم ، وذلك ما لا يفعله الا من تخشنت روحه بالكراهية وفقد الثقة بنفسه وقدراته.
 القراء هم من يقيم الشاعراوالكاتب ، وعلى الناقد الحقيقي أن يأخذ آراءهم بنظر الإعتبار ويكون دوره بيان جوانب القوة التي استحقت استحسانهم ، والإشارة إلى مواطن الضعف من أجل رفع مستوى الناتج الأدبي لا محاولة شطب الناتج برمته وسحق الكاتب لتوهم المتصدي بالنقد أنه أديب بحق ، ويستحق ما وصل إليه من منصب في زمن صارت فيه المناصب الثقافية تباع وتشترى
كتبت عدة مقالات ونظمت الشعرمنه القريض ومنه الزجل بانواعه ،عبرت من خلاله عن حزني وألمي على ما حل بوطننا الجريح .. تناولت فيه مختلف الأبواب والمواضيع ، السياسية والاجتماعية وأخص منها معاناة شعبنا المنكوب باطيافه المختلفة .. كتبت للمرأة المغيبة ومعاناتها وآلامها .. الى أطفال العراق المسحوقين المنكوبين بفقدانهم من يعيلهم في الحروب العبثية ، اوفي العنف الدموي بأشكاله .
حاولت مشاركة المتظاهرين الذين صمدوا أمام الجلادين الجدد يتلقون الرصاص بصدورهم العارية
كتبت الى بغداد ، بغداد الحضارة والتمدن .. بغداد التي تريفت ونـُكـِبـَـت بالحكام السراق المتسترين بعباءة الدين والتدين ، والذين عاثوا في الارض فسادا وتخريبا ..
بغداد حبيبتي التي حرمني منها ارهاب الحكم البعثي البغيض وأبعدتني عنها طائفية حكامها الجدد
حاولت مشاركة الجماهير الثائرة احتجاجاتهم لنيل حقوقهم المشروعة ، في البصرة وساحة التحرير وباقي مدن العراق الثائرة ، ما لاقى تقديرا وامتنانا من الكثيرين منهم ، وأنا فخورة بأن بعض الأهازيج التي نظمتها تـَـغـَـنـّـى بها المتظاهرون في تلك ا لأماكن
وإن إحدى قصائدي والتي بعنوان (نتظاهر وانهز الدنيه) اذيعت مع الموسيقى في برنامج التاسعة الشهير في حينه ، ولمن يريد مشاهدتها يجدها على اليوتوب
شكري ومحبتي لجميع المتداخلين.
---------------------------------------------------------------------------------
اكتوبر / 2018
ســـــــــــتوكهولم
 ----------------------------------------
نـتــْـظاهر وانهـز الـدنـيـّـه
ميسون نعيم الرومي
نـتــْـظاهر وانهـز الـدنـيـّـه
شـَـعـْـب اعـراقي الصاح اوثـار
جـَـوَّعـْـتـونـَه اوصرْنـَـه ابـْـذِلـَّه
ثـَـوْرَه اتـفـَـجـْـرَت شـَـبـَّـت نـار
طيـنـَـتـْكـم وانـْحـِطـْهـَه ابـخـَـدْكـم
وانـْـلـَـبـسـكـُم ثـوب الـعـار
سـاحـَة تـَحـْريـر اوهـالـثـارَت
والـشـَـعـب الـبـيـهـَـه الـمـغـوار
انـطـيـنـاكـم مُـهـْـلـَـه اوكـافـي
كـل ظالـم لازم يـنـهـار
يـتـْحـاكـَم كـل مـُـفـْـسـِـد خايـن
كـشـْـفـَـت لـِـعـْبـَـتـكـُم الأنـوار
صوت الـشـَـعـب الـيـوم الهـادرْ
صوتـَـه الـيـنـْطـيـكـم إنـذارْ
جـيـنـاكـم هـالـيـوم انـْحـاسـِـب
مـاتـگـدَر تـحـمـيـكـم دارْ
شـَـرَّبـتـونـَه الماي الخابـط
خـيـرات اتـْهـَـرْبـَـت لـلجار
واهـدَمـتـوْ اكـنـوز الـبالـمـوصل
بـگــْـتـوْ الـثـَـرْوَه والآثـار
مُـشـْـتـَـقـّات الـنـَـفـط انـبـاگـَـت
نـَـشـَّـفـْـتـوْ كـل الآبـار
صار الشـَـعـب ايـجـَـدّي الخـبـزَه
خـَـط الـفـقـر اوبـيـنـَه الحـار
داعـش جـبـْـتـوهـَه اوهـالحـكـْمـَـت
بـعـْـتـوْ الـبـنـوات ابـسـنـْـجـار
قـَـسـَـمـْـتـونـَـه سـنـَّـه واشـيـعـَه
بـعـْـتـوهـَه الـمـوصل وانـبـار
أمـيـّه انـتـشـرَت واتـفـشـَّـتْ
جـَهـْل اوعـَـشـْعـَـش وابـكـل دار
مـلـيـارات ألآف إنـباگـَـت
إعـراق الخـيـرالـيـوم إنـْـهـارْ
ذبـْح اوتـَـفـْجـيـرابـْـمـَكـتـومْ
دَم الـشـَـعـب الصار أنـْـهـارْ
هـَجـولـتـونـَه ابـكـل الـدنـّـيـه
والـشـَـعـب اتـطـَـشـَّـر طشـّـار
اعـراق اوثـَـوْرَة فـُـقـْـرَه
عـامـِل فـلّاح اوأفـكـارْ
ثـَـورَة ثـائـر ثـار الـيـوم
كـل طاغـي اولازم يـنـْهـارْ
نـتــْـظاهر وانهـز الـدنـيـّـه
شـَـعـْـب اعـراقي الصاح اوثـار
-------------------------------------------------------
7 / آب / 2015
ســـــــــوكهولم



96
زاوية الشعر الشعبي / اشلون اتوب
« في: 17:20 11/10/2018  »
اشلون اتوب
ميسون نعيم الرومي
 
آنه وابحرفك اذوب
أنسه روحي
 أنسه اسمي
أنسه كلي
مدري وين ! اوما أعود
هايم امشي اعله السحاب
اعبر اجبال اوسدود
ماتظل ابدا حدود
نوبه الظم ذكريات
تنتظر صحوة سبات
اوينگطع خيط الحياة
ارجع اضحك !
تمشي وابدمي فرحتي
تزهي وابروحي قصيده
اموشحه ابخيط الشمس
اتغيب تشرق ما احس
اتطرز انجوم البعيده
تعزف الحان الوجود
اتغني غنوات السلام
تنشد اسراب الحمام
تنثر الحب والوئام
***
اونوبه توجعني الحياة
تعصر ابگلبي حزنهه
تكتل ابروحي حلمهه
يالأمل كلك سراب
والوكت هده الضباب
آخ.. شوغات العذاب
تلهب اوتچوي ابدمعتي
غصه كلهه .. وابمهجتي
عفيه عيني اشگد وكيحه
مادريتي او لا سألتي
اشگد شحيحه .. يادموع
طفي نار البضلوع
مانسيتي .. بس صبرتي
اصحه مرعوبه اوأدوّر
حلم يقضه اوبيه اصوّر
افز كلي..اوما اتوب
اشلون اتوب
اشلون اتوب
----------------------------------
ســـــــــــــتوكهولم
2018

ميسون نعيم الرومي
 
آنه وابحرفك اذوب
أنسه روحي
 أنسه اسمي
أنسه كلي
مدري وين ! اوما أعود
هايم امشي اعله السحاب
اعبر اجبال اوسدود
ما تظل ابدا حدود
نوبه الظم ذكريات
تنتظر صحوة سبات
او ينگطع خيط الحياة
ارجع اضحك !
تمشي وابدمي فرحتي
تزهي وابروحي قصيده
اموشحه ابخيط الشمس
اتغيب تشرق ما احس
اتطرز انجوم البعيده
تعزف الحان الوجود
اتغني غنوات السلام
تنشد اسراب الحمام
تنثر الحب والوئام
***
اونوبه توجعني الحياة
تعصر ابگلبي حزنهه
تكتل ابروحي حلمهه
يالأمل كلك سراب
والوكت هده الضباب
آخ.. شوغات العذاب
تلهب او تچوي ابدمعتي
غصه كلهه .. وابمهجتي
عفيه عيني اشگد وكيحه
مادريتي او لا سألتي
اشگد شحيحه .. يادموع
طفي نار البضلوع
ما نسيتي .. بس صبرتي
اصحه مرعوبه اوأدوّر
حلم يقضه اوبيه اصوّر
افز كلي..اوما اتوب
اشلون اتوب
اشلون اتوب
----------------------------------
ســـــــــــــتوكهولم
2018


97
في وطـني .. يـُـقـتـَـلُ الجمال
ميسون نعيم الرومي
وجع .. بكاء .. خوف ودماء
جرائم بلا نهاية .. ولا انتهاء
في بلد الحضارات
وطن الأنبياء ..
غص بالجماجم والقبور
بلد سومر وآشور
وحمرابي القانون
والعصر الذهبي وهارون
كل شيء مباح .. يابغداد..
ازهارك مسحوقة..
عطرها تبعثر في الهواء
يناشد السماء
يأمل الخلاص .. من هذا الفناء
***
في وطني العراق
يقتل الجمال .. تمزق الضفائر
تنتزع النجوم من الخدود الورديه
وتفقأ العيون العسلية
يذبح الربيع
ويسحق الياسمين والقداح ..
والبنفسج والجلنار
وكل وروده البهيه
كل جميل يقتل في وطني
*بالأمس .. قتلوا الفنان (كرار)
والجرم : شعره الأشقر
 وسرواله الأخضر
والقميص الأصفر
وعيونه البابليه
*واليوم (تارة فارس) الصبية
القرنفلة النضرة الندية
*وقبلها اغتالوا (رشا الحسن)
*و(رفيف) النقية
اوغاد .. رعاع اوغاد
*هدروا دم (شيماء)
ملكة الجمال العراقية
*بعينيك يا (سعاد) البصرية..
تعطلت الأوزان وصمت الشعر..
سكتت البحور
ماتت بموتك القوافي
اهتزت العروش
واجهضت الحرية
***
في وطني
المرأة مسحوقة ..انوثتها مسروقة
اغتيل حبيبها .. فمات كل شيء فيها
وئد وليدها .. جف صدرها
لفوها بالجلباب
سلبوها الحقوق المشروعة
خيروها بين  الوسادة والفراش
اغتصبت كرامتها عليه
فاصبحت سبية
***
بغداد .. يابغداد
ياجوهرة المدن العربية
ابنة المنصور .. حاضرة الرشيد
سليلة المجد التليد
كل شيء فيك خراب ودمار
اعادوك الى العصور الحجرية
اطفالك مشردون في الطرقات المنسية
سرقوا دجلة .. وباعوا الفرات
سمموا شط العرب
فهاجرت ضفافه الفضية
وانتحرت نخيله البهية
آه يابغداد
استيقظي .. قومي .. انهضي
فأنت الكرة النارية
وتبقين الثورة الأزلية
***
وأنا في منفاي
تائهة بين محطات التلفاز
الملم دمعي انهرا
أغسل لسان الملح في البصرة
أروي عطش الهور المنكوب
وماذا في يدي سوى ان ابكيك
ياوطني المنهوب
آه يا وطني
----------------------------------
* عثرت الأجهزة العراقية على جثة الفنان العراقي كرار نوشي ملك جمال العراق
 بالعاصمة العراقية بغداد بعد يومين من اختطافه
بتاريخ 3/تموز/2017 ولم يقبض على الجناة المجهولين لحد الآن
-----------
* ملكة الجمال – المودل العراقية، تارة فارس، العشرينية والتي تم قتلها في27/سبتمبر/2018
في ظروف غامضة ولازال قتلتها مجهولين
-----------------------
*الشابة رشا الحسن خبيرة التجميل العراقية قتلت في ظروف غامضة في العاصمة بغداد في 24/آب/2018
في مسلسل قتل الجمال من قبل من لا يزال مجهولا
---------------------------------------------------------
* رفيف فاضل الياسري طبيبة التجميل من مواليد 1985
قتلت في 16أغسطس 2018 ولا زال القاتل مجهولا
---------------------------------------------------------------
*شيماء قاسم ملكة جمال العراق لسنة 2015 تلقت تهديدا بالقتل في Sep 30, 2018
في مسلسل قتل الجمال وسحق المرأة العراقية
---------------------------------------------------------------------------------
*(سعاد) البصرية: إغتيلت المتظاهرة والناشطة المدنية العراقية الدكتورة سعاد العلي
في منطقة العباسية وسط مدينة البصرة، في 25 ايلول2018
ضمن حملة اغتيال وخطف الناشطين والمتظاهرين  المطالبين بالخدمات المفقودة
-------------------------------------------------------------------------------------------------------------
ســــــــــــــــــــــــــــتوكهولم
اكتوبر/ 2018


98
أدب / الجـرحُ فــَـمٌ
« في: 18:29 02/10/2018  »
الجـرحُ فــَـمٌ
ميسون نعيم الرومي
 
سـَـكت الكلام
الجرح فـم
والرصاصة وجـع..
ودم
ايقظت...
احلام صبية..
مظفورة جدائلها .. بالأمنيات
ترافق طيارة ورقية
على سطح الذكريات
وبيدها خيوط واهية
وحرقة قلب
ودمعة ساخنة
ارسلتها طيارتها الورقية
الضائعة في متاهات السنين
***
طفلة ليست ككل البنات
طفلة .. ليست كأسماء الأخريات
اسم وميلاد يذكر بالأنبياء
نـُـذِرَت للأولياء
باسم الشرع والدين
ومباركة القدر الضنين
انتهكت الطفولة فيها
اغتيلت البراءة
على ايقاع الطبول
وبكاء الشموع
في تلك الربوع
على وجع القصيدة
وانين الذكريات
سحق الورد
 ماتت الأمنيات
كثرهي العاديات
في وطن الويلات
قصيدة خطت فوق الماء
في ذلك المساء
مات الأمل
وتاه الرجاء
جرفته الموجات
منذ ملايين السنوات
 -------------------------
 2 / اكتوبر/ 2018
ســــــــــتوكهولم
 


99
لو نـتـحـِـد
ميسون نعيم الرومي
 
يا شـعـبي ثـوره ثـورتـَـك
اطـرد هـذوله العالات
 
نـواب نهـبـَو ثـروتك
حكام كـلهـًه ازبالات
 
(معصوم) يلغف ما شبع
عـيـَّـن بـناتـَه اتـلاثات
 
والمالكي:- الباع الوطن
كـَـتـَّـل ولدنـَه ابچيلات
 
(اسبايكر) تشـهد ولك
دمهم يـريد الثارات
 
واعبادي:- كل حچيه چذب
حـِـزبه هجـَـم لولايات
 
اتزاعلو ويـّه بعض
بالچذب رادوْ اصوات
 
(الدعوه) حزب ابلا فكر
لطامه .. والمـلايات
 
كِـرمـَو الإيـران الوَطن
والشعب عانى الويلات
 
زَوْرَوْ اوردَو للحكم
انطر يشعبي اللچمات
 
اخمسطعش مرت سنه
صار العراق انفايات
 
ليوين تصبر يا شعب
صرنه نجدي الخبزات
 
لونـتحد كلنه ابـهدف
للوطن نـرفع رايات
 
ما نقبل الذل والظلم
ع الضيم ابدا منبات
 
يا شـعـبي ثـوره تنتظر
تطـرد هـذوله العالات
-------------------------------------------
25/سبتمبر/2018
ســــــــــــــتوكهولم

100
دَمـْعـَةُ جـُرحٍ
 
ميسون نعيم الرومي

 
تاريخ نازف
وطني العراق طواه الظلام
أرواح هائمة في بحر النسيان
تنسج النجوم اعلاما في متاهات الزمان
تردد انشودة السلام
لوطن تاه عنه الأمان
دمعة جرح وحسرة شهيد
قلب ام مزقته السيوف
تكسرت في الآهات الحروف
شذى وردة حمراء تطاولت من قبر
بلا رفات
تبعثرت اشلاؤه.. داستها اقدام
الطغاة
ولم تترك الا اسما على قائمة بعثرتها الريح
ودمعة نخلة سالت مع نهر الدماء
في وطن الويلات وطن الشقاء
وطن الجياع
وطن البؤساء
شعب تائه تدور به السنين
يرفل بالخيرات ويأكل الفتات
اضغاث أحلام
تنشد السلام
ارض كلها اذرع مرفوعة الى السماء
تستجدي حبات المطر
عيونها متقرحة تصارع البلاء
رحلت عنها البلابل .. غادرها الورد والريحان
عشعشت فيها الأحزان
منذ قديم الزمان
صمت الناي فيها
 هجرتها ترانيم العشاق
سكت العشب والسنابل
توقف الغناء
اين العطاء؟
اين بابل وسومر؟
اين القصب والبردي يغسل اقدامه
في مياه الاهوار
 اين فرحة الفتيات
وضحكات البنات
اين المشاحيف وخوار الجاموس
اين الأرض اين النماء
لم تبق الا الجراح غائرة في وجهها
تنزف وجعا وانينا
سكنتها الريح والأفاعي
عشعش فيها البوم والغربان
يجلدها سوط الجيران
وحاكم يرقص رقصة الانتصار
على انين ملايين الأرامل والأيتام
آهات وآهات
 وطني العراق.. طواه الظلام
في بلد الآلام
----------------------------------------------------------
15 / سبتمبر /2018
ســــــــــــــتوكهولم

101
يالمعـتـني لحسـين
ميسون نعيم الرومي
 
كتلت (حسين) الشهيد اسيوف غدر اوذبحـِتـَه
گطعت اچـفـوفه ولا اهتزت اوطاحت رايـتـه
بـِـشـْـعاع الشـمـِس منـقـوش فـِكـرَه اوبالسـمه
ياثـَـورَة الـثـورات للمظلوم .. مـَـنهـَج ثـورِتـَه
يالمعـتـني لحسيـن ياللآبس حـزن كل العـراق
حسين يـنـْبـِذ كـل مـَـذلـَّه اوكل خنوع الشيعته
ابصوتك اصرخ عالي صيح الجور مايبني الحياة
اليبني مـو مثل الهـِـدَم اصلـَه اوعراقه اوديـرِتـَه
ما اتـنازَل وانـطـيـكـم ابإيـدي أبـَـد إيــد الذلـيـل
ياسيوف حسين گال .. اخذيني .. عاشت فكرته
يالمعـتـني لحسيـن
***
ياللي تـِـنـدِب بالحسيـن اوايـدَك املطخه ابـدماء
حسين يرفض سارق اوينهب ابشعبه اوثرِوتـَه
دمهم اولادچ (يـبـَصره) حـِنـَّه لرضك يالعراق
ادمـوم نـِـزفـَـت من شـهيد .. الدافت امـَّـه ابحنته
هـَـدَّم اعـروش الطغاة حسـين واوكار الظلام
هـيهات منـَّـه الذلـَّه گال حسـيـن لهله اوملـَّـته
دعـْوَة المظلوم مـَسموعـَه تـَـرَه امن الله القـديـر
اليشـفع حسين الشهـيـد .. ابـَختـَه تطلع شارته
يالتـزور (احسـيـن) اوعـلى اجـدامـَـك تـِسـيـر..
الكربـَـله معتني اوتطلب نذر روحك .. نذرته
يالمعـتـني لحسيـن
***
اتسلـَّح ابـفكر الحسين اوبـيـرَغـَه العالي المهـيـب
اطـرِد الكـتـلوْ اولادك .. من مقامـَه اوحـَضْرِتـَـه
مـُو لـَطم واتـْمـِلطـِخ ابطـيـن اوبچي اولبس السواد
حسين ثوره بـِسـْمه ثاروْ كل رجال اعراق شعبي اوبصرته
بارصاص الغـَـدر اوغـــاد .. كـِتــّـلـوْ بالشــَــباب
مكي ! محمد اوياسر وِبِنْ حسون ! اوعشرين كلهم صحبته
ياشـهـيـد البصره عرّيـس .. اوتـَـره (القـاسـم) .. مثال
اعـْـلـِگ اشموع العرس .. بـَصرةْ شهيد اوزفـِّـتـَه
كتلت (حسـيـن) الشهـيـد اسـيـوف غـدر اوذبحِـتـَه
گـِطعـَـت اچـفـوفـَه ولا اهـتـَـزَّت اوطاحت رايـتـَه
-----------------------------------------------------------
11/ سبتمبر/ 2018
ســـــــــــــــتوكهولم


102
المنبر الحر / البصرة الثائرة
« في: 11:08 09/09/2018  »
البصرة الثائرة
ميسون نعيم الرومي
 
انتِ (البصره) الإبنچ ثار – ميدنـّـس أرضچ أشـرار
و(اسماوه) المعتصمه الصمدت – شوكه ابعين احزاب العار
اولايات اهلي .. اجنوب الثائر – اهـل الشـيمه و(المگوار)
انـتـوْ الشـعب اونـِعـْم القائد – يـشـهـَـد تاريخ الثـوار
شعب اليصمد حي مو ميت – يـرفـَع رايات الأحـرار
والباغي خايـف كل وكته – خايـب وابحـُكـمه المنهار
معلومـَه انهايتكـم بانـت – يكنسـكم شـعـبي المغـوار
***
انهض ازحف شيل البيرغ – فرصتكم .. شعبي الجبار
(سـاحة تحريـر) اتناديكم – انتفضوا وانتـوا الأحـرار
تتحاصص ملتهيه (الخضره) – بالبـوگ اويلحگهه العار
هيبتـكم من هاذه الكـرسي – يـوم اويـلهـَـب بيـكم نـار
(اعبادي) التزوير امأيده – واعـوانـَه الحـيـتـان اكبار
لوتصدگ رايد واتحاسب – ابدي (ابنوري .. وابعمار)
اتمجدون ابإيران اشبيكم – شعبي اضحيه الهاذه الجار
***
تخطب :- احموه المتظاهر – بالسـر اتگص ابمنشار
بجنازة ثايـر من تكتل – تمشي اتشيع چن ما صار
بلسانين اوتحچي اتصرّح – تتمسكن واتـْمـَـثـّـل أدوار
برصاص الحي تضرب بيهم – حطيت ابنعشك بسمار
دكتور انت ! كافي اتنظر – سبحه اومحبس .. شغلك صار
 من يزحف شعبي ابأطيافه  – واحدكم .. يركض كالفار
انتِ البصره الإبـنـچ ثـار – ميدنـّـس أرضچ أشـرار
--------------------------------------------------------
سبتمبر / 2018
ســـــــــــــتوكهولم


103
الى أم الشهيد البطل ، شهيد البصرة الفيحاء
 ( مكي ياسر الكعـبي) *

ميسون نعيم الرومي
يا أم الشهــيد .. اتصيح عــينوني – وي (مكـّي) أريد اليوم دفـنــوني
احومي بالدرب واتمعنه بالتابوت – وابچفنه اغـَطي اگصايب امتـوني
يالشِـلت النعـِش ماادري بي ليويـن – نـَـزلوه النعـش ويـّـاه شــيـلـوني
ابـدمـَّـك فديـت الشــعـَـب والثـوار – ربيتك بطل .. ماخابت اضنـوني
شوصفنه الضرب گلبك رصاصه اوفر – جـبان اوهالأدور اعـليه دلوني
ابـزفـتـَـك احني ردت بـچفـوفـَـك – من عرسك يـَـ (مكي) ليش حرموني؟
كـتـلوك ابغـَدر هالحفـنـَة الأوغـاد – اخـتـك هالتصيح ابـدمـَّه حـنـونـي
يا أم الشهــيد .. اتصيح عــينوني
***
يا (مكي) البطل واسنينك العشرين – تحرگ حاكم الخضراء والـْدوني
 يا (بصره المجد) ! ياقلعة الطيبين – تصرخ حيل: ذوله الغربه باعوني
آنه الگصب والبردي اوونين الناي – آنه الماطفـيـت ابلحظه چانـوني
آنه البصره حرّه اوقبلة الأحرار – انـذال الخيانــَه ابسـجن سجـْـنـوني
 باعـَـوْ مـَـيـّـتي والنخل هالعـدموه – أحارب بالسعـف فـنكم تـذلـّـوني
آنه ام الكرم واچفوفي تنگِـط خير – ما يوم اوفـرغ فد لحظه ماعـوني
آنه البصره مني ... شعــْــلة الثوار – ماتطفي أبـَــد ياخـــوتي عـينوني
يا أم الشهــيد .. اتصيح عــينوني
ـــــــــــــــــــــــــــــــــــــــ
*الشهيد مكي ياسر الكعبي : شهيد البصرة الثائرة ، الذي أغتالتـه أيادي حكومـة الغدر والخيانـة
 يوم الإثنين المصادف 3 أيلـول 2018
------------------------------------------
ســـــــــــــتوكهولم 4/ايلول/2018
 

104
زاوية الشعر الشعبي / چـا ليـش
« في: 18:29 29/08/2018  »
اهديكم قصيدتي الغنائية
مع ودي

چـا ليـش

ميسون نعيم الرومي
 
حبيتك اوضاع العمـر – والعمـر مـَـيـرِد اردود
بلبـل يغني اوبالقفص – غـنوَة حـِزن لن مصيود
ايام راحت وانگضت   
واسهامك ابگـلبي رمت
ضيم اوقهر.. منك شفت
تردس على اضلوعي ولك – حب الغدر عيب ايعيش 
چا ليش يشـگـَـر؟
چا ليـش؟
***
كل الطيور اتـرد ولك – وانـت ارحلت مارديـت
لاخبـر منك يوم اجه – اولا طارش انـت الوديـت
هايم على درب الهوى
مغرور يالكلك غوه
وابغيبتك گلبي انچوه
العين تربي الجيتـك – وابفرگتك مامش عيـش
چا ليش يسـمر؟
چا ليـش؟
***
حنطاوي يالون الذهب – ياعـَـسل مايـع بالشـَـمس
حبك قدر جاني غفل – انت النـَـفـِس ويـه النــِفـَـس
بسك ولك گلبي تعب
مابـيـَّه .. مليـت العتب
دمي نشف .. هاك الگلب
عالي ولك مـوج البحـَـر – غرگان يتمنه الگيش
چا ليش يشگر .. چا ليش؟
بسك ولك يسمر .. ليش؟
چا ليش
----------------------------------------------------------
آب / 2018
ســــــــــــــــــتوكهولم


105
الى الإنسانية اهديها

البصره تـِـنتحب
ميسون نعيم الرومي
البصره تـِـنتحب ياروحي هِـلـّي ادموع
مايــچ هالتـِــسمّــم والشعـَـب موجـوع
سـَـــم حطـّــوْ إلـِـــچ والنفط هالباعـوه
مامش كهـربه شعلوْ اضلوعي اشموع
حِـــيــتان : الكـــروش اتهدلت للگاع
و (البصري) يغـَـمـّـس خبزته بالجوع
أطفالـِـچ يـَ (فـَـيحـَـه) المرض سـابيهم
(سـَـيـّـابچ) گعد وابشِـعـْرَه هالمسموع*
ياروحي هـِـلـّـي ادموع
***
الدنيـَـه فلك .. ناعـًـور دومَـــه ايـدور
قريـب اليوم واحدكم اوبي مـَـصروع
شط العـَـرب عَـطشان اوشحيح الماي
(الإيران اوتركيه) .. اومايه هم مبيوع
عـَـمالـَـتكـُـم انفضحت شرذمه اولملوم
غرگِـتـُـو بالذهـَـب والفقره تبچي اتلوع
هالـْـثار الشعـَـب ... گـُـربت نهايـَـتكم
مـَـتــْـفـــيد الحمايـًـه اولا تفيد ادروع
ياروحي هـِـلـّـي ادموع
-----------------------------------------
* سـيـّـابـچ : شاعرنا العراقي البصري بدر شاكر السياب (رحمه الله) ـ
------------------------------------------
26/آب/2018
ســــــــــــــتوكهولم


106

يا دم الشـهـيـد

ميسون نعيم الرومي
 
يادم الشـهيد اليصرخ ايـنادي – كتـلوك ابـغدر بيديـن لعبادي
يادم الشـباب ابرگبتك..إســمع – تتناسه يقائد جيش .. لوناسي؟
شاطر بالحچي تخطب اوتتمسكن – تأمـر بالقتـل للفقـره واتعادي
مستقتل ع الحكم وي جمعة السراق – انت والربع .. كل واحد ابوادي
(الحارث) كتلتـه ليش ؟ شمسـوي ! – (حارث) منتفض ابحقه وايداعي
*و(اخمسطعش) من الشعب صفيت – بارصاص الغدر..چا ليش؟يعبادي
حـُرمـه مابـقـَـت للوطـَـن يا ظـِلاّم – واغراب الكوشت ع الوطن يالحادي
(البصره اوسماوه) (الشطره وي ذيقار) – معتـصمه اوتـريـد العـدل واتنادي
(كوت اوكربله) و(النجف وي بابل) – ثـارت والشـباب اتنادي يبلادي
اهـوايـه كـُـتل نفس النهج يمشـون – اسـنين امعـدده والفلم يـنعادي
احذر يا شـعب .. شــكلوْ حكومـَـتهم – حكومة قشمره من عرب واكرادي
صون ابثورتك لا تسكت اعله الضيم – ابـدمك يا شـهيد اتـحـَـنـَّه كل وادي
وسع ثورتك واگلبهه .. لا تسكت – اوجوه الخدعتك هالردت اتعادي
الثـوره تـِـريد اقياده مدروسـه – احذر مرتشي اواحفاد جلادي
فاليحيا الشباب الثائر المغوار – والتسـقط حكومة بوگ تنعادي


* ( خمسطعش 15):- مجمموع الشهداء الذين قتلوا برصاص القوات الحكومية
في التظاهرات
 23/ آب / 2018
ســـــــــــــــــتوكهولم


107
المنبر الحر / بابل اوسومر
« في: 16:37 21/08/2018  »
الى وطني اهديها بمناسبة العيد

بابل اوسومر
ميسون نعيم الرومي
 
*(يدجله اومايك العنبر)
اوشـطك بالگلب حدر
حبيب الكـُل ياالغالي
يدجله اوشوفتك تبهـر
ليالي الأنس ع الشاطي
يغنوه للمحب تسحـر
ينخلك ع الجرف يزهي
جماله .. الخالق الصور
يصيفك ع الجرف ينعش
(چرادغ) والهوى اوأسمر
مزار الدنيـه تـبـرالك
(نبايـه) برضك اتبشــر
***
فرات الجنـَّه اهواره
گصب والبردي بي شور
طيور التنشــد اتغـرّد
يغالي والورد يـِزهـِر
حضارة سومر اوبابل
برضها العالم اليشكر
نفطهه اوخيره للعالم
شعبنه.. ياوطن ينطر
حكومه ابخيرك اوتسرق
مـُصِرَّه تـذبـَح اوتغدر
تعبنه يا قـَـدر.. ارحـَم !
اوضيمك ياوطن جذَّر
----------------------------------
*مستوحات من قصيدة (ياليلة العيد انستينا)
للشاعر احمد رامي
------------------------------
ســــــــــــــــتوكهولم
آب / 2018



108
لكم اهديها مع تحياتي

ايران اتريد اترليون
 
ميسون نعيم الرومي
 
مليارات اخذت ايران - فوگاهه اتريد اترليون
اموافج گالت احزابك - يعراقي حاسب ليخون
***
يعراقي شعبك ما ينذل – صامد انت اتهز الكون
لاتسكت ياهيبة عالم – ثـور او ازحف بالمليون
***
ازحف ع الخضره اوفلشهه – حاكـُمهـُم بسم القانون
(جنسيات اثنين) .. اوعدهم – يتفنن بالبوگ افنون
***
اشوكت اتشبعون الله ايهدكم – چنـتـو ابـأوربا اتجدون
(ابريمـَر) نـدري العـَينكـم – حِـفـّاي اوبينـَه اتـقـودون
***
بسم الدين (حسين) اذبحتوْ – (حسين) الثوره..متبري منكم تدرون
عطشــان اومات اوماســاوم – ع المـبدأ وانتـوْ اتسـيـؤون
***
(أحمد والوالد عمار) – هيدو اشويه .. متخجلون؟
الشارع هاليهتف ضدكم  - ويّ الثـوار اتهتـفـون ؟
***
احذر ياشعبي اومن ذوله – رادو للثوره ايبوگون
باگو أطيان (الكراده) – ابذهب الموتاهم .. يبنون
شعب الباقي اوقاده اتموت – اقروا التاريخ .. اتعرفون
البايگ ثروتـنـَه ايرجعها – كافـيكم بـيها اتـبـوگـــون
------------------------------------------------------
16 / آب / 2018
ســــــتوكهولم




109
مشكوله يسمر ذمتك
ميسون نعيم الرومي
 
مشكوله يسمر ذمتك
ما مبري كلك مديون
 
لليل نجمات اوضوت
محلاهه ضحكة لعيون
 
والگذله منثوره ذهب
بالورد خده اومعجون
 
تتمايـل ابمشــيك غـنج
مايع رطب من كل لون
 
وياك لسوالف عشــگ
تمشي اوتصد يالمزيون
 
هجرك ولك طفـَّه الشمس
والگمـر اظلم بالكـــون
 
چـذاب دومك چـذاب
والگلـب منـك محـزون
 
الدمع مايوم اونشــف
جمرات تلهب لجفون
 
مليت يســمر عشرتك
وياك عشـرتنـه اتهون
 
مشـكوله يسـمر ذمتك
ما مبري كلك مديـون
----------------------------------
13 / آب / 2018
ســــــــــتوكهولم








110
قـــصّــــة شَــعـَـــب
مــيسون نعيم الرّومـي

يا شعــَـب قصه قصتك – مـحـنتـَـنـَـه كـِـلـنـَه مـحنتـك
وين القضاء البي عـدل – يقضي ابقضيتك .. ينصفك
عـَـدّ الاصوات المهزله – قاضي القضاة المشـتــرك
هاليحمي للـــباگ الوطن – شعب العراق الينعلـــك
نـَـفس الوجـــوه الكالحه – اتـبــوگ.. تـِـنهب ثروتك
اتظاهر ! اصرخ وانتفض – غـَـيـّـر اوهاذي فرصتك
لاتــبقه ساكت تنـــتظــر – من (دَبـش) اقبض راتبك
اقوازيهـم .. اوكيـــك اوعسل – بالزبل تنبش حصتك
يا شعـَـب لا تسكـــت بعد – ثاير اوثوره ابثورتــــك
يا شعب قصه قصتك
***
اسنـِــد اخوانك وانتفض – واكنس احزاب الظلمتك
ذلوك عن عمد اوقصد – ليران كـِـرْمـَـوْ ثـَـروتـَــك
محـّـد يهينك ! يا لــْـشـَـهم – احثالـَه تحكم موطنــك
عطشانه أرضك مـَرْتـِـوَت – (بالخضره) باعوْ ميـّـتك
هـَـيئة نزاهه او بالچـذب – نـوّاب (عاله) ابـرگبتـــك
يـ (عبادي) حزبك حاسبه - يـ (عبادي) چذبه ابصنعتك
أنهارنـَـه طگهه الملح – ماي العذب .. حــسره الـــك
النخلـَــه رمزك يا وطن – (ايـــــران) حرگت نخلتك
يا شعب قِـــصّـه قصتك
***
ايران كوشت ع الوطن – تغرف اوتنهب خزنتــك
قِــــتلـَــوْ أملنه اوكل حِــلم – واتحـَـنـَّـوْ ابدم كــتلتك
العِـــلم عنوانك يـــظل – واللطـــم صايـر منهجـَــك
الديـــــن اخلاق اونهج – صاير وسيله اوخدعـتـــك
يعراقي .. يابو المرجله – جاوبني.. شنهي سكتــتك ؟
(اترليـون) دولار اوبعـَـد – (ايـران) عمداً فگرِتـَـك
گـــلبي عليكم محترگ – يـ (اعراقي) وينه الينصفك
انت (الحضاره) امـْـن الأزل – تبقه ترفرف رايتك
يا شعــَـب قصه قصتك – مـحـنتـَـنـَـه كـِـلـنـَـه مـحنتـك
بلوه چبيره بلوتك
يا شعب قِـــصّـه قصتك
------------------------------------------------------
ســــــــــــتوكهولم
11 / آب / 2018



111
اهديكم هذه القصيدة الغنائية
مع تقديري

خـرزة ســــحر
ميسون نعيم الرومي
 
                                   يا خرزة سحر للعاشگ اعيونك
برموشك تميت اوتحيي نظراتك
تمشي وابدلع مغرور من يومك
بالروح اوتشب لهبات نيرانك
چم دوب اولفاني من جفاك اشكال
اعاتب بالگلب يغفر ابزلاتك
وابهذا الزمن تهديلي حزن البيك
يالضعت ابدرب مجهول عنوانك
چا وينه عنوانك
***
امـْدگـْدِگ اچتافك وشم - احجاب هاذه اوطلسم
 قداح واتـْعـِط بالدرب - سالوفة وامطرزه نجم
مدري شوصفك يا ترف - بوصافك ايحيرالقلم
وابغيبتك صرح العشگ - اتفلش اوطاح انهدم
چويات بالروح اوتظل - ماتنحمل .. كلهه ألم
لوعات .. إصْبـِر ياگلب - يوميه وابنفس  النغم
الوانك القوس اوقزح - بعيونك اوترمي السهم
متگلي السبب .. متغيره الوانك
يالوين ارحلت .. چا معرفت عنوانك
چا وينه عنوانك؟
***
                  يبو تواليت واممشط صفح – والبكله چن شالت ذنب
هيمان بعيونك سحر – واسهامك اتصيب الگلب
لو عض على الشفه وفر - دم الورد ع الخد لهب
دلوع تتمايل غوه - يالمايع اميوع الرطب
البحه وابصوتك غنج - بلبل غرد حچيك عذب
طاير على اجناح الهوى – واليوصل الحدك صعب
هنياله لبحبك حضه – يا تين وايباهي العنب
غار الكحل من الهدب – ماتنوصف اجفانك
ياللي غبت – يالضيعت عنوانك
 
وديلي عنوانك ...
---------------------------------
9 / آب / 2018
ســــــــــــــتوكهولم





112
الى شعبنا الثائر الجريح اهديها
مع تحياتي لكم


يا شـــعـب
ميسون نعيم الريوم
 
زلزلهه بيهم : يالغضب – واعلنهه :  يا ثورة شعب
كـَـسـّـر اقـيـودك وانـتـِفـض – نظف (الخضره) امن النـَهـِب
إحنه العراق اوثورته – البردي يشهد والگصب
حتى النخل سـَعـْفه هـِتـَف – من جـَـذره لعـثـوگ الرطب
-(مدحت المحمود)..القضه – مجـرم اويحمي بالسِـلـَـب
هذا القضاء اوشـِلـّـتـَه – باچر يـقاضيه الشعب
حِرگوْ وطنه ! واشتعل – والشعب صارالهم حـَطـَب
عالي مقامك كل وكت – يا وطن اعـْلـَه امن السحب
يابـو الحِضاره امن الأزل – قـانـون أول وانـكـِـتـَـب
حيـّـوْ الشـباب المنتفض – مليون .. تگلبهه گلب
-(ثوار انتوْ للأبـد) – تطرد الساقط والنهب
خالد شعارك للأبد – يحيى الوطن .. يحيى الشعب
***
جونـَه لفـو من كل كتر– متبـريـه منهم لـَـديان
فرهود .. باگـو ثـروتـَـك – اترَمـّـلـَن نص النسوان
بالسـر كراسي وَزّعـَـو – والشعب ثـوره اوبركان
وعـدَوْ .. اعتذروْ بالچذب – طرگ الحچي والهـذيـان
-(والعامري)..عود اعتذر! – يـعـْـتـِقـد احـنـَه العـمـيان
أعمه گلب يالعـامري – عـَـنبـَـرنه ميصير ادنان
-(معصوم) تمثال انتصب – ريـّس ابـطـَـرگ العـنوان
مابيده حل اولا ربط – نايـم..شخير اوحلمان
باگو افلوسك يا شعب – انهزمو هزيم الفيران
انجيبكم .. لو بالسمه – حتى ابأقاصي البلدان
احكمتونه بالغش والدجل – باسـم الديانـَـه اوبالچذب
خالد شـِـعـارك للأبـَـد – يحيى الوطن .. يحيى الشعب
-------------------------------------------------------------
  4/ آب /2018
ســــــــــــــــتوكهولم
 



113
لكم والى المنتفضين اهديها


الى االثوار اهديها -5-

ميسون نعيم الرومي

إهدِروْ دمـَّـك ذول حكومة طواغيت
ع الكرسي وايگعدون .. واحنه ابتوابيت
***
باگــوه العــــــــراق اوكتـلوا اولاده
احزاب الخيانه التـِدْعي للديانه .. ابحجة الساده
***
كل الشعب ينخاك يا علي الكرار
تخسف الخضره ابذول هالكومة اشرار
***
موجوعه روحي اعليك والدمع يهمل
اشگد اوبعد چم دوب ياشعب تحمل
***
يا عيني العراقي امحسـر اومذبـوح
حصته امن النفط بس الهضم والنوح
***
 شعب العراق اليوم حاير ابأمره
جوع اومذله اوضيم يلهم ابجمره
***
يا دم الشهيد اليحرگ الحكام
يا ثورة شعبنه التطرد الظلام
***
دمكم ياشباب انهدر واتطشر
(اعبادي) المدعي بس يخطب القشمر
***
امتثل للقانون .. حاسب السراق
مو بالحچي المعسول وابعزف الابواق
***
شعبنه ابن الحضارة منبع الأديان
ما يـرضه عبد ايصير واتحكمه ايران
------------------------------------------------
23/تموز/2018
ســــــــــــــــتوكهولم



114
لكم والى القراء اهديها

مساهمتي مع الانتفاضه الشعبية
ميسون نعيم الرومي
 
*-(عبد الزهره) حط صدره اويصد الماي
ذيقاراوحماهه اتحده بالأشــــرار
البايع ظميره (اعبادي).. يضرب نار
والظالم يوم ايحكمونه
***
يالمالكي الرايـد يـرد
للسلطه.. يعبدهه عبد
اعراقنـَه امرَدْتـَه مـَرد
إحفـرلك ابإيـدك لِحـد
كل خاين گـَـبرَه ايهدمونه
***
يضحك عَ الشعب..ياعيبـْة العيبه
الخان العراق اوتــُربته اوطيبه
لاتعتب على اللي ماحفظ شيبه
*يا (الهادي) اعذارك ملغومه
-----------------------------------------
*عبد الزهرة 37609822_2076355466019452_3166708704787562496_n
*يا (الهادي):-هادي العامري
---------------------------------------------
21/ تموز/2018
ســـــــــــــتوكهولم
 


115
المتظاهرين اهديها -3-
ميسون نعيم الرومي
 
ثورتنه ثوره شعبيه
لا سنيه اولا شيعيه
***
إذا اليوم الشعب ماحقق اهدافه
قريب اوينتفض واتثور اطيافه
***
فرق بين الحقوق اوبين اهدافك
الك كل الحقوق اوخير ثرواتك
***
منهج والقياده انريد للثوره
من هذا الشعب وابنخبه متنوره
***
المفروض كل حاكم شريف اويخدم ابشعبه
مو ينهب ثروته .. وامن الخمس نسبه
***
الثوره دوم اتدوم ماتخمد ابيوم
مو بردي اويگب واتزيد الهموم
***
(من ألفين واتلاثه) والشعب يعلف..
على هاذي الحكومه اوحلگ بس يلغف
***
يعبادي يالچذاب والوجه وجهين
يالكاتل الشبان..تاليهه ليوين؟
***
هذا مصيرك بان .. روح اقره تاريخ
الحكم ذمـَّـه اودين مو أكل بطيخ
***
احزاب السياسه اليوم مشغوله
بالكيكه الهمش..والناس مكتوله
***
يادم العراقي الرخص رخص المي
احكومتنا الطغت و(اخرعلاج الكي)
***
جوْعـَـتنـَه الحكومه اوعلمتنه الذل
اليحكم ظلم ... ينهزم لويختل
***
چم حفره تلم ياجوگة السراق؟
ليغركم الكرسي! اعراقنه ..اعراق
-----------------------------------
17/تموز/20018
ســــــــــــتوكهولم








116


اغنية الى تموز


ميسون نعيم الرومي
 
راحت اسـنين اوهالإجت - يعراقي قـصـّـه قصتك
فرحه گصيره يا شعب
يا روحي ملينه التعـَـب
تموز هالجانه ابعـَـتـَـب
صارت چبيره بلوتـَك ـ يعراقي صعبه قِصتك
***
*چان الملك ستر اوغطه ـ (اكريم) إجانه ! اشورطه
ياثوره : شنـهي قِـصـتـّـچ
محنتنه صارت محنتچ
بدمانه عجنـَـوْ حِنـِتـِچ
يا شعب بلوه بلوتك ـ يعراقي اروي قصِتـَـك
***
تموز حزنك شـو كثر؟ ـ دم الشعب يسگي نهر
بالـموت صرنـه او نحتفل؟
شعبك حزن .. حتى الطفل
وين الوطن ؟ كله انــِّـشَــل
حـرفـَوْ الـدّيـن ! اومـنـهجـك – يـعـراقي محـنـه محـنـتك
***
ظلمه اصبحت مامش أمل ـ  ناكل هضم نلبس سمل
اغتصبـَـوْ اكريم .. ثورتــك
تموز هجموا ديرتك
يعراقي صعبه بلوتك
تـچوينـي جـمرة چـويـتـك ـ بدموعي أكتب قصتك
يعراقي قـصتـي قصتك
---------------------------
14/تموز/2018
ســــــــــــتوكهولم




117
الى المتظاهرين اهديها -2-
ميسون نعيم الرومي
 
دم الشباب ابرگبتك
يعبادي انت اوشلتك
***
فاليحيا الشعب فاليحيا ثوراه
فاليحيا العراق اوتشع انواره
***
النـت انگـِطع والفـيـس والحاســــوب
يعبادي (التدعي) وانت اصبحت مطلوب
***
شتفيد الكراسي الشعب هذا الثار
يالبعتوا الوطن للأجننبي والجار
***
انهضوا ياشباب اوصوتكم يعله
الكرخ اورصافه الشعب والشعله
***
شـو كلمن اجـه ويـريـد يـتـظاهـر
اعبادي اومالكي العامري اوعمار يتفاخر
***
محترف الچذب لعبادي يانهاب
تضرب بالرصاص اوتسجن الطلاب
***
لبيك العـراق اتـنادي تـطلب عـون
شعبك منتفض هالصوته هز الكون
***
ياصوت الشعب يالعالي وي الغيم
اطرد كل دخيل الضامك اويه الضيم
***
هذا الأگدره .. يعراقي روحي اوياك
ماتت فرحتي من فارگيت اسماك
----------------------------------------
15/تموز/2018
ســـــــــــــــــتوكهولم



118
الى المتظاهرين اهديها
ميسون نعيم الرومي

بصرتنه اهتفت عاشت الحريه
انهض يا شعب ثورتك شعبيه
***
بصره اوكربله والكوت والسده
شبابچ هالنهض للظلم يتحده
***
يابابل زلم يا صوتهه الهادر
شبابك حنته من ثورة الثائر
***
ثورتك يا شعب كل ثورة الفقره
نتحده الظلم وانساند الثوره
***
بغداد الرشيد او حضن كل ثاثر
خل يسمع ابصوتچ حاكم اوجائر
***
ابذيقار ثوره والنجف ميسان
فاليحيا الشعب والموت للحيتان
***
فرصتك يا شعب انهض اوساندهم
شباب المنتفض هاليوم ثورتهم
***
وين ابن الرمادي الموصل الحدباء
هيت اوعانه راوه وبن سامراء
***
يا ام العراقي .. هلهلي الإبنچ
(سعد) ثار اورضع صرخاته من صدرچ
***
منريد القياده الجتــّي من ايران
افيون اوحشيشه اتوكل الشبان
***
 
اطلع ياشعب لتگول شعليه
-(الخضره)صفت بيت الحراميه
***
رجـّـع ثروتـك واتعيش متـنـَعـِم
(حاسب) كل سياسي اوحاسب وامعمم
***
عتموا ع الخبر حفنة قيادات
وابدمنه بنوا كومة محطات
***
ياابـن العراق اوثـورة العشـريـن
ثور اعله الظلم والظالم من اسنين
***
اجونه امن العدم حفاي نهابه
عَ الكرسي اگعدوا كومة الچذابه
***
محطات الإذاعه ساكته اشمالچ
محروگ الشعب ذكريه باخبارچ
***
نفطنه اوماينه متـْحـَـكـْمَه بي ايران
حكومتنه دغش يا كومة الغمان
***
افتوا يالمراجع هالحكم باطل
شبابك يالعراق اوع العمل عاطل
***
معروف العراقي صاحب الغيره
ما يقبل حنطته تاكل اشعيره
***
بفلوس الشعب سووا محطات
محتفلين بيها والشعب مات
***
عراق الخير شعبه منهتك جوعان
اويلي اعليه.. يتحسر البيتنجان
***
كاتلهم (الهبري) اللبس عَ الموده
اتسلطوا علينه .. ساعة السوده
***
يا دجلة الخير او هالفرات اوياك
يا شعب العراق الثورة تترجاك
-------------------
14/ تموز/2018
ســـــــــــــــــــــتوكهولم

119
ستون عاما مضت
تموز يا تموز


اغنية الى تموز
ميسون نعيم الرومي
 
راحت اسـنين اوهالإجت - يعراقي قـصـّـه قصتك
فرحه گصيره يا شعب
يا روحي ملينه التعـَـب
تموز هالجانه ابعـَـتـَـب
صارت چبيره بلوتـَك ـ يعراقي صعبه قِصتك
***
*چان الملك ستر اوغطه ـ (اكريم) إجانه ! اشورطه
ياثوره : شنـهي قِـصـتـّـچ
محنتنه صارت محنتچ
بدمانه عجنـَـوْ حِنـِتـِچ
يا شعب بلوه بلوتك ـ يعراقي اروي قصِتـَـك
***
تموز حزنك شـو كثر؟ ـ دم الشعب يسگي نهر
بالـموت صرنـه او نحتفل؟
شعبك حزن .. حتى الطفل
وين الوطن ؟ كله انــِّـشَــل
حـرفـَوْ الـدّيـن ! اومـنـهجـك – يـعـراقي محـنـه محـنـتك
***
ظلمه اصبحت مامش أمل ـ  ناكل هضم نلبس سمل
اغتصبـَـوْ اكريم .. ثورتــك
تموز هجموا ديرتك
يعراقي صعبه بلوتك
تـچوينـي جـمرة چـويـتـك ـ بدموعي أكتب قصتك
يعراقي قـصتـي قصتك
---------------------------
14/تموز/2018
ســــــــــــتوكهولم

120
المنبر الحر / صوت تظاهرات العراق
« في: 22:35 11/07/2018  »
نظمت هذه القصيدة تضامنا مع تظاهرات شعبنا
للمطالبة بتحسين الخدمات والتي استشهد فيها المغدور ابن البصرة (سعد يعقوب المنصوري)
صوت تظاهرات العراق
ميسون نعيم الرومي
 
*(فوگ صوتك يا شعب ما يعله صوت)
الموت يا شعبي ابسبيلك احلـَه موت
استشهد امن اجلك (سعد)*
كافي تـتحمل بعـَـد
انـت حـر او للأبـد
اجدادنه (سومر واكد)-
اعراقنه حر اوأبي كافي السكوت
فوگ صوتك يا شعب ما يعله صوت
***
(البصره) ثارت هبوا شدوهـَه الحـِزم
انتوا أول من كتب حرف ابقلم
انتوا اصحاب الحضاره
ثـورة (البصره) شراره
(كربله او كوت) الإشاره
اخذوا ثارات العذارى
(بغداد) ترفض كل حرامي اوصِبـَـح حـوت
فـوگ صوتـك يا شـعـَب ما يعلـَه صوت
***
ايد بيد اونكسـراغلال الحديـد
الشعب لوثار كلـَّه .. يشبگ الدم الوريد
ظلم كافي جـور كافي
عاش عدنه الفگـر لافي
(أغـْـنـى) شعب اوصرت حافي
تصرخ اهلك بالمنافي
فورة الثورة استغلها اولا تخليها تفوت
فوگ صوتك يا شعب ما يعله صوت
اعراقنه حر او أبي كافي السكوت
-----------------------------------------
*(فوگ صوتك يا شعب ما يعله صوت) :- مقتبسه
من هوسات تظاهرات مدينة الكوت يوم 10/تموز/2018
*(سعد):- شهيد تظاهرة مدينة البصرة
نظمت هذه القصيدة تضامنا مع تظاهرات شعبنة
للمطالبة بتحسين الخدمات والتي استشهد فيها المغدور ابن البصرة (سعد يعقوب المنصوري)
--------------------------------------------------------------
11/تموز/2018
ســــــــــــــتوكهولم

121
زاوية الشعر الشعبي / دارميات
« في: 19:08 05/07/2018  »
شعر الدارمي او غزل البنات شعر الفرات الأوسط
اهديكم ما نظمته مع كل الود

دارميات
ميسون نعيم الرومي
 
بشليلي الم انجوم وانثر دربكم
والگمر ضوَّه الليل يمشي بثركم
***
حروفك ترافه اوهيل عنبر سحرهه
بحر العشگ مفتون حاير بمرهه
***
غصبا واهيد الروح مگدر عليهه
خلتني چن مجنون كله امن اديهه
***
ضايع گمرنه الچان يزهي ابسمانه
عينه تصد للغير راح اونسانه
***
حاير واعاين ليك يوليفي يالصد
مدري الورد بالإيد مدري على الخد
***
اتعثر ابممشاي والدمع يهمل
اسأل وادور اعليك يالانت لجمل
***
قوس اوقزح لعيون حرت ابوصفهن
اهوايه تره حلوات وانتِ گمرهن
***
اتنطرك كل يوم عيني على الباب
هايم انا حيران والعشگ چذاب
***
مولح صبيهه العين والدمع وشـٓـل
راح اوإجه رمضان .. ياريتك اتهل!
***
خليني اعاين ليك لن روحي بيدك
چا هيـّه مو بالكيف گلبي يريدك
***
لملم اگليبك هاذ روح اشرد ابعيد
لاينفع ابره اوخيط لا حتى تجديد
***
گمره اوربيع اليوم حلوه اوضويـّـه
وامطرزه ابنجمات اسمانه اوزهيـّه
***
ياذيني هذا الليل مخاوي ونيني
يچيم جمر بالروح كلما يجيني
***
نار الگلب تنور ماتطفه بدموع
تربي تظل لعيون بس تبچي وتلوع
----------------------------------------
تموز/ 2018
ســــــــــتوكهولم






122
يابو گصايب ذهب
ميسون نعيم الرومي
 
يا بـو گصايـب ذهـَب..
 واعيـون ماويـه
بالگلب حبه وشـم
وامطرِزه خدوده نجم
لو حچه صوته حلم
قداح من دربه نلـِم
ابن الجنوب الترف
الفي الشمس روحي ترف
الحب كلف.. كلش كلف
يحله الغزل .. بيه او إله
يتنعثر  ابشفته عسل
جمار يا دمع النخل
للعين.. ضي او كحل
فرحة گلب صبح وامل
حسنه حسن شع الضوه
نسمة سحر.. يا طلته
مشتاگه روحي اوبس إله
تسـألني وآنه شلوني
والضيم غير لوني
والدنيه ضاگت بيه
يابو گصايب ذهب..
 واعيون ماويه
***
يابو گصايب خصل
سالوفة گلب ضوَّه الليل
فـَتـَّح ورد باس الوجن
يالبيك روحي تمتحن
وبشوفتك ضحكة نهر
عنبر ورد لمن تمر
رصعة ضوه فوگ النحر
حبك صبي كل العمر
بعيونك الحلوه فرات
واهوار والبردي او گصب
دجله عذب .. كلش عذب
بچفوفي المك فرح
والرمش علمني غزل
يالحبك اهلاله كمل
راحت سنه وجتي سنه
دنيه زهت.. لمن تهل
كهرب ضوه .. عيون الشهل
تسألني وآنه اشـبيه ؟
والدنيه مالت بيه
يابو گصايب خصل
واعيون ماويه
-----------------------------
1 /  تموز / 2018
ســــــــــــتوكهولم
 
 





123
محنتي مع الرقي او البطيخ الأحمر
ميسون نعيم الرومي
 
(أثبتت الدراسات الحديثة فوائد صحية عديدة لفاكهة البطيخ (الرگي)، خصوصاً فيما يتعلق بسلامة الأمعاء والكلى. فقد أظهرت الدراسات أن البطيخ لا يطفئ العطش، ويرطب الجلد، وينعش الجسم فحسب، بل قد يفيد كمليّن قوى للأمعاء، ومادة تساعد على الهضم، ومقوى للدم، ومفتت لحصوات الكلي. ووجد الباحثون أن المركبات الطبيعية الموجودة فيه تساعد في تخفيف شدة الأمراض الجلدية، كما تفيد بذوره في تخفيض ضغط الدم المرتفع، ويمكن استخدام جذوره في وقف النزيف الدموي.)
 
وانا اتصفح النت واثناء قراءتي الموضوع اعلاه وما ذكر من فوائد هذه الفاكهة او الخضار تذكرت المثل الشعبي العراقي الذي يربطها بالحظ (حظي ابكلشي اسود بس بالرگي ابيض)
اذ اعتدنا ان نربط كل امورنا بهذا الحظ العاثروالقدر(المزحلگ) وحتى بالسياسة والسياسيين واحزاب السلطة ،والحكومات والإنتخابات المزورة ،وحرق الأدلة الجرمية ، ومجلس النواب ورئيسه ،الذين ناضلوا لفرض مفوضية الإنتخابات على الشعب بالرغم من الإعتراضات الشديدة من قبل بعض النواب (والمسؤولين في الدولة من القلة النزيهه )
وكيف انقلبوا رأسا على عقب بعد ان (فشلوا ومحد اشتراهم ابفلسين وطلعوا من المولد بخفي حنين) سبحان مغير الأحول .
عندها رفعوا راية النزاهة وحب الوطن والتمشدق باحقاق الحق (طبعا حقهم اكو حرامي يتمنى يترك كل هذه النعمة... 32 مليون دينار بين راتب اسمي ومخصصات حماية وسكن ،اضافة الى السفر المجاني واجورالفنادق ،زائدا 600 دولار يوميا (مصرف جيب.. جمبيتها للباميه) اضافة الى الرشوة والخاوه ،كما تسلم النواب الجدد سلفة تبلغ  90 مليون دينارا سوف تعتبر منحة كما يقال..
عفوا نسيت عمليات التجميل (الكل جر وجهه وتكبير اخدود وتجميل مكانات اخرى .. لهم ولعوائلهم ،وزراعة شعر،شنو الفائده يا خايبين اذا الكرش واصل للركبه ) فالذي يصبح نائبا تفتح له باب القدر..
وبعد تسارع الأحداث والتحالفات الأخيرة وانقلاب الموازين التي كنا نأمل فيها الخير (خطر على بالي المثل (الدنيا حظوظ .. لكي اريح بالي من التفكير،كما يعمل اكثر العراقيين)
 
نعود الى محنتي مع (الرگي وما ادري ليش شبهتها بالوضع الحالي) وكيف كنت اترقب استلام (يوميتي من والدي) واراني عند (عمو محمد ابو الركي) القريب من بيتنا في محلة الدوريين بدشداشته البيضاء وخديه الحمراوين المتدليين كما (كرشه الذي يتحزم تحته ويضع السكين في الحزام حتى ايبيع رگيه على السچين) يسألني ضاحكا (ها عمو موسى تريدين رگيه مگيه) هكذا كانوا يسمونني في الصغر (اما المگيه هي الناضجة التي تكون حلوة المذاق المتحول اكثرها الى عصير بسبب وجودها في الأسفل اثناء النقل) .
(ما اعرف ليش عمو محمد ابو الرگي يذكرني بسياسيي الصدفة ،ولو تبدلت سكينته بالمفخخات والمتفجرات اللي يتهادد بيها السياسون مع بعضهم والضحية الحلقة الأضعف في المجتمع وهم الفقراء اللي يكونون دائما كبش الفداء)-
 
اما المحنة التي لازمتي عندما كبرت وبعد ان (اتبدل صبغنا من وره الحكومات التي طيحت حظنه وگصت الساناتنا وشبعنه ضيم اوظلم وكفخات ..)  اتبدل حظي (بالرگي) وعندما افتح (رگيه الگيها بيضه وفوگاها .. عبالك مرشوشة ملح) تعودت على هذا الوضع (تضامنا مع شعبنا الي اتعود صار 15 سنه صاموط لاموط عايشين عيشة الضيم والعراق اصبح خرابة مليان ايتام يتطافرون بالشارع وشياب يتسولون واحد يردم بالآخر والنسوان بهذا الحر ملفوفات مثل الدولمه ،(والنايبات) وحدتهن تشبه عمشه ام الروبه ، والناس يمطرون عرگانين من قلة الكهرباء وحلوگهم يابسه من قلة الماء اللي كوِّشـَـوا عليه ايران وتركيا )، والحكومة لايعنيها الأمرمشغولة بالمحاصصة (وخمط الكيكه) والعبادي صرح بعد ان نصحه الخبراء ان تـُبنى سدود جديدة .. أن السدود الموجودة فارغة ولا يستدعى الأمر لبناء الجديد منها (اصلا هو لحد الآن يعطي نصائح لتصحيح المسار والقبض على الفاسدين ممصدگ انه رئيس وزراء وقائد القوات المسلحة) –
 
هذه الفترة جميع احزاب العار ينادون بالاصلاح وقيادة الوطن الى بر الأمان ،وانا اتساءل .. كيف تستطيع نفس القيادات من المزورين والسراق التي قادت العملية السياسية المتهرأة ان تنقذ وطننا من المصير المرعب الذي ساروا فيه اليه ،انهم لايصلحون الا لتقسيم الغنائم ويجب ان يقدموا الى المحاكم الجنائية العادلة.
 
وعلى حسبة (الرگي) قبل عدة ايام اشتريت واحدة 7 كيلوات بعد ان طبقت كل المواصفات التي قرأتها في النت وقد كنت متأكدة تماما بأنها سوف تكون الأمل المنشود (وعزمت اختي) كي ادهشها بهذه الغنيمة و(حضري السچينة وخلي الصينيه وضحكة الإنتصار من هالإذن الى الثانية .. وصحت والآن .. واذا اختي تقع على الأرض من الضحك) وانا مشدوهة خائبة (صافگني زماني).....
والظاهر هذه الحكومة الجديدة ستكون مثل سابقاتها ومثل (رگيتچ يميسون)-
 ------------------------------------------------------------------------------------
18/حزيران/2018
ســــــــــتوكهولم

124
حـِنـَّة عـرس
 
ميسون نعيم الرومي
 
عطشانه السواجي اسگيهه مي العين
من روحي نبع يضوي على الشطين
 
يادجلة اوفرات العذب بيه الماي
نجمه وي گمر وامطرزه الجرفين
 
جوري الورد نعناع ويه الياس
يتمايل غنج ويعطر الجنبين
 
يتهاده البلم محله العتابه اوناي
والنسمه سـِـحر واتغازل الخدين
 
والطين الحمر ياقوت وي مرجان
حنـَّه للعرس وايحني بالچفين
 
تركعله الشمس تغسل ظفاير بيه
يا مي الفرات امن الجنه مي العين
 
ون گلبي جرح يبچيك هم تبچيه
والنخل انذبح ياحيف العنب والتين
 
خنجرهم غرز يذبح جمال البيك
يادجلة عشگ يا غنوة الطيبين
 
اهوار التراث العطش طگهه الموت
يادجله اوفرات الغدر واصل وين؟
 
أسمع للنخل والصوت وا ويلاه
حاني رگبته والفاس بالجنبين
 
ذله والمهانه اشلون تحمل ليش
يعراقي انتفض السكته للمسكين!
السكته للمسكين
-----------------------------------
حزيران / 2018
ســـــــــــتوكهولم






125
الى مدينة الصدر(الثورة) المنكوبة
ميسون نعيم الرومي
 
(بالثورة) شبت نار وابيت (الحسين)
ماظل مقدس بيك .. (يعراقي) ليوين؟
***
*(اتبربدت) كومه ابيوت (انمردوا) أهلهه
لحزاب اوتغطي اتريد تحمي ربعهه
***
حيف الشباب الراح دمهم تـِطـَشَّر
(ابرمضان) او خذاهه (الموت) بانيابه كشر
***
فوگ الفقر والضيم سايح يدمنه
والوطن هالمنهوب عطشت ارضنه
***
كل الدول بيهه اليوم ! احكوه .. وحده
واحنه (يملك الموت) .. اگعد وعدّهـَه
***
كل حزب فرَّخ بيك يعراقي (حفنه)
مـِتحـَـزِّمـَه بسلاح تذبح شعبنه
***
يا مجلس النواب خنتوا شعبنه
نفس الوجوه اليوم صار الهه رنـَّـه
***
*لا كهربه لا ماي .. (والنفط نجـَّـم)-
وين الفلوس اتروح .. والشعب فـَـحـَّـم
***
كلكم عصابة اشرار.. شنهي العباره؟
اعباديها وي معصوم كلّ الوزاره
***
شعب العراق الزين صاروا مجادي
دمهم جره نهران ... نايم (اعبادي)-
***
يا شعب يامنكوب محـَّد يعينك
بذراعك اخذ احقوق واحمي عرينك
***
لـُم الشهيد اليوم جيت انه اعزي
گصّي الگصايب غاد .. (للخضره) هزّي
-----------------------------------------
*اتبربدت:- اتهدمت
---------------------------
8 / حزيران / 2018
ســـــــــــتوكهولم
 



126
ابخـتـك يـســيد
ميسون نعيم الرومي
 
ابختك يسيد ننخاك
شعبك تعب كافي ظلم
 
كلهم شـَـلع كلهم قـَـلع
اكـْلـَـوْ لـَحـَمـنـَه والعـَظم
 
كلمن اوعـنده فد جيش
ضد الشعب يحمي الحكم
 
كلهم يسـَـيد سـراق
تعرفهم انت بالإسم
 
يتحاسب الباع الوطن
والبدوه من (راس الهرم)-
 
حـَرفـَـوْ (يسيد) بالدين
شـِـغلوا شعبنه (باللطم)-
 
-(لحسين) ثورة اصلاح
وانت إبن اهـل العلم
 
صار الوطن عَ الهاويه
بيدك اتنقذه امن العدم
 
عين (الفقير) الترجاك
تتنطرك كل (الزلم)-
 
مات الزرع صارت بور
والوطن يبچي منهدم
 
حتى (النخل) هم عدموه
(دجله) او(فرات) الما سلم
 
انت (يسيد) مو گلت ؟
لتجرب امجـَـرَّب منهزم
 
هذا الوطن نفضوه نفض
كلهم يسيد مـُـتـَهـَم
 
حتى (القضاء) المسخوه
سحگوه سَحِگ تحت القدم
 
نص الشعب صار (ايتام)-
تـِـلـْگـِط زبل تنبش رمم
 
صار (الوطن) تحت الصفر
انباعت كراسي اويه (الذمم)-
 
ايران كوشت عَ الوطن
صخمت وجهنه باصخام
 
-(نـوّاب) تكـرف آلاف
ماكو عـِلـِم لاكو فهم
 
هذا الشــعب كله اوياك
يـِنـْـظـَـف وطنه امن الرمم
 
ابختـك (يـســـيد) ننخـاك
تحمي الوطن تحمي (العـَـلـَم)-
 
تحمي الوطن تحمي (العـَـلـَم)-
-----------------------------------
1/حزيران / 2018
ســــــــتوكهولم





127
زاوية الشعر الشعبي / شوف المهزله
« في: 13:50 18/05/2018  »
شوف المهزله
 
ميسون نعيم الرومي
 
يا شعب اصحه اوشوف
شوف المهزله
صفگه اوهلاهل...يا هله
اسكت اوتاكل نستله
ضاع الوطن .. كلمن اله
صفگه اوهلاهل...يا هله
بو اعمامه وي ريم الفله
*تزويز شوفه اشكره
كلهه صفت بيع اوشره
اسكت او اوگف سره
انباع كلشي وانشره
بالقيم كفروْ .. كفره
صرنه يعالم قشمره
صوَّتـْـنـَه المن يا ترى؟
ضاع الوطن محد اله
وين الحراك النرقبه
لو بس هزيمه اوعفتره
مگرود يالمـّحـَّـد إله
والكيكه.. قسموهه تره
وين اليحل المعضله
صفگه اوهلاهل...يا هله
ياشعب شوف المهزله
-------------------------------
https://www.youtube.com/watch?v=kc5AHGb12N4*
 
18/آيار/2018
ســــــــــــتوكهولم

128
الى المنتخبين
-3-

ميسون نعيم الرومي
 
شد حيلك انهض خوي وانتخب الاحسن
كلهم عصابة ذول واحدهم ارعن
***
لا تنتخب حيتان بالوطن لعبت
*باگت الخير البيه واچماله (تشحت)-
***
*شوف (المفوضيه) اليوم تكرف بالفلوس
وابحجة التصويت ملين يمنحوس
***
لو تغلط اول نوب كلهه تعينك
لو ثاني مره انوب كلهه تدينك
***
احذر يشعب اليوم لا تنتخبهم
نفط العراق الراح كلـَّه الربعهم
***
خـَـلـّنـَه ننتخب وانصفي بالنيه
حلفوا بالشرف ما ضل حراميه
***
احله وطن بالكون گالو وطنه
زرعو تخلف بيه خربوْ اسمـّـنـّه
***
بين الدول مهيوب چانوْ اهلنه
صرنه نوطي الراس وانظم اسمنه
***
يا شعب هذا اليوم اي والله يومك
اكنس زبل حكام محد يلومك
***
شعب العراق الزين خـَلـّصنـَه منهم
اثبت وجود اليوم لا تنتخبهم
***
يا شعب اصحه اوثور واكلبهه بيهم
ذل اوتخلف جوع كله امنديهم
***
افرح يا شعب وارگص ابچفيه
كلهه اتحالفت شوف الحراميه
***
سرقوه النفط والخزنه فرغوهه
اسموم اتحزموا للشعب باعوهه
***
اليوم يومك ياشعب تتنكـّه تختار
واليسكت تره.. بالگصَّه وصمة عار
-------------------------------------------
12/آيار/2018
ســـــــــتوكهولم
 

129
دارميات الى المنتخبين
ميسون نعيم الرومي
2
بعتوْ الوطن ظلام جيره ابفركم
ساعه اوتجي فد يوم نمحي اثركم
***
لا تنتخب اشرار واتزعل (الحسين)
شوفو العراق اشلون راجع وره وين
***
انتم شباب اليوم بيكم أملنه
لو صرتو ايد ابإيد يزهر وطنه
***
خربو وطنه اجناب ساد التخلف
باگونه باسم الدين ساد التطرف
***
اصواب العراق اصواب بالگلب چتال
ضيم واقهر وادموع وي شلـَّة الحال
***
 لملوم او علينه التم زلم اونساوين
سقط المتاع اهواي  جابوهم امنين؟
***
مدمن على الآهات واللطم والنوح
راضي ابحياة الذل وامعذب الروح
***
يمشي مثل طاووس وسط الحمايه
بوگ الاراضي خوب عند هوايه
***
هذا الشعب متعوب كل وكته مضيوم
ياهو اليجي يوليه والسبب معلوم
***
بالدمع نغسل دم لايا وشعبنه
نرضه ابمهانه اوذل وسفه اوسكتنه
***
ظلمه او خليه الدار راحو اهلها
بيده العراقي اليوم هوَّه اليحلها
------------------------------------------
10/آيار/2018
ســـــــتوكهولم
 

130
الى المنتخبين اهديها
بمناسبة الإنتخابات

ميسون نعيم الرومي
 
صلح غلطتك ذيچ .. لا تنتخبهم
بس النظيف الإيد .. تعرف اسمهم
***
تدمع أرض بغداد تنخه أهله
لا تنتخب سراق .. بس هذا حله
***
توصخت عقول اهواي بالطائفيـّة
ياهو التحشمه ايگـول .. آنه اشعليـّه
***
من الفگر والعوز چانوا يونون
خير الوطن باگوه ماضن يشبعون
***
نايم تظل ليوين هالصرت حافي
جوع اومذله اودم يا شعب كافي
***
صاير الدين اليوم احسن تجاره
حط العمامه اوبوگ وابني عماره
***
متستــِّرَه هالحكام وابجبة الدين
باگوْ وطنه اشرار رجعونه قـَـرنين
***
لا تنتخب احزاب خربت وطنه
يا شعب ايد ابإيد نكنس أرضنه
***
لسلام السياسي اليوم متحزم احزام
گعدونه ع الرنگات صخمونه باصخام
***
مبيعات النفط مليار.. يا أهلي يوميه
نستجدي الدول چا ليش؟.. بخت الحراميه!
***
شد اللعمامه زين واطمغ الگصه
من اللغف والبوگ ياخذله حصه
------------------------------------
  9/ آيار/ 2018
ســــــــــــــــــتوكهولم







131
الى العامل في عيده
ميسون نعيم الرومي
 
عـيـد العامل هذا اليـوم
صوته اليعله وَي لغيوم
 
*(عشره اوخـَـمـّـسـَـه) يا آيـار
والعـامل مـَـسـحـوگ اومحتـار
 
چـنت اتـهـز الدنيـّه ابيد
والشـعب اليهتف وايعيـد
 
*(كاورباغي) النادت واتريد
يرجع مجدك يالصنديد
 
چاكوك مايصده ابيوم
ما دام الظلم .. اوميدوم
 
صوت العامل هز الكون
ترضه الذلـَّه ! گلي اشلون
 
جرح اليصرخ جرح العوز
شمس الماغربت .. تموز
 
العامل صوته هز الكون
يكنس كل سارق وايخون
 
ترجع باچر تبني ابلادك
ابفكرك يعله مجد اجدادك
 
يعراق احبيب يا منيوب
انت الشعله يالمهيوب
 
چم طاغي ابمزبلته التاريخ
وانت الخالد يالصنديد
 
اوياك انعـَـيـّـد يوم العيد
حر الوطن اوشعبه سعيد
-------------------------
*(عشره اوخـَـمـّـسـَـه):-مرور 15 سنة على سقوط الحكم الدكتاتوري
* مذبحة كاورباغي:- اضراب عمال شركة نفط كركوك في 7/توز/1946
حضر وزير الاقتصاد السيد بابا علي الشيخ محمود إلى كركوك في محاولة للضغط على العمال المضربين بغية إنهاء إضرابهم، ولما فشل في إقناعهم عاد إلى استخدام أساليب التهديد والوعيد ، وقد قابله العمال المضربون بتجمع جماهيري واسع في حديقة { كاور باغي }، حيث ألقيت خلال ذلك التجمع الكلمات التي عبرت عن حقوق العمال المشروعة، وإصرارهم على تحقيق مطالبهم العادلة لكن الحكومة كانت قد عقدت العزم على إنهاء الإضراب بالقوة، حيث أعدت لهم مذبحة شنعاء. فقد أحاطت بهم قوات من الشرطة تتألف من فوجين ، وبدأت بإطلاق النار على التجمع لتفريقه، وأدى ذلك العمل الإجرامي إلى استشهاد 16 عاملاً ، فيما جرح أكثر من 30 عاملا آخر ....
http://wikiraq.org/wiki/1650/
------------------------------------------------------------
المنيوب:-من مات منه عزيز
---------------------------------------------------------------------------
ستوكهولم
1/ آيار/2018
 
 






132


مهداة الى وزيرة الصحة والبيئة العراقية(عديلة حمود)-

(عدّوله)

ميسون نعيم الرومي

 
*(عـَـدّوله) اويا عـَـدّوله
*(ابزازينچ) .. هاللعبن جوله
 
و(اچلابچ) .. خوش امأدبه
اتخاوت ويـّاهن صحبه
 
*و(الهوش) التسرح بالمشفه
*فرحانـَه ! اتغطين الكـَـفـَـشـَه
 
سـَـلموچ الصحة .. انـطـَـرْنـَـه
خنتي ابسرعه قـَـسـَـم المهـْـنـَه ..
 
وَزّروچ اعله البيئه اوصحه
*اصفينه ابجالچ .. بآخر صفحه
 
اطويل السانچ (يـُهـفـُـت)
واعيونچ وكحه اوصلفه
 
أمراض المنقرضه استشرت
وافلوس الصحه  انسرقت
 
وحدتچن متلكچه اتصلي
والدين المـِنـچـَـن متبرّي
 
والساسه ابجمعتكم سراق
متبري منكم لعراق
 
اهجمتوا الوطن الغالي ابخـِسـَّـه
كل واحد يهمش حصـَّـه
 
ياشـَـعب النايـم .. اصحه!
تحت الفقر اوراضي الشِـحـَّة
 
دين اونفصل عنه الدوله
يصحه الحكم اوعز انـّولـَه
 
عدّوله اويا عدّوله..عدوله
بالبوگ الكم صوله اوجوله
بعدي اچلابچ عن الدوله
يا .. عـَـدّوله...!!
-------------------------------
*(عـَـدّوله) وزيرة الصحة والبيئة الدكتورة عديلة حمود حسين
*(ابزازينچ)ظاهرة انتشار القطط والكلاب السائبة في ردهات المستشفيات العراقية
الهوش:-الأبقار (التي تسرح في مستشفى الزعفرانية)
*الكـَـفـَشه:- الشعر
*بآخر صفحه :-العراق أسوء البلدان للعيش في العالم (حسب مؤشر التنمية البشرية) -



عرضت احدى القنوات الفضائية فلما مزريا لاحدى مستشفيات بغداد وقد استوطنت القطط تحت اسرة المرضى تداعب بعضها وتسرح وتمرح وهناك شخصان يطاردان كلابا سائبة في ممر بين الردهات.
وفي الردهة عامل بيدة الكوسرة يصلح شباكا مكسورا والشرر يتطاير في الردهة التي بقربها مريض يبدو بحالة حرجة لايستطيع حتى فتح عينيه.منظر مبكي حقا
22/ نيسان/2018
ســـــــــــــتوكهولم
[/size][/b][/center]

133
المنبر الحر / ذكريات موجعة
« في: 19:15 11/04/2018  »
ذكريات موجعة
ميسون نعيم الرومي
 
ذكريات قاسية لاتنسى مهما تراكمت الأحداث وتوالت الأيام.. يوم ضُربت بغداد من قبل دول التحالف عام 1991.
 كنت وقتها احد القلة العراقيين المغتربين في السويد، عانينا الكثير ونحن نرى الوطن يتعرض لتلك المحنة الرهيبة.
مشاعر متضاربة أخذت تعتلج في صدورنا، امتعاض ...هلع .....ترقب ولهفة لعل ذلك الكابوس الأسود يُزال عن بلدنا، فقد يئسنا من الخلاص بطرق اعتيادية من ذلك النظام الدموي، الذي جثم على صدورنا وأذاقنا الأمرين ببطشه واستهتاره، حتى بتنا نرى احفاد حلا (أبنة المقبور صدام الصغرى وهم يحكمون العراق)-
 
 عشنا الخوف، والقلق على اهلنا واحبابنا من المصير المجهول الذي ينتظرهم، و قد تحول الوطن الى شعلة نار، وهام اهل بغداد كل في طريق ينشدون الخلاص والحماية في ذلك الأتون المشتعل..
 
 لم يكن بأيدينا الا الجلوس، وكلنا عيون جفت مدامعها شاخصة الى التلفزيون، وهو يبث الأحداث بصوره مباشرة من بغداد (نقل حي) في البداية قبل ان يعتموا عليها ... أما التلفون فلم نحضى برد من أهالينا في بغداد يطمئن قلوبنا ويخفف من لهفتنا.
 
لن انسى كلام المذيع على لسان طيار امريكي من الذين قصفوا بغداد التي تحولت الى مدينة اشباح: - ان سماء بغداد تشبه سماء الدول الأوربيه يوم كرسمس (يقصد احتفالات الألعاب الناريه) ثم يعقب :- لكنهاعلى بغداد قنابل حية ...
 
شارع الموت
ثم ذلك اليوم المروع حين قصفت فلول الجيش العراقي العائد من الكويت، بعد تلقيه امرا بالإنسحاب، من الكويت، فقد بث التلفزيون السويدي مشاهد حيه للشارع الطويل الممتد من الكويت الى البصرة بعد قصف طائرات التحالف له، حيث ازدحمت الحافلات بمختلف أنواعها من عسكرية ومدنية في فوضى عارمة، يتعرضون للموت المباشر بقنابل التحالف الكثيفة في ذلك الشارع المكشوف ما جعلهم يطلقون عليه اسم (شارع الموت) -
قال المذيع السويدي انسحب الجيش العراقي من الكويت بعد تلقيه اوامر الإنسحاب من قبل صدام حسين...ثم أضاف أن عدد الضحايا يقارب المائة الف شاب عراقي.
 
مائة الف عراقي ذبحوا بطريقة لا انسانية غاشمة، سالت دماؤهم في ذلك الشارع المنكود
 
عرضت المشاهد على شاشات التلفزيون بعد ان اخلي الموقع تماما من الجثث، تلك المشاهد التي وشمت في ذاكرتي وهي تحكي الحيف والظلم الذي لحق بشبيبتنا المبتلاة بالحكومات الظالمة .. لقد سحق مستقبل العراق لسنين طويلة ..
 
شاهدت بقايا حافلات محطمه بالكامل وبعضها قد تفحم، مرمية هنا وهناك.. احذية مبعثرة، دماء منعثرة تلطخ تلك البقايا .
اوراق مصبوغة بالدماء.. التقط المذيع احدها واخذ يقرأ بصوت مسموع .. كلمات اخيرة لشاب عراقي، خطت انامله كلمات قليله سريعة، لم يستطع اكمالها وبقي اسمه مجهولا...
 كتب الى عروسه يقول لقد قتلونا.. سوف لن اراك ثانية .. احبك....
 
 شاهدنا ما تبقى من الأكياس البلاستيكية الكبيرة (ذات السحاب) المخصصة لنقل الجثث مكدسة على جانبي الشارع ، كل شيْ محسوب ومدروس ومعروفة نتائجه مسبقا حتى عدد الأكياس وهم ينضدونها لوضع اشلاء شبابنا  المنكوبين (ولد الخايبة)...
  ترى اين القبر الجماعي الذي اودعوه  كل هذا العدد (مائة الف شاب) في عمر الزهور الثروة البشرية للعراق المنكوب، ومنهم الكثير من خريجي الكليات الذين ارسلهم دكتاتور العصر الى مطحنة الحرب الجائرة
هؤلاء الشباب المغضوب عليهم ( ولد الملحة ) الذين لم يجربوا في الحياة  الا طاحونة الحرب، يُرسلون من حرب الى اخرى، من قبل طاغية مجرم أرعن.
لقد اغتال ذلك المجرم الدموي وحزبه المشؤوم مستقبل العراق، ولا زالت فلوله المتخفيه  والمرتدية عباءة الدين، وكذلك مجموعة الاميين السراق سقط المتاع  يعبثون بوطننا الجميل واهله لحد الآن
الحديث ذو شجون، والذكرى موجعه، واواقعنا لا يطاق...
 
الإنتفاضة الشعبية
-----------------
بعد تلك الأحداث،  بث التلفزيون مشاهد عن بدايات لانتفاضة شعبية
كانت احدى المشاهد لجندي عائد من  شارع الموت،  في حالة مروعه (احد المحظوظين القلائل الناجين) وهو يمزق صورة الطاغية المكشر عن انيابة
ومشهد اخر لقليل من الناس يهتفون بسقوط النظام، وبعدها اعلن البث ان هناك انتفاضة في الجنوب..
في البداية رحب الغرب بهذه الانتفاضة وهلل لها، وفجأة وبدون مقدمات انقلب المشهد،
ومن خلال  بث حي قال المذيع ...هناك طائرات تقصف الثوار ولا نعرف هويتها.
 
لقد سمح التحالف لصدام بالأحتفاض بطائراته لاستعمالها في قمع الانتفاضة التي تبين لهم أدارتها من قبل أيد موالية لإيران
 
هذه الذكريات المؤلمه حقائق يعرفها الكثيرون ...
 
ملجأ العامرية المنكود
-------------------
فاجعة اهدتها قوات التحالف الى العوائل العراقية الفارة من حمم القنابل التي امطرتها الطائرات على بغداد تركوا منازلهم ليقضوا ليلتهم ناشدين النجاة لائذين بملجأ العامرية
لتتلقفهم نيران الطائرات المرعبة بالقاء الغضب المشتعل من قنابلهم الذكية على ذلك الملجأ المنكوب ومن فيه من العوائل المنكودة والذين كان اكثرهم من النساء والأطفال المذعورين من الغضب النازل عليهم من سماء لم ترحمهم من ذلك النظام الظالم ولا من الجوع والمرض والضياع ولا من الموت بهذه الطريقة المأساوية .. (ومن بينهم كانت زميلتي نضال واطفلها الأربعة والتي التقيتها اثناء تدقيقنا لحسابات محاكم الكرخ اذ كانت موظفة هناك) ..
عند مشاهدتي منظر الناس وهم متفحمين خرجت دون وعي هائمة امش في الشوارع كالمجنونة وعيوني شاخصة الى المجهول لا اعي اي شيء مما حولي..
عند عودتي فتحت الباب لأرى بقايا دخان ورائحة حريق وهناك ورقة من البوليس لصقت على الباب تقول ان شقتي تعرضت الى حريق وقد انقذوها بفضل اتصال الجيران
كان السبب اني نسيت الطباخ وما عليه وتركت الدارهائمة على وجهي عند مشاهدتي تلك الفاجعة
المصيبة ان رائحة الحريق بقيت فتره طويله جدا لاتريد ان تغادرني رغم كل التهويه
مما جعلني اعيش في دوامة حريق الملجأ  فترة طويلة جدا..
 
توالت الاحداث الجسام  والمحن، على وطننا المنكوب ولا زال شعبنا  يسبح في بحار من الدماء يسير نحو مصير مجهول...عرفنا بدايته
ترى متى الخلاص  ؟
وكيف  تكون النهاية...؟
-------------------------------------------------------------------------------------
ادناه مقتطفات من النت
----------------------------------
في مطلع فجر 16 يناير من سنة 1991، أي بعد يوم واحد من انتهاء المهلة النهائية التي منحها مجلس الأمن للعراق لسحب قواته من الكويت، شنت طائرات قوات الائتلاف حملة جوية مكثفة وواسعة النطاق شملت العراق كله من الشمال إلى الجنوب حيث قامت بقرابة 109,867 غارة جوية خلال 43 يوم بمعدل 2,555 غارة يومياً. أستخدم خلالها 60,624 طن من القنابل،
-----------------------
حرب الخليج الثانية، أو أم المعارك، أو حرب تحرير الكويت وأطلق عليها عسكرياً أيضاً اسم عملية درع الصحراء (للمرحلة من 2 أغسطس 1990 وحتى 17 يناير 1991) وثم عملية عاصفة الصحراء (للمرحلة من 17 يناير إلى 28 فبراير 1991 هي حرب شنتها قوات التحالف المكونة من 34 دولة بقيادة الولايات المتحدة الأمريكية ضد العراق بعد أخذ الإذن من الأمم المتحدة لتحرير الكويت من الاحتلال العراقي.
--------------------------
ملجأ العامرية أو الفردوس أو رقم خمسة وعشرين هو ملجأ في حي العامرية، بغداد، العراق، قصف أثناء حرب الخليج الثانية. فقد ادت احدى الغارات الاميركية يوم 13 فبراير 1991 على بغداد بواسطة طائرتان من نوع أف-117 تحمل قنابل ذكية إلى تدمير الملجأ مما ادى لمقتل أكثر من 400 مدني عراقي من نساء واطفال. وقد بررت قوات التحالف هذا القصف بانه كان يستهدف مراكز قيادية عراقية
-----------
 نيسان / 2018
ســـــــتوكهولم

134
چـذاب الهـوى

ميسون نعيم الرومي
 
چذاب الهوى والحب وهم
ما يـنحمل ذكـراه الم
يزرع ورد ينثر عطر
هودج عشگ يغوي اويمر
ورده ذبـل نجمه افـل
يبني قصر ساسه رمل
سهمه غرز وسط الحشه
عده اوعبر ما بيه رجه
يابو الوعد ناسي العهد
حسره او ألم ماينسمع
يگطر دمع مثل الشمع
ايمر ابعجل مثل الحلم
چذاب الهوى والحب وهم
***
چذاب الهوى كله حزن
بيه الفـرح بس يمتحن
ايصوغ النجم
يعزف نغم
يرگص على وجه الگمر
ينثر نثر ينظم شـعر
هايم يضل كل العمر
ساعة رضا اوكلـَّه زعل
نوبه حلو نوبه قهر
نار اولهب ماينحمل
چنه وشـم حدرالضلع
كل العمر يلسع يضل
جرحه صعب ما يندمل
اهلاله يضل ما يكتمل
چذاب الهوى والحب وهم
-----------------------------------
نيسان / 2018
ســــــــــــــــتوكهولم




135
گـالـَـوْ خـَـطـَـر
ميسون نعيم الرومي
 
الـمـاشـي  ابـمـَـتـاهـات الـزَمـَـن – ضَيـَّـع طـَـريـقـَـه اومـمـتـحـن
والـزَمـَـن مـايـرحـَـم بـَـشـَـر – مـَـلـيـان وامـشـَـكـبـَـن مـحـَـن
والـمـحـَـن يـاكـبـر الـمـحـَـن – واكـبـَـرهـَـه ضَيـَّـعـْـنـَه الـوَطـَـن
والـيـوگـَـف ابـعـَـكـس الـوَكـِـت – يـحـمـل طـَـعـن!طـَـعـن الـطـَـعـن
حـَـطــَّـوْ مـتـاريـس اشــكـثـر – بـالشـارع اوگـالـَـوْ أمــِـن
شـالـَـوْ مـتـاريـس الأمـس – گـالـَـوْ خـَـطـَـر صاب الـمـدن
***
مـلـيـار وَي مـيـَّـة ألـف – بـوگ اوكـَـتـل يـسـحـَـن سـَـحـِـن
إســمـَـع اوإصْـحـَـه يـاشـَـعـَـب – لـيـويـن نـايـم بس تون
أمـلاك بــعـراقـي فـَـرْهـدَوْ – يـاشـَـعـَـب أمـْـلاكـَـك گـضَن
(أرْضـَـه) واجـَـتـنـَـه للـحـكـم – تـغـرُف اوتـتـفـل بـالصَـحـَـن
سـرقـَـوْ الـخـَـزنـَـه والـنـَـفـط – افـلـوس الـبـَـلـَـد كـلـهـَـه انـخـفـَـن
حـيـتـان بـالـدَولـَـه ربـَـت – لـو تـحـْـچـي عـَـظـمـَـك يـنـطـحـن
***
نـوّاب تـزعـَـل ! هـَـم شـفـِـت ؟ - إمـْـغـَـطـْـيـه خـَـراب اوهـَـم عـَـفـن
يـاعـَـجـَـب واكـبـَـر عـَـجـَـب – دولـَـه اوتـغـَـلـّـس عَ النـَـهـب
والـشـعـب حـايـر مـنـسـبـي – يـغـسـل إدمـوم امن الـدَرب
بـالـجـثــَـث مـَـشـغـول اويـلـم – وادمـوعـَـه تـبـچـي اويـنـتـحـب
نـص الشـَـباب اتـعـوّقـَـت – نـدخل حـَـرب نطلع حـَـرب
ذل اومـَـهـانـَـه وَي مـَـرَض -  واسـْـهـَـلـْـهـَـه جـَـلـطـَـه الـبـلـگـَـلـب
***
مـَـحـروگ وابـنـار اللـَهـَـب – تـَـنـّـور بـيـه إنـتَ الـحـطـَـب
إصلاح مـاكـو لاعـَـمـَـل - تـوعـد إحـْـكـومـَـه بـالـچـذب
يـغـسـل ابـأمـوال الـبـَـلـَـد – إمـن الـبـوگ مـا مـَـل اوتـَـعـَـب
أمـوال يـجـمـَـع شـَـغـلـِـتـَـه – بـاگ او عـمـَـل كـل الـعـَـجـَـب
شـوف الـوطن كـلـَّـه انـهـجـَـم – ضاعـَـت الـسـَـلـَّـه والعـنـَـب
أكـلـونـَـه لـَـحـَـم دَم اوعـَـظـم – واچـمـالـَـه إلـهـم نـنـتـخـب
فـرعـون لـيـش إتـفـَـرْعـَـنـت – مـَـحـَـد الـگـَـلـَّـه مـنـْـچـلـب
---------------------------------------------------------------
 1/ نيسان / 2018
ســـــــــــــــتوكهولم
 





136
زاوية الشعر الشعبي / دللول
« في: 16:52 27/03/2018  »
دللول
ميسون نعيم الرومي

ليويـن نايـم يا شـَـعـب ..
 دللول
ليويـن نايم بالعسَـل
دللول
تاكل اطفال امن الزبل
لاكو شـغل لاكوعـَـمل
دللول
اتغـَمـّـس الخبزه بالدمع
لحد حچـَه او لحد شفـَع
هذا السياسي ماشـِـبـَع
كلهم شـَـلِع كلهم قـَـلـِع
اسكوتك صعب ماينحمل
جايع تضل تلبس سـِـمَـل
ليـويـن نايـم بالعـَـسـَـل
ابطرگ الحچي بس بالگول
دللول
نايم ياشـَـعـَـب .. دللول
***
اسكوتك تره شگ الگلب
بطل تـون بطل نـَحـِب
اگعد او اصحه وانتخب
اطرد الباگك والسِـلـَب
المرأه منهم والرجل
اعمامه وارباط اوعگل
لمجرب أبد .. مابيه امل
جمله اوفرد كلهم كـَنـِس
اگعد اواصحه واحترس
يزهي الوطن تطلع شمس
حي على خير العمل
يحيا الشعب هوّه الأصل
هوَّه الأمل
حي على خير العمل
----------------------------
27 / آذار/2018
ســــــتوكهولم




137
شعر غنائي
الغزل يحله ابملگاه

ميسون نعيم الرومي
 
گالولي اكـتـِب غـَـزل
والغـزل يحله ابـملگاه
 
رمشه شمس منه تـشع
*گنطار عـَـسـَّـل بشفاه
 
اعيونه سحر ماتنحزر
نازل گمرنه امن اسماه
 
حِسنه حسن يسحن سحن
مايـع يـول يا محلاه
 
لو مرّ الاسمر يا ناس
تلمع نـِجـوم ابممشاه
 
ورد البنفسـج قـِدّاح
سبحان رَبّ السـوّاه
 
صوته نغم كله شجن
يحله السمر كلـَّه اوياه
 
مشتاگه روحي اوبس اله
اگليبي نبض وابنبضاه
 
حبه كبـَر ويـّه العمر
والگلب غنوه اوغناه
 
اسنين مرت واسنين
والروح ما ضن تسلاه
 
گالولي اكـتب غـَـزل
كلمن ايـغـَـني الليـلاه
-----------------------------
*گنطار:- من انواع التمور النادره
----------------------------------------
آذار/ 2018
ســــــــــــــتوكهولم



138
عطشانه الأرض
ميسون نعيم الرومي
 
عطشانه الأرض ممدودة الذرعان
يا دجله اوفرات انباعن ابفلسان
 
مطموره طمر بالطين والزبلان
*تبچي عَ الكري وسفه على النهران
 
*انهار العراق اخضاضة بيهن ماي
اسدود امعدده سدتهن الجيران
 
احكومه امغلسه ملتهيه بس بالبوگ
لا سـَـد البنت .. لا حتى لا خزّان!
 
يا أرض العراق الصفت كلهه بور
متقصدَه الخراب احكومة الطرشان
 
أهوار العراق امن التراث العام
عطشانه صفت طير او زرع وانسان
 
*يا شط العرب مبيوع نصه اليوم
والماي الحلو مخبوط بالملحان
 
منفذنا الوحيد اعله البحر..مبيوع
نستجدي العطف من تركيا اوايران
 
-(لكويت) المانحه تتصدق ابچم دولار
مفجوعه ابلا كرامه احكومة الغمان
 
لاضلـَّت صناعه لازراعه لا أبد تصدير
استحليت الفگر.. ياشعب يا تعبان
 
اجيال انمحت دم او ذبح .. تهجير
من حرب الحرب صفـّـوهم الشبان
 
*(مهوال) الحچـَه هـَوَّس الوحدَه اوصاح
محد سانده .. شو سكتت الشجعان!!
 
شاطر بالنقد ! وين الشجاعه وين؟
صارت مهزله نتوچه ع الحيطان
 
يا شعب الحضاره الچان كلـَّه اسباع
اشجالك يا شعب تتلگـَفك بيبان
 
ذل او أدمنت باگوا ثروتك ظلام
لحگوگ اوتنتزع وابوحدة الذرعان
 
فرقوا بالشعب ضحكوا عليه اهواي
اخوان كلنه .. من مختلف لديان
 
باچر تنتخب .. يرشونك ابفلسين؟
اهلك مـَ انحنوا لاوالله للطغيان
 
اصحه يا شعب..والإيد حطهه ابإيد
نظف دولتك من باغي من عدمان
 
--------------------------------------------
*تبچي عَ الكري:- كري  الأنهار المهملة تماما وتنظيفها من الطين والأزبال المتراكمة
والتي سوف تؤدي الى كارثة بيئية
------------
*انهار العراق اخضاضة:- مياه قليلة جدا بسبب سكوت العراق عن حقه في كمية المياه المخصصه له
 من قبل الجارات التي تنبع من اراضيها انهار العراق و بناء السدود الضخمة من قبل تركيا وايران
بالاضافة الى الاهمال المرعب من قبل الدولة والتي ادت
وسوف تؤدي الى تحول الأراضي الزراعية الى بور تدريجيا
-------------------
*مخبوط بالملحان:- عدم بناء سدود او خزانات لخزن حصة العراق القليلة من المياه
وتركها تصب في البحر
-------------------------------
https://www.youtube.com/watch?v=pmbJPydoXCE
الخير العدنه امكوم والاحزاب اتفرهد بيه
-------------------------------------
10/ آذار / 2018
بلگراد عاصمة صربيا



139
الى المرأة في عيدها
ميسون نعيم الرومي

للمرأة عيد اليوم ..عَ الظلم ثارت
بامريكه صاحت صوت .. والدنيه فارت
***
بالمهـَـد هـَـزَّت ايـد .. والعالم ابإيـد
بالخبز والأزهار.. عيـّـدَت بالعـيـد
***
المرأة صوت العدل .. المرأة كرامه
المرأة نوراونار.. للحق عـَـلامـَه
***
بالثامن امن آذار.. المرأة ثارت
كسرَت قيود اهواي .. عَ المرأة جارت
***
المرأة عـِـز او جاه .. المرأه قائد
المرأه ما تنذل .. ابـفرض العقائد
***
العصر الحريم اترد ! ببلادي يا حيف
ملفوفه بالجبات .. بالبرد والصيف
***
تاج الشعر فكيه .. امن الله هديه
ايغض البصرلو راد .. وانتي الأبيه
***
المرأة رفعة راس .. والجنـَّـه الهـَه
انتي الوطن والناس .. والدنيه كلهه
***
ابتدعوا انواع اشكال .. وامن الزواجات
اشلون ابمهانه اتصير! بنت الحضارات!
***
صرتي متاع اليوم .. يا مرأة ترضين؟
تتزوج الطفلات .. تسعه امن السنين؟
***
*اگعد (زهاوي) اوشوف شوف المصيبه
العصر الحريم انرد والعيبه عيبه
***
خل نـِتــّحد وانصيح .. لا.. ثم لا
ام اوبنت فد صوت .. والظلم لا..لا
***
شفنه العجب هاليوم .. صوت اوقصائد
امحجبه وتريد احقوق .. واچماله قائد
***
اللي يريد ايقود .. يؤمن بالافكار
يتحرر امن القيد .. واتشع الانوار
***
يا شعب الله اعليك .. انت الحضاره
هذا العراق انذل .. اعدل مساره
-----------------------------------------
*(زهاوي):- الشاعر جميل صدقي الزهاوي ولد في بغداد عام 1863م وتوفي بها في عام 1936
كان أستاذًا للفلسفة الإسلامية وعند تأسيس الحكومة العراقية عين عضواً في مجلس الأعيان. نظم الشعر باللغة العربية واللغة الفارسية، دافع الزهاوي عن حقوق المرأة وطالبها بترك الحجاب حيث قال
اسفري فالحجاب يا ابنة فهر
هو داء في الاجتماع وخيم
كل شيء إلى التجدد ماض
فلماذا يقر هذا القديم ؟
اسفري فالسفور للناس صبح
زاهر والحجاب ليل بهيم
اسفري فالسفور فيه صلاح
للفريقين ثم نفع عميم
زعموا ان في السفور انثلاماً
كذبوا فالسفور طهر سليم
لايقي عفة الفتاة حجاب
بل يقيها تثقيفها والعلوم
-------------------------------------------------
 
8 / آذار / 2018
ســـــــــــتوكهولم


140
بـَـس عَ الـوَرَق
ميسون نعيم الرومي
 
ثـَـلـِـث مـَـلايـيـن ارْمـَـلـَــه
اوخـَـمـِـس مـَـلايـيـن ايـتـام
 
اشـلـون الـّي يـكـتـل شـَـعـَب
يـگـدَر ايـغـَـمـّـض وايـنـام ؟
 
تـَـفـْجـيـر كـل يـوم ابـكـِـتـِـر
آلـوف انـذِبـَـح ! بـَـس العـام
 
اتـسـَـرْطـِـنـَـت الاف اشـكـثـر
مـاكـو دِوَه .. اولا كـو ايـدام
 
أمـْراض مـنـْـقـَـرْضَه طِغـَـت
يـاوَطـَــــــن يـابــــو الالام
 
بـَـس الـفـقـر.. بـَـس الجـوع
والمـوت يـطـْحـَـن مـَـيـنـام
 
الاف المـَـشـافي هالـبـِـنـَـوْ!!
بـَـس عـالـوَرَق يـا إسـلام
 
جـوع اوبـَـطالـَه اوتهجـيـر
نـَـبـْـش الزبـِـل .. صايـر عام
 
اتجـَـيـّـشـَـت اجيـوش اشكـثـر!
فـَـرْقـَـوْ شـَـعـَـبـْـنـَه الظلاّم
 
تـَـمـّوز الخلص يـغلي غـلي
وابآب التلهـَـب ذاك العـام
 
لاكـَهـْرَبـَـه .. اومامـش ماي
عـِـدّمـَـوْ وَطـَـنـَّـه إعـدام
 
بـَـغـداد صارَت أنـقـاض
قـِـبـْـلـَة حـِضارَه اوأحـلام
 
طـِشـّار صرْنـَه ابـكـل كـتر
طـَـشـَّـوْ ضـَعـَنـَّه الحـكـّام
 
كـلـْمـَن يـحـرْسـَـه مـيـّات
احـمايات والآف الازلام
 
معاشات اورواتب..والذي
والشــعب جايـع محتام
 
صامـَـت النـاس ابـرمـْضان
اسـنـيـن العـراق اوهالصام
 
من كـثـر مـَـ انـبـاعـَـت اچـفـان
اقـماش اوخـلـَص ماضـَل خام
 
(والمالكي) .. ايـحاول يـرد!
اسـمـَع يـشـَـعـبي المنـظام
 
بـاع  العـراق .. او(مليارالف)
صَخـَّـم وجهـنـَه باصخـام
 
و(سبايكر) الدمهه صرخ
مـَـضيـوم أبـداً مانـام
 
مـِغـْـتـِـصب نـصّ (الخضراء)
ديـنـار يـومـيـتـَه (بـالـشـام)
 
امـْچانـَه (بـوصوپـَه) السجن
سـَـوَّه العـراق امـن اركـام
 
شـَـوْهـَـوْ يـَـرَبـّي الأديـان
والديـن صايـر أقـســام
 
كـلمـَن سـِـبـحـْـتـَه مـَـتـريـن
فـِـسـّـاد كِـلهـم أقـــزام
 
شـيـبـات صبـْـغـَـوْ ألـوان
(جـَـرّالوجـه) صايــرعـام
 
درزن مـَحابـس بالإيــــد
شــذر اوعـقـيق امن الشام
 
محفوفـَه الحواجب بالخيط
شـِـفـّـنـَه العـَجـَب هالايـام
 
كـلهـَه تـصيـح الإصلاح!!
سـرّاق .. انـتـوْ الجـرْذام
 
اشكال انواع الكـُـتـَـل
أحزاب صارت أكوام
 
جـَـتـْكـم مصيـبـَه امن السِـمَه
مـجـرم اوبـيـتـَه مـن جام
 
تـاريـخ اقـروا يـاغـَـجـَـر
ماكــــو حـكـم أبـداً دام
 
ماكـــــو حـكـم أبـداً دام
---------------------------------------------
1 /  آذار / 2018
ســـــــــــــتوكهولم


141
أحـزاب إمـتـَـلـتِـلـَـه
ميسون نعيم الرّومي
 
نـار اوتـِـثــَـعـول دخـّـان
صار الوَطـَـن خـان إجغـان
 
أحـزاب عـدنـَـه امـتـَـلـتِـلـَـه
تـتـرس اچـفـوف المـيـزان
 
مـحـبـَـس اوسـبـحـَـه اوهـَـم بـَـلف
مـتـبـَــرّي مـنـهـَـه الرَحـمـن
 
اتــْـرافـَـگ الذيـب اوحـَمـل
يا زمـَـن يابـو الأحـزان
 
مـنـهـَـه بـقـَـه بـَـس الإسِـــم
ضـَـيـعـَـوْ الهـيـبـَـه اومـَـن كـان
 
مـَـتـعـوب تـبچـي اوتـون
غـلـگـَـوْ عـَـليـك الـِــبـيـبـان
 
نـذبـَـح بـَـعـضنـَـه اوبـالبـعـض
نـامـَـت عـَـلـــيـنـَـه الحـيـطـان
 
ياشـعـلـَـه وَجـَّـت وانـطـفـَـت
أعـْــمـَــه ! وايـگـود العـمـيـان
 
ياحـيـف يادنـيـه اوأسـَـف
صرنـَـه ذنـَـب لـلــبـهـتـان
 
تعـَّـبـنـَـه يا روحي الوكـت
مـاكـو فـِعِــل ... بـَـس الــسـان
 
والقـادَه لو بـيـهـَـه فــَـشـَـل
تـنـسـحـب والغـيـر إمـچـان
 
كـرسـي القـيـادَه بـي صَمـغ
يـلـْـــزَگ اوبـيـه الطـمـعـان
 
وَسـفـَـه اوألف حـيـف اوألف
شـامـان ... جـانـَـه اوعـامـان
 
أحـزاب صارَت مـَـهـزَلـَـه
نـار انـطـفـَـت ظـَـل دخـّـان
 
قـايـد نـريـدَه ابــْـكـِل حــزم
يـنـقـذ إعـراقـَـه الـــتـَـعـبـان
 
مـَـل الشـَـعـَـب مـن الحـَـچـي
أوْعـود كـلـهـَـه اوبـهـتـان
 
والخـُطـَـب مـرسـومـَه رسِـم
شـبـعـان يدري ابـجـوعـان ؟
 
اسـنـيـن العـُمـر راحـَـن هـَـدر
ويـنـَـه الـْــيـفـَـجـر البـركـان ؟
 
نـلطـم اونـنـدب بـالغـَـصب
أحـزان ... أشـكـال الـْــوان
 
بـَـسـكـوت نـبـچـي اونـنـتـحـب
لِــــدمـوع صارَن ... نـِـهـران
 
مـَـگـدَر أگـولـَـن بـَـغـلـْــتـي
بـبـريـجـي صار إمـن ازمـان
 
نـبـلـَـع اونـسـكـت بـَـس وَمـي
واحـدْنـَـه أصفــَـر وَجـْـعـان
 
نـار اوتـِـثــَـعــْـــول دخـّـان
صار الـوَطـَـن خـان إجغـان
--------------------------------------
شباط / 2018
ســــــــــــتوكهولم
 
 

142
يـمعـَـوديـن
شعر المربعات البغدادية

 
ميسون نعيم الرومي
 
-(ضاع الحابل بالنابل) يمعودين
نـمـْـسـَـح يـوميه اشــكابـيـن
اتحذرك وحده من (عكوش)-
وحده اتعزمك ع الكروش
واحد متخفي ابطربوش
يرحمكم ربكم يالطيبين
نـمـْـسـَـح يـوميه اشــكابـيـن
***
فيس البوك ادخيلك عمي
حرگت لرسايل دمي
عثرات اهوايه اولمي
صدگ ابچذب اومخبوطين
-(ضاع الحابل بالنابل) يمعودين
***
دخلك (نگزه)! اومن فضلك
عمم وانشر احسنلك
امنين انت ؟ امنين اهلك
 سوءالآت اهوايه امحضرين
اتجيبون الوكت امنين..؟
نـمـْـسـَـح يـوميه اشــكابـيـن
***
صارت حسره افتح فيس
حسن..قاسم..عمر..وياهم قيس.....
خشمچ عالي ! كافي .. بس!
متعليه ليش ..؟ اومتجاوبين
رحمونه اشويه .. يمعودين..
***
اسمع واحذر يا مهيوب
العشره اتودي هالمكتوب
لوتخلف .. تصبح مصيوب!
وين اوصلنه گلي وين..؟
رحمونه اشويه .. يالحلوين..
-(ضاع الحابل بالنابل) يمعودين
***
ايخابر وايقرر وايرن..!
مـَـتـْعـُرفه اولاتدي .. من
ابروحه اومتعجب .. لن
نتحـَضر.. يمته ؟
واحنه ابقرن الواحد والعشرين
-(ضاع الحابل بالنابل) يمعودين
***
تتورط لوتكتب چلمه
شخصيه اتسويهه اللمه
استثني الناس المتعلمه
واحدهم يسوه الفين
ثقافه اوعلم اوتمكين
ارجال ابلادي الطيبن
الهم شكري اوهاي العين
---
گالولي اسكت اسلـَم
اشويه اشويه .. اونتعلم!
واليسكت .. گلبه اظلم
يمـْـسـَـح يـوميه اشــكابـيـن
-(ضاع الحابل بالنابل) يمعودين
---------------------------------------------
مربعات بغدادية (الذكر الطيب الى ملوك المربعات والمنللوج عبود الكرخي,عزيز علي،فاضل رشيد)
 مهداة الى من له حساب فيسبوك ويعاني مثلما اعاني
مع تحياتي للجميع
---------------------------------------
ســـــــــــــــتوكهولم
19 / شباط / 2018

143
من تزعل يا فالنتاين
ميسون نعيم الرومي

من تـزعـل..
 تـِزعـَـل مني الدنيه اتضيگ
تـِنطـَـش روحي اوما تلتم
من تـزعل عيني اتلوبح..
دمعي سيل او ماينلم
امضيع دربي اوكلي اهموم
گلبي اجناح اوهالملچوم
عمري ابخـَـدّك هالموشوم
يا حلم اصباي البيه احلم
دمعي سـيل اوماينلم
***
من تـزعل
تطفه الشمس اوعـَني اتغيب
اوبـِذراعه ! ايجتفني الليل
ايحملني امن اذنوبه .. اذنوب
تطول ساعاته اتهد الحيل
والگمـَرايغـَـرّب حزنان
ايلـِم انجومه ايـدَوْر ادروب
واگـليبي يرفس مصيوب
موال اقرالك يا نوم
ضاعت لـَـيام .. اوكل يوم
ظلمه الدنيه او كلهه اغيوم
جرح اليدّي .. ماينلم
يا حلم اصباي البيه احلم
***
من تـزعل
ايتيه .. ايـدَوّر (فالنتأين)-
يتوَجـَّه اعلـَه اضلوعي اسنين
وَرْدَه الأحمر مابي لون
والعطر امطـَـشر بالكون
يا قدري العابث مجنون
چـَم دوب اوبعد اوليوين
كحـلـَـتـهـَه اتنگــّط لعيون
يالنايم بين الأجفان
كالولي .. اكتب افراح ,,
احلالك والله واسلم
حاول نوبـَه .. اوتتعلم....
واشلون ... اتعلم ؟
يالحلم الأزلي البيه احلم
------------------------------
14 / شباط / 2018
ســــــــــــــــتوكهولم




144
اهديها الى هذا اليوم الحزين
في الذكرى الخامسة والخمسين من شباط الأسود

ميسون نعيم الرومي
 
*بالثامن امن اشباط .. من أهـَـد ذاك اليوم
ضاع العراق انداس والشعب مضيوم
***
لا تنمحي اولتروح ذكرى حزينه
هدوْ علينه اشــرار ذبحوْ العينـَـه*
***
الله واكبر يا شعب حللو دمك
(بيان اتلطعش) مشؤوم مفجوعه أمـَّك
***
صعبه الجبان ايصير.. يتسيد الگوم
بايع ضميره ارخيص يشرب بالدموم
***
دم الشعب مهدور والدمع نهران
ذكرى حزينه اليوم بالگلب بركان
***
شباط الفرح والحب تحتفل بيه الروح
واحنه ابعراق الضيم تتجـَـرَّح اجروح
***
ماضل شبيبه ابدار.. فرغوهه لبيوت
انذبحوا يوسفه ابليل .. ماشفنه تابوت
***
قصرالنهايه العار.. يا قصر الملوك
چم بطل دفنوْ بيك؟  چا وين الحلوگ
***
كتل اوذبح تعليگ صارت ســنينه
احثالة شعب يا ويل .. منهه انولينه
***
حيف اوألف ياحيف ياوسفه تموز
*اگعد (كريم) اوشوف شعبك تره ابعوز
***
شعب الطلع مفزوع والصدر مكشوف
اتلگه رصاص الموت مايعرف الخوف
***
سلامات (اكريم) سلامات شعب اوهتف حيل
ابليه سلاح اشلون ؟ راووهم الويل
***
*(ادياله اونهرها) اليوم اشتعت ضوه اونور
*(جثتك كريم) اهناك تشكي من الجور
***
ماتـتـعظ حكام وامـن الگـَـبلهم
مـَـزبـلته للتاريـخ تنطر ربعهم
--------------------------------------
*بالثامن امن اشباط:- انقلاب 8 شباط 1963الأسود هي حركة مسلحة
 أطاحت بنظام حكم رئيس الوزراء عبد الكريم قاسم في العراق بطريقة وحشية
قتل فيها الآف الشباب تحت التعذيب
*العينـَـه:- النخبة
*كريم:- الزعيم عبد الكريم قاسم
*(ادياله اونهرها) :- يقال ان جثة الزعيم قاسم ألقيت بعد إعدامه
 في نهر ديالى بعد ان وضعت بكيس مثقل بالحجارة
----------------------------------------------------
 8/ شباط / 2018
ســــــــــــــــتوكهولم











145
زينب يا زينب يالقدوه
ميسون نعيم الرومي
 
*(زينب يازينب) ياحـرَّه
نجمه اوهلـّـيتي ابگمرَه
 
عـَـلـَم ابـّلادچ رَفـّـرَف بـِسّمچ
بـيـن اعـّـلام الدول الحـرَّه
 
قـدّوَه الكل بـنت اومرأه
بنت النهـرين اويالدرَّه
 
اسمچ زينب و(الزينب) قدوه
اخت (حسين) الضحه ابعمره
 
(حسين) المبدأ والإصلاح
ابن (الحيدر) والحيدر(عتــّرَة)*
 
زينب يا زينب يالقدوه
***
زينب يا زينب يالجوريه
شمعه بـورپـَّه اومضويه
 
*(ابسامـَـرَّه) اهلچ يا حلوه
اتحـِجـّـلهَه الناس ابقدسيه
 
امن الصفر ابديتي او نلتي
اعراقيه او بنت اعراقيه
 
حسدوچ اوگالوا تچذب
ساسة هالوكت اللوگيه
 
مليارات اهوايه انهبت
والناس اجواعه اومسبيه
 
شوكه انتي ابعين الساسه
سراق الماتشبع جوعيه
 
ابلمـَّـتهم يرحولچ فـدّوَه
(زينب يا زينب) يالقـِدّوَه
------------------------------------
https://www.youtube.com/watch?v=hKoAl_WEvLI*زينب
 
*عترة1 [ مفرد ] : ج عترات وعترة
ذرية ، نسل من عترة الرسول
------------------------------------------
ســــــــــــتوكهولم
4 / فبروري / 2018




146
اويلي ع الفقير احاه يا ويلي
 
ميسون نعيم الرومي
 
صرّنـَه لحم هاليوم فجرونـَه
الله وكبر ياوطن بالساحة ذبحونه
خلصوه النفط ياشعب جـَـوعونه
يادم الفقيـر الرخص يا ويلي
عمت عيني عَ الشباب
انهدم حيلي
ساسة ابلا بخت .. يا ناس ضيعونه
اتفـّـقوا وي بعض .. يا دنيه باگونه
اختلفوا عَ اللغف .. ياالله كتلونه
ويلي اعله اليتيم اشلون يايابه
منهو اليعينه اليوم بـِمـصابه
اويلاه يا يابه
ام الشهيد اشلون ياويلي
آنه اعله الفقير
انهدم حيلي
اتحـَـزّم يا شعب إگـّعـِد اوحاسبهم
ايجدّي بالدول خو گبل واحدهم
صوتك لوعله .. قوَّه انت ترعبهم
موت اوفكر .. ضيم اوقهر
دمنه جره صاير نهر
ذل اومهانه يابشر
اويلاه يا ويلي
آنه عَ الشباب
انهدم حيلي
احسب يا شعب وانوب احسبهه
اديانه من چذب هالناموْ ابسدهه
اصحه يا شعب واگعد اوزلزلهه
باگوْ خبزتك .. تنتخب ليردهه
دم الشهيد ايصيح .. يا يمـَّه
لحمه منتشر معجون وابدمـَّه
اصحه ياشعب  واسجنهه هاللمه
أويلي عَ الشهيد احاه يا ويلي
اويلي ع الشباب انهدم حيلي
ابچي ع الفقير احاه يا ويلي
عمت عيني عَ الشباب
انهدم حيلي
----------------------------------------
قال مدير عام صحة مدينة الرصافة، الدكتور عبدالغنى الساعدى،
إن حصيلة التفجير المزدوج بواسطة انتحاريين اثنين استهدفا صباح اليوم 15/1/18
مجموعة من العمال فى منطقة ساحة الطيران وسط بغداد،
 ارتفعت إلى 30 قتيلا و90 جريحًا"، مؤكدا أن الرقم قابل للزيادة.
https://www.youtube.com/watch?v=qIp1EpSlsDI
--------------------------------------
16 / كانون الثاني / 2018
ســـــــتوكهولم
 


147
كافي زَعـَـل!
ميسون نعيم الرومي
 
يوجعني الزعـَـل....
مابيـّـه حيل ازعـَـل !
بسّ العـَـسـَـل....
من حـَگـَّـه يتدلل
رقـَّـه اوحـِـسن
بيك أمتحن
يا نسمه....
مرت بالسـَـحـَـر
يا حلو يا وردة عمر
والورد ...
من همسه ذبـَـل!
بعيونك الحلوه زعـَـل
مليت ياروحي دلـَع
من قسوتك گلبي انشلع
يوجعني زعلك والنبي
كافي زعـَـل...
مابيـّـه حيل ازعل !
يا بعد روحي والمقـَـل
تبقه تضل .. انت الأمل
***
يوجعني الزعـَـل....
والزعل بي جمره
تچوي  بالگلب..
والگلب بي حـَـسـّـرَه
متقصد يول
للروح تلسعهه
يمته ولك ..؟
والچلمه تسمعهه
ملينه يول
مسقول انت ..
*لو نقل..؟
وابمشيتك تكتل كتل
يابدر ليلي واكتمل
كافي زعل!
بسك بعد
يوجعني  زعلك والنبي....
مابيـّـه حيل ازعل !
تبقه اوتضل انت الأمل
چا كافي يول
بطل زعل
يوجعني زعلك والنبي
مابيـّـه حيل ازعل !
---------------------------------
* نقل:- نوع من الحلويات العراقيه كروي الشكل ابيض اللون
فيه حبة حلوه
-----------------------------------
كانون الثاني / 2018

148
يالإنت ناسينه
ميسون نعيم الرومي
 
چـَـنـَّـه الحلو ناسينه
يمشي اويصد ..
ناوي البعد
يوعد اويخلي بالوعد
رايد .. يجافينه..
يالإنت ناسينه
ليش الحلو ناسينه
هذا الحلو گلبه نفر
عدَّه اوعبر
عطره انتشر
بحواجبه غفوَة نهر
يتمرجح ابسـِـدَّه عـُمـُر
ياليل اشهد يا گمر
مزروعه عنده اسنيني
يالإنت كحله العيني
يـِـبـّـعـِـد اوچن ناسيني
هذا الحلو ناسيني
---
ورد الربيع ابلونه
ندَّه النده بجفونه
امفصل قميص ابلونه
سحره سحر
ما ينحزر
ماخذ حلاته امن التمر
طبعه كلف .. كلـّـش كلف
يا بعد روحي يالخشف
ارد اسألك .. وين الحلف؟
صحبتنه صحبه امن الزغر
راحت سنه او هذا شهر
محسوبه كلهه امن العمر
ظل ابمكانك .. لاتجي..
ملينه خويه امن الحچي
ع الشوملي اوعالشوملي
والعشگ ثاري مبتلي
چنـَّـه مزاجه كبلي
متقصد ايلاويني
يالأنت كحله العيني
هذا الحلو ناسينه
خـَـلـَّـه يظل ناسينه ..
هذا الحلو ناسينه
تعتذر.. واتراضينه..
يالإنت ناسينه
------------------------
كانون الثاني / 2018
ســــــــــــــتوكهولم




149
أدب / نعم .. أعـرف
« في: 18:44 22/12/2017  »
نعم .. أعـرف
ميسون نعيم الرومي
 
أنا .. أعرف
نعم .. أعرف
وأنت تـَـعرف أني .. اعرف
والورقة والدفتر ..
والقلم
وبيننا الصورة ..
والاسم
أهو لغز.. أم طلـّـسـم..؟
***
اللعبةُ انتـَـهـَـت !
سـماء ستوكهولم اثلجت
وهاهو الماس واللؤلؤ
يقبل وجهها الجميل
عيناها تشعان بهجة ..
وضياء
وتنبت نرجسا وياسمين
يسعد احلام النائمين
***
لحن من بعيد..
قيثارة سومرية..
اوربما بابلية ..
النجوم تدور راقصة
في سماء سرمدية
لتزف موكب القمر
في ليلة القدر
***
أنا .. اعرف ..
رأيت الياقوت والزمرد
يلمع في خديك
النحل يجمع عسلا..
من شفتيك
رأيت الورد يرقص جذلانا..
عند قدميك
والفراشات منهمكات ..
ينسجن اجنحتهن .. قميصا
لتلبسه .. يوم عيد الميلاد
وانت ترافق بابا نويل
تنثر الهدايا والتهاني
للجائعين..والمتسولين
على ارصفة..
العشق والغرام
مواساة مشروعة
قلوب موجوعة
شعب
تاهت منه الأعياد
استوطن فيه..
أحفاد الجلاد
تكاثرت الأعداد
يا ويح الأوغاد
***
وانت تعرف ..
يا..قـَـدري ..
أني أعرف..
نعم .. أعرف
وانت ايضا..تعرف
أني .. اعرف
أعرف
---------------------------
22/ديسمبر/2017
ســـــــــــــــتوكهولم


150
أدب / اضغاث أحلام
« في: 14:15 16/12/2017  »

اضغاث أحلام


ميسون نعيم الرومي
 
بين اضغاث احلام تائهة
في مدارات الزمان
وذكريات صدى السنين
الحائرة المتخبطة ...
في اروقة النسيان
 ونبض قلب ..
تشده خيوط واهية ..
الى جناح نورس مهاجر..
اودع عشاً الى شجرة
في غابات ستوكهولم..
لتحتضنه ثلوج شتاء قادم
تحرسه آلهة المكان
أمل ضاع ..
وروح حائرة ..
تنشد الأمان
***
بين هذا العيد
وبؤس اطفال العراق
في وطني الحزين
جرح ينزف يا بغداد
احلام عروس خضبت يدها الحناء
ملها الصبر واضناها الإنتظار..
لعريس حارب الإرهاب
في وطن اعتاد الحرب..
بلا أسباب
وبين ارواح هائمة
على ارض روتها الدماء
انبتتها شقائق النعمان..
فسحقتها عجلات سيارات مكيفة
ركابها ..
دواعش الزمان
يحرسهم ملك الجان
ولغز حيران
ينقلهم الى برالأمان
***
بين انفاس آب اللهاب
وأسلاك متهرئة..
تحلم بالكهرباء
ونخلة تنفض عنها غبارالأيام
لتعانق السماء
تستجدي قطرات الماء
تحيطها انغام موسيقى وغناء
لإفتتاح (مول الحارثية)..
وبين حرقة آهات (البنگ المركزي)..
وضحكات (علي بابا)-
تراتيل ملايين الدولارات..
النائمة في احضان بنوگ..
البلدان
يباركها رئيس..
تعبان
اعتاد الهذيان
---------------------------------
ديسمبر / 2017
ســـــــــــــتوكهولم
 
 



151
زاوية الشعر الشعبي / أوف..أوف
« في: 21:28 15/12/2017  »
أوف..أوف
الأوف ..
لهـّـبـَه تـسـّـعـَر
نار بـيهـَه اهم ونـيـن
الأوف .. صَعـّـبـَه .. تـوجع
تحـّرِگ الگلب الحزيـن
الأوف ..
جـَمره تـِسـّعـَر..
ابسكـّـتـَه تـِلـّسـَع
مدري كـِتـّـبـَه اعلـَه الجبين
تسكت اوماظل كلام
عين تربي اوماتـِنام
آه منك يا زمان
ويـنـَه حچـّيك گلي وين
ليله يمحيه النهار؟
اسدلنه يا عيني الستار..
روح تاهدت
مدري .. وين..,
(الله الله اعلـَه اليعوف)
آخ منك ..اوف اوف
أوف
---
الأوف
گلبي عندك چـَن سجين
 روح غصَّت بالونـيـن
تچوي تلبگ من سنين
عـَبره تخـّـنگ
بيه نشـّرَگ
دمعه مديوفه حنين
نبچي ياخذنه السحين
يحرگ اويسعـَرضنين
يلهب ..
اومامش صباح
كلشي مامش
كلشي راح
والجـَرح ..
يـدّي دفين
اشبعنه يا روحي سحين
لاتـِصَلـَّح ..!
لا تروف
كافي .. بسّ .. اوبـَعـَـدْ..
اوف
حزن مدري لوظروف
آه.. آه..واويلاه
 اوف اوبعد اوف
اوف منك..
أوف
---------------------------
ديسمبر / 2017
ســــــــــــتوكهولم



152
الى العام الجديد (2018) اهديها
ميسون نعيم الرومي
 
دموع شمعة ذوى نورها وخبا ستبحر راحلة بعد أيام معدودات محملة بأحزان، افراح .. ضحكات ،انين ولهفة ،شوق وخيبة ،رجاء واضغاث أحلام وامنيات.. تزاحمت على أروقة السنين تنتظر حظها الضنين.
 
سنة 2017 جمعت اوراقها لترحل بعد ان مسحت دمعة .. رسمت ابتسامة، أعطت واخذت الكثير، عَدَلَت، ظلـَمَت، فـَرَّقت .. سترحل ونستمر نحن نكمل المشوار  في الدرب الطويل.
ستوقد شمعة تعلن بداية سنة جديدة (2018 )-
سأكف عن الأحلام والتمني ولن اسأل المزيد .. أنظر شاخصة الى الأمام  احث الخطأ .. لن التفت خلفي الى تلك السنة العبثية التي لم تعرف الحدود والتي دارت دورتها راقصة على أشلاء الجموع ..
أغسل ادرانها وافتح الأبواب المغلقة، أدور مع النسيم ،وان أطبق الظلام اهتدي بالنجوم ..أفتح النوافذ والأبواب المغلقة وأستقبل شعاع الشمس لعله يخترق حجب الظلام ليعلن بدء نهار جديد في وطني الجريح..
سأبقى شاخصة الى وطني ودمعة عالقة بين الأجفان .. شوق وحنين وحب انقله عبر النت..
فربما لم يبق لي إلا اضعف الإيمان ....
 -------------------------------------------------------------------------
-ســــــــتوكهولم
ديسمبر / 2017
 
 

153
شـيـلـَة امـّي
ميسون نعيم الرومي
 
شـيلة امـّي .. عـطر ياس او بـخور
شـيلـَة امـّي
مسـچ .. هـيـل اوبـيهـَه نـور
شـيلة امـّي
ابـريسـَـم اوشـَـدَّة ياسـمين
شـيلـَة امي
شـَـذره زرگـَه
ضوَّه چلاّب الجبين
والعبايـَه امطـَرّزَه فـضـَّه
گمر يضوي .. مدري عين
عين كهرب .. بحر اغرگ
ورد يسحر .. طعم تين
هيبه امـّي
كلهه تنصت لو حچيتي
ابچي وانحب
ما وفيتچ كلـّي ديـَـن
حضن امي دافي ضمني
شوگي هزني والحنين
ابگلب امي كون انامن
واغفه .. تاخذني السنين
أنسه روحي ..
أنسه اسمي
أنسه كلي
أنسه لوعات او ونين
صوتچ امي چن اسمعه
ناي يسحر
مدري بلبل لو كناري
فرفحت روحي..
 وآنه اريدچ
ارد اضمچ ارد اشمچ
هذا عطرچ هالأشـمـَّـه
چن عبيرچ هذا يمّي
أصحه ادور
وانتي وين ..؟
وانتي وين ..؟
--------------------------------------
الشيلة (الفوطه) رمز للأم العراقية
---------------------
ســــــــــتوكهولم
ديسمبر


154
زَعـَـل هـذا لـو دَلال ؟
ميسون نعيم الرومي

هـذا طبعـَـك لو....
 دَلال
دَلـَع هـذا ؟ لو خصال ..
غـَـزل زعـّـلـَك ... ؟
لو جـَمال ..!
وَطـَـن انـّـتَ او بيه الوذن
روحي عـِنـّـدَك ودَعـِتــّهه
ابلحظه تجفي .. اوهالعفتهه!
لاتـَحيـّة .. اولا سـَـلام..؟
يطـّـفـَه وابغفله الغرام ؟
حبك انتَ بس كلام؟
جفـَن عينك هـَم ينام..؟
ردت اسـألك چا سـؤال
گـتـلي هذا امن المحال...
تگطع ابغفله الوصال
هذا طبعـَك ؟
لو... دلال..
***
عطر روحك هالأشمـَّـه
نجمه ضوَّت وابدربنه
عزف اسمع ..؟
لا.. قصيده...
غيمه تمطر..غاد..عنـَّـه
وانه ادري .. او ما دريت
طبع هذا ... لونسيت!
بيك الوذن واحتميت
وانت يحبيب جفيت
تدري انت .. اوما دريت
وآنه وابدربك تنيت
ينطر العيد الهلال
لاتجينه..!
بس ... تعال..
زعل هذا لو دلال
صعب طبعك ...؟
لوخصال
اموتن .. اعرف هالسؤال
تگطع ابلحظه الوصال..
طبع هذا لوخصال؟
زعل هذا لو دلال؟
-------------------------------------
ديسمبر/ 2017
ســــــــــــتوكهولم
 




155
قانون الأحوال الشخصية
ميسون نعيم الرومي
 
يا شعب تسكت ليش باعوْ بناتك
حيف او ألف ياحيف دنسوْ عباتك
***
لفـّـوهه بالجبات سموهه عوره
يا شعب نايم ليش ؟ سويهه ثوره
***
شـَدَّت عـمـايـم روس ماتـعـْرف الديـن
رَجـْعـَت شـَعـَبـْنـَه حـيـَف يـتـْمـَرْغـَل ابـْطـيـن
***
مجلس أمن چا وين .. وين القواوين
تتزوج الطفلات .. تسعه امن السنين؟
***
ذلـّـونـَـه بـسـْـم الديـن .. وقعوْ قوانين
صرتي سلع تنباع .. يا مرأه ترضين؟
***
سرقوْ ألف مليار .. باعوْ وطنـَّـه
ردوّْ على الأطفال شلعوْ گلبنه
***
العصر الحريم انردّ نصفگ بدينه
قانون التوقع هاذ بيه انولينه
***
وقع على القانون مجلس خزي اوعار
عبده انتي صرتي اليوم محبوسه بالدار
***
من الأرض والدار ما عدنه حصـَّـه
لا بالورث ذكروچ هالصرنه قصه
***
صرتي متاع اليوم يا مرأة اصحي
قانون الاعوج هاذ بالقوه مسحي
***
انتفضي يمرأة اليوم حطمي قيودچ
لو طبقوا القانون چا هذا صوچچ
***
حقــَّه الرجل چا صار يتزوج اهواي
يتگابل التسع اسنين يعزف على الناي
***
للقاصرين اليوم رادو يبوگون
هم طفله تسع اسنين هم ثروه يردون
***
وين الرفض چا وين چا وين الاقلام
لو كتبت الأقلام ماضن ظلم دام
-------------------------------------
نوفمبر / 2017
ســـــــــــــــتوكهولم
 
 
 







156
كنت في بغداد
بغداد والمطر (الحلقة الثامنة)-
ميسون نعيم الرومي
 
في أواخر آذار استضافني بعض الأصدقاء مع قريبتهم المقيمة في عمان لعدة أيام في منطقة السيدية
في ذلك اليوم هطل المطر مدرارا يوما كاملا بعدها انكشفت الغيوم وبانت زرقة السماء الفيروزية الجميلة الناصعة تطرزها اشعة الشمس بخيوطها الذهبية ، وهي تنزلق فوق النخيل والأشجاراللامعة التي غسلها المطروأزال عنها ما علق بها من الأتربة التي راكمها الصيف فبدت مشرقة ضاحكة وهي تغتسل مرة أخرى بتلك الأشعة الذهبية ما يبعث البهجة في النفوس .
في ذلك الجو البديع احببت المغادرة الى الشارع العام، والتسوق من المحلات على جانبيه، كنت اقفز متنقلة وانا في طريقي الى الشارع العام لتجنب الوحل وبرك الماء ومحاولة ايجاد موضع قدم، ما ذكـَّرني بلعبة (التوكي والحبل على رجل وحدة) وصلت الشارع بعد جهد جهيد .. كم كانت دهشتي لأجد نفسي محاصرة من جميع الجهات بمياه المطر، وكأن الشارع نهر والسيارات تحولت الى ابلام، وقد نقشت ملابسي برذاذ الماء الموحل وتلطخت بالطين، واحيانا تمر سيارة يتقصد سائقها المشاكسة فيزيد من سرعتها عندها ( تاخذ دوش بلاش ولازم تشكره لأن في البيت مرات ماكو مي للغسل)-
 
مشكلة اخرى واجهتني وانا في محنتي هذه
الشارع عريض فيه سايدين احدهما ذهاب والآخرإياب تفصلهما جزرة عبرت الأول، اكيد اثناء عبوري الجهة الأخرى انظر في اتجاه السيارات القادمة ، واذا بسيارات (تطلعلي رونگ سايد بقيت ابنص الشارع ما اعرف وين انطي وجي) فهمت بعد ذلك  ان هناك فرع على يمين الشارع لا يوجد استدارة للدخول اليه، لذلك تضطرالسيارة ان تسيرعكس المرورحوالي مئة متر للدخول اليه (واذا واحد مثلي امضيع صول اچعابه يندهس فدوه للبلدية)-
 
اخيرا وجدت نفسي على الرصيف والمحلات أمامي تزخر بما لذ وطاب ، ما انساني (اهدومي المبللة والمطينه، عساها ابخت الحرامية شارع عام جهتين) خالٍ من المجاري والناس ينتظرون تكرم البلدية بارسال سيارات لسحب الماء (وهـُمـَّـه اوذاتهم اشوكت يجون .. جر ليل واخذ عتابة ).
 
 أمامي على طاولة فيها انواع الطرشي والزيتون  بألوانه المختلفة وروائحه التي (اتبسمرالرجلين امامها واتنسي الواحد حتى إسمه) فوجدتني داخل المحل (استنگي وأأشر والبائع يوزن ويكيـّس وطلعت بحملي الثمين الطيب) متوجهة الى (محل الگيمر والدبس ابو دمعة الذهبي)
انستي فرحتي بما تسوقته حالتي المأساوية، اوقفت تكسي ليوصلني الى بيت مضيفي بالرغم من قرب المسافة ..
-(اوداعيتكم وصلت مثل الفاره المبللة).
---------------------------------------------------------------------
نوفمبر / 2017
ســــــــــــتوكهولم



157
أدب / الحــَـرب
« في: 19:52 01/11/2017  »
الحــَـرب
ميسون نعيم الرومي
 
اجراس .. وأذانْ
نار .. لهيب
اقلام موبوءة
رائحة موت في كل مكان
تهديد ..  وعيد
 داحس والغبراء
عاصفة الصحراء
والمطر الأسود..
يغزو المدينة
طبول حرب على الأبواب
خالتي متحجرة عيونها..
جثمان وعلم
توقف عنها الفهم
كل شيء بعده عدم
حاملو نعش يتسترون بالليل
خجلا من سنينه العشرين
ايا (عادل) .. الى أين..
صرخة اخت مفجوعة
ام .. فقدت النطق..
ماتت مشلولة
***
الحرب
طفولة مسروقة
بؤس .. شقاء
وجوه معفرة بالتراب
لعاب عفن وعيون وقحة
تلاحق ايتام الحروب
في وطننا المسروق
نواب .. ساسة
وظائف وهمية
ارصدة فلكية..
تحرسها دماء الفقراء
ودمع الأمهات
في بلد المفخخات
ودموع الشواطئ المسبـية
بلد الشواهد والقبور
والحروب العبثية
دمعة ابن عمتي (سهيل)-
الذي خطفته الطائفية
حسرة عمتي على (سميع)-
جثمانه المفقود...
 عدد بين الأعداد..
كما روت الشهود
الحرب
احلامنا المقتولة
فرحة مذبوحة...
بسكين اتفاقات سرية
وافكار شوفينيه
الحرب ...
حرب
-----------------------
ســـــــــــــتوكهولم
1 / نوفمبر/ 2017
 
 

158
ظاهرة خطيرة (الحلقة السابعة)-
زحف المباني
ميسون نعيم الرومي
كنت كلي عيون تتفحص الطريق من مطار بغداد الدولي وتحاول احتضان بغداد الحبيبة ببناياتها ، شوارعها واشجارها المتعبة التي اصفرت اغصانها ، وكأنها تشارك ما يحيط بها من بؤس وشقاء.
جلب انتباهي بعد ان تجاوزنا شارع المطار وعلى طول الطريق حتى وصولنا الى منطقة راغبة خاتون حيث كنا نقصد.. ان الكثير من البنايات زحفت الى الأمام وضمت الرصيف اليها ، بل أن بعضها ضم قسما من الشارع العام ، وهي تزهو بألوانها الصارخة وزخرفها الخارج عن الذوق ، متميزة عن البيوت القديمة الرصينة التي جار عليها الزمن واتلفتها الشمس والغبار، فبدت قميئة  تستصرخ طالبة بعض الاهتمام ، كما لاحظت انتشار الكثير من البيوت الصغيرة المساحة والمتلاصقة ببعضها ، بألوانها المتنافرة المثيرة الاشمئزاز..
 
اين بغداد التي في خاطري؟ اين الحدائق الغناء المحيطة بالبيوت الجميلة بورودها العبقة ونباتات الجهنمي بألوانه الزاهية المتدلية من أسيجة الحدائق ؟
اين النرجس بعيونه البراقة اين الرازقي أين عبير القداح اين الجوري والقرنفل اين الأشجار أين النخيل الزاهية الخضرة ؟  .. واين (مراجيح الحدائق) تطرب المارة بموسيقاها مصحوبة بقهقهة البنات ؟ لا أمامي إلا منظرا بائسا وبيوتا عفى عليها الزمن تبكي ماضيها الجميل وتشكو بؤسها الحاضر في وطن المعذبين والجياع ، بلد الثروة النفطية والميزانيات الفلكية التي تعدت 170 مليار دولارا سنويا .
 
لقد تريفت بغداد الرشيد بغداد الحضارة والتمدن ، اسفي عليك يا حبيبة العراقيين  وفخر الحضارة وأعجوبة التاريخ.
 
 تذكرت مدينة عمان بشوارعها الجميلة المنسقة ومبانيها البيضاء ومولاتها الكبيرة واسواقها المزدحمة ، عند زيارتي لها مؤخراً كل هذا العمران والتقدم بميزانية سنوية قدرها (9 ملياررات دولار) ، طفرة هائلة من التطور أعادتني الى ذكرى مؤلمة يوم استقبلتني  في فترة الثمانينات من القرن الماضي .
فقد كانت مدينة فقيرة كل ما فيها منطقة (وسط البلد) ، عندما وصلت اليها متلفعة بعباءة ، وضعتها اختي على رأسي ، بعد أن اودعتني سيارة مغادرة الى عمان ، في الوقت الضائع .. بعد ان منع السفر في وطني (فقد سمح السفر لمن اشرت جوازات سفرهم فقط) خدمني الحظ مرات .. عندما اشـَّـرت جواز سفري عازمة على الرحيل بسبب الحزب اللعين ، في اية لحظة طارئة .. بعد المضايقات التي تعرضت لها في دائرتي ، ومحاولة اقناعي بود اولا ، ومن خلال زملاء العمل ، للتسجيل في (حزب لا يمثلني) ثم تصاعد  الضغط باستدعائي الى مركز شرطة منطقة سكناي (لإرغامي على الإنظمام الى ذلك الحزب)  وحالفني الحظ مرة أخرى وبمساعدة  مدير دائرة كتاب العدول الأستاذ (حامد الصگبان له الرحمة والذكر الطيب) حيث وقع لي على طلب إجازة لمدة يوم واحد (لازلت احتفظ به) لكي انفذ من الحدود البرية في منطقة (طريبيل) ان هم سألوني ، كيف اسافر وأنا موظفة
 سافرت قبل موعد مثولي الذي بلغت به للمثول في مركز الشرطة .
 
 في المنطقة الحدودية بين العراق والأردن حالفي الحظ مرة أخرى بسبب سفري ضمن گروب سياحي كان في طريقه الى عمان ، فلم يلتفت مسؤول الجوازات الى هذا الأمر
 
وصلت عمان وتركت اختي المسكينة تواجه تبعات فراري وتتحمل زياراتهم المرعبة المتكررة للسؤال عني ، وعن اخواتي بعد ذلك أيضا لغاية اصابتها بالمرض اللعين ورحيلها قبل الأوان ، تودعها دموع سبعة أخوات موزعات على ارض المعمورة..
 
 أيا وطني كم فيك من ظلم وشقاء ؟ والى متى كل هذا العناء ... ترى أيأتي اليوم الذي يرتاح فيه هذا الشعب المنكود .. ومتى...؟
 
تركت وطني و دموعي تغسل وجهي واللوعة مغروسة في روحي ، فقد انتزعت من وظيفة احببتها ولم امكث فيها طويلا ، وماذا أقول لقد انتزعت من بغداد عشقي الأبدي....
-------------------------------------------------------------------------------------
أكتوبر / 2017
ســــــــــــــتوكهولم
 
 
 

159
كنت في بغداد
المجالس الثقافية (الحلقة السادسة)
ميسون نعيم الرومي
شخصية رائعة التقيتها في بغداد
الأخ والصديق العزيز (تحسين إبراهيم سعيد) المميز بسدارته البغدادية التي تذكر بالماضي الجميل لبغداد ، بغدادنا العزيزة ينبوع الحياة فينا ، وفرحة الروح التي
اليها نحن ونشتاق .
التقيت الأخ تحسين فاعاد لي الإحساس بالطيبة العراقية الأصيلة والدفئ الأخوي الذي افتقدناه في غربتنا.
دعاني واختي الأديبة ابتسام الى المنتديات والمجاس الثقافية التي اعادت الى روحي ، السعادة ، والأمل بأن العراق سوف ينهض حتما مادام هناك هذه الطبقة المثقفة ، نعم سوف ينهض وطننا الجريح بسواعد ابنائه المثقفين وسيعود مجده وتبنى حضارته من جديدعلى ايديهم وايدي أبنائه المخلصين.
 
 كان الأخ تحسين يرسل لنا عناوين المحاضرات واسماء المحاضرين فيها ،نختار منها بعد التباحث معه وعند اقتراب الوقت يصطحبنا بسيارته لنتمتع بأجمل الأوقات ، وننهل مما يقدمه المحاضر من علم وثقافة ، ومن خلال هؤلاء الرجال عاد الأمل الى نفسي بعد ان تزعزع لما شاهدته من خراب ودمار واهمال لبغدادنا العزيزة .
 
اليوم الأول
محاضرة الدكتور(علي حسين الجابري) رئيس قسم الفلسفه في كلية الأداب جامعة بغداد سابقا وكانت بعنوان (رحلتي مع الفلسفه) في ملتقى بغداد للحوار الفكري والوطني ...
امسية جميلة ابدع الدكتور الجابري فيها باسلوبه الجميل واطلاعه الواسع ومقدرته على شد انتباه الحاضرين ، وحتى من لم يكن له المام كاف في هذا الموضوع الحيوي، فقداستطاع الجابري بسلاسة شرحه وطريقته المميزة في الكلام ، مرفقا بابتسامته اللطيفة مايبعث فيك شعورا بالحميمية وكأنك تعرفه منذ الأزل.. لقد اغنى الجابري الحاضرين الذين كان اكثرهم من ذوي الإختصاص في هذا الموضوع ، من مهنيين وطلبة في قسم الفلسفة بالكثير من معارفه في هذا المجال والذي شدني وملأ قلبي سرورا ، ان النقاش كان هادئاً تسوده المحبة والإلفة والموضوعية ، بالرغم من اختلاف الآراء ووجهات النظر السياسية والعلمية.
اليوم الثاني
ساعة كاملة مع المبدع الفنان (سامي نسيم) عازف العود في فرقة (الموسيقارنصير شمه) في المقر العام لاتحاد وكتاب وادباء العراق حيث امتعنا بسحر عوده الجميل.
 
وبعدها انتقلنا الى نادي العلوية لحضورالمحاضرة القيمة للأستاذ المفكر(حسن العلوي ) في محاضرته بين (المؤسس الملكي والمؤسس الجمهوري )  كان الحضور يشرح القلب ، والقاعة قد غصت بهم .. محاضرة غنية بالمعلومات، من شخصية سياسية محنكة ، تتخللها تعليقات االمفكر العلوي الطريفة.
اليوم الثالث
مسك الختام المحاضرة في مجلس الشهيد (وليد النجار) والذي أدامه من بعده نجله (علي النجار) محاضره لذيذة ، وموضوع حيوي في (أسلوب البرمجه اللغويه) عنوان المحاضرة ( أعرف العصبيه ) والمحاضرهوالدكتورالشاب المقتدر(علي اسماعيل اكبر) المدرب المعتمد والمتخصص في علوم التنميه البشريه أحد مواضيع العصرالحيوية ...
أما والد الأستاذ المحاضرفهو الأستاذ (اسماعيل أكبر) و كان لوحده حكايه أخرى .. ألقى محاضرة جانبيه في (التنويم الأيحائي) وقد كنت اتوق ان اعزز معلوماتي المتواضعة في كلا الموضوعين .. اتمنى ان اوفق يوما بحضور محاضرات اخرى لهما في نفس المواضيع.
 
كما ان للأخ (تحسين سعيد) مجلس خاص به اسمه (دار المعرفه الارامي) لم يسعدني الحظ بحضور إحدى جلساته بسبب مغادرتي بغداد
كما انه اصطحبنا مشكورا في جولة جميلة الى منطقة السعدون والكرادة ومن ثم عبرنا (جسرالجادرية) الى منطقة المنصور، وخلال هذه الجولة الرائعة عرجنا على (كازينو الشعراء الشعبيين) في الكرادة والمسمى كازينو (نازك الملائكة) ما أثار انتباهي .. فهناك أكثر من كازينو ثقافي بهذا الأسم رغم كثرة الشعراء المبدعين في العراق اذ كنت اتوقع ان يكون اسم گازينو الشعراء الشعبيين بأسم شاعر العراق الأول (مظفر النواب) .... وهناك تمتعنا بشرب الشاي العراقي بطعمه المميز.
 
كم اتوق الآن الى حضور تلك المجالس الثقافية.. تسحبني لهفتي هذه لزيارة بغداد مرات .. ومرات.
 
---------------------------------------------------------------------------------------------------------------------
ســــــتوكهولم
اكنوبر / 2017


160
أدب / الشعر..والقصيدة
« في: 17:41 11/10/2017  »


الشعر..والقصيدة

ميسون نعيم الرومي
 
تهويمة سحرية
تداعبها ملائكة الوجدان 
واحساس دفئ ندي
يسطـّـرلوحة مطرزة باللؤلؤ..
 والمرجان
دليلها نبضات سريعة
انغامها عذبة الألحان
تزفها تراتيل ناي وعود ..
وكمان
تهمس للغيوم انشودةَ حب
ظفائرها مرصعات بالنجوم
قوافيها وردية الألوان
تهدهدها انفاس عاشق ولهان
هدّه السفر واتعبه..
 الزمان
***
الشعر
لهفة وشوق وحنين
وعيون ليل خبا نوره
في متاهات الأنين
وعاشق اضناه الفراق
يطربه لحن ..
حزين..
خيبة ورجاء
وبقايا قلب..
دائر في وجع السنين
تغريدة عذبة تردد..
-(يا لورا حبك قد لوع الفؤاد)-
وصوت رتيب (لمبردة)..
في قيض ظهيرة تموز اللهاب
وصوت امي يهدهدنا ..
لنهدأ وننام
****
الشعر
اوراق ممزقة
وروح معذبة هائمة
حمامة تضع غصن زيتون
على قبر أبي
وشدو بلبل حزين..
 يغني اغنية الوداع..
لأختي التي رحلت وحيدة
يزفها وجع القصيدة
اوزان وابيات وبحور
ولوحة خيامية ..
وحيدة تدور
قطرات دم ..
دمعة حزينه..
تقبل قبر اخي
وظل اطلال وطن ..
مباح
مات فيه الصباح..
وهـّـمٌ .. وخربشات
والشعر هو...
الشعر
------------------------
اكتوبر / 2017
ســـــــــــتوكهولم
 
 
 
 
 



161
كنت في بغداد  (الحلفة الخامسة)
ميسون نعيم الرومي

شارع الرشيد

 
الشارع العريق الجميل ، شارع الرشيد ، صندوق الأسرار، حبيب البغداديين ، وهل احد منا لم يودعه بعضا من ذكرياته واسراره .. كم اشتقت له ، وحلمت أن اسيرعلى ارصفته وبين أعمدة تحضن شناشيله الجميلة ، كما كنا نفعل أنا وصويحباتي في طريقنا الى (اكسبرس فلسطين)* وبأيدينا (لفات العنبة والصمون) والفرحة تسبقنا اليه
أو سينما الخيام وولوحاتها الخيامية الجميلة التي تزين جدرانها ، ونحن في في طريقنا لمشاهدة  أحد الأفلام التي تعرضها وبأيدينا اكياس (الشامية) يصاحبنا صخب الصبا ونحن نفتش عن ارقام كراسينا...
 
اتيتك ملهوفة يدفعني الحنين تسبقني لهفة السنين فلم اجدك يا بغداد ، اين انت .. اين الذكريات اين عيون المها اين الرصافة والكرخ  .....كلها ضاعت وضاع حلم السنين.
 
في أحد أيام نيسان من هذا العام استأجرت تكسي ليوصلني الى جسر الشهداء وكانت خطتي عبور الجسر ماشية الى سوق السراي...ترجلت بالقرب من الجسر بعد أن سألت السائق اهذا جسر الشهداء ؟ اجاب نعم (داعيتكم  مثل الأطرش بالزفة كل شيء غريب ما اعرف شنو السالفه)-
عبرت الجسرالذي يفترش ارصفته شيوخ (نساء ورجال) عزت عليهم انفسهم من ذل التسول فعرضوا بضاعة بائسة تستحق الشفقة قبل اصحابها.. أما في وسط الجسر فاكثر سالكيه عربانات الدفع التي تئن بحمها الثقيل ..
ها أنا الآن في صوب الرصافة .. المفروض ان يكون سوق السراي على يساري ..
 ولكنني لم اجده ؟
استدار رأسي اين السوق ؟ تقدمت الى الأمام نحو ساحة صغيرة وسألت شرطي المرور الواقف بقربها .. (آني وين أخي) ضحك وقال انت في حافظ القاضي ...
غيرت خطتي وقررت ان اسير الى اليسار بصحبة ذكريات انتفضت لترافقني مشواري الى المتنبي..
 
اهذا حقا شارع الرشيد .. امامي شارع يستجلب البكاء والعويل بنايات آيلة للسقوط
ترفرف فوق نوافذها خرق بالية فقدت الوانها وهيبتها وكأنها عنوان لآلامها ووجعها..
 
شارع  وارصفة عفا عليها الزمن مليئة بالحفر والتموجات والأزبال (والميباوع ينچبح على وجـَّـهه) شارع بائس ناله الإضطهاد والظلم بقدر ما نال أبنائه يبكي مجدا ضائعا وتاريخا سحقته عجلات الزمن وهدَّه معول الجهل والتخلف
ترى امتـَـعـَـمـَّـد كل هذا الإهمال ؟ ربما لم يرق اسمه للبعض وحرك فيهم عقدا تاريخية.
 
أنا الآن امام تمثال الرصافي .. أراه شامخا ينظر الى المجهول واسمعه يردد....
 
اليكِ اليكِ يا بغداد عني – فإني لستُ منكِ ولستِ مِني
ولكني وان كبر التجني - يعزّ على َّ يا بغداد أني
أراك على شَفَا هول شديد
تتابعت الخطوب عليكِ تترى – وبدل منك حلو العيش مرّا
فهلاً تُنجِبين فتى أغرا - أراكِ عقمت لا تلدين حُرا
ألا يا هالكين لكم أَجيج
اقام الجهل فيك له شهودا – ليهلك فيه من عبث ويُفدَى
متى تبدين منك له جحودا – فهلا عدتِ ذاكرة عهودا
بهنَّ رشدت ايام الرشيد
*******
 خلف الرصافي بناية ذليلة تبكي ماضيها التليد وحاضرها المأساوي
الشارع مزدحم بالمارة والباعة المتجولين وانا منهمكة بتصوير المناظر الحزينة
 
تابعت سيري وها هو (سوق الشورجة) على يميني اختلطت علي الصور والمسميات ترى كيف اصف هذا المكان الغارق في اكوام الزبالة المتكدسة على الجوانب وبين الباعة وملحمة البضائع المعروضة في عربات وعلى الواح خشبيه تشبه الطاولات وأنواع الأطعمة التي تعفرت بالتراب تهاجمها اسراب الذباب ، وقد افترش كبار السن الارض رجالا ونساء وهم ينظرون بانكسار الى المارة
 والى يساري حاجز كونكريتي عملاق يجثم على صدر الشارع ويحبس أنفاس اهله البؤساء..
 
جملة واحدة كنت اسمعها باستمرار وانا في طريقي والكامرة بين يدي ...
 
-(اي عفية .شجاعة .. صوّري .. فضحيهم .. هذوله الحراميه)-
-------------------------------------------------------------------------------------
* (اكسبرس فلسطين):- كافتريا تقع في شارع الرشيد
--------------------------------------------------
اكتوبر / 2017
ســــــــــــــــتوكهولم






162
وداعاً
العلامة البروفسور سامي موريه
رمز الحب والوفاء

بقلم :- ميسون نعيم الرومي
 
غادرنا يوم الجمعة الموافق 22 / ايلول / 2017 الأديب والشاعرالرقيق الباحث المأسوف عليه البروفسور سامي المعلم ( شموئيل موريه) العراقي المولد والهوى (كما كان يحلو له ان يذكرفي كتاباته) ومنها كتابه (بغداد حبيبتي) الذي وثق فيه معاناة (يهود العراق) الشريحة المهمة من فسيفساء الشعب العراقي والتي لها الفضل في ادخال التمدن الى العراق بعد تأسيس الدولة العراقية الحديثة .
كنت اسمع انين حروفه وارى دموع حنينه تنزف وجعا وشوقا الى بغداد من خلال سطوره الجميلة المعبرة في هذا الكتاب الذي ابكاني واضحكني ، مشاعر متضاربة عشتها مع الأديب الرائع باسلوبه المشوق الجميل وروحه المرحة الصافية وظله الخفيف  ونفسه الرقيقة التي تحن الى ملاعب الصبا ونهر دجلة و(الشريعة والچوادر) وهمسات القلب الأولى ، بقي معتزا بهويته العراقية ، يتكلم بحب واعتزاز ويرنو بكل مشاعره الانسانية الى بغداد الموشومة في كل حناياه وجوارحه ، احسست بروحه الصافية الطيبة التي لاتعرف الا التسامح والحب حتى وهو يتطرق الى فترة (الفرهود ) وما حل بطائفته اليهودية من قتل
واغتصاب وسرقة من قبل مجموعة كبيرة من الشعب العراقي ، وحتى من جيرانهم ومن من يشتغل لديهم ، وما فعلته الحكومة الملكية ، والحكومات المتعاقبة بهذه الطائفة المسالمة .
 
هذا الطود العظيم والقامة الأدبية السامقة الذي ذاق ذل الغبن والجحود وعانا وثابر وهو فتىً
في بداية حياته ، انتقل من العز والدلال في بيت ارستقراطي ، انتزع من دلال احضان والديه ليرى نفسه وحيدا مهملا جائعا في دنيا قاسية لا تعرف الرحمة ولا الشفقة
 حيث بدأ يعمل بيديه الناعمتين  وظهره الذي اعتاد الحرير والديباج....
 
 كم بكيتك اليها الأنسان المسامح وانا اقرأ ما خط قلمك وانت تتغزل بالعراق الذي عمل ماعمل بكم .. كم انت رائع وعظيم ، كم انت كبيرايها الإنسان المسالم الوفي المرهف ..
 
انقل مقطع مما كتبه البروفسور الدكتور سامي موريه الخالد في قلب كل من عرفه وحتى عن بعد ....
 
 
("وضرب القدر ضربته ورحلنا ، وانهمكنا في الدراسة والعمل لنداوي بها جراحات الماضي وأهوال الحاضر بانتقالنا من عزّ العراق، مهما كان ثمنه، إلى ذلّ الحاضر، في خيام معسكرات اللاجئين الجدد، من جميع أرجاء العالم، والوقوف في طوابير الماء وبيت الخلاء والخبز وشراء اللحم والبيض والزبد بالكابونات والعمل كعمال بسطاء، رغم ثقافتنا، في البناء لنقل أكياس الإسمنت والحصى والرمل على ظهورنا كما كان يفعل "العمّالة" الذين كانوا يعملون عند والدي في البيوت التي كان يبنيها! بكيْتُ عندما جاء أخي ريمون يبشرني: "والله عندك حظ ! أول يوم وشِفتْ (وعثرت على) شِغِل بالعمالة (البناء)!" قلت له: "ما هذا الفرح بعمل حقير حصلت عليه بعد عزّ العراق!"، و"ما تعرف خيري لما تجرب غيري"، صرنا نشتغل بالبناء مثل الفقراء؟ ويل العراق، ماذا فعل بأبنائه المخلصين)-
 
سامي موريه الباحث العلمي المتميزالمحب للأدب العربي المتميز فيه ، الشاعرالرقيق ، لم يتجرد من انتمائه للعراق وعشقه الى بغداد التي بقيت روحه ترنو الى لقائها طوال السنين والذي يحزنني ويبكيني ومنذ سماع هذا الخبر الجلل انه (بقي يحن ويون) على بغداد التى يعشقها الى اخر يوم في حياته. مات .. ولم يزورها ، فرافقته الحسرة الى العالم الآخر.
 
امتازت كتاباته بالقوة والسلاسة التي تشد القارئ ، وبعذوبة السرد ، والحب والتسامح ، والروح الشبابية المرهفة
 
العلامة سامي موريه :- سوف تبقى خالدنا في سماء العلم والأدب وفي وجدان كل من عرفك او قرأ لك ايها النخلة العراقية الشامخة ، رمز الإيثار والحب والتسامح والوفاء
وسوف ترفرف روحك الطاهرة على مسقط رأسك منطقة (البتاويين) وعلى مرتع الطفولة والصبا التي حرمك من زيارتها القوم الظالمين ، ايها الملاك ، ايها الانسان الطاهر الشريف المبدئي الملتزم..
 
اسرعت الرحيل ولازال عندك الكثير لتقدمه لنا .. محبيك وقرائك ومعارفك ، اسرعت الرحيل ولازال عندك الكثير الكثير..
 
ستسيل دمعة تكوي خدي وكما اليوم ، عند طباعة  اول ديوان لي للشعر الشعبي وبتشجيعك ، والذي خطت يدك الكريمة مقدمته التي تنطق بحب العراق وتدعو للسلام والتسامح والأخاء ، والذي للأسف لم يمهلك الموت والقدر القاسي ان تقرأه واسمك الكريم يتصدره
 
الأخ الكبير سامي موريه نم قريرالعين في عالم النور الذي لا يميز بين الأديان  والطوائف ايها الملاك الطاهر
سلام لك وسلام عليك استاذنا العزيز العلامة الخالد سامي موريه.
 
انقل لكم آخر ما خطته أنامله عن بغداد وقبل رحيله بحوالي شهرين.....
بغداد!
سامي موريه
ايّ رَنِينٍ ساحِرٍ فِي حُرُوفِ آسْمِكِ، بغدادُ!
وَتَهْويمَةٍ صُوفيةٍ تَـترَدّدُ فِي خَلَدِي وَتُعادُ!
وَقَدِيمّا عَـلَى ضِفَافِكِ
رأيتُ اللهَ يَسْقِي باسِقاتِ النّخِيل
تَمِيسُ كالْغِيدِ مَعَ مَرّ النّسِيمِ الْعَليلِ
وَبَدْرُكَ المُنيرُ يرْعَى عُشّاقَكِ     
فِي زَوْرَقِ الهَوَى يَتَهادَى
عَلَى وَقْعِ الدّرَابِكِ والغِنَاء.
بَغدادُ! أيْنَ النُواسِيّ وارْبَابُ الفَنّ والطَرَبْ!
"وَحَقّكِ أنْتِ المُنَى والطَلَبْ."
أمَضَتْ أيّامُ الهَنَاء والأرَبْ ؟
آهِ لَوْ عَادَ الشّبابُ وَصَفْوُ الحَياةْ!
 حِينَ يُنِيرُ بَدْرُ العِراقِ
وَيُضِيءُ الضّفَافَ والسّوادْ
واليومَ اسْمَعُ نشيجَكِ يَا بغدادُ
مَعَ خَرِيرِ مِياهِكِ الخالِداتْ:
"أفي كل قرن يقوم طاغية اثيم؟
يَجْعَلُ خِصْبَكِ يَبابًا ومَغانِيكِ خَرَابْ!
وَدُموعُ الرّافِدَيْنِ تَجْرِي
نَائِحَةً تُوَشْوِشُ خَوْفَ الطُغاةْ:
"أيْنَ تَشَرَّدَ أبْنائِي يَا عِراقْ؟"
بَغْدادُ، يَا حَنِينًا مُرّاً، تُناجِيكِ رُوحِي
"بَغْدادُ فِداكِ حَبيبتِي، كَيْفَ اللّقَاءْ؟
----------------------------------------
 
----------------------------------------
23/ سبتمبر / 2017
ســـــتوكهولم







163
يـا .. سـَــــــلام ؟
ميسون نعيم الرومي
 
ابـيـوم الـسـَـلام .. يـا سـَـلام ؟
 
گـالـَـوْ الـيـوم الـسـَـلام – أبـيـض اورَفـْـرَف حـَـمـام
نـحـتـفـل  گالـَوْ تـَـعال – رايات رفـَّـت والأعلام..
يـاحـَـمـام الـفـارَگـِـتـنـَـه
بـَـعـْـدَك اشـرار اولـفـَـتـْـنـَـه
كـلـشـي مـاظـَـل بـَـعـَـد عـِـدْنـَـه
خـَـمـس عـَـشـرات الـسـنـيـن – بـَـس حـَـرب .. ضاع الـسـَـلام
گـالـَـوْ الـيـوم الـسـَـلام
يـا سـَـلام ؟ .. اويـا سـَـلام
***
نـوبـَـه گـالـَـوْ .. قـادسـيـّـه – حـارس اويـحـرِس مـنـيـّـِه
نـوبـَـه داعـش هـالـغـِـزَتــْـنـَـه – بالأفـق .. لاحت بـِـلـيـّـه!
دَمـّـنـَـه سـايـح كـل وَكـِـتـْـنـَـه
أيـتـام ضاعـَـت .. يـا وطـَـنـَّـه!
أطـْـراف بـتـْـرَوا مـن جـَـسـَـدْنـَـه
اتـْـعـَـوْقـَـت آلآف الـشـَـبـاب – وينك انت .. يـاسـَـلام
گـالـَـوْ الـيـوم الـسـَـلام
يـا سـَـلام ؟ .. اويـا سـَـلام
***
صِرْنـَـه أشـيـاع اوطـَـوايـف – قـَـسـمـونـَـه اوفـَـرقـونـَـه
خـالـنـَـه هـالـنـكـَـر عـَـمـْـنـَـه – عَ الـمـَـنـاطـق وزِعـونـَـه
ويـنـَـك انـتَ يـالـعـِـراق ؟
اتـعـَـلـْـمـَـوْ اهـْـلـَـك عَ الـفـِـراق
لـَـطـم .. دَگّ .. نـوح .. اوشـِـقـاق
تـَـقـْـسـيـم يـتـجـَـزأ بـَـلـَـدْنـَـه – الـجـوء نـطـْـلـب وابـوَطـَـنـَّـه !
گـلـْـبـَـوْ الـتـاريـخ أسـوَد – چـانـَـو أجـدادي عـِـظـام
گـالـَـوْ الـيـوم الـسـَـلام
مـات وابـعـِـشـَّـه الـحـَـمـام
يـا سـَـلام ؟ .. اويـا سـَـلام
----------------------------------------------------
تمر اليوم الذكرى الواحد والثلاثين لليوم العالمي للسلام
21 أيلول/سبتمبر الذي أعلنته الجمعية العامة للأمم المتحدة
----------------------------------------
21 / سبتمبر / 2017






164
عـَـفـّـيـه عـَـمـّي يـَـ مـَـسـعـود
ميسون نعيم الرومي
 
*تـِعـَـلـَّمـْـنـَه عَ اللجـوء - عـَـفـْـيـه عـَـمـّي يـَـ مـَـسـعـود
نـعـْـبـر اجـبـال اوحـِـدود
ضاگ بـيـنـَه هالوجـود
اخـسَـرْنـَه ياروحي ورود
(بـَحـَـر) تاهـَت بي وعـود
عـَـفـْـيـه عـَـمـّي يـَـ مـَـسـعـود
***
دار بـيـنـَه الزمـَـن دايـر – هـَـلـَّـت اولاحـَـت بـَـشـايـر
لاتـِـظـَـل ياخـويـه حايـر
يـحـْـله (بـَـربيل) اللجوء
مـَـدري نـنطر وطن ثالث..
(اعمارَة) اهـلي والجـدود
راديـــــن الكـم اردود
عـَـفـْـيـه عـَـمـّي يـَـ مـَـسـعـود
***
اعـْبـَـرْنـَه غابات اوبـحـور- تاهـَـت اوضاعـَـت قـبـور
اسـنـيـن عـَـدَّت والشهـور
حـزن مـَـدري لوســرور
نـنـْـفصل ! وانـعـَـلـّي سور
نـنـسـف انـواع الجـسـور
لامـَجـد لا ظـَـل اسـود
عـَـفـْـيـه عـَـمـّي يـَـ مـَـسـعـود
***
عـَـفـيه بـيـنـَه وانـتـِصرنـَه - يا بـَخـَـتـْنه اويا سـَعدْنـَه
إلـْجـوء نـطلب وابوطنـَه
شـَـرط تـشهـَـد خـوشهـود
من اخـوتي اهوايـه احنه
(شيرين وآزاد اوعهود)
عـَـفـْـيـه عـَـمـّي يـَـ مـَـسـعـود
***
 
من غـربتي آنـَه انادي - وطن واحد يا بـِـلادي
انحاسـب السارق الباغي
نـطـّرد الخـَـرَّب بـِـلادي
احـنه اخـوَه اودَمنـَه واحد
(جـبـَـل) يشهـَد وَيـَّه وادي
مـن زمـَن (عـاد اوصَـمود)-
عـَـفـْـيـه عـَـمـّي يـَـ مـَـسـعـود
ليش عـَـمـّي يـَـ مـَـسـعـود؟؟
عـَـفـْـيـه عـَـمـّي يـَـ مـَـسـعـود
---------------------------------------------
*مـَـسـعـود:- رئيس اقليم كردستان السيد مسعود البرزاني
 
18 / أيلول / 2017
ســــــــــــــــتوكهولم
 









165
وجهـك بگايـه العمر
ميسون نعيم الرومي
 
يـوجـَعـني هـِـدم العـَـلي – يالإنـت مالك تالي
يالزلفـَـك الماس اوذهـب – وابـمـَـشـيتك متغاوي
اعـزف عـلى الگـذلـَه لحـن
يالتـسحن ابگـَـلبي سـَـحـن
مانابـني غـيـر الحـزن
بعيـونـك الحلوه بـَحـر – وانـت اطلعت كـَـتــّالي
يـوجـَعـني هـِـدم العـَـلي
يالإنـت مالك تالي
***
يـوجـَعـني هـِـدم العـَـلي - ماظلِ عندي اعيون
دولبني حـبـَّـك ذبـت – مديون دومك مديـون
وجهـك بگايـه العمر
واسنين تعبهه السفـَر
واعـتاب وادموع اشكثر..
يالبيك أنـَه مسكون – متعلي نجمك عالي
 وانـت العزيز الغالي
يالإنـت مالك تـالي
***
يـوجـَعـني هـِـدم العـَـلي – واتعـَـثــَّر ابممشاي
بشليلي المـَّن دمع - يسمر سـبـَـب بـلواي
بالدنـّـيه كبـرَت بـلوتي
بـعـيـونـَـك .. طـِفـَـت دنيتي
يالانـت ســولـَة سـَـكـتـتي
يامـزنـَه تاهت جـزت – لا اول اولا تالي
يالإنـت مالك تالي
يالإنـت مالك تالي
------------------------------------------------
أيلول / 2017
ســــــتوكهولم


166
كنت في بغداد .. (الحلقة الثالثة)
ميسون نعيم الرومي
 
اليوم أعزائي القراء اريد أن اكتب بلغة اهلنا ولنأخذ استراحة من معاناة الأهل في العراق و اخوتنا في بلاد الغربة ، فلكل منا همومه واحزانة ، وبعد سماعي آراء الكثير من اخوتنا العراقيين والنازحين الى مختلف دول العالم ، فكل له مآسيه وأشجانه ، وحتى مـَن ولـِدَ في تلك الدول له هموم أخرى . لسنا في صدد ذكرها الآن .
اليوم اتوجه بسؤالي الى الأطباء والمختصين لأني لم اجد تفسيرا يرضيني لهذه الحالات المرضية الغريبة وكأنها امفصلة وحسب المكان والزمان..!
 
انا اسكن السويد بلد معروف بنظافته وبالخدمات من الدرجه الأولى والأنسان مقدس في كافة الأعمار وخاصة الأطفال الذين تصرف عليهم الدولة من الحضانة الى ان ينهي مرحلة الدراسة المتوسطة (تعليم اجباري) ، وبعدها براحته ان اراد الأستمرار .. فالدراسة مجانية ، أما رعاية  كبار السن فحدث ولا حرج ، لذلك انشوف مستوى الأعمار عندهم طويل (عزرائيل ايجر من جهة والخدمات اتجر من الجهة الثانية) علما ان السويد ليس بلد نفطي .
والسويد كباقي الدول التي تحترم الأنسان ، معروفة بقوانينها الوضعية التي تخدم الشعب.. يعني مو مثل قوانيننا حبر على ورق ابكيف القاضي والذي بدوره يخاف من رئيس القضاء الأعلى  المعشعش .. وبالجنوب انقول (گاف)على المنصب من قال او بـَـلـَة (يعني الدجاجه لما تحضن البيض ايسمونهه گافـَّه) ، خطيه مو بيده امبسمر على الكرسي (والربع داهنين بلعومه ابدهن خروع) أما الإدعاء العام خليه على صفحة .. *(خالسه العباس) ..
 
أعزائي .. اهلنا علمونه نعرف السمكة الطازجة من راسها ، هسه الخياس وصل الى الذيل..
يا جماعة الخير هذا قلمي ايغافلني ويشطح ، العتب على القلم ..
نرجع الى سالفتنه....
ظهرت عندنا امراض غريبة  مغص في البطن وارتباك في الأمعاء هذه لما نشرب الحليب
والحليب امبستر وامعقم ومحفوظ بعلب وآخر نظافه الطبيب يقول حساسية من اللآكتوس الموجود في الحليب يابه شربوا حليب خالي من (المحصن) اللآكتوس..
 زين بعد الحمام والماء الحار والبارد اربعة وعشرين ساعة شغال ومعقم وعليه رقابة وفحص .. والسويد من البلدان القليلة الذي يشرب شعبها مباشرة من (الحنفية) لان الماء صالح للشرب ، يعني بعد الحمام والأنتعاش بالماء الغزير تشتغل الحكة اتقول بعوض العالم كله عشعش ابجلدك ليش .. ايگلك حساسية .. اشلون بلوه ...
من الصابون ومن الجفاف يابه اشترينه صابون خاص يحتوي على الكريم واضافة الى ذالك انواع الكريمات ام العطر وبدون عطر، واللي يدخل للحمام اتقول داخل مركز للمساج .. او لو اكو برميل اكريم واحد بعد الحمام يدخل بي اشويه تسهل الشغله ، والعيون .. لازم يوميه قطره مرطبه ، چا اشبيها اعيونه يبست ؟ اشو بالعراق الحراره اكثر من 50 والكهرباء تلعب ختيله تشتغل واهناك تاخذ غفوه وعلى هالرنه صار14 سنه صرفوا عليها مليارات ولا محطه انبنت .. اشو اعيونه تلمع مثل اللگلوبات لا جفاف ولا هم يحزنزن .
 
او بعد .. حساسية الصدر اتشوف الصدر (ايوصوص) عبالك بي اعشاش عصافير ما لاگيه اتوكل افراخها .. سموها (الربو) زين الجو نقي لا تراب مثل وطنه اللي هجمت عليه اتربة الصحراء بعد ان حركتها حرب الخليج اللي ماتوا واتشردوا بيها الملايين وكسرت ظهر شعبنه.. (عساها ابخت اللي سواها)...لعد اشبينه مخنوگين ! صدگ لو گالوْ ممتعلمين على الدلال .. قابل گوَّه؟
 
لتستعجلون عليـَّه لم انته بعد .. سامعين بحساسية اللگلوتين ..؟ حساسيات آخر زمن
حسره علينه ناكل خبزه ايگلك حساسية من الحبوب ، اتحولنه الى اسيويين انبنت أمعائنا بالرز يعني (التمن) اتگول سمنت ... ليش هيـَّه خلصت ! فد يوم صحيت من النوم باوعت بالمرايه .. ما عرفتني ..!
امنقطه احمر، صابتني رجفه وانرعبت ! خطيه منعديه حصبة ، بعدين حسيت على نفسي ، آني امحصبه من كنت طفلة ، اوركض للمستشفى ، الطبيب سألني اشماكله ؟ اتذكرت بالليل اكلت مكسرات ، يعني جوز ولوز، يابه طلع اكو حساسية المكسرات .. بس لتخلطون مو قصدي امكسرات الحكومة والنواب اللي لاعبين طوبه بالشعب ويعملون كل الموبقات ...
والطرگاعة باسم الدين و بالسكته يعني جوه العبايه ، الهم حصه ابكلشي اوكلاشي ، حتى بالملاهي الليليه..
 
رباط الكلام لما رحت الى بغداد .. اشو حليب اولبن ابو الگشوة وگيمر وكاهي وخبز تنور امگسب وبقلاوه ومن السما ابو الفستق ، ويومية صينية خضرة او خبز بحيث ام الخضرة اتعجبت ومـَـتـْحـَمـْلـَت سألت .. عمي شتسوون ابهاذي الخضرة يوميه؟ اقاربنا خاف علينه من العين والحسد *(لا نتهورش) قال عمي عدنه خروف (خلف الله عليه من زود المحبه يقلق علينه)...
اتذكرت .. لما نغسل بالحمام نگعد على التخته ، ونملي السطل والطشت .. أكيد اتعرفون لأن المي قليل وميوصل الى الدوش والصابون الله واعلم يمكن امسوينه من دهن السيارات والشامبو خليهه على الله وابنص الغسل تنقطع الكهرباء... والعجيبه اشمحلاهه لااكريم ولا حكه والجلد يلمع رباني...
 
كل هذا اللي گلته وكل هذا الأكل اشو لا حساسيية ، ولا وجع ، والشعر يلمع ولا شعره توگع وعلى ذكر الشعراللي طول عمرنه ومن وكت الجدات ، البنات گصايبهن وازلوفهن طالعه من العبايه اللي اتهفهف على الراس ، هالأيام هذا الشعر الحلو صاير اسمه (عوره) وقبل فتره بالامتحانات الوزارية ابتموز والحراره اكثر من خمسين ، وبدون تبريد بس بنكه والطلاب امفرفحين من الحر، الشباب نزعوا القمصان وبقو بالفانيله الداخلية اما البنات المسكينات املفلفات بالحجاب والحر يشوي .. وحده من البنات فرفحت من الحر وماتت.. ودفتر الامتحانات بيدها ينتظر الدرجات.... سوده على الحرامية سارقين ثروات الشعب
 
اي والله الحچي بالتفاطين اهناك في بغداد نطلع نمشي ساعات لا وجع ولا ضوجه وامكيفين وبالليل انام نوم  مريح نسينه شنو (أرق) شنوحبوب منوم ، بالله عليكم سامعين  بمرض (القولون الزعلان) الخابصنه بالسويد .. الذي ذكرني بزعل  سياسيين العراق فوگ سرقة المليارات الهم رنـَّـه .. يوميّه مصالحة وطنيه خصصولهم مليارات فوگ المليارات اللي
باگوههه.. حتى يتصالحون الأفنديه (اشلون درب للبوگ) فاقترضوا مليارات من صندوق النقد الدولي  حتى ايراضوهم لأن الميزانيه صفروها وحتى الأحتياطي النقدي بلعوه(عساكم متتصالحون )-
 
نرجع على بيت القصيد مرض مدري مو مرض المهم اسمها حساسيه
يقولون الحساسية .. ان جهاز المناعة ايهاجم الجسم يعني جسمنه يتحارب وي بعضه
الظاهر انتقلت  الى جسمنه عدوى الحروب في وطننا والذي يطلع من حرب ويدخل في حرب والموت والينة والدم للركب... كله ابراس ولد الخايبه ايخلفن وايكبرن والحرب تطحن ، ملايين الشهداء والأرامل ، والأيتام اتشوفهم يتطافرون بالشوارع بدون اية رعاية ، وابجال حكومة الحرامية اصبح العراق يغص بأطفال الشوارع ، والأميه متفشية ، والبطالة حدث ولا حرج .. وانوبه المخدرات (خري مري) من الجارة اللعينة.
 
يعني ايصير معيل العائلة يستشهد وعائلته اتسيب بالشوارع لا راتب تقاعدي ولا رعايه ... طبعا خزينة الدوله بالدوب تكفي رواتب الحبربش وحراسهم واطبائهم وعمليات التجميل ، نسوان اوزلم (هو الوجه امصخم ينفعه تجميل) .. امنين ينطون للشعب .. وحتى الحج على حساب الشعب شايفيين واحد ايحج بفلوس السرقة؟....( اخر زمان) .
 
أخيرا وليس آخرا (انقل لكم مقطعا من مقالة محافظ البنك المركزي العراقي السابق (الدكتورسنان الشبيبي) :-
 
” ان رئيس الوزراء السابق وزعيم ائتلاف دولة القانون “نوري المالكي“ تسلم أموالا أكثر من كل حكام جمهورية العراق “مجتمعين” من الزعيم عبدالكريم قاسم الى صدام حسين، واهدرها.
وقال الشبيبي، إن “الاموال التي تسلمها المالكي كانت تكفي لبناء وطن جديد...
 يتسع لـ 30 مليون نسمة يكون أمنية لكل البشر في العالم ، مبينا ان المالكي عيَّن أربعة من أفراد حزبه الحاكم بمناصب كبيرة داخل البنك المركزي وهم ليسوا من ذوي الإختصاص حتى تأثر البنك المركزي وأخذت العشوائية تضرب أطنابها ، وهم مدير دائرة غسيل الأموال، ومدير الدائرة القانونية، ومدير مراقبة المصارف، ومدير الدائرة الاقتصادية، لافتا الى أن الفساد أخذ يستشري داخل البنك المركزي من قبل زملاء المالكي في الحزب”..... والذي يريد اكمال هذه المقالة المهمة والمفصلة موجودة على النت)-
 
نرجع على سالفة الحساسية وننتظر رأي الأطباء في هذا الموضوع
ولكم جزيل الشكر والتقدير
------------------------------------------------------------------------------
*خالسه:- راعبه (من الرعب)-
*(لا نتهورش):- اسم الله على السامع يعني اجلكم الله(اسهال وتقيأ)-
----------------------------------------------------------------
2017 ســـــــــــــتوكهولم
 





167
كنت في بـَـغــْـداد
ميسون نعيم الرومي
 
ظاهرة (عربانات الدفع والحمالين) في بغداد

ظاهرة (عربات الدفع) ظاهرة عامة منتشرة بشكل مكثف  وملفت للنظر في بغداد التي زرتها مؤخرا ، تراها في جميع اسواق المواد الغذائية .. شارع الرشيد وعلى جسري (الشهداء والأحرار) -و(عربانة الدفع) كما نعرف عربة خشبية كبيرة بثلاثة عجلات تدفع بواسطة الشخص الذي يسمونه الحمال.
ومما جلب انتباهي ان هؤلاء الذين نسميهم الحمالين من مختلف الأعمار، فهناك الأطفال الصغار الذين يتطاولون ليمسكوا بمقبض العربة فتتشنج ايديهم الصغيرة وتتقلص اقدامهم المتعبة في احذيتهم الممزقة لدفع ذلك الحمل الثقيل ، وعيونهم الحزينه تنظر بانكسار الطفولة البريئة الى المجهول الغامض ..
وهناك الشيخ الذي يحاول جاهدا ان يحصل على بضعة دنانير ليعود بها الى احفاد أضاع الطغاة وسراق الوطن والدهم ، أو سفكت دماؤهم في حروب عبثية وتفجيرات غاشمة و.... (تعددت الأسباب والموت واحد)-
شريحة اخرى من الشباب المنكسرين الذين اضطروا الى مصاحبة هذه العربة الخشبية بعد ان اصبحت الوظائف تباع بالدولار وبأسعار باهضة الثمن فهناك جدول ثابت ، والدفع بالدولار يبدأ من 1000 دولار لوظيفة عامل ويتدرج ليصل الى ملايين الدنانير .. محافظ ، مديرعام ، وزير، وهكذا في دولة العراق السعيد وشعبها الساكت العريق.
 
وترى هذه (العربانة المقدسة) منتشرة في كل مكان وخاصة في شارع الرشيد وعلى الجسور.. محملة ببضائع مختلفة .. مواد غذائية ، ملابس قديمة ، وغيرها مما استطاع هذا الإنسان البائس تحميله ليساعده ان يعود مساء بفتات الطعام الى أفواه جائعة عيونها شاخصة الى الباب وقلوبهم تدعو ان يعود معيلهم سالما ، اذ اعتاد هؤلاء المجرمون تفجير الفقراء والمساكين ، والذين يمشون على (ارض النفط) ويأكلون العلقم والموت.
ذهبت ذلك اليوم الى سوق المواد الغذائية والخضار في منطقة الأرضرملي في الكرخ ويسمونه (سوگ الزرملي) اسعدني تواجدي في هذه المنطقة الشعبية وافرحني التجول بين هؤلاء الناس الطيبين بوجوههم الوديعة وابتساماتهم المشرقة التي تجعلك تشعرانك تعرفهم منذ الأزل
اعادتني هذه الوجوه الحميمة الى ايام طفولتي حينما كنا نركض في ازقة بغداد وحاراتها الجميلة
ايام كان الجميع عائلة واحدة ونحن اطفال الأرضروملي اخوة نمرح ونلعب سوية في كل الأوقات... وكل نساء المنطقة امهاتنا ورجالها آباء لنا.
عدت الى نفسي على صوت يسألني ان كنت اريد (عربانة) كان شابا في نهاية العشرينيات من العمر، فاصطحبته لنكمل مشوار التسوق....
السوق عامر بكل المواد الغذائية من أجبان (الجبن الأبيض المزرف وطاسات الروبه ام الگشوه والگيمر العراقي حلم المغتربين) لحوم ، فواكه ، خضروات معروضة ومرتبة بشكل جميل ، خضروات ورقية ( رشاد ، كراث ، فجل ، معدنوس ، ريحان ) كانت تتجسم في ذاكرتي احيانا في غربتي .. كم تمنيت ( لفة خضره وخبز) انها اطيب من كل موائد الطعام ، ارهاصات لا يفهمها الا من ذاق لوعة الشوق الى الوطن .
.
وكعراقية تغربت عقودا متلهفة لفواكه وخضروات العراق وارضه الطيبة (وريحة الخيارة لما تكسرها توصل للجيران) سألت البائع (هل هذا الخيار والطماطة عراقية) كان الجواب (لا عمي هذي ايرانية) وهكذا باقي الفواكه والخضار، وكذا في كل السوق ، احسست بالدوار .. ترى اين مزروعاتنا اين برتقال بعقوبه ؟ اين رمان شهربان ؟ اين خيار الشواطي اين الباميه البتره (حتى الرگي اتغير شكله وصار كروي وين رگية قبل التي كان وزنها 15كيلو ونشتري مـَـنّ مـِن الرقي ونضعه تحت الدرج) اين أين..؟ (خصم الحچي) تحولت بغداد الى سوق لتصريف البضاعة الإيرانية .. حتى العصائر والألبان وهلم جلرا...
 
نعود الى (عربانة الدفع) بعد أن اكملنا التسوق والشاب يدفع العربة وصلنا الى الشارع اردت ان اصوره مع العربة قبل ان اغادر في التكسي الذي اوقفه لي
لكنه وقف جانبا وقال لي ( لا .. لا .. لا ما آخذ صورة ويـّه العربانه ) ورأيت دمعة متحجرة في عينيه المتعبتين ، لقد كان هذا الشاب خريج كلية .. تعذرعليه الحصول على وظيفة ولم يجد أمامه .....
 
الا (عربانة الدفع) والمهنة التي اسمها حمال .
-------------------------------------------------------------------------------------
آب / 2017
ســـــــــــــــــــــــــتوكهولم
 
 
 







168
اوقفوا قانون التقاعد الجائر
ميسون نعيم الرومي
 
بالمنطقه الخضراء تسكن عصابات
الهم حياة العز .. إلنه النفايات
***
ترضه الظلم والجور.. لايا شعبنه!
اعيالك تسيب اتجوع نهبوْ وطنه
***
انباع النفط يا ناس .. والشعب هالجاع
ساكت شعبنه ليش ؟ وارجالك اسباع
***
حرّفوْ بالقانون .. قانون التقاعد
كل الشعب ينظام .. ليش انته گاعد؟
***
يشبع مـَـهـانـَـه اوضيم واليقـبـَل الذل
بيدك يشعبي اليوم  للمجلس اتحل
***
يا شعب صيح اوثور .. الغي القوانين
بطـَّلنه ننخي ارجال .. نـِـنـخـَـه النساوين
***
أهـل العلم والنـور.. نـصهم تـِكـَـتـَّـل
رَدّوْ على الباقـين .. مـَحـَّـد تـِمـلمَـل!
***
اسنين اوتعب وادموع .. اخـّـذو شهادات
خـَـرّجو كومه اجيال .. ليش العداوات ؟
***
بيعوا سبح بالسوگ .. بيعوا المحابس
صار الغبي والعار.. عَ الگلب كابس
***
وين الرفض يا ناس .. وين الحـَـمـيـّـه؟
قانـون التـِـوَقـّع هاذ .. بـيه البـِليـّـه
***
هجـمـَـوْ وطنـَّه الزين صايـر خرابه
هججوْ  كل الناس .. سادت عصابه
***
يا شعب اصحه .. اوثور.. لاترضه بالذل
بـيـدَك تـَـرَه القانـون .. للمجلس اتـحـِل
***
يا مجلس النوّاب .. شـنهي نـَـفـِعكم؟
بس اللغف والبوگ .. والثـَروَه الكـم !
***
يا شعب انهض صيح .. زلزلهه بيهم
اعـتـِصم بالساحات .. واگـلبهـَه بيهم
***
متگلـّي شنهي اشجاك ! ساكت على الذل
تلغي المجاس هاي .. واتحاسب الكـل
***
يا شعبي ساكت ليش ؟ شنهي اللي صابك!
طالب ابحقك صيح .. وارفض مصابك
---------------------------------------
انهي ابياتي بالهوسه أدناه
 
ياشـَـعـب العراق الأبـَـد ماينظام
والظلم ابـأرضنـَه الأبـَـد مادام
كلنه نعتصم وانحاسب الحكام
 
ها اخوتي ها........
 
نـتـوحـَّـد كـِلـّـنـَه او هاذ آنـَه
----------------------------------------------
مجلس الوزراء صوت على الغاء قانون التقاعد
القانون الجديد سوف يلحق الضرر بالمتقاعدين
حيث الغي القانون الجديد:-
1-    غلاء المعيشه وهي 1% عن كل سنة خدمه.
2-    مخصصات الشهادة.
3-    حدد الراتب التقاعدي بـ 80% من الأسمي كحد أعلى
 
كارثة اقتصادية كبيرة سوف تلحق بالشعب اذا طبق هذا القانون الجائر
وسوف لن يتأثر كثيرا اصحاب الدخل المرتفع
ويعني  هذا ان الذين سرقوا العراق لايمسهم القانون بسوء
---------------------------------------------------
27 / آب / 2017
ســــــــــــــــــتوكهولم






169
كنت في بغداد
الحلقة الأولى
ميسون نعيم الرومي
 
الساعة تشير الى ما بعد الثالثة صباحا .. وها هي الطائرة تحوم منخفضة
لتلامس ارض بغداد النائمة في أحضان الليل ، إلا من أضوية متناثرة هنا وهناك ، كأذرع مفتوحة تتطاول لاحتضان أبنائها العائدين بعد فراق طويل ، لتعيد الهدوء والحب الى نفوسهم المتعطشة الى حنانها ودفئ احضانها .
ايقظني من احلامي صوت يعلن بدء الهبوط على ارض مطار بغداد الدولي ، سرت رعشة في دمي مع ارتطام عجلات الطائرة بالأرض ..
وقت قصير، واراني في صالة تشير الى ضابط التأشيرات ، والذي من خلال ختمه لجواز السفر أدخل بغداد .
انقسم الركاب العائدون الى طوابير حسب انتماءاتهم كعراقيين او أجانب ، نظرت الى جوازي السويدي حائرة ..! ترى مع من أنا .. وأين أذهب ؟
 همس لي الجواز، ان اذهب معه الى قسم ( الفيز) الخاص بالأجانب ، احسست بانكسار وضياع
 جفَّ فمي .... سحابة دمع حجبت الرؤيا في عيني ، غريبة لأكثر من ثلاثة عقود في بلد فشلت محاولاته انتزاعي من غربتي واشواقي .. لأعود غريبة في وطني..
ترى أصحيح .. اني أقف في طابور الأجانب بانتظار ضابط ( الفيز) للحصول على سمة الدخول الى حبيبتي بغداد...
 انتزعتني من افكاري المتضاربة دمعة ساخنة ، سالت وسقطت على جواز سفري .. تحكي معاناة أحلام تائهة في زحمة السنين .
 
ها أنا الآن في الصالة الخارجية أدير عيني بين الوجوه المنتشرة هنا وهناك ، (آسيويون) يسحبون عربات لنقل الأمتعة يعرضون المساعدة ، وهنا احد الأشخاص العراقيين يتقدم لعرض مساعدة تبدو إنسانية (حمد الله على السلامة أتريدون تكسي هذا شخص سوف يوصلكم بثمانين ألف) اعتقدنا انها التكسيات التي اخبرونا بأنها موجودة في المطار لنقل المسافرين ، سحبنا حقائبنا وتبعناه أنا وصديقتي فرحتين والساعة تقارب الخامسة صباحا ..
 
كانت السيارة متعبة هدتها السنين تمشي متعثرة وكأن بها سقام وصوت (الماطور) يصرخ مرعوبا
وكأن  شياطين الأرض تلاحقه ( وابكل عثرة انصيح يا علي) لتسترد عافيتها وتستقيم.
خطوات عن المطار بدأت قطرات المطر تضرب الزجاجة الأمامية تاركة نجوما ترابية تهديها السماء مع حبات المطر الى اهل العراق وضيوفهم !
فجأة فاحت رائحة حريق في السيارة ( يمعود اوگف السيارة تحترگ ) ضحك السائق وقال (خواتي امنين جايين .. لتخافون ماكو شي) ـغلقت شباك السيارة ، احسست بالإختناق ، (معاناة من عاش برد السويد)  أخيرا فتحت الشباك وتكممت بشال كنت متلفعة به من برد ستوكهولم
وهكذا ( مرة اتكمم الى حد الاختناق وأخرى اتحمل ريحة الديزل المحروق ) وصلنا منطقة راغبه خاتون ( بالشافعات ) والساعة كانت حوالي السادسة صباحا حيث بيت صديقتي المضيفة.
 
وجدت راغبة خاتون منطقة شعبية جميلة ... أطفال يركضون هنا وهناك في (درابين ضيقة ) اخذتني الى زمن جميل حيث محلة الكريمات ، وها أنا اصحو على تغريدة ساحرة ( ككوكتي وين انت ) كم اشتقت لهذه الترنيمة التي بقيت تئن في شراييني ، عصافير صغيرة تقفز فرحة بالماء الذي غطى بعض الحفر الصغيرة.. سعادة في داخلي افتقدتها لعقود ، (ما احلى الرجوع اليه) رددت بفرحة حبيب عائد بعد غياب طويل .
لم استطع المكوث في راغبة خاتون طويلا فأنا كرخية الهوى والمزاج  فكيف لي الا ان ادور في شوارع الكرخ وحاراتها واسواقها وانا قاب قوسين أو أدنى منها .. لملمت اشواقي وهرعت الى أحضان الكرخ الدافئة... راحة نفسيـّة ، مشاعر افتقدتها طويلا عادت تداعب روحي المتعطشة الى لقياها ، كل شيء فيها يسحرني ينعشني..
 
الهدوء النفسي الذي افتقدته لسنين وسنين عاد لي فأضاء الفرحة في قلبي الحزين.
 
جميلة حبيبتي بغداد بالرغم من شوارعك المهملة والحواجز اكونكريتية التي فرض وجودها الأوغاد ورغم الإهمال المتعمد ... لقد عفى الزمن على بناياتك .. شوارعك.. بيوتك.. كل مرفق وكل شبر فيك حبيبتي يشكو الإهمال والخذلان والغبن واللامبالاة .
------------------------------------------------------------------------------
ستوكهولم /  2017 
 

170
ويـن الوَعـَـد
ميسون نعيم الرومي
 
يـومـيـّه اسـبـوع اوبـاچـر – (لنـّـتـَه ابـذاكـر لنـّـتـَه ابـناكـر)-
تـوعـد وابـوعـدك شـاطـر – تـزبگ يـمعـوَّد ماهـر
أبوعـَـده اويـوفي الحـر
مليـت اومـَـگـدَر أصبـر
مابـيـّه أسـكـت وانـطـر
انـطر واتـنـَـطـّر صابـر – وانـتـَه اولاچـَـنـَّـك ذاكـر
يـومـيـّه اسـبـوع اوبـاچـر
لنـّـتـَه ابـذاكـر لنـّـتـَه ابـناكـر
***
راحـَت شـتـويـه ! جانـَه الصيـف – وعدك ردته .. مثل السيف
اتـأجـل وَعـدك مو بالكـيـف – ماتـتـأمن والله حـيـف !
تـتـأخر زايـد عَ الحـَـد
عـَـدينه اوضيعنه العـد
نـتـْـنـَطـَّر يـومـيه الرد
مـَليـنـَه امعـَوّد باچـر ! – كل يـوم اونسمع باچـر
لنـّـتـَه ابـذاكـر لنـّـتـَه ابـناكـر
***
يـوميـّه اتأجـل يـفـلان – چـَـنـَّـك ضيعـت العنوان
اشكال اعـذار اوألوان – مسمعنه حچيي الجيران...
تخـلص ليام اومـَـتـدوم
حچيي  الگلته ما مفهوم ؟
كـل يوم اوباچر واليوم
ما نگـدَر نـسـكـت كافي – والطبع البـيـنـَه ثـائـر
لنـّـتـَه ابـذاكـر لنـّـتـَه ابـناكـر
تـوعـد وابـوعـدك كافـر
يـومـيـّه اسـبـوع اوبـاچـر
----------------------------------------------------
ســــــــــــتوكهولم
آب / 2017
 


171


بنات ابـلادي


شعر غنائي
ميسون نعيم الرومي

 
يالصوتچ اشجار اوبستان
واعيونچ نرجس حلمان
والگمر ابوجناتچ خجلان
يتوسد ورد اوريحان
لو گبلت .. لهبة بركان
ضحكاتچ نغمات الخلجان
وابشعرچ مضفوره الألوان
والشمس الشبگت لجفان
تتغنه قصيد اوأوزان
اغزيله امضمره اوبريه
قداح اوجوري البغدادية
والناس ابحسنچ مسبيه
يالبغدادية
***
كحله امن العين ايلمون
واعيونچ رطب اوزيتون
محله الديرم .. والزلف المجنون
ابحسنچ اشعار اينظمون
الليلو امن الشفه ايلظمون
خلخالچ ناي اوقانون
يالصوبچ تتلفت لعيون
بالنجمه الخمريه ايحلفون
امن الهور ابنيه اعمارتليه
والنونه .. شذره اومضويه
يالحسنچ نخله ابگمريه
فختايه احميمه اعمارتليه
الحلوه .. اعمارتليه
***
اطيور الجنه ابنات ابلادي
محله السهل اومحله الوادي
 
والنخل ابسده الليمون
يادجله اوموجه الهادي
والتين ايغازل نبگه
ابغنواته البلبل شادي
يالعشگ الأزلي الولهان
اشور اوسومر أجدادي
رمـّان امـفـَلـَّع شـِـفـْـتـَه
كظماوي امعظماوي اوكرادي
لصواني بچفوف الحلوه
والشط اشموعه اتلالي
ارصافه اوكرخه المتخاوي
امن اطيور الجنه .. ابنات ابلادي
بنات ابلادي
----------------------------------------
تـموز / 2017
ســــــــــتوكهولم









172
كلمة في الذكرى التاسعة والخمسون لثورة تموز
ميسون نعيم الرومي
تمر  اليوم  ذكرى ثورة تموز ، التي استقبلها الفقراء ، وهلل لها المحرومون
في فترة الفاقة والعوز ، المتفشية في وطن عشعش فيه الإستعمار
 والنظام الشبه الأقطاعي الذي يستغل الفلاحين ويسقيهم المذلة والهوان والجوع والحرمان
والفقر الذي يرفرف بطيفه الثقيل على الشعب المسكين بشكل عام
استقبل الشعب ثورة تموز بفرحة الخلاص ، والحلم بحياة حرة كريمة تذَوَّق إنجازاتها
ومنها :- (الإنسحاب من الأحلاف العسكرية ، إلغاء العلاقات الإقطاعية ، إلغاء قانون حكم العشائر
إصدار قانون الإصلاح الزراعي وإلغاء الإقطاع ، تشريع قانون الأحوال الشخصية ، الذي أعاد الإعتبار للمرأة العراقية التي كانت مسحوقة في جميع الأزمنة ، وأقر القانون مساواتها بالرجل في الميراث ، وشهادتها في المحاكم تعادل شهادة الرجل ، كذلك في تعدد الزوجات لصالح المرأة وبذلك أعادت الثورة للمرأة اعتبارها كإنسانة لها كرامتها ، نشر التعليم ، تحرير النقد العراقي من الكتلة الإستريلينية ، إلغاء الإمتيازات البترولية ، توزيع الأراضي والبيوت على الفقراء) وغيرها الكثير.
فرحة قصيرة وتلقفت ثورة الشعب ، الدول المهيمنه خالقة الأيادي المأجورة ،
فتلاشت احلام شعب موؤدة منذ ولادتها ، في وطن هده الحرمان واضناه البؤس والشقاء.
كان القائد عسكريا ، وسياسيا مستجدا قليل الحيلة والتجربة ، يتخبط في متاهات غير مدروسة ، سرعان ما انحرف عن المسار الصحيح ، ليبعد أنصاره عن المواقع الحساسة ويبقى لقمة سائغة لأعدائه المهيئين لافتراسه ، وبين حيرة مؤيديه المغلوبين على أمرهم .. وقياداتهم التي تخلت عن الجمل بما حمل..
والنتيجة  ضاع الوطن وانتحرت بذرة الحرية والديمقراطية وطحنت ايادي المجرمين
خيرة شبيبة العراق .
ومنذ ذلك الوقت بدأ ترويض الشعب العراقي الحي تدريجيا ، وبطرق مدروسة لئيمة ليصبح مطيعا خائفا مرعوبا ، فسار العراق بخطى حثيثة الى هذا الزمن اللعين
هذا الزمن الذي يعشعش بين اعطافه اليأس والخيبة والضياع المعفر برائحة الدم
 والموشح بطعم الموت والدمار
ليتصدر المبادرة كرسي سلطة مشؤوم يحضن جلاسه الأميين يبهرهم ويوشوش بالخراب والدمار
 والشعب متعب منهوك مهزوز اضنته الويلات والمحن يربي ويحضن اجيالا متعاقبة هدتها الحروب العبثية والحزن الأزلي والقهر والبؤس فاعتاد الطاعة والخذلان ولملمة أشلاء اعزاء واحباب ، سلوته اللطم والبكاء والعويل والسير في مواكب الأحزان لتفريغ الغضب واللالآم
ترى هل سوف يخرج وطننا وشعبنا العزيز من هذه الحلقة المفرغة ...
متى وكيف ؟
-------------------------------------------------------------------------------------
 14 / تموز / 2017
ســــــــــــتوكهولم
 






173
عـلى المـوصل سـَـلام
ميسون نعيم الرومي
 
سـلام الله عـلى الموصل سـَـلام
حـاطـَـت اربـوعـچ لـِئام
 
ابـدمعي اكـتب وارد اهـني
شـرد اگـولن .. يا كـَـلام ؟
 
نـَجـمـَه ضـَوَّت بالأمـان
اهـلچ اسـباع اوكـِـرام
 
مـوصل الحـُرَّه الأبـيـّه
غسـلت ابدمهه السـخام
 
ليلو مـَـنـثـور ابأرضهه
انـرصفـَـت اربوعچ رخام
 
دجـلـَه وابأرضج يـغـَنـّي
مايـچ اليـشـفي سـِـقـام
 
*(زرياب) و(اسحاق) اوعـزف ناي
*غـَـنـَّه (عـثـمان) المـقـام
 
*(اخـوان البـشير) اووتـَـر عـود
إلهـم انـقـَـدّم وســــــام
 
لديان شـركـَه بالوطن كـلـَّـه
قـوميات .. كلهه عـِظام
 
إحـنـَه اخـوه اوبـيـچ نحلف
قـَـس اوراهـب وَي إمام
 
بـاع أرضچ بالمـَـزاد
مـُـدَّعي الديـن الهـُـمام
 
موصل الحـَيـفه العزيزه
صارت انـقاظ اوحـِطام
 
هـَـدّوا ابـطال الجنـوب
نـِـثـروْ ابأرضچ وئام
 
انـخـلطـَت ابـگاعـچ دماء
طردوْ اولاد الظـَـلام
 
موصل الحدباء خـَضّـرَه
يـعجـَـز ابـوصفچ كـَلام
 
ابحضن گاع الوطن ردَّت
رَفـرَف اليـوم الحـَـمام
 
ثـورَن ابـنـيـات ثـورَن ...
حـِـرْگـَـن اليـوم اللثـام
 
انضـَـمـّد اجـراح الثـكالى
نصراني صبـّي ازيدي والاسلام
 
ايـد بـيـد انعـَـلـّي نـبـني
انـقاضي كـل ذوله النعام
 
نگطه طاحت من گصصهم
وَرْمـَوْ او صاروْ سـِـقام
 
انـرَجـّع افـلوس الخذوهه
اعـراقـنـَه ايـصيـرالأمام
 
افلوسك (انـِشـّـلت) خفـوهه
خبزك الحاف ابـلا ايدام
 
كافي ضيم اوحرب كافي..!!
انـبادت اجـيال ابخـِصام
 
ياشـَـعـَـبـْـنـَه انـذبح نصَّه
اگبـور حـِصْتـَه والايـتام
 
عَ القـَـتـِل كـلمـَن يـحـَرّض
(داعـشي) وابـن الحـَـرام
 
سـلام الله عـلى الموصل سـَـلام
سـلام الله عـلى اعراقي سـَـلام
--------------------------------------------
* زرياب (789 - 857) (173 - 243 هـ)[1]. هو أبو الحسن علي بن نافع، موسيقي ومطرب عذب الصوت من بلاد الرافدين من العصر العباسي (عاصر الخليفة العباسي هارون الرَّشيد). كانت له إسهامات كبيرة و عديدة وبارزة في الموسيقى العربية والشرقية. لُقِّب بـزرياب لعذوبة صوته ولون بشرته القاتم الداكن ، وهو اسم طائر أسود اللون عذب الصوت يعرف [بالشحرور].عبقري الموسيقى متعدد المواهب "زرياب" ، ومبتكر فن الذوق العام والذى يسمى اليوم بـ “الإتيكيت”، والذى مثل حلقة وصل هامة فى نقط مظاهر الحضارة الاسلامية والشرقية إلى الاندلس ومنها إلى أوربا والعالم أجمع , رجل ظلمه التاريخ الإسلامي ليهتم به التاريخ الغربي أكثر ويستفيد من تجربته وآثاره وما قدّمه للعالم أجمع(الموسوعة الحرة)
 
الملا عثمان الموصلي (1271 - 1341 هـ/ 1854 - 1923 م) هو قارئ وشاعر وعالم بفنون الموسيقى.
--------------------
*(اخـوان البـشير):- الموصل التي انجبت الموسيقار : منير بشير وجميل بشيرصاحبي مدرسة متفردة في تطوير أسلوب التقسيم التقليدي إلى سياحة آفاقية من الارتجالات الحرة المؤسسة على الانتقالات المقامية العربية، بعيداً عن التطريب المفتعل
---------------------------------------------------------------------------------------------------
10 / تموز / 2017
ســــــــــــــــتوكهولم











174
أدب / قـَـتـَـلوك يا (كـرّار)-
« في: 16:42 05/07/2017  »


قـَـتـَـلوك يا (كـرّار)-
قتلوك ياكرار
ذبحوك فداء للحرية
*(كرار)..
دمك موشوم في الشارع
مسفوح على الطرقات
كأوراق الخريف المنسية
وعيونك تنظر الى السماء
في وطن تخلت عنه السماء
المسرح يناديك ياكرار
بغداد موجوعة
وامك مفجوعة
اغتالوك يا كرار
اغتالوا الفن
وقتلوا الشبيبة
القتل في وطني هواية
عنوان قصيدة ورواية
كل شيء في وطني مباح
المتعة والمسيار
المفاخذة والتحليل
المباركة والمطيار
انت ياكرار سبب البلاء
وسرقة الأعضاء
والحروب ..
وملايين الأرامل والشهداء
سروالك الأخضر شعرك الذهبي
وقميصك الأصفر
سبب الأزمات الإقتصادية
والحروب العبثية
وهدر دم الطفولة
ويتم ملايين الأطفال
ومذابح سبايكر
وضياع الرجال
وتشريد الآف العوائل..
لتنام على الطرقات
وسرقة حتى المساعدات
وانت .. أنت سبب التفجيرات
واللحم المنثور
وازدحام الشواهد والقبور
كرار ما أدراكم من كرار
باع النفط في السواحل
ابرم الصفقات الوهمية
وباع شط العرب والميناء الوحيد
في الوطن السعيد..
نعم كرار .. يا كرار
باع الموصل للأوغاد
كرار سبب الفساد
والأمية..
والخدمات الملغية
واحتباس الدرجات الحرارية
والإستثمارات الوهمية
وكاشفات الأسلحة الصورية
واستيراد البضاعة الفاسدة
واهداء العراق للجارة المعنية
كرار نوشي .. ياكرار
يامن شرع الدستور المعطوب
في وطني المسلوب
صاغ الثغرات
ووقع على الرواتب الفلكية
للساسة الجوعية
انت يا نوشي سبب المصائب
وعنوان البلية
ومن زَوَّر الإنتخابات
ووزع سندات الأرض المزورة الملكية
باع الإحتياطي .. والعملة الذهبية
ابتدع غسيل الأموال
لصالح حزب الحرامية
وانشطار البنوگ الأهلية
وتهريب اموال الميزانيه
ونهب احتياطي العملة العراقية..
ليعاني من الأزمات المالية
ذبحوك ياكرار
لا بل ذبحواالحرية الشخصية
أمس هدروا دم المتظاهرين
خطفوا غيبوااغتالوا
شردوا حطموا دمروا فجروا
وضعوا حجر أساس
الدكتاتورية
اين رئيس الجمهورية
اين (العبادي)
اين الإستنكار
اين حماية الوطن والمواطن
اين الحقوق الإنسانية
اين الحريه والديمقراطية
اين الشعب
اين الإحتجاجات
ماتت بموتك
ياكرار
القضية ..
-------------------------------------
شفق نيوز/ عثرت شرطة العاصمة العراقية بغداد، الاثنين، على جثة طالب في معهد الفنون الجميلة
وممثل مسرحي يدعى كرار نوشي، كان اختطف قبل يومين، بحسب ما أكدته أسرة القتيل لوسائل إعلام محلية.
ووفقا لمصادر أمنية عراقية فإن الجثة التي بدت عليها آثار طعنات بسكاكين
وتعذيب بطريقة وحشية، كانت ملقاة في إحدى الساحات بشارع فلسطين (شرقي العاصمة).
ولم تعلن بعد الجهة التي تقف وراء اختطاف نوشي ومقتله أو تتضح دوافع قتله،
لكن الشاب كان يتعرض على صفحته بفيسبوك لتعليقات تحرض على كراهيته
لولعه بالأزياء وآخر صيحاتها، واختياره لقصات الشعر
--------------------------------------------
4 / تموز / 2017
ســـــــــــــــــــــتوكهولم
 







175
اهديها الى الأصدقاء الذين يلومونني
على شعري الحزين
مع  ودي لكم


تسبح بعيوني اوتـِـبـْحِـر
ميسون نعيم الرومي
 
اكـتـِـبـْـلك اشـعـار اوأنـثـِـر
عَ الغـيـم اوعَ الگمـَر الأخضر...
ابـياقـوت الجـوري الأحـَـمر...
والشـَـمس الصارت دَفـتـَـر
يالتـسبـَح بـعـيـوني اوتـِبـْحـِر
***
اهـديـلك وَرد اوريـحـان
والمطر احـروف اوأوزان
تـِـتـقـَـفـَّه ابـحلام الشـطآن
يالزلفـَـك ليـلو اومرجان
والبحر التايه عـَطـشــان
يالنايـم  بـيـن الأجـفـان
يابـَـعـد الروح الأســمـَر
يالعـِـطرك وَرد اوعـَنـبـر
يالتسبـَح بـعـيـوني اوتـِبْحـِر
***
تـَرْچـيتك ضوت بالليـل
بالنـَغـَم اتـرَتــّـل تـرتيل
قـدّاح انـثرلك والهـيـل
اكتبلك موال اويا ليل
واسـنينـَك هـَدَّت بالحيل
برحيـَّه اوماخذهه السيل
امشي اوأتچبچب واتعثــَّر
امحيرني ابحبه الأشگر
يابـَـعـد الروح الأســمـَر
يالتسبـَح بعـيـوني اوتـِبـْحـِر
---------------------------
1 / تموز / 2017
ســــــــــــتوكهولم
 







176
طاحـَت (الحـَـدْبـَه)-
ميسون نعيم الرومي
 
*(جامع النوري) انهدم هالطاحت (الحـَدْبـَه)-
يادَم الشــهـيـد الدفـَگ بـي رَهـْـبـَـه
 
*(تسع ميات العمر) والمأذنه اتبوس الغيم
يـبـراله السـمـَه بـنجـومـَه وابـشـهبـَه
 
*(نبي يونس) بچه هاليوم يطلب ثار
يادمع النبي والدمع بي لهـبـَه
 
*(ثور المجنح) و(البوذه ) طلبت عون
طحنوهه طحن وانكسرت الرگبه
 
موصلنه العزيزه اتصيح وا ويلاه
انهجمت أرضهه انباعت ابرطبه
 
*والبايع تره معروف (بالخضرَه)-
بالشعب اولعب .. وانكشفت اللعبه
 
فرهد بالوطن هالباع خو نصـَّـه
لفلوس امنضده بايران واورپـَّـه
 
باعـوه الوطن ياوسفه بالتفصيخ
بالسـر والعلن (متستر ابجـُبـَّه)-
 
يا أرض النبايه الجرت بيهه ادموم
اعليچ الزمان ايطوف اوإله كعـّـبـَه
 
خربوهه الصناعه او حرثوْ الزرعات
لانـَخـل الثمر لاتـيـن لاعـِـنـّـبـَـه
 
صرنه مهزله والتحكم الجيـران
والشعب السكت لانـفـَس .. لاوثبه
 
من حرب الحرب وادموم تجري انهار
والخان الوطن ما رَفّ إله هـِدبـَه
 
*أم (عباس) تلعي اوتسأل (سبايكر)-
على الباع الشباب وقـبـض ذهبه
 
*(لعبادي) نسأله اونسأل (المحمود)-
لحساب اشوكت للبايع ابشـَـعـْبـَه ؟
 
چا يمته الحساب اويمته تصحه الناس
واعراق انـربـَـد هاليشتكي الربـَّه
 
بسك ياقلم هاكـثـر تحمل ضيم!
اكسر نبلتك واتـوسـَّـد الخربه
---------------------------------------
*الجامع النوري :- من مساجد العراق التأريخية ويقع في الساحل الأيمن (الغربي) للموصل
بناه نور الدين زنكي في القرن السادس الهجري أي أن عمره يناهز التسعة قرون
يشتهر الجامع بمنارتهِ المحدَّبة نحو الشرق، وهي الجزء الوحيد المتبقي في مكانه من البناء الأصلي.
 عادة ما تقرن كلمة الحدباء مع الموصل وتعد المنارة أحد أبرز الآثار التاريخية في المدينة.
والذي فجرتها عصابات داعش في21/6/2017
--------------------------------------------------------------
*(نبي يونس) :-جامع النبي يونس شرقي الموصل, أبرز المعالم الأثرية والدينية بمدينة الموصل شمالي العراق
والتي قامت عصابات داعش بهدم وتفجير الجامع في تاريخ 24 تموز/يوليو 2014
-------------------
*عناصر داعش قامت بالاعتداء على المتحف الوطني في الموصل سنة 2015 التي طالت عدد من التماثيل التاريخية والنادرة بإستخدام الأدوات اليدوية والكهربائية. ومن بينها تمثال بوذا النادر والوحيد من نوعه إضافة الى بعض القبور والأضرحة. كما دمّروا التمثال الآشوري الكبير الذي يعتبر من أقدم الآثار ويعود تاريخه الى القرن 19 ق.م، وقاموا بتحطيم الثور المجنح الخاص في بوابة نركال.
------------------------------------
*الخضره :- المنطقة الخضراء
----------------------------------------
*أم (عباس) :- والدة شاب من مئات الشباب الذين اختفوا في معسكر سبايكر
بعد تجنيدهم لمحاربة عصابات داعش في حزيران/2014
والتي لم يفتح ملفها من قبل الحكومة والقضاء لحد الآن(ويقال ان عدد الشباب حوالي 2700مغدور)-
---------------------------------
*حيدر العبادي:-  رئيس مجلس الوزراء القائد العام للقوات المسلحة العراقية
المحمود:- المخضرم مدحت المحمود رئيس القضاء الأعلى في العراق
--------------------------------------------------------------------------------------------------------
حزيران / 2017
ســــــــــــــــــــــــتوكهولم





177
ابيات من شعر الدارمي
 مستوحى من أشعار الإمام الشافعي

ميسون نعيم الرومي
 
لاتـأسـَـف عـلى الچـَّـذاب .. والـمـالـَـه تـالي
دومـَـك تـظـل خـَـسـْـران .. والـعـمـر خـالـي
***
لاتـلـْـتـفـت لـلـخـان .. وامـشـي ابـطـَـريـقـَـك
تـلـْگـَـه چـثـيـرَه اصـحـاب .. بـيـهـم حـَـبـيـبـَـك
***
تـعـرف حـِـبـَّـيبك زيـن .. مـن رَمـْـشـَـة الـعـيـن
مـو بـالـحـَـچـي والـگول .. والـدَمـْـعـَـه بـالـطـيـن
***
الـدنـيـه بـيـهـَـه اهـواي .. صادگ وِچـَـذّاب
مـَـرض الـچـذب مـَـيـطـيـب .. مـايـنـفـَـع اعـتـاب
***
روحـَـك أمانـَه دوم .. لاتـنـْطي بـيـهـَــــه
تـِـنـْدَم تـعـيـش ابـضيـج .. واتـعـم عـَـليهـَه
***
لاتـامـن الـخـَـوّان .. لوحـلـَـف إيـمـان
كـلـْـمـا تـديـر اگـفـاك .. يـتـبـَـدَل الـوان
***
لو نـَـذل سـَـبـَّـك يـوم .. امـشـي وعـوفـَه
لاتـلـتـِـفـت ليـغـــاد .. مايـسـوَه لـوفـَـه
***
إحـذَر جـلـِـد كـل يـوم .. يـتـلـَوَّن ابـلون
بالحـَسـرَة تـبـْـقـَه اتـعـيـش .. مايـنفـَع العـون
***
إبـعـِـد عن الـبـَـذّات .. مايـحـْـفـِظ اعـهـود
ابـرخص الثـَمن وايـبـيع .. ماتـنـفـَع اوعود
***
يالتـوعـظ امن الشيـن .. وانـتـَه اغـرَگـِت بـيه
شـيـبـَـك إله حـوبات .. وانـتَ التـِزكـيـه
***
تـِـنـشـرغـَـسـيـل الناس .. اسـود غـَسيـلـَك
امصايـب تجي كـل يوم .. يـوم اوتـجـيـلـَك
***
كـلمـَن يـجـيه فـَـد يـوم .. يـتـوَسـَّـد الگـاع
اعـمالـَك التـشـفـَع ليـك .. واتخـَـلصك ابـساع
-----------------------------------------------------
حزيران / 2017
ســــــــــتوكهولم
 







178


الكـَـرخـَه اوكـارون



مسون نعيم الرومي
 
بالطـول جـرّوْ بالعـرض
بـغـــداد مـَرْبـودَه رَبـد
 
كل يـوم تـفجيـر ابـكـتـر
ممرود ياشـَعـبي مـَـرد
 
كـَرّاده تـبچي التحـقـيق
نايـم او أبـداً ما گـعـَـد
 
انـواع أشـكال النـَهـِب
والسـيـد الحزبه عـَـبـِـد
 
ماكـو شـغـل لا خــدمات
جـونـَه لـِفـو مـن البـِعـِـد
 
لعـْراق يـمشــي ليـوَرَه
*إيـران كـَوْشـَـت عَ البـَـلـَد
 
*حـَوْلـَوْ (الكـَرْخـَه اوكارون)-
والنـَـفـِط الهـم .. چا شـرد
 
ابـشـَـط العـَـرَب رَسـْم احدود
*امـن اعـراقـنـَه رادَوْ بـَعـَـد
 
ايـران هـيـَّه اوتـركـيا
كـلمن بـنالـَه فـَـدّ (سـَـدّ)-
 
ابـشـَـط العـَرَب شـَح الماي
والبـَصّرَه تـنحـَب من بـِعـِدْ
 
ساكت شـَـعـَبـنـَه چـَم دوب
سـودَه على هـذا الوَعـَـد
 
تـِتـْـقـاسـَـمـَه كـل الدوَل
الماعـِـنـدَه والي يا سـَـعـَد
 
أسـأل او أنـشـِـد هاليـوم
إلمـَن العـِـدَّه والعـَـدَد ؟
 
نـِشـعـِل الحـَرمـَـل وابـخور
وانـطش عـلى (الخضره) وَرد
 
كـلمـَن اوكـَـرْشـَـه مـَـتـريـن
خايـف عـَـليه امن الحـَسـَـد
 
امـبارك عـَـليـنـَه ياشعب
ياهـو اليجي صايـر أسـَـد
 
نـايـم اوتـشـخـر ليـويــــن
نـوم العـوافي بالمـَهـَـــد
نـوم العـوافي بالمـَهـَـــد
----------------------------------------
*وصل حجم التبادل التجارى بين ايران والعراق لأكثر من عشرة مليارات دولار هذا العام
---------------------------
*ايران اقدمت على قطع المياه عن اكثر من 45 رافدا وجدولا موسميا
كانت تغذي الانهر والاهوار في العراق اهمها نهر الكرخة والكارون
-----------
*أن هناك اتفاقًا بين العراق وايران على ترسيم الحدود وهناك وجود إشكالية وحيدة تواجه عمل اللجنة
المشتركة هى ترسيم الحدود فى منطقة شط العرب وأن الجانبين يجريان مباحثات لحل هذه الإشكالية؟؟
----------------------------------------------------------------------------
حزيران / 2017
ســـــــــــــتوكهولم










179
المنبر الحر / كتاب قرأته
« في: 18:04 05/06/2017  »
كتاب قرأته محمد زاير( اول طبيب عراقي في السويد)
الدكتور الأديب المتميز محمد زاير المحترم
تحية ملؤها الإعجاب والتقدير
ابارك لك صدور كتابكم الجديد الذي بين يدي  الآن بما خطت أناملكم الذهبية
من حلو الوصف وروعة السبك لذكريات قديمة جديدة باسلوب سلس لقلم ماهر وروح طيبة وظل خفيف وتفاؤل يدخل اشراقة الى القلب وفرح الى الروح والوجدان
اعجبني تسلسل الأحداث بحلوها ومرها وما تحتويه بين سطورها من انتقاد بناء وأسلوب مشوق لمعرفة حياة مثقف عراقي غادر وطنه وترك قلبه مع دموع ام  خائفة على وليدها الذي انتزع من أحضانها وحسرة قلب أب خائف ان لا تتكحل عينه مرة أخرى برؤية سنده وفرحة عمره.
كما تمتعت كثيرا بالمفاراقات المختلفة التي واجهها شاب عراقي مزهوا بشهادته كطبيب عراقي في ذلك  الوقت ولا ننسى انها سنة 1959 ، وكيف وجد نفسه وحيدا في بلد غريب ولغة جديدة لم يألفها وعادات وتقاليد وقوانين مختلفة والخ من المحن والمفارقات التي تسلسل في سردها أديبنا الرائع الدكتور محمد زاير بأسلوب جميل جدي أحيانا وساخرا مرة وحائرا مرة اخرى ، كما استهوتني الصور الجميلة المرفقة في الكتاب وهي لوحدها تاريخ كامل .. سياسي واجتماعي وثقافي
كما ان أديبنا زاير لم يفوته العروج على وطنه الذي بقي مشرقا في أعماق ذاته متطرقا الى ما وصل اليه حاله المزري ، بموضوعية وحيادية وطريقة ديمقراطية رائعة
اني انصح من يعرف اللغة السويدية ان يقرأ هذا الكتاب الجميل والذي كتب بلغة ممتعة سلسة واضحة للجميع
لقد تمتعت جدا بهذا الكتاب كما كتابه السابق والذي كتب باللغة العربية
اهنئ الدكتور المتألق محمد زاير واشكره على كتابه هذا الذي يوضح لقراء اللغة السويدية ان العراق لازال بخير ومنه طليعة مثقفة رائعة منها اديبنا الرائع
مع كل الشكر والإحترام
ميسون نعيم الرومي


180
اشـكـول اشـكول
ميسون نعيم الرومي
 
اشـكـول اشـكول اتـصول اتـجول
 
اتـبـوگ اوتـنـْـهـَـب .. هـَـمـْـهـَـه الأوّل
اسـنـيـن اومـَـرَّت .. حـال اوطـَـوَّل
قــانـون اعـرَج
مـامـش مـَـخـرَج
راوح راوح .. يـس اويـم
نـواب اومـَـجـلـسـهـم دَمّ
دم الشعب الماينلم
كـلـهـَـه اتـطـَـمـطـم
كـلـْـهـَـه اتـلـَـمـلـم
مـنـهـو الـيـقـرَه .. مـنـهـو الـيـسـأل
إعـفـاء اوإلـهـم .. رادَو يـشـمـل
عـلى هـالـرَنـَّـه
اشـبـَـعـْـنـَـه الـوَنـَّـه
نـوّاب اوأشـكـال الـوان
دَلـّلالـَـه اوتـخـبـز رغـفـان
فـَـرْهـد فـرْهـد
اخـمـط واشـرد
ارجـال .. اوهـم بيـهـم نـسـوان
أم روبـَـه اوعـدْهـَـه العـنـوان
كـلـْـهـَـه اوتـسـرق
اسـتـَـدعـي اوحـَـقـّـق
اوزارَه اورَيـسـهـم مـَـعـصوم
مـادامـَـت إلـهـم .. مـَـتـدوم !
يـوم اوگـَـرَّب
مـامـش مـَـهـْـرَب
دولاب الـدنـيـه .. اتـدور اتـدور
اسـنـيـن اوراحـَـت .. دنيه اتدور
شـَـعـب الـيـنـطـر
افـلاس اويـشـهـر
سـاكـت راضي .. مـَـدْري اشـجـالـَـه
بـاگـَـوْ رزقـَـه .. قـوت اعـيـالـَـه
يـمـْـتـَـه اويـصـْـحـَـه ؟
يـعـْـرف صبـحـَـه
شـعب الغافي .. اصحـَـه اوإعـلم
سـد الموصل .. ماضن يـسـْـلـَم
لازم وليه
ايغرگ الدنيـّه
احـزاب اهـوايـه .. كـلـْـهـَـه الـمـامـَـه
مـنـهـَـه اربـاط .. اومـنـْـهـَـه اعـمـامـَـه
ايـبـوگ ايـفـَـرْهـد
افـلـوس اويـعـبـد
واحـد يـرْفـَـع .. واحـد يـكـبـس
يـوم اگـرَيـّـب .. الـهـم نـكـنـس
شـَـعـب اويـنـهـَـض
 الهم يـرفـض
فـَـرَج اونـنـطـر .. نـاكـل نـشـرَب
شـَـعـب ايـحـاسـب .. ويـن الـمـَـهـرَب؟
ويـن الـمـَـهـرَب؟
-------------------------------------------------
1 / حزيران / 2017
ســــــــتوكهولم






181
فالتحيا البنت السوريه
ميسون نعيم الرومي
 
ماريا اويا ماريا
البنت الحلوه الحـَـلـَـبـيـه
اعيونه سوده تسبي اوساع
ورده اخـدوده جوريه
شعره اسود مثل الليل
امطرز نجم اوگمريه
لحظه يسحر يرمي اسهام
صوبت گلبي لبنيه
ماريا اويا ماريا
***
 -(ريما) الإسمه شاميه
دلوعه اغزيله البريه
ياسمين اوليلك عطره ايفوح
-(بردى) اعليهه هالمذبوح
نجمه اوتلمع يغزي العين
اتأبريني يبنيه السوريه
تفاحة احليوه الجبليه
مسك اوعنبر يالخمريه
-(سعوده) احروفه المضويه
-(ريما) الحلوه الشاميه
***
- (شيرينه) البنت االحسكيه
اطويره اوتتهاده القامشليه
مظفور ابشعره القداح
زعتر منه هالفواح
نسغ الگاع او(يالديريه)-
هيبه اوقوه البدويه
ماريا اويا ماريا
اموره اوحلوه الحلبيه
عسل اوسكر .. (ريما) الشاميه
-(شيرينه) الغندوره الحسكية
-(نوفينه) البنت الكرديه
اشعاع الشمس المضويه
فالتحيا البنت السوريه
----------------------
ســـتوكهولم
مايس / 2017




182
زاوية الشعر الشعبي / وين اهلنه ؟
« في: 21:27 24/05/2017  »
وين اهلنه ؟
ميسون نعيم الرومي
 
عـلى اجـناح الشـوگ جـيـتچ
مـن بـَـعـَـد غـيـبـَة سـنـيـن
 
غـِنـْوَه گـَلبي غـَـنـَّه بسمچ
هايـم اوكـلي حـَـنـيـن
 
ابحضن گاعـچ من ربـيـنه
نـغـْـفـَه عَ اللحـن الحـَزيـن
 
عـيـني ليـچ اودوم تـرْبي
بـيـهـَه حـَسـْرات اوونـين
 
غـَـصَّه انـتِ بالليـالي
وَشـِـم حـبـّچ عَ الجبين
 
انـتِ يحـْـبـيـبـَه فـَرَحـنـَه
والفـَرَح .. يابعد روحي .. ضنين
 
فـيـزَه دَگــَّـوْ بالجـواز
صرنـَه غـربه جيم اوسين
 
جـيـتچ آنـَه .. مالگـيـتچ !
انـشـِـد اسأل .. آنـه ويـن ؟
 
ويـن الاحباب .. ويـن اهلنه ؟
نـَخـلـَتـْـنـَه ويـن ؟
راحـت ! اوراح الياسمين..
 
ذكريات اتصيح تصرخ
والصدى ابـروحي رنين
 
اصفگت ايـدي .. اومادريت..
ابـغـربـتي غـربة سـَجـيـن
-----------------------------------------
مايس / 2017
ســــــــــتوكهولم




183
لكم اهديها مع ودي

يا سـمرَة هـَـلي
ميسون نعيم الرومي
 
هـَـبّ الهـوَه واتـمايـــل الريـحـــان
نـَـفـْحـَه امـن العـطـر للعـاشـگ الولهـان
 
*يا(عـيـطـَه) العـِـلـَت والتـَمـر مايـنـلاح
يانـَهـر العـِـشـگ وامضَيـّع الشـطآن
 
اهـديـك الگـمـَـر والشمس والألوان
وانـجـوم السـِـمـَة عـِـقـد للخـلآن
 
يـاوَرْد الربـيـع الذاب عَ الشـِـفـَّـه
ياغصن الورد متعـَـلـّي عَ الأغصان
 
يالزلفـَـك عـَـتـابـَه اوناي صوت العود
والگـِذلـَه ذهـَـب وامطـَرّزه ابـمرجان
 
يالخـَـدَّه دفـو بـيـه النـَـسـيـم ايـلوذ
يابـَحـر العـشگ للعاشگ النـشوان
 
محتاره القوافي بالحسن شنهي اتگول
متعـَـثـرَه الصور بالوصف والأوزان
 
يالعمرَك ضوَه اوشـَـمعات السنـيـن
بـَـتّ البلگـَـلب واظفـَرْتـَه الك فستان
 
زحـَـف ليك الگـلب يتهاده هالخجلان
يـحـَـنـّي بالجـدم وابـچـَـفـَّـك الريـّان
 
الِمـَّـن بالحـَرف واهـديـلـَك الأشـواق
يـغـافـلني غـَصب وايـتـيـه بالأكـوان
 
يالحـسـنـك حـِسـِـن بـغـداد والعـشار
ياسـمرَة هـَـلي يا اغـلـَه كـل عـنـوان
 
ياسـمرَة هـَـلي يا اغـلـَه كـل عـنـوان
---------------------------------------------------
*يا(عـيـطـَه):- العيطه النخلة الباسقة الطول
-----------------------------------
مايس / 2017
ســـــــــــتوكهولم









184
لـَـمـْـلـَـمـنـَـه الوجـَـع
ميسون نعيم الرومي
 
يـَـنـجـوم السـمـَـه هالجـاي اشـكـيـلچ
مـَـخـنـوگ ابـْـعـَـبـرتـي آنـَـه واتـحـَـسـَّـر
 
اسـنـيـن اوتـمـر أگـضيـهـَـه بالآهـات
ليـَـل المـاخـلص آهـاتـَـه بـَـس تـكـبـَـر
 
تـِـعـتْ بـيـنـَـه الليـالي والهـمـوم اهـمـوم
مـن بـَـلوَه المـصـيـبـَـه انـهـومـش اونـفـتـَـر
 
چـَـم جـَـرح انـجـرَح شـوف الجـروح إكـثـار
ياجـَـرح الگـَـلب بالروح هاليـحـفــر
 
صـفـَـه سـولـَـه الصـَـبـر والصـَـبـر مـَـل اوشـال
على ظـلم القـَـدَر مانـحـمـل اونـگـدَر
 
اوگـَـع عَ الگـمـَـر آنـَـه إدخـيـل والغـيـمـات
بـَـلكـَـت بالفـَـرَج فـَـد يـوم هـَـم تـمـطـر
 
لـَـمـْـلـَـمـنـَـه الوجـَـع والوجـَـع يوجع حـيـل
ياضـيـم الوَكـت بالروح هاليـنـخـر
 
نـغـرَگ بالقـَـهـَـر والقـَـهـَـر مالـَـه احـدود
ياجـَـمـر الدَهـَـر هاليـلهـَـب اويـسـعـَـر
 
ظـَـلمـَـه هالصفـَـت مابـيـهـَـه حتـى اهـلال
ماضـَـلـَّـت شـَـمـس والبـدر مانـَـوَّر
 
يـَـدمـوع اوتـلالي امـعـَـلگـات ابـْعـيـَـن
واحـزان الجـروح ابروحي تـتـبـَـسـمـَـر
 
اتـبـَـحـرَث شـَـمـلنـَـه اوما أضن يـلتـَـم
والحـلـم النحـلمَه اشـلون يـتـفـَـسـَّـر
 
عـَـلگـَـم هالجـرَعـْـنـَـه اونشرب ابهالمـر
على روس الشـَـباب المـوت مـتـجـَـبـّـر
 
گـَـبـر صار الوَطـَـن والزلم بـيـه اتموت
يادَم الرخـَـص بالگـاع يتـطـَـشـر
 
يـَـنـجـوم السـمـَـه هالجـاي اشـكـيـلچ
مـَـخـنـوگ ابـْـعـَـبـرتـي آنـَـه واتـحـَـسـَّـر
--------------------------------------------------------------
ســــــــــــــــتوكهولم
مايس / 2017
 
 
 
 

185


لاجـيـاع اولا حـُـفـاة


ميسون نعيم الرومي
 
اشـمـا يـطـول العـمـر بـيـنـَـه – يـومـنـَـه اولازم يـجـيـنـَـه
ابـسـرْعـَـه وايـعـَـدّي عـَـلـيـنـَـه – اتـعـيـش عـمـْـرَك وابـسـنـيـنـَـه
روحـَـك الـهـَـه حـَـق تـحـِـبـْـهـَـه
شـَـــرّ ابـعـْـدَه عـَـن دَربـهـَـه
إحـذَر اوحـاذر تـذلـهـَـه
عـيـش يـومـَـك بـي فـَـرَحـْـهـَـه – وابـعـد ايـّـام الـحـَـزيـنـَـه
دنـيـه دولاب اويـدور – يـومـنـَـه اولازم يـجـيـنـَـه
اشـمـا يـطـول العـمـر بـيـنـَـه
***
احـرار اجـيـنـَـه لـلـحـيـاة – احـقـوق إلـنـَـه اوواجـبـات
بـالعـَـدل عـيـشـَـة رفـاه – لاجـيـاع اولا حـفـاة
قـوَّه غـلـبـَـت والـوكـاحـَـه
قـَـسـمـَـوْ الـنـاس ابـوقـاحـَـه
كـلـمـَـن اويـشـهـر سـِـلاحـَـه
حـكـمـَـوْ ابـقـوَّة سـلاح – اسـتـَـعـْـبـدونـَـه هـالـطـغـاة
عـشـنـَـه أيـّـام الـحـَـزيـنـَـه – ليـش يـارَبـّي انـوليـنـَه ؟
مالـَه شـارَه چا بـَـچـيـنـَه..؟
***
إنـْـتَ يـاشـَـعـب الـعـِـراق – مـَـهـد چـنـْـت اوللـحـِـضارَه
اتـسـَـقــّط ابـصوت الوزارَه – ثـَـورَه إنـتَ والـشـَـرارَه
صرت تـرْضـَـه بـالـقـَـلـيـل
دنـيـتـَـك بـَـس بـيـهـَـه لـيـل
عـيـشـتـَـك عـيـشـَـة ذلـيـل
عـيـشـَـه صـَـعـْـبـَـه اشـلـون تـرْضـَـه – ذبـح وي جـوع اومـَـرارَه
  بـَـلـْـوَه يارَبـّـي ابـتـلـيـنـَـه-وَسـْـفـَـه يـعـراقـي انـولـيـنـَـه
كلشـي ضايـع مـن اديـنـَـه
من ادينه .. ؟ مـوبـديـنـه ..؟
نـوحي روحي ياحزيـنـَـه
نـوحي روحي ياحزيـنـَـه
 
 
آيار / 2017
ســــــــــــتوكهولم




186
إسـمـَـع يـشـَـعـْـبـي
ميسون نعيم الرومي
كـلـهـم وصايا اعـْـليـك .. يعـراقي هـَـلـهـل
أمريكا اوتركيا اوإيران .. واورپا والكــّـل
***
إسـمـَـع يـشـَـعـْـبـي اليـوم .. إسـمـَـع وغـَـلـّـِس!
ابـلاد النـَـفـط والخـيـر .. بـاچـر تـِـفـَـلـّـس!
***
سد موصل الخربان .. شو چنه منسي !
باچر يـِغـَرگ الناس .. ياشعـبي إحـچـي
***
گـَـشـَّـوْ افـلـوس البـيـك .. ذولـَـه الغـزونـَـه
كـلـهـم فـَـسـاد اوغـِـشّ .. جـونـَـه اوولونـَـه
***
جـايـع شـَـعـَـبـْـنـَـه ايـلـوع .. مـاعـِـنـّـدَه راتـب
افـلـوسـَـه مـِـشـَـت ليـران .. إلـمـَـن نـِـعـاتـب؟
***
*سـوگ الخضار ايصيـح .. وايـوذن اوذان
حتى الطـَـمـاطـَـه البـيه .. ودَّتـْـهـَـه ايـران
***
يـاشـَـعـَـب راضي ليـش ؟ تـتـْـحـَـمـَّـل الـذِل!
مـن الـظـلـم والضيـم .. مـا چـَـنـَّـك اتـمـِـل!
***
إنـبـاگت ألف مـلـيـار.. جـعـْـنـَه انـسـبـيـنـَـه
والـوَطـَن نـِصَّه ايـتـام .. وارضـَه حـَـزيـنـَـه
***
إســأل (السـيـي) گال .. ياربـي عـيـنـه
*اربعيـن الـف ملـيـار .. تـبـنـي مـَـديـنـَـه !!
***
شـوف الـحـِـضارَه شـوف ! شـوف التـَـطـوّر
السـاكـت يـظـل مـَـذلول .. يارَبـّـي نـَـوّر
***
اتحـَـزّمـَـوْ ابإسـم الديـن .. مـجـرم وسـارق
هـذا القـضاء الخـان .. نـايــبـْـنـَـه مـارق
***
أكـل اوشــرب والنـوم .. ويـّــه الزيـارَه
هـَـدَّت عـَـليـنـَـه ايـران .. شـنـهـي الـعـِـبـارَه؟
***
للعالم تجي ســوّاح .. افـلـوس اوبـديـهـَـه
واحـنـَـه تـجـيـنـَـه آلاف .. نـصرف عـَـليـهـَـه!
***
اريـوگ اوغـِـدَه اوخـبـزات .. وَزْعـَـوْ بـلـدروب
بـاگـَـوْ ألـف مـلـيـار .. وعـراقـي مـَـسـلـوب
***
تـتـقـَـشـمـَـر ابـخـبـزه اوچـاي؟ .. لايـا شـَـعـَـبـْـنـَـه!
بـاگـونـَـه بـسـم الـديـن .. واحـْـنـَـه انـِـهـَـبـنـَـه
***
شـوَيـّـة أكـل طـَـعـْـمـوك .. (مـن لـَـحـَـم ثـورك)-
ياشـَـعـَـب تـرْضه ليش ؟ .. والشـورَه شورك
***
ضد الفـقـر والجـور .. ياثـَـوْرَة (حسين)-
مايرضه يـبچي اعـليـه .. سـارق وخـَـوّان
--------------------------------------------------------
*ظاهرة تستدعي الوقوف طويلا  في أسواق بغداد
جميع الخضروات والفواكه من الطماطة والبرتقال وانت ماشي مستوردة من ايران (ليش....)؟
*أعلنت الحكومة المصرية عن مشروع بناء عاصمة جديدة للبلاد، شرقي مدينة القاهرة.
وقال وزير الإسكان، مصطفى مدبولي، إن المشروع سيكلف 45 مليار دولار، ويستغرق إنجازه من 5 إلى 7 أعوام.
--------------------------------------
نيسان/ 2017
ســــــــــــــتوكهولم
 
 




187
فـَـرْحـَة الأيـام
ميسون نعيم الرومي
 
يـامـِـلـح الحـَـيـاة اوفـَـرْحـَة الأيـام
يـاكـلّ العـمـر يالوفـَه اويالوجـدان
 
يانـَـشـْـغـَة رَبـيـع الجاي يـمـشي ابهـون
مـسـچ هـيـل العـِـطـر ياوَرد ياخـَجـْلان
 
سـِـنـَّه لوضحـَـك يـتــْـنـاثــَـر الـقـِـدّاح
نـِـشـم مـنـَّه الزهـَر وامـطـَرَّز ابـألوان
 
ياصوت الربـابـَه اوعـَـزف عـود اونـاي
ياصوت البـلابـل ! يـا عـَـذِب ألحـان
 
يـسـيـوف الحـواجـِـب ! سـهـَـم كـَـتــّالات
يـضوي اويالضـِـوَه عَ الدنـيـه والأكـوان
 
سـَـعـْـفـات الـنـَخـَـل مـَظفـورَه عَ المتنين
يـاسـنـْـبـل ذهـب يـتـغـاوَه بـالألـوان
 
مـثـل ريـم الـفـَـلا يـخطف غـَـفـل لو فـات
وابـعـيـنـَه (حـَـوَر) هالغـارت الغـزلان
 
أحـْلـَه امن الشـَهـَد واعـيـونـَه خـَجـْلانـات
بـَـلـْـسـَـم للگـَـلـب والگـَـلـب هالحـَـيـران
 
خـِـطـَـف روحي اومـشـَـه محله دلال البيه
شـو فـات الحـِلـو .. هـالـيـوم چـَـن زَعـْلان
 
احـْـلـَه امن الرطـَب والبـرحي والگـنطار
حـَـلاتـَه امـن التـَـمـر وامطـَرّز البـسـتان
 
مـثـل ماي الفـرات اودجـْـلـِتـَه اوجـرْفـَـه
يـاعـود السـِـفـَـرْجـَـل ياشـطـب ريـحان
 
مـحـْـتـار الشـِـعـر وانت القـوافي البيه
ابـوصفه والوصف يـتـْـقـَـفـَّه كل ديـوان
 
يادنـيـه الغـَـريـبـَه انـضيـع بـيـهـَه انهـيـم
ضَيـّـعـنـَه الوَكـِـت والعـمـر والعـِـنـوان
 
تـفـَـرّگـنـَه غـَصب والوَكـت عـدَّه اوفـات
چا كـون الجـِـرَه ماچـَـن جـِـرَه اولا چـان
 
يـاديـرَة غـُرُب والگـَـلـِـب بـيـهـَه ايـنـوح
 مـثـل ماي الـبـَحـَر والماروَه العـَـطـْـشـان
 
يـا وَسـْـفـَه العـِـراق ! اووسـْـفـَه عَ الطيبين
تـفـَـرَگـنـَه غـَـصب وانـسـَـدَّت الـبـيـبـان
 
عراقيين إحنه !  انـمـوت متغـَـربـيـن ؟
يـا غـرْبـَـه الـغـرْبـَـه .. غـرْبـَـة الإنـسان
 
يـامـلـح الحيـاة .. أحـّـاه يـا بـَـــــغـداد
صرتي ارمـاد واهـلچ حطـَـب للـنـيـران
 
صارَت مـعـْـدنـَه واهـلچ خـذاهه المـَـد
رَدَّت ليـوَرَه مـَحـْكـومـَــه للجـيـــران
 
يـامـِـلـح الحـَـيـاة اوفـَـرْحـَة الأيـام
يـاكـلّ العـمـر يالوفـَه اويالوجـدان
------------------------------------------------
ســـــــــــــتوكهولم





188

حـَـيـّـالـَه الدنـيه



ميسون نعيم الرومي

 
حـَـيـّـالـَه الدنـيه اوبـيـهـَـه افـنـون – اتـزَحـّـلـِگ رجـْلـَك وابـلا عون
قـَـدَر اويـلـْـعـَـب هالمـَـجـنـون – يـلعـَب لعـْب ايـفـن افـنـون
خـَـوّافـَه الدنـيه اوتحمي اشـرار
بالفـقـرَه اتـجـَـمـّرتـِـلهـَب نـار
والعـَـدل المتـكـَـتـّر محـتـار
قانـون اعـوَج ما مـَوزون – اعـّوَج ليـش اوليـش ايـخـون؟
حـَـيـّـالـَه الدنـيه اوبـيـهـَـه افـنـون
***
حـَـيـّـالـَه الدنـيه اعلينـَه اتجـور – نبني اونبني اتهـدّ السور
دارت بـينـَه اتـدور اتـدور – ظلمـَه اوسـودَه مامش نـور
دنـيانـَه اتـطشـّـر طـِشـّـار
من( آدم ) .. خايف محتار!
دَمّ الشعـب ايـسـيـل انهار
حكـّام اوتهـْجـِم بالدور – ابـدَم الفقـرَه تبني اقـصور
لاكـو عـَـدل اولا قـانـون
حـَـيـّـالـَه الدنـيه اوبـيـهـَـه افـنـون
***
حـَـيـّـالـَه الدنـيه تغري اتـقـَـشـمر – ثلج اتراوي غفلة ايجمـّر
كلهه اتموت اومحد عـَمـَّـر – اتهـَـدَّه ! بالك تطغه او تـتـنـَمـَّر
على گـَـد الحافـَـك مـدّ اخطاك
صعبه اليمشي اهنا واهناك
قشمر يبقه الهذا اوذاك
مفضوح اشما ضل يتسـَـتـَّر – تضوي الشمس الدنيه اتنور
واضح وامـبـيـن كـل لـون
 حـَـيـّـالـَه الدنـيه اوبـيـهـَـه افـنـون
اتزحلگ رجلك يا مجنون
اعوج ليش اوليش اتخون؟
حـَـيـّـالـَه الدنـيه اوبـيـهـَـه افـنـون

بــغــداد
نبسان 2017





189
الى الموصل المنكوبه اهديها
ميسون نعيم الرومي
شعب العراق الزين .. حسبوه خسائر
فرهدوْ خير البيه .. مجرم اوجايـر
-----
ارض العلم والطيب .. ارض النبايـه
وجـّت لهيب اونار .. صارت سبايه
.-----
نسوان اوزلم واطفال .. ثرموْ لحمهم
فجروهم اويدرون .. شنهي ذنبهم؟
-----
شعب العراقي احاه .. ماعنده والي
ياهو اليجي يوليه .. ماإلهه تالي
-----
ياموصل الحدباء .. يالجدّهه آشور
تزهي الحضاره بيه .. والعلم والنور
-----
هيئة أمم ترضين ؟ دفنونه أحياء !
انربـّدٓن علينه ابيوت .. لمـّـونـَه أشلاء
----
إحـّنـه الكـَرَم والطـيب .. موش النـِفاقي
رخصَّوْ دَمنه ليش .. دَمْنـَه العـِراقي
----
جـار الولانه ليش ؟ سوّاهه حرثه
يتـْـقـَصـَّد الشينات .. چـَن احنـَه ورثــّه
-----
ياموصل الحدباء .. يالكلـّچ امجاد
بالمحرقه حرگوچ .. هالشعبچ انباد
----
ياأنبياء الله .. إحنه ابختكم
موصل وِلاهه الموت تطلب رحمكم
----
ماتتعظ حكـّام .. وامن الگبلهه !
ماتشبع امن البوگ .. تحفر گبرهه
----
لادوله تـِرْعه الناس .. لاألله يسمع
لاحوبـه عدْنه اتصيب لانبي اليشفع
----
يالتنتقد كل يوم .. چا شنهي دورك ؟
بس حچي اوخمـْط افلوس .. وامعلي سورك !
-----------------
1 / نيسان / 2017
بــغــداد
 


190


الـوَرْدي أرّخ


ميسون نعيم الرّومي
 
أرّخ (الـوَرْدي) عـلي*
شـَـعـب الـعـراق الـمـبـتـلـي
 
إيـران تـنـهـش مـن كـتـر
والـروم ذبـحـَـوا اشـكـثـر
 
كـل يـوم يـنـعـاد الـمـضَه
هـذا العـمـر كـلـَّه انگـِـضَه
 
دَمّ الـشـَـعـَـب صار انـهـار
كـومـَـة احـجـار اولا جـار
 
اذيـال إلـهـم واتـبــــاع
صرنـَـه كـُـتـَـل .. صرْنـَـه اشـيـاع
 
لـفّ الـلـِعـّـمـامـَـه .. يـا بـَـلـي!
هالصار وابـلـَـحظـَـه وَلـي
 
شـَـعـب الـعـراقـي الـمـبـتـلـي
أرّخ (الـوَرْدي) عـلي
****
(بـيـن الـفـرس .. بـيـن الـروم)-
بـَـلـْـوَه ابـتـلـيـنـَـه بـعـْـمـوم
 
أمـْـريـكـَـا دخـلـَـت عَ الـخـَـط
أوربـّـا عـبـرَت عَ الـشـَـط
 
والـروس إلـهـَـه فـَـد (ورچ)*
مـَـعـْـلـوچ يـعـراقـي عـَـلـچ
 
تـتـقـاسـَـم اوبـيـك الغـرب
جـوعـان شـَـعـْـبـَـك مـنـّـهـب
 
كـل يـوم مـَـشـعـولـَـه حـَـرب
لا أكـل عـدْنـَـه اولا شـرب
 
دوم الـوَكـت هـالـمـنـسـبـي
ابـجـَـمـر الـبـلـيـّـه مـنـچـوي
 
شـَـعـب الـعـراق الـمـبـتـلـي
أرّخ (الـوَرْدي) عـلي
****
 
إخـذو الـذَهـَـب اخـذو الـنـَـفـط !
إنـصاف خـَـلـّـوْ بـالـشـَـفـط
 
كـافـي حـَـرب كـافـي ذَبـح !
مـوت اوقـَـهـَـر مـاكـوْ ربـح
 
إيـران چـَـنـّهـَـه اوتـركـيـا
احـسابـات عـدْهـَـه تـَـصفـيـه
 
يـاهـو لـِـيـطـَـلـّع فـَـد گــول
امـريـكا جالـت واتـصول
 
مـا ظـَـل شـَـعـَـب لاظـَـل وَطـَـن
بـَـس الكــَـتـِـل بـَـس الـمـِحـَـن
 
اخـذوْ يـانـاس الـحـَـذَر
نـَـفـس الـقـَـهـَـر .. نـَـفـس الـكـِدَر
 
نـَـفـْـسـَـه يـعـيـد الـتـاريـخ
دَوْلـَـتـْـنـَه دَوْلـَـة بـَـطـيـخ
 
شـَـعـب الـعـراقي الـمـبـتـلـي
أرّخ (الـوَرْدي) عـلي


*العلامه علي الوردي
*(ورچ):- جزء .. قطعة


آذار / 2017
ســـــــــــــــــــــــتوكهولم






191
شو خضر العاگول
ميسون نعيم الرومي
 
ياعـود السفـَـرْجـَـل ياغصن بان
ياسنبل حصاد الشعر ع المتنين
 
يريحة مسچ والهيل وي قداح
يابحر العشگ وايفيض عَ الجنبين
 
والبسمه سحر تغوي الگمر بسماه
نلم ليلو اونجم مرجان عَ الخدين
 
اسـحـَن بالگلب تتحـَنـَّه بـيه الإيـد
والـِمـَّـن بالدمع وانثر على الجدمين
 
ياليل السهر والسهر هـَـدّ الليل
يچوي بالجفـن واتمولح العينين
 
اكحل بالرمش لو مر ذكر طرواك
يتفـّاح خـَـدَّك ياعـَـسـَـل وي تيـن
 
ازرع بالورد شـو خضر العاگول
وانـطر بالعـمر هالغـَرّبـت لسنين
 
نركض عَ السـَـراب الماي شح اوراح
يادنـيـَّة غـَـدر يالوفـَه الشايـل ويـن
 
ياطير البراري التاه بين اغصان
يتسله يظل والعين عَ الصوبـيـن
 
ياقصة عشگ والشمع عمرَه ادموع
يـبچي عَ الجـرَه والگـَـلب رايح ويـن..؟
-----------------------------------------------
آذار / 20117
ســــــــــــتوكهولم





192
مـحـتـار يـشـگـر مـحـتـار
ميسون نعيم الرومي
 
مـحـتـار يـشـگـر مـحـتـار – خـَـده جـَـمـر نـور اونـار
أشـْـگــَـر اولـونـَـه قـدّاح – اشـعـاع الـشـَـمـس مـنـَّـه اوغـار
لـو ظـَـلـّـمـَـت .. وجـَّـه بـَـدر
نـَـظـْـرات عـيـنـَـه چـَـن سـحـر
مـَـعـجـون والله بـالـعـطـر
شـَـعـْـرَه انـظـفـَـر كـَـلـَـبـدون – عـَـسـَّـل ابـشـفـْـتــَـه الـگـنـطـار
ابـحـور الـشـعـر رادت عـون – حـارَت ابـْـوَصـْـفـَـه الأشـْـعـار
مـحـتـار يـشـگـر مـحـتـار
***
لـو مـِـشـَـه اتـْـمـيـل الأغـْـصان – عـِـنـّـاب وَرْد اوريـحـان
رَنـَّـة حـِـجـل مـن ابـْـعـيـد – غـِـنـْـوَة فـَـرَح بـيـهـَـه الـحـان
وجـهـَـه ولا وجـْـه الـگـمـَـر
كـَـهـْـرَب اعـْـيـونـَـه لـو بـَـحـَـر
مـاخـذ حـَـلاتـَـه امـن الـتـَـمـر
ورد الـحـَـدايـق فـَـرْحـان – اشـگـر حـلـو غـصن الـبـان
كـرْخـي وامـأصـَّـل مـَـحـْـلاه – طـلـيـع نـَخـَـل او جـمـّـار
مـحـتـار يـشـگـر مـحـتـار
***
اسـوار الـشـَـذر بـيـدَه حـِـلـَـه – دَگّ الـگـَـلـب شـو بـَـس إلـَـه
كـل طـيـر يـرْجـَـع يـم هـَـلـَـه – طـايـر اطـويـري بـالـفـَـلا
حـُـبـَّـه كـَـلـِف..كـلـّـش كـَـلـِف
مـَـرّ اوجـِـزَه هـذا الـخـِـشـف
يـلـْـگـط لـِـگـط وابـلا عـرْف
أمـثـال گالـَـو مـن گـَـبـل – يـوگـَـع الـطـيـر اشـمـا عـِـلـَـه
الـنـاس كـلـهـَـه خـطـّـار – ريـت الـجـرَه مـا چـَـن صار
مـحـتـار يـسمـر مـحـتـار
خـَـدّك جـَـمـر نـور اونـار
مـحـتـار يـشـگـر مـحـتـار
--------------------------------------------------------
1       / آذار / 2017
ســــــــــــــــــتوكهولم







193
زاوية الشعر الشعبي / السيكوبات*
« في: 18:29 23/02/2017  »
السيكوبات*
ميسون نعيم الرومي
 
عـادات الزغـر عـنـد البـَعـض
تـبـقـَه تـضل كـل العـمــــر
 
منهه فقط .. شخصي بحت
للنـــــاس ابـداً .. ماتـضر
 
منهه طبع كـلـّـش كـَـلف
مـن عـِـشـْـرتـَه تـشبع قهـَر
 
بيهم شخص .. لابس حـَـمـِـل
املمـَّـع اتـشـوفـَه اومبتـِـشـر
 
يـعـْمـَـل عـَـمـَـل ماينعقـل
بـهداي وابحيطه اوحذر
 
خسـَّـه اونذاله ..عنتره
لو تسـألـَـه .. يصبح نمر
 
عنده ضحايا أنواع
تگرب إلـَـه .. خـو تندمر
 
السان اوثقافه اوتنوير
عدَّة شغل ! بس (الگشر)
 
يسرق اويچذب وايخون..
ما يردعه بس الگبر
 
امهـَـذَّب اتشوفه اوحباب
لو گـَـرَّبـت .. تلگه الغدر
 
نوبه تشوفه چن طفل
جامه رقيقه اوينكسر
 
اونوبه تشوفه عفريت
كله صلافه اوچن صخر
 
عادات عنده امأصله
يلزگهه بالناس الأخر
 
بالسر يسوي أشكال
صايم .. ايصلـّـي بالجهر
 
ابنفسك تشك .. واتبريه
گـَـلـبـَـك يـوّج مثل الجمر
 
گالو اسم هذا المرض
(سيكوبات) إسمه ابمختصر
 
عـنـدَه الأنا ماتـنـْحـمـل
وجـهـه اويضنـَّـه چن گمر
 
مرض الصعب ماله دوه
(نفسي) بحت .. مـا يـنـحـزر
 
واللي يـصيـبـَه تـبـتـلي
أهـلـَه واصحابـَه والبـَـشـَـر
 
عادات الزغر عـند البعض
تـبـْـقـَه تـِضل كـل العـمـر
----------------------------------
شخصية معتلة نفسيًا هي باختصار أكثر الشخصيات تعقيداً وصعوبة في التعرف على صاحبها، حيث أن المعتل نفسياً بها يجيد تمثيل دور إنسان عاقل كما أن له القدرة على التأثير بالآخرين والتلاعب بأفكارهم، ويتلذذ بإلحاق الأذى بمن هم في محيطه وخاصة إذا ما كان زوجاً زوجة، وهو عذب الكلام، يعطى وعوداً كثيرة، ولا يفي منها بشيء؛ عند مقابلته ربما تبهرك لطافته وقدرته على استيعاب من أمامه وبمرونته في التعامل وشهامته الظاهرية المؤقتة ووعوده البراقة؛ ولكن حين تعامله لفترة كافية أو تتحرى حوله من أحد مقربيه عن تاريخه تجد حياته شديدة الاضطراب ومليئة بتجارب الفشل والتخبط والأفعال اللا أخلاقية. المعتل نفسياً مستغل للمرأة بكل صور الاستغلال جسدياً ومادياً..كاذب كثير الوعود قليل التنفيذ لها؛ وقد يصل سلوكه إلى ارتكاب جرائم.
كثيرا ما يتعهد ويعد ويخلف، هي شخصية لا يهمها إلا نفسها وملذاتها فقط، بعضهم ينتهي إلى السجون وبعضهم يصل أحياناً إلى أدوار قيادية في المجتمع نظراً لأنانيتهم المفرطة وطموحهم المحطِّم لكل القيم والعقبات والتقاليد والصداقات في سبيل الوصول لمراده، هذا الشخص هو من انعدم الضمير لديه فولع بالهو الشهوانية حسب فرويد، ونفى الضمير (الأنا العليا) ، فهو لا يحمل في طياته كثيراً من الأخلاقيات أو العرف من الدين أو الضمير أو أي حسيب، وبالتالي فإن مؤشر المحصلة سوف يكون دائماً في حالة من الميل المستمر نحو الغرائز ونحو تحقيق ما تصبو إليه النفس وحتى دون الشعور بالذنب أو التأنيب الإنساني إذا ما وقع في منطقة الخطأ ويرى الاطباء أن 25% من المجرمين والمخالفين هما نتاج الشخصية السيكوباتية، والإحصائات العلمية توضح أن من نصف بالمائة إلى واحد بالمائة من سكان العالم يحملون صفات وجينات وراثية تودي إلى السيكوباتية وتختلف درجة وشدة الاعتلال النفسي في الاشخاص المصابين بناء على درجة ذكاء الشخص والبيئة والتعليم.
 
https://ar.wikipedia.org/wiki/%D8%A7%D8%B9%D8%AA%D9%84%D8%A7%D9%84_%D9%86%D9%81%D8%B3%D9%8A
 
قرأت عن هذا الموضوع النفسي وارجو ان أكون قد وفقت في تصويره شعرا شعبيا
-------------------------------------------------------------------------------------------------------------------------------------------------------------------------
 
22 / شباط / 2017
ســــــــتوكهولم









194
جـانـَـه اشـْـبـاط !
ميسون نعيم الرومي
 
مـو بـديـنـَه .. اومـو بـديـنـَـه
ظـَـلـمـَه صارَت وانـولـيـنـَـه
عـَـمـْـدَه ياروحي انـسـبـيـنـَـه!
طـَـفـّـوْ ابـدَمــنـَـه شـَـمعـنـَـه
لـَـمـَّـوْ ابـغـَـفـْـلـَه ولـدْنـَـه
هـتـْـكـَـوْ اونـِثـْـرَوْ لـَحـَـمـْـنـَه
عـَـذبـَـوْ اودفــنـَـوْ العـيـنـَه
بـَغـداد ويـلي انـگـَـص شـَـعـَـرْهـَه
رخصت ! اوتـاهـَـوْ ولـدْهـَه
دومـچ انتِ چـا حـَـزيـنـَه...
مـو بـديـنـَه ..
ياشـبـاط الجاي ليـنـَه..
شـوف شـنهي انـعـِمـَـل بـيـنـَه!
- (فـگـسـَـوْ) العـيـن ... الرعاع
مات بالروح الشـعاع
مـن اجـونـَـه مـعـْـتـنـيـن
صرنـَه نحچي .. بالونـيـن!
وانـت يحبـيـب عـِـراق
تـنـّحـَـب اوتـنـشـد وفـاق
مـو بـديـنـَه ..!
مـن اديـنـه !
ظلمـَه صارت وانـطفـيـنـَه
مـو بـديـنـَه
ياشـبـاط اليـوم جانـَه
-(قصر النهايه) الويـن ودّانـَه..؟
ذاك أسـود يـوم اجـيـت
رَوْضـَـوْ شـَـعـَـبـْـنـَه مـن بـديـت
عـَـلـّـمـونـَه عَ السكـوت
احني راسـَـك .. لـوتـموت
ذلـَّـه زرعـَـوْ بالنـفـوس
ابـدْمـَهـَه تـتحـَـنـَّـه العـروس
اسـباع چـنـَّـه اوما نـهاب
هـَـدّوْ اعـْليـنـَه الـذئـاب
غـِرْگـَـت ابــدَمهـَه الشـباب..
يشهد (المَـلعب والرحاب)-
دَمهم امـْطـَـرَّز عـَـذاب..
عَ المـَبـاني اوعَ التـراب
مـَـدري صدّفـَه .. لوخـيانـَه!
تـَـصفـيه .. مـوت الولانـَه
فـرْصَه جـَـتـْـنـَه .. اوضيـّـعيـنـَـه..
عـَـمـَّـوْ القـادَه عـَـليـنـَه !
مـو بـديـنـَـه !
مـن إديـنـَـه!
عـَـمـْدَه يادنـيـه انـوليـنـَه
مـو بـديـنـَه ..
گـِلـْنـَه نـبـدي مـن جـديـد
عـَـن فـكـرْنـَه .. ما نحـيـد
جـَرح خـَـزَّن جـَرح يـدّي
عـدّي بـيـهـن .. عـدّي عـدّي
حـَرب نـدخل ! حـَرب نطلع
مات آلآف الشـباب
حـُـفـري أمهـم بالتـراب
حصدت اطفـال العـَـذاب..
گـلـْـنـَـه نـخـلص ! ما خلصنـَه..
مـحـْنـَه راحـَت .. جـَـتـْـنـَه محنـَه
صرْنـَه نـرْضه بالقليـل
والشـَـعـَـب نـصـَّـه عـَـليـل
ردَّوْ انـّـوبـَـه عـَـليـنـَه
فـَـصخونـَه اوگـَـطعـونـَه
تـيزاب بي ذوّبـونـَـه
مـَـدري قـِـسـْـمه وانـولينه!
مـَـدري خـِـطـَّـه وانـعمـينـَـه!
والزمـن هالغـِـدَر بـيـنـَه
مدري ويـن اوهالصفينـَه..
من إديـنـَه ؟
موبدينه؟
يـمـَّـه يـمـَّـه .. لـمـْـلـمـيـنـَـه ..
يـمـَّـه يـمـَّـه .. اتطشريـنـَـه ..
يـمـَّـه يـمـَّـه .. اتـفـَرهـديـنه ..
مو بدينه
لملمينه
موبدينه
----------------------------------------------
بمناسبة مرور 54  عاما على شباط الأسود
---------------------------
8/ شباط / 2017
ســـــــــــــتوكهولم
 
 




195
ساحة تحرير اتنادي الثار
ميسون نعيم الرومي
 
ساحة تحرير اتنادي الثار – دَمّ الشعب اوصار انهار
احكومتنه اواحزاب العار – للشعب اضربتو بالنار
(ابغفله امن الزمن جيتونه)
بعتوْ الوطن هـنـتونه
طـَـشـّـيـنـَه  و اسبيتونه
شعب الصامد هب اوثار – فاليسقط كل الأشرار
ساحة تحرير اتنادي الثار
***
هـَـبـَّـة بـَـردي .. تطفه ابساع – مـَـثـَـل اعليك انـگال اوشاع
طفلك يبچي هالملتاع – نايم يغـْـفـَـه اشـلون الجـاع ؟
-(مـَـليونـيـّـه) اسـبـاع اشـداد
لو رَدْيـتـو ! انـصير ارماد..
لعـْـبـَـه اوصرْنـَـه للأوغـاد
إلـهـم سـلـْـطـَـه او إلـهـم گـاع – فروْ بينه كالمصراع
لاضل مرفق لاضل دار
ساحة تحرير اتنادي الثار
***
لا تتراجع ! صح النوم – اشبعنه موت اشبعنه ادموم
مضيوم امحسر مهموم – لو يرضه ابذله المظلوم
احگوگ الشعب اتريد ارجال
تبني الوطن اوتبني اجيال
اتعبنه اوملينه الترحال
اتـْهادَن لملوم اويه الجار! – باگونه ابسبق الإصرار
احكومه اوأحزاب العار
للشعب اضربتوْ بالنار
دم الشعب اوصار انهار
ساحة تحرير اتنادي الثار
---------------------------------------------------
*نظمت هذه القصيدة ردا على
تعرض المتظاهرين المحتشدين في ساحة التحرير الى أستخدام قوى الامن  العنف الوحشي
وأطلاق الرصاص الحي والمطاطي والقنابل المسيلة للدموع وبدون سابق انذار
يوم السبت 11 شباط الجاري
الامر الذي ادى الى سقوط عدد من الشهداء
وعدد كبير من الجرحى
-----------------------------------------------------------------------
 
19 / شباط / 2017
ســــــــــــــتوكهولم




196
شــوف العـيـن
ميسون نعيم الرومي
 
ليل الشعر ! ع المتنين – امطـَـرَّز نجم ع الجنبين
ليلو لمع .. مدري الماس – اتكحل الكحل شوف العين
اسهام اوتـِصـَـوّب لعيون
شچـَّـت اگليبي المفتون
صرت ابهواهه مجنون
بين الرصافه والكـَـرِخ – أنشـد وادور الصوبين
ليل الشعر ! ع  المتنين
***
هاي السمه اتشع انجوم – خضـَّـر عـشب بيه الوان
مر الحلو ابـْـلـحـْـظـَـه ! سـِـحـِـر – لاهـو إنـس لاهـو جـان
عطر البنفسج قداح
گبله وصل .. منه اوفاح
بدر الدجى هل اولاح
غنت بلابل ع الشجر – والصوت هز الوجدان
خـَـمـْـري يالـونـك حرّاگ – طعم العسل ع الشفتين
اتكحل الكحل شوف العين
***
رنـَّـة حجل لوخلخال ؟ – أسْـمـَع نغم من ابعيد
مرَّت ابوسط الحلوات – شـَـعّ البدر بين الغيد
ويه السمر غصن البان
عاج اولمع حلوه اسنان
والضحكه موجة نهران
لـَـفـَّـت حرير اعله الخصر – رَسـّْـمـَـة الحنه بالإيد
مثل الگمر هل اوراح – اتنطرچ من سنتين
ليل الشعر ! ع  المتنين
--------------------------------------------------
شــــــباط / 2017
ســـــــــــــــتوكهولم
 



197
زاوية الشعر الشعبي / فالنتايـن
« في: 20:52 14/02/2017  »
فالنتايـن
ميسون نعيم الرومي
 
ورد الأحـمـَر بي عـنـوان
جانـَه ابـيدَه (فالنـتـايـن)
 
وردَه اوبـيـهـَه بـس حرفين
مـَـلـْك امتـَـوّج عَ الأزمـان
 
يهدي العاشـگ والحـَيـران
اشعاع الشمس اوبيه الوان
 
يـلهـَب يضـوي عَ الخديـن
ياقـوت الماس اومرجان
 
جوري اقرنفل يا قداح
عـِطـْرَه ايندّي عَ الأجفان
 
عـِـقـد امطرَّز بالأشعار
اهـدي اليـوم (الفالنتاين)-
 
نـَهـْر الحـُب الخالد دوم
قـَمـَري امنور عَ الشطآن
 
اجـدايل مظفوره ابـأوزان
خضَّر سنبل وي ريحان
 
امعـَـسـِـل الشوگ اوعَ الشفتين
فرحة عمر اوبيه اشجان
 
قـَـلب الحب اويگطر دَمّ
يالحـُـبّ المعگود ابشريان
 
تغفه ابسـِـدَّه كلهه اتنام
اطيور اوحيوان اوانسان
 
ورد الأحـمـَر بي عـنـوان
جانـَه ابـيدَه (فالنـتـايـن)
---------------------------
14 / شباط / 2017
ســــــــــــتوكهولم




198
زنـّـوبـَـه العـوبـَـه
ميسون نعيم الرومي
 
زنـّـوبـَـه اويا زنـّـوبـَـه – وين افـوس المنهوبـَه؟
أكوام اشهادات اكوام – حطوهه ابإيـد العوبـَه
زنـوبه خاله اتهدي
كافي اوبسچ گعدي
مـَـتـرين السـانچ .. ردي !
*(انعالات اسلاحچ وابطاله) –لاصوره اولا چرچوبه
وين افـوس المنهوبـَه
نـاويـن اتـردّون النـوبـَه ؟
زنـّـوبـَـه اويا زنـّـوبـَـه
***
ملاّيـَـه  اوچـنـتي اتـگـوليـن – رغـفـان الخبـز اتخبـزيـن
حليـب اوروبه اتروبين – اشجابچ للمجلس تحچـيـن ؟
بغداد بنت المنصور
بنت العلم اوبنت النور
بيهه المرأه چن بـنـّـور
ملفـَوفه جيتي اتهـبعيـن – جوعـّـتوْ الشعب الطيبين
ياشعبي ويـن الحوبه ؟
زنـّـوبـَـه اويا زنـّـوبـَـه
وين افـوس المنهوبـَه
***
-(تـتـلمـَّـظ) زنوبه اليوم – بالكرسي تحلم واتدوم
ذليتـوْ الشعب المـَظوم – امحسر دومه اومعـدوم
ياشعبي اصحه اواحذر !
بالإصبع لا تطمغ .. فكـّر!
باعـوْ ارضك والأنهر
جوگة غـربان اوبـوم – نـهـبـوْ ثرواتك بالكوم
زنـّـوبـَـه اويا زنـّـوبـَـه
بالشعب العبتـوْ طوبه
وين افـوس المنهوبـَه
زنـّـوبـَـه اويا زنـّـوبـَـه
----------------------------------------------------------
*(انعالات اسلاحچ وابطاله):- لقد شاهد الجميع الفديوات
 التي صورت الشجار في مجلس النواب وهجوم (النايبات) بالأحذية وقناني الماء
------------------------------------------------
ســــــــــــــتوكهولم
شـــــــــــباط / 2017
 




199
الأستاذ مالك العراقي المحترم
تحية طيبة
شكرا لمروركم العطر
مع ودي
ميسون نعيم الرومي

200
الأستاذالنوهدري  المحترم
تحية طيبة
اسعدني مروركم الكريم
والف شكر على تعقيبكم
النابع من قلب عراقي أصيل
مع كل الود والتقدير
ميسون نعيم الرومي

201
الأستاذ
George Korial55
تحيةعطرة
اسعدني مروركم الكريم
وكلماتكم الطيبة
دمت عراقا اصيلا
مع كل الود والإحترام
ميسون نعيم الرومي

202
تجربتي مع الخطوط الجوية العراقية:-
ميسون نعيم الرومي
بعد سماعي اخبار الخطوط الجوية العراقية ، والتي كانت من الخطوط المحترمة في السابق ، وما آلت اليه من بؤس ، تذكرت سفرتي الميمونه الى بغداد سنة 2009 على متن الطائرة التي سميت عراقية أوجزها لكم ادناه:-
 
صعدنا الطائرة من ستوكهولم ، وكانت المضيفات السويديات في استقبال الركاب على باب الطيارة ، وطبعا كباقي مسافرين الدنيا والعالم ، كانت باْيدينا حقائب صغيرة وكاشخين وفرحانين ، اخيرا راح انشوف وطنا الغالي ، ناس دخلت الطيارة وناس تنتظر دورها ، واذا بينا نسمع ضجه وطاق وطيق اتگول صارت امفاچخ ، لما وصلت شفت المنظر مدري اضحك مدري ابچي ، ابواب المكان المخصص للحقائب كلما تسدَّهه اترد ابوجهك ، الى ان تضطر تصفگهه  ابقوة وانت وحضك لو تنسد لو لا!
اما عني فحاولت اسد الغطاء صفگني ابراسي رجعت الباب ابقوة الضربة...المقبض انشلع ابيدي !
 
اذا تتفحص الطائرة من الداخل تشوفها من زمن العصملـّي ، عفى عليها الزمن ، والظاهر الاخوان مستاجريها من السكراب ... والله اتصورت نفسي صاعدة (ابكيّة) وريحة البخور اتعط ، شكـّيت بالأمر حسبت نفسي في زيارة لأحد الأولياء الصالحين ، الله ايكون ابعون اللي عنده مرض ربو.. طيارة ، لا شباك ، لا باب ، ايموت ابمكانه .
 
المصيبة بعد التي واللتيه وبدعاء الطيبين طارت المحروسة المدلـّـله تتمايل.. مثل زفة عروس المفاليس.
   
  كان طاقم  الطيارة كلهم سويديين عدا واحد كان عراقي ، ضعيف وجه اصفرالظاهر بعده في بداية المشوار، يمشي منا ومنا ، ايفرّ ابإذاناته مثل الاطرش بالزفة ، واذا سالنا سؤال يجاوب والله اني ما اعرف سويدي ، انتوا اتعرفون حچيهم  سألوهم .. المگرود لاياخذ ولا ينطي ، يعرف بس عربي ، اشجابك يامسكين ؟ يمكن اقارب واحد من المسؤولين عصفورين بحجاره ، هم يتونس وهم ايحصل اصوابه (خطيه ضعيف يحتاج دولارات حتى اترد روحه).
 
 واخيرا وبفضل دعاء الخيريين اصبحت الطائرة في الفضاء ، وكل واحد اتشاهد ميتين مرَّة ، وفجأة سمعنا صوت قراءة قران ودعاء ، طبعا كل الركاب جفلوا ..
 شكو منو مات ؟؟
 الجواب حتى توصل الطائرة بالسلامة ، قرآن ودعاء وصلوات ، وية منظر الطائرة البائس ، واحدنا گام يسمع سنونة اطكطك .. سن ايطگ ابسن من الخوف .
اما صوت المحركات.. فحدث ولا حرج اتگول  صاعد ماطورسكل ، مو طياره تحتاج خمس ساعات طيران ، وجماعتنه الركاب .. عراقيين طيبين امعلمين وامدربين على تقبل الأمر الواقع اي (اللي ايشوف الموت يرضه بالصخونه) واحد ايهدأ اللآخ واتعرفون
بيهه صالح .. الله الحافظ .. سلامات انشالله ماكو شي ـ اتعدي ، اوعلى هالمنوال .. مره چبيره على كيفهه .. ابو محمد اشجابنه ..؟ ابو محمد اينغهه على كيفه وايعض شفته ..  ومن هالسوالف ، لكن الكل وجهم اصفر واعيونهم  امشبحه مـَ ترمش .
 
  اشوية هدئنه .. تعبنه هلگد ما اندعينة وقرينه أدعيه ، مخلينه لا نبي ولا إمام ماندبنا .. وتشوف كل اللحلوگ تلعب بدون اي صوت والناس مشدودين واحدهم صاير تمثال... اخيرا هدأت النفوس ، وجرينه نفس .. (اتعودنه .. هاي عادتنه)-
و اذا صوت ينبأنا باننا سوف نتاخر في الطريق ، طبعا نفسنا صعد ما نزل من الرعب
  يابة شنو هالمصيبة .. حمدنا ربنا لما عرفنا السبب ليش يابة ؟؟؟ 
لان خطيه الطيار ميگدر يمشي بطريق دايركت ، والسبب الخطوط الجوية العراقية مدافعة رسوم المرور للدول التي تستعمل اجوائها.. الربع متقاسمين بالفلوس وشاربين عليه مي بارد...
تعوذنا من الشيطان وكل واحد ساكت وكاتم انفاسة من الرعب لان منظر الطائرة مو بس يرعب وانما (يخلس).. 
طبعا انا حاجزة دايركت الى بغداد .. والحچي بالتفاطين .. قبل ان يشتغل المكرفون تسمع قرقعة وطگطگه .. الماخذ غفوه ايفز عبالة قنابل .. اويلي على العراقيين من حرب الحرب ومن مصيبة المصيبه واحدنه يحتاجله ميـَّـة حرز ابرگبته وبجيوبه .. او انواع المحابس واحد ضد الرصاص وواحد ضد المرض وواحد يطرد الأرواح الشريرة اومتكفي .. لذلك اتشوفون رجالات الحكومة ومجلس النواب والسادة كل واحد بيده محابس انواع واحد عقيق وواحد شذر، والوان واشكال صايرة اديهم قوس اوقزح .. وعلى شرط ايكون من فضه طبعا لأن يستحرمون .. الذهب غالي حرام همه رواتبهم على قدر لگمتهم
وهذي الألف مليار اللي انباگت ملزموهه ابأيدهم راحت تتمشه لكل بنوگ العالم
والبيوت اللي استحوذوا عليهه وارثينهه من اجدادهم اللي چانوا يتعشون ميتغدون
لذلك الشعب ساكت لأن العراقي قلبه طيب خطيه متعلم على الجوع والمرض والموت والكفخات .. ساموط لاموط.
 
 واذا بينا فجأة نسمع الاعلان يابه خيرانشالله هالمره .. الطائرة راح تنزل في مطار اسطنبول  ، والركاب يبقون في الطائرة ، الى ان ربك يفرجها.
 
داعيتكم فار دمّي وسالت المضيف العراقي عن المفاجأة السعيدة :-
 
 صفن ابوجي واعيونه تكسر الخاطر متلعثم تعرفون اشجاوبني  ؟؟؟؟
 اختي.... اتعرفين الطريق طويل...
 ولازم انفوّل بانزين........شافني صفنت .. اتشجع .. اي لعد اشلون !!
حمدت ربي انه مـَـصار پنچر.............
هذي قصتي ويه المحروسه بالله الخطوط العراقية ننتظر تاليهه اشلون ويه الحراميه:-
--------------------------------------------------------------------
1/ شباط / 2017
ســـــــــتوكهولم





203
كتاب قرأته للأديب البروفسور (سامي موريه) عنوانه (بغداد حبيبتي)-
ميسون نعيم الرومي
مقالات جريئة تحمل بين حناياها الشجاعة المنكسرة على مضض ، ولوعة الإكراه ، وحرقة المعاناة من الظلم والإضطهاد ، وذلة السكوت (والكثرة غلبت الشجعان)
رحلة ابحار في أعماق الذات ، تحكي احداث سنين طوال عاشها (الأديب البروفسور سامي موريه ) بحلوها ومرها ومعاناتها الجسيمة .
توضح تاريخا محرفا ، كتب بأقلام غيرأمينة لغسل أدمغة الطلبة وتشويه حقائق درسناها فزرعت الرعب في نفوسنا ، والتي كبرت وتجذرت مع مرور الزمن ، مسخ التارخ وتشوشت الأفكار، وانهزم الحق لتنام الضمائر ، تظللت الحقيقة بشعارات ممنهجة مدروسة لئيمة .
 
لك شكري وامتناني ايها الأستاذ الجليل (العراقي المولد والهوى) لما خط قلمكم الرائع الرصين من حقائق تصحح الأفكار الخاطئه ، وتغسل درن المعلومات المشوهة ، من عقل من خدع بالدعاية المغرضة ، لينعدل الميزان ، ويعرف الجميع الواقع المر الذي فرق ابناء شعبنا الجميل المتجانس الفسيفساء ، الحلو التركيبة ، المتآخي القوميات والأديان .
 اختل التوازن ، وتحطم وطننا واصبح رمادا منثورا، وشعبنا طرقا وطوائف متفرقة غارقة في الجهل والأمية ، واضحى خيرة ابنائه موزعين على المعمورة ، منهم اسماء عظيمة ، واعلام فذة ، ساهمت وتساهم في تطور وتقدم البلدان الحاضنة ، ووطننا يحكي الضياع والتخلف ، وعشعشت القوى الفاسدة ، حتى اصبح العراق العظيم مرتعا للتخلف والفساد والسرقات والتناحر الطائفي المروع .
 
كتابكم الموسوم (بغداد حبيبتي) كتاب رائع عشت بين سطوره واحداثه الجسام ومآسيه ولوعة شخوصه وحرقة آهاتهم ، ووجع ارواحهم المغلوبة على أمرها الضائعة في مهب الريح . والذين عوقبوا بجريرة السياسة والسياسيين والأحداث الخارجية (واحترگ الأخضر ابسعر اليابس)-
كتابكم الموسوم (بغداد حبيبتي) كتاب رائع عشت بين سطوره واحداثه الجسام ومآسيه ولوعة شخوصه وحرقة آهاتهم ، ووجع ارواحهم المغلوبة على أمرها الضائعة في مهب الريح . والذين عوقبوا بجريرة السياسة والسياسيين والأحداث الخارجية (واحترگ الأخضر ابسعر اليابس)-
لقد ابدعت استاذنا الرائع ، متمنية ان يقرأه كل عراقي ، لابل كل عربي ، لترفع الغشاوة اللئيمة عن عينيه ، والتي وضعها المتعمدون المغرضون ألأفاقون، ولينصف من ظـُلم بدون وجه حق ، وكان الضحايا شبيبة ورجال مخلصون بنوا العراق فكان جزاؤهم الإضطهاد والأجبار على الرحيل.
 
تحياتي لك استاذنا البروفسور (سامي مورية) وألف شكر على المعلومات المهمة التي وضحتها في كتابك الرائع (بغداد حبيبتي) والذي ابكاني واضحكني ، احزنني وافرحني
 
انك فعلا استاذ مبدع تستحق ان تحنى لك الرؤوس ، دمت علما من اعلام اللغة العربية الجميلة ، وأديبا وشاعرا رائعا
مع كل الود والإحترام
 ------------------------------------------------------------------------------
اهدي هذه الأبيات الى وطني المستباح
والى البروفسور سامي موريه
 والى من تروق له

 
ليـش العراق ايصيـر.. بالغربه حسره
يـلهب يـعذب الروح .. چا هـذا سـِـرَّه!
***
كـِلما تــُمـراسـنـيـن نـارَك تـِـوَجـّـر
يـمتـَه الگـَـلب يـرتاح والدنـيه تخـّضَر
***
كـل يـوم اگـول اليـوم باچـر نـِفاهـَه
مـَـرَّت چـثـيـره اسنين ماشفـنـَه راحه
***
لابـيـّه اگولـَن آخ .. لابـيـّه أرتـــاح
الغـَصَّه بالبـَلعـوم .. والفـَجـِر مالاح
***
*نـَخـْـلـَتـكم البـلبـيـت .. تـزهي اوتـغـَنـّي
نـَخـْلـَه ازرعـِت بالبـيـت .. ذبـَّـلهـَه ونـّي
***
گالـَوْ عـَـليـك اهـواي .. مايـَك يـشـَـوّر
يا(دجـلـَه) مايك ويـن ؟ اجـروفـَك تـدوّر
***
تـرابـچ ذهـَـب بـغـــــداد .. وانتِ أصيله
أم العلم والنور .. دومـچ جـَـلـيـلـَـه
***
كـل يـوم اگـول اليـوم .. أنــسـَـه محنـْـتـَـك
كـلشي نـسـيـت اهـنا .. ظـَـلـَّـت مـَحـَبـْـتـَـك!
-----------------------------------------------
*نـَخـْـلـَتـكم البـلبـيـت:-الكلام عن مقارنة نخلة جميلة
 زرعها الأديب سامي موريه في حديقة منزله من بذرة (نواية)عراقية
ونخلة بائسة هزيلة زرعتها في (سندانة) داخل بيتي في السويد
-(وظلت بين الموت والحياة) ولم تزل كل هذه السنين الطوال
-------------------------------------------------------
الأبيات مستوحاة مما كتبه الأديب موريه في كتابه الموسوم
--------------------------------
ســـــــــــــتوكهولم
كانون الثاني / 2017




204


اوباما وتـرامـب


ميسون نعيم الرومي
 
-(اوبـامـا) المـشـَـه .. والدنـيـّـه هالسَـلهـَه
و(تـرامـپ) الإجـَه .. ما ضـَنـَّـه يـعـْدلهـَه
***
-(تـرامـپ) الإجـَه .. عـاضض على اسـنونه
-(امحمفـش) حـَـمـَـر.. مايـرْضه بالعـونـَه
***
ربـيـع العـَـربـي .. جابـلـْـنـَه اوبـامـا !
-(حـَـرْثـَـه) هالصفـت .. واغـْرَگـْنـَه بـدمانه
***
ديمقراطي الحزب .. لو چـان جمهوري
كـلهه تـتـفـق .. تـضربـنـَـه بـالـبـوري
***
-(تـرامـپ) الإجـَه .. متحـَمـّـس اويخطب
ايـوديـنـَـه البـَـحـَـر.. من عنده خل نشرب
***
وجهـيـن الوجـه .. والعـُـمـلـَه چا هـيـّه
محكـوم الشـَـرق .. خـَـل يـدفـَع الديـّـه
***
رسـّـمـَـوْ بالخريطه .. والمنطقه رسموْ
تـتـقـَـسـَّـم .. تـِـضل ! عَ الدنـيه هالعـَـمـّـوْ
***
ايـسّ ! يا وطن .. ماضنهه خوتخلص
تالي المنطقه .. بالمگص تتگصگص!
***
ياشـَـعب العراق .. امريكه تـتـسـَـلـَّه
-(مـن قـال اوبـَـلـَه) .. هالتكبر العـِـلـَّه
***
-(تـرامـپ) الإجـَه .. هالينفض ابريشه
كلهه هالصفت .. تـَـلطيـشـَه ويّ تلطيشه


كانون الثاني / 2017
ســـــــــــــــــتوكهولم







205
يـالـمـشـيـت .. او يـالـمـشـيـت
ميسون نعيم الرومي
 
يـالـمـشـيـت اوتـهـت بـاديـار الـغـَـريـبـَـه
يـالـمـشـيـت ادروب دنـْـيـتــْـنـَـه الـعـَـجـيـبـَـه
ابـلـيـل تـحـْـچـي اويـه الـگـمـر
تـشـكـي لـوعـات الـعـمـر
اتـصوغ چـلـْـمـَـه اوتـنـتـظـر
بـلـكـي تـكـمـَـل هـالـقـَـصيـدَه
زمـَـن واحـنـَـه مـن عـَـبـيـدَه
ايـلاوع اويـضحـَـك عـَـلـيـنـَـه
ضاع كـلـشـي مـن اديـنـَـه
وانـت كـلـشـي مـا حـويـت
عـيـن تـربـي
اومـا نـسـيـت
يـالـمـشـيـت
***
دَرب أظـلـَـم بـي ضـَـبـاب
نـمـشـي نـرْكـض عَ الـسـَـراب
غـابـَـه والـبـيـهـَـه ذئـاب
مـَـدري قـسـْـمـَـه واعـتـنـيـت
وَعـَـد مـَـدْري لوعـمـيـت
شـَـمـْـعـَـه تـضوي وانـطـفـيـت
يـالـنـســيـت
فـَـرْحـَـه تـمـشـي اويـه الأمـَـل
حـلـم يـقـظه اومـاكـمـل
اعـزاز راحـَـوْ بـالـعـَـجـَـل
احـْـصَدْنـَـه لـوعـات الـسـنـيـن
والـزَمـَـن .. طـَـبـْـعـَـه ضـَـنـيـن
تـالـي مـامـش هـالـصفـيـت
مـا أبـَـد كـلـشـي حـويـت
يـالـمـشـيـت
***
نـمـشـي وانـغـَـنـّي ابـأمـَـلـْـنـَـه
والـوَكـِـت جـَـمـَّـر ابـدَمـْـنـَـه
الليـالي سـهـْـرَت .. اونـامـَـت ابـحـَـدْنـَـه
والـحـزن غـَـرَّگ بـَـلـَـمـْـنـَـه
كـل صـَـبـاح
اوكـل مـَـسـاء
حـَـظـنـَـه گـالـَـو:-
قـَـدَّر هـالـبـيـنـَـه راد
مـامِـش ابـغـرْبـَـه مـراد
جـَـرح طـاب اوجـَـرح يـدّي
عـدّي بـيـهـن .. عـدّي عـدّي
لارَفـيق اولا صَديـق
والـگـَـلـب مـِـشـعـَـل حـَـريـق
عـلى الـمـامـش هـالـصفـيـت
شـنـهـي تـنـوي ؟
واشـنـويـت
يـالـمـشـيـت .. او يـالـمـشـيـت
***
شـَـمـس تـشـرق وابـصبـحـنـَـه ...نـنـتـظـر..
وابـليـالي الـعـيـن .. يـنـطـرهـَـه الـفـَـجـر
حـلـم مـَـدري .. لوجـنـون
روح مـَـلـَّـتـهـَـه الـشـجـون
عـمـر عـايـش بـالـظـنـون
نـنـطـر اويـزْهـر وَرِدْنـَـه
جـوري .. قـدّاح ابـدَربـنـَه
والـگـمـَـرغـنـوَة فـَـرَحـنـَـه
والـنـَـجـم يـگـعـِـد ابـسـدْنـَـه
مـوجـه تـرْكـض .. وابـنـَـهـَـرْنـَـه
الـبـَـلابـل غـَـنـَّـت ابـلـَـحـن الـحـيـاة
انـت تـدري
آنـَـه ادري
يـالـمـشـيـت
حـلـم مـنـَّـه اومـاصحـيـت
تـذكـر انـت .. لونـسـيـت ؟
يـالـمـشـيـت .. او يـالـمـشـيـت
------------------------------------------------------
كانون الثاني / 2017
ســــــــــــتوكهولم




206
يـا وَيـْحـَــهـُـم
ميسون نعيم الرّومي
انـْـتـَـفـَخـَت كـروش
تـَـشـَـدَقــَت أوداج
فـَـتــَدَلـَّـت الســن
وَعلا فـَحـيـحُ لهـاث
سـالَ لـُعـاب
لـَزج ..نـَـتـن
يـلهث وراء سـلطــَة عطشـى
لشـرب دمـاء الأبرياء
وأكـل كـبـود
المـسـتــَضعـَـفـيـن
يا ويحهـَـم
تـَـدَثــَروا بـعبـاءة الديـن
تــَبـَرقــَعوا بالصـَلاحِ والتـَـقـْـوى
فادعوا النـَـقـاء
 وتعلـّـقوا بأذيال الإخلاص والوفاء
هـَـلـَلـوا وَكــَبـَروا
بـالغـوا وتــَمـَشـدَقـوا
تـَجـَبـَروا وتـَوعـّدوا
لسـَـتـر عـَورَة
جـَشـعـَة نـَهـمـَة
لاتــَهـدأ ولاتـَـنـام
تـَبـا لكـم ايـهـا النـِعـام
يـوم يـَسـتـَيـقـظ ... النـيـام
يـوم تـَـتـَعـانـَـق الأكـف
وتـَهـتـف الحـَـنـاجـر
بصـوت هادر
للحـَق الثائـر
ليـَهـز أركـان الأرض
ويـعـانـق السـَمـاء
تـعيـده وابـلاً من الغـَضب
فليـَسـقـط الظـلم
ويـَنـدَحـر الطـغـيـان
فـيـَرحـَل حـثـالة الحـكـام
يـعـمّ العـَدل
تـُرَفـْرف حـَمـامات السـلام
لتـَنـثـر الحـب والوئـام
ولتـَنـتـَصر الجـمـوع الجـائـعـَة
تـَـتـَحـَقـق أحـلام الأيـتـام
يـَنـعـدل المـيـزان
بعد ان أكلهه الصـَدأ
ضـاع العـنـوان
قـَصيـر هـو مـَهـما طال
عـمـر الزمـان
فكل إلى زوال
وسـَتـَبـقى الجـمـوع سـائـرة
الى الأمـام
فـشـعـاع الشـَمـس
لا تـخـفـيـه قـوى الظـلام
إلى الأمـام
الى الأمـام
--------------------------------------
ســــــــــــتوكهولم
كانون الثاني




207

ولـدچ يـَـمـَـلـْـحـَـه ليـش .. دَمـْـهـم تـِـطـَـشـَّر؟


ميسون نعيم الرومي
 
اسـبـايـه انـسـِـبـَـت بـَـغـداد ..( يـعـبـادي) مـَـتـشـوف ؟
فـَـجـْـروْ الـفـقـره اليـوم .. والسـَـبـَـب مـَـعـروف !
***
شـَـحـچـي اوشـَـگـول اليـوم .. مـَـخـنـوگـَـه روحي
ما تـنـسـمـع وَنـّاي .. يادنـيـه نـوحـي
***
إلـهـم السـلـْطـَـه اوجـاه .. إلنـَـه المـآتـم
تـَـفـجـيـر اوحـَـرْب وانـمـوت .. ويـّاهـَـه كـاتـم
***
سـاسـَـه التـِـفـَـجـّـر النـاس .. تـنـْـثـر لـَـحـَـمـْـهـَـه
بـَـغـداد انـسـبـَـت هاليـوم .. غـرگـَـت ابـدَمـْـهـَـه
***
ابـشـَـلع اوقـَـلـع نـاديـت .. والشـارَه أهـْـلـَـك !
غـَـفـْـلـَـه هـِـفـَـتـْـنـَـه ليـش ؟ والمـوتـَـه رَبـْـعـَـك!
***
لاشـَـلـع شـفـْـنـَـه اهـنـاك .. لاقـَـلـِـع ضگـنـَـه
بـَـس الحـَـچـي والگـول ! چـا هـاذي مـحـْـنـَـه!
***
بـَـس الـفـگـر والـمـوت .. ياشـَـعـَـب حـِصْـتـَـك
راضي مـَـهـانـَـه اوذل ! چـا شـنـهـي قـصتـَـك؟
***
نـِـتـْـعـَـنـَّـه كـلـنـَـه انـروح .. للمـَـرْجـَـعـيـّـه
مـنـْهـَـه اونـريـد الحـَـل .. والـسـَـكـتـَـه بـليـّـه!
****
نـنـعـي نـظـل كل يـوم .. والسـاسـَـه تـلـعـَـب
(بـالخـَـضرَه) متـنـَـعـمـيـن .. للوَطـَـن تـنـهـَـب
**
ولـدچ يـمـَـلـْـحـَـه اليـوم .. سـبـحـَـت ابـدَمـهـَـه
اولادچ غـِـدَوْ طـشـّـار .. نـِـثـْـرَوْ لـَـحـَـمـْـهـَـه
***
مـَـلـيـنـَـه حـچـي وگـول .. والزلـم سـكـتـَـت
يامـَـرأه ثـوري اليـوم .. ابـيـوتـچ انـهـجـمـَـت
***
چـَـرغـَـدچ چـا شـديـه .. بـالرگـبـَـه حـطـيـه
اتـحـَـزمـي ابـعـَـبـاتـچ حـيل .. (بـالـخـَـضـْـرَه) فـكـيـه
***
عـدهـم ولـد وابـنـات .. بـورپـَّـه تـنـسـَـرّ
ولـدچ يـَـمـَـلـْـحـَـه ليـش .. دَمـْـهـم تـِـطـَـشـّـر؟
------------------------------------------------------------
نظمت هذه الأبيات ردا على التفجيرات المروعة
التي هزت بغداد يوم الأثنين المصادف اليوم الثاني من السنة الجديدة 2017
في مناطق كثيرة من بغداد منها منطقة الصدر (الثورة) ، الزعفرانية ،
حي الاعلام، حي الصحة بمنطقة الدورة، منطقة كمب سارة وسط بغداد،
منطقة العبيدي، منطقة الحسينية، شمالي العاصمة، بغداد الجديدة،
وكان عدد السيارات المفجرة تسع سيارات مفخخة ضربت مناطق متفرقة من العاصمة بغداد.
-------------------------------------------------------------------------------------------
3 / كانون الثاني / 2017
ســـــــــــــــتوكهولم











208
صـَـبـاح الخـيـر
ميسون نعيم الرومي
 
صـَـبـاح الخـيـر يـعـْـراقـي صـَـبـاحـَـك – عـلى بـَـغـْـداد عَ الـوادي عـلى ارْبـوعـَـك
عـلى مـيـسـان عَ الـعـَـشـّار.. كـرْدسـتـان – عـلى الأهـوار عَ الجـلـعـَـه واسـفـوحـَـك
عـلى دجـْـلـَـه عـلـى بـَـغـداد والـكـَـحـلاء – عـلـى الـخـابـور والـزاب وافـروعـَـك
يـالـگـمـَـر يـالايـذ ابـحـضن الـنـَـخـَـل
يـالـَهـْـفـَـة امـفـارگ اوبـالـدَمـْـعـَـه هـمـَـل
يـابـوسـَـة عـشـگ واتـگـَـطـّـر ابطـَـعـم الـعـَـسـَـل
يـاشـوگ الـعـمـر مـَـهـيـوب .. يـمـْـدَلـّـل – يـاروح الـتـِـغـَـنـّـي دوم وابـروحـَـك
يـاسـولـَـة عـشـگ لـلـنـاس تـحـْـلـف بـيـك – يـريـحـان الـوَرِد قـدّاح وانـشـوفـَـك
صـَـبـاح الخـيـر يـعـْـراقـي عـلى ارْبـوعـَـك
صـَـبـاح الخـيـر
****
يـاگـمـْـرَة ربـيـع اوفـَـرْحـَـة الأعـيـاد - يـچـانـون الـوَكـِـت بـالـروح يـچـويـنـَـه
يالون الـظـفـيـره يا حـَصاد الـلـون – تـزهي اويـه الـشـَمـس تـضوي اوتـضـَـوّيـنـَه
قـِـدّاح وَرْدَك يـاســـــمـيـن
دارَت الـدنـيـّه تـَـرَه اتـدور الـسـنـيـن
شـوگـي هـالـيـحـن كـل الـحـنـيـن
يـالـّي حـبـك ضـَـوَّه گـَـلـبـي والـجـبـيـن – وانـت قـِبـْـلـَـه لـلـعـمـر واسـنـيـنـَـه
لـيـك وانـغـَـنـي الـعـَـتـابـَـه والـربـاب – عـيـنـي اوعـالـبـعـد سـَـهـرانـَـه اوتـشـوفـَـك
صـَـبـاح الخـيـر يـعـْـراقـي عـلى اسـفـوحـَـك
صـَـبـاح الخـيـر
****
يـاضوَه الـعـيـنـيـن يـاحـب اوأمـل – يـالـعـلـيـك الـعـيـن تـرْبـي والـمـقـَـل
يـالـّي حـبـك جـَـذّر ابـروحي اوحـفـَـر- يـالـّي طـَـعـمـَـك بـرحي وايـنـَـدّي الـعـَـسـَـل
امـنـيـن جـابـَـك هـالنـَـصيـب
جـَـرح يـدّي اومـايـطـيـب
ادواي إنـت والـطـَـبـيـب
يـاحـَـلاة احـروف إسـمـَـك .. وانـت ضِـل – يـامـِـزَن تـَـمـّـوز يـنـْـطـرْهـَـه يـظـل
يـاحـلـم لـلـروح يـافـَـرْحـَـة عـُمـُـر- يـاجـَـرح بـالـدَلاّل مـا يـنـلاح وانـروفـَـك
صـَـبـاح الخـيـر يـعـْـراقـي عـلى اعـيـونـَـك
صـَـبـاح الخـيـر
-----------------------------------------------------------------------------
2 / كانون الثاني / 2017
ســــــــــــتوكهولم



210
لكم مني أحلى المنى بمناسبة السنة الجديدة
كل عام وانتم بخير
ولوطننا الأمن والسلام

 
سـَـنـة اسـبعـطـَـعـَـش
ميسون نعيم الرومي
 
سـَـنة اسـْـبـاطـَعـَـش أنـْـخـاچ .. رايـد أنـَـه العـون
نـثـَـري سـَـــلام اوحـُـب عالدنـيـّـه عـَالكـــون
***
نـثـَـري سـَـــلام اوحـُـب .. نـثـَـري مـَـوَدَّه
اشـْـبـَـعـْـنـَـه ظلـم وادمـوم .. والشدَّه شـدَّه
***
أبـعـَـث سـَـلامي اويـاچ .. للحـِـلـْـوَه بـَـغـداد
اسـنـيـن السـَـعـاده اوخـيـر .. نـتـْـرَجـَّـه تـنـْـعـاد
***
شـَـعـْـب العـراقي الزيـن .. كافي بـَـعـَد نـوم
إنـفـض مـَـذلـَّه اوجـور .. اغـسـل بالهـمـوم
***
لا كـَهـْـرَبـَـه ! لا ماي .. لاعـدْنـَـه خـدْمات
هـذا النـَـفـط مـبـيـوگ .. احكومـَـتـْنـَه آفـات
***
نهـّـضـَه الشـَـعـْـب وايـريـد .. نهضة زراعه
خـَـرْبـَـوْ وَطـَـنـَّـه ليـش .. حـتـّى الصِناعـَه
***
نـتـْحـَـزَّم ايـد ابإيـد .. نـطـْرد الخايـن
كـلهم لــِفـوْ لـَمـْـلوم .. يـاشـَعـْبي عايـن
***
(بـَـرْبـِـعـَـوْ) بالنـَـفـْطات .. والشـَـعـَب جايع
الواحـد يـجـَـدّي چـان .. بالغـرْبـَـه صايع
***
ياشـَـعـْـب انهض ! گوم .. نظـّـف الخـَضّرَه
مـَـرّت چـثيـرَه احـزان .. ماخـَـذِت عـِـبـّـرَه؟
***
كـون العـراق ايـعـود .. سومرنه ! بابـل
بالظلم راضي ليـش ؟ بالذلـَّـه قـابــــل
***
يا شـَـعـْـب انهض ثـور! طالب باللحقوق
اشـبـَـعـَـنـَـه وعود اهـواي .. والوطن مـَـسروق
-------------------------------------------------------
30 / 12 / 2016
ســـــــتوكهولم





211
الى فـَـطـّـومـَـه
بمناسبة العام الجديد
ميسون نعيم الرومي
 
فـَـطـّـومـَـه ياغـصن البـان
نـَـجـْـمـَـه ابـسـمـَـه كردسـتـان
 
عيـنـچ خِـجـَـل مـنـْـهـَـه الليـل
شـَـعـْـرِچ هـدَل جـَـن مـرْجـان
 
رمـشـچ حـلـو يـرمـي اسـهـام
صـَـوَّب اگـلوب الشـبـّـان
 
ليـلـو لـمـَـع لـَـمـَّـن ضحـَـك
شـفـتـَـه يـفـَـرط الـرّمـان
 
نـَـوْرَت الشـامـَـه عَ الـخـَـد
تـفـّـاح خـَـدّچ رَيـّـان
 
اشـعـاع الشـَـمـس مـنـَّه اوغـار
حـُـبـَّـه يـهـزّ الوجـدان
 
جـوري بـَـنـَـفـسـَـج قـدّاح
امـعـَـطـَّـر ابـعـطـر الوديان
 
عـَـط انـتـشـَـر لمـَّـن فـات
لاهـو إنـس لاهـي جـان
 
نـَـسـمـَـة صبـح مـَـرَّت عـَـجـل
حـلـم اويـداعـب لـجـفـان
 
فـَـطـّـومـَـه ياغـصن البـان
عـود السـفـَـرجـَـل ريـحـان
 
سـَـنـْـة اسـبـاطـَـعـَـش ريت الفرح
للنـاس يصبـَـح عـنـوان
 
---------------------------------------------------
23/ديسمبر/2016
ســـــــــــتوكهولم





212
چـنـَّـه ابـطـال انـهـز الـدنـيـه
ميسون نعيم الرومي
 
لا ضـَـل فـِـكــْـر اولا ضـَـل مـَـبـْـدأ
ســاحـَـه اوفـرغـَـت وَسـْـفـَـه اعـْـلـيـنـَـه
 
لا چـَـن چـِـنـَّـه انـقـود الـدنـيـه
لا چـَـن گـاع ابـدَمـّـنـَـه ارويـنـَـه
 
سـاسـَـه اسـتـَـحـْـلـَـوْ عـِـزّ اوجـاه
نـمـشي اونـمـْـشي الراگ اصفـيـنـَـه
 
لا ما نـتـْـحـَـزَّم بـالذل مـا نرضه
بـالـمـايـسـوَه اشـلون اتـوَچـّـيـنـَـه؟
 
صرْنـَـه انـغـَـطـّـي اعـيـوب الأعـوَج
نـتــْـعـَـذَّر نـمـْـسـَـح بـالـشـيـنـَـه
 
نـسـْـكـِـت وانـغـَـلـّـس عَ الضيـم
وَصمـَـة عـار ابـنـص اجـبـيـنـَـه
 
اوجـوه الـصـَـفـْـرَه اتـسـَـيـدَت ليـش؟
لـَـمـلـوم الـتـَـم چـوچـَـه اعـْـلـيـنـَـه
 
راحـَـت حـيـف اورود اهـواي
يـصرخ دَمـهـم وايـنـاديـنـَـه
 
چـنـَّـه ابـطـال انـهـز الـدنـيـه
اسـجـون اهـواي انـتـرْسـَـت بـيـنـَـه
 
جـور اوتـَـعـذيب اوذبـحـونـَـه
مـايـوم الـراس إحـنـَـه احـنـيـنـَـه
 
بـالكـرسـي اوقـادَتـهـم لـزگـَـت
والـكـرسـي انـوب امـذَهـبـيـنـَـه
 
بـالـمـنـخـل وانـريـد اتـغـرْبـل
والـشـبـّـان اتـصيـر الـعـيـنـَـه
 
وَطـَـن الـحـر اتـصيـح اوتـهـتـف
خـَـل نـسـعـد بـالـشـَـعـب انـعـيـنـَـه
 
عـاش اعـراقي الـغـالـي ابـشـَـعـبـَـه
فـالـتـَـحـيـا اجـبـالـَـه اونـهـريـنـَـه
---------------------------------------------------------
ديسمبر / 2016
ســــــــــــــتوكهولم


213
الى فيروز (جارة القمر) ومحبيها
اهدي هذين القصيدتين 
 
الـى فـيـروز

ميسون نعيم الرومي
 
كـِـلـْما تـمـر نـَـسـْـمـَة صبـح
لـَـفـْحـَه تـِـهـِـب لـَـفـْحـَة عـِـطِر
 
والـوَرِد يـتــْمايـل غـَـنـِـج
نـَـدَّه الـنـِـدَه ابـوَجه الفـَـجـر
 
(فـَـيـروز) يـا أحـْـلى نـَـغـَم
صوتـِـچ وَشـِـم ويـّـه العـمـر
 
عـود اوربـابـَـه وَي نـاي
غـَـنـَّـت بـَـلابـل عَ الـشـَجـَر
 
مـوج الـبـَـحـَر يـعـْزف الچ
سـجـْدَت انجـوم اويـه الگـُمـَر
 
وَرْد الـبـَـنـَـفـْسـَـج قـدّاح
عـطرالهـوى ابصوتـچ نـشـَر
 
صوتـچ يـشـِـع ويـَه الشـَـمس
لـون السـِـمـَه وَكـت العـَصِر
 
غـِـنـْـوَة فـَـرَح غـِـنـْوَة أمـَـل
اسـْـمـِـچ شـَـذر لـون الـبـَـحـَـر
 
لـيـلـو ذهـَـب وَي مـِـرْجـان
زيـنـَـة شـگـر مـَـدري سـمر
 
عشب او رگص غنوة نخل
صوتـچ نـَـغـَـم وَسـط الـنـَهـر
 
(فـَـيـروز)  يـا أحـْـلـَه لحـن
ابـدَرب العـشـگ يـسـحـِر يـمر
 
غـَـنـَّـه شـَـمع يگــْطرعـَـسَـل
اسـنـيـنـچ زهـَـت وانـتِ الفـَخـَر
 
عـُمـْرچ صِبـي دوم الوَكـِت
بـالـروح إلـج فـَـرْحـَه اوأثــَر
 
(فـَـيـروز)  مـيـلادچ يـظـل
عـمـر الـربـيـع اوزهـَـر
---------------------------------------------------
اهدي هذه القصيدة الى جارة القمر ذات الصوت المخملي
الى فيروز الصباح بمناسبة عيد ميلادها
الحادي والثمانين
الذي كان في
21 نوفمبر تشرين الثاني 1935
-------------------
كانون الأول / 2016
ســـــــــــــتوكهولم
---------------------------------------------------------------------------
يـا فـَـيـروز يـا فـَـيـروز
ميسون نعيم الرومي
 
صوتـچ حـَـريـراو لـَـحـن بـيـه انـغـام
ابـلـبـنـان اوصدَح بـَـغـداد ويـّـه الـشـام
 
إسـمـچ حـلـو فـَـيـروز بـحـروفـَـه
ابـلـون الـسـمـَـه .. كـُـبـْـر الـبـَـحـَـر واجـروفـَـه
 
للنـَـرجـس اعـيـون اوتـحـچـي عَ الأسـرار
عَ الأنـدلـس والـحـلـوَة الأنـوار
 
للحـب للشـَـمـس غـَـنـوات عـَـن اللوز
عَ الشـتـَـه اوعَن الـصيـف وابتـَـمـوز
يـا فـَـيـروز يـا فـَـيـروز
***
غـنـوَه للهـوى وامـضـّـيـّـع الأحـبـاب
كـتـْـبـَـوْ بـالإسـم عَ الشـاطي عَ الأبـواب
 
عـلى ليـل المـحـب والـشـَـبـْـگـَـه إيـد ابـإيـد
وابـضي الـگـمـَـر سـَـهـرانـَـه تـتـْـنـَـه العـيـد
 
عـلى شـادي الطـفـل والضاع ويـَّـه الـنـاس
عـلى غـَـدر الـزَمـَـن عَالوفـَـه اوعَ الإحـسـاس
 
والـحـب الـكـبـر واتـعـَـلـَّـه فـوگ الجوز
يـاصـوت الـكـَـنـاري الـصاح يـافـَـيـروز
يـا فـَـيـروز
***
البـَـغـداد الـحـَـبـيـبـَـه الـبـيـهـَـه تـحـْـلـَـه اشـعـار
صوتـچ ضوَه عَ الـنـَـخـَـل عَ الأشـجـار
 
بـيـچ اوتـفـتـخـر لجـبـال وي لـبـنـان
يارَمـز اوفـَـخـَـر يا عـِـزَّة الأوطـان
 
اشـعـاع امن الـشـَـمـس اهـديـلچ الـنـَـجـمـات
يالإسـمـچ عـِـلـَه وايـعـَـلـّـي بـالـرايـات
 
اشـعـَـلـنـَـه الـشـمـع هـاليـوم يافـَـيـروز
عـمـرچ ألـف كـون ايـصيـر
يـا فـَـيـروز يـا فـَـيـروز
------------------------------------------------------
اهدي هذه القصيدة الى جارة القمر ذات الصوت المخملي
الى فيروز الصباح بمناسبة عيد ميلادها
الحادي والثمانين
الذي كان في
21 نوفمبر تشرين الثاني 1935
-------------------
كانون الأول / 2016
ســـــــــــــتوكهولم
 
 

214
بمناسبة اليوم العالمي لحقوق الإنسان اهديها
ميسون نعيم الرومي
 
عَ الوَرَق هـاك احـْـقـوق .. حـَـصـِّـل وَطـَـنـَّـه
كـِـتـبـَـوْ چـثـيـرَه ابـنـود .. وابـْـهـذا دَمـّـنـَـه
***
للبـَـشـَـر هـاك احـقـوق .. گالـَـوْ عـَـدالـَه !
طـِفـّـل العـراقي ليـش .. يـاكـِـل زبـالـَه ؟
***
 الهـُم حـقـوق اهـواي .. إلنـَـه المصايـب
مـوت اوكـَـتـِـل وادمـوع .. حـَـمـّـِل يـخايـب
***
إلهـم نـَـفـط وافـلوس .. والدنـّـيه تـزهي
إلنـَـه حـَـرب وادمـوع .. والعـمـُر مـَطفي
***
مـتـْعـَـوقـَـه نـصّ النـاس .. والبـاقي مـَچـّـفي
لاعـدْنـَـه حـوبـَـه اتـصيـب .. لادَمـْـنـَه يـحـّچي
***
كالـَـوْ وَطـَـنـَّـه چـان .. مـوْطـِن (نـبـايـه)*
لاشـارَه ظـَـلـّـت بـيـه .. صرّنـَـه سـبـايـه
***
نـِـتـْـوَزَّر انگـوم اليـوم .. نـلـْطم عَ  لحـْگـوگ
عَ القـادَه ع َالمـَـسـوؤل .. باعـونـَه بالسـوگ
***
شـَـعـْـب العـِـراقي (أحـّـوه) .. حـِـسـْـبـوْ خـَـسـائر!
فـَـرّغـَـوْ خـيـر البـيـهـه .. واعـراقي حايـر..
***
شـَـكـْبـن واخـذ لحـقـوق .. و (امريـدي) مـَوجـود!
عـِـدْمـَـوْ وَطـَـن هـانـوه .. چـا ويـن الـِحـّـدود؟
***
هـانـونـَـه بـسـْـم الديـن .. يـارَبـّي تـِـرْضَه؟
مـَـرْقـَـد (نـِـبـايـه) بـيـه .. ضاع اوتـِـشـَـضـَّـه..
***
گـالـَـوْ (خـُمـس) يـنـطـون يـتـْحـَـلـَّـل الـبـوگ
 شنهي الجرَه والصار .. يارَبـّي (لـَـطـْعـَـه) انـضوگ ؟
***
يـوم الشـَـعـَـب وايـثـور .. يـاخـَـذ حـقـوقـَه..
ابـعـِـزّ اوكـَـرامـَه ايـعـيـش .. يـطـّرِد الجـوگـَـه
***
الساكـِت عَ الظـم .. بـالحـُـفـَـر دومـَه ايـعـيـش
(بـَـغـْـداد) العـَـزيـزَه اتـصيـح .. بالشعب تـِـنـْخـَه اوجـيـش
---------------------------------------------------------------
*(نـبـايـه):- موطن الأنبياء
---------------------------
10 / 12 / 2016
ســــــــــــــــتوكهولم

215
شــارع الـرشـيـد
اهدي هذه الأبيات الى شارع الرشيد
بمناسبة مرور مائة عام على افتتاحه

ميسون نعيم الرومي
 
شريان الچ بـغـداد .. روحه او وريـده
*(الشارع رشيد) اتـلوگ .. احلى قصيده
***
مـيـَّة سـنـَـه هالصار .. عـمـّـرَك تـِـعـَـدَّه
شـارع رشـيـد اليـوم .. طايـح ابـْـشـِـدَّه
***
أحـْلـَه الشوارع چان .. شنهي اللي نابـَه!
ياوَسـْـفـَه حيف اوحيف .. صايـر خرابه
***
تـزهي چـنـت بالبـيـك .. فخر الشوارع
كـلـَّـه مـَـزابـل ليـش ؟.. ياشـَـعـبي باوع!
***
*نـبـدي ابـلبـَـن أربـيـل .. نـوصل الساحه
سـوگ الهـَـرَج ليـغـاد .. ياخـذلـَه راحـَه
***
*والمكـْـتـَـبـات انـّـوب .. واليـمـْهـَه جامع
والمأذنـات اتـصيـح .. والحسّهـَه سـامع
***
جسر العـَـتـيـك البـيـه .. كـتـْـلـَـوْ ولـدْنـَـه
خضّرَت بـيه اورد .. من ذاكـَـه دَمـْـنـَه
***
شوف الرصافي اليـوم .. تمثالـَه يحچي
من كثر ضيم الناس .. شو چـَـنـَّه يبچي
***
حافـظ القاضي هـاذ .. يـمـَّـه المصور
*(ارشاك) ابـن بغداد .. والضوه امنور
***
عَ اليمـّـنـَه من اتـفـوت .. دجـْـلـَه سـَـلامات
*فضَّه اوذهـَـب مـَرْصوص..احـْلـَه مصوغات
***
بـَـعـْد الجسـِـر ليـغـاد .. عـَگـْـد النصارى
سـُـمـر اوشگـر حـلوات .. كلـّهن حيارى
***
تسمع عـَـزِف غـِـنـوات .. احـلـَه المواويل
الصاحي والسكران .. ويـّه الهـوى ايـميـل
***
تـزهي المباني بـيـك .. أحـلـَه الشـنـاشـيـل
صار الزبـل اطنان .. بـَس عـَـبـّي اوشـيـل
***
كـون الـزَمـَـن يـنـدار.. وانـرِد للمـلـوك
*(اورزدي)(حسو اخوان) وسفه تـَـره انهوك
***
اهـل العـلـم والـنـور .. أهــل الـثـَـقـافـَه
*(للبـَـرازيـليـّه) اتـروح تـلگـَه الصحافـَه
***
السـيـنـَـمات اهـواي .. بـيـه الگـَـهـاوي
 (خيام) او(زهاوي) اشهود .. جـَرْحك تداوي
***
شـارع ثـقـافـَه اونـور .. شـارع الوثـبـات
مـَـفـروشـَه گاعـَـك ليش .. شـَـلغـَم وبـَسطات
***
تتهيچل اوتمشي بيك .. چانت (ام قاطين)*
(والربـل) أم احصان .. والحلوه والزين
***
*(پـاشـا خـَـليـل) اوچان .. إسمـَـك يلعلع
مـن گـَـبـل مـيّة عـام .. يـزهي اويـِلـَمـّع
***
تـمشـي مـَـواكـب بـيـك .. فـَـن اوثـَـقـافـَه
تـكـْـتـب عـَليـك اوبـيـك .. كـلّ الصحافـَة
***
فـَـن اوثـَـقـافـَه بــيـك .. چانـَـت تـِـبـاهي
منهه التـِـدَوّر اعـلوم .. منهه اللي لاهي
***
*(هارون الرشيد) الحيد .. عصره عصر نـور
عـِـلـْم اوثـَـقـافـَة اوفـَـن .. عالي بـِـنـَه الـسـور
***
ابـإسـمـَـك اسـم بـَـغـداد .. مـن گـَـبـل لليـوم
هـارون الرشـيـد اهواي .. شـَـجـّـع بـلعـْـلـوم
***
أم الـرقي بـَـغــــــداد .. عـلـم اوحـِـضاره
حـيـف الوَكـِـت مـنـدار .. غـَـيـّـر مـَـسـارَه
***
بـَـغـداد المـَـجـد والجـاه .. ابـوَكـتـَـك يـهارون
اسـمـچ وصَـل لـلـغـيـم .. وانـتـِـشـَـر بـالـكـون
***
*وابـنـَـه الإجـَـه (مأمـون) .. عـالـم تـَـره چـان
للحـِـكـْـمـَـه انـشأ دار .. والفـَـلـْـسـَـفـَـة يــونـان
***
احـكـومـَة دَغـَـش چـا ليـش .. هـِـمـْـلت الشارع
اسـمه الرَشـيـد اتـگـول .. هـالحـَـگـَّـه ضايـع
***
هـَـدَّوْ عـلى بـَـغـْـداد .. هـِـدْمـَـوْ صرحـّهـَه
اربـَعـَه اوعـَـشـر اسـنيـن .. يـنـزف جرحهه
***
انـهـانـَت ابـهـالأيـام .. بـَـغــداد الحـِـضارَه
زرعـَـوْ تـَـخـَـلـف بـيـچ .. حـيـف اوخـَـسـارَه
***
بـَـغــداد العـَـزيـزَه اشـلـون .. تـِـقـبـَـل إهـانـَه
مـَـعـْـدَنـَـه اوكـَـسـر اوجـوه .. وانـتِ أمانـَـه
***
يـاشـَـعـَـب تـِـرْضَه الـذل ! تـرْضَه المـَهـانـَه ؟
اتـغـَـمـْس الخـبـز بـدْمـوع .. شـنهي اللي جانـَه
 
-----------------------------------------------------------
*(الشارع رشيد):- حذفت الألف والآم للضرورة الشعرية
*نـبـدي ابـلبـَـن أربـيـل .. نـوصل الساحه:- كان العراقيون يتندرون بقولهم
ان وزارة الدفاع تقع مقابل محل لبن أربيل .. الساحة ساحة الميدان
*والمكـْـتـَـبـات انـّـوب .. واليـمـْهـَه جامع:- شارع المتنبي .. جامع الحيدرخانه
*(ارشاك):- مصورالملك والعائلة المالكة -
*فضَّه اوذهـَـب مـَرْصوص:- شارع النهر
*(اورزدي)(حسو اخوان):- محلات تجارية كبيرة انشأت
في العهد الملكي
*(للبـَـرازيـليـّه):- مقهى معروف يلتقي فيه المثقفين
*(ام قاطين):- باص المصلحة ام قاطين
*(پـاشـا خـَـليـل):- كان اسم شارع الرشيد .. شارع خليل باشا
*(هارون الرشيد):- الخليفة العباسي الذي اقترن اسم بغداد بإسمه
في جميع انحاء العالم والذي ازدهر العلم والثقافة والرقي
 في فترة حكمه لبغداد
*(مأمـون):- الخليفة العباسي المأمون الذي أنشأ دار الحكمة
والتي رعت علم الترجمة في حركة واسعة غير مسبوقة للترجمة
وخصوصاً الفلسفة من اللغة اليونانية
-(التي اصبحت محكمة الشعب في وقت الزعيم عبد الكريم قاسم)-
---------------------------------------------------------------------------------------
كانون الأول / 2016
ســــــتوكهولم







216
الثـَـوّرَه شـَـمـْـس اشـمـوس
ميسون نعيم الرومي
 
هـالـراح العـمـر بـالـوَنـَّـه والآهـات
جـَـمـر اوبـالـوَكـِـت هاليحرگ اسـنينه
 
دَمــنـَـه هالجـِـرَه انـهار وَي نـِـهـْـران
قـطار المـوت هالنـاحـَـت فراگـيـنـَه
 
حـَصاد اوبـالظلم أجـيـال بـَـعـْد اجـيـال
عـِـزَّه اوللوَطـَـن زَهـْـرَه اورَيـاحـيـنـَـه
 
چـا هـذا الـنـَـفـط .. ذَهـْـبـاتـَه حـَـدْر الگـاع
خـيـرَه للقـَـوي .. انـْدفـْـنـَوْ هـَـلـَه ابـطيـنـَه
 
حـكـّام الـتـجي مـن غـيـر ذمـَّـه اوذات
تـِـصَفـّي بالشـَـعـَب زلـْمـَه اومـَـيـامـيـنـَه
 
أمـيـّـه اوجـَـهـَـل والـبـَـلـَـد رايـح ويـن ؟
صايـر بـَـس لـَـطـم غـِـنـوَة تـَـلاحـيـنـَه
 
أشـراف الوَطـَـن مـِـتـْـكـَـتـِـريـن اهناك
والسارق يجول .. اتـْـبـَجـَّـح ابـديـنـَه
 
أطـْـفـال العـِـراق ايـتـام مـتــْحـَـسـريـن
نـِـهـْـبـَـوا ثـَـرْوِتـَه .. نـَـفـْطـَه اوملايـنـَه
 
نـسـوان الگـَـبـل جـرأه اوعـِـلـِم وَيْ نـور
لفـّـوهـَه ابـْجـُـبـَـب ! والعـَـدل چاويـنـَه ؟
 
جـيـران الوَطـَـن حكـّـامـَه وامعـَـيـدين
بـاگـَـوْ ثـَـرْوِتـَه .. ظـَـلـَّـت ثعابـيـنـَه
 
يـادنـيـه العـَجـَـب والعجـَـب متعجبين
جايـع لوسـِـكـَـت !  عَ الجـوع والشـيـنـَه
 
هـَم يـوم اويجي والثـَوّرَه شـمس اشموس
ثــَـوّرَه عَ الظلم تـعـْـدِل مـيـازيـنـَه
 
ثــَـوّرَه عَ الظلم تـعـْـدِل مـيـازيـنـَه
-------------------------------------------------------
1/ كانون الثاني /2016
ســــــــــــتوكهولم
 




217
عـاشـگ يـغـَـنـّـي يا هـوى
ميسون نعيم الرومي
 
كـل خـطـوَه وابـجـَـيـتـَـه هـَـلـَـه - عـاشـگ يـغـَـنـّـي يا هـوى
ضـحـْـكـَـت اعـيـون امـلـَـوّنـَـه – خفه اوحسن كـلـَّه حـوَه
نـَـجـمـَـة صبـح بـعـيـونـَـه
حـلـم الـعـمـر بـجـفـونـَـه
سـنـبـل حـَـصاد ابـلـونـَـه
حـَـنـَّـت الـروح اوبـَـس إلـَـه – والـشـامـَـه بـالـوَجـْـنـَـه ضوَه
عـاشـگ يـغـَـنـّـي يا هـوى
***
حـِسـْـنـَه حـسـِن يـغـزي العـيـن – ابـمـاي الـوَرِد هـالـمـَـعـجـون
نـاي اوربـابـَـه لـو حـچـَـه – شـَـط الـعـشـگ يـطـلـب عـون
مـَـرسـوم وجـهـَـه اعـلـَـهَ الـگـمـَـر
والـنـَـظـرَه بـعـيـونـَـه أمـر
شـنـهي السـبـب صـَـدّ اونـُفـَـر؟
هـانـَـت عـَـلـيـه اللـسـنـيـن – لاچـَـن ربـيـنـَـه سـوه
عـاشـگ يـغـَـنـّـي يا هـوى
***
ضاع الـعـمـر بـچـفـوفـَـه – نـَـهـر اوغـرَگ بـجـروفـَـه
اشـعـاع الـشـَـمـس بـزلـوفـَـه – جـَـرْح الـگـَـلـب شـيـروفـَـه ؟
يـكـتـب اويـمـحـي بـالـعـَـجـَـل
مـنـْـهـه نـَـثـر بـيـهـَـه زَجـَـل
وجـهـَـه بـَـدر لاح اوكِـمـَـل
(يـادنـيـه مو كـلـمـَـن إلـَـه) ! – الـداء إنـت والـدوَه
عـاشـگ يـغـَـنـّـي يا هـوى
---------------------------------------------------
27 / تشرين الثاني / 2016
ســـــــــــتوكهولم





218


شعر الدارمي (شعر الفرات الأوسط)-
غزل البنات


ميسوم نعيم الرومي
 
غـيـم اوهـِـوَه واسـكـوت .. مـَـلـَّـتـْـهـَـه روحـي
ادخـيـلـچ يــشـَـمـْـس الـكـون .. بـَـس هـلـّـي لـوحـي
***
حـلـْـوَه الـسـويـد اهـواي .. لـومـا الـكـآبـَـه
دَرْب الـشـَـمـس مـلـتـاف .. يـقـرَه عـَـتـابـَـه
***
سـودَه الـسـمـَـه كـل يـوم .. اظـلـَـم شـَـذرْهـَـه
مـشـتـاگـَـه روحـي اتـشـوف .. نـَـجـْـمـَـه اوگـمـَـرْهـَـه
***
بـَـرْد اوجـحـيـل (اشـّـاه) والـدنـيـّـه ظـَـلـْـمـَـه*
جـارَك يـعـايـن لـيـك .. مـايـحـچـي چـلـمـَـه
***
مـَـرَّت ثـَـلاث اعـقـود .. والـعـمـر غـَـرَّب
لـَـحـْـنـَـه ثـبـَـتـْـنـَـه اهـْـنـا .. لاالـوَطـَـن گـَـرَّب
***
هـذا الـشـَـهـَـر تـشـريـن .. شـَـهـر الـكـَـآبـَـه*
حـتـّـى الـشـَـمـس مـَـتـريـد تـگـرَب تـهـابـَـه
***
حـَـر اويـِـمـَـوْع الـجـيـر .. والـعـَـرَگ نـهـران*
جـابـونـَـه مـن اهـنـاك .. والنـَـهـَـر جـَـمـْـدان
***
امـگـابـل أنـَـه الـشـبـّـاچ .. والـدنـّـيـه عـَـتــْـمـَـه
يـاقـَـلـَـم اسـكـِـت بـَـس .. والـشـعـر كِـتــّمـَـه
***
أفـتـَـح أنـَـه الـمـذيـاع .. أسـمـع مـصايـب
أتـبـاوَع الأخـبـار .. بـيـهـَـه عـَـجـايـب
***
(أوبـامـَـه) سـَـوَّه افـنـون .. (واتـرانـبـنـَـه) مـَـجـنـون*
بـَـس الـمـَـرَض والـجـوع .. حـصـَّـتـْـنـَـه تـدرون !
***
ارْمـاد اوصـفـَـت واتـراب .. والـمـوتـَـه أكـوام
اعـراق انـْـهـِـفـَـه وانـداس .. مـاظـَـلـَّـت الـشـام
***
أنـظـُـم شـعـر هـالـيـوم .. واسـمـَـع عـَـتـابـَـه
صـبـروْ عـَـلـَـي يـخـوان .. عـدْنـَـه كـَـآبـَـه
-----------------------------------------------------------------
* اوجـحـيـل (اشـّـاه) :- البرد الشديد
* شـَـهـر الـكـَـآبـَـه :- شهر تشرين الثاني في السويد شهر معتم
 نادرا ما نرى الشمس خلال ايامه الرمادية
*والـعـَـرَگ نـهـران :- اشارة الى حر العراق الشديد
*(أوبـامـَـه) .. (واتـرانـبـنـَـه) :- الذي ناب العراق خلال حكم اوباما
لاأعتقد انه سوف يتغير خلال حكم ترامب
----------------------------------------------------------------
19 / تشرين الثاني / 2016
ســـــــــــــــــــــتوكهولم









219
يـاعـِــــراق
ميسون نعيم الرومي
 
احـروف إسـْـمـَـك يـالـعـِـراق – نـقــْـشـَـت ابـروحي وَشـمـْهـَه
اسـنـيـن عـَـدَّت بـيـهـَه عـمـْري – عـمـر راح اوبـي أثـَـرْهـَه
العـيـن .. عـيـني وانـتَ ضيـهـَه
الـراء .. روحي اوسـال دَمـْهـَه
الألف ..آهـات گـَـلـّـبي وانـت كـلهـَه
الـقـاف .. قـِـبـّـلـَة لـلـبـَـشـَـر وانـت أمـَـلـْهـَه
اعـراقي انـت اوراح مـنـّي – أم اوهـالخـذوْ مـنـْـهـَـه إبـنـهـَه
راحـت الـدنـيـه بـَـهـَـلـْهـَه – زرعـَـوْ ابـأرْضـَـك شـقـاق
يـالـعـِـراق
***
يـاعـِـراق اوأنـتَ دَمـّي – مـنـَّـك انـتَ اوهـذا رَسـمي
اعـراقي گـالـَـوْ يـا سـَـمـارَك – طـيـبـَة اهـلي اوهـذا وَصْفي
هـَـدّوْ اعـلـيـنـَـه اوولـونـَـه
اعـراق .. جـيـرانـَـك سـبـونـَه
بـَـهـْـذلـونـَـه اوفـَـرْهـدونـَـه
فـَـخـّـخـونـَـه اوفـَـجـرونـَـه
ظـَـلـمـَـه صارَت وانـهـَـبـنـَه – نـَـخـَـل چـنـَّـه وابـوَطـَـنـَّـه
شـلـْعـَـوْ ابـْـظـَـلـمـَـه جـَـذرْنـَـه – طـَـشـَّـوْ ابـأرْضك نـفـاق
يـاعـِـراق
***
يـاعـِـراق آنـَـه امـن اگـولـَـن – أذكـر ايـامي واذوبـَـن
أنـسـَـه لـوعـات الـسـنـيـن – ابـعـيـني غـيـرَك ما أشـوفـَـن
امـْـعـَـسـَّـل او مـَـديـوف بـرْحي
تـبـْـقـَـه والله اضماد جـَـرْحي
جـَـرْحـَـك الخـَـزَّن ابـجـَـرْحي
انـهـِـدَم يـعـْـراقي صرحي
روحي هـالـنـاحـَـت ! تـريـدَه – اتـرابـَـك ابـروحي أدوفـَـن
اشـبـَـعـْـنـَه يـادنـيـه ونـيـن – لاصحـاب اولا رِفـاق
يـاعـِـراق اويـالـعـِـراق
-----------------------------------
تشرين الثاني / 2016
ســــــــــتوكهولم







220
على لسان عزيزتي نهرين حازم برتو
الى المأسوف على شبابه  زوجها رفاه حازم بطرس
بمناسبة مرور اربعين يوما على رَحيله
 
ردت اگـلـَّـك
ميسون نعيم الرومي
 
ردت اگلـَّـك .. والـتـهـيـنـَـه
اوتـهـْـنـَـه بـيـهـَـه هـالـحـيـاة
ردت اگلـَّـك
بـَـعـْـدَه مـا وَرَّد حـَـچـيـنـَـه
أُولاعـِـشـب خـَـضـَّـر بـديـنـَـه
ردت اگلـَّـك
حـلـم روحـي الـمـا كـمـَـل
والـغـنـاوي اتـغـَـنـّـي ألـحـان الأمـَـل
اتـفـَـرْكـَـش اوراح الـشـَـمـل
ردت اگـلـَّـك
شـوف يـحـبـَـيـبـي الـگـمـَـر
إنـت وآنـَـه ..
نـگـعـد اويـحـْـلـَـه الـسـَـمـَـر
والـنـَـجـم مـن ورَه الـشـبـّاك
ويـّـانـَـه سـهـر
ردت أگـلـَّـك
***
ردت اگلـَّـك
اوعـلى اذراعـي غـفـيـت
وانـت يـاروحـي مـشـيـت
اومـادريـت !
ابـلـَـحـظـَـه وحـدَه وانـطـفـيـت
راح يـحـبـَـيـبـي الـرَفـاه
يـا رَفـاه اويـا رَفـاه..
يـبـسـَـت الـبـَـسـْـمـَـه .. اعـْـلـَـه الـشـفـاه
جـفـَـن عـيـنـي المـاتـِنـام
وانـتَ روحـي والـسـَـلام
بعـدَك اومـات الأمـان
صارَت ايـامـي ظـَـلام
نـاسـي ياعـمري حـَـچـيـنـَـه ؟
هـالـعـفـتـنـي اوراح ضـلـَّـك
ردت اگـلـَّـك
***
ردت اگـلـَّـك
وانت يـحـبـَـيـّـب مـشـيـت
عـلى الـفـرْگـَـه چـَـن نـويـت
ابـهـدْمـَـك آنـَـه واحـتـمـيـت
اومـادريـت .. ردت اگـلـَّـك
ردت اگـلـَّـك
وانـتَ سـَـفـّان الـسـفـيـنـَـه
گـتـلـي نـوصَل للأمـآن
انـكـَـمـّـل الـواجـب عـَـلـيـنـَـه
رحـت غـَـفـْـلـَـه مـن اديـنـَـه
غـَـصـَّـه وابـروحـي عـَـلـيـك..
وَنـَّـت اوحـَـنـَّـت إلـيـك
لابـديـَّه..اولابـديـك
اسـمـَـع ابـگـَـلـبـي ونـيـنـَـه
دمـع أحـمـَـر يـچـوي بـيـنـَـه
بـالـگـَـلـب مـَـحـفـور إسـمـَـك
رحـت إنـت .. اوهاذ رَسـمـَـك
ردت اگـلـَّـك
***
ردت اگـلـَّـك
عـمـري رايـح وانـسـبـيـت
احـبـَـيـبـي مـنـَّـك .. مـارويـت
شـوف حـالـي وانـچـفـيـت
يـا رَفـاه اويـا رَفـاه..
گـتـلـي عـمـري وَيـّـه عـمـرچ
گـتـلـي إسـمـي مـثـل إسـمـچ
عـاهـَـدتـنـي .. وانـتَ ويـن؟
نـفـرح انـعـيـش الـسـنـيـن
بـيـدَك اتـزفّ الـبـَـنـات
تـالي .. زَفـيـنـَـه الـرفـاة ..
فـَـرْفـحـَـت روحـي اوتـريـدَك
گـَـلـبـي مـَـشـدود ابـوَريـدَك
اغـْـمـَـض ! اوأحـلـَـم تـجـيـنـَـه
والـعـمـر ضاعـَـت اسـنـيـنـَه
مـا أبـَـد اگـدر أمـلـَّـك ..
ردت اگـلـَّـك
آنـَـه احـبـَّـك .. آنـَـه احـبـَّـك
ردت اگـلـَّـك
-------------------------------------
13 / تشرين الثاني /2016
ســـــــــتوكهولم
 
 
 
 
 
 
 






221
سـنـْـجـار يـا سـنـْـجـار
ميسون نعيم الرومي
 
سـنـْـجـارعـيـني اتـحـَـرّرَت – رَدَّوْ أهـَـلـْـهـَـه الأحـرار
شـَـدَّوْ الـحـيـل اوعـَـمـّـرَوْ – كـلـْـهـم عـَـزيـمـَـه اوإصـرار
نـَـرَجـس وَرِدْهـَـه اوريـحـان
والـنـاس بـيـهـَـه ألـــوان
مـَـحـْـلـَـه الـسـَـفـح والـوديـان
حـلـْـوَه ابـأرض كـرْدسـتـان – هـَـدَّوْ عـَـلـيـهـَـه الأشـرار
حـرْگـَـوْ أرضهـَـه بـالـنـار – ذبـْـحـَـوا شـَـعـَـبـْـهـَـه ابـدولار
سـنـْـجـارنـَـه  يـا سـنـْـجـار
***
شـَـعـْـب الأزيـدي مـَـغـبـون – (سـَـبـعـيـن) الـمـَـذابـح ذبـحـوه
كـل يـوم ابـادَه اوتـَـشـريـد – حـتـى الـتـرك هـَـم بـادوه
تـَـكـفـيـر دَمـْـهـم هـدْروه
تـاريـخ يـشـْـهـَـد كـتـبـوه
انـواع الـظـلـم هـالـشـافـوه
جـوع اومـَـرَض هـَـم تـَـهـمـيـش – عـالـَـم نـسـاهـم والـجـار
الـديـن لله يـا نـاس – مـايـنـفـرض بـالـمـنـشـار
سـنـْـجـار ويـلـي سـنـْـجـار
***
گـالـَـوْ (أزيـدي) .. ذبـْـحـوه ! – قـبـضـَـوْ ابـدَمـَّـه أثـمـان
ابـنـَـيـّـات بـاعـَـوا بـالسـوگ – انـتـهـْـكـَـوْ حـقـوق الأنـسـان
كـسـرَوْ اگـلـوب الـحـرّات
مـو مـوتـَـه مـاتـَـن ... مـوتـات !
شـبـْـعـَـن ظـلـم وي شـوغـات
شـَـعـب الـمـسـالـم .. بـادوه – خـِـسـْـرَوا ولـدْهـم .. والـدار
رجـعـَـوْ اومـاكـو إسـنـاد – احـكـومـَـة دَجـَـل .. يـا لـلعـار
 مـَـنـْـسـي شـَـعـَـبـْـهـَـه سـنـجـار
سـنـْـجـارنـه  يـا سـنـْـجـار
---------------------------------------------------------------
الى كل ضمير حي اهدي هذه الأبيات
بمناسبة مرور سنة على تحرير مدينة سنجار
من ايدي داعش الإرهابي المصادف 13 / تشرين الثاني / 2016
-------------------------------------
12 / تشرين الثاني / 2016
ســـــــــــــتوكهولم








222
خـوجـَـه عـلـي مـلـَّـه عـَـلـي
ميسون نعيم الرومي
 
(خـوجـَـه عـلـي مـلـَّـه عـَـلـي) - والـنـَـفـط بـيـهـــم مـبـتـلـي
(كـلـنـْـتـن) (أوبـامـا) و(اتـرامـپ) - نـَـفـس الـسـيـاسـَـه هـَـلـهـلي
إلـهـم رَبـيـع الـعـَـرَبـي
حـاكـم عـَـمـيـل اوأجـنـَـبـي
والـمـوت إلـْـنـَـه والـصَلـي
كـافـي ظـلـم .. كـافـي قـَـهـَـر – أمـْـريـكـَـه عـَـمـي اتـحـَـلـحـلـي
خـوجـَـه عـلـي مـلـَّـه عـَـلـي
***
بـيـنـَـه تـبـيـع اوتـشـتـري – ايـران بـَـرَّه اتـكـَـتـري
چـَـنــهـَـه الـسـيـاسـَـه اتـغـَـيـرَت – يـانـار عـدْهـم وَجـّـري
بـوگ اوذَبـح بـسـم الـديـن
ضـدّ الـشـَـعـَـب مـتـَفـقـيـن
شـوف الـوَطـَـن .. رايـح ويـن؟
مـَـلـّـيـنـَـه حـكـم الـبـَـربـَـري – لـمـّـي أيـتـامـچ وارحـَـلـي
الـنـَـفـط بـيـهـــم مـبـتـلـي
خـوجـَـه عـلـي مـلـَّـه عـَـلـي
***
ذل اومـَـهـانـَـه اوتـَـهـجـيـر - تـَـخـريـب .. مـاكـو تـَـعـمـيـر
مـلـيـار الـف .. تـدري اشـكـثـر ؟ - تـَـحـت الـفـقـر تـالـي انـصيـر؟
نـأمـَـل اونـبـقـَـه نـنـتـظـر!
فـَـرْحـَـه تـجـي ! فـَـرْحـَـة عـُـمـُـر
شـمـس الـتـِـضـَـوّي والـگـمـر
بـَـغـداد .. إنـِـهـْـضي .. اتـحـَـرّري – لـعـراق دومـَـه مـنـْـسـبـي
الـنـَـفـط بـيـهـــم مـبـتـلـي
خـوجـَـه عـلـي مـلـَّـه عـَـلـي
-----------------------------------------------
11/11/2016
ســـــــــــــــتوكهولم







223
گـَـلـبـي إلـَـه مـاضـَـن سـِـلـَـه
ميسون نعيم الرومي
 
كـِـحـْـلـَـه تـِـلـوگ اوبـَـس إلـَـه – والـديـرَم ابـشِــفـْـتـَـه حـِـلـَـه
الـدَگـَّه زَرْگـَـه اعـْـلـَـه الـحـِـنـچ – واخـدودَه تـضوي ابـلا ضوَه
شـيـلـَـه اوتـداري اعـْـلـَـه الـشـَـعـَـر
الـزلـف مـن عـدْهـَـه نـفـَـر
لـَـفـَّـت الـچـَـرْغـَـد عَ الـخـَـصر
حـلـْـوَه لـحـْـديـثـَـه امـن الـهـور – وازلـوفـهـَـه اتـنـاغـي الـهـوَه
وَرْد الـبـَـنـَـفـسـَـج قـدّاح – هـيـل اومـسـچ الـهـن حـوَه
گـلـبـي إلـَـه مـاضـَـن سـِـلـَـه
***
غـَـنـَّـت مـَـواويـل الـهـوى – مـَـشـْـحـوفـهـَـه اوطـَـرّ الـهـور
مـال الـگـصـَـب عَ الـجـَـنـبـيـن – خـَـجـْـلان مـنـهـَـه اومـَـبـهـور
الـگـذلـَـه غـَـطـَّـت لـعـْـيـون
دگــّـوْ الـخـَـشـَـب .. لـَـتـحـسـدون
مـَـنـْـلـوم (قـيـس اومـَـجـنـون)
عـِـشـگ الـيـحـب نـار اونـور – عـمـر الـيـحـب كـلـَّـه انـذور
مـن هـِـدْمـَـه فـاح البـخـور – دارَت الـعـين اوبـَـس إلـَـه
گـلـبـي إلـَـه مـاضـَـن سـِـلـَـه
***
دجـْـلـَـه اوفـرات الـنـَـهـريـن – والـهـور طـَـرّ الـصوبـيـن
رَدَّت اطـيـور امـهـاجـِـرَه – اسـنـيـن ضـاعـَـت واسـنـيـن
غـنـوات نـسـمـَـع اشـكـال
والـنـاي يـعـزف مـَـوّال
فـِـدوه يـَـفـَـتــّـاح الـفـال
شـنـهـي الـجـِـرَه اوشـنـهـي الـصار – گـلـّـي الـولـف رايـح ويـن ؟
اتـْـعـَـنـَّـه اروحـَـن لـلـخـضر – واشـعـل اشـمـوع امـنـَـوّرَه
حِـنـَّه وابـيـاس امـعـَـطـَّـرَه
گـلـبـي إلـَـه مـاضـَـن سـِـلـَـه
-----------------------------------------------------------
تشرين الثاني / 2016
ســــــــــتوكهولم


224
مع تحياتي وودي



جوابي على قصيدة الدكتور الشاعر الكبير الأديب صباح جمال الدين
 
الى الدكتور الشاعر صباح جمال الدين أهديها
ميسون نعيم الرومي
 
طـيـن والـمـاي انـخـِـلـَـق آدم عـلى مـَـرّ الـسـنـيـن
يـاسـمـيـن انـداف عـِـطـْـرَك عـِـطـر الـيـاسـمـيـن
 
يـالـلـّي إسـمـَـك مـن شـُـعـاع اونـور يـانـور الـصـَـبـاح
والـقـَـوافـي لـلـشـعـر غـَـنـَّـت عـلـى ابـحـور الـحـَـنـيـن
 
(جـِـلـْعـَـة) اهـلـي والـوفـَـه بـيـهـم أصـيـل
والـربـَـه ابـديـرَة أهـَـلـْـنـَـه .. شـوگه يـتـْـوَسـَّـد ونـيـن
 
الـثـَـقـافـَـه والـعـلـم (جـلـْـعـَـتـْـنـَـه) خـلـقـَـت مـن زَمـان
هـَـلـي اعـلام ابـوَطـَـنـهـم .. هـَـلـي يـسـبـاع الـعـَـريـن
 
يـانـَـخـَـلـْـنـَـه ابـزودَه عـالـي ! يـعـْـلـَـه يـوصـَـل لـلـسـمـَـه
يـضـوي كـَـهـْـرَب يـارطـَـبـْـنـَـه .. اوبـظـِـلالـَـه ايـبـاري تـيـن
 
يـاعـَـذب مـايـك يـدْجـلـَـه يـاعـَـسـَـل مـِـنـَّـه اوزلال
والـشـواطـي خـيـر كـلـْـهـَـه ! زَرْعـَـه يـربـي ابـحـضن طـيـن
 
يـا وَرِدْنـَـه اشـمـَـحـْـلـَـه عـِـطـْـرَك جـوري قـِـدّاح اوبـَـنـَـفـْـسـَـج
يـالـعـِـراق .. الـروح إنـتَ اومـا صِرت لـحـْـظـَـه ضـَـنـيـن
 
والـلـّـي يـربـي ابـحـضن گـاعـَـك .. تـبـقـَـه عـيـنـَـه تـرْبـي لـيـك
يـاعـِـراق اويـاوَطـنـَّـه .. ويـن شـعـْـبـَـك ؟ وانـتَ ويـن ؟
 
إبـن دجـلـَـه والـفـرات .. اويـه الـوفـَـه طـَـبـعـَـك أكـيـد
وفـَـه ابـطـَـبـعـَـك يـا (صـَـبـاح) اوشـوگـَـك ابـصـَـدْرَك دفـيـن
 
إلـَـك شـكـري .. والـشـكـر عـاجـز يـشـكـرَك
إبـن طـيـب اوشـَـهـامـَـه .. حـيـن هـذا ايـتـبـعـَـه حـيـن
 
طـيـن والـمـاي انـخـِـلـَـق آدم عـلى مـَـرّ الـسـنـيـن
يـاسـمـيـن انـداف عـِـطـْـرَك عـِـطـر يـاسـمـيـن
 
---------------------------------------------
تـشـريـن الأول / 2016
ســـــــــــتوكهولم
 
---------------------------------------------------------------------------

يا نخلة القلعة
اختي الصغرى عمراً الكبرى شعراً ، لقد اعدتني بشعرك سبعين عاماً ، ايام كنت في الصف الثالث الابتدائي وكان اهلك الكرام كرام القلعة ، المدينة الصغيرة ببيوتها ، الكبيرة برجالها ونسائها ، والكل مولع بالعلم وفيهم من الافذاذ كالدكتور جبار عبد الله وابيك وعمك وناجية غافل، كانت لهم امسيات جميلة في نادي الموظفين ، نستمع اليهم نحن الصغار ، ونحس باننا منهم وان لم يكن احد منا ينبس بكلمة ، لاننا لم نكن نفهم الا اليسير مما يتكلمون عنه ، ما نفهمه احياناً حديثهم عن الحرب في اوائل الاربعينات من القرن الماضي ، شكراً لكِ لقد اعدتني الى صباي الى قلعة صالح دون ان تعلمين ،
 
 فتقبلي مني هذه الابيات المتواضعة
 
مِنْ بَعْدِ سَبْعِيْنَ ، صَدَى الرَائِعِيْنْ  -   مِلءَ فُؤَادِيْ رَغْمَ مَرِّ السِنِيْنْ
دَارٌ تَرَى الأَفْذَاذَ فِيْ أَرْضِهَــــــا   -  وُلوْعَهُمْ بِــالعِلمِ ، وَالعِلمُ دِيْنْ
أَيَّــــامَ غَضْبَــــانَ وَذِكْرَى نَعِيْم  -    وَصَوْتِ نَاجِيَّةَ يُزْجِيْ الحَنِيْنْ
مَنْ يَشْتَرِيْ مِنِّيْ بَقَايَــــا السِنِيْنْ   -   بِلَحْظَـــــةٍ فِيْ قَلعَتِيْ أَسْتَكِيْنْ
صَــــابِئَةٌ فِيْهَا نَصَـــــارَى بِهَا   -    فِيْهَـــــا يَهُوْدٌ اُخْوَةُ المُسْلِمِيْنْ
عَلى شَوَاطِيْهَـــــا نَخِيْلُ الهَوَى  -   وَالمَاءُ يَجْرِيْ سَاكِنَاً كَالحَزِيْنْ
لَوْ مُتُّ لَوْ اُدْفَنُ فِيْ أَرْضِهَــــا   -   أَحْيَــا وَلنْ أَفْنَى فَلسْتُ الدَفِيْنْ
قَدْ جَدَّدَتْ مَيْسُوْنُ فِيْ شِعْرِهَـا  -    ذِكْرَى البُنَيَّاتِ وَذِكْرَى البَنِيْنْ
سَاحِرَةٌ للشَعْبِ فِيْ شِعْرِهَــــا   -   تَعْزِفُ لِلْشَعْبِ بِعِـرْقِ الــوَتِيْنْ
مَـــــارَأَتْ القَلعَـــةَ لكِنَّهَــــــا  -    تُصَوِّرُ القَلعَــــــةَ عَيْنَ اليَقِيْنْ
يَــــــا نَخْلةَ القَلعَةِ ، يَا شَادِنَاً ،- يَا وَرْدَهَا المَزْرُوْعَ فِيْ الضَفَّتَيْنْ
النَاسُ كُلَّ النَاسِ مَاءٌ وَطِيْنْ   -   إِلاّكِ حِنَّــــــاءٌ شَذّى اليَاسَمِيْنْ
*******************
من اخيك صباح احمد جمال الدين
لندن – السادس من اكتوبر 2016
---------------------------------------------------------------------------




225

جـيـرانـَّـه بـيـت الـداء


ميسون نعيم الرومي

چـَـم دوب لـيـويـن اوبـَـعـَـد – يـمـْـتـَـه يـجـي طـيـر الـسـَـعـَـد
تـرْجـَـع زِراعـَـتـْـنـَـه تـرد – نـزْرَع شـلـِـب نـزرَع وَرد
أرض الـعـراق الـمـِـعـطـاء
جـيـرانـَّـه بـيـت الـداء
صـرْنـَـه ابـفـَـضلـهـم أشـلاء
إلـهـم احـْـكـومـَـتـنـَـه تـرد – عـَـنـتـَـر عـَـلـيـنـَـه .. الـهـم عـَـبـد
چـَـم دوب لـيـويـن اوبـَـعـَـد
هـالـصرْنـَـه لـلـجـارَه عـَـبـد
***
دايـر وايـدور الـجـيـران – صـار الـوَطـَـن إلـهـم ورث
بـَـغـداد صـارَت تـابـعـَـه – مـَـحـَّـد اوإلـْـهـَـه يـكـتـرث
سوگ الـبـِـضاعـَـه الـتـالـِـفـَـه
دَوْلـَـه واحـكـومـَـه امـخـالـفـَـه
اسـْـمـَـعـْـتـوْ يـعـيـنـي الـسـالـِـفـَـه ؟
كـل الـشـبـاب ابـلا عـَـمـَـل – حـرْثـَـوا مـَـصانـعـْـنـَـه حـَـرث
خـَـيـّـم عـلى شـَـعـبـي الـفـگـر – جـيـرانـَّـه تـاكـل شـَـهـَـد
چـَـم دوب لـيـويـن اوبـَـعـَـد ؟
كـل غـازي .. لازم يـنـطـرد..
***
صـَـفـَّـوْ بـَـلـَـدْنـَـه امـن الـعـِـلـم – هـِـجـْـرَه اوذَبـح .. لـهـل الـعِـلـِم
عـَـم الـجـَـهـَـل .. سـاد انـتـِـشـَـر – حـُـكـْـمـَـت حـثـالـَـه ابـلا فـهـم
صار الـشـَـعـَـب تـَـحـْـت الـفـقـر
يـتـْـمـَـنـَّـه .. يـحـلـَـم بـالـسـَـفـَـر
آبـائـنـَـه .. مـاتـوْ قـَـهـَـر
صرْنـَـه مـَـضاحـك لـلأمـم – والـعـَـلـَم .. فـَـرَّخ چـَـم عـَـلـَـم !
تـَـقـسـيـم گـالـَـوْ يـنـتـظـر – مـاضـَـن بـَـعـَـد أبـدا نـِـرِد
چـَـم دوب لـيـويـن اوبـَـعـَـد
يـكـمـَـل الـعـَـد ابـلا عـَـدد
يـمـْـتـَـه يـجـي طـيـر الـسـَـعـَـد
---------------------------------------------------------------------
اكتوبر / 2016
ســــــــــــتوكهولم






226
شـو چـَـن الاسـْـمـَـر نـَـسـيـان
ميسون نعيم الرومي
 
مـَـرّ ابـدَربـنـَـه اومـاسـأل – هـذا الـحـلـو چـَـن زَعـْـلان
فـات ابـعـَـجـَـل عـَـدَّه اومـشـَـه – شـو چـَـنّ الاسـْـمـَـر نـَـسـيـان
الـفـَـجـر طـَـلّ ابـضحـكـِـتـَه
نـَـسـْـمـَة صبـح يـا طـَـلـّـتـَه
وَرْد الـرَبـيـع ابـشـِـفـّـتـَه
يـوعـد اويـخـْـلـِـف بـالهـَـوَى – الـمـاس خـَـدَّه اومـرْجـان
انـجـوم اوگـُـمـَـر بـيـده وَشـِـم – قـدّاح عـِـطـرَه اوريـحان
عـيـني الـحـلـو چـَـن زَعـْـلان
***
شـارد غـَـزالي چـا ويـن – حـايـر واعـِـدَّن لـسـنـيـن
مـَـرّ الـشـِـتـَه اومـَـرّ الصيـف – اسـأل عـَـلـيـه الصوبـيـن
عـَـيـنـَه بـَـحـَـر بـيـهـه الـوان
حـار السـَـفـَـن والسـَــفـّـان
ضيـّـع ابـحـُـبـَّـه الـعـِـنـوان
دَگّ الگـَـلـب عـَـنـَّـه اوسـأل – مـَـعـْگـود بـاسـْـمـَه الشـريـان
راح اومـِـشـَـه لـَـسـْـمـَر سـِـلـَه – غـايـب گـمـَرْنـَه امن ازمان
عـيـني الـحـلـو چـَـن زَعـْـلان
***
يـانـَـبـْع روحي الـما صُـفـَه – يـاحـِـلـِـم يـَـقـْـضَه اوماوفـَه
المامـِـش اومامـِـش صِفـَـه – يـادَمـع عـيـني الـماغـُـفـَه
نـِـسـْـهـَـر نـِـعــِدّ الـنـجـوم
نـَـجـْـمـَه تـِـصد بـيـنـَه اتـلوم
نـَـجـْـمـَه تـواسـي المـَهـْـموم
ثـاري الگـمـَـر چـَـنـَّـه جـِـفـَه – امـْغـَـيـّر طـَريـقـَه اوعـَـشـْگـان
يـمـشـي مـابـيـن الأغـْـصان – تـفـّـاح وَرْدَه اورمـّـان
عـَـدَّه الـحـلـو چـَـن زَعـْـلان
شـو چـَـنـَّـه لـسـْـمـَـر نـَـسـيـان
-------------------------------------------------------------
21 / تشرين الأول / 2016
ســـــــــــــــتوكهولم



227
ماذا تــُـريـدون ..؟
ميسون نعيم الرومي
 
ماذا تريدون..؟
 
شعب العراقي .. ينسجن !!
ياكل اويشبع بس حزن!!
 
شنهي السبب .. شنهي التهم ؟
 
باگ الخزينه .. والنفط ..
لحكومه عذّب .. يضطهد
 
باع الذهب .. باع الوطن
يزعج السلطه .. اوبس يون
 
عـِـنـْـدَه حـِـمـايـه آلآف
بـايـگ مـَـبـاني الأوقـاف
 
مـَـنـْـطـِـقـْـتـَه عـايـش خـَضراء
كـلـْهـَه فـَـرح .. مـامـش داء
 
يـاكـل الجـوز اونـَـسـْـتـَـلـَه
كـلّ الأوراد ابـمـَـشـْـتـَـلـَه
 
يـزْعـج الـسـلـطـَه امـن اسنين
لابـس حـَـريـر امـن الصيـن
 
فـرْشـَـه مـن ريـش الـنـَـعـّام
حـِـرْسـِـتـَه امـْريـكـَه اوعـَم سـام
 
تـبـچـي حـكـّام اونـوّاب
جـوع الوِلاهـم مـاطـاب
 
ضعـفـَـوْ ضُعـُـف .. مايـنـوصف
لا أكـل عـدْهـُـم لا عـَـلـَـف
 
جـلـد اولـِـزَگ ويَ العـَظم
ماكـو نـَـفـع .. زاد الـفـهـم
 
ايـجـَـدّي (لعـْـبـادي) اويـفـْـتـَر
العـيـشـَـه صَعـْـبـَه اومـَـتـْسـر
 
حـالـَه يـبـَچـّي .. مـسـْـكـيـن
مـاعـِـنـْـدَه راتـب وايـعـيـن
 
و(الـمـالـكي).. حـالـَه صَعـب !
چـَـبـْـدَه تـِـسـَـرْطـَن هـالـتـعـَب
 
(عـَـمـّار) شـَـحـْچي اوشـتـگـول؟
حـَـسـْـرَه عـلـيـه بـيـت ايـنـول
 
شـَـعـْـب اونـِـهـَـب بـالـبـيـوت
ظـَـلـَّـت إلـَه وَرْگـَـة تـوت
 
و(الجـَـعـْـفـَـري) هـالمـَگـْـرود
ابـراسـَـه وجـَع هـالـمـَـشـهـود
 
يـحـْچي وايـخـَرْبـط وايـلوع
مـسكـيـن .. كـلـَّـه امن الجوع
 
(سـَـلـومي) رَبـْـعـَه الـنـوّاب
بـالگـَـلـب كـون اومـنـْصاب
 
(شـهـْرسـتـاني) يـبچي أوشـاط
شـِـقـْـتـَه لـبـلـَـنـدَن .. اقـسـاط
 
 
ابـحـَـبـّـايـَـه زَرْگـَـه مـنـبـاع
(تـَـراخـيـص الـنـَـفـط) فـص اومـاع
 
والمـالـَه إسـم .. خـو مـَـحـْـسـود!
جـودَه يـجي .. امـن الـمـاجـود
 
مـَـظـْـلـوم مـَگـْـرود الـشـَـعـَـب
الـثـَـرْوَه بـيـد الـمـغـتـصب
 
كـلـْهـَه اوتـصيـح الإصلاح
انـحـاسـِـب حـَـرامي المالاح
 
اسـمـَـعـْـتـوا يـنـاس اللي صار..؟
حـيـل الـشـَـعـَب .. خـل يـحـتـار
 
احـكـَـمـْـتـوا عـَـلـيـه بالإعـْـدام
الله الـيـِـهـِـدّ الـظـِـلاّم
 
يـاشـَـعــَـب يـابـو الآلآم
نـوم الـعـَـوافـي واتـنـام
 
كـل وَكـْـتـَه صايـم .. مـنـضام
الـيـوم .. بـاچـِـر.. والـعـام
 
خـَـل يـلـْعـَـبـون الـشـومـَـلي
صرْنـَـه نـبـيـع الگـَـرّگـَـري
 
و الگـَـرّگـَـري .. هـاوَن يـــرن
شعب العراقي .. يـنـْسـِجـن !!
ياكـل اويـشـبـَع بـَس حـزن!!
----------------------------------------------------------------------
تشرين الأول / 2016
ســـــــــــــتوكهولم




228
لا ! مـو نـَـعـَـم
ميسون نعيم الرومي
 
لا ! مـو نـَـعـَـم .. لا ! مـو نـَـعـَـم
لاتـسـْـكـت .. إكـْـتـب يـالـقـَـلـَـم
 
الـحـبـر مـايـنـْـشـَـف أبـَـد
والـوَطـَـن تـحـمـيـه الـزلـم
 
واعـْـراقـْـنـَـه يـُـبـْـقـَـه أبـي
مـانـَـكـَّـس ابـيـوم الـعـَـلـَـم
 
رَغـم الـمـصايـب والـمـِـحـَـن
نـَـجـْـمـَـك لـمـع بـيـن الأمـم
 
أرْضك عـراقـي اتـدَنـّـسـَـت
حـكـّـام جـونـَـه امـن الـعـَـدَم
 
تـاريـخ مـَـزبـَـلـتـَـه مـلـَـوْ
والـدور جـاي اعـْـلـَـه الـرِمـَـم
 
سـلـطـات جـَـرَّبـنـَـه اشـكـثـر!
الـبـاغـي مـنـهـم .. والـقـزم
 
مـن الـتـَـتـَـر واحـْـنـَـه نـون
چـَـمـدوب شـَـعـْـبـي اوتـنـظـلـم ؟
 
چـا كـلـهـَـه جـيـنـاتـَـه حـزن
مـايـَـه خـبـط .. نـهـْـرانـَـه دَم
 
أحـزاب كـلـْـهـَـه قـَـشـمـَـرَه
سـَـفـّـان مـاظـَـل .. لا بـَـلـَـم
 
نـسـوانـَـه حـيـف اتـرَمـّـلـَـت
أيـتـام .. مـاشـافـَـت حـِـلـم!
 
تـخـْـلـَص حـَرب..نبـْـدي ابحـَرب
مـَـظـلـومـَـه شـبـانـَـه ظـلـم
 
مـَـشـروع انـت اولـلـكـَـتـل
مـَـنـذور مـَـجـهـول الإسـم*
 
تـَـهـجـيـر .. إبـادَه ابـلا سـَـبـَـب
تـحـلـَـم ارْبـوعـَـك بـالـسـِـلـم
 
كـلـْـهـَـه نـَـفـط .. گـاعـَـك ذَهـَـب
لـگـمـَـه اويـغـَـمـّـسـهـَـه ابـسـگـم
 
أمـريـكـَـه تـلـعـَـبـنـَـه لـعـب
إعـراق .. لازم يـنـقـسـم!!
 
يـمـكـن نـحـِـل الـمـشـكـِـلـَه
يـمـكـِـن نـحـِـل الطـلـّـسـم
 
شـَـعـب اويـقـَـرّر دَوْلـِـتـَـه
دَسـتـور عـادل بـيـه حـَـزم
 
شـوفـوا الـعـَـدالـَـه امـثـَـلـّمـَـه
مـيـزانـهـَـه اچـفـوفـَـه رَسـم
 
الـشـَـعـَـب لازم يـنـتـفـض ..
تـاريـخ يـشـهـَـد والأمـم
 
لازم نـجـاريـه الـزَمـَـن
كـل شـَـعـَـب يـتـطـَـوَّر حـَـتـِم
-------------------------------------------------------------
*مـَـجـهـول الإسـم:- الجندي المجهول
-------------------------
اكتوبر / 2016
ســـــــــــــتوكهولم




229


انـعـي عـِـمـلاق المـَـسـرَح العـِراقـي (يـوسـف العـانـي)
ميسون نعيم الرومي
 
صـَـعـْـبـَـه اوعـَـلـَـي أرثـيـك ( يـوسـف الـعـانـي )
إبـن الـعـِـراق الـبـار مـوتـَـك چـوانـي
***
بـالـسـَـكـْـتـَـه واتـمـوتـون واحـِـد وَرَه الـلآخ
بـَـس دَمـْـعـَـه عَ الـوَجـنـات مـَـحـَّـد سـِـمـَـع آخ
***
طـيـبـَـة أرض بـَـغـْـداد وانـتـوا شـَـذرْهـَـه
مـنـْـكـم رُبـَـت أجـيـال وانـتـوْ عـُمـرْهـَـه
***
مـَـسـرَح بـچـاك الـيـوم (يـوسـف الـعـانـي)
ابـغـرْبـَـه مـتـت يـاحـيـف بـيـهـَـه اوتـعـانـي
***
هـجـْـرَه اوخـَـراب اديـار فـرْضـَـوْ عـَـلـيـنـَـه
صرْنـَـه نـمـوت اغـْـراب .. والـوَطـَـن ويـنـَـه ؟
***
نـَـخـل الـعـِـراق ايـصيـح يـذكـر اسـمـكـم
يـبـچـي يـنـوح الـيـوم كـل وَنـَّـه الـكـم
***
الـفـَـن حِـزَن هـالـيـوم وانـكـِـسـَـر صِـرْحـَـه
يـالـعـانـي حـيـف اعـلـيـك .. راحـَـت الـفـَـرْحـَـه
***
مـَـجـد انـت لـلأجـيـال نـفـْـتـخـر بـسـمـَـك
خـالـد تـظـَـل مـَـعـروف چـا هـذا فـَـنـَّـك
***
حـَـيّ انـتَ يـالـمـَـحـبـوب والـكـل تـحـِـبـَّـك
مـَـبـدأ عـَـقـيـدَه اوفـَـن يـالـصافـي فـِـكـْـرَك
***
( عـنـَـه ) بـچـَـت هـالـيـوم والـنـِعـَـت ( بـَـغـداد )
انـتَ الـفـَـخـَـر لـلـفـَـن يـا مـَـجـْـد الأجـداد
--------------------------------------------------------
وداعا يوسف العاني
رحل اليوم الأثنين 10/10/2016 عميد المسرح العراقي الفنان الكبير يوسف العاني بعد صراع مع المرض، عن عمر يناهز الـ89 عاماً، في مستشفى بالعاصمة الأردنية عمّان 
و الذي يعد أحد أبرز عمالقة المسرح ، العراقي، وأحد رواده وسوف ينقل جثمان الفنان الراحل الى بغداد
 والعاني، المولود في قضاء "عنة" بمحافظة الأنبار، غربي العراق "أيقونة" في الفن العراقي تنوعت اهتماماته وخبرته ودراساته؛ فهو مسرحيٌّ، وممثل، ومخرج، ومؤلف،درس الاقتصاد والقانون والمسرح.كتب ونشر مئات المقالات والكتب، التي تناولت جوانب شتى من حياة العراقيين وثقافتهم.
----------------------------------------------------------------------------------------------------------------------
10 / تشرين الأول / 2016
ســـــــــــــتوكهولم






230
لـَـطـم اوتــَـطـْـبـيـر
ميسون نعيم الرومي
 
*اخـذوا الـحـَـذَر كـل الـحـَـذَر – يـا نـاس راجـع بـو طـُـبـَـر
حـِـرْسـُـو حـِـراسـَـه امـشـَـدّدَه – شـفـتـات واجـب بـالـخـَـفـَـر
لابـس اكـْـلاوْ الـخـَـنـّـاس
يـسـرق اويـضرب بـالـفـاس
يـكـنـس الـخـَـزْنـَـه ابـمـكـنـاس
كـلـْـهـَـه تـصيـح .. الـفـِـسـّـاد – انـدَوّر .. اومـامـش أثـَـر
احـكـومـَـه اومـَـراجـع .. نـوّاب – حـتــّى الـشـَـعـَـب هـَـم انـتـِـشـَـر
عَ الأمـَّـه كـلـهـَـه مـنـْـتـِـصر
اخـذوه يـانـاس الـحـَـذَر
***
(الـعـبـادي) ايـگـول .. الـحـيـتـان – و(الـمـالـكـي) .. هـالـحـَـزنـان
(سـَـلـوّمـي) صوتـَـه هـالـعـِـلـَـه – بـاگـَـوْ بـَـلـَـدْنـَـه الـعـمـيـان
نـوّاب والـهـم رَنـَّـه
(عـَـمـار) بـيـدَه الـحـنـَّـه
(مـَـعـصوم) نـسـمـَـع وَنـَّـه
اتـجـول شـو كـلـْـهـَـه واتـصول – قـَـسـْـمـَـوْ اعـراقـي ابـكـتـمـان
*(أرْبـعـطـَـعـَـش) جـازت گِـضـَـت – والـفـاسـد ايـحـِـرْسـَـه الـشـمـر
امـن الـخـَـزْنـَـه لـو نـاخـذ عـشـر!
تـِـعـْـلـَـه الـمـَـبـانـي لـلـگــُـمـَـر
اخـذوه يـانـاس الـحـَـذَر
***
(إحـسـيـن) ثـار ابـعـاشـور – عَ الـجـور .. راد الإصـلاح
قـاسـَـم خـُـبـزتـَـه اويـه الـنـاس – ابـوجـه الـظـلـم .. شـال اسـلاح
مـَـيـريـد لـَـطـم اوتـَـطـْـبـيـر
ثـوْرَه يـريـد اوتــَـدْبـيـر
أفـْـكـارَه حـُـرَّه اوتـَـنـويـر
لـلأمـَّـه راد الإصـلاح – صـوتـَـه هـِـدَر .. حـيـل اوصـاح
(إخـذيـنـي يـسـيـوف إخـذيـنـي) – لامـوت هـَـمـَّـه اولا عـُـمـُـر
مـامـش عـَـقـيـدَه ابـلا فـكـر
سـيـفـَـه انـشـِـهـَـر ضـد الـكـِـدَر
(احـسـيـن) ثـَـوْرَه اعـلـَـه الـفـقـر
شـعـْـلـوْ الـشـمـوع ابـهـالـشـَـهـَـر
ثـَـوْرَة (احـسـيـن) اوتـنـْـتـشـر
اخـذوه يـانـاس الـحـَـذَر
هـاليـوم راجـع بـو طـُـبـَـر
--------------------------------------------------------------------------
* أبو طبر, ذلك السفاح الذي كان يذبح العوائل ويقتل ضحاياه بقضيب حديدي في بغداد عام 1973
حدث رهيب استمر لمدة عام
-------------------
*(أرْبـعـطـَـعـَـش):- مرور 14 سنة على سقوط النظام السابق
------------------------------------------------------
تشرين الثاني / 2016
ســـــــــــــــــتوكهولم






231
ابـطـَـرگ المُـلـِك
ميسون نعيم الرومي
 
راح الخـَـريـف اورَد إجـَـــه
يـنـطر شـِـتـَه اعـْـلـَه البـيـبـان
 
طيـر اليـهـاجـر كـل سـِـرِب
ايـرَفـرف ابـجـِنحـَه اوفـَرْحان
 
*اخضيـري وام سـِـكـَّه اوبـَجـْعات
يـتــْـنـَه البـَعـِض عَ الـشـطآن
 
رِحـْلـَة شـتـَه اورحـْلـَة صيـف
عالـَم إلـَـه اوكـلهـَه اوطآن
 
حـَـفـْـنـَة بـَـشـَـر.. مـَدْري اشـلـون!
اتـْـسـَـيـْدَت غـَـصب عَ الـبـلـدان
 
إلهـَه الـذَهـَـب والهـَه الخـيـر
والـشـَـعـَـب يـاكـل زبـْـلان
 
جـَـدّ الـبـَـشـَـر ( آدم ) إجـَه
ابـطـَرگ المُـلـِك .. خـو عـَـرْيـان
 
هـذا إلـَك هـذا إلي اوهـذا إلـَك
صارَت مـَعـارك ألـْـوان
 
صار الـغـلـب صار الطـَـمـَع
عـِـشـْـنـَه گـَـبـل .. كـلـنـَه اخـْوان
 
كـلـْمـَن فـِـتـَه .. وابـْـذِمـِّـتـَه
يـبـقـَه الفـَـقـيـر الخـَـسـْـرآن
 
عـالـَم خـِـرَب مـن الـطـَـمـَع!
گـَـرَّب يـِـهـد الطـوفـان
 
رَب الـسـِـمـَه إلـنـَه الـتـِـفـِـت..
إگـلـب اعـروش الـطغـيـان
 
راح الخـَـريـف اورَد إجـَـــه
يـنـطر شـِـتـَه اعـْـلـَه البـيـبـان
-------------------------------------------------------
*اخضيـري وام سـِـكـَّه اوبـَجـْعات :- من أنواع الطيور المهاجرة
نراها هنا في السويد تتجمع عند شواطئ البحيرات في فصل الخريف تنتظر بعضها
لتغادرعلى شكل مجموعات كبيرة الى البلدان الدافئة لتعود مرة أخرى في فصل الربيع
---------------------------------------------------------------------
1 / اكتوبر / 2016
ســــــــــــــتوكهولم
 




232
عـِـدْنـَـه الـفـِـكـر ... عـِـدْنـَـه الـمـال
ميسون نعيم الرومي
 
أحـْـزاب عـِـدْنـَـه أشــكـال
أوَّل اوصايـر بـالـتـال
 
مـِـنـْهـَه انتهازي اوچذاب
بـيـهـَه الـردي والمـحـتـال
 
بـيـهـَه مـِـتــْرَهـّـل خـَرْبـان
عـاجـِـز اومـاعـِـنـْدَه احـوال
 
ضيع عـرفـْـتـَه امـن ازمان
يـعـزف يـغـَـنـّي المـوّال
 
مـتـْهـادِن اويا حـيـف اعـلـيـه
وَسـْـفـَه انـلعـَـب بالأجـيـال
 
بـيـهـَه حـزب ضيـّع وَطـَـن
بـَـوّاگ ســـارق نـَـشـّـال
 
بـيـهـَه يـتـاجـر بـالـديـــن
امـْجـَـدّي ! أحـوال اوصار
 
انـوصفـَـت احـزاب اوبـالعـار
مـجـْـرم اوخـايـن دَجـّـال
 
مـنـْهـَه حـِـزب يـحـْـلـَم يـرِد
افـْـرَحـْـنـَه فـَـرَح لـَمـَّـن شـال
 
امصـَـخـَـم اوسـوَّد تـاريـخ
اشـْـبـَعـْـنـَه ظلم مـن هالحال
 
ضايـع شـَـعـَـبـْـنـَه اومـحـتـار
لاعـَـم يـقـــودَه اولا خـال
 
يـَـمـْـتـَه الـفـَـرَج ضاع الأمـَـل
يـرْجـَع وَطـَـنـَّـه اويـخـتـال ؟
 
يـطـْرد دَخـيـل اوأجـنـَـبي
اجـنـوب اتـِحـَـد وَيـّه اشـمال
 
بـيـن الأمـم نـرْفـَـع عـَـلـَم
عـدْنـَه الـفـكـر .. عــدْنـَه المـال
 
عـدْنـَه الـفـكـر .. عــدْنـَه المـال
---------------------------------------------------------
ســـــــــــبتمر / 2016
ســـــــــــــتوكهولم
 
 






233
شـجـرة الصفـصاف
ميسون نعيم الرومي
 
صفـصاف شـامـخ للسـِـمـَه
هـيـبـَـه اوسـحـر لـلأكـوان
 
لـَـيـرات وَرْقـَه امـنـَـسـّـقـَه
يـغـوي جـَـمـال الألـوان
 
انـتَ الـدَلـَع انـتَ الهـوى
صوتـَـك عـِـزَف بـالألـحان
 
لاهـَـم عـَـلـيـهـَه اولا حـزن
لاثـَـمـَـر ثـَـگــَّـل لـَغـْـصان
 
شـَـمـس اوتـلاويـهـَه ابـصيـف
اتـفـَـيّي الـشجر والـبـسـتـان
 
هـيـبـَـة اورَشـاقـَه اشـما عـِـلـَت
يـگــْعـِد ابـظـلـْهـَه الـخـِـلاّن
 
مـَحـْـني الـشـَـجـَر كـلـَّه ابـثـَـمـَر
لـيـمـون تـفـّاح اورمـّان
 
راسـچ عـِـلـَه مايـنـْحـني
هـيـبـَه او سـحـر بالوديـان
 
صفصافـنـَه ايـبـوس السـِـمـَه
لـو عـطـَـش صاب الخلجان
 
يـقـْـرَه شـعـر يـقـْرَه نـَـثـِر
چـلـمـَه اوتـفـك الـبـيـبان
 
صفـْصاف يـالطولـك حـلـو
حِـسـْـنـَـك يـهـَـيـم الـوجـْـدان
 
حـلـوَه أمـيـرَه امـتـَوّجـَه
كـلـْهـَه فـَـرَح ماكـو احـزان
 
صفـصاف شـامـخ للسـِـمـَه
هـيـبـَـه اوسـحـر لـلأكـوان
--------------------------------------------------------
ســــــــــبتمبر / 2016
ســــــــــــتوكهولم



234
الكاتـب الحـُـر
ميسون نعيم الرومي
 
الكاتـب الحـُر للوَطـَن أنـْـبـَـل ضميـر – قـايـد القـِـدوَه اويـقـود اعـظم مـَـسـيـر
ذاكـِـرَة تـاريـخ يـكـتـب كــُـل أديـب
قـَـلـَم كـِـلمـَه اوللزَمـَن قـَلـْمـَه رقـيـب
عـيـنـَه تـرْصد كـل شـَريـد اوكل غريب
يـفـْضَح ايـعـَـرّي بـالـقـَـلـَم كـلـْمـَن أجـيـر
***
سـلـْطـَه وايـسـَـلـْطن ابـسلطانـَه الأديـب
سـاحـِـر الكـلمـَه ابـطروحـاتـَه عـَجـيـب
للـشـَعـَب قـايـد تـشـوفـَه اوهـَم حـَسـيـب
للهـِـمـَم يـشـْـحـَذ ابـحـَچـْـيـه اوهـَم أمـيـر
***
أمـْضَه مـن الـسـَـيـف أصْبـَح
إن شـِـهـَر بـالـسـيـف يـنـْصَح
يـنـْـتـِـقـد بـالـفـكـر... يـشـْـرَح
والـفـكـر أمـْـرَه خـَـطـيـر
***
تـَـرْنـيـمـَه يـعـْـزف لـو يـريـد
عَ الـربـابـَه واللحـَن عـَـزْفـَـه فـَريـد
بـالحـَـرف يـلـْعـَـب هـَم يـجـيـد
يـكـتـب ابـْگـَـلـْبـَه الچـبـيـر
***
الأديـب ابـْـطـَـبـْعـَه شـاعـر خـو رقـيـق
الأديـب الحـُر للشـَـعـَب أحـسـَـن رَفـيـق
للقـَـلـَم صاحـِب دومـَه يـبـقـَه هـَم صديـق
لـلشـَـعـَـب أوفـَه نـَـصيــر
الكاتـب الحـُر للوَطـَن أنـْـبـَـل ضميـر – قـايـد القـِـدوَه اويـقـود اعـظم مـَـسـيـر
الكاتـب الحـُر للوَطـَن أنـْـبـَـل ضميـر
------------------------------------------------------------
ســــبتمبر / 2016
ســـــــــــتوكهولم
 





235
المنبر الحر / منظر ساحر لا ينسى
« في: 18:49 18/09/2016  »
منظر ساحر لا ينسى
ميسون نعيم الرومي
 
منظر ساحر ، يبقى طويلا في المخيلة ، منظر أنساني رحلتي الغير موفقة ، التي دامت ثلاثة عشرة ساعة بدلا من إسبوع ، بسبب الوضع غير الطبيعي في مطار *بروكسل والذي كنت سأستبدل فيه الطائرة قاصدة مدينة شتوتكارد الألمانية .
 أُلغـِـيــَـتْ سفرتي ، لأنتظر في المطار حوالي اثنتا عشر ساعة ، فضلت الرجوع الى السويد في الطائرة العائدة بعد ساعات قليلة بدلا من الإنتظار الطويل والمعاملة السيئة فيه.
 
هاهي الطائرة تدور بخفة في سماء ازروردية زرقاء صافية ، تداعب الهواء غنجا،
ليحتضنها كعاشق ، يدفعها معاكسا ، تعود اليه بدلال ، يحتوي جسدها المتمايل طربا فرحا بدفئ اللقاء السريع لتدور مودعة محاولة الهبوط في مطار ( ابرومـّـا ) الواقع في وسط ستوكهولم عاصمة السويد ، ولأول مرة خلال رحلاتي الكثيرة في السنين الطويلة التي عشتها في مدينتي الجميلة ستوكهولم ... لقد اعتدت السفر من خلال مطار (آرلندا) الواقع على أطراف المدينة .
 
تحوم الطائرة على المدينة ... تهبط قليلا تبث السلام والأشواق لترتفع مرة أخرى مداعبة ، وعلى البعد ، بدت الغابات الممتدة على طول البصر كبساط سندسي اخضر، يملأ القلب بهجة وسرورا ، تتخلله البنايات بسقوفها الحمراء كوشم نقش بالعقيق والياقوت في البساط السرمدي الداكن الخضرة ، والنهر يتلوى ، يرقص رقصة الخلود ، والأمواج فيه كمعزوفة الأزل .
احتوت المنظر الفردوسي الرائع سماء فيروزية جميلة تتخللها غيمات متفرقة كتمائم إلآهية تتراكض لتصد  سهام عيون خفية صوبت لتعكر هذا الجمال الساحر الخلاب .
 
والى الغرب بان قرص الشمس المحمر، اتعبه نهار يوم طويل ، لينثر خصلات شعرها الذهبي المخضب بشعاع متعدد الألوان تنثره على المكان مودعة كل زواياه ، معلنة الرحيل الى ضفة تناديها بشوق وحبور، لتبدأ يوما جديدا.
 
وها انا فجأة اصحو من نشوة غمرتني من رأسي حتى قدمي على إرتطام عجلات الطائرة في ارض المطار معلنة الوصول الى بلدتي الجميلة ستوكهولم واهلها المهذبين الذين نشهد لهم بذلك بعد مقارنتهم بالشعوب الأُخـرى.
------------------------------------------------------------------------------------
سلسلة تفجيرات وقعت في 22 مارس عام 2016  في مطار بروكسل الدولي
وبسب تلك التفجيرات حصل التخبط والوضع المشدد في المطار
-----------------------------------------------------------------------
أيلول / 2016
ســــــــــــتوكهولم
 
 


236


مـَـحـْـلـَـه الـلـَّـعـَـد مـَـحـْـلـَـه الـچـا


ميسون نعيم الرومي
 
مـَـحـْـلـَـه (الـلـَّعـَـد) بـيـهـَـه نـَـغـَـم – عـَـزْف ابـشـَـجـَـن چـلـْـمـَـة (بـَـلـي)-
فـدْوَه (يـوَلـّـي) اوصَدَقـَـه – حـَـطـّ الـسـِـدارَه الـچـَـلـَـبـي
بـَـغـْـداد يـالـَـحـْـن الأزَل
يـحـْـلـَـه ابـظـَـفـايـرْهـَـه الـغـَـزَل
مـاي الـنـَـهـَـر هالبـي عـَـسـَـل
لا لـولـَـه بـيـه اولا عـيـب – (ابـن الـطـَـرَف) هـالـمـنـْـتـچـي
(آنـي) ابـْـهـَـواك الـمـَـجـنـون – حـسـنـَـك (يـوَل) يـچـوي چـَـوي
لابـس قـَـمـيـص الـكـُـبـَّـلـي
مـَـحـْـلـَـه الـلـَّـعـَـد مـَـحـْـلـَـه الـبـَـلـي
***
حـِـلـْـوَه ابـدَلـَـع عـِـدْنـَـه ابـطـَـرَب – تـحـْـرگ حـَـرِگ بـيـهـَـه لـَـهـَـب
-(چـا) ويـنـَـك احـبـَـيـبـي الـتـَـرف – الـغـَـزَل (چـا) .. تـشـفـي الـگـَـلـب
أهـل الـكـَـرَم أهـل الـطـيـب
و(الـچـا) شـَـمـس..عـيـب اتـغـيـب
اعـيـون الـمـَـهـا ابـسـَـهـْم اتـصيـب
حـِـجـْـل اويـرِن مـن ابـعـيـد – مـاخـذ حـَـلاتـَـه امـن الـرطـَـب
مـايـَـك فـرات اشـگـَـد عـَـذب – (أفــّـيـش) يـارَبـْـعـي اوهـَـلـي
آنـَـه ابـهـَـواكـم مـبـتـلـي
(الـچـا) اشـمـَـحـْـلـَـه (والـبـَـلـي)
***
حـلـْـوَه ابـلادي (زور اجـوانـَـه) – مـَـحـْـلـَـه اجـبـالـَـه اومـَـحـْـلـَـه اهـوانـَـه
إيـد ابـإيـد انـعـَـلـّـي اونـبـنـي – نـبـْـنـي الـگـاع اونـحـمـي اسـْـمـانـَـه
(بـَـقـَـه إقـْـشـَـع) دحـّگ .. لـَـتـخـادع
(عـَـجـَـل) اتـْـهـَـدَّه او(يـزي) اتـْـلاوع
(يـوَلْ) او(يـابـَـه) .. اشـمـالـَـك ضـايـع؟
زور اجـوانـَـه او بـَـقـَـه والـيـقـْـشـَـع – يـَـوَل اوچـا .. انـجـوم اوتـلـْـمـَـع
عـَـجـَل اوگـلـْـبـي..اوبـَـلـي يـاعـيـنـي – إبـن الـطـَـرَف الـيـحـمـي الـمـَـرْتـَـع
اشـمـوس اللـَّـهـجـات ابـدنـيـانـَـه – اعراق الـقـبـْـله .. انـْحـِـجـْـلـَـه اويـشـفـَـع
عـود ارْبـابـَـه اونـاي الـيـعـْـزف – عَ  الـمـيـمـَـر .. اوعَ الـشـومـَـلـي
{ أحـاه ياريـحـَـة هـَـلـي }
مـَـحـْـلـَـه الـلـَـعـَـد مـَـحـْـلـَـه الـبـَـلـي
آنـَـه ابـهـَـواكـم مـبـتـلـي
---------------------------------------------------------------------
كلمات نتداولها بكثرة لربط الجمل في لهجات المناطق العراقية
- (بغداد والوسط .. الجنوب .. المناطق الكردية .. الموصل .. المناطق الغربية )-
طاب لي ان أجمعها في قصيدة شعبية


أيـلـول / 2016
ســـــــــــــتوكهولم



237
وَزيـرَه ( آن ) اتـعـَـيـنـَـت..
ميسون نعيم الرومي
 
يـعـْـبـادي بـَـطـّـل مـَـهـْـزَلـَـه
اتـْـبـَـدل الوزاره .. مـَـسـْـخـَـرَه !
 
تـَـبـديـل أشـخـاص ابـچـِـذب
وانـتَ رئـيـس الـشـَـجـَـرَه
 
تـَـغـيـيـر جـَـذري امـن الـجـَـذر
شـجـرَة فـَـسـاد امـجـَـذِّرَه
 
تـحـمـيـكـم اسـوار اوبـَـشـَـر
مـَـنـْطـِـقـَـه الـخـَـضرَه امـخـَـضـّـرَه
 
واحـدْكـم اوعـايـش مـَـلـِـك
عـيـشـَـة شـَـعـَـبـْـنـَـه امـَّـرْمـُـرَه
 
*وَزيـرَه ( آن ) اتـعـَـيـنـَـت..
رفـضـَـت حـِـمـايـه امـسـَـطـّـرَه
 
مـَـتـريـد .. لابـوگ اونـَـهـَـب
درَّه ابـوَسـَـطـكــُم هـالـمـَـرَه
 
مـَـرأه اوتـطـالـب بالـعـَـدل
مـَـتـريـد غـرْفـَـه امـسـَـوّرَه
 
بـالـبـوگ مـَـتـشـارك أبـَـد
مـَـتـريـد جـاه اومـَـتـْـجـَـرَه
 
إنـذار مـن عـدكـم .. رَمـي !
تـَـهـديـد هـذا أشـْـكـَـرَه
 
الـفـاسـد امـچـانـَـه الـسـجـن
مـو بـالـحـَـچـي والـعـَـنـتـَـرَه
 
رَجـعـوهـَـه أمـوال الـشـَـعـَـب
ابـكـل الـبـنـوگ امـطـَـشـِـرَه
 
حـوت الـفـَـسـاد الـيـنـسـِـجـن
مـوش الـزغـار الـقـَـشــمـَـرَه
 
بـالـمـالـكـي الـبـَـدوه .. اوإلـَـك
وانـوب بـاقـي الـسـَـمـسـَـرَه
 
(مـَـعـصوم) صوتـَـك شـو سـكـَـت؟
اذبـَـحـتـوُ الـشـَـعـَـب مـن حـنـجـَـرَه
 
يطـلـب شـَـعـَـبـنـَـه ابـكـل وَكـت
عـَـيـنـوُ الـقـُـضاة الـمـَـفـخـَـرَه
 
أمـريـكـه صـَـدْگـو امـقـَـرِرَه
گـرْبـَـت نـِـهـايـتـكـم تـَـرَه
 
يـعـْـبـادي بـَـطـّـل مـَـهـْـزَلـَـه
اتـْـبـَـدل الوزاره .. مـَـسـْـخـَـرَه !
------------------------------------------------------------------
* آن نافع اوسي :- وزيرة الإعمار والإسكن والتي تعرض بيتها لهجوم مسلح
وقالت وزارة الاعمار في بيان إن منزل اوسي "تعرض اليوم الى اعتداء ارهابي بإطلاق عيارات نارية في بغداد مما ادى الى وقوع اضرار مادية".
وأضافت الوزارة ان "هذا الاعتداء يأتي من اجل ايقاف عجلة الاصلاح الحكومي باستهداف شخص الوزيرة وخاصة بعد تسنمها مهام عملها على راس الوزارة بعد نيلها ثقة الشعب العراقي عبر ممثليه في مجلس النواب كشخصية كفوءة وتكنوقراط وحاصلة على شهادات عليا في مجال تخصصها".
-----------------------------------------
أيلول / 2016
ســــــــــــتوكهولم



238
هـزّي اولـولـي
ميسون نعيم الرومي
 
هـزّي اولـولـي
(چـَـن لا هـَـزيـتي اولولـيـتي)
 
يـومـيـّـه ابـْـشـكـْـبـان الـمـوتـَه
والشـاب انـزفـّـه ابتـابـوتـَه
شـكـْـبـان اشـلاء اولـَـمـيـتي
چـَـن لا هـَـزيـتي اولولـيـتي
***
دَم اويـجـْـري احـروب اهـواي
لـيـش انـحـارب  ؟ يـا مـَـولاي
لجـْـل العـَـرَب انـْحارب نـوبـَه
لجـْـل العالـَم صِرْنـَـه الطوبـَه
حـَرْب اوراحـَت .. حـَرْب اوجاي
ابـدَم اولادچ .. گـاع ارويـتي
چـَـن لا هـَـزيـتي اولـولـيـتي
***
اضلـوع اولادچ..نـِحـْـتـَوا كـُرْسي
تِـتـْرَبـَّـع تـِگـعـِد هـالـسـاسـَـه
خـيـر ايـعـِـم .. الأهـَـلـَه اونـاسـَـه
خـَـلـْفي اودزّي .. إلـهـم حـرْسـي
عـلى هـالـرَنـَّـه .. خـو مـَـنـْـسـيـتي ؟
چـَـن لا هـَـزيـتي اولولـيـتي
***
نـوبـَه اربـاط اوسـِـتـرَه اوقـاط
ابـطـَـرگ الـدخـّـان اوشــعـْواط
اونـوبـَه اعـْـمـامـَه اوجـُـبـَّـه اعـگـال
يـا حـال ابـچي ابـهـذا الحـال
دَمـعـچ يـجـري .. اهـوايـه ابـچـيـتي !
اعـزاز اهـوايـَه اوهـالـزفـيـتي
چـَـن لا هـَـزيـتي اولولـيـتي
***
افـلوس اتـْهـَـرْبـَـت .. خـَـزْنـَه اوفـرغـَـت
وطـَن انـبـاع .. اودَوْلـَه انـهـِجـمـَـت
ضاع اعـراقي اوكـل احـگوگـــه
كـلـْهـُم شـرْكـَه وابـهـالـبـوگـَه
*اوزارَه الـتـرْفـَع .. نـايـب يـكـْبـس
ازبـالـَه اوكـلـْهـم .. بـيـهـم نـكـنـس؟
هـزّي اولـولي چـَـن لاهـَـزيـتي
ابـطـَرْگ الحـَـسـرَه ..  يــُـمـَّـه اصفـيـتي
چـَـن لا هـَـزيـتي اولولـيـتي
-------------------------------------------------
بدعة جديدة يتسلى بها السراق بالتضامن والتكافل
1-    مجلس النواب يستجوب الوزراء
2- يصوت النواب على حجب الثقة
3-    والتصويت حسب الأسناد (والمعلومات التي يعرفها المستجوب)
 لفضح شلة الحرامية
حرامي يستجوب حرامي اوعلى هالرنة اشبعنه ونه
-----------------------------------------------------------------------
أيلول / 2016
ســــــــــــتوكهولم







239
أيـْـوَه .. نـَعـَم .. أيـْـوَه بـَـلي
ميسون نعيم الرومي
 
الله امـْـصَلـّي عَ الـنـَـبـي
لـَـفـّـوْ (المرأة) بـالعـِـبي
 
الـثـوب لازم لـلحـِجـِل
أيـْـوَه .. نـَعـَم .. أيـْـوَه بـَـلي
 
تـنـزل  اللكـْچـَه عَ الحـِنـِچ
والـرگــّـبـَه (عـارٌ أبـدي)
 
شـَـعـْرِچ العـَوْرَه غـَـطـّـيـه
خـافـَـن يـشـوفـَه اويـنـْغـِري
 
لا كـَهـْـرَبـَه ! لا ماي اكـوْ
ابـتـَـمـوز يـصْلي اونـنـْصلي
 
كـلـَّه چـذِب كـُـلـَّه دَجـَـل
الـديـن بـيـكـم مـبـْـتـلي
 
لاكـو عـَـمـَـل لاكـو فـِـهـم
تــَحـْـت الحـِـزام ايـْـفـَكـّـري
 
صارت الـمـَـرأه تـنـسـبي
طـَـلـّع افـلـوسـَـك واشـتـري
 
أشـكـال وانـواع الـمـَـهـَـر
*مسيار.. صيغـَه .. اومـَـدَني
 
*مـُـفخاذ والشـَـمـّعـَه اومُـتـَع
مـُـسـْـتـَـقـْـبـَـل اظلـَم .. يا عـَـلي
 
*مـطـيـار.. محجاج اوسـَـفـَـر
كـُـلـَّـه (عـهـر) يـا سـيـدي
 
تـجـديـد بـالـديـن (الـبـُـدَع)-
لاتـرضي الله اولا الـنـَـبـي
 
مـو إجـتـِـهـاد اوبـَـس مـَـرَض
لا جعفري اولا حنفي اولاحنبلي
 
المالكي والشافعي ايضا رفـَـض
هـذي الـفـَـتـاوى .. اومـبـتـلي
 
الله امـْـصَلـّي عَ الـنـَـبـي
لـَـفـّـوْ (المرأة) بـالعـِـبي
--------------------------------------------------------------
أنواع الزواج التي انتشرت حديثاً :- المسيار ، الصيغة ، الشمعة ، المتعة
المطيار ، المحجاج ، المساكنة ، الطابع ، الزواج بالدم ، والزواج الجماعي
 والأدهى من ذلك انتهاك الطفولة بما يسمى المفاخذة
-------------------
أيلول / 2016
ســــــــــــــتوكهولم




240
شـَـگــّگ واحرگ
ميسون نعيم الرومي

 
إنـهـَـب إسـرق
إفـسـد وامـرق
مـَـلـْـيـن وامـشـي .. لاتـتـكـَـلـَّـم
گـالـَـوْ إسـمـَـك صار (امـعـَـلـّـم)*
*(مـَـدْحـَـت) حـاضر
حـكـْـمـَـه  اونـادر
ايـبـَـرّي ابـْـسـاعـَـه ! صارَت عـادَه
نـايـب طـَـمـْطـُم ! عـلى هـالسـادَه
إثـري اوإمـحي
بـوگ اوإخـفـي
*شـَـگــّگ واحرگ .. (شـَـهـرسـتـانـي)
سـافـر وامـشـي .. الـوَطـَـن الـثـانـي
*(اعـبادي) الحـاضر
إيـلـم الـصايـر
شـرْكـَـه اوكـلـكـم وابـهـالـبـوگـَـه
حـاكـم صايـع
*يـحـكـم جـايـع!
طـفـل الجـايـع .. يـنـگـَـص راسـَـه !
ايـبـوگ اكـلـيـنـَـكـس .. يـطـعـم نـاسـَـه
امـصيـبـَـه الـجـَـتـْكـُم
مـوت ايـلـمـكـم
مـن (اعـبـادي) والآخـركـم ...
احـكـومـَـة ْصدْفـَـه وي نـائـبـكـم
شـَـعـب الـسـاكـت
صوتـَـك خـافـِـت
كـلـْهـَـه اتـنـهـشـَـك .. تـاكـل لـَـحـمـَـك
راضي الـذلـَّـه .. سـايـح دَمـَّـك !
(الـياخـذ أمـَّـك صايـر عـَـمـَّـك)
ضايـع حـَـگــَّـك
بـاگــَـوْ كـَـدَّك
صايـر طـوبـَـه وابـهـالـمـَـلـعـَـب
گال .. اتظاهـَر !
نـِـدَم اوجاهـَر !
تـنـهـَـض يـمـْـتـَـه ؟ اوحـَـقـَّـك تـطـلـب !
عـلى هـالـشـلـَّـه ابـسـوطـَـك تـضـرب
تـبـني ابـلادك
 يـعـلـَـه ابشـانـَـك
اتـْـنـَظـّـف وَطـَـنـَـك .. ذولـَه اقـْـمامـَة
اتـعـيـش امـْـرَفــّـه تـرْفـَع هـامـَـه
تـرْفـَع هـامـَـه
------------------------------------------------
*(امـعـَـلـّـم) : - اشارة الى اكبر عملية فساد هزت العالم في تراخيص النفط
والتي كان بطلها حسين الشهرستاني تحت الأسم السري (المعلم)
*(مـَـدْحـَـت) :- رئيس هيئة القضاء الأعلى حامي حيتان الفساد في العراق مدحت المحمود
*شـَـگــّگ واحرگ :- عند تنحي حسين الشهرستاني
 حـُرق مكتبه بالكامل للتخلص من ملفات الفساد في حادث مؤسف
*(اعـبادي) :- رئيس الوزراء العراقي الكثير الكلام
والذي يؤمن بـ (الحچي ما عليه گمرگ)
*يـحـكـم جـايـع :- حكم طفل جائع بالسجن سنة كاملة بجريمته النكراء في سرقة
2 باكيت كلينكس
والذي سرقت الحكومة حصته وحصة جميع الفقراء من خيرات العراق الكثيرة
---------------------------------------------------------------------
1 / أيـلول / 2016
ســـــــــــــتوكهولم
 






241
أدب / لا تـتـعـَـلـَّم
« في: 21:37 22/08/2016  »
لا تـتـعـَـلـَّم

ميسون نعيم الرومي
 
انـْـهـَـب لـَـمـْـلـِم
بـوگ اوطـَـمـطـم
كـلـهـم شـرْكـَـه وابـهـالـبـوگــَه
كـيـكـَه اتـقـَـسـمـَـت عـلـى هـالـجـوگـَـه
شـَـعـب اوسـاكـت
مـَـهـمـا ضاگـت
امـحـَـزَّم يـمـشـي .. يـلـطـم يـبـچـي
يـنـذر نـِـذرَه .. يـمـشـي اويـحـچـي
سـايـح دَمـَّـه
يـبـلـَـع هـَـمـَّـه
حـَـرّ اويـلـْـهـَـب .. سـاكـت يـعـرَگ
مـاي اگـلـيــّـل .. يـعـطـَـش يـشـرَگ
راضي اوصامـت
أهـلـَـك نـامـَـت
اعـراقـي اتـرَوَّض .. عـلـى هـالـذلـَّـه
يـَمـْـتـَـه اوتـصْحـَـه هـاذي الـمـِـلـَّـه
*خـُـدَّج حـرْگـَـوْ
وَجـَّـوْ .. جـَـمـرَوْ
بالمستـشـفى .. ويـن الخـدْمـَه؟
كـلهـَه اتـوَزرَت وابـلا  ذمـَّـه
شـَـعـْـبي اشـجـالـَـك ؟
احمي اعـيـالـَك !
ظل بـالـشـارع بالـَـك تـرجـَع
ثـور اواطلـَع اقـلـَع واشـلـَع
حاكـم صايـع
نـائب ضايـع
جـونـَه اتـسـَـيـدَوْ *خـَـفـْـتـَه اصفـيـنـَه
كـتـْـلـَوْ ولـدَك .. ويـنـَه اوويـنـَه
شـنهي العـِلـَّه
لـيـش الـذلـَّه ؟
اسـمـَـك عالي چـان اوسامي
حـيـف اووَسـْـفـَه اصفـيـنـَه التالي
غـَـنـَم اوصرْنـَه
كـلهـَه اتـكـرْنـَه*
بـَـطـّـل تـكـتـب حـَچـيـك يـحـْرِج
اسـكـِـت أيـس ! مامـش مـَـخـْـرَج
چـَـنـَّـك تـحـْـلـَم
بـَـطـّـل تـحـلـَم
مـن بـَـغـداد الحـَـد الـكـوفـَه
مـثـل الگـَـبـله ابـقـَـفـَص انـشـوفـَه
اصحـَه اوافـهـَم
مـاكـو امعـَـلـِّم
تـاريـخ اقـرَه مـِـنـَّه اتـعـَـلـَّم
ما تـتـعـَـلـَّم .. لا تـتـعـَـلـَّم
لا تـتـعـَـلـَّم
--------------------------------------------------
*خـُـدَّج:- الأطفال الخدج الذين يولدون قبل انتهاء فترة الحمل
إشارة الى ما حصل في مستشفى اليرموك فجر يوم10 / 8 / 2016
فقد شب حريقا في قسم النسائية والتوليد
 في قاعات الأطفال الخدج وأدى إلى حرق 30 طفلا الى حد التفحم
---------
*خـَـفـْـتـَه:- الخفت .. الرماد
---------
*اتـكـرْنـَه:- تذبحنا من الوريد الى الوريد
---------------------------
آب / 2016
ســـــــــــــتوكهولم

242

دنـيـه عـَـجـَـب


ميسون نعيم الرومي
 
دنـيـه عـَـجـَـب بـيـهـَـه اتـشـوف
أشـكـال الـبـَـشـَـر بـيـهـَه الـوان
 
بـيـهـَه الـوَفـي طـَـبـْـعـَـه حـلـو
بـيـهـَـه الـصَـلـِـف والـخـَـوّان
 
مـنـْهـم ذهـَـب لـيـرَه أصِـل
بـيـهـَه گـِـشـِـر بـَـس الـوان
 
قـاط اوربـاط اويـشـْـمـاغ
نــَـفـْـسـَـه دنـَـت عَ الـفـلـْسـان
 
غـَـفـْـلـَـه يـشـوفـَـك مـلـْـتـهي !
يـخـْـمـط ابـجـيـبـَـك مـا كـان
 
تسكت غصب عيب اوخـَـجـَـل
يـفـْـرَح ايـنـَـشـْـنـِـش.. غـَـلـْـبـان
 
بـيـهـم تـَـقـي هـَـم يـدّعـــي
يـحـْچـي .. يـفـَـسـرّ أديـان
 
مـنـهـم بـنـت كـَـشـْـخـَـه اوحسن
تـِـچـْـذب اوتــسـرق خـلـگـان
 
عـادات عـنـْـدَه سـَـيـئـَـه
مـسـكـيـن گـالـَـوْ .. مـَـرْضان
 
مـن الـزغـر يـاخـذ دَرس
هـذا غـَـريـب الإنـسـان !!
 
مـا تـِـنـْـفـَـعـَـه سـوگ الـعـَـصَا
ابـنـَـفـْسـَـه يـغـَـيـر الـوجـدان
 
والـيـتـعـظ رايـد عـَـفـو...
إيـرِد الأخـَـذ .. مـن ازمـان
 
هـذا عـَـجـيـب الإنـسـان
****************
آب / 2016
ســــــــــــتوكهولم




243
عـيـني بـَـغـْـداد الـسـَـلام
ميسون نعيم الرومي
 
عـيـني بـَـغــْـداد الـسـَـلام – جـِـفـَـن عـيـني الـمـايـنـام
روحي تـزحـَـف لـيـچ كـلـْهـَه – بـيـهـَه مـن عـنـدي الـسـَـلام
اعـيـوني انـتِ اوجـَـرح يـدّي
 اجـروح كـلي اوهـاچ شـدّي
گـَـلـْـبي ويـنـَـه ردي ردي
ضاع مـن عـنـْدي الـكـَلام – عـَـشـْـعـَـش احـْـبـيـبـَه الخِـصام
غـَـصَّه وابـروحي طـَعــمـهـَه – مـابـقـَـه والله وئـام
عـيـني بـَـغــْـداد الـسـَـلام
***
عـيـني بـَـغــْـداد الحـَـبـيـبـَه – حـبـّـچ ابـروحي قـَـصيـدَه
گـَـلـْبي لـيـچ اودوم يـرْبـي – انـتِ شـرْيـاني اووريـدَة
دجـلـَه حـبـّي اوعـَـذب مـَـيـّه
والـنـَخـَـل نـِگــّعـد ابـفـَـيـَـه
رطـَـب كـَهـْرَب هـاذه ضيـّه
اشـما يـطول العـمر بـيـنـَه – شـوگي يـبـدي مـن جـديـدَه
حـَـنـَّـت الـروح اوتـريـدَه – سِـكـَـت بـالـسـاني الـكـَـلام
عـيـني بـَـغــْـداد الـسـَـلام
***
عـيـني بـَـغــْـداد امـن اذكـْـرچ – گـَـلـبي يـرْكـض صاح بـسـمـچ
احـروفـَـه تـضوي عَ الجـبـيـن – دَمـْـعـَه سـالـَـت بـيـهـَه رَسـْـمـچ
زاد شـوگي والحـَـنـيـن
اشـْـبـَـعـْـنـَه يـحـْـبـيـبـَه ونـيـن
عـطـْـشـَـت اوتـبـْچـي الـسـنـيـن
غـرْبـَـه تـچـْوي وابـجـَـمـرهـَه – تـهـنـَه يـحـْـبـيـبـَه اونـريـدچ
غـَـدر يـوجـَع جـَرْحـَه يـلـْهـَـب – خـانـَو ابـعـرْفـَه اللئام
نـاحـَـت اسـراب الحـَـمام
عـيـني بـَـغــْـداد الـسـَـلام
---------------------------------------------------------------
 
آب / 2016
ســـــــــــتوكهولم





244
عالم الجينات
خـالي ( مـتــّي ) ... وداعـا

ميسون نعيم الرومي
 
بـيـرَغ للعـِـلـِم والعـِـلـِم فـَخـْر اونـور
اسـمـَـك هالعـِـلـَه بـالـبـَحـِث والجـيـنـات
 
يـاحـلـو الـطـَـبـع والنـاس تـفـخـَر بـيـك
يـاهـيـبـَـة وَطـَـن يـمـْعـَـلـّي بـالـرايـات
 
يـالأنـتَ اخـلـَـقـت أجـيـال بـَـعـْد اجـيـال
وابـعـِـلـمـَـك حـچـَـت أجـيـال بـالـطـَـيـبـات
 
( مـَـتــّي ) بـالإسـم .. يـاعـَـلـَـم بـيـن اعـلام
شـَـهاداتـَـك (يـخـالي) اشـمـوس .. بـسـْـمـاوات
 
ابـن (صالـح العـايـش) والـنـَـسـَـب مـَـعـْروف
يـا إبـن العـمـارة .. الحـلـوَة الـنـَـسـمـات
 
يـا فـَـخـَـر الـثـَـقـافـَه اوعـالـم اوإنـسـان
يـا مـشـعـل عـِـلـِـم .. يـا حـاضر الـشـدّات
 
خـَـسـارَه للعـِـلـِم واتـمـوت حـيـف اتـمـوت
خـِـسـَـف حـتـى الگـمـَـر واتـلـَگــّـتـَـك نـَجـْمات
 
مـثـل حـلـم العـمـر.. وايـطوف عَ الإنسـان
يـاحـيـف العـمـر واسـنـيـنـَه مگـْـضيـّات
 
يـا ويـلي العـراق اوأهـْـلـَه مـتـطـَـشـريـن
أغـراب اوصفـَـوْ مـابـيـن الـولايـات
 
سـَـلام اعـلـيـك يـا (مـَـتــّي) يـإبـْـن الخـيـر
يـالـورثـَـك عـِـلـِـم يـامـَـنـبـَـع الخـيـرات
 
مـو مـَـيـّـت أبـَـد مـن عـاش عـالي الـشـان
بـالـنـور انـكـِـتـَـب تـاريـخـَه بـالـذهـْـبـات
---------------------------
وفاة العالم في علم الجينات متي صالح العايش
-----------------------------
شهاداته مع ملخص لفعالياته أثناء دراسته في أمريكا وكذلك قائمة لكل نتاجه العلمي.
في الجامعة كعضو في الجمعية ”Silver Spurs -- سنة 1951: إنتخب في (40 طالبا في جامعة عدد طلابها 14 ألف طالبا) تقوم بتمثيل الجامعة في الإحتفالات الرسمية. وفي عام 1952 أُنتخب من قِبل الطلاب كأحسن وأشهر عشرة طلاب في ذلك العام.
-- مثّل طلاب الدكتوراه في جمعية طلبة الجامعة ورئيسا لجمعية الطلاب الأجانب لمدة أربعة سنوات.
-- قبل حصوله على الدكتوراه تسلم أعلى جائزة تُعطى الى طالب في الجامعة (أُنظر أدناه).
Sigma Xi—أصبح عضوا في أشهر جمعية للعلماء ألأمريكيين (أُنظر أدناه).
 
- بعد تركه العراق وعودته الى أمريكا سنة 1958, تقلد مناصب متعددة في فرعه كأستاذ ومحاضر زائر وكرئيس قسم بحوث السرطان في جامعات متعددة, آخرها قسم الراديولوجي في الكلية الطبية- جامعة كالفورنيا- لوس) فكان ألأستاذ والرئيس لقسم البحوث في المركز الشعاعيUCLA أنجلس ( خلال سني 1993- 1996. تقاعد بعدها عن العمل. نشر المواضيع المتعددة في المجلات العالمية الشهيرة وأصبح عضواً بارزاً في جمعيات متعددة في إختصاضه.

--إشتغل لمدة 30 عاما في أشهر مؤسسة للبحوث العلمية والطبية في أمريكا (N.I.H.) = National Institutes of Health والعالم
أصبح رئيسها خلال سني 1972-1993 فكان المسؤول على أكثر من 100 مليون دولار سنويا تُعطى للعلماء الباحثين في جميع أنحاء العالم وأغلبهم من ألأمريكيين وعندما إستقال من عمله كان مديراً للبحوث العلمية لدراسة الكروموسومات وعلاقتها بأمراض ألأطفال وضعاف العقول. فنشر الكثير من النتائج في المجلات العالمية
منقول عن بحث للدكتور محمد زاير
-----------------------
11 / آب/2016 
ســــــــــــــــــــــتوكهولم

245

الـثـَـورَه ثـَـوْرَة نـسـوان

ميسون نعيم الرومي
 
المـَـرأه وَردَه امـْـفـَـتـِحـَه
فـاح ابـعـِـطـرهـَه العـنـوان
 
احـبـَـيـْـبـَه أخـت .. أم اوأبـو
رقــَّـه اودفـو واطمأنـان
 
قـوَّه اوصَلابـَه اوتـَصْميم
عَ الراس هـيـبـَـة تـيـجان
 
كـلهـَه الشـَمـِس..منهَه الضوَه
عـِـزَّه اوفـَـخـَـر للأوطان
 
ربي اسـطـِفـاهـَه عَ البـَـشـَر
شـَـرْعـَت الجنـَّـه البـيـبـان
 
ظـلـْم اوتـَخـَـلـّـف وانـفـرض
كـفـْـرَوا ابـكـل الأديـان
 
مـُرْضَـة نـفـوس اوفـَسـّـرَت
بـالـكـيـف فـَـسـْـرَت قـرآن
 
الله الـعـَـدل والإنصاف
الله الرحـيـم الـرحـمـن
 
طالـَـت لحي كـَـشـَّـر نـاب
حـَـدْر العـمـامـَه الـشـيـطان
 
اغـتـصبـَـوا الـطـفـّـلـَه اوبالمهد
بـالـدوب شـَـلـْعـَـت أسـنـان
 
صارت الـمـَـرأه تـنـبـاع
هـم جاريـه .. هـم غـلمان
 
مسيار ...عـرفي ، والـْمـتـَع
حـَـلـِلـــَّـوا  كـل الألـوان
 
لـَـفـَّـوا الـمـَـرأه ابـجـبـّـات
تـمـشـي تـتـعـَـثــَّر بـاحـزان
 
چـانـَـت گـَـبـل مـتـْـنـَـوّرَه
سـومـَـر اوبـابـل كـلـدان
 
سـلـْطـَه اووقـار اوتـَصْمـيـم
حـكـْـمـَـت الـمـَـرأه الـبـلـدان
 
رفـضي الـظـلـم واتـحـَرّري
سـَـمـَّـاچ عـَـوْرَه الخـيـبـان
 
شـَـعـْرچ اووجهچ مـَـفـْخـَرَه
مـايـنـظر الا الـمـنـهـان
 
والـلـّي يـبـاوع بـالـدَغـَـش
الله يـحـِـرْگــَه ابـنـيـران
 
ثـوري يـمـَـرأه عَ الـظلم
الـثـَـورَه ثـَـوْرَة نـسـوان
 
الـثـَـورَه ثـَـوْرَة نـسـوان
----------------
آب / 2016
ســـــــــــتوكهولم

246
اعـبادي فـوگ الـشـَـجـَـرَه

ميسون نعيم الرومي

هـَـيـئـَـة نـَـزاهـَـه امـعـَـثـرَه – *(واعـبـادي) فوگ الـشـَـجـَـرَه
*(سـَـلـومـي) خـايـن مـرْتـشـي – والقـاضي صايـر قـَـشـْـمـَـرَه
السـان اطـويل امـشـَـرْشـَـب
وحـدَتـهـن شـيـطان امـحـَـجـَّـب
إسـقـاط الوصايـَـه مـَـطـلـَـب
أحـكـام نـطـلـب عـادِلـَـه – مـو بـالـحـَـچـي والـعـَـنـْـتـَـرَه
اسـلاحـچ *(عـَـلـَيـّـه) قـنـْـدَرَه – *(حـَـنـونـَـه) حـَـچـيـچ مـَـسـْـخـَـرَه
(واعـبـادي) فوگ الـشـَـجـَـرَه
***
حـَـجـْـب الـثـِـقـَـه مـَـطـْـلـَـب عـام – وامـن الـحـكـومـَـه الـظـلاّم
مـَـلـيـنـَـه (يـعـْـبـادي) حـَـچـي – تـوعـد چـذب وامـن الـعـام
*قـاضي الـقـَـضاة الـصنـديـد
يـسـتـِـر جـَـرائـم هـالـحـيـد
هـيـئـَـة نـَـزاهـَـة مـَـنـريـد
حـَـدْهـَـة الـقـَـضايا واتـنـام – تـسـتـر فـَـسـاد اوإجـرام
يـوم اويـجـيـكـم سـرَه – للوَطـن رَجـَّـعـْـتـوا وَرَه
(واعـبـادي) فوگ الـشـَـجـَـرَه
***
اسـبـيـتـوا الشـَـعـَـب والله سـَـبـي – واعـراقـي بـيـكـم مـبـتـلي
نـَـهب اوخـيـانـَـه اوتـَـزويـر – طـَـعـم الـفـگـر ثـاري قـَـوي
سـنـجـار تـبـچـي واتـنـوح
عـَـرض الـعـراق الـمـَـجـروح
ريحـَـة خـيـانـَـه واتـفـوح
يـوم الـحـسـاب اوهـم يـجـي – مـا تـنـفـَـع افـلـوس اوحُـلـي
حـكـّام حـكـم الـطـَـرْطـَـرَه – و*(الـمـالـكـي) شـيـخ الـجـره
(واعـبـادي) فوگ الـشـَـجـَـرَه
--------------------------------------------------------------
*(واعـبـادي):- رئيس الوزراء وقائد القوات المسلحة
*(سـَـلـومـي):- رئيس البرلمان والذي اتهم بالفساد من قبل وزير الدفاع
-------------------------
*(عـَـلـَيـّـه) :- النائبة عن الكتلة العراقية الحرة (عالية نصيف) والتي ضربت رئيس الكتلة العراقية في البرلمان (سلمان الجميلي)بحذائها اثناء مشادة كلامية والمتهمة بالفساد     
*(حـَـنـونـَـه):- (حنان الفتلاوي ) نائبة عن قائمة دولة  القانون والمتهمة بالفساد
------------------------
*هـيـئـَـة نـَـزاهـَـة:- المتسترة على جميع ملفات الفساد في الدولة العراقية
*قـاضي الـقـَـضاة:- (مدحت المحمود) الذي يتستر على الفاسدين الكبار في الدولة
--------------------------
*(الـمـالـكـي):- رئيس الوزراء السابق والذي اختفى اثناء ولايتيه ألف مليار دولار، وبيع ثلث العراق الى داعش
---------------------------------------------------------------------------
آب / 2016
ســــــــــــــــــــــــتوكهولم

247

ابيات من شعر الدارمي
على أثر التصريحات الخطيرة لوزير الدفاع العراقي
خالد العبيدي

ميسون نعيم الرومي
 
مـن الـسـَـفـَـر مـمـنـوع گـالـَـوا (جـبـوري)*
چـا شـنـهـي لـلـنـواب .. يـرأس ويـدوري
***
*(يـعـبـادي) اخـجـَـل عـيـب .. واگـعـد ابـيـتـَـك
راح الـبـَـلـَـد وانـبـاع ! كـل هـذا صوچك
***
شـرْكـَـه انتَ ويـي الـكـل ! بـوگ اوخـيـانـَـه
(يـعـبـادي) اطـلـَـع روح .. چـذبـَـك سـبـانـَـه
***
شـايـف حـكـومـَـه ابـيـوم .. بالـنـَـهـب تـكـشـَـخ ؟
اسـمـَـع يـشـعـبـي اوشـوف .. نـايـبـنـَـه يـنـفـخ
***
احـكـومـَـة خـيـانـَـه اوبـوگ .. تـكـتـل تـفـَـجـّـر!
تـلـهـي الـشـَـعـَـب بـالـمـوت .. بـالـگـَـبـر تـحـفـر
***
*گـطعـَـوْ عـَـلـيـنـَـه اجـسـور .. والـحـِـجـَّـه تـَـعـْـمـيـر
تـكـتـم تـريـد اصوات .. والـغـايـه  تـَـخـديـر
***
رفـع الـحـِـصانـَـه انـريـد مـن ذولـَـه كـلـهـم
*(اجـبـوري والـنـوّاب)  ذكـرَوا إسـمـهـم
***
يـاشـَـعب شـَـكـّـل گـوم .. مـَـحـْـكـَـمـة الـعـَـدالـَـه
إحـكـم عـلى الأشـرار .. ذولـَـه الـزبـالـَـه
***
*افـلـوس الـشـَـعـَـب تـنـبـاگ .. فـتـْـحـَـوا مـَـحـَـطـات
كـلـهـَـه چـذب واخـداع .. تـسـتـر خـيـانـات
***
انـگـطـْـعـَـت عـَـلـيـنـَـه اخـبـار .. بـَـعـْـدَك يـ (أنـور)*
كـلـمـا تـمـر ايـام تـتـعـَـتــّـم اكـثـَـر
***
هـذا الـشـَـهـَـر لـَـهـّـاب والـدنـيـه تـشـوي
يـا شـَـعـَـب تـحـمـل لـيـش ؟ شـارعـْـنـَـه يـصوي*
***
جـَـنـَّـه اونـَـعـيـم اتـعـيـش .. احـكـومـَـة خـيـانـَـه
والـشـَـعـَـب عـيـشـَـة ضيـم .. اسـكـوتـَـه سـبـانـَـه
***
لا للحـزب مـَـنـْـريـد ! والـطـائـفـيـّـه
يـاشـَـعـَـب ارفـض ! ثـور .. ضـد الـبـلـيـّـه
----------------------------------------------
(جـبـوري):-  جاء في استجواب وزير الدفاع خالد العبيدي أمام البرلمان العراقي عن تورط رئيس البرلمان سليم الجبوري والنواب( محمد الكربولي وحنان الفتلاوي وعالية نصيف وحيدر الملا) بارتكاب جرائم فساد
----
            *(يـعـبـادي):-على أثر ذلك منع حيدر العبادي رئيس البرلمان من السفر وكان من واجبه ان يرفع الحصانة عن سليم الجبوري والنواب وتقديمهم الى محكمة عادلة لأثبات الإدانة اوالبراءة
ترى كيف يبقى متهم بتهم خطيرة يترأس البرلمان ؟؟
----
*گـطعـَـوْ عـَـلـيـنـَـه اجـسـور:- شهدت منذ يوم الجمعة إجراءات أمنية مشددة فضلا عن إغلاق الجسور الرابطة بين جانبيها الكرخ والرصافة، والطرق القريبة من المنطقة الخضراء وسط العاصمة بغداد
لقطع الطريق على المتظاهرين في الوصول الى ساحة التحرير
----
*(اجـبـوري والـنـوّاب) :-رفع الحصانة عن المتهمين بالفساد (سليم الجبوري  محمد الكربولي وحنان الفتلاوي وعالية نصيف وحيدر الملا)وتقديمهم الى القضاء واجب على العبادي وحكومته بدلا من محاولة تمييع هذه القضية الخطيرة كما القضايا السابقة
----
*افـلـوس الـشـَـعـَـب تـنـبـاگ:-المحطات الفضائية الكثيرة المنشأة من الأموال المنهوبة وضيفتها التعتيم على الأخبار وتبييض وجوه الأحزاب الخائنة
----
(أنـور):-المقصود أنور الحمداني وبرنامج التاسعة الذي منع بعد غلق قناة البغدادية من قبل الحكومة العراقية لتكميم الأفواه والتستر على الفساد المستشري
-----
يـصوي:- فارغ من الناس
-----------------
3 / آب/ 216
ســــــــــــــــتوكهولم[/b][/center]

248
بطل العراق وبطل آسيا في الملاكمة
عبد الأمير سلمان

 
 
بطل الملاكمة العراقي عبد الأمير سلمان
ميسون نعيم الرومي
 
يـعـْـراقي اصحـَه اوكافي النـوم
اولادَك مـَسْـحوگـَـه انـذَلـَّـت
 
چـَـم مـبـْـدع مـن ولـْدَك صارَوْ
بـرْبـوعـَـك واعـيـونـَه ابـيـضَّت
 
عـزَّة نـَـفـْـسَـه اتـمنـْعـَه ايـخـون
والـكـَـلـِمـَه اعـْـلـَه الـسـانـَه انـشـَـلـَّت
 
خـبـز *(الحـاف) اعـليـه ابـْحـَسـرَه
و*(اعـيـالـَه) اعـْلـَه اللگـمـَّه اتـصوت
 
امـْهـَـدَّم واولادَه ابـضيـجـَه
آخـر عـمـرَه العـيـشـَـه اسـوَدَّت
 
*(عـَـرَبـانـَه) اومـبـْـدعـنـَه اليـدفـَع
بـَـطـَـل امـلاكـم روحـَه انـهـِزمـَت
 
*( سـَـلـْمـان الأب يـا أمـوري )
بـَـطل ... العـالـَم لـيـك اوصَفـْگـَـت
 
عَ الـگـاع ايـبـيـع اوبـالخـرْدَه
مـثـْـلـَه .. العالـَم بـيـه افـتـِخـْرَت
 
جايـع وايـدَوّر عَ اللگـمـَـه
وادمـوعـَـه بـجـفـونـَه اتحَجـْرَت
 
جـَـتـْكـم بـَـلـوَه احكومَه الگـَـشـّـرَه
عَ الـيـورو اتـصوم اوهالصَلـَّـت
 
اعـْـمامـَه اوچـَـفـيـّه اوسـتـْـرَه
غـرْبـان  اوعَ الـبـوگ اسـطـَـفـَّـت
 
 وحـدَتـْهـن مـلاّيـه امـْحـَجـْـبـَه
مـن أجـْـلـَـك يـالبـوگ اتحَجـْبـَـت
 
بـَـرد اوحـَـر.. مـامـش كـل خـدْمـَه
يـا تـَـمـوز الـوادم جـَـمـْـرَت
 
شـَـعـب الساكـِت ضيـمـَه ايـهـِدَّه
يـمـْـتـَه اوتـِصْحـَه ؟ الوادم مـَـلـَّـت!
 
اطـردهـم ! غـربـَه اوهالجـونـَه
بـَـغـْـداد ابـأمـراض انـسـَـلـَّـت
 
يـعـْـراقي اصحـَه اوكافي النـوم
اولادَك مـَسْـحوگـَـه انـذَلـَّـت
---------------------------------------------------
خـبـز *(الحـاف):- أكل الخبز وحده (دلالة على الفقر)
*(اعـيـالـَه):- أطفاله
*(عـَـرَبـانـَه):- عربة خشبية تستعمل لتحميل الأغراض
*( سـَـلـْمـان الأب يـا أمـوري ):- عبد الأمير سلمان بطل العراق وآسيا في الملاكمة
والذي يعيش عيشة فقر مدقع ومثله يقدر ويكرم لو لم يكن عراقي
-----------------------------------------------------------
تموز / 2016
ســـــــــــــــتوكهولم



249
زاوية الشعر الشعبي / حـَـزّورَه
« في: 23:24 17/07/2016  »
حـَـزّورَه
ميسون نعيم الرومي
 
حـَـزّورَه ... واتـريـد الـحـَــــل
والـلي ايـحـِـلـهـَـه ايـضل حـَـزنـان
اعـلـَـه المـَـوجـود الحاكـم كـَـوّش
حـِـزب اوصايـر خـان اجـغـان
 
بـاگ الخـَـزْنـَـه اونـَـفـط اعـراقي
 أمـْـرَه اوصادر ... مـن ايــران
 
امـْـجـَـرْوَد وايـلـِم الصَـدَقـات
صارَت عـِـنـْـدَه اوبـالأطـنـان

ابـنـوگ انـتـَـرْسـَـت فـاضـَـت مـنـَّهـَه
لـَـنـْـدَن أمـريـكــَـه اوعـمـّـان
بـاعـَـوْ أرضي .. العـرض انـبـاع
اخـيـانـَـه الـعـظمى الـوَطـَـن اوخـان
 مـتـآمـر مـَـدْسـوس  ابـْـشـَـعـْـبـَـه
 اتـريـدَه امـريـكـَـه اتـقـَـرر والجـيـران

كـرْسـي اولازگ سـيـكـوتـيـن
مـَـغـسـول (ابـّـولـَـة) بـعـْـران
 
بـاقـي اومـسـتـَـهـْـتـر بـالـكـل
طـُـگــّـو الـراس اوبـالـحـيـطان
 
شـَـعـْبي سـاكـت چـَـن مـَخـْـلـوس
 دومـَـه امـْعـَـلـَّم عَ الأحـْـزان
 
قـصَّه انـعـرفـَـت والـمـَـقـصود
 كـَـرْشـَـه  امـدَعـْـبـَـل .. هـَم خـَـوّان
 
 حـلـّـوا الحـَـزورَه ابـداعـَـتـكـم
والـيـعـرف حـَـلـْهـا !! الـفـَـهـمـان......
-------------------------------------------------------------
تموز / 2016
ســـــــــــــــــتوكهولم



250
الى تموز اهديها بمناسة مرور 58 عاماً على ثورة 14 تموز الخالدة
 
تـَـمـوز..شـفـت اللي صار؟
ميسون نعيم الرومي
 
ويـلات مـَـرَّت ويـلات – يـعـْراقي كـلـَّـك نـَكـْـبـات
حـتـّى الحلـم بـيـنـَه انـذبـَح – اصنـام صرنـَه اولعـْـبـات
فـرْصَه الـيـتـيـمـَه اوبـالعـمـر
ماطـَـوّلـَت .. صارَت جـَمـر
ماظـَـل نـَجـِـم لاظـَـل گـمـَر
بـَـس الهضم النـَـه سـَـمـَـر
تـَموز جـانـَه اوبـي حـزن – إعـقـود خـَمـْسـَه امـغـَـيـمات
مـَـرَّت اودَمـْـنـَه مـنـْهـِدر – كـل يـوم بـَـلـْوَه اوبـَـلـْـوات
يـعـْراقي كـلـَّـك نـَكـْـبـات
****
احكـومـَة دَجـَـل..ماتـستحي – مسكـين شـَـعـْبي اوملتهي
لاكـو قـيـادَه امعـَـتــْـبـرَه – لافـكـر حـر اويـنـتخي
تـمـوز شـفـت اللي صار؟
صارَو اولادَك طـِـشـّار
شـَـعـْـبـَـك تـعـَـب .. هالمنهار
دَمـْـنـَه اوجـرَه صار انهار
ولـْدَه يـزفـهـم للگـَـبـر – سـاكـت ! اتـعـَـلـَّم بـس بـَـچي
تـمـوز بـاگـوك الظهـر– اهـل الغـَـدر والعـيـبـات
يـعـْـراقي يـابـو الآهـات
****
تـموز شـِـلـْـنـَه ابـجـَـيـتـَـك – گـمـْـنـَه نـتحـَسـَّـر عَ الوصي
شـَـعـب العـراق اومـِنـْعـرف – دَولـَه اويـسـَـقـّـط بالعصي
كـَـرّادَه هـَـمـّـچ .. ياهـَم؟
جـَـرْحـِچ نـزَف ما يـنـلـَم
حـِنـَّـة شـبـابـچ بـالـدَّم
مـوت اوذَبـِـح سـاد اوعـَـم
كـل يـوم دامي اوكـل وَكـِـت – لاتـنـْحـِسـب لاتنحصي
نـلـْطم اونـلعي اوبـَس بـَچي – نـصبـغ انـْعـَـلـّگ رايـات
يـعـْراقي يـابـو الـشـِـدّات
****
ضاع الأمل ضاع الرجـَه – تـَـموز راح اوهالإجـَه
صايـر رَمز مـدري غـَـضـَـب – يـعـْراقي هـَمـَّـك مَـنـْحـِچـَه
هـجـْـمـَت عـليـك الأشـرار
حـرْگـَوا فـَـرحـْـتـَـك بالنـار
وَدَّت أمـريـكـَه الإعـْصار
بـَـيـنـَـت انـكـشـْـفـَت الاسـرار
صارَت العـيـشـَه امـْصَخـّـمـَه – مابـيـنـَه فـَـد واحد نـِجـَه
صاح الـبـيـان العـَـسـْكـَـري – (ابـقـَـصر الـنـِـهـايـه)اعـدامات
واسـبـونـَه والله اسـبـايـات
فـَرغـَوْ بـيـنـَـه الچـيلات
ويـلات مـَـرَّت .. ويـلات
 يـَـعـْـراقي كـلـَّـك نـَكـْـبـات
------------------------------------------------
14 / تموز / 2016
ســــــــــــــتوكهولم


251
الـمـَـن نـشـتـكـي؟
ميسون نعيم الرومي
 
الـمـَـن يـرَبـّـي نـشـِـتـكـي ؟
نـتـْـوَچـَّـه وانـروح الـويـن ؟
 
نـدْخـل حـَـرب .. نـطـْلـَع حـَـرب
مــن عـَـهـَـد آدم لـلـحـيـن !
 
مـَـسـْـفـوح دَمـْـنـَه كـل وَكـِـت
مـَـوروث صارت بـالجـيـن
 
*(كـيـش اولگـَـش) ..مـن الـتـَـتـَـر
حـُـكـْـمـَـت ابـلاد النـَهـريـن
 
فـرس اوتـرك ويـل اوقـَـهـَـر
حـَـدْ الـذبـح طـال (حـسـيـن)
 
نـوبـَه المـَـلك ... نـوبـَـه الوَصي
*( كريـم )عـِـدَل .. خـو سـَـنـتـيـن !
 
رَدّ الـظـلـم .. جـانـَـه الـقـَـهـَـر
والـمـوت زاد ابـقـاطـيـن
 
نـدْخـل حـَـرب لـَجـل العـَـرَب
لـَمـْـريـكـَه لـَجـْـلـچ والصيـن
 
أجـيـال وانـْـبـادَت ظـلـم
راسـِـچ اتـْـطـَـيـّـن بـالـطيـن
 
هـَـدّ الجـَـرّاد اعـْـلـَه الـبـَـلـَد
ضاع الـوَطـَـن والـشـَـطـّـيـن
 
*(داعـش)إجـَـت .. حـكـْـمـَـت حـكـم
كـَـتـْـل الـوِلـِـد عَ الـصوبـيـن
 
دَمّ الـشـَـبـاب اوهـالـجـِـرَه
چـَـمـْـدوب رَبـّي...اولـيـويـن ؟
 

مـَـتـْمـوت يـعـْراقي أبــَـد
إنـْـتَ الأمـَـل للـطـَـيـبـيــن

بــَـغـْـداد هـَـم يــوم اويـجي
واتــْـزف بـلاد النـَهـْريـن
-------------------------------------------------------------------------
*كيش :- وتسمى أيضا كيشاتو بالأكدية، وهي المعروفة الآن بتل الأحيمر
هي منطقة اثرية في العراق كانت في السابق أحد المدن الرئيسية للسومريين
 
*لكش:- مدينة أثرية في محافظة ذي قار  كانت تعتبر أحد أقدم مدن السومريين. تعرف أيضا باسم تل
الهبة. تقع لكش على بعد 22 كيلومترا شرق مدينة الشطره في محافظه ذي قار
*( كريـم) :- الزعيم عبد الكريم قاسم
*(داعـش) :- تنظيم الدولة الإسلامية
------------------------------------------------------------------------------------------------
تموز / 2016
ســـــــــــــــتوكهولم



252


الى الكرادة المفجوعة اهديها
بمناسبة عيد الفطر


ميسون نعيم الرومي
 
لحـم انـعـِجـَن للعـيـد صارَوْ ذبـايـح
كـَـرّادَه تبچي اتصيح شوف الفضايح
***
نـاكـل وجـَع وادموع مديـوفـَه بالسـَـم
ارض العـراق احا معجونـَـه بالدَم
***
صارت ثـبـيـرَه اليوم صبـَّـن يالدموع
شعب العراقي ليش بس يبچي وايلوع ؟
***
احكومـَة دَجـَـل والبوگ ! والوَطن ضايع
شعب العراقي انباد ! والحكم صايع
***
شـَـكـْـتـب شـَـگول اليوم والقلم يـبـْچي
مخنوگه كلي ادموع والغصَّه تحچي
***
أطفال العراق ايـتـام وابـلا رِعايـه
(يـعـْبادي) تـنگـِـز دوم بـَس للدعايه
***
اولادچ يملحه ليش بس تدخل احروب؟
نص البقه جوعان بس يبچي وايلوب
***
صارت خرابه احاه ياروحي بغداد
موت اوذبح وادموع يوميه يـنعاد
***
گصت شعرهه اليوم مفجوعه أمك
عـيـد الإجه تتناك .. رادت تشمك!
***
مدگلي ساكت ليش تتوچه بيمن ؟
يا شعبي يا مسكين امنت ليمن ؟
--------------------------------------------------
4 / تموز / 2016
ســـــــــــــــــتوكهولم
 








253
مـلـّـه اجـواد
ميسون نعيم الرومي
 
كـل الـعـمـر... نـزرَع ( لـو )
احـْـصـَـدْنـَـه الـنـَـدَم والـحـَـسـرات
 
والـزِرَع (لـو) ... مـا خـَـضـَّـر
خـَـضـَّـر نـَـدَم والآهـات
 
الـلـي زرَع ريـح اورَعـَـد
يـجـنـي الـقـَـهـَـر والـنـَـكـبـات
 
انـعـيـد وانـكـَـرر حـَـچـي
بـ (الـلـو) إنـعـَـلـّـك خـَـيـبـات
 
انـعـد نـغـلـَـط بـالـعـَـدَد
انـحـَـمـْـل الـقـَـدَر بـالـغـَـلـطـات
 
*(صـالـح) تـعـَـب .. يــمـْـتـَـه نـِـچـل ؟
زيـنـات بـيـنـَـه اوشـيـنـات
 
انـذور نـنـذر والـنـذر ...
*خـبـز اوجـبـن  واخـضورات
 
لـو صار مـا صـار اوجـرَه
*( نـذبـَـح )انـعـَـلـّـگ رايـات
 
*جـريـان دَم اومـانـفـَـع
لـو عـجـل .. نـنـذر صـَـخـلات !
 
نـحـمـد اونـشـكـر كـل وَكـِـت
امـصايـب لـفـَـتـْـنـَـه اوويـلات
 
*(إحـْـجـاب) اوعـَـمـَـل (مـلـّـه اجـواد)
لـو چـاي كـَـعـْـكـَـه اوشـَـمـْـعـات
 
لـيـويـن نـمـشـي اولـيـوَرَه ؟
*والأمـم وصـْـلـَـت نـَـجـمـات !!
 
الـلـّـو ... زَرْع الـمـاثـمـَـر
لاعـنـَـب مـنـَّـه اوتـَـمـرات
 
كـل الـعـمـر... نـزرَع ( لـو)
احـْـصـَـدْنـَـه الـنـَـدَم والـحـَـسـرات
*************************************************
*(صـالـح):- مثل عراقي ( بيهه الصالح )
*خـبـز اوجـبـن :- عادة عراقية معروفة توزيع خبز وجبن وخضروات ورقية
عند حصولهم على مايريدون
*(إحـْـجـاب):- ورقة تكتب بها طلاسم معينه وتطوى على شكل مثلث صغير
تغلف بالقماش يحملها صاحب المشكلة لتحل مشكلته
*(مله جواد):- كان يوجد شخص مشهور بين الناس يعمل هذه الحجب اسمه مله جواد
*والأمـم وصـْـلـَـت نـَـجـمـات :- وصلت الأمم الى النجوم
-----------------------------------------------------------------------------------------------
تموز / 2016
ســــــــــــــتوكهولم





254
لـون الـذَهـَـب
ميسون نعيم الرومي
 
لـون الـذَهـَـب ! شـوف اللـون - شـَـعـْـر الحـِلـو كـَـلـَـبـدون
شـَـذر اولـمـَع مـن ابـعـيـد - اتـبـاهي السِـمـَـه تـسـْـبي اعـيـون
غـصن اويـمـيـل امـن ابـعـيـد
گـيـمـَـر يـمـَـحـْلـَه هـالجـيـد
شـَـمـْـس اوتـشـع بـيـن الغـيـد
عـونـَـه الگـِـرَب حـَـدْهـَه وصَل - لامـَـوا الـقـيـس الـمَجـنـون
جـنـبـد وَرِد خـَـدَّه اوفـاح
لـيـلـو لـصَف يـلـسـْـنـون - شـوف الـذَهـَـب شـوف الـلـون
***
اذيـالـَه يـلاغـيـهـَه الهـوه - يـمـشي ابـدَلـَع وَسـط الـنـوگ
شـِـعـْـرالغـَـزَل إلـْهـَه ايـلـوگ - ألـْوي وايـلاويـني الـشـوگ
تـسْـحـَن اوتـچـوي بالروح
عـَـنـبـَر عـطـر مـنهـَه ايـفـوح
صوت الـكـنـاري بـالـدوح
ابـشـِـفـْـتـَه فـَـرط چـَـن رمـّان - ريـم الخـطف .. لا غـَـرْنـوگ
اشـعـاع اوضوَه سـحـر الكـون - شـوف الـذهـَـب شـوف اللـون
***
شـَـچـَّـت اسـهـامـَه لـگـلـوب - الحـب كـَـلـِف يـالمـَحـبـوب
أهـل العـشـگ بـيـه اتـذوب - سـَـرْحـان يـومـَه اومـَـسـلـوب
ايـنـاغي الگـمـَـر طول الليـل
يـنـظم شـِـعـْر وامـْـواويـل
مـن الهـوى صحـْـنـَـه الويـل
لـيـويـن يـسـْـمـَـر چـَـمـدوب - صارَت صدگ مـوش اضنـون
مـَـفـْـتـون دومـَـك مـَـفـتـون - شـوف الـذهـَـب شـوف اللـون
شـَـعـْـر الحـِلـو كـَـلـَـبـدون
-----------------------------------------------------------------
حزيران / 2016
ســــــــــــــــتوكهولم




255
گـوگـل عـَـمـّـو
ميسون نعيم الرومي
 
گـوگـل عـَـمـّـو ادخـيـلـَـك گـوگـل
تـنـطـي امـراد اوبـيـنـَـه اتـشـَـوّر
 
تـكـرم تـوهـب مـَـحـَّـد يـدري
فـِـكـْـر اوتـجـلي الـعـَـقـل ايـنـَـوّر
 
زيـن اوبـيـك اوبـيـك الـشـيـن
ذاتـَـه اويـنـضح كـلـمـن دَوَّر
 
عـِـلـْمـَـك نـَـهـر الـنـاس اوتـغـرف
بـيـه الـعـالـَـم مـِـنـَّـه اتـطـَـوَرْ
 
قـَـرْيـَـه الـعـالـَـم صار ازغـَـيـر
خـوَّه اوصحـبـَـه بـيـك اتـعـَـمـَّـر
 
تـكـْـشـف تـفـضـَـح كـلـمـَـن سـارق
نـكـتـب جـمـْـلـَـه وانـتَ اتـسـَـطـّـر
 
جـهـد الـغـيـر الـروحـَـه ايـنـسـبـَـه
إسـمـَـه ايـكـتـبـَـه اويـصبـَـح قـَـشـمـَـر
 
ابـيـوت اوخـرْبـَـت كـلـهـَـه ابـأسـمـَـك
شـابـح عـيـنـَـه اوبـيـك امـبـَـسـمـَـر
 
ازغـار اكـبـار اوحـَـدر اجـنـاحـَـك
إتـأثـر بـيـهـَـه اومـنـهـَـه اتـطـَـيـّـر
 
أبـحـاث اهـواي اتـهـز ابـكـونـَـك
بـيـك الـعـِـلـم ابـجـاهـَـك يـزهـر
 
شـعـر اوفـَـن ! اويـامـَـوسـيـقـى
رِسـم اوأدب اونـَـحـت اوتـشـعـَـر
 
گـوگل عـَـمـّو ادخـيـلـَـك عـَـمـّـوْ
يـحـيـا الـعـِـلم اوبـيـك اتـطـَـوّر
 
رَبـّـي ايـحـفـظـَـك عـَـمـّـي اوخـالـي
مـن غـيـرَك نـصفـن وانـشـَـخـّـرْ
 
گـوگـل عـَـمـّـو ادخـيـلـَـك گـوگـل
تـنـطـي امـراد اوبـيـنـَـه اتـشـَـوّر
-------------------------------------------------------------------------
 
حزيران / 2016
ســــــــــــــتوكهولم



256
يـابـو ظـَـرْف
ميسون نعيم الرومي
 
چـَـمـدوب تـچـذب عَ الـشـَـعـَـب
يـابـو ظـَـرْف
والـشـَـعـب تـلـعـَـب بـيـه لـعـب
يـابـو ظـَـرْف
رَشـْـوَه اوفـَـسـاد اوارهـاب
امـحـاصصَه اوبـين اصحاب
الشـَـعـَـب صاير عـطـّـاب
خـير الـوَطـَـن كـلـَّـه انـهـَـب
يـابـو ظـَـرْف
***
لامـاي عـدْنـَـه اولا ضوَه
ما تـعـتـرف يـابـو ظـَـرْف
لاكـو أمـن .. مـامـش دوَه
انـداس الـشـَـرَف يـابـو ظـَـرْف
أيـتـام تـاكـل بـالـزبـل
مـاكـو شـغـل راح الأمـَـل
نـسـوان تـلـْـبـَـس بـالـسـمـَـل
مـَـل الـشـَـعـَـب مـن الـحـَـرب
اكـرَفـتـوا البـَـلـَـد والله كـرْف
يـابـو ظـَـرْف
***
يـابـو ظـَـرْف مـَـعـروف انـتَ (اعـبـادي)
كـلـكـم دَغـَـش فـسـّـادي
(مـَـعـصوم) وانـت (الـمـالـكي) .. واعـراق صار ارمـادِ
(سـَـلـوم) نـوّابــَـه هـَـدَد .. اتـفـَـلـّـشـَـت بـَـغـدادِ
يـابـو ظـَـرْف .. جـَـتـكـم مـصيـبـَـه امـن الـسـمـَـه
يـابـو ظـَـرْف .. الـشـَـعـَـب بـيـدَه الـكـَـلـمـَـه
ظـَـرْفـَـك إسـم .. مـَـمـنـوع حـتـى امـن الـصـَـرف
ضحـكـَـو عـَـلـيـك اهـل الـطـَـرَف
مـَـتـگـلـّـي .. إنـتَ اشـگـَـد صـَـلـف ؟
يـابـو ظـَـرْف
يـابـو ظـَـرْف
------------------------------------------------------------
حـزيـران / 2016
ســــــــــــــــــــتوكهولم





257


مـَـطــْـرَة صـيــف



ميسون نعيم الرومي

 
حـيـف العـمـر مـَـطـْـرَة صيـف - نـرْحـَـل نـجي ... مـو بـالـكـيـف
راح اوجـِـزَه غـَـفـْـلـَه اومـشـَـه - وَسـْـفـَـه اوحـَـسـافـَه اويـاحـيـف
 
امـْـطـَـرّزَه اخـدودَه او بـالـنـَجـم
وجـهـَه بـَـدر هـالـمـنـْـرســم
مـَـوشـوم چـَـفـَّـه اوبـالـوَشـم
 
مـَـرْ الـحـلـو مـثـل الـطـيـف - واحـْـواجـبـَه رَسـْـمـَة سـيـف
راح ابـْـعـَجـَـل چـَـنـَّه الضيـف - حـيـف العـمـر مـَـطـْـرَة صيـف
***
وَرْد الـبـَـنـَـفـْـسـَـج قـدّاح - طلـيـع يـانـَـخـْـل اوفـاح
لـون الـرَبـيـع ابـطـَـلـْعـِـتـَه - ظـَـلـْمـَه اظـلـمـَـت لـَمـَّـن راح
 
سـنـبـل حـَـصاد ابـلـونـَـه
مـوج الـبـَحـَـر بـعـْـيـونـَه
كـل الـفـنـون افـنـونـَـه
 
نـاي اوربـابـَـه ابـْـصوتـَـه - خـيـط الـشـَـمـس چـَـنـَّـه اولاح
مـَـحـْـلـَه الـرمـش يـرْمي ارمـاح - حـيـف العـمـر مـَـطـْـرَة صيـف
***
نـَـسـْـمـَة صبـح عـَـذبـَـه جـزَت - نـَـدّه الـنـِـدَه ابـشـَـعـْر الـتـَـرف
اتـوالـفـَـن نـَـجـْـمـَه اوگـمـَـر - قـرص الـشـَـمـِس مـنـَّـهه انـكـِـسـَـف
 
احـلام ... نـحـْـلـَـم حـلـْوَه
وَرْديـَّـه اوصارت سـَـلـْوَه
نـنـْـشـد وانـغـَـني الـغـِـنـوَه
 
بـَـحـْلامـْـنـَه نـصحـَه انـعـيـش - يـوم الـحـزن مـَـرّ ابـألـف
رحـْـلـَه الـعـمـر.. مـو بـالـكـيـف - حـيـف العـمـر مـَـطـْـرَة صيـف



حزيران / 2016
ســــــــــــــــــتوكهولم
 



258
الله امـصَـلـّي عَ الـنـبـي
ميسون نعيم الرومي

الله امصَـلـّي عَ الـنـَـبـي
*كـشـْـفـوه مـوت الچـَـلـَـبـي

الـبـَـعـَـض يـغـْـدر بـالـبـَـعـَـض
يـانـاس ...عـِـز الـطـَـلـَـبِ

واحـد ايـصَـفـّي بـالـلآخ
يـالله يـَخـَـيـّـه هـَـلـْهـلي

مـَگــْـبـَـرَة مـَـعـروف اونـَجـَـف
نـِـدْفـنـكـم ! ابـجـاه الـوَلـي

تـَـمـْـر اوحـَـلاوَه امـدَهـِـنـَّـه
نــنـْـذر الصَخـْـلـَه والـطلي

يـفـْـرَح شـَـعـَـبـْـنـَـه اويـبـتـشـر
انـعـيـد اعـتـِـبـار الـبـَـلـَـدِ
الله امـصَـلـّي عَ الـنـَـبـي
****
الله امـصَـلـّي عَ الـنـَـبـي
حـيـتـان تـاكـل حـيـتـان

هـذا الـك هـذا إلي
والشـَـعـَـب يـائـس جـوعـان

ثـورة جـيـاع اوگـَـرّبــَّـت
تـمـْـسـَـح مـَـسـح بـالـديـدان

هـذا الـعـِـراق الـمـشـتـهـر
مـن عـَـهـَـد سـومـَـر كـلـدان

كـرسـي الـحـكـم يـخـدَع تـَـرَه
يحرگ اعروش اوتيجان

بـاچـر اوعـگـبـَـه .. نـنـتـظـر
إبـشـر يـشـَـعـْبـي الـتـَـعـبـان

اسـْـبـيـتـوْ الـشـَـعـَـب والله سـَـبـي
مـأجـور خـايـن أجـنـَـبـي
الله امـصَـلـّي عَ الـنـَـبـي
---------------------------------------------------------------
*يقال ان سبب وفاة النائب  احمد الجلبي هو تناول 300غرام من مادة(سم ا الافاعي) مع الطعام   
------------------------------------------
حزيران / 2016
ســـــــــــــــتوكهولم


259
يـابـو يـسـر ! يـابـو اســراء
ميسون نعيم الرومي

‏يـابـو يـسـر! يـابـو اسـراء - هـذا الـشـَـعـب الصار اشـلاء
خـنـتـوا الوَطـَن ! خـنـتـوا الـديـن - ادمـيـتـوا الشـَـعـَـب .. إنـتـوا أعـداء
اعـبـادي اوإيـدك تـنـگـط دَم
دم الشـَـعـب اشـلـون انـلـِـم ؟
انـت اوكامل .. كـلكـم سِــم
مـَـدسـوسـيـن اوكـلكـم شـَـر - إنـتـوا الـقـَـتـَـله اوانـتـوا الـداء
‏يـابـو يـسـر! يـابـو اسـراء
--------
 اخـيـانـَه العـظمى اوخـنـتـوا اعـراق - بـعـتـوا الشـَعـب اوبالمازاد
اضرَبـتـوا العـزَّل بـالغـازات - نـَـفـْـس الظـلم اوهاليـنعـاد
بـارصاص الحي اضرَبـتـوْ الشَعْـبْ
نـَـفـْـط اعـراقي البي تـنـهـَـب
تـخـْـدَع َربـَّـك بِـسْـم الرَب
يـوم اگـرَيـّـب يـوم احـساب - لتـضن تحـمـيـك الخضراء
‏يـابـو يـسـر! يـابـو اسـراء
............
جـوع اومـوت اوهـم تـَكميـم - سـرّاق الخـَـزنـَه اتـبـوگـون
 ابـجـيـبـَـك ! وابـجـيـبـَه الرَشـوات - قـَـنـوات الحـرَّه اتـسـدون
ماضل ظالم يـوم اودام
قـانـون الحـَق اونَصـّه العام
شـَـعـب ايـنـِـفـْـعـَـك ... مـو عَّـم سـام
جايـع يـسكـِت !! گـلي اشـلـون ؟ - بـاچـر وايـصيـر الإقـصاء
‏يـابـو يـسـر! يـابـو اسـراء
....................................................................

6 / حزيران / 2016
ســـــــــــــــتوكهولم



260
نوري انسأله....إعبادي امغلس

ميسون نعيم الرومي

‏‫نوري انسأله....إعبادي امغلس
ملــيارات اوراحت... ويـــن؟

"بهـّـاوي ! كربوني..... اوربعه
"اعبيس ! شهرستاني احسين

"متواطئ قاضي...اوهالسـاكت
 ابثروة هالشـعب امكوشين

باع الوطن اوگام ايجدي...
بسمك ياشعبي المسكين

شركات الوهميه امكوشه
من أمريكا الحد الصين

ليوين اويمته اتشبعون ؟
كحله اتبوگون امن العين

"بو قنفه.. سلومي امفرفش
اچلابه اوهوه متحدين

نواب احكومة  هالصدفه
"تجميل اوجـــوه امكيفين

"ظرف اعبادي ايچذب دومـه
يلعب گاعد ع الحبلين

شعب الجايع يلطم يبچي
عيشة ضيم اومنكوبين

شعبي الساكت ضايع حقه
ثـور !! اوخلـّصنـه امن البين

الـخايف مايصـعـد قمـّـه
بالحفره ايعيش اوبالطين

باگـونـه امحـابسهم فضـه
هجروْ شعبي اوبسم الدين

‏‫نوري انسأله....إعبادي امغلس
ملــيارات اوراحت... ويـــن؟
-----------------------------------------------------
"بهـّـاوي كربوني:-بهاء الأعرجي نائب رئيس الوزراء السابق
النائب محمد الكربوني رئيس كتلة الحل
"القضاء الأعلى المتورط بالتغطية على جرائم الفساد في العراق
"اعبيس:-النائب عباس البياتي
حسين الشهرستاني المتورط باكبر جريمة فساد
 "بو قنفه :-ابو قنفة سليم الجبوري رئيس مجلس النواب المخلوع
"فضائح عمليات التجميل لنائبات ونواب مجلس نواب العراق
على نفقة خزينة الدولة
ابو ظرف :-حيدر العبادي وظرفه المقفل المشهور
------------------------------------------------------
                                          ١ / حزيران / 2016
                                         ستوكهولم


261
ابـيـاعـيـن اتـشـوف الـفـَـلـوجـَـه ؟
ميسون نعيم الرومي
 
ابـيـاعـيـن اتـشـوف الـفـَـلـوجـَـه ؟
ابـيـاعـيـن اتـشـوف الأيـتـام ؟
 
مـن اتـشـوف الـنـسـوه انـغـصْبـَـن
گـلـّـي اعـيـونـَـك هـَـم اتـنـام ؟
 
مـن اتـشـوف اجـسـاد امـطـَـشـْـرَه
ايـلـِـحـگـَـك دَمـْـهـم بـالأحـلام ؟
 
*(أم عـَـبـّـاس) اودَمـع الـيـجـري
مـَـچـتـوف اتـوَديـك إعـدام!!
 
خـنـتـوا الـشـَـعـب اوخـنـتـوا اعـراقـي
نـوري اوحـزبـَـك .. يـا ظـلاّم
 
*بـوزات اوتـَـصويـر اونـَـفـخـَـه
مـَـوقـف عـدكـم .. صايـر عـام
 
مـاشـاف الـشـاف اوهـَـم صَعـْـبـَـه
بـيـتـَـك نـدْريـه امـن جـام
 
لابـس خـاكـي اعـْـمـامـَـه ابـراسـَـك
(احـسـيـن) ايـشـَـور.. والإسـلام
 
امـلاك الـنـاس اوفـَـرْهـَـدتـوا
اكروش الكبرت .. هاي اورام
 
حـَـي اويـسـمـَـع لـيـه اتـنـادي !
الـمـَـيـت .. هـَـم يـنـلاّم ؟
 
شـَـلـع اوقـَـلـع الـبـيـكـم !!! بـَـرَّه
*مـا يـشـْـفـَـه الـعـدْكـم .. جـرذام
 
مـايـقـبـَـل (هـيـهـات الـذلـَّـه)
شـَـعـْـب اعـراقـي الـمـايـنـضام
 
ابـيـاعـيـن اتـشـوف الـفـَـلـوجـَـه ؟
ابـيـاعـيـن اتـشـوف الأيـتـام ؟
----------------------------------------------------------
*(أم عـَـبـّـاس):- احدى امهات آلاف ضحايا (سبايكر) الذين باعهم المالكي الى داعش قبل اشتراكهم بالحشد الشعبي
*بـوزات اوتـَـصويـر اونـَـفـخـَـه:- الحكام الفاسدين يتزاحمون للتباهي بكروشهم المنتفخة
امام الكامرات
* جـرذام:- مرض خطير ليس له شفاء
------------------------------------------------
آيار / 2016
السويد



262

أعـَـزّي ؟ لا...


ميسون نعيم الرومي
 
أعـَـزّي ؟ لا .. مـاعـَـزّي الـشـهـيـد الـيـوم
لأن حـَـي الـشـَـهـيـد اويـشـهـَـد الـحـَـسـْـنـيـن
 
جـيـت آنـَـه أعـَـزّي!  بـالـشـَـهـيـد الـيـوم
أمـَّـك يـالـشـَـهـيـد اوكـل هـَـلـي الـطـَـيـبـيـن
 
*گـالـَـوْ أربـَـعـَـه ذبـحـَـتـهـم (الخـَـضراء)
نـعـرف فـَـد إسـم .. نـسـأل عـلى الـبـاقـيـن ؟
 
*(يـحـسـيـن الـحـُـسـَـيـنـي) چـَـم بـَـطـَـل كـتـلـوه ؟
دَمـْـهـم هـالـجـرَه وامـشـابـِگ الـنـَـهـريـن
 
يـاعـمـر الـوَرد يـادَمـكـم الـمـَـهـدور
احـكـومـَـة هـالدجـَـل زَفـَـتــّـهـم اوللـبـيـن
 
گـَـعـْـدَوا عَ الـگـَـلـب .. كـابـوس چـَـن اجـبـال
يـاضيـم الـعـراق امـعـَـشـعـشـيـن .. اسـنـيـن
 
ابـكـل بـيـت إنـّـتـِـصَب مـأتـَـم عـَـزاء الـيـوم
*و(اعـبـادي) الـحـزب .. بـالـخـَـضرَه وامـعـَـيـديـن
 
ذبـحـَـو بـالـشـَـبـاب الـرادَت الإصلاح
حـكـّـام الـصِدَف .. سـرّاق مـتـجـَـمـعـيـن
 
*تـصـْـفـگ بـالأيـادي .. امـهـات الـگـاع
چـَـمـدوب الـنـَـعـاوي .. اوهـالـتـصب الـعـيـن
 
چـَـمـدوب دوب الـلـعـب تـلـعـَـب اوبـيـنـَـه احـزاب
تـبـيـع اوتـشـتـري والـوَطـَـن مـَـدري الـوْيـن
 
أمـَّـك بـالـعـِـراق انـفـجـعـَـت أسـأل لـيـش؟
گـَـصَّت بـالـشـَـعـَـر .. والـراس فـوگـَـه الـطـيـن
 
يـاجـوع اومـَـرَض وادمـانـَـه مـَـسـفـوحـات
*والـنـوب الـخـَـطـَـر بـالـمـاي غـَـرْگـانـيـن
 
يـاشـَـعـب الـعـراق اولـيـش صايـر ليـش؟
مـَـشـروع اوقـَـتـل بـيـديـن ذبـّـاحـيـن ! مـَـحـمـومـيـن
 
أعـَـزّي ؟ لا .. مـاعـَـزّي الـشـهـيـد الـيـوم
لأن حـَـي الـشـَـهـيـد اويـشـهـَـد الـحـَـسـْـنـيـن
------------------------------------------------------------------
*گـالـَـوْ أربـَـعـَـه:- حسب الأخبار المتداولة ان عدد الشهداء الذين قتلهم ارهابيي المنطقة الخضراء كان اربعة شهداء عرفنا اسم احدهم وباقي الأسماء لم تنشر لحد الآن
*(حـسـيـن الـحـُـسـَـيـنـي):- الشهيد اللشاب ابن الرابعة والعشرين ربيعا الذي قتله ازلام المنطقة الخضراء بقنبلة اصابته في الرأس
*و(اعـبـادي) الـحـزب:- حيدر العبادي وحزبه حزب الدعوة
*تـصـْـفـگ بـالأيـادي:- مثل عراقي يدل على خسارة كل شيء
(يصفگ ايده بالگاع)
*والـنـوب الـخـَـطـَـر:- سد الموصل وخطر انهياره المنتظر
------------------------------------------
26 / آيار / 2016
ســــــــــــــــتوكهولم





263
كــَـشـَّـرْ أنـيـابـَـه
ميسون نعيم الرومي
 
مـجـْـرم اعـْـبـادي اوغـَـشـّـاش – كـَـشـَّـرْهـَـه أنـيـابـَـه الـيـوم
لابـس گـَـبـل ثـوب الـحـَمـِـل – عـَـگــْـرَب لـِـدَغ كـلـَّـه اسـمـوم
مـَـكـشـوف وجـهـَـه چـَـن شـمـر
بـالـنـار يـضـرب هـالأمـَـر
عـُـزَّل شـَـبـاب اوهـالـغـدَر
حـَـسـْـبـالـَـه يـسـْـلـَـم يـانـاس – حـزْبـَـك او إنـتَ الـمـَـهـزوم
كـَـشـَّـرْهـَـه أنـيـابـَـه الـيـوم
***
جـيـش الـجـيـاع الـمـقـدام – جـَـوْعـوك ذولـَـه الـظـلاّم
بـاگـَـوا افـلـوسـَـك والـخـبـز – إنـْـتَ الأبـي ! ماتـنـظـام
اگـلـب اعـروش امـعـَـفـّـنـَـه
ضـَـنـَّـوا الـخـَـضرَه امـأمـنـَـه
بـَـس الـفـگـر شـَـعـْـبـي جـِـنـَـه
مـاكـو ظـلـم أبـْـداً دام – دَرْس اوإخـذ يـا (مـَـعـصوم)
تـاريـخ يـشـْـهـَـد مـَـتـدوم
كـَـشـَّـرْهـَـه أنـيـابـَـه الـيـوم
***
شـَـعـب انـْـتِـفـَـض عـنـْـدَه احـگـوگ – تـَـنـظـيـف دَوْلـَـه الـمـَـطـلـوب
تـَـغـيـيـر شـامـل بـالـحـكـم – واتــْـرَجـّـع الـحـَـق !!! مـَـسـلـوب
مـاكـو كــُـتـَـل .. مـاكـو احـزاب
مـاكـو گــَـرابـَـه اوأنـسـاب
دَسـتـوركـم هـذا .. اكـتـاب
حـكـم الـعـَـدل .. حـكـم الـشـَـعـَـب – دامـَـت الـغـيـرَك ؟ مـَـتـدوم!
إسـمـَـع الـشـَـعـْـبـَـك !!! (مـَـعـصوم)
دورَك نـعـرفـَـه اومـَـعـلـوم
كـَـشـَّـرْهـَـه أنـيـابـَـه الـيـوم
-----------------------------------------------------------------
23 / آيار / 2016
ســــــــــــــــــــتوكهولم




264
الله واكـبـَـر يـاشـَـعـَـب
ميسون نعيم الرومي
 
الله واكــبـَـر يـاشـَــعـَـب ... شـبـّانـَه كـتــْـلـوهـَـــه
هـجـْمـَوا وَطـَـنـَّه ابـكـل عـَـمـَـد ... وابـلادْنـَه نـهـبـوهـَه
بـاعـَـوا أرضنـَـه والـعـَـرض  -لـلأجـنـَـبـي اوامـريـكـَـه
هـَــدمـَـوْ عـراقِي اوصمـمّو ـ تـربـان وايـسَــوّوهــَه
جـوع اومـَرَض قـَـتـْـل اوهـَضم – وارواحـْـنـَه زَهگوهـَه
ضرْبـَـوا ولـدْنـَه بـالـنـار- دَمـْـنـَه جـرَه ويـلي انـهـار
اعـبـادي  هـالـوجهـَه انـكـشـَـف – والـمالـكي سـَـوّاهـَه
احـزاب خـانـَـت  والـكـتـَل ـ يـسـْـقـط هـَذولـَه الأشـرار
خـضراء لازم تـنـمحي – واسـوار هـالعـَـلـّوهـَـه
الله واكـبـَـر يـاشـَـعـَـب ... شـبـّانـَه كـتـْلـوهـَه
*****
الله واكـبـَـر يـاوَطـَن – گـِـعـْـدَوا عـلى صَدْرَك غـَضَب
يـنـزف شـَـعـَـبْـنـَـه ابـكـل وَكـت - ذل اومـَهـانـَه اويـا رعـب
جَـيـش العراق الـمـقـدام – اطـّرد هـَـذولـَه الـظلاّم
سـانـد اخـوتـَـك وانـتـفـض ثـَورَة – شـَـعـَـب ثـورَة غـَضَب
اهـجـم اوابـْـداً لاتـرْد – نـَـصّب حـكـومـَة أشـراف
حـاكـم الـخـايـن أمـِتـَه – يـعـْرف مـَصيـرَه وانـكـتـَب
للمـَـرْجـَعـيـّه نـحـتـكـم – وانـريـد مـنـْهـم اسـنـاد
مـاضـَـل بـَـعـَـد غـيـرچ أمـَـل – الـدَفـَّـه واتـعـَـدْلـوهـَه
الله واكـبـَـر يـاشـَـعـَـب ... شـبـّانـَه كـتـْلـوهـَه
 ***
الله واكـبـر ياشـَـعـَـب ... ضرْبـَـوا ولـدْنـَـه بـالـنـار
دَم الـشـَــَـب سـال اوجـرَه – بــديـن ذولـَه الـكـفـّـار
سـلـْطات كـلـهـَه مـجـْـرمـَة – هـالـيـوم لازم تـنـشـال
يـاشـَـعـَـب يـاحـر يـاأبـي – اهـجـم اوامـْـسـَـح هـالـعـار
*(سـَـلـّـوم) يـاوجـه الـنـَحـِس و(اعـبـادي) اكـبـَـر زنـديـق
لو رايــد ايـعـيـش الشعـَـب ـ ايـثـور! يـنهـَـض وايـفـيـق
تـَـفـْجـيـر كـل يـوم اولـَهـَـب – ابـطال رفـْضوْ ثـوّار
ثـورات ... تـاريـخـَه انـكـِـتـَب ـ بـالـفالـَه ثـار اومـگـوار
تـاريـخـَه عِـلـْم اومـَعـْرِفـَه ـ بـاخـْلاقـهـم نــشـروهـَـه
الله واكـبـَـر يـاشـَـعـَـب ... شـبـّانـَه كـتـْلـوهـَه
------------------------------------------------------------------
* سـَـلـّـوم :- سليم الجبوري رئيس البرلمان العراقي المخلوع
* اعـبـادي:- حيدر العبادي رئيس الوزراء المخلوع
------------------------------------------------------------------------
21 / آيار / 2016
ســــــــــــــــــــــــتوكهولم









265

طائـرٌ يـسْـتــَـغـيـث

ميسون نعيم الرومي
ثمان ساعات من عمل مضن ليوم مـَـرَّ ثـقيلاً ، مملاً ، متعباً ، بـَدأ بصداعٍ منذ باكورته الأولى ، وهاهي (ارجوان) تتنفس الصعداء ، مستقلةً باص نقل الركاب لمدة ساعة كاملة في طريق عودتها الى البيت ، تــُمـَـني النفس بحمام دافئ ، يغسل تعب ذلك اليوم المضني ، الكئيب ، الذي لايشبه اي يوم مضى ...
واخيراً غادرت (ارجوان) الباص ، لتقطع الغابة الى بيتها الجميل ، وابنتها التي تنتظرها لكي يتناولا وجبة العشاء سويةً .
وفجأة وعلى بعد امتار معدودة من البيت .. استرعى سمعها ضجة غير معهودة لطيورٍ تضرب بأجنحتها ، وتزقزق بطريقة غريبة ..
رفعت بصرها لترى شجرة تحتضن عشا لصغار طيور تصرخ وكأنها تطلب النجدة ، وامهم تهوى على الأرض ، لتعود راجعة الى صغارها ..
كانت ارجوان منهكة الى حد لم تستطع التوقف واستطلاع الأمر، نظرت بلامبالاة وواصت السير... لكنها توقفت وكأنها تسمع تلك الطيور وهي تستغيث وتتوسل اليها ، عادت الى تلك الشجرة ، نظرت حولها لترى احد هذه الأفراخ مستلقيا على ظهره ، يرفس برجليه الصغيرتين ، ويرفرف باحد جناحيه ، والآخر قد انكسر وتهدل دون حراك ، وامه تقترب منه وتصرخ طالبة النجدة لصغيرها الذي كما يبدو قد تعرض لضربة سيارة مسرعة .
اقتربت ارجوان من الطير البائس ... نظر إليها بعين تبكي دما اثارت حزنها ،
رفعته بحذر ، وضعته على كفها وهو يرتجف الما ، وقلبه الصغير يضرب بقوة ، وعينه السليمة تستجدي عطفها لإنقاذه ومساعدته .
كان موقفا حزينا انساها كل شيء الا التفكير بكيفية مساعدة هذا المسكين المصاب
حملته الى بيتها القريب ، وسقته ماءاً ليستعيد وعيه ، نظر اليها بعينه الدامية بطريقة اوجعت قلبها العطوف ، حارت في الأمر، وأخيرا قررت ان تطلب المساعدة والنصيحة من الطواريء ، الذين بدورهم اعطوها رقم تلفون طوارئ الحيوانات
اتصلت بهم ، وشرحت الحالة ، اسعفوها خلال حوالي نصف ساعة بإرسال سيارة اسعاف ، اقلت الطائر الجريح لمعالجته ، بعد ان عينوا موقع الشجرة والعش ، لإرجاعه  الى عائلته حال شفائه.
وانا اشاهد الفديو، الذي صورته (ارجوان) لذلك الطائر الجريح ، اعتراني حزنا قاتلا اذ كنت قد شاهدت لتوي في التلفزيون ، المشاهد المروعة للتفجير الجبان في مدينة الصدر المنكوبة ، وكيف تتعامل الحكومة العراقية واجهزتها الفاسدة مع شعب اصبحت ايام اسبوعه كلها يوما داميا.
ان كانت الحكومة العراقية الغارقة في الفساد ، والسارقة لقوت الشعب ، والمتشبثة بكرسي الحكم ، من ساهم بشكل مباشر اوبطريقة غير مباشرة بالتفجيرات الدامية فهذه مصيبة...
اما اذا كانت الحكومة ورجالاتها وقواتها الأمنية لايستطيعون حماية الوطن والشعب وهذه من اولويات مهامهم ، فالمصيبة اعظم..
وا أسفي على شعب له تأريخ عظيم ، اعتاد لملمة اشلاء ابنائه ، وغسل دماء الأعزة ، ونصب الخيام لتقبل التعازي كل يوم ، ومنذ اربعة عشرعاما ، مصدقيين ادعاءات السياسيين .. من كان منهم ، مدنيا ، اومن يتستر بعمامته ويلتف بعبائة الدين ، وهدفهم واحد هو النهب ، والسرقة ، والحصول على المكاسب السياسية ، والتشبث بالسلطة ، مستخدمين اشلاء الشعب سلما للوصول الى غاياتهم الدنيئة
ترى... الى متى ؟ والى اين نحن سائرون.....
---------------------------------------------------------------------------
20 / آيار / 2016
ســــــــــتوكهولم
 








266
يــعـْـبـادي بـَـرَّه بـَـرَّه
ميسون نعيم الرومي
 
راح الأمـَـل مـَـلـْـيـنـَه – اجـرام هـالـسـابـيـنـَه
تـلـْعـَـب حـكـومـَـتـْـنـَه لـعِـب – تـَـفـْجـيـر هـالـوالـيـنـَه
*يــعـْـبـادي بـَـرَّه بـَـرَّه
*مـَحـْـمـود زايـد شـَـرَّه
*مـَعـْصوم غـَطـَّه الـجـَـرَّه
سـلـْطـَة اجـرام اودَغـَـش – خـنـْـتـوا الـوَطـَن خـنـْـتـونـَه
راح الـصَبـر مـَـلـيـنـَه
تـفـجـيـر هـالـوالـيـنـَه
***
دَم الـشـَـعـَـب سـال اوجـرَه – *(دَعـْـوَه الـحـزب) هـالـفـَجَّـرَه
فـِـسّـاد واجـرام اوقـَـتـِـل – هـذا الـوَطـَن يـرْجـَع وَرَه
بـاچـر انـشـَـكـّـل مَحـْكـَـمـَه
الـشـَـعـَـب سـَـيـْـد الـكـَـلـِـمـَه
اعـْـراق زايـد ألـَـمـَـه
احـْكـومـَة دَجـَـل يـا كـافـِـرَه – ديـن ابـْچـذب عـامـيـنـَه
تـَـفـجـيـر هـالـسـابـيـنـَه
راح الـصَبـر مـَـلـيـنـَـه
***
نـص الـبـَـلـَـد هـالـبـعـتـوه – شـَـعـْـب الأبـي ذَلـيـتـوه
تـَـحـْـت الـفـقـر خـَـلـيـتـوه – والـنـَـفـِـط كـلـَّـه اشـفـَطـْـتـوه
*الـمـالـكي بـيـت الـداء
حـزبـَـك طـفـَـه يـابـو إسـراء
صار الـشـَـعـَـب بـَـس اشـلاء
نـبـچـي اونـصرَخ كـل وَكـِـت - عَ الـلـطـم عـَـلـمـتـونـَه
لـيـويـن تـسـْـكـت يـا شـَـعـَـب؟
لاچـَـنـَّـه رحـْـنـَه اوجـيـنـَـه!!
-------------------------------------------------------------------------
*السلطات الثلاث:- اعلن مؤخرا عن وجود 200 مستشار فضائي(وهمي)
لدى السلطات الثلاثة
*(دَعـْـوَه الـحـزب):- حزب الدعوة
*المالكي:- نوري كامل المالكي
 
16 / أيـار / 2016
ســـــــــــــتوكهولم



267
كـسـروا اجـنـاحـَـك يـا حـيـف
ميسون نعيم الرومي
 
مضيـوم يـاشـعـبـي