المحرر موضوع: يا ترى شراح نطبخ اليوم؟؟؟؟؟؟؟؟ (زيارة 56449 مرات)

hewy · « **في:** 16:09 18/08/2010 »

سلام ومحبة على عيونكم الحلوة

اصعب شي برائي على ام المطبخ انه تقرر شتطبخ
فتشوفوها تجي تسال :شاطبخ اليوم ؟ واسوء شي عدها انه تجاوبوها بكيفج خخخخخ

لهذا رفقا بالمسؤولات عن الطبخ بالبيت سوينا هذا الموضوع والللي راح يكون مخصص لاقتراحاتكم
حول الاكلات اللي راح نطبخها يوم بيوم

فكل يوم سوولكم مرة على الموضوع اكراما للحايرات واللي ملو من التفكير بـ ( بشنو اطبخ اليوم )
واقترحولنا اكلة على ذوقكم
وخلي نشوف يا عضو تكون اقتراحاته مطبقة اكثر من الباقين وراح نسويه مستشار المطبخ

ولنبدا ؟

يا ربي شطبخ اليوم ؟؟؟؟؟؟

[/color][/size]

فانيسيا · « **رد #1 في:** 07:44 19/08/2010 »

وااااااااااااااااو فكرة رووووووووووعه

وفعلا اجى بوكته لان هذا السؤال كل يوم ينسال ((( اوووووووف شطبخ اليوم )))

هيجي انكول و المشكله محد يجاوب مثل مكلتي (( ابكيفج ))

اختي كل يوم تسالني شطبخ اليوم اكوللها بكيفج خخخخخخخخ

مممممممم ومن الرائي الشخصي

اكول (( نواشف )) لليوم شنو رايكم ؟؟؟؟؟؟؟

وشكرا للموضوع الحلو

alwarda · « **رد #2 في:** 11:54 20/08/2010 »

فكرة حلوة وعاشت ايدج اني وحدة من الناس اليي احتار يومية بالطبخ

فكرتي هاليوم

((( شيخ المحشي + رز بالشعرية )))

وحلو كل يوم ننطي فكرة وبهيجي تصير موسوعة جبيرة علمود الواحد يستفاد منها

مع تحياتي وشكرااااااا للموضوع الحلو

njmat_alba7r · « **رد #3 في:** 15:28 20/08/2010 »

الف عافية اكلكم يااحلى وردة

واحلى موضوع من احلى هيوي

تسلمين على الفكرة الحلوة والرايعة

تحيتي للجميع

labak · « **رد #4 في:** 17:25 20/08/2010 »

تسلمي على هالموضوع الحلو والمريح جدا

بورك بالجين والنعناع وصفة لذيده وسريعةومتاخذ زيت هوايه
للعجينةكوب طحين وبيضة تعجن عجينة قويه وتفتح بالشيبك دوائر صفيرة للحشوه جبن ونعناع وبتيتة مسلوقة تلف وتقلى

دجاج كنتكي سهل جدا اسلق الدجاج والوخه بالطحين وبعدين البيض واخير فتات البقصم واقلي

تشريب صفره

اعروق موصل

الفكره حلووو حلووو هوايه

labak · « **رد #5 في:** 23:46 21/08/2010 »

اليوم اﻻكل كان

مقلوبة

وتبولة

بورك بالجبن

alwarda · « **رد #6 في:** 13:49 25/08/2010 »

فكرتي لهذا اليوم

برغل بالشعرية + دجاج + سلطة

مع تحياتي

hewy · « **رد #7 في:** 21:44 25/08/2010 »

عفية عليكم خوش افكار

اني اقترح كبة لبينة

sandy 88 · « **رد #8 في:** 03:08 28/08/2010 »

موضوع كلش حلو وفكرته احلى شكرا عزيزتي هيوي

ممممم طبعا عاشت الايادي كل الاكلات طيبة ،،، اني اقترح باجر ( برياني ) شنو رأيكم

زهرة القرنفل · « **رد #9 في:** 18:28 28/08/2010 »

موضوع حلو وفكرة حلوة من احلى ادارية
حبيبي هيوي فعلا كل يوم هذه مشكلتي مع امي تجي تسالني شطبخ اليوم اكولها بكيفج وتشتغل الجلاليق ههههه

مشتهية اكل باجر يبرخ دولمة ورق عنب

sandy 88 · « **رد #10 في:** 19:53 30/08/2010 »

خلي شوية نريح ام المطبخ ونقترح لليوم اكلة طيبة وسهلة
معكرونة بصلصلة البشاميل

labak · « **رد #11 في:** 11:06 31/08/2010 »

1 - اليوم مقلوبة
2 - بورك خلي اكلكم طريقة اكتشافي اني ههههه كوب طحين وبيضتين وملح اعجنهم بقطرات من الماء او مرات ميحتاج المي اغطيهم واتركهم بالثلاجه. للحشوة بطاطة مسلوقة وجبن فيتا او اي جبن مو مشكلة
اوراق نعناع غير مفرومه بس تتفرط حتى ﻻ يطغي طعم النعناع على طعم الجبن
تلف وتقلى قلي بسيط وبعدها توضع في الفرن الكهرباء لو حبذا على نار هادئة جدا ,,, راح اتكرمش وتطلع طيبة جدا جدا
تحياتي

sandy 88 · « **رد #12 في:** 16:02 31/08/2010 »

عاشت الايادي لاباك مبينة طيبة وطريقة حلوة

زهرة القرنفل · « **رد #13 في:** 19:15 31/08/2010 »

شنسوي باجر اكلة يمكن تبسي باذنجان وتمن بالشعرية وزلاطة

labak · « **رد #14 في:** 10:47 01/09/2010 »

اي ساندي كلش طيبة واﻻهم من هذا متمتص زيت يسلم مرورك عزيزتي
*************888
اليوم راح اسوي نفس العجيبة اللي هي كوب طحين الى بيضه واحده وقطرات مي وملح واتركها بالثلاجة لفترة
والحشوة راح اخلي دجاج مسلوق وبتيته مسلوقة وشوية بزاليا مسلوقة وابرش جبن اوياهم وشويه معدنوس وفلفل اسود
وبنفس طريقة البورك السابق

ويجي اوياهم تبسي البذنجان فكره ** زهرة القرنفل

واللي ايزيد من حشوة البورك نفسها راح اسوي بيها ازنزد الست ﻻن بالمرة السابقة من زادت عندي عجينة سويتها رقائق خفيفة جدا وقليتا بالزيت,,, الصراحه طلعت شي روعة ,,,, اليوم راح اجرب احشيها بالمحلبي واكلكم شراح ايصير ,,, المهم متسحب زيت

شكرا تحياتي

sandy 88 · « **رد #15 في:** 13:16 01/09/2010 »

شكرا لاباك الوردة ،، اذا متمتص زيت هواية فهذا الشي كلش زين
وباقرب وقت راح اجربها يمكن باجر وراح اكولكم شنو راح يطلع معي

عزيزتي لاباك يعني شكد تخليها العجينة بالثلاجة كمدة تقديرية ؟؟

alwarda · « **رد #16 في:** 16:53 01/09/2010 »

اني اقترح لباجر دجاج محشي بالاوفن

sandy 88 · « **رد #17 في:** 20:23 01/09/2010 »

اوووووووه اختيار حلو

labak · « **رد #18 في:** 13:54 02/09/2010 »

ساندي عزيزتي اني بالنسبة اللي خليته ما يقارب 3 ساعات
تحياتي لل واللجميع . العجيبة كل ما قوية افضل وبعدها اتقطعيها دوائر صغيرة وتفتحيها واحدة وحدة اسهل وبالفتح بالطحين اكيد
البارحة سويت منها ازنود الست طلعت طيبة كلش
تحياتي

شكرا وردة الدجاج المحشي طيب فكرة حلوة

alwarda · « **رد #19 في:** 13:13 03/09/2010 »

فكرتي هاليوم

ملفوف الباذنجان بالكفتة

labak · « **رد #20 في:** 18:30 03/09/2010 »

اكلتي اليوم

كبة تمن
ومرقة الكفته

شكرا

sandy 88 · « **رد #21 في:** 19:02 03/09/2010 »

الوردة ولاباك اختياراتكم كلش حلوة

labak · « **رد #22 في:** 14:42 04/09/2010 »

شكرا ساندي

اﻻكلة اليوم طيبة جدا ولذيذه
وهي دجاج مقطع شواء يعني يشرحه القصاب بطريقة

والي ايريد ايقطعه تقطيع عادي ما في مشكلة حسب الرغبة بس بالطريقة اﻻولى تتغلغل الخلطة اكثر داخل الدجاج

الخلطة هي

عصير ليمون
لبن زبادي
وزعتر
وثوم مدقوق هو وقشورة
وفلفل اسود زملح
وزيت

تخلط جميعا هذه المقادير وينقع بيه الدجاج ليلة كاملة

تصفى من التتبيلة جيدا وتشوى في الفرن بدون سلق طيبة جدا

alwarda · « **رد #23 في:** 19:59 06/09/2010 »

اني اقترح لباجر

لازانيا بالفطر والباشميل

njmat_alba7r · « **رد #24 في:** 15:08 07/09/2010 »

هااي ياحلوين عاشت الايادي على هل الاكلات الطيبة

واني اقترح عليكم ليباجر انو اتسون دولمة ورق العنب اممم طيبة مو
اكوم من هسة اروح احضرها باي خخخ

زهرة القرنفل · « **رد #25 في:** 14:29 11/09/2010 »

واووو نجومة احب دولمة ورق عنب بس قبل فترة اكلناها

اقترح لباجر نواشق بطاطا مقلية باذنجان مقلي كفتة وكبة كبار وخيار وطماطة وطرشي وكافي

واريد اقدم شكوة على هذه الزاوية مال المطبخ وخصوصا لاباك يعني زدت كيلو من ورا الاكلات الطيبة ههههههه

تسلم ايديكم يارب
وتسلم ايديج لاباك

labak · « **رد #26 في:** 18:07 11/09/2010 »

عوافي يا حبايب

اكلي ولعبي رياضة هههههههههه
تحياتي لك زهرة القرنقل والى كل اﻻحبه

njmat_alba7r · « **رد #27 في:** 18:55 11/09/2010 »

ههه زهرة كيلو بس

كولي كيلوين تلاثة ههه

الف عافية عليكم الاكل

زهرة القرنفل · « **رد #28 في:** 13:24 12/09/2010 »

حياتي لاباك الرياضة شتفيد بهل الوصفات الشهية

نجومة لو ازيد كيلوين جان ماانام الليل ههه

اقترح لباجر سمك فيليه متبل ومقلي مع سلطة كركير وطماطة وبصل ودبس الرمان

احب اكلة لقلبي

njmat_alba7r · « **رد #29 في:** 19:36 12/09/2010 »

اووو خوش اكلة زهرتنا غدا انشالله اسويها ^_^ اتفضلي ويانا
بس راح اسويها بلا سلطة لووولــ

زهرة القرنفل · « **رد #30 في:** 13:12 14/09/2010 »

اي طبعا اجي نجومة وعاشت ايدج
اقترح الكم تشترون من محل المناقيش صفيحة طيبة وريحناكم بعد شتردون

njmat_alba7r · « **رد #31 في:** 17:46 14/09/2010 »

ههه اي لازم واحد مرات يسوي استراحة وميطبخ

labak · « **رد #32 في:** 15:40 15/09/2010 »

واللي ايحب اكل البيت ؟؟؟؟؟؟؟؟

برياني وطرشي وجاجيك وتبولة

زهرة القرنفل · « **رد #33 في:** 20:15 15/09/2010 »

طبعا احلى شي شفت لاباك مشاركة كلت اويلي اكيد اكلة طيبة وراح يزيد وزني ههههه

واني اقترح برياني
تحياتي لاباك ونجومة

labak · « **رد #34 في:** 11:50 16/09/2010 »

شكرا عزيزتي زهرة القرنقل تسلمين حبي

اليوم اكلتي مرقة روس العصافير (كفته عاديه )بالبتنجان المشوي طيبه جدا يعني جربتها ,,, بمكان ما اخلي بيتنجان مقلي خليت بتنجان مشوي بس قللت كمية البتنجان وضفت ثوم مفروم ناعم بعد استواء المرقة

تحياتي

زهرة القرنفل · « **رد #35 في:** 13:55 16/09/2010 »

الف عافية حبيبي لاباك فكرة حلوة

njmat_alba7r · « **رد #36 في:** 14:41 16/09/2010 »

الف عافية

اليوم قررت اسوي مقلوبة

labak · « **رد #37 في:** 16:18 16/09/2010 »

ربي ايعافيك زهرة القرنقل

يا عيني مقلوبه ,,,,يم ,,, اكولكم جربو اتسووها صفرة وبالدجاج يعني بدون معجون طماطة بس بهارات وخصوصا الكركم
كلش طيبة بس جربتها بالدجاج

تحياتي للجميع

alwarda · « **رد #38 في:** 21:06 17/09/2010 »

تسلمين عزيزتي لاباك
طريقة حلوة للمقلوبة الصفرا وخاصة من يكون التمن مطبوخ بالبهارات
بمكان معجون طمامة
خوش اقتراح يسلموووووو

alwarda · « **رد #39 في:** 21:11 17/09/2010 »

اقتراحي لباجر

بامية على لحم الغنم + رز بالشعرية

labak · « **رد #40 في:** 08:28 18/09/2010 »

اي عزيزتي بالنسبة اللي احبها صفرة بالدجاج وحمرة باللحم

تسلمين عزيزتي وردة وعوافي انشاء الله

وشكرا على اﻻقتراح اللذيذ بس امين راح انجيب بامية العراق الي ما في الذ منها
تحياتي

زهرة الصبار · « **رد #41 في:** 10:52 18/09/2010 »

زين اني شطبخ مو بارحه سويت هم بامية وهم برياني والدجاج والذي منو وهسه حايرة

labak · « **رد #42 في:** 14:22 21/09/2010 »

اموت على اكلة السمك المشوي بالحشوة اللي هي قليل من الكرفس المفروم ناعم او المعدنوس وكم فص ثوم مفروم وحبة طماطة مفرومة ناعم و بصلة صغير مع قليل من تمر الهند ان وجد اذا ماكو فقليل من معجون الطماطة بعد ان تفرم تدق في (حتى لو في راس الشيبك)
وبعدها يضاف اليها قليل من الزيت والفلفل اﻻسود والكركم الصافي والملح وتلوخ فيها السمكة بعد ان تفتح بشكل مسطح توضع في الفرن تشوي من اﻻعلى واﻻسفل على نار عاليه وتقدم مع التمن والزﻻطة ,,,, يبووووو اتخبل
تحياتي
هذا غداي لهذا اليوم

زهرة الصبار · « **رد #43 في:** 19:40 21/09/2010 »

الله بالخير اليوم خلص]شوفولنا باجر شنطبخ اللةيخليكم

alwarda · « **رد #44 في:** 23:10 22/09/2010 »

اقتراحي لباجر

كراتان بالحم والقرنابيط

labak · « **رد #45 في:** 14:16 23/09/2010 »

شاورمة دجاج
وشوربة عدس صفراء
وتبولة

labak · « **رد #46 في:** 16:04 27/09/2010 »

مقلوبة صفره
يعني بالبهارات مو بمعجون الطماطة

جربوها طيبة

hewy · « **رد #47 في:** 23:59 13/10/2010 »

اليوم خميس ونهاية اسبوع اقترح ما تطبخون وتوصون كباب عراقي عليه سماق وخبزاية دهينة رهييييييب ويا دولكة لبن اربيل

zahraa// · « **رد #48 في:** 00:38 28/10/2010 »

هاييييييييييي بنات موضوعكم كلش حل وحابه ادخل معاكم

★M a r t i n a★ · « **رد #49 في:** 05:57 15/11/2010 »

فكرة حلوة وشهيتوني وميتة جوع
اني اكول محد يطبخ بس نسوي فطور وعشا عععع

زهرة الصبار · « **رد #50 في:** 08:10 15/11/2010 »

هوه هليوم صدك حيرة والكل بالبيت حيرة شراح نطبخ

alwarda · « **رد #51 في:** 11:21 15/11/2010 »

سلام لعيونكم الحلوة

اقتراحي لهاليوم كبة حامض
اني هاليوم سويتها وطلعت كلش طيبة

الناسك · « **رد #52 في:** 09:38 17/11/2010 »

اقتراحي اليوم عيد فلازم باججججججججةةةةةةةةةةة
تقبلوا مروري
الناسك

labak · « **رد #53 في:** 20:00 27/11/2010 »

سمك شوي اليوم كلش طيب ,,,, تفتح السمكة من الظهر يعني تفتح كاملا ,,, او اي شرائح سمك منظفة تمسح اولا بالفلفل اﻻسود وقليل من الزيت وتضع جانبا السمكة طبعا بعدها ,,, نفرم راس بصل او نبرشه وفلفة حارة وقليل من الطماطة وفص ثوم واخير نفرم فرم ناعم قليل جدا من المعدنوس والكرفس ويضاف للحشوة قليل من الزيت والبهارات توضع المزيج على السمكة وتشوى على نار عالية فوق وتحت وتاكل بعد ذلم مع التمن اﻻبيض طيبة لذيذة جدا

labak · « **رد #54 في:** 10:59 08/01/2011 »

جبتلكم يا احبائي طريقة تبسي كلش طيبة جربوها مراح تندمون ,,, زيتها قليل
اولا ناتي بقطع الدجاج ونضعها في تبسي على النار ,,,نصفطها يعني ,,,مع قليل من الزيت بعد ما انحس بالفرقعه مال الدجاج نظيف قطع كبيرة من البطاطا اي البطاطا مقطعه نصفين وهمين نصفها بالتبسي نظيف بعض حلقات الطماطة واخير نفرم كمية من البصل ونظيفها على الوجه في هذا الاثناء التبسي باقي على النار الهادئة بعد ما نخلص من اضافة البصل نظيف كمية من الماء عليه بحيث قريب تتغظى الخلطة تترك تغلي مدة ربع ساعة تقريبا يضاف لها الملح والفلفل الاحمر والاسود وتترك تغلي بعدها ترفع من على النار يضاف اليها كمية من المعدنوس المفروم وتوضع في الفرن بعد ان نضيف زيت الزيتون على الوجه ,,,, تترك تتحمص في الفرن
وبلهناء والعافية

labak · « **رد #55 في:** 12:18 15/01/2011 »

جبتلكم اكله اسمها ***امبكبكة ****هي الاكلة غريبة عنا شوية بس طيبة ,,,,
يحمس اللحم المكعبات ويضاف اليه البصل الجوانح ويستمر بالتقليب بعدها يضاف مكعبات البطاطة والحمص المنقوع والباقلاء المفلسة الخضراء ان وجدت وراس فلفل حار الى يحب الحرارة واخير معجون الطماطة يقلب المزيج ويضاف المي ويترك يغلي لحين يستوي اللحم بعدها تضاف المعكرونة او الاسباكتي ,,,, باي نوع مو مشكلة ,,,, عند الاستواء يفرم قليل من الكزبر الناعم وفلفل البارد,,,, للي ايحب طعم الاثنين او ملازم ,,,, ويضيفهما للطبخة ويقلب جيدا الطبق وهو في القدر ويسكب وبعدها ويقدم ساخن
تحياتي

الصوت الصارخ · « **رد #56 في:** 10:33 19/01/2011 »

الدنيا ظهر وصار وقت الغدا

وام البيت حايرة ومتعرف شسوي غدا

بس هاي الأكلة اللي اسمها امكبكبة غريبة علينا شوية وما متعودين عليها

راح اسوينا اللي الله يقسمنا ايا

شكرا جزيلا على جهودك بتقديم ما لذ وطاب من الأكلات

السلام والنعمة والبركة معك

labak · « **رد #57 في:** 16:43 19/01/2011 »

اي حبي ,,,, الصوت الصارخ ,,,, اﻻكلة غريبة علينا شويه بس تذوقيها طيبه
وتأكليها بالهنا انشاء الله

njmat_alba7r · « **رد #58 في:** 17:12 19/01/2011 »

اقترح لست البيت ان تسوي مرقة باميا ورز ^_^

alwarda · « **رد #59 في:** 00:06 23/01/2011 »

اقتراحي لباجر

دولمة

labak · « **رد #60 في:** 16:07 23/01/2011 »

زر بالبقلاء والشبنت مع الدجاج

alwarda · « **رد #61 في:** 11:17 28/01/2011 »

اقتراحي لليوم

مرقة راس عصفور وبطاطا وبازيلاء + رز

ميمي2010 · « **رد #62 في:** 10:04 15/08/2011 »

الف شكر الموضوع كلش حلو خصوصا احنة هسة برمضان والواحد يحير شيطبخ بس هسة صارت عندي افكار هواية

Edy Simon · « **رد #63 في:** 01:52 19/02/2012 »

اني راح اطبخ جلفراي على تمن بالزعفران

تحياتي للجميع
جوسي البغدادي المانيا

فوائد · « **رد #64 في:** 00:22 21/05/2017 »

فكرة رائعة والكل راح يستفاد منها

الأخبار:

المحرر موضوع: يا ترى شراح نطبخ اليوم؟؟؟؟؟؟؟؟ (زيارة 56449 مرات)