المحرر موضوع: بـغـداد يا لحن الغـزل  (زيارة 97 مرات)

0 الأعضاء و 2 ضيوف يشاهدون هذا الموضوع.

غير متصل ميسون نعيم الرومي

  • عضو فعال جدا
  • ***
  • مشاركة: 662
    • مشاهدة الملف الشخصي
    • البريد الالكتروني
بـغـداد يا لحن الغـزل
« في: 20:44 03/09/2020 »


بـغـداد يا لحن الغـزل


ميسون نعيم الرومي

بغداد .. يا لحن الغزل
شمس اوگمر ضي العين
نجمات بخدودي ضوت
اسمچ احروفه اوتدرين
لو صاحوا اسمچ بغداد
تزهر اضلوعي ارياحين
***
دجله عذب كلش عذب
طعمه الرطب ويه التين
افيش الربيع ابديرتي
قداح اليعط والياسمين
درت الغرب درت الشرق
بالگلب انتي اتعيشين
***
صوت النخل غنوة طرب
خضر ابروحي ابساتين
شريان مظفور ابسعفته
والگلب يركض ليوين
خضراوي برحي او گنطار
ياقوت مرجان ابلاتين
***
بغداد .. يا حب الأزل
نقش انوشم عَ اللجبين
شكتب شگولن ؟ بغداد..
اشعار تكفي ادواوين
اسمچ عله ابعالي السمه
بنت الرشيد التزهين
***
تتقاسم الخبزه اويه الجار
اهلچ كرام او حلويـن
لو مر غريب او محتاج
مو بس هله .. هلاوين
كلـَّه الدلال ايلوگ الچ
تتبغدد اهلچ .. تزهين
***
انتي العلم انتي الفن
القبله .. فدوه اتصيرين
بـغـداد طولچ فرديه
ايدچ التِعـْلـَه الإيدين
***
نثري الشعر..عـَـلـّي الراس
بغداد .. ابد متنخين
لا لا .. ابد متضيعين
متضيعين
-------------------------------
2/تشرين الأول/2020
ســـــــــــــــــتوكهولم