احييكم من امريكا ( التحديث في اخر مشاركة )

[العراااب]

السلام عليكم اخواني ... بفضل من الله وصلت الى امريكا بعد رحلة شاقة و متعبة جدا
اطفالي دمروني والله بس الحمد لله و الشكر فضت
حاليا كلش تعبانين و تغير علينا التوقيت ومدنعرف ننام 
ان شاء الله اكتبلكم التفاصيل قريبا و اي سؤال حاضر الكم

[Om Adam]

الحمدلله على سلامتك
ربنا معكم ويدبر اموركم.

[*Ray]

مبرووك والحمدلله ع سلامه الوصول وبالتوفيق


اختك راي
US

[AbooReem]

الحمد لله  على سلامة الوصول ...نتمنى لك حياة سعيدة في موطنك الجديد.

[العراااب]

اشكركم اخواني و اخواتي و ان شاء الله التوفيق للجميع والله يخليكم لاهلكم و احبائكم
اخوية ابو الحسن اشكرك و ان شاء الله كل الامور تمشي بأذن الله اني بولاية واشنطن 

[ابو الامراء]

الحمد لله على وصولك بالسلامه وان شاء الله التوفيق بحياتك الجديده

[g.l.s]

مبارك لكم
بالخير ان شآء آلله

[akelalgze]

سلامي وتحياتي اخي العراب ولحمد لله وصلك بالسلامه ون شاء الله تتعودون على الوقت ولجو ونا وراك
جاي ان شاء الله يوم 14
ابو قصي

[متفائل جدا]

الحمد لله على سلامتك اخي العراب وتمنياتي لك بالنجاح والتوفيق ........تحياتي

[bernadsho]

الف الف مبروك اخي العراب وان شاء الله تتسهل جميع امورك هناك بعد المعاناة الكبيرة ..وارجو منك بعد ما تتفرغ ان تعطينا تفاصيل ملفك ..تحياتي.

[ahmad975]

الف مبروك.. تستاهل كل خير اخونه العزيز العراب.

[صليل السيوف]

الحمدلله على سلامتك اخوي العراب وربي يوفقك ياطيب

[ameerali]

السلام عليكم اخواني ... بفضل من الله وصلت الى امريكا بعد رحلة شاقة و متعبة جدا
اطفالي دمروني والله بس الحمد لله و الشكر فضت
حاليا كلش تعبانين و تغير علينا التوقيت ومدنعرف ننام 
ان شاء الله اكتبلكم التفاصيل قريبا و اي سؤال حاضر الكم

السلام عليكم ....
الحمد لله على سلامتك أخي العراب و أنشاء الله الكل تسافر عن قريب ..
تحياتي .

[طنةطنة]

الف مبروك وحمد لله على سلامتكم

[العراااب]

اشكركم اصدقائي و ان شاء الله اباركلكم بسفركم
تفاصيل ملفي هي
تقديم عمان 2009
مقابلة محلفين 2011
اضافة طفل 2013
فحص طبي 7مرات
بقيت بالتعليق فترة طويلة جدا بس الملف يتحول فعال ايام و يرجع تعليق
اخير تعليق بقيت بي تقريبا سنة بعدها اكتملت الامنية و خرجت من التعليق بنفس الوقت
بعد انتهاء الامنية ب 3اشهر حددولي موعد سفر و كان باقي شهر و ينتهي فحصي الطبي

[iraqforme]

حمدالله على السلامة اخونا العزيز وبارك الله بيك على تقديم المساعدة للي يستحقها .
دمت بخير

[smart_eng1980]

الف مبروك و الحمد لله على السلامة ....
ياريت بعد ما تستقر تكتبلنا التفصيل اللي مريت بيها تحياتي

[أبو العبد]

مبروك اخوية بس عندي سؤال . راح تبقى عرااب  لو تفره على الانكليززي

[3li2014]

السلام عليكم
مبروك لاخونه العرااب وان شاء الله تتوفق بالرزق والعيش الامن بعون الله , المطلوب منك اخويه ان تركز على مستقبلك الجديد واخذ راحتك معذور مقدماً ان تأخرت علينا في عينكاوا للمسؤوليه الكبير الي بيه انت,, بالتوفيق مره ثانية وان شاء الله الرزق الوفير من العزيز الكريم, تحياتي

[Layal89]

الحمدلله على السلامه و بالتوفيق ان شاءالله

[sunset72]

الف الف مبروك اخي العراااب .. تمنياتي لك و للعائلة الكريمة بالموفقية و النجاح في حياتكم الجديدة .

[العراااب]

اشكركم اخواني و ان شاء الله يوم سفركم
ان شاء الله ما اتأخر عليكم راح اكتبلكم كل التفاصيل و اي سؤال عدكم اني حاضر
سفرتي كانت على خطوط لفثاهانزا الى المانيا و بعدها نزلت بشيكاكو و منها الى واشنطن
الرحلة كانت جدا متعبة و الي عنده اطفال لازم يبرد اعصابة لان اني شوية و انجلط من وراهم الكراسي بالطيارة مو مريحة ضيقة نوعا ما و الاطفالما ناموا ابد بس بلاخير ناموا بحضنا و من يكعدون تشتغل رحمة الله اني عندي ثنين سنتين و 8سنوات ثنينهم لعبوا بينا طوبة ما فاد لا نساتل و لا عصير و لا جبس و التلفونات خلص شحنها ماكو شي يلعبون بي و الطريق كلش طويل فنصيحة طولوا بالكم على الاطفال و توقعوا كلشي منهم حتى لتصيرون اعصاب بالسفر
نزلنا بالمانيا مطار مزدحم جدا اخذنا موظف المنظمة ودانا للتفتيش و التفتيش دقيق بعدها ودانا يم عوائل جايين عن طريق iom من افغانستان و من الصومال
جمعنا بمكان واحد بعدين دلانه عالبوابة و عافنا حتى يوصل الجماعة الباقيين لان هذولة خطية الظاهر كلشي ميعرفون و نايمين عالكاع
وصلنا للبوابة تول منفتح البوردنك اجانا فوتنا و طرنا لشيكاكو نفس المعاناة بالطيارة 9ساعات و نص بشيكاكو استلمتنا موظفة iom و سوينا اجراءات الدخول بصمات و صور و فتنا مطار شيكاكو كلش تعبان الى ابعد الحدود حتى انترنيت ما بي مو مثل مطار المانيا
و راها استلمنا الجنط و كعدونا بمكان هم بي لاجئين من الصومال و انطونا كل نفر كيس بي تفاحة و موزه و جبس و بسكت و كعدنا ننتظر مخلونا نتحرك بالموت رحنا للحمام
وراها اخذونا بمترو و شفنا المدينة كلش حلوه
و دونا لمطار ثاني كلش حلو و هنا هم ماكو انترنت
و فتوشنا تفتيش كافر و مشينا كومة الى ان وصلنا للبوابة بعدها صعدنا للطيارة المتوجه الى واشنطن تقريا خمس ساعات و ربع ماكو اي وجبات بس مره وحده ينطون عصير او اي مشروب بكيفكم عكس الطيران الالماني ولو اكلهم مطيب بس هواية يقدمون وجبات تعرفون العراقيين بس من ياكلون يسكتون من ماكو اكل الكل تنق ههه
وصلنا لواشنطن و هناك استقبلني كفيلي و موظفة المنظمة
انطتني ظرف بي 164دولار احنا اربع نفرات حتى امشي نفسي بي بين ميطلعلي فود ستام و اتي حاليا ببيت كفيلي لان المنظمة مأجرولي ماكو شقق حاليا و رادوا ياجلون سفري بس كفيلي مقبل استقبلني عنده بين ما ادور شقة
كفيلي ابن عمتي الله يرضة علية ساعدني والله
و هسة عندي باجر مقابلات مال مساعدات و هيج شي
و من يصير شي جديد اكتبلكم

[bernadsho]

عزيزي كل شيء يهون بس اهم شيء خلصت من الانتظار الطويل وان شاء الله تتسهل الامور مع معرفتك بطبيعة المجتمع وما لك وما عليك ..بالموفقية.

[Sound of Soul]

الف مبروك اخونا العراب
بالتوفيق ان شاء الله ويوما لكل مشتركي قسم الهجرة واللجوء
تحياتي .

[Gamma]

اخونا العراب فرحتلك اهواية
اكثر من فرحه نزلتك من التعلق بالصورة هههه
اتمنى الك وللجيع السلامة والموفقية يا رب
تحياتي
Gamma

[اجونة]

الحمدلله ع سلامة الوصول انت والعائله والله يعينك ع الجاي مبروك وندعولكم بالموفقيه .
اختك اجونه...من اميركا

[العراااب]

شكرا اخواني و خواتي الله يخليكم و يحقق امانيكم
و كل عام و انتوا بالف خير ان شاء الله 2016 تكون خير للجميع

[زورائي بيانكونيري]

مرحبا بيك بوطنك الجديد اخي ..  بس اتمنى ما تفكر ترجع اطقالك امانه تره تعلمهم احسنةتعليم هنا بدل تعليم الشرق الاوسط المتخلف .. ربي يحرسكم و يرعاكم