◦°˚◦ رحـــلــــة عـــــضــــــو / هــ ◦°˚◦ஓ2

[مـ ـريـ ـومـ ـة]

الأعضاء و العضوات الأعزاء
تعلن .,. ^عنكاوا^.,. للطيران عن انطلاق أول رحلة لها ان شاء الله
و في كل رحلة سيرافقكم قائد طائرة(عضو)
فأرجو أن تستمتعوا معنا ..

كل عضو نختارة يختار عضو الي وراه !


*******************


1/أول سفرة كانت..متى؟....إلى؟


2/أطول سفرة كانت لمدة....؟


3/أحلى بلد زرته؟...ما الذي عجبكــ فيه؟


4/لو شاءت الظروف (عمل... مثلا) أي بلد غير بلد كنت تتمنى تعيش فيه؟


5/أحلى أكلة ذقتها كانت من....؟


6/طرفة صارتلك في احد أسفارك و لازلت تذكرها؟



7/أجمل تذكار للحين تحتفظ به كان...؟ من؟


8/آخر بلد زرته؟


9/شيء لا تستغني عنه في سفرك ؟


10/أحلى استضافة كانت في...؟


11/أكثر مطار عجبك..؟


12/بلد ودك تزورها إن شاء الله؟


13/كلمة(أو نصيحة) أخيره للمسافرين؟





14/ اختار 4 من الاعضاء يسافرون معاك ؟


شكرا لكم.,
رحلة موفقة ^_^

يلا في انتظار قائد الرحلة رقم1




أرجو تفاعلكم





....



اختار>>>>>> HeeeWyyyy

كلنا في الانتظار....

[hewy]

شكرا عزيزتي مريومة على الدعوة الحلوة والفكرة الاحلى


--------------------


1/أول سفرة كانت..متى؟....إلى؟

خخخخخخخخخخخخ من عمري كان كم يوم وكانت من بغداد الى الشمال سنة  1977
شكد اني قديمة حيللللللللل


2/أطول سفرة كانت لمدة....؟
سنة قضيتها لغرض الدراسة في جامعة الموصل


3/أحلى بلد زرته؟...ما الذي عجبكــ فيه؟
لبنان ( لاني لم ازر غيره خخخخخ ) اعجبتني طبيعته الحلوة وطيبة اهله وكثرة الكنائس فيه


4/لو شاءت الظروف (عمل... مثلا) أي بلد غير بلد كنت تتمنى تعيش فيه؟
سويسرااااااااا


5/أحلى أكلة ذقتها كانت من....؟
لبنان ( المقبلات تخبل )


6/طرفة صارتلك في احد أسفارك و لازلت تذكرها؟
ههههههههه نكتة صارت بصديقتي كنا رايحين وفد احنا 10 اشخاص طبينا لمطعم كلش فيكة واكيد الكل حار شيطلب اكل لان اسماء الاكلات عجيبة غريبة فاحترمنا نفسنا وطلبنا مشاوي بس وحدة من صديقاتي طلبت فد صنف انعجبت باسمه ، وجتي طلباتنا كلنا الا وجبتها اتاخرت واحنا دناكل وكلنا شوق شراح تطلع اكلته وصرنا نغريها كل شوية واحد منا ينطيها قطعة من اكله حتى من تجي وجبتها تخجل منا وتنطينا نضوكها ،
واجا طلبها وما اخفي عليكم صوت ضحكنا وصل للشارع ، تدرون شطلعت ؟ راس لهانة كبيرة حافريها من جهة وراشين عليها زيت وحامض بس خخخخخخخ وظلت تاكل وحدها والجماعة ناصبين عليها يكولولها ماااااع



7/أجمل تذكار للحين تحتفظ به كان...؟ من؟
تحفيات من مزار مار شربل في لبنان


8/آخر بلد زرته؟
لبنان


9/شيء لا تستغني عنه في سفرك ؟
كتابي المقدس وكامرتي


10/أحلى استضافة كانت في...؟
لبنان



11/أكثر مطار عجبك..؟
هو بس شايفة مطار بغداد اللي ابد محلو ، وشايفة مطار الحريري  ( يعني زين )


12/بلد ودك تزورها إن شاء الله؟
سويسرا


13/كلمة(أو نصيحة) أخيره للمسافرين؟
اذا تسافرون من مطار بغداد اخذوا وياكم اكل ومخدة ودوشك




14/ اختار 4 من الاعضاء يسافرون معاك ؟

نوهرا واوليفر وامير وتيا


وشكرا يا احلى مريومة على الرحلة الممتعة




--------------

وهسة اني نزلت من الطائرة وراح استضيف الحلوة مريومة

[نـور]

wo0o0o0w

موضوع حلــو كــلش منـج

وننتــظر المشاركات الجميلة

عــراقــي

تحياتـــي

[رهام القوشيه]

wo0o0o0w

موضوع حلــو كــلش منـج

وننتــظر المشاركات الجميلة

الالقوشنيثاا

تحياتـــي

[كساندرا الالقوشنيثاا]

واو موضوع كلش حلو مريومه حبيبي
ومنتضرينج بالرحله مالتج

[★M a r t i n a★]

 واو موضوع رائع عاشت ايدج للمجهود الحلو

اسئلة  حلوة كلش ومسلية

[مـ ـريـ ـومـ ـة]

اول شي اشكـــر هيوي عالرحلــة الحلوة والتثبيت



ومشكـــورين يا اروع اعضــــاء عالمــــرور الحلـــو مثلكـــم




وراجعتلكم بالرحلــهــ رقــم 2



تحـياتي  

[مـ ـريـ ـومـ ـة]

1/أول سفرة كانت..متى؟....إلى؟

جانت من الموصل لسوريا وقبل سنتين


2/أطول سفرة كانت لمدة....؟

سنتين ونص

3/أحلى بلد زرته؟...ما الذي عجبكــ فيه؟

سوريا الها كم منطقة حلوة بس يعني مو كلها 


4/لو شاءت الظروف (عمل... مثلا) أي بلد غير بلد كنت تتمنى تعيش فيه؟

امريــكا


5/أحلى أكلة ذقتها كانت من....؟

بيتزا كانت في صيدنايا وكتها دخلنا مطعم فخم بس كانت غير شكل لوول


6/طرفة صارتلك في احد أسفارك و لازلت تذكرها؟
 
مرة رحت ويا جماعة عالاربيل جانو اكو مطاعم هوايه وتقريبا نفس الشي يعني يتشابهون وجان اكولهم طيب كللللش ومرة االخ رحت ويا اهلي كلتلهم تعالو ندخل هذا المطعم الي دخلنا عليه هذيج المرة كالولي اكيد هذا كلتلهم اي المهم دخلنا وكعدنا وطلبنا كباب وكلشي الي طلبناه هذيج المرة هع وهو ..... مطلع هذا  المطعم والاكل مو طيب الكباب ممستوي وبعد فوكاتها كصبونا بالفلوس  تعالي شوفي ضحك والا شويه جان كتلوني هههههههه لان كولها اجتي براسي
 




7/أجمل تذكار للحين تحتفظ به كان...؟ من؟

تمثال مريم العذراء


8/آخر بلد زرته؟
سوريا

9/شيء لا تستغني عنه في سفرك ؟

الكامرة اكيد


10/أحلى استضافة كانت في...؟


للاذقيهــ


11/أكثر مطار عجبك..؟

مرايحة ولا مطار لوول


12/بلد ودك تزورها إن شاء الله؟

امريكـــا

13/كلمة(أو نصيحة) أخيره للمسافرين؟

مم  ياخذون كامرة لان ماكو احلى من الصور تصير ذكرى



14/ اختار 4 من الاعضاء يسافرون معاك ؟

 . ومارتينا . وعراقي . رهام . كلارا



واني استضيف العضوة الامورة ........ كساندرا الالقوشنيثا

[كساندرا الالقوشنيثاا]

شكراااااا مريومه عالدعوه الحلوووووة منج لبي

ويلااااا بندي بالرحله......


1/أول سفرة كانت..متى؟....إلى؟
اول سفره كانت الى سوريا قبل 8 سنين والى امريكا

2/أطول سفرة كانت لمدة....؟
اطول سفره كانت لدبي و8 اشهر

3/أحلى بلد زرته؟...ما الذي عجبكــ فيه؟
احلى بلاد  زتهم سوريا دبي كندا وامريكا بكل ولاياته

4/لو شاءت الظروف (عمل... مثلا) أي بلد غير بلد كنت تتمنى تعيش فيه؟
حمدالله اني هسه هنا مستقر بعملي بس لو شائت الضروف المانيا

5/أحلى أكلة ذقتها كانت من....؟
من كنت بسوريا منوخيه وبدي اكله السمك

6/طرفة صارتلك في احد أسفارك و لازلت تذكرها؟
اوووو هوايه شغلات بعدين احجيلج ياهم لوول
واحلى وحده كانت بيهم اتعرفت على حبيبي الي هو هسه خطيبي
كنه رايحين سفره وكانت جنطي مثل جنطه مالته وهو اخذ مالتي واني اخذت مالته
وهو عالقصدني سوة هيج لان وكته راد يتعرف عليه وبعدين هو وكف يمي واني على جنطتي خاله ورده صغيره حمره وهو واكف يمي كتله هاي جنطي كال لا هاي جطني وضلينه هيج فد 10 دقايق
وبالاخير كال اني هيج سويت لان منطتيتي مجال يحجي وياج وهسه احنه احلى حبايب
7/أجمل تذكار للحين تحتفظ به كان...؟ من؟
هوايه تذكرات اولهم صوري وثاني شي كتاب المقدس وصوره مريهم العذراء من صدنايا بسوريا

8/آخر بلد زرته؟
كانت سفره لشيكاكو بمريكا

9/شيء لا تستغني عنه في سفرك ؟
كاااااااااامره اكيد

10/أحلى استضافة كانت في...؟
مره رحت سفره جامعيه لواشنطن كانت استضافه مو طبيعيه

11/أكثر مطار عجبك..؟
دبي وشيكاكو

12/بلد ودك تزورها إن شاء الله؟
فرنسااا واستراليا وسويسراا

13/كلمة(أو نصيحة) أخيره للمسافرين؟

ديروبالكم على جنطكم واخذوا كامره واستمتعوا


14/ اختار 4 من الاعضاء يسافرون معاك ؟
اولهم انتي وفانيسيا وكاثرين ورهام وخطيبي خطيه


واني هسه ادعوة ورايه العضوة رهام القوشيه
واهلا وسهلا بيج القوشنيثاا

[مي الداؤودية]

يسلموووووو ميمي موضوع رووووووعة وننتضر رحلة مال رهام 

[رهام القوشيه]

هلوووو كايز شلونكم
اول شي شكرا عالاستضافه الحلوة من سندوره الحلوة

ونبدي بالرحله

1/أول سفرة كانت..متى؟....إلى؟
اول سفره كانت لشمال العراق وقبل 5 سنين

2/أطول سفرة كانت لمدة....؟
اطول سفره كانت لسوريا سنتين تقريباً

3/أحلى بلد زرته؟...ما الذي عجبكــ فيه؟
مصايف الي بشمال العراق وبسوريا هوايه مناطق اولهم لاذقيه

4/لو شاءت الظروف (عمل... مثلا) أي بلد غير بلد كنت تتمنى تعيش فيه؟
ماكو هي امريكا لان احسن بلد للدارسه والعمل

5/أحلى أكلة ذقتها كانت من....؟
امممممم كل الاكلات طيبه

6/طرفة صارتلك في احد أسفارك و لازلت تذكرها؟
هههههههههههthat's good Q هوايه شغلات
ومنهم ولما كنت مسافره من سوريا للمريكا ولد راد يتعرف واني بالمطار واني  كلت لا
وبعدين شنو سوا راح صاح امه وكال للامه كوليله خلي تحجي وياي اني انعجبت بيه هوايه
واني وكته ضليت اذب الالوان احمر واخضر واصفر من خجل هههههه وبعدين وره فتره شفته هنا بمريكا
هههههههه هاي الموقف الي ماراح انسى ههههههه

7/أجمل تذكار للحين تحتفظ به كان...؟ من؟
على كوله كساندرا صوري وهوايه شغلات من اديره اخذته مثل معلولا وصدنايا بسوريا

8/آخر بلد زرته؟
هي امريكا

9/شيء لا تستغني عنه في سفرك ؟
كامره ولووووووووول

10/أحلى استضافة كانت في...؟
لما اجيت للمريكا كانت استضافه حلوة

11/أكثر مطار عجبك..؟
اممممم
مطار البصره بالعراق ومطار الاردن ومطار شيكاكو

12/بلد ودك تزورها إن شاء الله؟
ممممم هوايه بلدان انشاءالله بالصيف للكندا
واتمنى ازور ايطاليا وكاليفورنيا وفرنسا للشابنك

13/كلمة(أو نصيحة) أخيره للمسافرين؟

استمتعوا بوقتكم واخذوا كامره وياكم ولاتنسون الشاحنه مالته
وماكوووووووو احلى من السفررررررر



14/ اختار 4 من الاعضاء يسافرون معاك ؟
على عنادج راح اختار اكثر من 4    هههههههه
اخذج انتي وشاروكين على مود تتناكرون سويه هههه واخذ جوجو وداني
وووووووو كولهم 

هسه اني راح اختار ورايه جوليانا

وشكراااااااا كتير عالدعوة الحلووووووة

[مـ ـريـ ـومـ ـة]

شكــــرا لمروكـــم يا ورود منوريــــن



 ورهام ليش هييجي حتى هناك تريدين نتناكر ههههههههه


ورحلات حلوة بعد وننتضر رحلة جوجو



تحياتي

[jolyana]

سلام ومحبة الكم

شكرا على الدعوة رهام

استعدوا للرحلة الجوية ويا جوجو احم احم 



*****************************


1/أول سفرة كانت..متى؟....إلى؟


اول سفرة رحت لدهوك كانت احلى سفرة

2/أطول سفرة كانت لمدة....؟

اطول سفرة اهنا بامريكا 


3/أحلى بلد زرته؟...ما الذي عجبكــ فيه؟

احلى بلد هي بصراحة جنة بلنسبة الي تركيا ..عجبني بيها مصايفها والجزر


4/لو شاءت الظروف (عمل... مثلا) أي بلد غير بلد كنت تتمنى تعيش فيه؟

تركيا تمنت لو بقيت كل حياني بيها بس الضروف

5/أحلى أكلة ذقتها كانت من....؟

اكلة تركية هي مو اكلة مثل حلويات اسمها بوجا

6/طرفة صارتلك في احد أسفارك و لازلت تذكرها؟

 
ماكوووووووووووووو

7/أجمل تذكار للحين تحتفظ به كان...؟ من؟

هو احسن تذكار صور بس اكو صليب من كنسية بتركيا

8/آخر بلد زرته؟

امريكا

9/شيء لا تستغني عنه في سفرك ؟

ههه اكيد الكامرة والشاحنة مالتها 

10/أحلى استضافة كانت في...؟

كانت بتركيا

11/أكثر مطار عجبك..؟

مطار تركيا الدولي و مطار مشغن

12/بلد ودك تزورها إن شاء الله؟

اهواية منها فاتيكان ....بيت لحم فلسطين

13/كلمة(أو نصيحة) أخيره للمسافرين؟


احم احم يعني لا تنسون اهم شي هي الكامرة وبس


14/ اختار 4 من الاعضاء يسافرون معاك ؟

رهام ...داني ....كلارا.....مريومة

شكرا على الدعوة مرة ثانية رهام

وهسة منو منو اختار ؟؟؟ اختار شاروكين شاروووو تفضل 

[مـ ـريـ ـومـ ـة]

وننتضر شاروو في الرحلة الــــ 5

[رهام القوشيه]

  ؟؟؟   

[مـ ـريـ ـومـ ـة]

هــــــايوووو


ممممم اشو تاخــر شاروو اضاهر ماعندة خط لو اكو فت سبب


اوكي احنا راح نمشي الموضوع ولما يجي شاروو يكمل الرحلة مالتهــ وطبعا احنا دائما بأنتضارها


وهسة نختــار القائــد للرحــلة الـــ 5

^

^^

^

^^^ مارتيـــنا

[رهام القوشيه]

هايووو2 مريومه

اضاهر شارو رايح بالرحله وناسينه هههه
ويا اهلا وسهلا مرتينووو ورحله موفقه

[مـ ـريـ ـومـ ـة]

اي مو رهام هيج الضاهر بس يلى لمن يرجع يحجيلنا عنها هع هع

[★M a r t i n a★]

اشكرج مريومة على استضافتي الحلوة منج ياوردتنا الحلوة
ونشالله اكون قدمت اسالة حلوة ونشالله تعجبكم يارب


1/أول سفرة كانت..متى؟....إلى؟
الاردن قبل ست سنين

2/أطول سفرة كانت لمدة....؟
3 سنين

3/أحلى بلد زرته؟...ما الذي عجبكــ فيه؟
الاردن  كلشي حلو وخاصة السوك مال جبل حسين واو يخبل


4/لو شاءت الظروف (عمل... مثلا) أي بلد غير بلد كنت تتمنى تعيش فيه؟
سويسرا

5/أحلى أكلة ذقتها كانت من....؟
كبة مقلية سوريا

6/طرفة صارتلك في احد أسفارك و لازلت تذكرها؟
فد مرة جنت واكفة بل اردن  كدام الباب علمود ننزل سوك محضرة وكاعدة ومسوية شعري اشو اجتي طوبة على راسي خربطتني ودوختني وكعدت مطلعت هههه


7/أجمل تذكار للحين تحتفظ به كان...؟ من؟
صورة وحدة من جنت صغيرة كلش افرح من اشوفها

8/آخر بلد زرته؟
امريكا

9/شيء لا تستغني عنه في سفرك ؟
كاميرة  وملابس وعطور وهواية شغلات


10/أحلى استضافة كانت في...؟
امريكا

11/أكثر مطار عجبك..؟
مطار اردن ومطار شيكاكو


12/بلد ودك تزورها إن شاء الله؟
المانيا

13/كلمة(أو نصيحة) أخيره للمسافرين؟
اخر كلمة ونصيحة الي يروح يسافر ياخذ هتفون وياه  علمود لا يضوج



14/ اختار 4 من الاعضاء يسافرون معاك ؟

عـــراقي غيور +شكر+مريومة+نهرا

هسة خلصت سفرتي واحب استضيف المتالق  دوما  عراقي غيور

[مـ ـريـ ـومـ ـة]

شكرا لبي عالرحلة الحلوة مثلج

وننتضر المتألق عراقي الغيور يشوفلنا رحلته الحلوة


تحياتي

[نـور]

شكرا ورده على الموضوع الرائع جدا

وشكرا مارتينا على اختياري

وراح ارجع الكم بعد الفاصل هع

[مـ ـريـ ـومـ ـة]

تنورنا بكل وقت غيورنا وننتضر ولا تتأخر لوول

[مـ ـريـ ـومـ ـة]

يمعود عراقي وينك اشو ماكووو شنو خوما رحت للسفرة وماخذتنا وياك هههه 

[رهام القوشيه]

لووووول مريومه اضاهر تعجبكهم السفارت ويرحون وبعد ميجون وينسونه
عراقي وشارو الله يثتر بعدي ههههه

[نـور]

لالالا اشون يصير  

اول شي شكرا على الموضوع الرائع جدا

وثاني شي شكرا مارتينا على دعوتي للمشاركة بالموضوع

وانــي اجيت هع  





1/أول سفرة كانت..متى؟....إلى؟

امممم قبل سنة ونص الى تركيا




2/أطول سفرة كانت لمدة....؟


سنة ونـص




3/أحلى بلد زرته؟...ما الذي عجبكــ فيه؟

اكيد تركــيا ولي عجبني بي بلد سياحي وكلشي بي حلو من جو ومناظر وطبيعة خلابة يعني خصم الكلام شي يخببببببببببببل وخاصة اسطنبول هع




4/لو شاءت الظروف (عمل... مثلا) أي بلد غير بلد كنت تتمنى تعيش فيه؟


اتمنى وياريت على سويسرا لان اهواية قاري على هذا البلد الرائع ويكولون ماكو شرطة اهناك هع  




5/أحلى أكلة ذقتها كانت من....؟


اممممم اهواية  




6/طرفة صارتلك في احد أسفارك و لازلت تذكرها؟


اهووووووووووووووووووووووووووووووووووووواية  





7/أجمل تذكار للحين تحتفظ به كان...؟ من؟


امممممم زنجيل بس فيكة من اسطنبول هع




8/آخر بلد زرته؟

تركيا




9/شيء لا تستغني عنه في سفرك ؟


كاميرا اكيد  




10/أحلى استضافة كانت في...؟

تركيا




11/أكثر مطار عجبك..؟

مطار اسطنبول فد شي خرافي  




12/بلد ودك تزورها إن شاء الله؟

سويسرا  




13/كلمة(أو نصيحة) أخيره للمسافرين؟


ماكو كلمة بس لا تاخذون وياكم جهال اوووك    





14/ اختار 4 من الاعضاء يسافرون معاك ؟


مارتينا ابن بغداد انجي ابو خالد  



تحياتـــــي


عراقــــي

[مـ ـريـ ـومـ ـة]

هههههههه رهام سكتي وخليها شاروو اختفى يمكن ضاع بالسفرة خخخ


منور عراقي بس اشو مختاريت احد يروح رحلــة بعدك
 

[نـور]

اممممممممم

افكر هع هع

[مـ ـريـ ـومـ ـة]

اي فكر زين بس لتـتأخر يمعود هع

[رهام القوشيه]

منور عراقي برحله حلوة

ههههه لوووول مريومه يمكن مضيع المستر مالته هههههه
ميكدر بدونه بعد مستر شاروكين عيني

عراقي شنو ده تخترع اسمع لو ملتهي باللعبه مال ريال اليوم

[نـور]

اوفـــ اذا خسر ريالــ مدريد اليوم انتحرررر اني 

وبلنسبة الى الاسم بس افكــر اشوية

[رهام القوشيه]

اي عيني فكر على راحتك
واني مريومه انجرز حب ومنطيك لوووووول 
ونضحك على ريال لان خسروا هع هع هع

[مـ ـريـ ـومـ ـة]

هههههههههههههه عراقي اذا تريد نفكر احنا هم وياك حتى ندور فت اسم


اي رهام وجبت بيبسي اموت علبيبسي وعراقي مننطيك الا تجيب اسم خخخخ

[نـور]

اختار نوهرا شتكووووولون !!

والريال خصر من وره عيونكم لوووول

[مـ ـريـ ـومـ ـة]

ايييييي فت فرحت من خسروو لان اكو واحد اعرفة هم نتعارك من ورا ريال وبرشلونه ههههههه


اي نوهرا ليش لا تورنا عراقي دزلها رسالة اوك

[نـور]

اوك دزيت الها هسة خاص

بس اكو فد شي الريال اقوى من برشلونة والنتائج اتكول هل شي هع مو ثــح !!

[مـ ـريـ ـومـ ـة]

اي بس مرات ماكو واحد ميخسر 


اني يعجبني بيهم بس كرستيانو والفريق كله اكرها مو يكولون برشلونه وللابد 

[نـور]

ومو يكلولون ريال وبس والباقي خـس 


دزيت خاص الى نوهرا متكدر اشارك الخط ضعيف عدها

مراح اختار اني اختارو انتوا 

[مـ ـريـ ـومـ ـة]

ممممم زين اوكــي راح نختــاار

العضــــووة




جواهـــر بغــداد



ننتضرج وردة

[جواهر بغداد]

1/أول سفرة كانت..متى؟....إلى؟
أول سفره جانت لتركيا قبل 5 سنين

2/أطول سفرة كانت لمدة....؟
5 سنين

3/أحلى بلد زرته؟...ما الذي عجبكــ فيه؟
تركيا لان بلد روعه بكل شي

4/لو شاءت الظروف (عمل... مثلا) أي بلد غير بلد كنت تتمنى تعيش فيه؟
تركيا

5/أحلى أكلة ذقتها كانت من....؟
كندا

6/طرفة صارتلك في احد أسفارك و لازلت تذكرها؟
اتذكر من جنى بالطيارة دنجي لكندا جنت نايمة وفجأة لكيت طفل يصحيني ويكولي دادا دادا اريد انام بحضنج
هههههههه وطلع اخو صديق اخوية الصغير وعمره 3 سنين ويخبل ومن وصلنه ظل يبجي ورايا حبيبي

7/أجمل تذكار للحين تحتفظ به كان...؟ من؟
مسبحة من ايطاليا استلمتها من ايد البابا وية تذكار برونز هم من عنده

8/آخر بلد زرته؟
تركيا

9/شيء لا تستغني عنه في سفرك ؟
الجاكيت

10/أحلى استضافة كانت في...؟
بتركيا

11/أكثر مطار عجبك..؟
مطار تركيا والمانيا

12/بلد ودك تزورها إن شاء الله؟
امريكا وسوريا وتركيا واكيد العراااااق

13/كلمة(أو نصيحة) أخيره للمسافرين؟
لا تستغنون عن الجاكيت لان الجو مخبل ومتقلب

14/ اختار 4 من الاعضاء يسافرون معاك ؟
ستيفن الالقوشي
فراشة بغداد
احلى تسقبنايا
البجعه البيضاء

أستضيف بعدي العضوه المتألقة
البجعه  البيضاء

مررررسي مريومة حبي  على احلى استضافة

[alwarda]

موضوع كلش حلو عاشت الايادي المبدعة

[shakar]

شكرا عزيزتي بجوعة على الدعوة الحلوة 


1/أول سفرة كانت..متى؟....إلى؟ الى تركيا كان عمري سنة يعني بسنة 1990


2/أطول سفرة كانت لمدة....؟ 6 اشهر في سوريا


3/أحلى بلد زرته؟...ما الذي عجبكــ فيه؟ عجبتي صيدنايا هواية لان طلعنا سفرة لكل الاديرة واكيد ابد ما راح انساها


4/لو شاءت الظروف (عمل... مثلا) أي بلد غير بلد كنت تتمنى تعيش فيه؟ استراليا لان ماكو احسن منها والحمدلله اني مقيمة بيها


5/أحلى أكلة ذقتها كانت من....؟ ماكو اطيب من الاكل العراقي وخاصة اذا امي طبختا بس علا العموم احب المقبلات اللبنانية هواية


6/طرفة صارتلك في احد أسفارك و لازلت تذكرها؟ مااتذكر 



7/أجمل تذكار للحين تحتفظ به كان...؟ من؟ اني من النوع اللي تحتفظ هواية بالاشياء فعندي اشياء عديدة محتفظة بيها


8/آخر بلد زرته؟ استراليااااا


9/شيء لا تستغني عنه في سفرك ؟ الموبايل والكاميرة


10/أحلى استضافة كانت في...؟ سوريا


11/أكثر مطار عجبك..؟ دبي والمانيا


12/بلد ودك تزورها إن شاء الله؟ مصر اريد اشوف كل الاشياء بيها واوروبا


13/كلمة(أو نصيحة) أخيره للمسافرين؟ تمتعوا برحلتكم لان كلها راح تصير ذكريات حلوة 


14/ اختار 4 من الاعضاء يسافرون معاك ؟ القوش كيل ، تمارا، مارتيـــنا ، لوفلي


شكرا للاستضافة الحلوة ....


واني اختار>>>>>> لوفلي

[ღ♥ღ LoVely__87ღ♥ღ]

ميرسي عزيزتي ShaKaR علـــ الأستضافه

لووول

بس  اريد ها من صدك
لوووول

1/أول سفرة كانت..متى؟....إلى؟   قبل 3 سنين الي  تركيا


2/أطول سفرة كانت لمدة....؟

سنه و 8 تشهر

3/أحلى بلد زرته؟...ما الذي عجبكــ فيه؟

مزرت ولا بلد

4/لو شاءت الظروف (عمل... مثلا) أي بلد غير بلد كنت تتمنى تعيش فيه؟

نشكر الله  لانه اني  بستراليا  بس حبيب  اتكون أبــ‘  اوربا

لوووول

5/أحلى أكلة ذقتها كانت من....؟

ماكوو بس اني  خوش  اكل  اسوي

لوووول

6/طرفة صارتلك في احد أسفارك و لازلت تذكرها؟

لووووووووووول

هوااايه و طويله

7/أجمل تذكار للحين تحتفظ به كان...؟ من؟

خبيبت القلب  لوووول
ورده قبل   8 سنين

8/آخر بلد زرته؟

قبل  شويه اجيت من بيت جدي

لوووول  لوول

9/شيء لا تستغني عنه في سفرك ؟

لووووووووول

ماعرف

10/أحلى استضافة كانت في...؟

.....

11/أكثر مطار عجبك..؟

مطار  بغداد الدولي

و  مطار دبي

12/بلد ودك تزورها إن شاء الله؟

سويد وبشكل  عام أوربــا

13/كلمة(أو نصيحة) أخيره للمسافرين؟



أهمشي  الصلاه لووول


14/ اختار 4 من الاعضاء يسافرون معاك ؟

اللـــقش و شكوره و روزي  و كاثي

واختار  كاثي

ميرسي  عيوني

[~♥`• KaThy~♥`•]

1/أول سفرة كانت..متى؟....إلى؟

اول سفرة لمن طلعت من بغداد الحبيبه ورحت للــ سوريا

2/أطول سفرة كانت لمدة....؟

  يعني تقريبأ سنه و8 اشهر

3/أحلى بلد زرته؟...ما الذي عجبكــ فيه؟
صراحه مارحت اي بلد بس استراليا كفايه لانو حلوة بنسبه ليـ 

4/لو شاءت الظروف (عمل... مثلا) أي بلد غير بلد كنت تتمنى تعيش فيه؟

اسبانيا

5/أحلى أكلة ذقتها كانت من....؟

ماكو محدد

6/طرفة صارتلك في احد أسفارك و لازلت تذكرها؟

اهوايه

7/أجمل تذكار للحين تحتفظ به كان...؟ من؟

احتفظ بكلشي من اي صغيرة وخاصه كاردات مال صديقاتي 

8/آخر بلد زرته؟

استراليا

9/شيء لا تستغني عنه في سفرك ؟

ماكو شي محدد بس يعجبني اخذ غراضي الي احبها   

10/أحلى استضافة كانت في...؟

  ماعندي اجابه

11/أكثر مطار عجبك..؟

مطار دبي كلش حلو

12/بلد ودك تزورها إن شاء الله؟

انشاءالله بحيل الله  امريكا وفلندا وكندا فقطــ

13/كلمة(أو نصيحة) أخيره للمسافرين؟

كلش حلوة واتمنى تستمتعون بــ رحله




14/ اختار 4 من الاعضاء يسافرون معاك ؟

  اختار اولهم لوفي طبعأ وو جواهر وو فانسيا وساندرا القوشيه

اختار صاحبه الفكرة انو هي تختار عضو او عضوة الي ورايا

ومرسي الك لوفلي على اختيارك

تحياتي الكم

كاثي 

[مـ ـريـ ـومـ ـة]

شكرا على رحلاتكم الحلوة 


ومع انو الموضوع جان موقف  راح نخليه يسوي رياضة شويه ويتحرك 

وراح اختار  احلى عضوة بالمنتدى والي هي 



sandy_88


ننتضرج لبي

سيوو

[sandy 88]

ووووااااااووو  شنو هالمفاجأة الحلوة  شكرا لبي مريومة وانتي الاحلى حبيبتي  وموضوع كلش حلو يستحق المشاركة____  راح اجاوب بالمشاركة الثانية الي

[مـ ـريـ ـومـ ـة]

منورة  لبي وننتضر رجعتج الحلوة

[sandy 88]

1/أول سفرة كانت..متى؟....إلى؟
ج/ بالنسبة لسفرات داخل البلد ما اتذكر شوكت جانت اول سفرة لان جنت صغيرة وهواية رايحة سفرات اما بالنسبة لخارج البلد كانت اول سفرة الى لبنان الحبيبة بلدي الثاني كان بمنتصف شهر الثاني عام 2008


2/أطول سفرة كانت لمدة....؟
ما اتذكر بس اكثر شي مكانت تجاوز الشهر كانت كلها سفرات ترفيهية


3/أحلى بلد زرته؟...ما الذي عجبكــ فيه؟
اكيد لبنان اجمل بلد بالعالم ، عجبني بلبنان طبيعة الجو يجنن والناس بعد احلى وقلبهم طيب ويحبون العراقيين بشكل لا يوصف وبسطاء ومتدينين ومعالم البلد الجميلة واستقبالهم الرائع النا والاحترام اللي عدهم فظيع مشفت هيجي احترام ومثقفين بشكل والاحلى المناطق الجبلية تجنن روعة عدهم اوتيلات جوها رومانتك وكلاسك تحسين بالبيت كاعدة وضيافتهم حلوة مثل روحهم والاروع ماكو شارع بلبنان والا بيه مزار او تمثال لمريم العذراء ويسوع او التلاميذ يعني صدك الواحد يحس انو هو مسيحي


4/لو شاءت الظروف (عمل... مثلا) أي بلد غير بلد كنت تتمنى تعيش فيه؟
اووووووووه طبعا هاي معاناتي بصراحة لحد الان ما اعرف يابلد اتمنى اعيش بي لذلك بعدني مدا اخطو هالخطوة لان لازم اضمنلي بلد بيه  اقتصاد واعمال حتى امارس مجال تخصصي واهم شي تكون الطبيعة بذاك البلد حلوة وميكون بيه قال وقيل  او اضطرابات بين السكان هو بلا شي نريد نروح لفد مكان هادىء وبيه امن واستقرار


5/أحلى أكلة ذقتها كانت من....؟
هههههههه كل الاكلات اللي اكلتها باوتيل لبنان بمنطقة برمانا شمال بيروت كلها كانت طيبة وخاصة المقبلات روعة


6/طرفة صارتلك في احد أسفارك و لازلت تذكرها؟
ههههههههههههههه بصراحة مريومة الا تخلين هالسؤال هواية هواية طرف مصادفتني بس شنو احجيلكم ما ادري راح اذكر بعض الامور اللي اكدر احجيها الكم
1- فد يوم سوينة مسابقة قصص بي كروبين الكروب اللي اني بيه جان مطلوب منا كلنا نسوي قصة خلال 10 دقايق وبدون منفكر مباشرة كل واحد يحجي كلمة والثاني يكمل فبدت القصة مني وكلت كلمة (كان) وكملنا بحيث تكونت عبارة (كان يا مكان في قديم الزمان كلب اكل ) بهل اثناء اجه الدور على زميلي لبناني كان فبصراحة هو جان شارد بهل لحظة ومن كلناله اجه دورك كول كلمة ههههههههههه تدرون شكال ؟؟؟ كال كلمة (امي) يعني صارت العبارة ( كان يامكان في قديم الزمان كلب اكل امي ) ههههههههه طبعا الكل خرب من الضحك وهي اصلا جانت لعبة فعلا طريفة وحلوة والغاية منها الضحك من تكوين هالقصص بس خطية لو تشوفون خدوده صارت حمرا
_ الشي الثاني فد يوم طلعنا افترينا بشارع حمرا ابيروت جنا دنسوي شوبينك وصدفة كانت قناة العربية دتتجول بالشارع وتستطلع اراء الناس صدفة اني طلعت من محل لملابس اشو مقابيلي الكاميرا والمذيعة يعني صرت بموقف حرج ما اكدر اطلع منه سألتني (شنو رأي هل انا مع انه البرلمانيات يكذبون وميكولون عمرهم الحقيقي او لا يكونون صريحين وعادي لان الجمال مو بالعمر ) المهم اني هم جاوبت وحجيت عليهم  ;Dههههه حتى المذيعة كلتلي عفية عليج جنتي صريحة ويانا كتلي شكرا بعدين صديقاتي سألوني ساندي شوكت راح يطلعون البرنامج كلت خلي اسأل المذيعة سألتها كتلي هذا جان نقل مباشر كتلها يبوووووه يمعودة ترى اني مو لبنانية اني عراقية وحجيت عالبرلمانيات اللبنانيات هههههههه والمذيعة كتلي يلا ميخالف صارت بعد بس عزمينا على آيس كريم كتلهم من عيوني الاثنين جانت اسمها جوي والمصور فادي


7/أجمل تذكار للحين تحتفظ به كان...؟ من؟
صورة قديمة واثرية لمريم العذراء اشتريتها من لبنان ترجع لعام 1960


8/آخر بلد زرته؟
لبنان


9/شيء لا تستغني عنه في سفرك ؟
الصليب والكاميرا وجواز السفر والفلوس  


10/أحلى استضافة كانت في...؟
اجمل استضامة ممكن للانسان ان يتلقاها هي بمطار لبنان

11/أكثر مطار عجبك..؟
مطار لبنان بس بارت وصول المسافرين يجنن ولا اروع ومطار اردن بارت المغادرة كلش حلو بس كمطار كامل لا معاجبني 100%


12/بلد ودك تزورها إن شاء الله؟
اي بلد ماعندي مشكلة  بس اهم شي يكونون ناسهم طيبين واعرف لغتهم  حتى اتواصل  معهم


13/كلمة(أو نصيحة) أخيره للمسافرين؟
ممممم ماكو شي ابالي حاليا بس اكولهم دائما صلوا قبل لا تطلعون وودعوا اهلكم وتخلون شخص زعلان منكم لان لا سامح الله احيانا تصيبنا ظروف بالسفر ومحد يعرف بس حتى تكونون مرتاحين نفسيا خلو صليبكم دائما معاكم لايسوع ميستغني عنكم واتمنى للجميع سفرات ورحلات ممتعة وشيقة


14) اختار 4 من الاعضاء يسافرون معاك ؟
اختار مريومة وصديقة الي بالعراق و2 من الاعضاء بس ما اكول اسمهم  


مرة ثانية اشكر مريومة على الاستضافة الحلوة واختار البعدي الاداري ستيفن الالقوشي

[مـ ـريـ ـومـ ـة]

رحلة حلوة سوسو


وننتضر الاداري ستيفوو

[ستيفن الالقوشي]

شكررا  مريومة على الموضوع المميز 

دومج مميزة ومتالقة  عاشت ايدجج

 وشكرا ساندي لاستضافتي 

وهسة نبدي لووول



1/أول سفرة كانت..متى؟....إلى؟

ممسافر بس من اجيت سوريا  لووول


2/أطول سفرة كانت لمدة....؟

من اجيت سوريا طولت  طولت يوم كامل  متت بلطريق


3/أحلى بلد زرته؟...ما الذي عجبكــ فيه؟

امممم مشايف غير سوريا  والحمد لله حلوااا


4/لو شاءت الظروف (عمل... مثلا) أي بلد غير بلد كنت تتمنى تعيش فيه؟

امريكا او استراليا

5/أحلى أكلة ذقتها كانت من....؟

دولمة انعزمت يم ناس بس جانت خرافية لووول

6/طرفة صارتلك في احد أسفارك و لازلت تذكرها؟

اممممممممم  مرة كعدت يمي مرة عجوز بس تاكل حب وتحجي موتتني هههههههه

7/أجمل تذكار للحين تحتفظ به كان...؟ من؟

هديى من صديقي سلسلة


8/آخر بلد زرته؟
 سوريا

9/شيء لا تستغني عنه في سفرك ؟

موبايل  فلوس صليب جواز
 

10/أحلى استضافة كانت في...؟

بيت ناس جيران لوووول


11/أكثر مطار عجبك..؟

مشايف بس  مطار دمشق


12/بلد ودك تزورها إن شاء الله؟

امريكا 


13/كلمة(أو نصيحة) أخيره للمسافرين؟
تكعدون يمكم عجايز ههههه
انة يلبسون هدوم واسعة  ولا



14/ اختار 4 من الاعضاء يسافرون معاك ؟

 مي مريومة  ساندي   وشارو   


استضيف الي بعدي   العضوة المميزة  مي الداودية

[مي الداؤودية]

هاي شبابا صبايا شلونكم مشتاقة
شكرا مريومة لبي عالموضوع المميز
يسلمووو ستيفووو لاستضافتي

ونبدي لول

1/أول سفرة كانت..متى؟....إلى؟

اول سفرة كانت لسوريا قبل سنتين ونص

2/أطول سفرة كانت لمدة....؟

مدتها سنتين ونص لووول وهي نفسها بسوريا

3/أحلى بلد زرته؟...ما الذي عجبكــ فيه؟

بس سوريا وهي بلد حلوة


4/لو شاءت الظروف (عمل... مثلا) أي بلد غير بلد كنت تتمنى تعيش فيه؟

امريكا او استراليا او المانيا


5/أحلى أكلة ذقتها كانت من....؟

دائما اكل اكلات طيبة

6/طرفة صارتلك في احد أسفارك و لازلت تذكرها؟

ماذكر لووول


7/أجمل تذكار للحين تحتفظ به كان...؟ من؟

هدية من اعز صديقة عندي

8/آخر بلد زرته؟

سوريا

9/شيء لا تستغني عنه في سفرك ؟

فلوس وملابس سباحة لووول خاصة اذا جان اكو بحر وموبايل وكاميرة

10/أحلى استضافة كانت في...؟

جننت رايحة لشمال العراق سفرة يم كرايبنا

11/أكثر مطار عجبك..؟

مشايفة بس مطار سوريا


12/بلد ودك تزورها إن شاء الله؟

والت ديزني


13/كلمة(أو نصيحة) أخيره للمسافرين؟

لتنامون واستغلو كل دقيقة واذا اكو بحر سبحوا لان امتع شي السباحة




14/ اختار 4 من الاعضاء يسافرون معاك ؟

ستيفووو مريومة  كاثرين والوردة

ومريومة هي الي راح تختار العضو الورايا

[مـ ـريـ ـومـ ـة]

منورين برحلاتكم يا ورود



وراح نختار عضو جديد وههو


pato

[pato_7]

1/أول سفرة كانت..متى؟....إلى؟
اول سفرة كانت الى سوريا بعام 2006


2/أطول سفرة كانت لمدة....؟
اكيد سفرة سوريا جنت يوم ونص تقريباُ بالطريق ههه


3/أحلى بلد زرته؟...ما الذي عجبكــ فيه؟
ميعجبني غير العراق واكيد دهوك وعجبني بيها الطبيعة والامان


4/لو شاءت الظروف (عمل... مثلا) أي بلد غير بلد كنت تتمنى تعيش فيه؟
استراليا


5/أحلى أكلة ذقتها كانت من....؟
جدتي ام ابويا جانت باجة هههه


6/طرفة صارتلك في احد أسفارك و لازلت تذكرها؟
ضعت بسوريا ههه



7/أجمل تذكار للحين تحتفظ به كان...؟ من؟
دبدوب اول عيد ميلاد الي


8/آخر بلد زرته؟
سوريا


9/شيء لا تستغني عنه في سفرك ؟
الكاميرة والموبايل ههه


10/أحلى استضافة كانت في...؟
ماكو


11/أكثر مطار عجبك.
هم ماكو

12/بلد ودك تزورها إن شاء الله؟
لبنان


13/كلمة(أو نصيحة) أخيره للمسافرين؟
لتروحون السوريا بسيارة هههه





14/ اختار 4 من الاعضاء يسافرون معاك ؟
ريكاني وفانيسيا وهايكو وريال مدريد



شكرا مريومة على اختياري وعلى الموضوع الاكثر من رائع

محتار

اختاري انتي بدالي مريومة

ثانكس بيبااااااااااااااااااااااي

[مـ ـريـ ـومـ ـة]

منور الرحلة يا باتوو رحلتك توب التوب هههه



واني هم حتارة منو اختار هع

؟؟


راح نختار العضوة الحلوة


نجمة البحر

ننتضرج لبوو

[مـ ـريـ ـومـ ـة]

بس كايز احب اكوللكم يا اغيب عن المنتدى فترة طوييييييله يعني مو اكيدة ادخل على منتدى بعد فاريد يبقى المنتدى بيدكم تحركو يعني يبقى اليكتروني خخخ


اوكي بااااي

[njmat_alba7r]

شكرا مريومة على الاستضافة


1/أول سفرة كانت..متى؟....إلى؟

مداذكر اول سفرة وين كانت لان اكيد كنت صغيرونة ^_^


2/أطول سفرة كانت لمدة....؟
شهر كاملــ بسوريا


3/أحلى بلد زرته؟...ما الذي عجبكــ فيه؟
عجبتي صيدنايا هواية لان طلعنا سفرة لكل الاديرة واكيد ابد ما راح انساها


4/لو شاءت الظروف (عمل... مثلا) أي بلد غير بلد كنت تتمنى تعيش فيه؟
ربما المانيا او استرالية


5/أحلى أكلة ذقتها كانت من....؟
اطيب اكلة اكلتهاكل الاكلات طيبة لووولــ


6/طرفة صارتلك في احد أسفارك و لازلت تذكرها؟

   ماكو موقف معين اابالي



7/أجمل تذكار للحين تحتفظ به كان...؟ من؟

احلى تذكار عندي  هو حصان زجاجي كلش حلو


8/آخر بلد زرته؟

ههه دهوك البارحة كانت
9/شيء لا تستغني عنه في سفرك ؟

 كاميرة


10/أحلى استضافة كانت في...؟
سوريا


11/أكثر مطار عجبك..؟
ولامطار ^_*


12/بلد ودك تزورها إن شاء الله؟
 كلــ اوربا


13/كلمة(أو نصيحة) أخيره للمسافرين؟
 لاتفوتو شي بالسفرة ولاتزعلون من شي لان الحضات الحلوة متتكرر ابدا


14/ اختار 4 من الاعضاء يسافرون معاك ؟ ا

ساندي88 :: شاروكين ::مون لايت ::وو


شكرا للاستضافة الحلوة ....

واختار

 من بعدي مون لايت