$$$$(((( فحص السل ماله وما عليه ملاحظات مهمة ))))$$$$

[ســـرى]

موضوعنا اليوم يتكلم عن فحص السل  وهو فحص الجلد الاولي الخاص بالكشف عن مرض السل ويكون تطبيقه كالتالي:

اكو مادة تزرق تحت الجلد في اليد اليسرى ويكولون للمريض ان ينتظر لمدة 48 ساعة ثم العودة الى مكتب الرعاية الصحية للتحقق من النتيجة....

يعتبر الاختبار ايجابي لمن تتكون دائرة محمرة وتكون عالية نسبيا عن مستوى الجلد ويكون قطر الدائرة اكثر من 10 ملمتر (طبعا للقادمين من بلدان معروفة بوجود المرض تعتبر 5 ملمترات كافية للقول بأنه الاختبار كان ايجابي)

لهنا ما انتهت القصة يعني وجود اختبار ايجابي لا يعني انك مريض بالسل وانما يعني انك تعرضت الى احد المصابين بمرض السل والتقطت الجرثومة وجسمك كون مضادات تجاهها في مرحلة ما بحياتك ولذلك ظهرت بعد زرق الابرة تحت الجلد بعد ظهور النتيجة اكو خيارين:

اولا: اذا النتيجة سلبية (وهاي نادرة للاجئين والمهاجرين) ماكو اي اشكال....

ثانيا: اذا النتيجة ايجابية تكتب النتيجة من قبل الممرضة المسؤولة ويحول الشخص الى قسم الاشعة لاخذ اشعة الصدر للتأكد من خلو الشخص من لااصابة بمرض السل

بعد اخذكم للاشعة راح يعطوكم ورقة بيها موعد لغرض استلام النتيجة او الاستعلام عنها بنفسكم وعادة تكون اسبوعين

اذا طلعت نتيجة الاشعة سلبية راح يعطى الشخص مادة علاجية تعرف اختصارا ب INH  وهاي عادة 200 ملغم للاطفال وحسب الوزن وللكبار تكون 400 ملغم وايضا حسب الوزن تؤخذ كل يوم من قبل الشخص وتستمر لمدة 9 اشهر طبعا كل شهر يذهب اللاجئ او المهاجر الى مكتب الرعاية الصحية لاخذ الدواء اللازم يعني يزودوه يحصة شهر.

الاطفال عادة ما يعانون من اية مشاكل مع هذا العلاج لذلك ما تبين عليهم اي اعراض جانبية

اما الكبار فتختلف من شخص الى اخر وفي حال وجود اعراض جانبية يتم اللجوء للطبيب المختص

العلاج هذا ما يعني انكم مصابين بالسل وانما هو لحمايتكم في المستقبل لا سمح الله اذا انصاب الانسان بمرض يقلل من مناعته (مثلا سرطان ....الخ) اذا ما كان ماخذ هذا العلاج راح يظهر المرض بشكل مرض السل ويؤدي الى القضاء على حياة الانسان بالاضافة الى مرض السرطان او غيره من الامراض اللي تقلل المناعة لذلك تناول هذا العلاج مهم جدا للحفاظ على صحتكم....


حببت ان اضيف ان فحص الجلد اذا طلع ايجابي بعد ما يعاد الفحص مدى الحياة لانه راح يبقى ايجابي لانه الجسم لا يتخلص من الاجسام المضادة لذلك راح تبقى تسوي تفاعل كلما خضعتوا للاختبار لذلك هذا الاختبار عندما يكون موجب بعد ما ينعاد...........

تمنياتي بالسلامة والصحة للجميع...

ملاحظة: الموضوع منشور في منتدى اخر من قبلي ايضا تقبلوا تحياتي

[hamada2]

عاشت ايدك اخت سرى على الموضوع المهم جدا جدا جدا لكي يطلع عليه الجميع للفائدة العامة

ونشالله اي شخص باميركا لديه تجربة في هذا الموضوع المهم ان يضيفها هنا للفائدة العامة


ونشالله لي عودة للموضوع كتجربة شخصية لي انا

مع التحيات

[ســـرى]

شكرا اخي حمادة على مرورك الطيب ويسعدنا مشاركتك النا بتجربتك واي تجربة للاخوة واي سؤال ان شاء الله حاضرة....

[ابو الحسن]

مبدعة عمي سرى
الله يفتجها بوجهج ويكفيج شر بني ادم
صحةوعافية للجميع بحق محمد وال بيت محمد
ابو الحسن

[ســـرى]

مبدعة عمي سرى
الله يفتجها بوجهج ويكفيج شر بني ادم
صحةوعافية للجميع بحق محمد وال بيت محمد
ابو الحسن

عمي الغالي اسعدني مرورك وان شاء الله الصحة والعافية الك وماتغيب عنا تحياتي لك.....

[ســـرى]

هذا نص الرسالة اللي تصل للاشخاص لابلاغهم بنتيجة الاشعة :

لقد تمت مراجعة صور اشعة اكس الخاصة بصدرك، وتقارير تقييم الخطر، وسجلك الصحي، ولاتظهر صور اشعة اكس الخاصة بصدرك اي دليل على وجود مرض سل ناقل للعدوى،غير أنه، بسبب اختبار التوبركولين الايجابي لبشرتك، فإن العلاج الوقائي ينصح به بقوة...

سوف يحميك العلاج الوقائي من تطور مرض السل..وأحذ العلاج ليس شرطا للعمل او الذهاب الى المدرسة، ومثلما هو الحال مع اي مرض اخر، فإنه إجراء صحي من المفيد ان تكون واعيا من خلاله لعلامات مرض السل او اعراضه (السعال والحمى ونقص الوزن)، فإذا اصبت بأي من هذه الاعراض لفترة تزيد عن 3 اسابيع، او ساورك القلق من احتمال ان تكون قد تعرضت لاحد المصابين بمرض السل، فاتصل بمديرية الصحة المحلية التابع لها او راجع طبيبك الخاص...

إن كنت مهتما بأخذ علاج وقائي، فيرجى مراجعة اقرب مديرية صحة اليك خلال شهر واحد بعد تسلمك هذه الرسالة من اجل تحديد موعد للبدء في علاجك..

[شدة ورد]

مرحبة

حبيبتي الدكتورة سرى الوردة ---- عاشت ايديج على هاي المعلومات المفيدة ---

بس حبيت اضيف شيئ من تجربتنه مع لقاح السل طبعا احنه اخذناه اول ماوصلنة الى امريكا بالسلامة ---وكان كلشي تمام --- بس ظهرت الحلقة الورديه لدى ابني الصغير  وربما لخبرة ممرضة الهجرة واللاجئين لم تعره اي اهميه واعتبرته شيئ طبيعي --- لكن بعد سنة وفي خلال زيارة الاولاد للطبيب لاخذ لقاح الانفلونزا (وهذا قصتة طويلة!!!!!!!!!!!) اخبرونا ان لازم ياخذون الاولاد لقاح السل مرة ثانية لان مرت سنة على اللقاح الاول ---- وكلنة اوكي ومشت الامور تمام بس ابني الصغير ظهرة عندة الدائرة الوردية فاتح---  فكالو لازم نتأكد واخذولة اشعة وطلعة الاشعة انه خالي من المرض ---ولكن طلبو منا ان لاياخذ هذا اللقاح مرة ثانية ابدا  لانه به نوع من الحساسية لمثل هذا اللقاح ---وقالو لنا اذا اي واحد طلب من ابنكم ان ياخذ هذا اللقاح مرة ثانيه للكشف عن المرض ارفضو ودعيهم يحولوه الى الاشعة مباشرة ولكن لاياخذ اللقاح ابدا ووضعو ذالك في ورقة اللقاحات الصفراء الخاصه به 
---
واحب اضيف بعد معلومه ---انه العوائل الي طلع عدهه هذا المرض كانو كل مرة يذهبون لاخذ العلاج يعطوهم كارت تسوق من (تاركد ) لتشجيعهم على القدوم مرة ثانية لاخذ العلاج   وعدم اهمال نفسهم -----

ومشكورة يااحلى دكتورة ----

ودايمين

شدة ورد

[heart_0f_baghdad]

بس حبيت اسالج بما انه انتي خبره
مو المفروض ينطوة 4 انتي بايوتكس سوة
  Rifampinو EthambutolوPyrazinamide
بالاضافه للي كلتي انتي Isoniazid

[Haidouri]

اختي العزيزة سرى

السلام عليكم

احنا اول ما وصلنا الى امريكا ومثل ماتعرفين اجرولنا هذا الفحص وكانت نتائج عائلتي سلبية وما ظهر اي رد فعل من اجسامهم لكن انا ظهرت في يدي في موقع التيست مثل الارتفاع عن الجلد بلون احمر وبصراحة الممرصة انخبصت واستدعت احد كبار الممرضات الي عندهم بالسنتر وقامت بقياس الارتفاع المحمر الذي في يدي وتبين ان الحجم هو 5 ملم

ولما استفسرت منهم قالو لي مثل كلامك بالضبط ولكنهم قالو انني لا احتاج الى اي علاج او لقاح ولايوجد داعي للقلق وبصراحة الححت عليهم لأجراء المزيد من التحاليل او اذا كانت هنالك حاجة الى لقاح او علاج ومرة ثاني اكدو لي ان لا يوجد داعي للقلق ولا لأي لقاح او علاج

لكن بصراحة كلامك اقلقني شوية


تحياتي

[um amy]

عاشت ايدج  دكتوره سراوي الورده معلومات مهمه ومفيده
وان شاء الله نقوم بعمل الفحص عن قريب لانه ممسوين فحص من اجينه
بارك الله بيج

[ســـرى]

مرحبة

حبيبتي الدكتورة سرى الوردة ---- عاشت ايديج على هاي المعلومات المفيدة ---

بس حبيت اضيف شيئ من تجربتنه مع لقاح السل طبعا احنه اخذناه اول ماوصلنة الى امريكا بالسلامة ---وكان كلشي تمام --- بس ظهرت الحلقة الورديه لدى ابني الصغير  وربما لخبرة ممرضة الهجرة واللاجئين لم تعره اي اهميه واعتبرته شيئ طبيعي --- لكن بعد سنة وفي خلال زيارة الاولاد للطبيب لاخذ لقاح الانفلونزا (وهذا قصتة طويلة!!!!!!!!!!!) اخبرونا ان لازم ياخذون الاولاد لقاح السل مرة ثانية لان مرت سنة على اللقاح الاول ---- وكلنة اوكي ومشت الامور تمام بس ابني الصغير ظهرة عندة الدائرة الوردية فاتح---  فكالو لازم نتأكد واخذولة اشعة وطلعة الاشعة انه خالي من المرض ---ولكن طلبو منا ان لاياخذ هذا اللقاح مرة ثانية ابدا  لانه به نوع من الحساسية لمثل هذا اللقاح ---وقالو لنا اذا اي واحد طلب من ابنكم ان ياخذ هذا اللقاح مرة ثانيه للكشف عن المرض ارفضو ودعيهم يحولوه الى الاشعة مباشرة ولكن لاياخذ اللقاح ابدا ووضعو ذالك في ورقة اللقاحات الصفراء الخاصه به 
---
واحب اضيف بعد معلومه ---انه العوائل الي طلع عدهه هذا المرض كانو كل مرة يذهبون لاخذ العلاج يعطوهم كارت تسوق من (تاركد ) لتشجيعهم على القدوم مرة ثانية لاخذ العلاج   وعدم اهمال نفسهم -----

ومشكورة يااحلى دكتورة ----

ودايمين

شدة ورد

حبيبتي شدة ورد اشكر مشاركتك النا ياوردة بالموضوع وفائدة الاخوة الاعزاء وأؤكد انه الفحص بالجلد لا يعاد مرة ثانية متى ما كان موجبا ..........

تحياتي

[ســـرى]

بس حبيت اسالج بما انه انتي خبره
مو المفروض ينطوة 4 انتي بايوتكس سوة
  Rifampinو EthambutolوPyrazinamide
بالاضافه للي كلتي انتي Isoniazid

اخي د.قلب كلامك مضبوط وصحيح لمن يكون active TB يعني توضيح للاخوة انه يكون الشخص مريض بالسل فعلا

اما الINH فيستعمل في حالتنا هذه لمن يكون اختبار الجلد موجب وفحص الاشعة ما بيه شي لغرض وقاية الشخص نفسه من احتمال قلة المناعة في مرحلة ما من الحياة وظهور السل في جسمه بسبب هذا النقص في المناعة..

تحياتي وشكرا جزيلا عالمناقشة المفيدة.........

[ســـرى]

اختي العزيزة سرى

السلام عليكم

احنا اول ما وصلنا الى امريكا ومثل ماتعرفين اجرولنا هذا الفحص وكانت نتائج عائلتي سلبية وما ظهر اي رد فعل من اجسامهم لكن انا ظهرت في يدي في موقع التيست مثل الارتفاع عن الجلد بلون احمر وبصراحة الممرصة انخبصت واستدعت احد كبار الممرضات الي عندهم بالسنتر وقامت بقياس الارتفاع المحمر الذي في يدي وتبين ان الحجم هو 5 ملم

ولما استفسرت منهم قالو لي مثل كلامك بالضبط ولكنهم قالو انني لا احتاج الى اي علاج او لقاح ولايوجد داعي للقلق وبصراحة الححت عليهم لأجراء المزيد من التحاليل او اذا كانت هنالك حاجة الى لقاح او علاج ومرة ثاني اكدو لي ان لا يوجد داعي للقلق ولا لأي لقاح او علاج

لكن بصراحة كلامك اقلقني شوية


تحياتي

اخي العزيز حيدوري اشكر مشاركتك القيمة واللي راح تلقي الضوء على مسألة مهمة الا وهي المهم هو المحيط الخاص بالحمرار اللي يظهر وانت تكول طلع 5 ملم فقط وهذا يعني نتيجتك سالبة وليست موجبة لذا لا داعي للقلق اني لمن ذكرت شغلة ال5 ملم نسيت انوه انه البعض يعتبرها موجبة بسبب البلد اللي قدم منه المهاجر لكن هم معتبريها سالبة وهذا ايضا صحيح

النتيجة الموجبة لفحص الجلد هي ان تظهر الدائرة الحمراء وان يكون القطر 10 ملم او اكثر.........

يعني خلي في بطنك بطيخة صيفي ولا تقلق ابدا وكلام الممرضة صحيح مية%....تحياتي

[ســـرى]

عاشت ايدج  دكتوره سراوي الورده معلومات مهمه ومفيده
وان شاء الله نقوم بعمل الفحص عن قريب لانه ممسوين فحص من اجينه
بارك الله بيج

حبي ام ايمي تسلمين على مرورك الرائع حبيبتي احب اؤكد انه لازم يكون مضى عليكم سنة او اقل في امريكا وليس اكثر حتى تتكفل الرعاية الصحية بمسألة اجراء الاختبار او اعطاءكم العلاج وللمزيد من التأكد ارجو منك الاتصال بيهم واخذ موعد للتقييم........

[heart_0f_baghdad]

بس حبيت اسالج بما انه انتي خبره
مو المفروض ينطوة 4 انتي بايوتكس سوة
  Rifampinو EthambutolوPyrazinamide
بالاضافه للي كلتي انتي Isoniazid

اخي د.قلب كلامك مضبوط وصحيح لمن يكون active TB يعني توضيح للاخوة انه يكون الشخص مريض بالسل فعلا

اما الINH فيستعمل في حالتنا هذه لمن يكون اختبار الجلد موجب وفحص الاشعة ما بيه شي لغرض وقاية الشخص نفسه من احتمال قلة المناعة في مرحلة ما من الحياة وظهور السل في جسمه بسبب هذا النقص في المناعة..

تحياتي وشكرا جزيلا عالمناقشة المفيدة.........

صحيح هم مو اكتف بس بحاله الاكتف يسوون هيج 
شكرا على الاجابه مو كلت انتي خبره دكتورة سرى

[ســـرى]

هههههههههههههههههههههه

اني شنو عيني انت يمك الصيدلية كلها خخخخخخخخخخخخخخخخخخخخخخخخ

[ســـرى]

يعني والله غربية عجيبة

يعني شنو ماتتحمل تشوف مواضيعنة تبقة ولو كم يوم يطلع عليها الاعضاء


استغفرك ربي على الحقد الدفين واللوءم والخباثة

ماخلت موضوع ماشتتة ومانقلتة وضاعت كل المواضيع على هواها

ادري هسة شوكت تفك ياخة من عدنة .

استغفرك ربي .


حقد دفين وخبث اعوذ منة ربي

سموم خبيثة .

اخي العزيز حمادة اقدر ضوجتك من هذا الشي لكن نبقى احنا ابناء وبنات عنكاوا ونبقى مرفوعين الراس ومهما صار نبقى هنا يعني وين نروح قابل بيتنا سواء الاول او الثاني

تحياتي الك اخي العزيز

[ســـرى]

تعليمات مهمة للاخوة والاخوات اللي يجب عليهم اخذ علاج الINH :

1) خذ الجرعة المحددة لك يوميا مرة واحدة وفي وقت محدد مثلا:اذا اخذت الحبوب اليوم الساعة ال10 ليلا فعليك ايضا اخذها غدا في نفس الوقت وهكذا لحين اكتمال دورة العلاج.....

2) اذا نسيت اخذ علاجك اليوم لا تحاول او تعوض ذلك غدا وذلك بمضاعفة جرعة العلاج في اليوم التالي فهذا خطــــــــــأ بل حاول عدم نسيان اخذ الدواء يوميا

3) بعض الاعراض الجانبية تتضمن التالي ولايشترط حدوثها عند جميع الاشخاص وبنفس الدرجة:

أ. قلة او فقدان الشهية للطعام.

ب. الشعور بالتعب وعلى غير العادة.

ج. اضطراب المعدة او الهضم.

د. تغير لون الادرار الى لون القهوة تقريبا.

هـ. قد يتغير لون الجلد الى لون اصفر (نادرة الحدوث ولكن قد تحصل).

و. ارتفاع درجة حرارة الجسم.

ز. طفح جلدي

عند حدوث هذه الاعراض وخصوصا الاخيرة يجب التوقف عن استخدام الINH والتوجه الى طبيبك.

4) تذكر دائما ان تخبر طبيبك عند اية زيارة انك تخضع لعلاج الINH.


لمزيد من الاستعلام عن كل ما يخص الاختبار او العلاج يمكن الاتصال او الذهاب الى اقرب مكتب للرعاية الصحية.

[pinky]

السلام عليكم
طبعا احنا قبل يومين رحنا اول مره لسحب الدم واللقاحات وكلولنا نرجع الجمعه يعني اليوم
رحنا اليوم صاحوني بس اني
ودااسمع اللمرضه تكول بس هي طلعت بوزتف باقي عائلتها نكتف
اني فضولي كتلني اريد اعرف اني لشنو طلعت بوستف
طبعا احنا مسويلنا بس تحليل دم وادرار ممسويلنا هذا التيست مال جلد
فـ سألتني ماخذه علاج مال TD كلتلها شنو هذا المرض كلتلي متعرفي كلتلها لا ضحكت
رجعت كلتلي احد من اهلج بالعراق او جيرانكم اصدقائكم بي TD كلتلها ماادري
سألتني ترتفع حرارتي عندي تعرق ليلي او اكح كلتلها لا
اخذتني سوتلي اشعه
واخذت الاشعه مال بغداد هم وكلولنا خلص تكدرون تروحون واحنا نتصل بيكم
باقي اهلي كلشي مسوولهم
شنو معنى هذا الشي اشو خفت اني لان عرفت TD يعني سل

[ســـرى]

السلام عليكم
طبعا احنا قبل يومين رحنا اول مره لسحب الدم واللقاحات وكلولنا نرجع الجمعه يعني اليوم
رحنا اليوم صاحوني بس اني
ودااسمع اللمرضه تكول بس هي طلعت بوزتف باقي عائلتها نكتف
اني فضولي كتلني اريد اعرف اني لشنو طلعت بوستف
طبعا احنا مسويلنا بس تحليل دم وادرار ممسويلنا هذا التيست مال جلد
فـ سألتني ماخذه علاج مال TD كلتلها شنو هذا المرض كلتلي متعرفي كلتلها لا ضحكت
رجعت كلتلي احد من اهلج بالعراق او جيرانكم اصدقائكم بي TD كلتلها ماادري
سألتني ترتفع حرارتي عندي تعرق ليلي او اكح كلتلها لا
اخذتني سوتلي اشعه
واخذت الاشعه مال بغداد هم وكلولنا خلص تكدرون تروحون واحنا نتصل بيكم
باقي اهلي كلشي مسوولهم
شنو معنى هذا الشي اشو خفت اني لان عرفت TD يعني سل

عزيزتي بنكي السل هو TB مو TD لا تخافين ما دام ماعندج اي اعراض هسه ورة ما اخذتي الاشعة تنتظرين اتصالهم وان شاء الله يطلع ما بيها شي وراح يوصفولج دواء اللي ذكرته اعلاه وتاخذيه كم شهر تحمليها بس هذا علمودج مو معناها انتي مصابة،  الا اذا طلع شي بالاشعة و هذا مستبعد هم يوصفولج كورس علاج ولاتقلقين عزيزتي وبلغيني بالنتيجة ماشي؟

[pinky]

شكرا اخت سرى وبارك الله بيج ريحتيني.
عادي على العلاج بس يعني مابي اثار جانبيه؟؟
ان شاء الله بس اعرف شنو النتيجه ابلغج

[ســـرى]

شلون الامور
جنت دا أقرأ بالموضوع
يمعود سرى أنقذينا بأجاباتج المنيره
اني بعدني بالعراق و عندي موعد الفحص الطبي للمقابله ب الشهر الثالث
و للعلم اني جنت مصاب بالسل عمري 15 سنهو دخلت مصح بوكتها وصرت زين و صح جانت الاعراض التعرق الليلي و الحراره و النحول و فقدان الشهيه و ره المصح ب شهر رجعت لووز
وهذا بنسه 1998 و من يومها كلشي اوكي
بس هسه 2011 شسوي اذا سألوني أكلهم ؟؟ جان بيه سل
لو هل هذا يأثر على سفري او هل من أجراءات ؟؟؟

ما يأثر على سفرك نهائيــــــــــــــــــــــا ومن يسألوك على تاريخك الطبي تكوللهم شنو اللي صار واخذت علاج لو لا وهاي هي

وبالمناسبة جان اكو منع على مرض الايدز اعاذكم الله وهسه شالوه وخلوا اجراءات احترازية فقط فلا تقلق وبلغهم حالتك بتفاصيلها