0 الأعضاء و 1 ضيف يشاهدون هذا الموضوع.
عاشت ايدك على جمع المواضيع في صفحة واحدة حتى اللي يريدها يرجع الها في اي وقتواحنا ان شاء الله اخوتك واخوة الجميع وماراح انقصر ان شاء الله ويا اي واحد باذن الله
أخي المهاجـــــــــــــــــر التائـــــــــــــــــــه...شكــــــــــــــــــــــــــــرا لهذا المجهود الرائع ...وأن شاء الله مانبخل على أحد بس أعذرنا أنته والاخوان جميعا لااننا نعاني من الاحباط الشديد بسبب تأخر موعد السفر اللي دمر نفسيتنا...ومع ذلك الله ييسر على الجميع ...ابــــــــــــــــــــــو عمـــــــــــــــــــر....قاهر الفرس المجوس
مجهود رائع وتشكــر عليه ، وفرت عناء البحث كثيرا لكل محتاج .بارك الله فيك اخي المهاجر وان شاء الله تسافر عن قريب وتستقر .ام الهنا
اخواني حبيت انه اجمع كل المعلومات التي تخص اللجوء في تركيا وكل المواضيع السابقه لانه لاحظت انه اختفت وحتى الاخوان الجدد يستفادون منه طبعا الروابط هي للاخوه اصحاب المواضيع واني من بعد اذنهم راح اجمعه وطبعا راح تضل محفوظه باسمائهمالمواضيع 1- 60 فقرة الى الراغبين بالقدوم الى تركيا /بقلم ابو عمر / معدلة حديثاhttp://www.ankawa.com/forum/index.php/topic,520966.msg5381623.html#msg53816232-كيف تسجل اولادك في المدارس التركيه بقلم ابو عمرhttp://www.ankawa.com/forum/index.php/topic,538670.msg5378942.html#msg53789423-وضعية التقديم حاليا في تركيا بقلم النورس جوناثانhttp://www.ankawa.com/forum/index.php/topic,536651.0.html4- كروب السفر الى تركيا بقلم storm2000http://www.ankawa.com/forum/index.php/topic,528091.0.html5-عنوان الويب iom في تركيا لمعرفه تاريخ سفرك الى اميركا او كندا او استراليا http://www.turkey.iom.int/6-عنوان الويب للun في تركيا ومن خلاله اللاجئ يكدر يجيك وضعية ملفهhttp://results.unhcr.org.tr/7- عنوان ال UN وفنــــــــدق بأنقرة شوية اجور بيها مروة للاخوة القادمين الجدد/بقلم ابو عمرhttp://www.ankawa.com/forum/index.php/topic,506403.msg5184426.html#msg51844268-الفحوصات الطبية بالتفصيل الممل بقلم ابو عمرhttp://www.ankawa.com/forum/index.php/topic,503988.msg5183159.html#msg5183159وان شاء الله اخواني اي استفسار تحتاجوا اخواني(ابو عمر والنورس جوناثان ونوار تيتو) الي موجودين في تركيا مراح يقصرون بي وطبعا اني وياهم واتمنى الموفقيه للجميع
الاخ العزيز صاحب الموضوع شكرا جزيلا وعندي كم استفسار اذا ممكن الاجابة عنها منك او من اي عضو عنده خبرة 1) كيفية الوصول الى تركيا من ناحية التكلفة ومن ناحية الفيزا؟؟2) في اي منظقة من ناحية الرخص اكدر احصل على مكان للسكن ؟؟3) هل استطيع ايجاد عمل ؟؟3) هل علية التقديم على اليو ان مع العلم اني في مرحلة انتظار الفيزا على برنامج الاس اي في ؟؟4) ما هي الاوراق المطلوبة ؟؟5 ) اسعار ايجارات الشقق مع العلم اني سنكل فيز يعني وحدي راح اطلع ؟؟شكرا جزيلااخوك جورج
اخي العزيز المهاجر التائهاني اشكرك جدا على المعلومات القيمة وسرعه اجابتك وبارك الله بيك ولو ادوخك شوية بعد بس ممكن سؤال اخر يخص العمل . وردني من احد الاصدقاء الي هو حاليا موجود في تركيا بأن العمل ممنوع منعا باتا على اللاجئ في تركيا وفي حال تم القاء القبض على اللاجئ وهو يعمل فسيكون مطالب بدفع غرامة وقدرها 160 ليرة اكثر او اقل ما اتذكر بالضبط ف اذا جنابك عندك معلومة ممكن تفيدنا بيها اكون شاكر وممنون منك واسف على الاطالةاخوك جورج [/size][/color]
السلام عليكم ............ عاشت ايدك وبارك الله بيك معلومات كلش حلوة ومفيدة وأعتقد كفيت وفيت بهذا الشرح مالك والروابط الي مخليه الله يسهل امرك ويحقق امنياتك أخوك كوكي كاكاو
شكرا الاخ المهاجر التائه لو سمحت ممكن ان توضحلي فقرة الحالات الفرديه من حيث الشروط المطلوبه من قبلهم للجوء الى اوربا ؟؟؟؟
اخي العزيز صحيح انه انفتح اللجوء الى المانيا و اعطوا شخص اعرفه استيطان المانيا و اعرف شخصين انطوهم فلندا و بالتوفيق للجميع
السلام عليــــــــــــــــــكم من بعد اذن الاخ صاحب الموضوع حبيت اضيف بعض الفقرات المهمة التي تفيد الاخوة المسافرون الجدد و الذين يودون التقديم الى اليو ان في انقرة- تركيا......قد تفضل بعض الاخوة على كيفية الحصول على الفيزا و هي تكون متنوعه اي على الاغلب لا داعي للحجز الفندقي او توديع المبالغ بقيمة الــ2000دولار ..... وانما مجرد تسليم الجوازات في السفارة في ايام الدوام يومي الاثنين و الخميس فمثلا يوم الاثنين يكون الاستلام الاربعاء او اذا الخميس يكون الاستلام يوم الاحد ....و انا فيزت بدون اي اجور !!!!!!!اما في ما يخص السفر و الطريقة التي سافرت بها قد سهلت عليا كثيرا من الامور وهي اني سافرت الى تركيا عن طريق سوريا و السفر كان برا ....سافرت من العراق في تمام الساعه الثامنة مساءا و اتجهت الى سوريا حيث في الحدود السوريه حصلت على الفيزا بقيمة 50 دولار و وصلت الى دمشق في تمام الساعه الرابعه صباحا ..... و ذهبت الى (البول مان) بدمشق و هو اشبه بكراج السفر.. و قطعت تذكرتين الى انقره بقيمة 80دولار من شركة اوزهان.... و ا نطلق الباص في تمام الساعه التاسعه و النصف مساءا و وصلت الى انطاكيا في تمام الساعه الرابعه صباحا (هنا كان الوضع شويه سيء و السبب لان انتظرنا الباص المتجه الى انقره و الي يطلع ساعه 11 الصبح يعني تعبنا بالانتظار بالكراج و على فكرة يعني هي نفس الشركة الي اجيت بيها من سوريا بلا اجور اخرى) المهم اجه الباص المتوجه الى انقره صعدنا بي و انطلقنا الساعه 11 الصبح و احسب عشر ساعات الطريق من انطاكيا الى انقره و 16 ساعه من انطاكيا الى اسطنبول...وصلت انقره الي كنت اريد اروح الها الساعه التاسعه مساءا (طبعا مجنت تعبان من الطريق و لا من اي شي اخر بس جنت محمل وياي غراض من العراق تقريبا حمل لوري و جنت من صدك ماكل هم هاي الغراض شلون و وين راح اوديها ) بس الحمدلله و الشكر فضت على خير و السبب انو اكو بالكراج بأنقره (امانات) هاي خليت بيها غراضي و اخذو عليها اجور بسيطه و نقلت الغراض للامانات عن طريق عربات دفع توجد بالكراج بس تخلي الجواز يم الشخص الواقف عند هاي عربات الدفع و من تكمل ترجع تاخذ جوازك و بعد ما كملت من كل اموري رجعت اخذت الغراض و انتهى الموضوع .. طبعا اني من الكراج اخذت تكسي و شوفته العنوان كنت كاتبه بورقه رحت كبل على الفندق الي كان عنوانه مكتوب بالفقرات الي كتابيها الاخوه جزاهم الله خيرا و عن جد كان فندق مناسب .. وثاني يوم من الصبح طلعت همات تكسي و شوفته العنوان (بيرلشمش ميلتلر) و لكيت ناس واكفين سرا وكفت وياهم و وصلت الشباك لكيت موظفه سئلتني وين تردون تسكنون كتلها انطاكيا .......لان بصراحه اول ما نزلت بيها عجبتني كلش و السبب انها محافظه بسيطة جدا و اسعارها مناسبه و رخيصه جدا و ناسها خيرين جدا اضافه و الاهم جدا ان اغلب سكان المحافظة يتكلمون اللغه العربية ..... نطتني هاي الموظفه ورقه صغيره بيها رقم و كالتلي انتظرو ساعتين ... انتظرنا ساعتين و صاحو على رقمنا رجعنا على الشباك مع العلم اكو ناس نطوهم عدة محافظات و كالو اختارو منها وحده ... اني همات كالولي هالشكل بس شفت انو بالورقه الي شايلها الموظف مكتوب بيها اسمي و هي كانت ورقتين وحده بيها موعد مالت المقابلهو الثانية خاصه بالامنيات و مكتوب بيها هتايا و الي هي نفسها انطاكيا كلت للموظف الي كان يصيح بالارقام و الاسماء كتله مكتوب بالورقه مالتي هتايا عاد بعدما شافها كال اسف نعم انت في هتايا لازم تروح للامنيات بهتايا و تنطيهم هاي الاوراق و كان بورقة المقابله و موعدها بالشهر السادس 2012 مع العلم اني سجلت بيوم 23/11/2011 اني انصدمت صراحه بس سمعت من شخص التقيت بي صدفه كلي لاتهتم يتقدم الموعد..... بعد فترة اقل الشهر اتصلو بيا و كالو عندك مقابله بيوم 26/1/2012 و الحمدلله و الشكر قابلت و نطوني موعد مقابله ثانيه بيوم 7/6/2012 .. وضجت من الانتظار هاي الفترة اني كاعد عطال بطال انتظر موعد المقابله الثانيه ..... و ما سمعت شي يتعلق بضريبه او اي شيء اخر ..... ولكن فقط ادفع فواتير الماء و الكهرباء و من الله التوفيق ادعولي الله يسهل امري و امر كل من ينتظر ... امين
السلام عليكم اولا بارك الله بيكم على سعة الصدر ومساعدتكم لبعضكم ثانيا عندي سؤال وياريت تجاوبوني عليه انا من العراقيين المرفوضة طلبات اقامتهم في السويد وعندي عائلة صارلي 4 سنوات ونص قررت العودة بعد نفاذ كل الطرق مع دائرة الهجرة السويدية وبضغط مستمر من قبلهم على التوقيع على العودة ومثل ما تعرفون البقاء في العراق صعب وخاصة بالنسبة الي عندي اسبابي ومهدد سؤالي هو اذا اردت التقديم على اليو ان في تركيا او عمان هل ان اوراق الرفض من السويد تساعد في تسريع القضية او تسهيلها ام انها لا تقدم ولا تاخر ؟ مع العلم ان اوراقي لم تحول على الشرطة وانما اجبرت على التوقيع على العودة بظغط من دائرة الهجرة السويدية .مع جزيل الشكر الكم
