المحرر موضوع: هم .. شـــفـتـوا  (زيارة 154 مرات)

0 الأعضاء و 1 ضيف يشاهدون هذا الموضوع.

غير متصل ميسون نعيم الرومي

  • عضو فعال جدا
  • ***
  • مشاركة: 654
    • مشاهدة الملف الشخصي
    • البريد الالكتروني
هم .. شـــفـتـوا
« في: 12:12 27/06/2020 »



هم .. شـــفـتـوا


ميسون نعيم الرومي
 
هم شفتوا طبيب ابمعركه
اوسيفه مكسور؟
اوهم شفتوا حكومه..
افلوس الدوه اتبوگ؟
واحزاب السياسه اتصيح..
يا فرهود
والگادر الصحي..ابلا حمايه
او للموت منذور؟
اوهم شفتوا مريض..
يتقاسم بالهوه جاره..
او هوَّه مخنوگ؟
وقنينة اوكسجين ايتيمه
بينات المگاريد..تتمشه ..
 واتدور
اوهم بعد شفتوا فد يوم .. مشفى
ابردهاته تفتر بزازين ؟
واتواليت طافح..اوبابه..
ابخرگه مستور!
او بعد .. هم شفتوا ..
مشفى لا كهربه اولا ماي
والرايح يكون اسهل من الجاي؟
او على الشمعه يشتغل جراح..
والبطن جدامه مفتوح؟
والأمل لساع ما لاح
نرجع ليوره .. والزمن بينه
ايدور
او بعد او بعد .. هم شفتوا
أطفال امسرطنه ..
تتدغمث اعله الگاع..
تترجه رحمه
واطفال امن الزبل ..
تنتظر لحمه؟
وافلوس الشعب ..
مبيوگه بسم الدين..
اعمامات امسطره واتصيح آمين
تلغف بالخمس..
والناس تشبع جور
او سلطه تنبطح للجار اومنه
تاخذ الشور؟
اومجلس نواب الشعب..
كل شغله ضد الشعب
وافلوس الوطن ينهب نهب
والآف اموظفه بالإسم وهميه ..
والهه النفط !كل النفط عيديه
والآف امألفه الراتب الهه اربعه
والسارق دگلي اشيشبعه؟
وريس عصابه اموزره
يوعد شغلته .. صدقه
والأعله منه بس اسم
عنده عـَـلـَم غير العـَـلـَم!!
اومجلس قضاء اومدعي..
شغلاته صارت سمسره
يا شعب والله (طرطره)-
مشبعت من هذا الجور؟
عيشة فگر وابلا نور؟؟
عيشه امصخمه .. بيهه اتدور
بيهه اندور!!
-------------------------------------
25/حزيران/2020
ســــــــــــــــــتوكهولم