يا .. (غـَزَّه)
ميسون نعيم الرومي
ارتِحـْـتي (يحماس) ارتحتي ؟
خرَّبـتي الدنيه اوفـخـتي
و(اسرائيل) الرادت حـِجـَّه
متعمده او هدمت كلشي
النار الوجـت بالكـون
يا (غزَّه) الحطب الصرتي
يا ويلي اوآخ او يا ويل
اوليداتچ الآف ادفـَـنـتي
الدم السـال (ابحضنچ)-
يا (غـَزَّه) المگروده اشگلتي؟
***
ارتِحـْـتي (يحماس) ارتحتي ؟
ياهو (ابظهرچ) واتحركـتي
اشوازاچ اوقشمرچ اوفـرتي
مو لعبة (شاطر) والله العبتي
-(اسرائيل) الكـل اويـاهه ..
وانتي (ابفلسين) انبعتي
-(فلسطين) المضيومه اشتحچي...
بسمچ كلهه (اتاچر) خو شفتي !
احروب الكون التشهد ..
-(الموت) الرابح .. والكل تبچي
الكل تبچي
2023
ســـــــــــــــتوكهولم
